Itech i:n xola:lmeh, i:n ka:mpa i:n tehwa:n tinemih wa:n nochi ta..., ke:mih, ke:mih pata:wak wa:n weyak *municipio**, telsenka ya taselia, onkak miak xiwmeh, seki x..., te:ch..., seki kwaltia para tikwiskeh san tein a:mo. Wehka:w kihtowah kikwiah xiwit, kikwiah para kali, ne:n anaixiwit wa:n koma:it. kwawxiwit, *último** tikitakeh ok, wa:n ekintsi:n pos yo:n nochi tamik a wa:n nochi servi:rowa. E..., de kwameh, miak taman kwameh onkakeh, seki kwomeh ta:kih, seki kwameh a:mo ta:kih *o** a:mo tiki:xmatih, a:mo tikchi:wah *cuenta**, a:mo tik..., a:mo, a:mo tikpo:witah Mm nochi kwameh nochi kwaltia para tein ika yeski, kwameh tein ma:s ki:xmatih nika:wí:, ne:n tio:kwowit. Tio:kwowit, kihtowah ne:n inalwayo tahto:l de tio:kwowit wi:tsa de totio:tsi:n, de *todios**, tio:kwowit, telsenkaya yehwa ya ne:n kwowit tein ma:s pati:yoh, kwelitah koyo:meh wa:n tehwa:n no: tikwelitah *porque** ahwia:k, ahoktik wa:n a:mo pala:ni niman pero ma:s kwa:kwali n' kwowit, no: se:meh de kwalmeh tein koyo:meh kwelitah ne:n ayakachkwowit. Ayakachkwowit mochi:wa ka:mpa ma:s takawa:ni, e..., na..., ne:n tio:kwowit no: iwki, nika:n tehwa:n tietokeh kihtowah koyo:meh, mm *cerca** ya se: *mil**, de, de i:xko n' a:t, de i:xmanis n' a:t wa:n kachi kwali kwameh mochi:wa ne:n tio:kwowit wa:n ayakachkwowit, tani de, tani de se: *mil, hasta, hasta** ka:mpa ya mochi:was, ka:mpa takawa:ni nochi. Nika:n icha:yohka:n chalowih, xokokwowit, ala:wakkwowit motelchi:wa nika:n wa:n ala:wakkowit a:mo kwe..., a:mo a:kah, a:mo semi kwe:ntahchi:wah, pero no:, no: ye:kwehwei mochi:wa wa:n no: kwaltia para kali, yeh kwaltia para kali. Nochi n..., nochi kalmeh tein, tein kipia ala:wakkowit, yo:n telkwa..., telkwali yo:n kali, yo:n kwowit ah..., ahoktik, a:mo semi eti:k, ne:nke:n se: kitehteki, ne:nke:n kitehteki ne:n a:kin kwowtsaya:na, e: kwelitah kwowtsaya:nanih kitekiskeh yehwa ala:wakkwowit, yehwa tio:kwowit wa:n ayakachkwowit. Seki kwameh kemih a:mo kel..., a:mo a:kah k' welita xo:no:kwowit, pero xo:no:kwowit no: taman servi:rowa, a:mo kwelitayah pero [i:n] yankwixtok tehwa:n tiki:xtihkeh seki xo:no:wapal wa:n kwali ki:sa, kwaltiak xo:no:wapal wa:n no: kwaltsi:n, no:, no: kwal..., no: kwaltsi:n ke:man te:ka tami a. Ne:n tepe:xo:no:t wa:n tel kwali kwowit, tel kwali kwowit nika:wí:n onkak, ne: ka:mpa ika tehwa:n tinemih ma:s ne:wi:n, okachi ne:wi:n kowtahpa, kilwiah xo:no.., tsiwahkaltio:kwowit, a:mo a:kah semi kiixmati, ompa ne: tehwa:n San Miguel, ne:n toxol..., top..., to..., *topalacio**, nochi kwowit tein