Se: *tiempo** se: okichpil kinemilih mote:molis siwa:tsi:n. Pos nehjó:n n' okichpil kiahsik siwa:tsi:n, kahsik n' siwa:t ihkó:n *al año** pe:wkeh kimpiah pi:piltsitsi:n, kimpia kone:meh ya. *Pues todavía** kichi:waya *lucha** ok, de ihsiwka:yo:t kintekipanowa:ya ok, se:, o:me, e:yi, ihkó:n kinimiakiltih. De kitak miakkeh ya ke:mah kintatsiwilih ya, kintatsiwilia:ya. Entó:s mokwi:li:tih ya se: *vicio de, de, de, de** ta:wa:nas. Nemis sah wa:n kintatsiwilih ya ipiliwan. Wa:n *mientras más** kintatsiwilia, no: kachi mochi:wa. *De mala suerte** siwa:tsi:n, achi:chika kimpia pilimeh. Entó:s kita ke seki wehwei ya, seki pos moskaltihtokeh ok, sepa ehkoti oksé: wa:n yeh a:mo kineki tekitis ok. Tatsiwi. Wa:n no: nemisneki a sah, pos kitstok a:mo kintaahxitilia ok. *Después** kinemilih, kihtowa, "Pos, *mejor** nikinka:wte:wati. Nia:ti seko". Pero komo yowi itech oksé: *pueblo** i:pa kite:ilwili:s isiwa:w wa:n kiki:tski:skeh tekiwa:nih wa:n kiwa:ltokaskeh wa:n mah *kinservi:ro** ipiliwa:n. Wa:n monemilih, "Mejor** a:mo. Mah ompa kinita ya inina:n. *Mejor** nimomikti:ti. Kachi kwali para a:mo nikintekipano:s ok *porque** telmiakeh ya wa:n siwa:tsi:n pos no:, no: tekiti a, no: tapale:wia ya. Pero pos a:mo se: ..., a:mo weli ok porin *tanto** pilimeh. Se: tein tsikitsi:n a:mo kimaka *lugar** para teki... tekitis no:. Pos tsikitsi:n pilkatiw wa:n *una vez** miakeh ya pos a:mo kahxitilia ok toni kikwa:s. Wa:n ta:katsi:n no: tatsiwi pos a:mo, a:mo kineki tekitis ok. "*Mejor**", kihtowa, "nimomikti:ti. Wa:n mah kintekipano ya siwa:t, ke:meh *Dios** kipale:wi:s". Kinemilih *mejor** ya:s itech se: a:tawit, se: a:t we:i. Entó:s yo:n kinemilih ya:s ompa, wa:n mopanketsato itech se:, se: a:xoxowi:l we:i. We:i se: *poza. "Hasta** nika:n sah", kihtowa, "para neh a:mo nikintekipano:s ok yo:n pilimeh *porque** telmiakeh wa:n ye:ktakwah. *Mejor** a:mo. *Hasta** nika:n sah". Pos *de tanto flojo** moketsa *cerca de** na:l..., nehjó:n a:xoxowi:l wa:n mopantamo:ta. Mopankahka:w. Pero yeh kimattoya ke miktahsi *porque** a:ihtik kalakito. Pero *de mala suerte**, a:mo, a:mo a:ihtik wetsito sano ke komo:nito ta:lwa:kpan. Paniá:n ke:meh i:n ihkó:n, wetsito *pero de flojo** neli, *de tonto** mopankahka:w. "*Híjole**", kihtowa, "pero ox ne: nimikik a kit", kihtowa. "Ox ne: nimikik a". Ihkón kichi:wa tahtahnekwi no:. Ox kitila:na a:t tein kiitak ke pano:tiki:s, itech wetsito. Pero a:mo. Pos a:mo mikik, wa:ltamattok. *Bueno** ke:mah mo..., ihkó:n i:xnemi, pero paniá:n, ta:lwa:kpan. Se: *ratitito** kiita wi:tsa se:, wi:tsa se: pili. *De una vez** kilwia, "Tatsiw", kilwia, "¿toni tikchi:wa nika:n?" "A:mo tei", kilwia, "niwa:lah sah". "Eh", kilwia. Pos mokepako yo:n pili wa:n sepa yahki para ne:. Entó:s ki..., te:ilwi:to ke wa:lah se: tatsi:w, itech yo:n, ne: ka:mpa yetokeh yo:n