A: pos, a:ken nika:kwí:n sepa timona:mikih, nikneki nimitstahtani:s ox tiki:xmattok yo:n kiliah wi:..., wi:tsikite:mpi:l oso ke:ní:w nankito:ka:itiah, wi:tsikite:mpi:l oso wi:tsikixiwit, wi:tsikixo:chit, ke:ní:w, miak taman ito:ka:y yo:n, *o** para toni *serbi:rowa**, ox wehkapan moskaltia *o** ka:ni onkak, ka:ni mochi:wa. A:, no: tikneki tikmatis nika:n ti..., timahsih. Yetok se: *mata**. Ke:mah, yehwa yo:n nimitstahtani:skeh ka..., ox tiki:xmattok no:. Pos no: kwali a ke nika:n timo..., [timo]tahtaniah no:, no: niki:xmati wa:n no: nikitstinemi ne:wí:n yo:n wi:tsikite:mpi:l tikiliah *o** wi:tsikixo:chit. Yo:n no: tik..., ne:wí:n no: tikitah wa:n tik..., [tik]tekih. no: kwaltia ne: para, para pahti. Ke:mah no: tiktekih no: ke:masá: wa:n tikwitih *o** seki tokni:wa:n no: ki..., kite:mowah, yo:n no: kwali. Kiliah wi:tsikite:mpi:l pero neh niki:xmattok sayoh se:, se: taman, se: taman, Mm. Se: tamann sah. Ke:mah. yo:n no: ki..., kikwitih para yo:n kone:meh kinkwi ne:n tataxis, [o]pochehkat kihtowah. Wa:n kinyo:lpanta:liliah, niman ika refini:toh kima:xakwalowah Ke:mah. wa:n inkechkochi:ka:n. Wa:n yo:n a:mo .... Seki ika kina:ltiah kit wa:n kintai:ltiah tsikitsi:n. Pero a:mo nikmati neh kox miak nijó:n wi:tsikite:mpi:l kiliah. Yo:n kiliah wi:tsikite:mpi:l *porque** ki..., 'pa:pata:nkawia yo:n wi:tsiki pero a:mo se: kimati ke:ní:w. Ne:si nijó:n, yehwa ihkó:n kiliah. Ke:mah. Nijó:n wi:tsikite:mpi:l chi:chi:ltik wa:n pos no: kwaltsi:n imetskowyo Ti:ltik wa:n no: seki wehkapania. Ke:mah seki. Mm. Seki wehkapania nijó:n wi:tsikite:mpi:l, seki no: wehwei mochi:wa. No: kwaltia seki para kowtati:l. Yo:n ke p..., semi takwa:wak ke:meh xa..., ke:meh xa:lxokokowit. Ke:meh xa:lxokokowit wa:n yo:n a:mo, a:mo nikihto:s ne:n witsioh, yo:n kwaltsi:n alaxtik, sioh tihti:ltik ikowyo. Mm. Ke:mah, ahalaxtik. Ke:mah. Soh ixo:chio a:it ke:yeh nijó:n chi:chi:ltik. Achi we:weyak n' i..., n' ixo:chio. We:weyak, we:weyak. Wa:n pos yehwa yo:n se: ki..., se: kimati wa:n kwaltsi:n se: momati:ltia katí:n, ne:n, kwali para se:, para pahti. Yo:n wi:tsikite:mpi:l kihtowah semi kwali. Ke:mah, mah se: motapowi. Ke:mah. Kwali no:, ka:nsaka nik..., *hasta** 'ka:wtokeh. A:mo kite:nxi:mah. Ke:mah. Ka:sá: 'ka:wah neli. Ka:sá: 'ka:wah, Mm. Mm, Mm. A:mo kite:xi:mah yo:n wi:tsikite:mpi:l *porque** kwali para n' kone:meh oso *hasta** se: yehwa ika nijó:n refini:toh kita:liliah wa:n te:..., [te:]yo:lpanta:liliah. Yo:lpan se: kich..., kichihxi:ka. A:mo, xa: t'mattos, ne:n, tehwa xa: kachi tik..., tikmattos ka:ni .... ¿No: tikita? Pos no: iwki sah niki:x..., no: niki:xmati yo:n wi:tsikite:mpi:l kiliah oso wi:tsikixiwit. Yo:n a:mo wehkapantia neli, ta:lpan sah mochi:wa. Pero kipahtia miak taman pahti, miak taman kikwih yehwa yo:n xiwtsí:n, soh mah se: kimatili. No: kipahtia para tataxis. Ne: ki..., kikante:kah m' pili ika ... tsikitsi:n wa:n seki ki..., kima:xakwalowah ka..., ki ..., *o** kipan..., kipante:mah itech refi:noh, kia:pachowah ika refi:noh wa:n ika ki..., ika ki..., kikwa:te:te:kiliah, yo:li:ka:n nochi iyo:lpan kite:kiliah, isahsa:liwya:n kite:kiliah