kipia, kipia ahkokowit wa:n tsiwahkaltio:kowit. Tsiwahkaltio:kowit yehwa tapayo:t tein kipiaya, tein kipia wa:n tein kipiaya, wa:n nochi n..., tatsakwilmeh ka:mpa se: kalaki, ka:mpa kalaki tane:x, nochi, nochi yehwa. E..., *puro** ne:n tein, tein te:ka tantok i:n tapowalmeh, pané: a:mo a:kah semi kiki:xtia ok yo:n kowit, a:mo tei semi wa:n no: a:mo no: semi a:kah kiki:xtia yo:n kwowmeh *porque** te:chte:mohmowtiah tekiwa:nih, ke komohkó:n se: kite:nteki se: kowit te:tsakwah, nochi yo:n, yeh ika a:mo semi kite..., kite.., kitek..., kiteh..., kitehtekih eliwis. Onkak kwehmol de kwawmeh no: ekintsi:n *porque** a:mo pat..., tikpatkayo:tiah, ke:man t..., ata kihtowah tanawatiah wa:n neli tein kihtowah, [ke:man] se: kite:ntekis se: kowit mah se: kito:ka o:me, yo:n telkwali, kwali etok, ye:kkwali, komohkó:n tikto:kkeh tehwa:n a:man, mah nikto:ka, mah n' te:mpe:wa, nikte:nteki se: wa:n mah nikto:ka mahtak, n' ampo:wi:n mahtaktiomah..., mah..., sempowal wa:n mahtak xiwit, tik..., tikitaskeh ya kowit we:ia, we..., we:i a isiwka, tio:kowit wehweia ihsiwka, ala..., ala:wakkowit, tio:kowit tepitsi:n, tepitsi:n sa:te:pan ok, pero ala:wakkowit ihsiwka moskaltia ne:n ahkokowit no: telsenkaya kwali kwowit, a:mo no:ya:n onkak yo:n, ne: ka:mpa, ne: ka:mpa pitsa:wakta:l sah a:mo kiwelita mochi:was, ka:mpa chika:wakta:l a:mo kineki, moneki mah se: kito:ka. ne:n wa:wkowit, yo:n a:mo tei, i:pa sayoh ta:ki, xo:chiowa wa:n ta:ki para takwa:skeh chiktehmeh, xika:lkowit, ye:k ta:ki, no: iw..., no: iwki para takwa:s..., takwa:skeh chiktehmeh, ne:n kwesalkowit ta:ki, takwa:skeh chiktehmeh, ne:n tetsapokowit. Tetsapokowit teletik, telmehmela:wak mochi:wa, telkwaltsi:n nima:xiwyo wa:n telkwaltsi:n ikowyo sayoh ke teleti:k mahyá: tet, *por eso** yo:n kilwiah tetsapot, tet, mahyá: eti:k ke:meh tet kowit, ne:n ma:nextikkwowit, se: kowit telkwaltsi:n ma:nex..., [ma:]nextik, n' iteyo, iteyo s..., mahyá se: alampepe tsaktok kwaltsi:n wa:n ke:man chika:waya motapowa, pata:ni seki, pata:ni seki mahyá: taxkal ii:xe:wayo ye:kiwki a wa:n ompa kipia iyo:lotsi:n , iteyotsi:n ka:mpa wetsiti ompa e:wa ya. n' ayakachkowit, no: pata:ni ie:wayo, *este** ni..., nixina:ch, ompa aktok nits..., ni..., tein, tein yo:li . Tio:kowit ye:kihsiwka mosk..., mo..., moxina:chowa, yeh pata:ni nochi n' i..., n' i..., n' ixina:chyo, motapowa tsapotsi:n, se: tsapotsi:n tsi:tsikitsi:n wa:n iihtik aktok pero teli:xkich, teli:xkich chak..., ch[aktok] ke:mih, niksempa:nti nikpowa neh aktok de sempowal *hasta** tahko *ciento** xina:chmeh *de cada** tsapoatsi:n wa:n *cada racimo** kipia, *¡híjole!