żEtok a? Mm. Onkak seki xiwit mono:tsa wiwilakani. Wa:n yo:n wiwilakani kito:ka:ytiah wiwilakani *porque** mowila:na mo..., mowila:na ka:mpa yeski. *Por eso** kiliah wiwilakani. Wa:n ixiwyo, ixiwyo ma:..., ma:pihpitsa:wak wa:n ma:we:weyak. Wa:n ixo:chio, ixo:chio ista:k, ista:k n' ixo:chiotsi:n. Wa:n yo:n kiliah mo..., *este** wiwilakani yo:n pos, tamela:wa sayoh xiwit sah *porque** yo:n a:mo tikihto:tih tikwitih para, mah tikihto:ka:n tikwitih para pahti *o**, *o** tikwitih, *este**, para mah te:ch..., te:chpale:wi teihsá: ika. A:mo. A:xka:n oksé:, yo:n onkak o:me taman. Neh niki:xmattok o:me taman sah. *A lo mejor**, a:chá: eski, a:chá: onkas *hasta** e:yi *porque** *a veces** seki, ti..., se: sepatika ata tikiliah tehwa:n xiwit onkak *hasta** nahna:wi taman. Pero neh niki:xmattok o:me taman. Niki:xmattok se: kiliah wiwilakani no:, wiwilakani, pero teh..., neh, kito:ka:ytiah mo:likilama. No: wiwilakani kiliah *porque** no: mowila:na ka:mpa yeski. Wa:n kiliah mo:likilama, moli:kilama kiliah *porque** chihchihkoltik. Teh, *bueno** chihchihkoltik, wa:n sanipa, sanipa wa:n sanika:n mo..., momoya:wa n' ima:y, n' ima:y, n' ima:ytsitsi:n. Yeh ika kiliah mo:likilama. Wa:n yo:n mo:likilama yo:n, yo:n, yo:n ke:mah semi *mal** mah nimitsili, *porque** komohkó:n kitekkeh yo:n kowit, wa:n mah kwi:kaka:n kalihtik wa:n mah kitati:ka:n, mah kitati:ka:n tiko:..., para mah tiko:..., itech tiko:mit wa:n komo tikimpiah to:tolkone:meh, pe:wah wihwilakwih yeh ika kiliah wiwilakani no: yo:n kiliah Moli:kilama wa:n kiliah wiwilakani *porque** wilakwih ika n' tapialmeh. Mah tikimpiaka:n to..., toto:toltsi:tsi:n *o** topio:kone:wa:n *o** toto:lkone:wa:n wa:n mah kitatika:n yo:n kowit, para mo:stika, wi:ptika, wihwila:kwih n' to:tolimeh, wihwilakwih n' tapialmeh. Yeh ika kiliah mo:likilama wa:n kiliah wiwilakani. Wiwilakani *porque** ke:meh eskia kiniwilakwi:ltia ne:n tapialtsitsi:n. Yo:n neh a:mo nikneltokaya pero se: *ve**..., se: *viaje**, nikihtowa, ni[kih]ihtowa sepa, se: sepa kwaltsi:n ke:meh i:n, ay se: tanohno:tsa. Neh ne:chilihtoya ne: no:..., no:má:n, kihtowa, "A:mo tikneltokas", kihtowa, "yo:n mo:likilama, tehwa:n tikiliah wiwilakani", kihtowa. "No:, no:, no:, no: t'nemilihkeh tiktekitih, a:mo teh kowit katka, t'tehtekkeh kihtowa, wa:kik kakta, t'tehtekkeh wa:n tikehkoltihkeh kalihtik. Wa:n tikimpiayah seki to:tolkone:meh", kihtowa, "wa:n tiktatihkeh yo:n kowit para mo:stika tane:sikoh noto:toltsitsi:n", kihtowa. "Wihwilakwikeh", kihtowa, "mo..., sanipa mometskeh..., mometskehkepkeh", kihtowa, "wa:n motitilatstinemih, a:mo wel moketsah ok", kihtowa. Wa:n *después** ne:chilih no:, ne:chilih kihtowa ne:n, ne:chilihkeh nokni:wa:n kihtowa, ke yehwa kichi:wilih kihtowa, *porque** yo:n kowit semi, semi *mal** mah, mah se: kitati nejó:n, *por eso** kiliah wiwilakani. Wiwilakani wa:n kiliah mo:likilama. Mm. Yehwa yo:n, yehwa yo:n *servi:rowa, *pues**. *Bueno, hasta eso**, a:mo no: wel tikwitih para kowtati:l *porque** nimitsilih ya, *mal** para n' tapialmeh. Mm. A:mo nikmati xa: żse: talna:miki:lis tikpias?