urn:nl-mpi-tools-elan-eaf:660b9ea9-f8ca-4f02-88bd-aecb37de70c3
410
Mm, ta4ta2 ndi4 an4 ya1 kan4 ba42 ku4ni2 ku3ni3=ndo4 ndi4 ya1 ku4u(4)=a2 i4xa3 ta1 chi4ñu3, ta1 chi4ñu3 ku4u4 ta1 ku4mi3i4 tu1ni4ni2 ji'4in(4)=a2 ni1-ka'1an1 na1 ñu3u2 xa'1a4=ra2,
ndi4 ku'1un1=ra1 ko3nda2a2=ra1 ti1xin3 ñu3u2 tan3 ti1xin3 ñu3u2 i3kan4 ba42 ya1 ka4na3nu3 ña1, na1 ta4u3ni2, i3kan4 i4yo2 na1 ta4u3ni2 ko4ndo3 yu3ba4, ko4ndo3 yu3ba4 ko4ndo3 si'3i4 ka4chi2=na1
xi3kwe4nda2 ti1xin3 ña1 ko4ndo3 *mesa** ji'4in4 ta1 chi4ñu3
tan3 na1 kan4 ku4u4 na1 ndi4-ki3ta'4an4=na2 xi4ka3 nda'3a4 xa'1a4 ta1 chi4ñu3 nu14u3=na2 tan3 ndi4-ki3ta'4an4=na2 tan3 i3kan4 nda4tu'4un4 na3ni2=na1 ndi4
sa1a3 ko3o3 tan3 ku'1un1=na1 nu14u3 sa1bi4
ya1 kan4 ba42 ndi4 nda4..., nda4tu'4un(4)=2 ji'4in4=ndo4 ta4ta2 ndi4 ki13xa2a2=ndo4 bi3tin3 tan3 nda4tu'4un(4)=2 ji'4in4=ndo4 ndi4 sa1a3 ko3o3 tan3 ku'1un1 yo4o4 nu14u3 sa1bi4 ndi4 ji4ni2 ba3 yo4o4 ndi4 kwi1ya1 kwi1ya1 ndi4
ta1 chi4ñu3 ke4e4 tan3 ta1 chi4ñu3 ki4xa2a2 jo4nda2a2=ra1 *mesa** ta4tu2u2=ndo4 ji1ndio4si2 na1 ba1xi3 ndi4 sa3kan4 ku4u4 ji'4in(4)=a3.
*Costumbre** ndi4 ba143 ndo4o13=a2 kan4 ndi4 ya1 kan4 ndi4 nda1 na4 ni1-nda3ñu'4u4 yo4o4
ni1-xi'1i1 yo4o4 sa3kan4 ba42 ndi4 ndi'4i4 ya1 ko4ndo3 *costumbre** tan3, tan3 bi3tin3 ndi4
ya1 kan4 ba42 ku4ni2 ku3ni2[=yu1] nda4ka1tu'4un(4)=2 ndo'4o1 ta4ta2, i3kan4 ba42 ka'4an2 na1 ta4u3ni2 "na4 sa3kan4 ba3 ka'4an2 yo'4o1 *comisario**", "Ndi4 bi3tin3 ndi4,
ta4ta2 chi4ñu3 ndi4 ka'4nu3 ko3o3 i3ni2=un4 ndi4 nda3tu'4un4 yo4o4, ki13xa2a2 ba3 ndu'1u1 ndi4 nda3tu'4un4 ba3 yo4o4 ndi4 yo'4o4 nde4e4=ndu2 ki13xa2a2=ndu1 tan3
bi3tin3 ndi4 nda3tu'4un4 yo4o4 ndi4 yo3o3 ku4u4 ta1 ku'1un1 nu14u3 sa1bi4, tan3 na1 ku3ni3 ku4u4 na1 ku'1un1 nu14u3 sa1bi4
ku'1un1 yo4o4 nu14u3 na1 kan4, ka14na3 mi3i(4)=o4 na1 kan4 ki3xa2a2=na1 be'3e3 chi4ñu3 ndi4 ko14o3 tu1ni4ni2 ndu4ku4 na1 kan4 ndi4 yo4o4 ku4u4 ta1 ndi4ni2 xa'1a4 ñu3u2 tan3
ku'1un1 yo4o4 ku'1un1 ka'1an1 yo4o4 ji'4in4 ji1ndio4si2 kan4, tan3 bi3tin3 ndi4 ta1 ko4ndo3 kan3to4ri2 tan3 sa4-..., sa4-kwa'1a(3)=on4 nda'3a4 xa'1a(4)=on4 na4 ku'1un1=na1 ka'1an1=na1 ji'4in4 ta1 ko4ndo3 kan3to4ri2
