*Bueno** Rubén ekintsi:n xte:chnohno:tsa de, ne:n, tein teh tikmatis de ochpa:wa:s. Neh niki:xmattok o:me ta:man ochpa:wa:s. Se: tein yo:n kiliah al..., *este** xo:no:ochapa:wa:s, wa:n se: yo:n kiliah ma:pisi:lochpa:wa:s, wa:n se: tein yo:n kiliah ma:tohmiyohochpa:wa:s, tein yo:n a:mo n'mati ka:n tikwitoh ne:n i..., n' i..., n' i..., yeh kipia n' i..., yeh kipia n' ita:kilo, mahyá: exo:tsitsí:n. Yo:n no: ochpa:wa:s. Pero yeh *más** wehkapan moskaltia. E:yi taman ochpa:wa:s neh niki:xmattok. Niki:xmattok yehwa n' tein kiliah ma:..., ma:tohmiyohochpa:wa:s, yo:n tein moskaltia wehkapan, wa:n kipia n' ix..., n' iex..., n' ita:kilotsi:n mahyá: exo:tsitsi:n. Wa:n i:n ma:pisi:lochpa:wa:s tikihtohtokeh, yeh moskaltia itech, itech ixta:wat, o itech kahfe:ntah. A:mo *más** moskaltia wehkapan. Wehkapan moskaltia *solamente** semi, semi ke:meh, ke:meh o:me, o:me ma:kpal sah, mah tikihto:ka:n o:me tamachi:w. O:me ma:kpal kihto:sneki, o:me kwa:rtah, o:me ma:kpal. Mm. *Hasta** e:yi, *hasta** e:yi ma:kpal wehkapan semi, semi telwehkapan, komo a:mo ompa tami a. Yo:n *solamente** onkak itech, itech ixta:wat *o** itech kahfe:ntah. A:mo ni..., a:mo nikmati, *este**, Xa: nakmattoskeh namehwa:n para toni n' kitetekiwtiah. Neh nikmattok kitatekiwtiah *solamente** sayoh para tachpa:nalis kalihtik. Ne: ke:man to..., towe:ita:twa:n pos semi yehwa semi kitekiti:ltia:yah, a:mo ki:xmatiah ochpa:wa:s ke:meh a:man tehwa:n tikihtowah. Ochpa:wa:s tein tikihtowah tehwa:n t'to:ka:ytiah, *este**, koyo:kopa *escoba**, pero yo:n pos koyo:..., koyo:kopa *porque** kihto:sneki porin koyo:ko monamaka yo:n wa:n koyo:meh kitekiti:ltiah. Pero tehwa:n tima:se:waltsitsí:n timoskaltihkeh wa:n tiki:xmatkeh n' tehwa:n yehwa n' ochpa:wa:s yehwa, ne:n, xo:no:ochpa:wa:s, komo a:mo yehwa yo:n kiliah ma:pisi:lochpa:wa:s. Yehwa yo:n tehwa:n semi t'tatekiwtia:yah. Wa:n no: kwaltia ne: ma:pisi:lochpa:wa:s ke:meh i:n ka:mpa, ka:mpa tikpiah tokalekawiltsi:n de, de mah tikihto:ka:n tehwa:n de yo:n, te..., tapalkat, tapalkat. *Entonces** ka:mpa yo:n kip..., tapalkat, tehwa:n tikilwiah, tehwa:n tiki..., tikiliah tapalkat ma:se:walkopa. Wa:n koyo:..., koyo:kopa kito:ka:ytiah *teja**. Mm. Pero tehwa:n tikiliah tapalkat. Entó:s yo:n kikwih para kichipa:wah. *Cuando** ki..., *cuando** kixiti:niah n' ka:ltsí:n wa:n kipia, ne:n, yehwa yo:n tapalkat nimitsilia neh. Tapalkacha:n ki..., kipia miak, miak pachti mota:lia n' ii:..., n' ii:xko *cuando** pe:wa, *este**, de wehka:wa ya. Wa:n para kichipa:wah, komo a:mo seki po:kyowa, ka:mpa yo:n tehwa:n ka:mpa taxo:taltiah ne: ke:man tehwa:n ti..., timoskaltihkeh