**, ye:kmiak kipia, kipia sikie:ra ke:meh se: sempowal, sempowal wa:m mahtak, e..., ololmeh wa:n *ca..., ne: *cada** olol kipia, kipia nikihtowaya neh sempowal wa:n mahtak *hasta** tahko *ciento** xina:ch, yo:n ne:nke:n momiakilia, yehwa ya ne:n ala:wakkowit, yeh ta:ki, yeh wehwei iteyo, yeh ompa ta:..., yeh wetsi ka:mpa wetsi ompa wetstok a, *lo malo que** a:mo a:kah ki..., a:mo a:kah kixina:chowa semi. kwameh tein nika:wí:, *solo** Tosepan sempa:nti kixina:choka wa:n kitehtem..., tech..., te:chte..., te:chmahmakakah, pero a:mo kisegui:roh ok, kielka:wkeh, e..., pesmakowit. Pesmakowit yo:n kikwih para kalikxit wa:n telsenka ya kihtowah koyo:meh, kitelwelitah pesmakowit *porque** telkwaltsi:n ima:y, a:mo semi, a:mo semi, tima..., tima:se:walmeh tehwa:n a:mo semi tikwelitah *porque** ka:mpa mochi:wa ye:kwitsyo, seki koyo:meh tikinkakiliah kihtowa ke tamiti a, ka:sá: ika poliwtok a. Yo:n, yo:n e:wa itech ta:lkwa:ke:s, ke:meh ne: onkak, ne: tak..., ne: pesma, ne:, ne: ompa wetsik n'..., n' ixina:ch, ompa yetok, ompa, ompa, [komo] pata:nik n' ixina:ch, a:mo wel, a:mo wel se: kiki:tskia ixina:ch teltsikitsitsi:n, teltsikitsitsi:n. Yo:n pata:ni, kwi:ka ehekat, mo..., ka:mpa mopepecho:ti, ka:mpa tachipa:wya mopepechowa wa:n ompa yo:li a komohkó:n takwecha:wtok. Tepa:nke:span komohkó:n a:paltik eskia mopepecho:skia ke:meh wa:kik a:mo weli, yo:n de pesma, miak kwameh onkakeh, seki a:mo t..., nio:nó: se: kimati toni ito:ka:y tein ma:s se: kii:xmattok yehwa tein ne: nikintohto:ka:itih, tepe:xo:no:t, no:, no: kwali para, para wapal ki:xtiah, a:, chini:nahkwowit telkwali. Se: kwowit ... Chini:nah o..., ompa ser..., servirowa o:me ... wa:n kwaltia para o:me, o:me taman, e:yi taman kwaltia. kwaltia yekinikatsi:n yekinikatsi:n, yekinikatsi:n ke moskaltihtok, itech ineiskalti:lis te:chpale:wia ke ta:lmanik kii:xtahsolo:tia, *abono**, tapala:n wa:n sa:te:pan moskaltia ya ke:meh i:pa kitamo:ta ne:n itahsolo wa:n tapal...tapala:ntia wa:n ta:ki a, tikwah, *o** timonamakiliah. Sa:te:pan de wei a ya, we:ia, we:ia, kite..., kite:ntekih, servi:rowa para wapal, telkwali kwowit no:, seki kitowah ke telokwilowa pero yo:n itech yetok ke:man se: kite:n..., se: kite:ntekis. No: okseki kwameh, ke:meh yehwa ya ohtat, nika:wí: mochi:wa ohtat, a:kat, e..., ka:n semi, ka:n semi kwelitah kito:kaskeh porin wehka takwi wa:n ka:mpa mochi:wa ta:lwa:tsa, ne:n pos santeina:mo yo:n ke:n mono:tsa i:n ... Nimitsilwih kwesalkowit i:n oksé:, ah iyakwowit. Iyakwowit