ku'1un1 na1 i3kan4 ku3ni3 na1 si'4i2 nda4kwa3tu3 sa3kan4 su4-ku3ni(3)=un4 na1 kan4 tin3 ki3xa2a2=na1
i3kan4 ku3ni3 tu3 na1 ti4bi2 ba3 i4yo2=na1 ji'4in(4)=un4,
ko14o3 nda4a2 xa'1a4 kwi1ya1 ba42 tan3 ya1 kan4 ba42 nda4tu'4un4 yo4o4 tan3 bi3tin3 ndi4 na4 ja1 ku4-ya3tin3 tiem4pu2 ña'1a3=e2 tan3
tan42 ka'4an2=ndu1 bi3tin3 sa3kan4 ka'1an1 ba3=ndu2 sa3kan4 a1chi1 ndi4 sa3kan4 xu4ko1o3 ji'4in4 ba(3)=e2 ko4ndo3 *costumbre**, bi3tin3 ba42 ni1-ki3ta(3)=on4 ja143 ki13xa2a(2)=on4 xa'1a4 *mesa** tan3, tan3 ka'4an2=on4 ji'4in4=ndu2 tan3
tan3 bi3tin3 ndi4 ya1 ku4u(4)=a2 nda4i3ka4 yo4o4 a3sa(3)=on4 ni1-ki3xa2a(2)=on4 bi3tin3 ndi13-ki3ta'4an4=ndu2 ji'4in(4)=un4 tin3 ndi4
ya1 ku4u4 ya1 tu1ni4ni2 a3sa(3)=on4 ndi4 ya1 ko4ndo3 xa'1a4 ñu3u2
ji4ni2 ba3 yo4o4 ndi4 kwi1ya1 kwi1ya1 ndi4 ta1 chi4ñu3 ke4e4 ta1 chi4ñu3 ki4xa2a2 ndi4 ya1 kwa'4a4 ku4u4 ba3 xa'1a4 ñu3u2 ndi4 ba143 kwi4i4 ndo1o3=a2 kan4 ndi4,
ya1 kan4 ba42 ko4ndo3 *costumbre** ni'4i4 yo4o4 kwa'1an1 yo4o4 ndo13ko3o4 na1 ta4u3ni2
yu3ba4 yo4o4 si'3i(4)=o4 ji'4in(4)=o4 xi1i4 is1tan4 yo4o4 ji'4in(4)=o4 tan3 ya1 kan4 ba42 ni'4i(4)=o4 kwa'1an(1)=e4 ndi4 na4 ku'1un1 ba(3)=e2 kan4 na4 ku'1un(1)=a1, ya1 kan4 ba42 ba1xi(3)=o4 ji'4in4 tan3
ya1 kan4 ba42 ka'4an2=ndu1 ji'4in(4)=un4 xa'1a4 ta4ta2 ndi4 ka'4nu3 ko3o3 i3ni2=un4 ndi4
ko14o3 xu'14un4 ko14o3 ni4-ndo3ko3o4=ndu2 ji'4in(4)=un4 ndi4 tu1ni4ni2 ba3, *mesa** ni3na3 ba3 ndo13ko3o4=ndu2 mi4i4 i4ndu'3u(4)=un4 nda4a2=on4 tan3 ja1 tu1ni4ni2 mi3i(4)=un4 ba42,
nda4a(2)=e2 ku4u(4)=a2 ya1 ndi4 ya1 ka1a3 ba42 ka'4an2=ndu1 xa'1a4 ji'4in(4)=un4, i3kan4 ni1-ndo1o3 ba3 ta1 ko4ndo3 ta1 chi4ñu3 xa143 ndi4ni2=ra1, xa143,
ka'4an2 ba3=ra2 ndi4 yo3o3 ku4u4 ta1 a3sa(3)=e2 ba'1a3 nda3kwa3tu3 xa'1a4 ñu3u2
yo3o3 ku4u4 ta1 ba'1a3 ka'4an2 yo3o3 ku4u4 ta1, a1chi1 ndi4,
ka1a3 nde4e4=ndu2 ku3ni3 so'1o3=ndu2 ndi4 e1ta4 kwen4tu2 ba42 ku3ni3 so'1o3=ndu2 ka'4an2 ji1ndio4si2 ndi4 ka4ni'1i3=na2 ba1xi3=na2 ndi4 ba143 xi4ni3=ndu2 nda4a(2)=e2 ba42 ka'4an2=na1 ndi4 [i3in3] nu14u3 ka'4an2 mi3i4=na2 sa3kan4 ti4 ba3
tan3 bi3tin3 ndi4 ta1 ka'1an1 xa'1a4 ñu3u2 tan3 ta1 ka'1an1 nda'4bi2 xa'1a4 ñu3u2 na4 ko14o(3)=a2 ko3ndo'3o3 ndi3se'1e3 ñu3u2 ti1xin3 ñu3u2 *patrón** San Franciscu mi4i4 i4yo2 ndo3so4=na3.