a:mo ke:man tiki:xmattkeh, *este**, totiko:n ke:meh a:man koyo:tiko:mit. Tehwa:n timoskaltihkeh tiki:xmatiah tiko:mit, toma:se:waltiko:n. Tiktaxo:..., tikpexo:ntiah ta:ltsí:n wa:n tikalakiah se:, se: ko:nkechtayo:t, se: ko:ntsí:n, wa:n ompa ya n' kita:..., yehwa ya n' tehwa:n tikiliah tiko:mit. *Por eso** kiliah tiko:mit, toma:se:waltiko:n. Entó:s yo:n tiko:mit a:mo kanah kipiaya ka:ni n' ki:sas m' po:kti, se: sepa pos kipia ka:mpa tatapo:tok ki:sa m' po:kti, pero pos *siempre** m' po:kti ta..., momana ya ne:n kalihtik pos te:..., po:kyowa ne:n tapalkat tein nimitsilia neh totapalkacha:n. Po:kyowa, entó:s nochi yehwa yo:n kikwih ika yo:n ochapa:..., yo:n ochapa:s tehwa:n tikihtowah ma:pisi:lochpa:wa:s. Ika kichipa:wah. Mm. Yehwa yo:n, neh yehwa yo:n nikmati para kwaltia, kwaltia para yehwa yo:n kitatekiwtiah para tachpa:nalis kalihtik wa:n para tachipa:waskeh ika yo:n tapalka..., n' totapalkacha:n. A:mo nikmati oksé: tatsi:ntokalis, xa: tiknekis mah .... Ne: n' xo:no:ochpa:wa:s, ¿yeh para ton kwaltia? Pos xo:no:ochpa:wa:s tehwa:n no: t'tatekiwtia:yah, para yehwa nimitsilia neh no: para ne: nik..., ni..., [ni]tachpa:na ika kalihtik. Wa:n no: kwaltia para pahti. Para pahti kihto:sneki, ke:meh yo:n a:..., se: sepa ata te:kokoh se: i..., se: ikeh..., se: itahkoya:n, se: imetswa:n. Yo:n mah kimolo:nti:ka:n wa:n mah ika se: mome:metspa:ka. *Entonces** no: te:na:miki yo:n, para se: kok..., te:..., yo:n te:kokoh se: imetswa:n. Wa:n no: kwaltia mah se: tai, ke:meh yo:n *a veces**, se: sepa ata se:, se: sepatika ata tikihtowah se: a:xi:xtsakwi. Yo:n no: kwali, ne:n, yehwa n' ochpa:wa:s, xo:no:ochpa:wa:s. Mah se: tai, mah tamolo:nti:l mah se: tai *porque** sese:k. Wa:n yo:n sepa se: a:xi:xtsakwi, toni ton..., *este**, sayoh porin toto:nik, mahyá: tikihtowah tehwa:n toto:nik momana se: iihtik. Wa:n yo:n mah ika se: tai *o** mah ika se: mopa:ka *porque** sese:k yo:n, yo:n a:tsí:n. Yehwa yo:n para tehwa:n tiktatekiwtiah. Xo:no:ochpa:wa:s pahti, ¿se: kikwi inalwayo, ixiwyo, ixo:chio *o** toni? Inalwayo wa:n ixiwyo. O:me taman. Wa:n oksé n' taman, oksé: n' taman nimitsilia niki:xmattok, ne:n, ochpa:wa:s, *este**, n..., xo:no:ochpa:wa:s no:, tein yehwa n' tein nimitsilia moskaltia wehkapan, wa:n i..., yeh, yeh ta:.., yeh moteyo:tia, yeh n' iteyotsitsi:n mahyá: exo:tsí:n. Pero nika:wí:n a:mo kachi tikah..., a:mo kachi tikahsis nika:wí:n, semi, tikahsis pero semi, semi tasohti mah tikihto:ka:n, *más** telonkak yehwa ne:n ochpa:was tein timolwihtokeh, n' xo:no:ochpa:wa:s. Yo:n yeh xo:chiowa n' ixo:chiotsi:n, *este**, kohkostik, seki ihista:ktsí:n wa:n