Mmm. kwa:ko:n, a:mantsi:n welis tikte:ne:was es..., eskwowit. ¿Ka:nachi onkah? Pos n' eskowit onkak, pos n' eskowit onkak, o:me taman. Se: eskowit, para kowtati:l sah. Wa:n se: kilwiah, ista:keskwowit. Pero i:n ista:keskwowit, semi tatsa:la:n sah ne:si. Ompa ne:pa kwowtahpa se: kite:mowa, wa:n se: kahsi. Pero n' eskwowit onkak no:ya:n, itech kahfeta:lmeh onkak eskowit. I:n *tiempo** xo:chiowa, itech i:n febrero, enero, febrero, marzo, teyowa ya. Abril, pe:wa pi:xowi a n' iteyo. Ompa motekipanowah *pajaritos**. Kikwa *palomas** wa:n miak okwiltsitsi:n kipehpenah ta:lpan tein tahtapa:ni. Chika:wa[ya] itech *mes de** abril, itamiá:n abril tami a. *Porque** ke:meh se: *tiempo** sah xo:chiowa se: *tiempo** sah n' tami. Nochi tatapaka, pi:xowi, kipehpenah *pa...,** chiktehtsitsi:n, ika motekipanowah, wa:n ihkó:n yehwa yo:ni sah *servi:rowa**. Wa:n komo we:iak wa:n tatampawia ya pos kite:ntekih para kowtati:l a. Wa:n ista:keskowit yeh, *pues** a:man ke onkak miak talna:miki:lis, *a veces** no: tikwih *para artesanía**. A:kin kimati kitekiti:lti:s. Wa:n a:kin a:mo, pos tamela:wa ki..., kiita sah, seki nió:n no: tiki:xmatih ke:ní:w mono:tsa. Pero tikmatih ke, *o sea** neh niki:xmati n' eskowit o:me taman. N' eskowit tein ne: kahfe:ntah mochi:wa wa:n ista:keskowit tein semi tatsa:lan sah n' tikahsis. Pero a:mo kachi onkak, *más** onkak tein mochi:wa kahfe:ntah. Yehwa yo:n, pos itech i:n *tiempo** poso:ni. Sepa nimitsilwia nono ke poso:ni i:n *tiempo**. Pero ne: eskowit, ihwa:k neh nii:xpeta:nik, itech *mil novecientos** *cuarenta y seis**, tikwiah *para artesanía**. Se: *maestro** yetoya mono:tsaya Melitón, wa:n te:chma:chtia:ya *artesanía**, tikchihchi:waskiah *sillas**. Wa:n yo:n xo:no:kwowit, pues ki..., tiki:xtilia:yah, kiki:xtilia:yah xo:no:t, wa:n pe:wa kimali:nayah, mochi:wa tamali:n, wa:n ika yo:ni yehwa *kiteje:rowa:yah** ihkó:n kihilpiah, kihilpiah, *porque** n' eskowit semi chika:wak. Wa:n kipiaya *forma de** n' ke:mih kwali se: kichihchi:waskia ya, teihsá: *artesanía, cosas de silla**. *Porque** kipia yo:n, i..., ka:mpa momaxalowah. Wa:n ompa n' tikoyo:nia ya wa:n ompa n' ki..., kita:liliah seki kwawtsitsi:n wa:n kisahsa:lowah *forma de silla**. Wa:n ompa n' tikchihchi:wayah, te:chmachtihka se: *maestro**. *Porque** yo:n *maestro**, *pues** katka, kimatia *experiencias para**, ehkoskia to:nal, *tiempos**, ke:meh a:man tikpanowah *de veras**. A:xka:n i:n *tiempo**, tietokeh *mal**. Wa:n yo:n *maestro de** p..., i:pa te:chilwih, ke a:mo xtako:wtamatika:n, ika nochi kahfe:n, *mejor** xitako:wtamatiskeh ika okseki *artesanías**, ke:manih koyo:meh. *Porque** n' koyo:meh, kipia miak *cosas**, e:yi, na:wi taman kipia. Kipia *potrero**, kipia tepos tein ika ohtokatinemi, wa:n, wa:n kipia *tienda**. *Por eso** kipia tomi:n. Komohkó:n a:mo motanamaka de n' *itienda** wa:n temowa de tomi:n, kinamaka se: kwa:koweh *porque** ompa kipia. Wa:n ne:n *como siempre** kipia tomi:n. Wa:n tehwa:n tein titekitih kowtah, *pues** sayoh