a1chi1 kwa'1a4 sien4tu2 *mil** ku4u4=na2 ni1-ki3xa2a2=na1 tan3 bi3tin3 ndi4 na1 kan4 ku4u4=na2 ka'1an1 nda'4bi2 ji1ndio4si2 xa'1a4 ya1 kan4 ba42 ndi4
ya1 kan4 ba42 ka'4an2=ndu1 ji'4in(4)=un4 tan3 bi3tin3 ndi4 ña1a4 ndo1o(3)=on4 ji'4in4 tu1ndi4ni2, i3kan4 ni1-ndo1o3 ta1 ko4ndo3 *comisario** tin3, ni1-ka'3nu3 ba3,
tiem4pu2 ni1-ki3xa2a2=ra1, ku13mi3i4=a2 nda4a2 u1ni1 *semana** ni1-ki3xa2a2=ra1 tan3 xa143 ndi4ni2 ba3=ra2 xa'1a4 ya1 ko4ndo3 ñu3u2 ndi4, ya1 kan4 ba1xi3=a2,
i3kan4 ti'13bi4=ra2 nda'3a4 xa'1a4=ra2, i3kan4 ba42 ni1-xa'1an1=ra1,
ni1-xa'1an1 nda'3a4 xa'1a4 ta1 chi4ñu3 ka4na3=ra2 ndi4 na4 ku'1un1=yu1 be'3e3 chi4ñu3
tan3 ni1-xa'1an1 ba(3)=2 i3kan4 be'3e3 chi4ñu3, ta4ta2 *comisario** ¿nda4a2 tu1ni4ni2 ndo'4o(4)=on4 ka4na(3)=on4? Ta4ta2 ndi4 tu1ndi4ni2 yo'4o4 ba3 ndo'4o4 yu'1u1 ka4na(3)=2 ndi4
ya1, xa'1a4 i3in3 ya1 ko4ndo3, xa'1a4 ñu3u2 yo'4o4 ba3 ku4ni2=ndu1 ko3o(3)=a2 ndi4ni2 tan3 ji14ni2=ndu1 yo3o3 ji'4in4 ka'1an1=ndu1,
tan3 nda13-ka'3an4 tu3 ji1ndio4si2 na1 ta4u3ni2 tan3 ni1-ka'1an1=na1 xa'1a(4)=on4 ndi4 ki4xi(3)=un4 i4xa(3)=on4=a2 ma1ni4 ji'4in4 ji1ndio4si2 yo'4o4
ya1 kan4 ba42 ba1xi(3)=un4 tan3 bi3tin3 ndi4 ya1 yo'4o4 ba42 ku4ni2=ndu1 ka'1an(1)=on4 xa'1a4 kwa4chi3 na'4nu3 xa'1a4 ñu3u2 ba3, xa'1a4 na1 ta4u3ni2 ba3
tan42 i4yo2 ba3 na1 ñu3u2 ku4u4=na2 a1chi1 ndi4 sa3kan4 xa4ko1o3 ji'4in4 ba(3)=e3, yu'1u1 ndi4 ka'4an2 ba(3)=2 ndi4 ji13ni2[=yu1] sa1a3 i4yo2 ji'4in(4)=a2 tan3 ndi4
yo'4o1 ku4u4 ta1 ji4ni2=un4 sa1a3 ko3o3 ji'4in(4)=a2 yo'4o4 sa1a3 i4yo2 ji'4in(4)=a2, tan3 nda4a(2)=e2 ba42 ku4u4 *seña** xa'4a13=e2 tan3
tan3 yo'4o1 ku4u4 ta1 nda3-kwa'1a(3)=on4 *cuenta** nu14u3=ndu2 sa1a3 ko3o3 chiu3un3 a3sa3=ndu2 ko3nde3e3=ndu2 *mesa** yo'4o4
an4 ba1xi3=a2 ku4u4 tu1ni4ni2 ko3ndo'3o3=ndu2 an4 ba1xi3 nda4a(2)=e2 ba42 ba1xi3 ko3ndo'3o3=ndu2, an4 ba1xi3 tu1ni4ni2 ji'4in4 ñu3u2 ba3, ji'4in4 ndi3se'1e3 ñu3u2 ba3
tan3 ndi4 na1 ku4ni2 ku3ni2 ku4u4=ndu2 nda3-kwa'1a(3)=on4 *cuenta** nu14u3=ndu2 o4ra2 ndi'3i3 ka4chi2 ta1 ko4ndo3 ta1 chi4ñu3 ka'4an2=ra1
tan3 i3kan4 xa143 ni1-xa3ko1o3=a2 ndi4ni2 xa'1a4 ya1 ko4ndo3 i3kan4, i3kan4, xa143 ka4chi2,
tan3 ka'1an1=ra1 tan3 nda4a2 ki1bi4 ba42 ya1 a3sa(3)=on4 ya1 ba'1a3 ji'4in4=ndu2 ti1xin3 be'3e3 chi4ñu3 yo'4o4
yu'1u1 ndi4 kwi14i3 ka3chi2=yu1 nda4a2 ki1bi4 ko3ndo(3)=a2 ndi4 ya1 ba'1a3 ba42 i3ta2an2 i3sa42 na4tu2 i4yo2 na3ni2=ndo4 na4tu2 ba143 na4ni2=ndo4 ndi4
a1chi1 ndi4 ña1a4 ndi4 [...]. Tan3 ¿nda4a(2)=e2 ba42 ku4ni2=ni4(2)=a2 ta4ta2? Ya1 ku4u(4)=a2 ku4ni(2)=a2 ndi4 *candela**, so1o4, ndi1bi4 ya1 kan4 ku4ni(2)=a2
ya1 ko3ko3 yo'4o4 tan3 ji'4in4 i3ta2 yo'1o4 i3ta2 nda'3a4 ku3ndu'4u4, tan3,
kwi3..., kwi3ta3 i3ta2 ya1 ku4u(4)=a2 ya1 ki'3in3, ya1 kwi3ta3 a1chi1 ndi4 *mesa** yo'4o4 ndi4 kwa'1a4 na1 ta4u3ni2 ba1xi3 jo4ndo3 na1 chi4ñu3 yo'4o4
tan3 na1 kwa'1an1 kan4 ndi4 na1 i4yo2 ku4u4 na1 kan4 nda4a2=na1 *mesa**, na1 kan4 ndi4 nda13ñu'4u4 ba3=na2 nu14u(3)=e4, kwa'1an1=na1 na1 ko4ndo3 *purgatorio** ka4chi2 yo4o4 ji'4in(4)=a2,
mi4i4 ba42 kwa'1an1 na1 ta4u3ni2 ji14ni2=o4 sa1a3 ka4a4 mi4i4 ba42 kwa'1an1=na1 kan4 ndi4 na1 kan4 ndi4 kwa'1an1=na1 kan4 ka4chi2=o4 ndi4 kan4 ndi4 na1 i4yo2 ku4u4=na2 nda4a2=na1 *mesa** yo4o4 a1chi1 ndi4 mi4i4 ki13xi3=na2 jo13nda2a2=na1 *mesa** ku4u(4)=a3.