yo:n no:, no: yetok sah ton, ton *hora** xo:chiowa. Yo:n poso:ni itech nepantah. X'nehmachitaka:n, semi, semi x'nehmachitaka:n, ampowí:n ke:meh nepantah pe:wa ya xo:chiowa ya, *hasta** se: *hora** tio:tak xo:chiohtok. Pe:wa i:xmiki a nampowí:n e:yi *hora** tio:tak, ke:mah. Sepa pe:wa i:xmiki nono. Yo:n yehwa n' tehwa:n tikihtowah nepantah, kihtowah nepantahochpa:wa:sxo:chit. Mm. Xo:no:ochpa:wa:s, pero ki..., semi kito:ka:ytiah nepantah, nepantah ochpa:wa:sxo:chit. Ke:mah. N' o:me ochpa:wa:s tein tikihtowa:ya ne:n xo:no:ochpa:wa:s wa:n seki tikilia n' teh ma:pisi:lochpa:wa:s, ¿kati:ni ne:n kachi kwaltia ika se: tachpa:na? Tein *más** semi, semi kwali ika se: tachpa:na, yehwa n' kiliah, *este**, ma:pisi:lochpa:wa:s. Tikmatis ke:yeh *porque** ma:..., ma:olo:chtik, ma:olo:chtik wa:n ila:ch ma:tah..., ma:tahtakwa:wak. Wa:n tein kiliah xo:no:ochpa:wa:s, yeh ma:..., ma:we:wehka mah tikihto:ka:n, kwe:..., *o sea** mahyá: kwehkwetaxtik sah se:, ne:n, i..., n' ima:yotsitsi:n. Telma:yehyema:nik. Ke:mah, pero no: kwaltia, no: kwaltia se: kitatekiwtia para se: tachpa:nas. Pero yehwa nimitsilia neh semi achi niman pa:ti, wa:n semi yo:li:k para kiwi:ka ne:n tahsoltsí:n. Wa:n, ne:n, ma:pisi:lochpa:wa:s yeh ki..., kwaltsi:n *porque** yeh ma:takwa:wak, n' ima..., ma:tahtakwa:wak neh nikilwia wa:n a:mo, a:mo, a:mo semi niman ma:..., ma:xi:i:ni. Kwali tik..., kwali tikochpa:nas, 'tachpa:nas ihkó:n wa:n 'tachpa:nas, wa:n 'tachpa:nas wa:n a:mo niman i..., a:mo niman ma:..., ma:tepe:wi. Ma:tepe:wi pero wehka:wa, *cuando** no: wa:ki a, de pe:wa wa:ki a no: pos ma:tepe:wi a no:, pero pos moka:wa *casi puro** kowtsí:n ya sah. Pero wehka:wa para no:, para ma:tepe:wi. Mah no: semi se: kinehmachpia, mah a:mo no: semi se: ki..., n'tatekiwti:ti ne: nikihto ika nitachpa:n ya wa:n mah n'to:nalta:li:ti ne:pa pos, no:, no: niman wa:ki neli. No:, no: komohkó:n tiknehmachpia no:, ne:wí:n t'nehmachta:lia, ne:wí:n se: kaltechtsí:n wa:n mah a:mo kimaga n' to:naltsi:n pos no: wehka:wa n' yo:n. Ke:mah. *Bueno** pané: nochi a, ne:n, i:n ochpa:wa:s, 'te:chnohno:ts, 'ne:chili moto:ka:y wa:n ka:ni n' tiwa:le:wa. *Pues** neh niwa:le:w nika:n, *este**, Chi:lkowtah, ni..., nipowi Chi:lkowtah, nika:n, tipowih, *este**, Chi:lkowtah, tehwa:n tiwa:le:wkeh ompa timoskaltihkeh, nika:n *cerca de** San Miguel, *casi** tipowih San Miguelkopa. *Bueno** Rubén, *este**, 'te:chnohno:tsa de yo:n ochpa:wa:s ne: tanikwa:kopa mochi:wa no:. *Pues** neh niki:itaya yo:n ochpa:wa:s wa:n se:, se:, sepa neh niknemilih nik..., tiat..., tiahka nika:n Tacuapan wa:n t'tahtanihkeh se: se: ta:totsi:n ompaka