ika titako:wtamatiah kahfe:n. Wa:n yo:n *maestro**, *siendo maestro** momakaya *cuenta**, ke n' *tiempos de** kahfe:n, *cualquier**, *tiempo** ehkos se: kokolis de, de i:n *planta de** kahfe:n, tasekwetsis wa:n poliwis, wa:n a:mo teh toni ika ok timotekipano:skeh. Pero komo tiwelih *artesanías**, wa:la:s n' koyo:t de wehka wa:n te:chkowili:s, wa:n ika yo:n tipano:skeh. Pero mah t'piaka:n no: o:me taman. Komo ta:ki n' kahfe:n wa:n tiktekih wa:n t'namaki:ltiah n' koyo:t, pos tikpiaskeh tomi:n. Wa:n koma:mo teh ta:kik ok n' kahfe:n ika n' *artesanía** n' timopale:wi:skeh. Pero mah a:mo timoka:waka:n *mal**, *porque** onkak, onkak talna:miki:lis para se: *moservi:ros** *Por eso** yo:n eskowit neh niki:xmatik *desde** wehka:w, wa:n yo:n *maestro** te:chne:xtilih ke ke:mah kwali tikchihchi:waskeh *artesanías**, a:mo titakwawtamatiskeh ika n' kahfe:n *porque** kahfe:n kipia no: se: kokolis. *Cuando** tasekwetsis tami wa:kis wa:n a:mo ta:kis. Wa:kis wa:n poliw[is] a. Wa:n komo a:mo tasekwetsik, *pero a veces** a:mo ta:ki. Kachi a sah n' ekintsi:n, kin..., kipatakeh ya nochi n' kahfe:n *plantas** tein onkak, kika:wkeh ya, tein wehka:w kahfe:n onkaya. Pos ekintsi:n neli tietokeh *mal** nochi. *Por eso** miak *gente** motalowa we:ixola:l México, te:tekitili:ti. Wa:n tika:wkeh ya n' *toartesanía**, tika:wkeh ya n' *tocafetal** *porque** a:mo te:chpale:wih ok. *Bueno**. ¿Toni, toni *artesanía**? Tama:chihchi:walis. Tama:chihchi:walis ke:meh i:n tikihilpi:skeh, xo:no:t, tikihi..., tik..., tikchihchi:waskeh *servilletero**, oso tiknamakaskeh teihsá: ta:kilo:tsi:n, yo:ni sah. *Pero pues** a:mo kipia *tanto precio**. A:mo, a:mo, a:mo ki..., a:mo kixta:wah pati:yoh. *Pero siquiera** tepitsi:n, nel semi n' timosenka:waskeh. ¿Nochi o:me eskwawit? [N]o:chi o:me eskowit, mm. Mm. ¿Wa:n para kowtati:l no: weli? Para kowtati:l *servi:rowa**, mia:k *gente**, *kiservi:rowa** nejó:n eskowit *porque** wehka:w ta:tahmeh, *toabuelitos** kichi:wayah pane:lah, wa:n ka:mpa kimatih ihkak se: eskwowit, kite:ntekih wa:n kitipante:mah, wa:ki tepitsi:n wa:n kina:lte:miliah n' *paila** para mah mochi:wa m' pane:lah. Wa:n ika yo:n motekipano:waya wehka:w *gentes** tein tekitikoh, towehka:wkayo:tatahwa:n. Mmm. ¿Wa:n ke:no:n kipia ixihyo? ¿Ke:no:n kipia ikwawyo? Pos n' ixiwyo ke:meh, seki xiwit kipia ke:meh ne: ma:i:xxahxaxakachtik. Wa:n i..., ixo:chio mokehketsa ihkó:n ke:meh eskia *velitas**. kwaltsi:n xo:chiowa. Wa:n ixiwyo pané: ma:i:xxahxakachtik yehwa n' kiliah eskowit. No: kika:wayah itech kahfeta:lmeh mah mochi:wa, mah tatampawi, mah kitampawi n' kahfe:n para moskalti:s. Mm. ¿Wa:n ista:k? Wa:n ista:keskowit. Semi, ¿Ixiwyo? semi tatsa:la:n sah ne:sis, wa:n ixiwyo tsikitsitsi:n, tsitsikitsitsi:n. Pero yeh a:mo ma:i:x..., a:mo k..., a:mo ma:i:xxaxakachtik, sayoh, yeh sayoh kipia seki *hojas**, ihkó:n xiwtsitsi:n ahalaxtik. Wa:n, *este**, ke:ní:w timono:tsa? Nehwa nimono:tsa Juan de los Santos Dionicio de San Miguel Tzinacapan. Tasohka:matik.