Tan3 na1 kan4 ndi4 na1 ka4na3 ki1bi4 ku4u4 na1 kan4 i4yo2=na1 ji'4in(4)=un4 xi3kwe4nda2=na1 yo'4o1 ti1xin3 ñu3u2
ndi3kwi3ta3 na1 kan4 ku1mi4 tu1tu'4un4 ñu3u2 kwi3ta3 na1 kan4 xi3kwe4nda2=na1 yo'4o1 na4 ko14o3 na1 ba'14a4 ko14o3 na1 a3sa(3)=e2 ja13ni1ku3 ji'4in4 ndi3se'1e3 ñu3u2
tan3 na4 xi4ni2 ba'1a3 yo4o4 sa1a3 ko3o3 ka'1an1 yo4o4 ji'4in(4)=a2 tan3, tan3 na1 kan4 ndi4 na1 chi4-nde3e4 ku4u4 na1 kan4
ta1a3 nda14ni'1i4=ra2 sa1a3 ko3o3 ka'1an1=ra1 tan3 i3kan4 ba1xi3=a2 ku4u4 tu1ni4ni2 ka4nda3ba3 tu1ni4ni2, ka4nda3ba3 na1 ba'14a4 xi'4i1 ndi3se'1e3 ñu3u2 a1chi1 ndi4
mi4i4 nda14ni'1i4 ba'1a3=ra2 ka'1an1=ra1 ji'4in(4)=a2 tan3, tan3 an4 nda1 ka'4an2 ba3 na1 nda'4bi2 tan3 ndi4
kwa'1a4=e2 ka'4an2 ba3 na1 kan4 tan3 ndi4, na1 yu4bi24 na1 ja1 ku4ni2 a3sa(3)=e2 ti4in4=na2 kwa1chi3 ta'4an4=na2,
ko14o3 kwa1chi3=a2 tan3 ndi4 ti3in3 ji'4in4 nda'3a4=na2 kwa1chi3=a2 tan3 ja'4ni24=na2 ta'4an4 ba3=na2, kwa'1an1=na1 nda4a2=na1 ta'4an4=na2 i3chi4 ba3 ya1 kan4 ndi4 su14u(3)=a2 ba'1a3 ba42 ndi4
na4 ka'3ni4 i3ni2=na1 xa'1a4=e2 kan4 na4 ndi'3i3 ba3 ji'4in(4)=a2 kan4 a1chi1 ndi4 ba143 ba'1a3=e2 kan4 na4 nda3ndo4so24 i3ni2=na1 xa'1a4=e3, ya1 ko4ndo3 tu1ni4ni2
ya1 kan4 ba42 ka4na3nu(3)=a2 ba1xi3=a2 ya1 ko4ndo(3)=a2 ya1 kwa'4a4 xa'1a4 ñu3u2, ya1 kan4 ndi4 i3kan4 ndi4
ko14o3 na3ni2=ndu1 ta4ta2 ndi4 bi3tin3 ndi4 ki1bi4 yo'4o4 ba42 ya1 ku4ni2=ndu1 ko3o(3)=a2 ndi4ni2. An4 ba'1a3 ba3 ndi4,
yu'1u1 ndi4 ba143 i4ndu'3u4=2 ti1xin3 ñu3u2 ndi4 ka4xi3yo3 i4ndu'3u4 yu'1u1 tan3, tan3 ya1kan3, ndo'4o1 ku4u4 na1 ji4ni2=ndo4 nda4a2 o4ra2 ko3ndo(3)=a3.
