Ne: ke:man ya, yetoya se: ta:kat, neli kipiaya miak tomi:n. Kipiaya miak tomi:n wa:n kipiaya ne:, se: isiwa:pil se:tsi:n wa:n o:me ta:kah kitahtania:yah mah ki..., mah, mah kinimaka yo:n siwa:pil. Wa:n yo:n ta:kat kinekia kihtowa ki..., kimakas se: ta:kat, pero tein ki..., kimatis kitekipano:s, ki..., a:mo kitahyowi:lti:s. *Entonces** se: to:nal kinino:tsak. Kilia, "¡X'wi:kih nokalihtik wa:n name:chchi:wili:tih se: neta:ta:nil wa:n a:kin kita:nis siwa:pil, yehwa kiwi:kas". Neli, ehkok to:nal wa:n yahkeh m..., ompa moahsikeh nochi n' o:men wa:n kinilia ekintsi:n, kilia, "Nantehkotih nika:n tapan wa:n neh nikchi:wati miak tit tatampa, n'ta:li:ti kwowit teh xohxowik, mah popo:ka wa:n teh taxi:kos *hasta** tane:si, a:mo temo:s, yehwa tein ki..., nikmakas nosiwa:pil". Neli o:me:n ta:kah tehkokeh tapan, wa:n mo..., ompa motahta:lihkeh. Ne: ta:kat tein kipia miak tomi:n yeh kichi:waka tit. Mm, pe:wak tapopo:tsa. Ahsik tahkoyowa:n wa:n neli i:xpo:kmikih ya, a:mo taxi:kowah ok. Kihto se:, "Neh kachi kwali nitemo:ti. A:mo nitaxi:kowa. Nampó:n, pues, ximoka:waya iwa:n siwa:pil, neh, neh kachi kwali nitemo:ti *porque** a:mo nitaxi:kowa ika i:n po:kti". Wa:n se: mosenmakak hasta tane:sik, *hasta** tane:sik. Yo:n tane:sik *casi** i:xpohpoliw a, te:mok wa:n kihtowa, kilia ne:n ta:kat tein ki..., kipia miak tomi:n, kilia, "Neh," kilia, "nimota:nilih", kilia, "mosiwa:pil, nitaxi:koh nochi yowal itech nejí:n tipan, nii:xpo:kmi'ik wa:n a:mo nitemo:k. Ompa tikitas ke neh neli *más** nitaxi:kowa. *Entonces** ekintsi:n xine:chmaka ya swa:pil". Kilia, kilia, "A:mo", kilia. "Teh a:mo nimitsmakas, nikmakati ne: tein achto temo:k tein a:mo sikera ahsik tahkoyowa:n wa:n temo:k. Ne: ta:kat yehwa omp..., kii:xne:xtih ke yeh *cuando** kimachilihtos tahyowia. A:mo ompa yetos, ya:s wa:n kitemo:ti:w teisá: para kiwa:lkili:s noswa:pil para mah takwa, mah teisá: ki..., a:mo teh kipolo. Wa:n teh", kilia, "tikmachilihtos", kilia, "timiki a. Wa:n a:mo timahchi:was. Ompa tietos ti..., titahyowihtos wa:n a:mo tei tikte:moli:ti:w nosiwa:pil, sayoh tiktahyowi:lti:s. Entó:s okachi kwali nikmakati ne: ta:kat ten a:mo taxi:koh, ten niman temo:k", kilia. "Yeh ke:mah kitekipano:s", kilia. Wa:n ihkó:n oksé: sayoh motahyowi:ltih wa:n a:mo teh kita:nik siwa:pil, kita:nik ne: ten achi..., achto niman temo:k. Yehwa i:n kihto:sneki *de que**, a:mo ten noksé: tatsiw eski kihtowah, tatsiw *porque** teh titahyowihtos wa:n a:mo tikte:mos ton tikmahse:was. Wa:n oksé: ke:mah, oksé: yeh kite:mo:ti:w toni kimahse:was. Wa:n a:mo kitahyowi:lti:s siwa:pil". Yehwa i:n mahyá: se: tai:xeheko:lis tein te:chmakah ke *cuando** se: tatsiw mosenmaka mah tahyowi, mm, ke:meh i:n ten mosenmakak mah tahyowi *hasta** mah tane:si, *con tal de que** kinekiskia mah kimakaka:n siwa:pil, pero yehwa a:mo kimakakeh, kimakakeh oksé:. Yehwa yo:n sayoh nehjí:n *pues**, ne:n sa:ni:l ten name:chtapowih. Mm. ¿Ke:ní:w timono:tsa? Mm, nehwa nimono:tsa José Francisco Amador. Mm. ¿Ka:nachi *año** tikpia, tikmastok? Ekintsi:n nikpia o:mepowal wa:n chikwase:n, ke:mah. ¿ka:no:n ticha:nchi:wa? Nika:n Cuahutapanaloyan. Pero ka:mpa neh me:ro ni..., nim... nimoahsi mono:tsa Tenexteta, mm.