wa:n ke:mah kitetekwinowah ika, ika a:yat *o** tilmahtsí:n wa:n, wa:n 'kochte:kah wa:n kelka:wa yo:n tataxis *o** toto:nik, nochi kipahtia i:n wi:tsikixiwit. Ke:mah wa:n, wa:n nejó:n no: kwaltia para ..., ka:mpa i:n se: motsonteki kiketsa n' esti. Komohkó:n se: mokokoh ika n' *machete** wa:n onkak yo:n wi:tsikixiwit, se: 'kwiti wa:n se: kima:xakwalowa, se: kipa:tskili. I:n, i:n pahti ke:meh ne:, ke:meh yo:n tikiliah, ne:, tsi:nich. Se: kima:xakwalowa wa:n se: kipa:tskilia ka:mpa se: moteki wa:n, nejó:n, te..., te..., tamati:ya, a:mo tamati:ya pero esti kiketsa, a:mo, a:mo eski:sa ok. Kitsakwilia, pero n' esti. Kitsakwilia, a:mo, a:mo chichi:k, a:mo eski:sa ok. Kitsakwilia, a:mo eski:sa ok, no: kwali kitsakwilia n' esti, a:mo eski:sa. Ke:mah, yehwa yo:n kwali pahti para se:, [ke:]meh i:n se: moteki. Kwali semi yo:n pahti wa:n, Ke:mah. pos neh no: nite:kakilia:ni, kwaltiah, no:, no: kwaltia ka:mpa yo:n te:ixka ne:n chokoy, kit no: kima:xakwalowah. No: kwaltia. Mm. Mm. Wa:n no: kit se: mota:lilia kit se:, se: mota:lilia nejó:n se: ima:ko ka:mpa te:ixka wa:n se: moli:s ye:k ... no: kwali. No: kwaltia. No: kwali wa:n ne:si ika no:, ne:si no: n'te:kilia:ni wa:n nikitaya, yehwa pos yo:n kita:liliah, ne:n, tsikitsi:n kima:pa:tskah ka:mpa se: moteki wa:n ki..., pos kitsakwilia n' esti. 'Tsakwilia. Kitsakwilia. Mm. Nijó:n xiwtsí:n, yo:n kowtsí:n ne: semi tel, tel kwali para se:, se: mopahtia. I..., i:n se: n' ka:nsika 'ka:wtokeh ne: kaltsi:ntan wa:n pos ka:sá: ika *siempre**, nowya:n se: kita onkak. Im..., pahti n' di..., pahti kihtowah. Ke:mah. Ke:mah mo..., mochi:wa wa:n a:mo mone:neki, itsmoli:ni komo se: ki..., Yo:n wi:tsikite:mpi:l, kiliah seki ti..., wi:tsikixiwit tikiliah wa:n seki tikiliah wi:tsikite:mpi:l. Ke:mah. Yo:n komo se: kima:xi:ma, olo:chitsmoli:ni pero a:mo wa:ki ke:meh xo:me:t. Itsmoli:ni, ka:mpa se: kite:nxi:ma pos yehwa yo:n se: 'kwiti a, ne:n, i..., iselo. Iwki yo:n, itsmoli:ni. Ke:mah, se: kikwi a. Iselo wa:n i.... Chi:chi:ltik, ne:n, n' i..., ikwa:pa:yo, ne: ka:mpa e:wi seki e:witika:e:wi ne:n i..., ixo:chio. Mm. Ke:mah, chi:chi:ltik ikechtayo, chi:chi:ltik. Chi:chi:ltik no:. Pero a:mo nikmati neh. A: wa:n iteyo no: tihti:ltik. Tihti:ltik no:. Tihti:ltik n' iteyo. Tihti:ltik wa:n chika:wak, oksi a, tihti:ltik ata. De y..., de yoksi a. Ke:mah. Wa:n tak no:, no: ixwa. Ixwa no: eski. No: ixwa. Ixwa, ke:meh iteyotsí:n, ixwa, Mm, pos ne:wí:n ka:nsika miak, ka:nsika se: kita no:wiyá:n onkak nijó:n ohte:noh, ka:nsika ihkó:n kahkafe:ntah, ka:nsika kaltsi:ntan onkak nijó:n xiwtsitsí:n. Ixwa. I:n no:ya:n mochi:wa xiwtsi:n, no:ya:n mochi:wa n' xiwtsi:n, no:ya:n mochi:wa. Mm, ke:mah. Yo:n miakka:n kitekih. Ke:mah. Kima:xakwalowah, yo:n a:mo, a:mo semi takwa:wak. Yo:n kanah, emaxtsi:n wa:n moloxtik ima:xiwyo no:. Mm. Yemaxtsí:n, mohmoloxtik wa:n ma:kahkana:wak tepitsi:n. Ke:mah. Pos kwaltsi:n no: se: momati:ltia ke:ní:w n' pahti de ke pos ke:masá: a:mo teh kinina:miki kone:meh pos se: ki..., yehwa ya se: kikwiti nijó:n xiwtsí:n. Se: kita:lilia. Se: kinta:lilia wa:n pos yo:n a:mo, sayoh se: 'kwiti sah, a:mo