Ko14o3 ji4ni2=o4 nda4a2 o4ra2 jo4ndo13=a2 yo'4o4, jo4ndo13=a2 yo'4o4 *doce** ñu3u42 ndi'4i4 ji'4in(4)=a2 *una** ba3 a1chi1 ndi4
ya'4a13 i3in3 o4ra2 sa3ba3 jo4ndo13=a2 ya1 jo4ndo13=a2 ya1, ya1 ya'4a13 tan42 ya1 xi4yo13=a2 ndi4ni2 sa3kan4 tan3
o4ra2 kwa'1an1 tan3 ki3xa3a4 ya1 ko4ndo3 kwa'3a3 xa'1a4 ñu3u2 ka4chi2 yo4o4 a3sa3 *presente** yo4o4 kan4 ndi4 ya1 kan4 ba42 kwa'4a4 xa'1a4 ñu3u2 ka4chi2 yo4o4 ndi4
a1chi1 ba3 ki4xa3a4=e2 kan4 tan3 i3kan4
ku4u4 sa3kan4 tan3 nda1 in4ki14tu3 ji'4in4 ba(3)=e2 kan4 ku4u4 sa3kan4 an4 *tres** an4 *cuatro** ka1a3 ndi'4i4 ji'4in(4)=a2,
i3kan4, ya1 ku4u(4)=a2 ka'4an2=na1 xa'1a4 ñu3u2 ka4na3 ki1bi4 na1 ta4u3ni2 ka4na3 ki1bi4 ndo'4o1 na1 be'3e3 chi4ñu3 tan3 nda1 ndi'4i4 ba3 ji1ndio4si2 ka4na3 ki1bi4
tan3 ndi4 na1 ñu3u2 ndi4 ko14o3 ki1bi4 na1 kan4 ka4na3 ndi4 ya'4a13 ka'4nu3 ba(3)=e2 kan4 kwa'1an(1)=e1 a1chi1 ndi4 ko14o3 i3in3, ji14ni2=o4 ndi4 ja1 ka1a3 xa'4a13 mi3i4 ba3=na2,
na1 ko4ndo3 na1, [ndi3ka2] bi4ko4 na1 ba1xi3, ta1 ndi3ka2bi4ko4 ni'4i4 yo4o4 xi3kwe4nda2 yo4o4 ti1xin3 ñu3u2 mi4i4 ba42 ba1xi3, ni'4i4 yu'1u1 ka'4an2=yu1 xa'1a4 na1 ñu3u2 ndi4
ta1 ndi3ka2bi4ko4 mm, Bartolo ba3 ta1 ndi3ka2bi4ko4 Xi4ba2 ta1 ndi3ka2bi4ko4 Juan Manuel ta1 kan4 ko4ndo3 ta1 ndi3ka2bi4ko4 ta1 ndi4chi2
ta1 ka'4an2 nda'4bi2 nda1 ko4ndo3 *purgatorio**, ta1 kan4 ku4u4 ta1 ka4ndi3ka2 i4ndu'3u4 nda4a2 *mesa** ta1 kan4 ku4u4 ta1 xi4kwe4nda2
ji'4in4 *padre señor** San Jerónimo ta1 i4ndu'3u4, mi4i4 ba42 i4ndu'3u4 tun4 ko4ndo3 *bastón** mi4i4 ka4ndu'3u4 *libru** mi4i4 ka4ndu'3u4 *libreta** mi4i4 ndo4so14 ki1bi4 mi4i4 ndo4so14 kwi1ya1=na1
ma'14ñu3 *libreta** kan4 yo4so24 ki1bi4 yo4so24 kwi1ya1=na1 i3kan4 ba1xi3=a2 nda4kan1, ka'4an2 ta1 ka'4an2 nda'4bi2 xa'1a4 na1 ti1xin3 ñu3u2
tan3 i3kan4 ba42 ta'4nda1 tu4ni1 xa'1a4 ti4 ñu3u2 nda4ku3=na2 na4 ko14o(3)=a2 ko3ndo'3o3=ri4 mi4i4 ndi4ka2=ri4 be'3e3 yu3ku4 mi4i4 ndi4ka2=ri4 be'3e3 ndu3ta4, i3kan4 ka'4an2, ka'4an2 nda'4bi2=na1
xa'1a4 na1 nda'4bi2 kan4, ya1 kan4 ba42 ndi4 ba1xi3=ni4(2)=a2 ya1 ku4u4 tu1ni4ni2 ba1xi3=ni42 tu1ni1o3ko4 be'3e3 ka'4nu3 ba1xi3 ti1nda3ku4 ba1xi3 ka'3ni4 ba3, xa'1a4 na1 nda'4bi2 kan4
ba1xi3 sa3yu2 ba1xi3 be'3e3 ka'4nu3, tan3 na1, na1 ko4ndo3 na1 *ánima** na1, na1 nda4a2 *mesa** na1 jo13ndo3 na1 chi4ñu3
na4 ndi3kwi3ta3 na1 kan4 ya1 ko4ndo3 *purgatorio** na4 ka3si2=na1 ku4u4 ti1nda3ku4 na4 ka3si2=na1 ko4ndo3 kwe'1e1 an4 ka3si2=na1 ko4ndo3 ka'3ni4 ka3xin3 kan4
na4 kwa'14a13=na2 ta1nda3(2)=e2 ti1xin3 ñu3u2 nda1 kwa'1a4 sien4tu2 *mil** ku4u4 ndi3se'1e3 ndi3sa1na1 *patrón** San Franciscu ndi4 na4 ko14o3=na2 ya1ni3 ji'4in4 ki3ti4 ko14o3 na1 ya1ni3 ji'4in4 kwe'1e1 na4 ku1nda'1a3 ku3-xi3yo(3)=a3.