pi:piltsitsi:n. Entó:s kwa:l..., kiwa:lnawatihkeh ya ne: ta:lo:ka:n na:natsi:n wa:n ta:lo:kan ta:tah, kwa:lnawatihkeh ke mah kwikih, kwi:kaka:n. Wa:lahkeh o:men ya. "Tatsi:w", kilwia, "¿ton 'chi:wa?" Kilwia, "A:mo tei". "Ne:chilwia", kilia, "ne:n na:nah ke tiowih. Mitsno:tsa". "¿Eh, ka:ni?" Kilia, "I:n nika:n". Ompa ki:sato. Yahki kiwi:kakeh. Ompa ahsito. Ihkó:n tokotsietok. Nokta tisi se: *sapo**. *Por eso** n' *sapo** nochipa nemi ihkó:n kichi:wtinemi *porque** ne: ta:lo:ka:n ompa yeh tisi. Kilia, kilwia, na:nahtsi:n, ne:n ta:lo:ka:n na:nah, "¡'Motali nokone:w", kilwia, "ximota:li! ¡'Makaka:n ikpal", kilwia, "nam...., namokni:w!" Entó:s *carrera** kititilatsatoh se: *armadillo** wa:n kimakakeh mah itech mota:li, ta:lo:ka:n *ban... banquitos**, yo:n *armadillo**. Entó:s kititilatsatoh ika ikwitapil yo:n *armadillo** wa:n kimakakeh yo:n tatsiw mah mota:li. Entó:s yeh mota:lih ihkó:n itech yo:n *armadillo**. "¿Titakwa:s nokone:w?" kilia ne:n ta:lo:ka:n nanah. Kilia, ¿"titakwa:s nokone:w?" "A:it", kilia, "a:chá: nikwa:s". "¡Xiktamaka", kilia, "i:n nokone:w!" kilia. Entó:s wa:lte:ntsikwi:ni se:, "¡'Tamaka", kilia, "yo:n tatsiw! ¡Tamaka", kilia, "yo:n tatsiw, mah takwa!" Wa:n *sapo** yeh tisi. Yeh a:mo, a:mo, a:mo 'kaxa:nia pos ta: tiskeh. *Después** te:n..., tamitakwah. Nehjó:n pi:piltsitsi:n pe:wkeh kikwah seki witsti. "¡'Wa:ntika:n", kilia, "namokni:w", kilia, "yo:n witsti, mah no: kikwa!" Entó:s no:, no: kiwa:lmakakeh seki a. Pero yo:n witstamanal, yo:n tatsiw yeh, sayoh kiki:xtilia iwitsyo wa:n iwki kikwa ya ke:meh nika:n tehwa:n tikwa witsti. Kimanah wa:n tikwah ya. Entó:s yo:n pi:piltsitsi:n, a:mo kiwelitiliah yo:n tatsiw. "*Mamá**", kilwiah, "¡'kita", kilia, "ne:, ne: tikilia mokone:w", kilia, "ne: tatsiw, kikwa", kilia, "ne: witsti ika nochi n' ie:wayo". "¡'Ka:waka:n", kilia, "nopili", kilia, xka:waka:n ta: kwelilia". *Entonces**, yo:n tatsiw yeh kikwa witsti pero, pero yo:n pi:piltsitsi:n yehwa:n a:mo kikwah yo:n witsti sanoke yehwa:n kikwa sayoh yo:n iteyo, iyo:lo sah witsti. Witsyo:lo:t, yehwa sah kitatapatsah wa:n kikwih wa:n kikwah. Wa:n yo:n tatsiw yeh kikwah. Sayoh kipanwitsyohki:xtia wa:n kikwa. "Ma:n", kilia, "pero ne:, ne: tatsiw", kilia, "kikwa", kilia, "ika nochi witse:wat". "¡'Ka:waka:n!, kilia, "nopili, ta: pos kikwa:sneki". "*Bueno**" Kilia, "¿Ke:[yeh] nokone:w", kilia, "tiwa:lah?" Kilia, "Ta: nimolwia", kilia, "mah name:chkalpano:ki". Wa:lte:ntsikwi:ni se: yo:n pili, "A:mo má:n", kilia, "ta: i:n tatsiw", kilia, "i:n kintatsiwilih ipiliwa:n. Wa:n i:n kimattok", kilia, "momikti:ki a", kilwia, "wa:n nika:n te:chahsiko sah". "¡'Ka:waka:n", kilia, "nopili! ¡'Ka:waka:n!" *Bueno, entonces** iwa:n yetok a yo:n pi:piltsitsi:n. *Poco rato** ehko se:, se: *recado**. Ehkok yo:n *recado**, kika:wako se: ke kinino:tsa yo:n pi:piltsitsi:n ne: seko. *Entonces** kilia, "Pos *órale**. "¡Tapo:ka:n!" kilia, "ne:n, ne:pa", kilia, "tein ika tia:skeh". Entó:s kitapowah se:, se:, se: *como, como cueva**. Kitapohkeh tepitsi:n mixtsi:n wa:n pe:wkeh motahtapatiliah ya. Wa:n ne:pa kitapohkeh tepitsi:n ehekat, pero tepitsi:n. Tap..., kitapohkeh tepitsi:n ehekat wa:n nika:n tepitsi:n mixti. Wa:n ke:mah tamixte:mik a panki:sak a wa:n motahtapatilihkeh yo:n pi:piltsitsi:n wa:n ke:mah ki:skeh ya. Yahkeh ya. Kiwi:kah kiowit ne: ka:ni kinino:tsah. Tanawatihkeh, wa:le:w de ompa ilwikak. Ke:mah kiowi a wa:n tatikwi:ni pero tepitsi:n sah. Wa:n yo:n tatsi:w kika:wilihte:wkeh se: *puñito de** et wa:n se: *puñito de** tao:l mah nexketsa. Wa:n mah emo:lmana wa:n kika:wte:wkeh. "I:n", kilia, "tiknexketsas para titakwa:skeh. Wa:n i:n", kilia, "tikmanas", kilia, "para tikpalo:skeh etsi:n". Kilia, "*Bueno**". Pero yo:n tatsiw kimakakeh se: ko:mit telwe:i wa:n para nexko:mit no: wa:n pos tepitsitsi:n sah yo:n *semilla** kimakakeh etsi:n wa:n tao:ltsi:ni, semi tepitsitsi:n sah. Entó:s kinemilih kikwiti:w se: *tanto** ok *porque** i:n ke:skitsi:n kihtowa, "Pos a:mo ne:chwa:ntiskeh neh. Pos i:n tao:ltsi:ni tein *tanto** i:n ne:chmakakeh pos i:n a:mo ne:chahsis neh. Yehwa:n sah takwa:skeh wa:n neh mah nikini:xistos sah". "A:mo", kilia, "pos no: ne:ch..., no: *ne:chtoca:ro:s**, no: ne:chwa:ntiskeh pos ta: nehwa nikinexkechi:ti". Wa:n *sapo** yeh tamitisik wa:n yeh yahki. Pero pos yehwa tisis. ¿Pero toni? Yo:n tatsiw, kikwito se: achi ok n' etsi:n wa:n kipante:ma ok itech *cada, cada traste, cada** ko:mit. Nexko:mit pexo:nik de tao:l. Miak. Tsahtsaya..., tsaya:n ko:mit. Wa:n et no: miak mochi:wak, pexo:n ko:mit wa:n tapa:nik n' ko:mit pos ta: miakiak. *Por eso** ne: kimattoyah ya ton *tanto** kimakaskeh para oksis sah. Pero yeh motamo:ti..., yeh mokwi:li ok seki. "*Hijo, mala**", kihtowa, "tein *ne:chpasa:rowa**. Wa:n i:n i:pa ne:chahwatehkoh. Ne:chahwatehkoh", kihtowa, "wa:n i:pa ne:chkwetaxwiskeh, ¿pos toni? A:mo onkak oksé: wa:n nikchi:wak a i:ni. Wa:n tao:l sentakwik ompa ne: ka:mpa yetokeh. Wa:n sepa n' et miak, pi:xowtok. *Híjole** kit", kihtowa, "*mejor** no: niow. Nikitak ne:pa ka:ni kiki:xtihkeh tilmah wa:n nikitak ka:ni ne:n ki..., ki..., ke:ní:w kichi:wkeh para, para yahkeh. No: neh", kihtowa, "no: nia:ti, *¡Que cosa!". *Entonces**, no: kitapowa kit seki mixti. Pero miak kitapoh, miak mixti. Wa:n kitapoh miak ehekat. Wa:n ke:mah kwa:lkwito ya seki tilmah mota:lilih pero tein *más** chika:wak. Wa:n motahta:lilih no:, mo... mo... motahta:lilih ke:namih mochihchihchi:wkeh ne: seki:n. Wa:n ki:ste:wa no:. Pero yeh ke:meh, a:mo kipia chika:walis. Yowi, pero ke eliwis motamo:ttinemi ka:mpa ya tikwi:nito. Ihkó:n ka:mpa wetsiti, pero tatatsi:ni. Entonces, n..., ne:n yo:n angeli:tos, yo:n pi:piltsitsi:n, mota:liah