a:mo moskaltia we:i, telmehmelaktik, kwaltia para kalkowit no: para ompa se: tasohso, se:..., ompa se: kisohso *cartón**, ento:s ompa mota:lia *teja**, okmakowit, okma, n' okma i:pa sayoh servi:rowa para tatas, ah, wa:n para no: para ihtipan, pahti, pahti ixiwyo, seki ika motemah, yehwa ya kikwih ta:ká:n kitsowihwi:tekih ne:n, ne:n a:kin yetok itech tema:scal wa:n ixiwyo se: kimana no: para ih..., ihtipah. Telsenka ya kwali ne:n okma no: chika, nikelna:mik ekintsi:n, *porque** nochi yo:n kwameh tein nikinto:kaitih nochi xo:chiowah. Xo:chiowah wa:n ke:man xo:chiotokeh, nochi tein miak, miakeh kwameh tein xo:chiowah, enero, febrero, marzo, abril, mayo, nochi yo:n tapowalmeh xo:chiowa kwowmeh. Yo:n *tiempo** neli kisentililiah inekyo nektsitsi:n, pisi:lmekmeh nika:wí: tein kipiah, ki..., ki..., kinechikowah nektsitsi:n wa:n *por eso** kihtowah ke nek..., pisi:lnek telkwali pahti, telsenka ya pahti santeina:mo kipahtia, nochi kokolismeh *porque** ye:kmiak taman kwowit kipipi:ntinemih wa:n kinechikowah sekosah, kichi:wah, kichi:wah inekyo, yehwa tein *más** kwali, tein *más** kwali wa:n chipa:wak yektik, nekti tein ki..., kichi:wah ne:n pisi:lnekmeh. Tasohka:matik de kwowmeh *que** onkak i:xkich, e..., nochi yo:n ihwa:k poso:ni kahfe:xo:chit, xokoxo:chit, kipipi:nah nochi ne:n nektsitsi:n, miak kwowmeh onkakeh seki tikwih para kalkowit, seki tikwih para yehwa ya ne: kwal..., kalkowit tikwih iwki mimiltik sayoh tike:wayohki:xtiah wa:n tike:wayohki:xtiah para mah a:mo okwilowa, ompa ne:wi:n kwowtah seki kwowit mono:tsa, mm, ke:ní:w mono:tsa i:n kwowit semi, semi kwaltia para kalkowit, we:noh pos ampó:n onkak seki ne: kemeh pomarro:sahkowit, *pomarrosa** yo:n ta:ki mahyá, ita:kilo pos ka:n semi monamaka pero telkwali kowit para kowtati:l teltekoloh. Ne:n, mono:tsa se: kiliah koyo:meh *naranjillo, pero** a:mo *naranjillo** ito:ka:y, n' komparehto:ka:it iwki yo:ni, pero ne:n chechelo:tehxokokowit, chechelo:tehxokokowit, yo:n yeh pisi:ltik ixo:chiotsi:n wa:n no: iwki pata:ni, pata:ni miak i..., iteyotsi:n, kwaltsi:n kowit ista:k ike:span, telkwaltsi:n tapa:ni, teltekoloh, kwali kowit onkak nipa w..., nochi no:ya:n mochi:wa, neh nikitani *hasta** ne:wi:n San Antonio Rayón mochi:wa, nochi ke:meh i:n tapata:..., no:yá:n mochi:wa. A:mo tei ka:sá: ika *porque** a:mo kika:wah, pero neh nikitani ka:sá: ika mo..., mochi:wa, *hasta** nika:wí: ka:mpaya eski, mochi:wa, mm, sayoh mah onka xina:ch, yehwa sah, ka:mpa a:mo teh xina:ch ka:n mochi:wa. E..., no: yo:n ke:ní:w mono:tsa ne:n