ne:wí:n *que** ke:ní:w mono:tsa yo:n xiwit, yo:n xiwtsí:n. Wa:n yeh te:chilwih *que** monotsa, *este**, sa:poh, sa:pohxiwit. Wa:n a:mo, neh a:mo n' ika, a:mo ika yo:n nimoka:w neh ni:..., nik..., pos mahyá: yo:n niyo:ltanemilihtoya wa:n nikihto, "¿*Pero a poco** iwki mono:tsaskia yo:n xiwtsín? nimolwia?" Entó:s niehkok wa:n pe:wak nikilia ne: nosiwa:w, "¿Tikmatis toni?" nililwia, "neh nikmatik", nikilwia, "ne:wí:n seki xiw..., seki xiwit pané: tiki:xmattok n' teh *porque** pané: yo:n niki:itani", nikilia, "nika:n namehwa:n nankitatekiwtia:yah", nikilwia, "mitswa:wa:lkwilia:ya mo:má:n". Kihtowa, "¿Ke:niwki?" Nikilia, "Ata moskaltia", nikilia, "wehkapan, *bueno** a:mo semi telwehkapantik. Wa:n kikwia," nikilia, "para t..., tachpa:nayah ika". Nikilia yo:n, "¿Ke:ní:w mono:tsa?" "Pos xo:..., yo:n ochpa:wa:s", nikilia, "yo:n tein tik..., mitswa:wa:lkwilia:ya", nikilia, "mo:má:n", nikilia, "ika 'tach.... Nochipa ya", nikilia", "ka:n..., nikita neh *cada vez** mitskalpano:ki", nikilia, "mitskalpano:ki", nikilia, "nika:n ma:ktiwi:ts sen taki:tskil. xxx Wa:n yo:n", nikilia, "n'neki n'matis ke:ní:w mono:tsa," nikilia, "*porque** yo:n neh nimoka:wa ika no: notanemili:l," nikilia, "*que** a:mo nikmati", nikilia, "*porque** tiahkah ne: ka:mpa tiahkah", nikilia, "wa:n tikahsikeh", nikilia, "s..., se: ta:katsí:n", nikilia, "wa:n te:chta..., tiktahtanihkeh", nikilia, "ke:ní:w mono:tsa wa:n yeh te:chilih", nikilia, "*que** mono:tsa sa:pohxiwit. Entó:s ne:chilia nosiwa:w, "Yo:n a:mo mono:tsa sa:pohxiwit", kihtowa, "*por eso** yo:n ma:kahkakaltik n' teh tikihtowa". Nikilia, "Yehwa". "Yo:n mono:tsa", kihtowa, "mia:wa..., mia:waochpa:wa:s", kihtowa. Neh nimitsilia *que** mia:waochpa:wa:s", kihtowa, "wa:...," kihtowa, "*porque** tehwa:n semi yehwa t'tatekiwtia:yah", kihtowa, "n' ompa ne: kalihtik". "¿Wa:n ke:yeh nakto:ka:ytiah", nikilia, "mia:waochpa:wa:s?" "¿A:mo, tikmati ke:yeh?", kihtowa. "Teh ximonemilia", kihtowa, "ke:yeh tikiliah mia:waochpa:wa:s", kihtowa, "*porque** ne:n ixiw..., ixo:chiotsi:n, ke:meh mia:wat", kihtowa. Ke:meh i:n mi:..., mia:wat, mia:wat de mi:ltsí:n kihtowa ixo:chiotsi:n ihko:ni kihtowa.*Por eso** tehwa:n tikto:ka:ytiah mia:waochpa:wa:s", kihtowa. "A:, entó:s ihkó:n mono:tsa". Kihtowa, "Ke:mah. "Yehwa sayoh", neh nikilia, "niman n'nekia n'matis", nikilia,"*porque** neh", nikilia, "nikitani wa:n niki:xmattok", nikilia, "nikita ampó:n mitswa:wa:lkwilia mo:má:n", nikilia, "yo:n ochpa:wa:s nikilia, "pero neh a:mo n'to:ka:yi:xmati", nikilia. "*Porque** tehwa:n", nikilia, "a:mo kachi t'tatekiwtiah", nikilia, "nika:n. Tehwa:n tiki:xmatih