I3kan4 ba1xi3=a2, i3kan4 ta1nda3a2 ki1bi4 ya1 kwa'3a3 xa'1a4 ñu3u2, i3kan4 ba42 ndi4
kwa'3a3 i3ta2, ba'1a3 ba3 ya1 xi1ka3 yo4o4 ji'4in(4)=a2 ka1a3 ndi4 lu3u3 i3ta2 ni1-kwa'3a3 ta4ta2, tan3 sa3kan4 ba42 ndi4 kwa'3a3 xi4nu13 i3ta2. Ta4ta2 ndi4 ko14o3 ji4ni2=o4 ¿sa1a3 ko3ndo3 i3ta2 kwa'3a3 sa3kan4?
Ku1mi4 yo4so24 u1xi1 u1ni1 ku1mi4 yo4so24 i1in1 ku1mi4 yo4so24 i1ñu1 tan3 kwa'3a3 ya1 ja3chiu4un4 yo'4o4, sa3kan4 ba42 ndi4
ndi3-ki'3in(3)=a2 ya'1bi3=a2 nda3-kwa'3a3 xa'1a4 ñu3u2. Tan3 ndi4 ji14ni2=o4 sa1a3 ya1 ko4ndo3 *presente** ku3ndu'4u4 ta4ta2. Kwi14i3 ka3chi2[=yu1] ji'4in4=ndo4 ta4ta2 ndi4 su14u3 ña'1a3 i4xi4ko3 yu'1u1 ya1 kan4 ndi4
ka3chi2[=yu1] ndi4 so'3o3 ko3ndo3 xu'14un4 so'3o3 ku3ndu'4u4 [...] sa1a3 ka4na3 i3ni2 mi3i4=ndo4 chi3ndu'4u4=ndo4, na4tu2 ka4na3 i3ni2=ndo4 na4tu2 ka14na3 [...] a1chi1 ndi4
ya1 yo'4o4 ndi4 ya1 ma1ni4 nda1 nda'3a4 yu3ba(4)=e4 ndio4si2 ba42 yo'4o4 tan3 ji'4in4 ndo'4o1 na1 be'3e3 chi4ñu3 ji'4in4 ñu3u2 ba43, kwi14i3 ka'1an(1)=e1 ya'1bi3
an4 i4yo2 tu3 i3nga2 na1 yu4bi24 ka'4an2=na1 ya'1bi3=na2 sa1a3 ku4ni2=na1 ka'1an1=na1 tan3 ndi4, ndi4 ja1 kwe4nda2 mi3i4=na2 ba42 kan4 tan3 yu'1u1 ndi4 kwi14i3 ka'1an(1)=e1 ndi4 sa1a3 ka4na3 i3ni2 mi3i4=ndo4 tan3 ba'1a3 sa3kan4 ba3 a1chi1 ndi4
yu'1u1 ndi4 ba143 ba1xi3 yu'1u1 ki'3in(3)=2 ya'1bi3 ndi4 ta1 ba1xi3 i4xa(3)=e2 ma1ni4 ku4u4 yu'1u1 tan3 bi3tin3 ndi4 o4ra2 ta1nda3a2 kwa'3a3 kan4 ndi4
ndi4 na1 yo'4o4 ko4ndo3 na1 ndi3ka2bi4ko4 na1 ja4chiu4un4 ji'4in(4)=a2 na1 xi3kwe4nda2 tan3 na1 ku3-ni'3i3 ku3-nda3ka3 ti1xin3 ñu3u2, tan3 sa3kan4 na1 *ánima** ndi4 na1 kan4 ndi4
na1 xi3kwe4nda2 ti1xin3 ñu3u2 ku4u4 na1 kan4 ku1mi4 ku3-ndi3ta3=na2 tu1tu'4un4 ñu3u2 ku1mi4 ku3-ndi3ta3=na2 ka'3a4 ñu3u2 na4 kwa'14a13=na2 ta1nda3a2 na1 ba'14a4 na4 kwa'14a13=na2 ta1nda3a2, mi4i4 ba1xi3 ta1 ndi4so3 tu1xi42 ba3
mi4i4 ba1xi3 ta1 ndi4so3 *pistola** mi4i4 ba1xi3 ta1 ndi4so3 chi4lu2 mi4i4 ba1xi3 ta1 ndi4so3 *machiti**, ku4ni2 a3sa3=na(2)=e2 ja13ni1ku3 ji'4in4 ndi3se'1e3 ndi3sa1na1 ba3 tan3 ndi4 na4 ku1nda'1a3 ku3-xi3yo3 na1 kan4
tan3 ni1bi4 ba1xi3 na1 kan4 nda13-nu1na4 ya1 ko4ndo3 *purgatorio** ndi4 ba1xi3 na1 kan4 ki13xa2a2=na1 pa3san4tu2 ba1xi3=na2 ki3xa2a2=na1