xopilkwowit, ne:n xopil pos servi..., yeh ye:k, kipia ne ni..., n' ita:kilo no:, ixo:chio yehwa nekmeh kikwih, ita:kiloh ki..., tikwih para pahti, para mi:l tikto:kah para mah a:mo ki..., mah a:mo kima:toka okwilin wa:n n' i..., n' i:xiwyo telkwaltsi:n, telkwaltsi:n ixiwyo ne:n xo:pilkowit porque ika tachihchi:wa ke:man ilwit. Koyo:ilwit tachihchi:wah ika oso, oso tio:panilwit, ika tachihchi:wah telkwaltsi:n *porque nochipa xoxoktik, ne:n a:mo sayoh yo:ni ta:, sa miak taman ika tachichi:wah no: yehwa ne:n *pomarrosa**, a:wa:kowit, de a:wa:kwameh ke:meh o:..., o:me, e:yi taman nika:wí: onkak, se: kiliah i:tsa:wa:t, kalikxia:wa:t wa:n tapala:wa:t, nika:n nochi mochi:wa. wa:n oksé: a:wat ok no: nika:wí: yehwa ne:n kiliah koyo:meh *nuez, nuez de macadamia**, ikni:w a:wa:kowit, komoke i..., i..., ke:mah ikni:w, *porque como que** se: kitehteki a, ikowyo ye:kiwki, yehwa, yehwa *mismo** a:wa:kowit. Ie:wayo, ixiwyo i:iwkitik a, a:mo semi, sioh ita:kilo ne:n *macadamia** tel..., telsenka ya welik, telwe:lik wa:n telka:n..., senkaya pati:yoh. Kichi:wah ato:l, kichi:wah *dulces**, kichi:wah, kihtowah, kichi:wah yo:n ika ma:ltiah kiliah koyo:meh *shampoo**, kichi:wah miak, santeina:mo, miak servi:rowa ni..., ni..., *macadamia** ni..., ni..., ni..., n' ta:kilo. We:noh yo:n de n' a:wa:meh, a:wa:t seki kikwih kihtowah, seki ne: ke:man kikwiah para *trapiche**, a:wa:kowit kikwih para kalkowit, para *vigas**, para *cintas**, para ka..., ka..., para *tirantes, tirantes**, yo:n kal..., kal..., kale..., ke:ní:w mono:tsa tapayo:meh. ne:n no:, ah nikelna:miktoya kakatekowit, kakatekowit telsenka ya ne:n, a:mo semi mochi:wa ok *porque** a:mo tikto:kah, pero yo:n telkwali ne: ke:man de katka yehwa kitelte:mowa:yah tokni:wan ka:mpa kipiayah kalikxit de kakaktekwowit, takwowtamachyetoyah sikie:rah weh..., se: wehka *tiempo porque** yo:n kowit teltakwa:wak, telsenkaya yo:lchika:wak, yo:loh, no: yo:loh wa:xkowit, wa:xin tikwah wa:n wa:xih ki..., no: te..., no: kitelta:lilia miak tapala:n. Tapala:n n' ikowyo wa:n tapala:n ninalwayo no: ne:n xa:lxokokwowit, yeh i:pa sayoh para kowtati:l, tikwah xa:lxokot. Xa:lxokot no: iwki ke:meh xo:chiwa neli kipipi:nah nektsitsi:n, ne:n toni *más** kwameh *o** santeina:motsitsi:n, ne:n ekimikwowit pané: yo:n ka:n a:kah kipo:wka:ita te..., n' ekimikowit, ye..., pero yehwa kikwih para xa:yakmeh, xa:yakmeh yeh kikwih yo:n, seki yehwa yo:ni *porque** yema:nik kwaltsi:n kitehtekih, ni..., mote:maka para ki..., kitehtekiskeh tekochtik, ololtik, kakawtik ke:meh