ochpa:wa:s", nikilia, "pero *solamente** yehwa yo:n ma:pisi:lochpa:wa:s wa:n xo:no:ochpa:wa:s", nikilia, "pero de yo:n ochpa:wa:s tein teh tikihtowa, mia:waochpa:wa:s, a:mo ke:man tikitayah. *Bueno** neh niki:itani", nikilia, "pero a:mo n'to:kayi:xmati", nikilia, "*porque** a:mo ke:man t'tatekiwtiah. *Por eso** neh niknemilih", nikilia, "neh n'nemilih nimitstatsi:ntoki:ti *o** nimitstahtanili:ti", nikilia, "*que** teh tikmattos *porque** nikitaya mo:má:n, mitswa:l..., mitswa:wa:lkwilia:ya," nikilia, "seh sentaki:tskil", nikilia, "mitsma:..., mitsmakaya para ika xtachpa:na. Ika nikneki," nikmatis," nikilia, "ke:ní:w mono:tsa". Pos yehwa nosiwa:w ne:chilih *que** mono:tsa mia:waochpa:wa:s wa:n niktahtanih ke:yeh n' kito:ka:ytia mia:waochpa:wa:s, na:n yeh ne:chilih ke:yeh, *por** n' ixo:chiotsi:n wa:n para toni n' kikwia. Entó:s n' ompa yo:n neh nimoka:w, nimoka:w kwali *porque** nikmati ke:ní:w mono:tsa. A:mo nikmatiskia ke:ní:w mono:tsa pos nimitsilia a:mo, yeh ika ekintsi:n name:ch..., na:me:chmati:ltia, pero a:mo nehwa nik..., a:mo nehwa nikto:ka:yi:xmati, *sino que** kito:ka:yi:xmati yehwa ne:n nosiwa:w, ne:chilih ke:ní:w mono:tsa. Yehwa yo:n name:chye:kilwia neh, neh a:mo no: semi nikmati ke:ní:w, a:mo wel nikne:nta:li:ti, *que** neh i:pa niki:xmattok *que** yo:n to:ka:it kipia, *sino que** yehwa nosiwa:w ne:chililwih, ke:ní:w mono:tsa yo:n ochpa:wa:s. Yehwa:n kahsika:mattokeh *porque** ka:mpa yehwa:n ne: cha:nchi:wah, ka:mpa cha:nchi:waya nosiwa:w semi yehwa yo:n katka kiwtia:yah . *Bueno** Rubén xte:chtapowi ne:n yo:n sentaman ochpa:wa:s, teh t'to:ka:ytiah ma:tomiyohochpa:wa:s, ¿ke:niwki, ka:ni mochi:wa? Yo:n iwkitik ke:meh i:pa nochi ne:n n' ochpa:wa:s tein tikihtowa xo:no:ochpa:wa:s *sino que, sino que** kipata tepitsi:n in..., ixiwyo wa:n ikowyotsi:n. Wa:n yeh ta:ki n' ita:kilo. Ita:kilo no: tepitsi:n kipata. Por..., teh tikmattok kwali, ne:n, n' ochpa:wa:s tein tikihtowah tehwa:n xo:no:ochpa:wa:s, s..., yeh n' iteyotsi:n ohololtik. Wa:n yo:n tein nimitsilia, *este**, okseki ochpa:wa:s, tein ma:tohmiyohochpa:wa:s, kipia n' i..., kipia n' i..., n' iteyotsi:n ma:..., *bueno** ma:we:weyak, mahyá: exo:tsitsí:n. A:mo nikmati *porque** se: *viaje** ata nika:n sepatsi:n ata nika:n tiahkah iwa:n nika:n Jonathan, sepatsi:n tikelna:miki tiahkah a:mo nikelna:miki ka:nikawí:n, kox xa: yeh nika:n Xa:lkowtah, *o** xa: yeh nika:n Kowtapa:nalo:ya:n. Wa:n ka:mpa tikitakeh ata seki ochpa:wa:s, seki ochpa:wa:s ata kipia n' iteyo we:weyak wa:n no: ihkó:n ya ne:n, ne:n, ne:n yo:n ochpa:wa:s. Kiliah tohmiyohochpa:wa:s *porque** ma:tohtohmiyoh, mahyá: tikihtowah tehwa:n kipia mahyá:, *este**, m..., mahyá: yo:n owatohmit. Tohtomiyoh. Sayoh a:mo semi, semi iwkitik pero yeh ika kiliah, yeh ika kiliah tohmiyohochpa:wa:s. Wa:n n' oksé: yehwa n' tein neh nimitsilia, *este**, ne:n, yekin niktahtani:to no:, no..., nosiwa:w, wa:n nikilia "¿Ox tiki:xmattok n' teh?" Kihtowa *que** no: ki:xmattok. Yehwa ka:mpa *más** nitako:wtamat neh *que** onkak o:me taman, o:me taman ochpa:wa:s de yo:n xo:no:ochpa:wa:s *o** welis *hasta** onkas *hasta** e:yi taman. A:mo nochi tikmahmatih sah. *Siempre, siempre** ka:mpa onkak, nakmattokeh namehwa:ntsitsi:n, ka:mpa onkak se:, se: xiwtsí:n oso se: kowtsí:n, ne:si o:me taman *o** e:yi taman kowit. Wa:n *igual** ya no: ne:n ochpa:wa:stsí:n neh nikihto..., neh niki:xehekowa se:sepatika no: iwki eski. No: onkas e:yi taman, sayoh a:mo nochi se: ki:xmati sah. Pero neh niki:xmattok *sol...**, neh niki:xmattok, sayoh neh nimitsilia niki:xmattok, a:la:wak, *este**, ne:n xo:no:ochpa:wa:s wa:n yehwa yo:n ma:tohmiyohochpa:wa:s. Wa:n yehwa ya m' pisi:lochpa:wa:s, e:yi taman, ke:mah. ¿Wa:n tein ma:tohmihyoh, ¿ke:niwki n' ixo:chio? Iwkitik, iwkitik ke:meh ne:n okseki xo:chit de n' ochapa:wa:s. Ta: yehwa, yehwa *m...**, yehwa, yehwa *casi** yehwa, *igua...**, ihkó:n, ihkó:n iwkitik. Sayoh neh name:chilia kipata tepitsi:n ita:kilo, *porque** nimitsilia n' i..., n' iteyotsi:n yeh, we:weyak mahyá: xo:chitsi:n. Pero i..., yehwa, yehwa, yehwa n..., yehwa ne:n xo:no:ochpa:wa:s tikilwiah, sayoh n' ixiwyotsi:n, n' ixiwyotsi:n taman tikihtowah n' tehwa:n porin yeh ma:tohtohmiyoh. Ika yo:ni, ika yo:ni n' tehwa:n tikihtowah, kipata n' i..., n' i..., n' i..., n' i..., n' i..., ito:kay..., ito:ka:ytsi:n. Mm. ¿No: pahti yo:n tein ma:tohmiyoh *o** kwali ika se: tachpa:na? *Pues** yo:n para toni nimitskahkaya:wati, a:mo ke:man, a:mo ke:man tikwih tehwa:n para 'tachpa:naskeh. Sayoh nikita sah que onkak pero a:mo ke:man tikwih tehwa:n. katí:n i:pa tikwinih nimitsilia neh ne:n, xo:no:ochpa:wa:s wa:n yehwa yo:n ma:pis..., ma:pisi:lochpa:wa:s. Pero yehwa n' tein nimitsilwihtok neh a:mo ke:man a:mo ke:man nikita ihkó:n mah tikwika:n. Pero, pero neh nimolia xa: no: kwaltias ta: no: y..., no: yehwa n..., no: yehwa n' ochpa:wa:s ne:n xo:no:ochpa:wa:s. Sayoh *que** neh nimitsilwia pos kipata tepitsi:n porin ixiwyotsi:n wa:n i..., iteyotsi:n. Pero pos n' ixiwyo *casi** iwkitik, iwkitik, a:mo teh kipolowa. Ke:mah. *Bueno** pos nochi a de i:n ma:tohmiyohochpa:wa:s, tasohka:matik. Ke:mah, yehwa yo:n neh name:chilia *lo que** tein tikmattokeh mah timolwi:ka:n, mah a:mo sayoh tike:wtoka:n sah. Yehwa yo:n.