i3kan4 ba1xi3 ndo3so4=na2 ni1-ki3xa2a2 ndo3so4=na2 ya1 ko4ndo3 ti1xin3 ñu3u2 *patrón** San Franciscu ndi4 na1 ni'4i4 na1 nda4a2 ku4u4 na1 kan4 xi3kwe4nda2=na1
a1chi1 ndi4 yu'1u1 ku4u4 ta1 ndi4chi2 ka'4an2 nda'4bi2 xa'1a4=na2 ndi3se'1e3 ndi3sa1na1 tan3 na4 ku3-ni'3i3=na2 ku3-nda3ka3=na2 xi3kwe4nda2=na1 a1chi1 ndi4
na1 kan4 ndi4 na1 ja1 ni1-na1a4 ni1-nda'1ba1 ku4u4=na2 nda13ndo3o3 yu1ku1 i3ta2 ku4u4 na1 kan4 ko14o3 ya1 is1ta4 ko14o3 ta1kwi42 bi4 na1 kan4 ndi4 na1 kan4 ndi4 na1, nu14u3 ñu'3u2 nu14u3 i3ta2 ku4u4 na1 kan4, tan3 i3kan4 ba1xi3=a3,
tan3 bi3tin3 ndi4 yo'4o4 ni1-ta1nda3a2 u1xi1 u1ni1 ki1bi4 ba42 ni1-ki3xa3a(4)=e4 ta4ta2 ndi4 i3ta2an2 ta4nda13a2 ki1bi4 u1xi1 u1ni1 tan3 bi3tin3 ndi4 i3in3 ki1bi4a1chi1 tan3 ndu3ku4=ndo4 i3ta2 ndi4 na4 kwa'3a(3)=e2 a1chi1 ndi4 ya1 ku4ni(2)=a2 ku4u(4)=a3.
I3kan4 tin3, i3kan4 xa143, xa143 ni1-..., ndi4ni2 ta1 chi4ñu3 ndu13ku4=ra2 i3in3 ti1xu'4u4 ba3
ya1 kwa'3a3 nu14u3 ya1 ko4ndo3 tan42 i4yo2 be'3e3 sa1bi4 i4yo(2)=a2 ndi4 xa'1a4 *mesa** ku4u(4)=a2 kwa'4a4 xa'1a4 ñu3u2 ka4chi2=na1
i3kan4 ba1xi3=a2, i1xa43 ndi4ni2 ba3 ta1 chi4ñu3 xa143 ja13ta4=ra2 ndu1u4 si'1ba1 ba3
xi4ka3 na1 ko4ndo3 *efe** ba3 xi4ka3 na1 ko4ndo3 *mayó** ba3, ndu13ku4 na1 kan4 ko'1o4 ba3 ndu13ku4 na1 kan4 ya3xin4 ba3
ni1-ndu3ku4=ra2 ja13ta4=ra2 *café** ba3 ja13ta4=lu3=ra2 *pan** ya1 ko4ndo3 *gastu** ku3-ndi3to3=na2,
ku'1un1 tu3 yu3ba4 si'3i4 na1 ta4u3ni2 ku3-ndi3to3=na2 ji'4in4 ta1 chi4ñu3 o4ra2 ta1nda3a2 ki1bi4 kwa'3a3 xa'1a4 ñu3u2
tan3 kwa'1an1 na1 kan4 ku3ni2=na1, nda13-ka'3an4 tu3 i3nga2 se'1e3 yu3ba(4)=e4 se'1e3 si'3i(4)=o4 mi4i4 ba42 kwa'1an1=na1 ni'4i4=na2 i3in3 *cartón** ba3 kwa'1an1 nda1ka3=na2 nda'3a4 ta1 chi4ñu3
ndi4 ko14o(3)=a2 xi4kan1 bi4 ta1 chi4ñu3 ndi4 nde3nu'3u3 i3ni2 mi3i4=na2, nda13-ka'3an4 tu3 na1 ma3to4mu2 ba3 ndi4 kwa'1an1 nda1ka3=na2 i3in(3)=a2 sa3ba3 lu3te'4ni4 ba3 kwa'1an1 nda1ka3=na2 i3in3 *cartón** nda'3a4 ta1 chi4ñu3
ko'3o3 na1 ta4u3ni2 ku3-ndi3to3=na2 ji'4in4 ta1 xi4kwa'4a4 xa'1a4 ñu3u2 ba3
tan3 ta1 ka'4an2 xa'1a4 ñu3u2 ndi4 nda4tu'4un4 na1 yo'4o4 kwen4tu2 i4nde4e4 ba3=na2 ndi4 nda4tu'4un4 ba3=na2 kwen4tu2 ndi4 ja1 i3in(3)=a2 ku4u4 mi3i4 ba3 na1 kan4 tan3,
tan3 ta1 ka'4an2, ka'4an2 nda'4bi2 xa'1a4 ñu3u2 ndi4 ta1 kan4 ndi4 i3in(3)=a2 nda14ku2 ka'4an2 ba3 ta1 kan4 ka'4an2=ra1 i4ndu'3u4=ra2,