eski, nochi kwaltsi:n. Ne:n no: ne:n ke:ní:w mono:tsa ala:wakkowit yehwa kikwih para *tambor**, ne mito:tia:nih *inintambor**, kiihtikoyo:niah wa:n kite:nkwetaxpi:kih ni:nipaka, kieihtili:ntiah wa:n ke:mah kwaltsi:n kakisti. Ne:n *intambor** ne:n kwesaltinih wa:n ne:n kwama:pankwesaltinih nochi yehwa *inintambor**, sepa ne:n mihto:tia:nih de n', de kwesalmeh, chikikiskowit yehwa:n kikwih inalwayo para kikwiskeh i..., iyo:lo ni...nin...n' kwa:akka, ininkwa:chihchi:wka, kiliah, ininkwa:tayewalolchihchi:wka wa:n yo:n nochi yo:n kwa..., koma:mo yo:n kowit eskia, ait toni kwowyo kikwiskiah, yo:n kowit telkwaltsi:n *porque** kwetaxtik oso ox pipi:nik, a:mo tapa:ni, a:mo: weltapa:ni, a:mo, a:mo wehweliwi, okseki kowit ke:meh okokowit nochi tapa:ni, tio:kowit i:xtapa:ni, n' katí:n eski kowit i:xtapa:ni wa:n yehwa yo:n kowi..., kownalwat kikwih, yo:n ka:n ixtapa:ni, kwaltsi:n. Ne:n, okseki kwawmeh onkakeh, ke:mih, ah, ma:nkoskowit, ma:nkoskowit sayoh kwaltia pos para, no: iwki para, para ki:xtiah *vigas**, kalkowit servi:rowa, wapal no: kwaltia wa:n ti:ltsapokowit yo:n ke:mah i:pa sayoh para kow..., kowtati:l, ti:ltsapokowit yeh nochipa ya kwowit nehnekwiltik, pihpitsotik, kwehkwe:ltik, e..., mohmo:liktik, chihchihkoltik, pitsotik. A:mo, a:mo kachi moskaltia mehmemela:wak, ne:n to:n kwowyo *más** onkak, santei..., xokokowit, yo:n xokokowit tikinkakiliah koyo:meh ke yehwa ika kix..., kipo:kwiah pio, ne:n ista:kpio para kachi ahwia:ya, *pero ka:n se: kimati ox neli, ta: yo:n xa: i:pa kihtowah sah, sayoh para kitahto:ltiah ininpio:nakawpara mah kinkowili:ka:n, ta: pio komo se: kipo:kwi:sneki i:pa se: po:kyowa ma:ski katí:n eski kowit wa:n i:pa no: po:kahwia:ya no: ne:n olo:pio:kowit telkwali kwowit, teltakwa:wak, pimie:ntahkowit, mm, pimie:ntah, yehwa ya ne:n pos yo:n de wehwei kwameh, kowmeh tein tsikitsitsi:n pos ne:n..., ah, ampo:wi:n ka:mpa takawa:ni, ka:mpa tepitsi:n takawa:ni a, ampo:wi:n Xaltipanpa takawa:ni a, onkak olo:kowit, tatsmehmelaktik mochi:wa para kale:walmeh, e..., wa:n nika:wí: semi tikitah ne:n tehtsonkilkowit, pané: yo:n ka:n teh servi:rowa, pero sikie:ra ke:wa nanakat, xo:no:kowit ke:wa nanakat, e..., ista:knanakat, ne:n chechelo:tehkowit ke:wa alakcho, chalawihkowit ke:wa alakcho, mm, ma:nkoskowit kie:wa, mm..., chikintenanakat chakaikowit mochi:wa wehwei no:, ye:k ema:nik kwowit, no: kie:wa ne:n ista:knanakat wa:n ma:tananakat. Pa:wakowit ke:wa chi:ltaxkalnanakat, seki nanakat wehwei mochi:wa, ye:kwe:lik, e..., tihtila:wak, tampachihchi:chi:ltik, kwahkwali