No: nikmattok se:, a:mo ne: *leyenda** neli *te:chpasa:rohka** iwa:n ne: noseñor, tipi:pil katkah ok, iwa:n *noesposoh**. Entó:s ne: tiohtokatoyah itech se: *carretera**, entó:s ompa yo:n, ke:meh se: *las ocho** de yowak, pero yo:n *carretera salida** a:mo akah nemi. Entó:s ompa yo:n tikitakeh se:, mahyá: se: *señor** tokotsyetok ihkó:n oh..., *carrereta** ihkó:n, tanakastan de *carretera**. Ompa tokotsyetok pero n´ itsontekon ne: ihkó:n pi:ntohtik, wa:n tokotsyetok. Entó:s ne: iwki tiwi:tseh, tiwi:tseh wehka *vueltas** tipano:tiwi:tseh ke:meh se:, xa: ke:meh se: *veinte vueltas**. Ne: ihkó:n ti..., ti..., *vueltas, vueltas**, *después** itech se: *puente**, tipano:keh a, tikpanowihkeh a *puente**, a:nal tiwi:tseh. Entó:s nikilia ne: *noseñor**, nikilia, "Ne: wi:tsa a:it a:koni", nikilia, "mowa:ltalowa". "¡Mah timotalo:ka:n," nikilia, "*porque** ne: te:chki:tski:ti xa: ma:loh!" Entó:s ihkó:n timotalowah wa:n de timotalowah no: te:chtokatiw. Te:chtokatiw pero ihkó:n we:i, te:chtokatiw. Entó:s ne: *más** timotalowah, pero ne: ihki te:chtokatiw. Ihkó:n ne:w..., n' ima:wa:n we:weyak, ihkó:n, wa:n wehwehkapan. Wa:n ihkó:n te:chki:tskihtoya ke:meh nika:n timotaloh, ke:meh ne: timotalohtokeh ke:meh nika:n yawtok. Yowak, yowak a yo:ni. Entó:s ne: tiki:n..., ihkó:n, tiki:n.... Neh nikilia *noseñor**, nikilia, " *Más**,wi:tsa," nikilia, "ne: tak eski," nikilia", ma:saka," nikilia. Mah se: kichi:wa *oración**," nikilia, "wa:n mah se: kinte:ne:wa *santitos**." Entó:s neli tikinte:ne:wah *santitos**, neh nochi miak *santitos** nikinte:ne:w wa:n nikchi:w *oración**. Entó:s itech se: *vuelta** ihkó:n yetok se: kali ihkó:n *cerca a**, de yo:n *vuelta** ne:paka yetok se: kali. Entó:s ompa timotalowah *carrera**. Ompa ya mokepak, te:chna:lka:wato. Pero kwali te:chmohmowtih, mm. Ke:mah. Wa:n sepa se: no: n´mattok yo:n, de yo:n, d'yo:n kiliah *duende**, ke:ní:w mono:tsa, ehe. Yo:n, yo:n xo:ta, ata pata:ni. Yeha yo:n, ne:, ne: titaka:watoh kahfe:n pero ne: yekin tapoya:wi. Entó:s tiknamakatoh seki kahfe:n. O:n ke:mah ne:, nikilia ne: *noseñor**, nikilia, "Ne: wi:tsah," nikilia, "a:it a:koni ta:wihtiwi:ts ika *lámpara**. Kihtowa ke:mah, kitowa, "T'na:mikitih n' a:koni. Ke:mah ne:, ne: iwki tiowih, tiowih itech n' ohti". Wa:n ke:mah ke:meh *cerca** tikna:mikitih ya ke:meh ne:, na:lkalak *alambrado**. Wa:n na:lkalak *alambrado**, ihkó:n pata:nia, kwi:kwi:nchi:n, no:, no: kipia n' *ipantalón**, *isombrero** kwi:kwi:ntsi:n. Ihkó:n pata:nia, chi:chikitsi:n, achi i:ntsi:n . Entó:s nikilia ne: *noseñor**, nikilia, "Ne: a:mo neli tokni:w," nikilia, "ta: ne: eski ma:saka. Ihkó:n pata:ntiw wa:n no: kipia n' *isombrero**. No: tsi:tsikitsi:n, kwi:ntsi:n. Wa:n ihkó:n yahki *potrero**. Pata:ntiah *hasta** itech se: kali ne: ihkó:n. Poliwito. Yeha sah, a:mo *más** ok. Mm, no: te:chmohmowtih, mm. ¿Wa:n kwa:k se: moma:mohtia nika:n, xonkah se: ika ke:tla mitspahtia? Ke:mah ne: se: mopahtia ika ne: nemowtil. Wa:n ke:no:n mochi:wa, kwa:k se:, ke:tla, diki o:timomahmowtih. ¿Ke:no:n mitspahtia? Mm, sen..., se: te:pahtia de yo:n weli te:pahtia para *susto**. ¿Wa:n ke:non:n kichi:wah? Te:ta:liliah *pelotillas**. Wa:n te:te:mpachowah ihkó:n. Wa:n te:no:tsa tein yo:n wel tano:tsa. Yeha sah. ¿Wa:n ke:no:n moto:ka:, ke:no:n timono:tsa? María Antonia López Xilot Mm, ¿de ka:no:n? Cuauhtamazaco.