ihkó:n. Kihtowah, "¿Pero toni mochi:wa ne:pa? *Si acaso** ne:pa te:chil..., ne:pa te:chilwihkeh, ta: te:chilwihkeh nika:n. Pero ne:pa xkita sah mochi:wtok te:tsa:wit, *Entonces**, kihtowa se:, "¡*A ver** xkitati kilwia toni mochi:wtok!" Entó:s mokepa se:, se: n' okichpiltsi:n wa:n tachiato. "*Híjole**", kilia, "pero tein mochi:wak". "¿Toni", kilia, "mochi:wak?" "Pos yo:n tatsiw", kilia, "sentakwi:ltih tao:l, sentakwi:ltih et, wa:n a:mo yetok". Ah, pos yehwa", kilia, "ne:, yehwa", kilia, "ne: motamo:ttinemi". "¡*A ver**", kilia, "tiowih tikitatih!" Wa:n ke:mah kitokatinemih ya. Tapeta:ni wa:n tatatsi:ni wa:n yeh no: cho:cholowa. Pos ta: tatsiw. "¡*Híjole**, pos kit", kilia, "wa:n toni mochi:w?" "Pero mochi:wtok se: *mal** kit", kilia, "ompa ne:". Wa:n kitokatinemih, pero se: *semejante ventarrón**, se: te:tsa:wit mochi:wak, kiowa:ehehkat. Wa:n senmixko:ntatayowa:ya:ntiak pos miak mixti kiki:xtih. *Bueno**, kikits..., kitokatinemih, kiki:tskihkeh. *Híjole**, pos ke:mah pe:wkeh ya kitatsakwi:ltiah, kiti:titilatsah *Por eso hay a veces, cuando** pe:wati kiowit pe:wa tamixiowa. Wa:n tikakis yo:n pané: ihkoyoka yo:n to..., yo:n toni. Teisá: tahkoyoka ahko. Niman kihtowah kiwi:wiwilatsah ya n' tatsiw. Kiki:tskihkeh ya. Porque tahkoyoka wa:n kiowiti. Pos yehwa yo:n tatsi:w kiki:tskihkeh wa:n pe:wkeh kiti:titilatsah ya. Wa:n sepa kwa:lkwikeh wa:n kahxiti:toh ompa ne:, para kika:wato tilmah tein mota:lilihka. *Entonces** ki:sato ompa ne: wa:n kilwihkeh, "¿Pero ke:yeh tatsiw teh timota:lilih i:n tilmah?" "Pos nikita kit kilia nayahkeh wa:n neh nimoka:w nose:lti." "¿Wa:n ke:yeh tikchi:wa", kikilia, "ke:meh i:ni i:n *semilla**, wa:n a:mo tikchi:waskia?" "Eski", kilia, "nikwik ke:ski ok wa:n nikihtoh", kilia, "para no: nane:chwa:ntiskeh pos nimokwi:lih seki ok." "Pero a:mo t'chi:waskia", kilia, "pero ta: timitsmakate:wkeh ton *tanto**", kilia, "tikmanas." Entó:s wi:tsa ya ta:lo:ka:n na:nah. "'Ka:waka:n", kilia, "nopili. Ka:n tamati", kilwia. "Ka:n kimati toni kichi:wtok. ¡'Ka:waka:n, tapohpolwi:ka:n!" Kilia, "Pos *bueno**". Iwki kika:wkeh. Wa:lah ya ta:lo:ka:n ta:tah wa:n kilwia,"¡'Kita nokone:w!" kilia, "i:n mokni:wa:n", kilia, "mitsilwiah titatsiw. ¿Wa:n neli", kilia, "tikinowihitak mo..., mopi:litsitsi:n?" "A:mo pa:h", kilia, "ka:n teh nikinowihita ta: niwa:lah", kilia, "name:chkalpano:ko sah". "Pos ke:yeh", kilia, "pero tiwa:lah ta: nika:n a:mo ke:man tiwi:tsa". "Ke:mah", kilia, "pero name:chelna:mik". "Pos kwali yetok", kilia. "Pero komohkó:n neli", kilia, "titatsiwik, sayoh ika yo:ni mopiliwa:n a:mo tikintekipano:s. ¡A:mo xitatsiw nokone:w", kilia, "nimitsmakati", kilia, "se: teisá: para ika tikintekipano:s! ¡Pero a:mo xitatsiw, wa:n x'chi:wa! ¡Nimitsmakati", kilia, "i:n tet, meh x'wi:ka! Wa:n i:n e:yi, e:yi tet", kilia, "tikwi:kati wa:n *cada** se: tet", kilia, "tikchi:wili:ti se: *horno**. Se: *horno**", kilia, "we:i x'chi:wa wa:n ompa x'ta:li tatahko kilia i:n tet". Wa:n x'tamili:ntili", kilwia. "Wa:n x'tatili kwawit. Tepitsi:n", kilia, "tepitsi:n kwowit", kilia, 'tatili:s wa:n e:yi, e:yi *horno**", kilia, "mah yeto". Se: ne:pa, wa:n se: nika:n, oksé ne:, ¡wa:n x'tatokili tepitsi:n!", kilwia. "Wa:n ika i:n", kilia, "tikintekipano:s", kilia, "mopiliwa:n. Wa:n mitskowili:skeh", kilia, "n' okseki nopiliwa:n", kilia, "mitskowili:skeh", kilia, "tein ompa tikimakasnekis". "Aha", kilwia. "*Bueno", pero tikchi:was". Kilia, "Ke:mah". "Ke:mah", kilwia, "¡a:mo xitatsiw! A:mo x'tatsiwili. ¡X'chi:wa n' *horno** wa:n a:ksá: mah mitspale:wi wa:n tietos kwali!" Kilia, "Pos *bueno**". "¡'Kahkoka:watih!, kilia, "namokni:w ka:mpa ika wa:lah!" Entó:s yo:n o:me pi:piltsitsi:n mopilohkeh ni:nipaka wa:n wa:le:wkeh, pos kipano:ltihkeh itech yo:n a:t. Ihwa:k sepa wa:ltamatik yo:n tatsiw, a:te:nte:noh ihkak nono, panitstok nono itech yo:n *poza**. Ompa panitstok. Wa:n yo:n pi:piltsitsi:n yehwa:n sepa yahkeh ompa ne:, wa:n yo:n tatsiw wa:lah wa:n kwa:lkwik a yo:n tet. E:yi tet kimamakeh. Entó:s kichi:wak, kilwihkeh ke mah kichi:wa yo:n *horno**. Pos kichi:wak. Pero *cada horno**, kita:lih yo:n tet ompa wa:n tepitsi:n sah kitamili:ntih ni:nipaka nochi wa:n *para, para siete días** pexo:nik, pero miak, miak tenex. Miak tenex mochi:wak. Pero yo:n *horno** tsoyetok de tenex. Wa:n ke:mah pe:wak te:ilwia ya, "¿A:koni kineki tenex para mocha:nti:s?" Oh, pos kimattkeh ya kihtowah ke, "Ah, pos ne:pa monamaka tenex. ¡Tiowih tikwitih!" Pos no: tatio:chi:walis *de n', de n' ta:lo:ka:n na:nah, ta:lo:ka:n ta:tah ompa yeh tatio:chi:wa ya ke yo:n *gente** mah kisaka yo:n teñex, wa:n kikowiliah. Wa:n ke:mah kipia tomi:n ya. Wa:n kintekipanowa ya ipiliwa:n ma:ski telmiakeh. Wa:n a:mo kimachilia ok *porque** pos kipia tanamak. Wa:n ika yo:n moahkokwik yo:n *pobre** tatsiw. Pero pos koma:mo moo:mpankahka:waskia, a:mo kimakaskia. Pero yeh kimachilia:ya ke momikti:ti para a:mo kintekipano:s n' ipiliwa:n, pero *pues** n' Dios, a:mo kochi. Dios kimattok kwali ke:ní:w timotekipano:skeh. Wa:n yeh n' Dios te:chitstok ke:ní:w n' tehwa:n timotatsiwiliah ta:ltikpak. Seki tikiyo:ltokika..., tikiyo:ltokitah topiliwa:n, seki a:mo. A:mo tiknemiliah kox te:kne:ltih se: pili tika:wte:waskeh *sin que** taxkal, *sin que, sin que** takwa:s *sin que** nikpale:wi:s mah moskalti. Pero yehwa yo:n *lástima**, para se: taskaltihkeh kintawe:lka:was ipiliwa:n. *Mejor** mah se: kinte:moli:s ma:ski tepitsi:n *o** ke:meh welitsi:n ika kiltsi:n, ika emo:ltsi:n, *caldito,** pero mah se: kimpano:lti, mah se: kiniskalti, *porque** ompa o:n kite:makah n' *ejemplo, sobre de** yo:n nepale:wil tein kimakakeh nehjó:n tatsiw. Juan de los Santos Dionicio, de San Miguel Tzinacapan