nanakat. Yo:n a:mo akah kichi:wa nika:wí:, a:mo ak..., pi:pil miak a:mo ki:xmatih ok n..., wa:n pati:yoh wa:n kinamakah pos kohkotoltik, kikohkoto:nah, ne:n ... Nochi yo:n kwowtsitsi:n kie:waltia, onkak kwawmeh kie:waltia nanakat, seki kihtowah nanakat a:mo kwali, te:pahwia. Nikmattok te:pahwia kwa:kownana..., kwa:kownaka..., nanakat, e..., as..., a:mo yehwa, a:mo ihkó:n nimitsilwih, kwa:kowkwitananakat, kwa:kowkwitat itech e:wa nanakat, yo:n ke:mah pitsotik, mm, e..., toni seki de kwomeh, pos ampó:n tikpiah ohtat, ke:meh tikihtowa:ya ye:wa tein ye:kohtat, n' ampó:n onkak ..., ah, to:to:kwowit. To:to:kwowit yema:nik kwowit pero yeh, no: seki kwaltia para kalkowit iwki mela:wak, iwki mimiltik wa:n ie:wayo telkwali para tahtalpiah, para se: tahtalpi:s, ika kipilowah n' tipankowit, teltakwa:wak mochi:wa, iwki nie:wayo. Xo:no:kwowit pos tiki:xtiliah ixo:no:yo wa:n ke:mah tikwih para wahkalmeh *o** ika tahtalpiah no: xo:no:t, e..., okseki kwameh nika:wí: onkakeh, miak santeina:motsitsi:n. kwawtsapokowit neli cho:kiloh wa:n neli takwa:wak wa:n no: kwaltia para, para, para kalkowit, tikihtowah *vigas** kwowtsapokwowit. Ti:ltsapokwowit, ma:nkoskowit e..., onkak kwowit tela:yoh, onkak kwowit wa:kkatik, e..., onkak kwowit tila:wak ie:wayo, kana:wak ie:wayo, e..., onkak kwameh ke isiwka se: kionkaltia, onkak kwameh ke a:mo weli, ke:mih kowachkowit yo:n se: kito:ka ikowyo wa:n selia ke:man, ke:man a:mo ma:yeh. Ne:n toni *más**, ne:n seki kwomeh mochi:wah ompa ne: kahfe:ntah ne:n to:toli:xkapolkowit, yo:n kitelchi:wa komohkó:n se: kichichinoh kitelchi:wa kownex, telsenka ya kwali wa:n kownex kitelchi:wilia *falta** itech tokahfe:ntah. Mm, okseki kwowmeh, a: eskowit, eskowit ne:nke:n no: momiakilia, e..., ka:sá: ika xo:chiohtok, xo:chiowati wa:n no: iwki pata:ni iteyotsi:n, yo:n, yo:n yeh servi:rowa icho:kilo para yo:n se: te:mpala:ni, ika se: kipahtia, tetelik ne:n icho:kilo wa:n ne: motki esti, ye:kiwki, ye:kiwki a esti, eski:sa kwowit komohkó:n se: kike:stsontek. Mm..., onkak kwameh ke a:mo, a:mo semi nika:n kayo:meh, n' ampó:n etok kiliah se: kowit, tio:kowit no: pero a:mo nika:n kayo:t, kwalkwite:wkeh a:it ka:ni, kiliah *cedro rosado**. No: tio:kwowit nika:wí: onkak miak a. Pa:pa:lo:kowit, se: kowit, ye:kchipaktsi:n mahyá: pimie:ntahkowit, n' takwa:wak no: wa:n mehmelaktik mochi:wa, ka:mpa tatekoch ne:nke:n ok wehwei mochi:wa. Ne:n santeina:mo kowtsitsi:n onkak, a:xá: se: nikelka:w pero tikelna:mikiskeh *más** se: ne:nke:n. Neh nimono:tsa Antonio Salgado, San Miguel Tzinacapan.