no: se: 'kowa: ok. Ke:mah. Se: 'kwiti sah. Wa:n seki ke:masá: ne: tapahti:lo:ya:n se: ki..., kiwi:ka *o** se: kinwi:ka kone:meh, pos a:mo pahtih. Ka:..., ka:n kwaltia. Semi kinina:miki yo:n xiwtsí:n, *mejor** se: 'kwiti wa:n de se: kimattok, se: momati:ltia yo:n se: kitekiti a. Ke:mah, yehwa. Se: kitekiti a, se: kima:xakwalowa wa:n se: ki..., *o** seki se: kite:ka kihtowah se: kima:xakwalowa wa:n se: kite:ka n' a:tsí:n itech se: teisá:, se: tapalkat para ompa se: kikwi a. Ke:mah. Ke:mah. Wa:n no: pos no: kikante:kah se: kone:t, ke:meh tsikilitsi:n pos yo:n a:mo nikihto:s te:pahwih. Kanah. Yo:n a:mo, yo:n kwaltsi:n nijó:n pahti. Ke:mah, te:pahtia, ke:mah. Pos mah se: motapowi para toni *servi:rowa**, ke:mah. Ke:mah, te:pahtia wa:n, pos, no: kwali a ke:mah se: momati:lti ihkó:n ke:meh i:n tinentinemih pos no: mah se: momati:lti ke:ní:w, katí:n pahti kwali, katí:n a:mo, a:mo kwaltia. Ke:mah. Pos kwali yetok, ake nik..., nikmatik a. Aman x..., n'neki ..., yeh..., pos yehwa yo:n no: nik..., nimitstahtania *o**, ox tiki:xmati ixo:chio ke:ní:w mochi:wa wa:n i..., iteyo ke:niwki wa:n yehwa n'nekia nikmatis no: ox, ox tikita ixo:chio ke:niwki. Pos no: nik..., nikita ne:wi:ni ixo:chio ka:mpa, ne:n, onkak, ne:n, tikehketsa wa:n chi:chi:ltik n' ixo:chio wa:n iteyo ne:n ti:ltik. Ti:ltik. Wa:n no: kikwah ne:n chiktehmeh, chiktehmeh sah no: kikwah, yo:n Kikwah chiktehmeh, ki..., kikwah kwitatohtokmeh, kikwah. kwitatohtokmeh kikwah wa:n yehwa ya n' xo:chitsí:n pos yehwa, ne:n, chiktehtsí:n, ne:n, wi:tsikitsi:n kipipi:na. Yehwa yo:n ki..., Ke:mah, kikwah. Kipipi:na wi:tsikitsi:n *por eso** kiliah wi..., witsikit..., wi:tsikite:mpi:l *porque** ki..., ki..., kipipi:nah wa:n, ne:n, iteyo pos tihti:ltik wa:n kikwah ne:n yo:n kwitatohtokmeh. ke:meh semi kwelitah *porque** .... Ke:mah, kikwa semi. kwa:chi:chi:ltik wa:n .... Kikwah. Sioh seki wehkapania wa:n seki n', *casi** tak koma:mo se: ki..., se: ki..., se: kite:nteki wa:n itsmoli:nia, ne:n, itsmoli:nia. Ke:mah. *Más** ye:kwehkapania seki. Mm. Wehkapania pero chi:chi:ltik n' i..., ixo:chio. Ke:mah. Wa:n nochipa chi:chi:ltik n' ixo:chio wa:n n' iyo:lselo no:, no: tepitsi:n chi:chi:ltik, imahma:tampa wa:n ti:ltik imetskowyo wa:n chi:chi:ltik nochi n' i..., imahma:yo. No: chi:chi:ltik tepitsi:n ka:mpa selik, chi:chi:ltik. Ke:mah, ke:mah, ke:mah. Wa:n ma:momoloxtsitsí:n nochi ima:tampa wa:n ima:i:xko, ima:ko nochi moloxtik. Wa:n moloxtik. Ke:mah, yehwa yo:n no: nikmattok, ne:n, n' iyo:lselo chi:chi:ltik. Ke:mah, yehwa yo:n. Mm. Ke:mah. Pos yehwa sah yo:n nimitstatsi:ntokia wa:n i:n okseki a:mo tikye:kmatih, moneki mah se: motapowi para se: kimatis ke:ní:w ixo:chio. Pos seki a:mo tikitah wa:n ke:kiwki iteyo wa:n para toni kitatekiwtiah. Tasohka:matik ke tine:chilwih. Ke:mah, nijó:n sayoh 'ne:chilwi moto:ka:i wa:n ke..., ka:ni tiwa:le:wak. A:, we:noh pos kwaltsi:n timomati:ltihkeh, ekintsi:n neh nimitsili:ti ton noto:ka:y, nimono:tsa Anastacio Nicolás Damián, niwa:le:w San Miguel Tzinacapan. Pos neh no: niwa:le:wa ne: San Miguel Tzinacapan, nimono:tsa niErnesto Vázquez. A:, we:noh.