ya1 kan4 ko4ndo3 ya1 ku4u(4)=a2 kwa'4a4 xa'1a4 ñu3u2, tan3 ndi4, ba1xi3=ni42 ya1 ko4ndo3 tu1ni1o3ko4 be'3e3 ka'4nu3 tan3 ndi4
na1 ko4ndo3 na1 *ánima** na1 chi4tu4 ma'14ñu3 *purgatorio** mi4i4 ku4u(4)=a2 ndi4ka2 *padre señor** San Jerónimo
ta1 kan4 ku4u4 ta1 ku3-ndi3chi2 xi3kwe4nda2=ra1 mi4i4 ba42 ndo4so14 ki1bi4 mi4i4 ndo4so14 kwi1ya1=na1
i3kan4 ndi3xi3 ki1bi4 i3kan4 ndi3xi3 kwi1ya1 to4to2 ki1bi4 to4to2 kwi1ya1=na1 ndi3se'1e3 ndi3sa1na1 na1 ko4ndo3 ti1xin3 ñu3u2 chi4tu4=na2 ko14o3 na1 na1a4 ko14o3 na1 nda'1ba1 ko14o3 na1 ku3-mi'14i4 ku3-ya14ka3 a1chi1 ndi4
tan42 i4yo2 tan42 ta4ku1=na1 bi3tin3 sa3kan4 i4yo2 [...] nda3-xi1nu3 kwi1ya1, sa3kan4 ni'4i(4)=a2 kwa'1an(1)=e1 nda1 ti4 ñu3u2 nda4ku3=na2 mi4i4 ba42 ndi4ka2=ri4 ka'3a4 be'3e3 yu3ku4 be'3e3 ndu3ta4
ku4u4=ri4 ka1chi4 to3so3 ba3 ku4u4=ri4 ka1chi4 sa1mi4 ba3 ku4u4=ri4 ko1o4 ndo'1yo3 ba3 ku4u4=ri4 ta1su'4u4 ba3
ka4ndi3ka2=ri4 ku4u4=ri4 ndi3ka'3a3 ka4ndi3ka2=ri4 be'3e3 yu3ku4 tan3 na4 ke14ta3=ri4 i3chi4 na4 ke14ta3=ri4 a1chi1 ndi4
i4yo2=ni42 ndi3se'1e3 ja1na1 na1 ku4u4 na1 i4xa(3)=e2 ba'14a4 na1 ku4u4 na1 i4xa(3)=e2 ja13ni1ku3 ta4ba4=na2=ri4
tan3 ku'1un1 ti4 kan4 na1a4=ri4 nda'1ba1=ri4 tan3 ndi4 ti4 kan4 ndi4 na14a14=ri4 nda'1ba1=ri4 a1chi1 ndi4 yo'4o4 ndu13-ndi3chi2=yu1 ka'4an2 nde3e3 yu'1u1 ka'4an2 nda'4bi2=yu1 xa'1a4=na2,
ta1 ko4ndo3 ta1 chi4ñu3 na1 ko4ndo3 *efe** na1 ko4ndo3 *mayó** na1 ko4ndo3 *comandante comisión** ña'1a3=ra3, na1 yu3ba4 si'3i4 na1 ta4u3ni2 ko14o3 na1 na1a4 ko14o3 na1 nda'1ba1
nda1 ti4 ñu3u2 nda4ku3 na1 kan4 na4 ku1nda'1a3 ku3-xi3yo3=ri4 be'3e3 yu3ku4 mi4i4 i4yo2 *padre señor** San Jerónimo ta1 nda4a2 ndi3sa3a4 be'3e3 yu3ku4, i3nga2 be'3e3 yu3ku4 mi4i4 ko14o3 xi4ka3 mi4i4 ko14o3 xi4to3
na4 ke14ta3=ri4, na4 ke14ta3=ri4 i3chi4 na4 ke14ta3=ri4 a1chi1 ndi4 i3kan4 ndi4 xi4ka3 ta1 ndi4so3 *bala**, *bala** ku4xin2 i1yo3 na1a4=ri4 nda'1ba1=ri4
na4 ku'1un1=ri4 i3nga2 be'3e3 yu3ku4 mi4i4 ko14o3 xi4ka3 mi4i4 xi4to3 i3kan4 na4 ku1nda'1a3 ku3-xi3yo3=ri4
*padre señor** San Jerónimo yo'4o1 ku4u4 ta1 ku3-ni'3i(3)=un4 ku3-nda3ka(3)=on4=ri4 ti1xin3 *corona**=on4 ti1xin3 *zapatu**=un4 an4 ko14o3 ku3mi3i(4)=un4=ri4 a1chi1 ndi4, ko1to1 ka14nda3ba3=ri4 i3chi4 a1chi1 ndi4 i1yo3 nda4a2 na1a4 nda'1ba1=ri4 a1chi1 ndi4 yu'1u1 ndi4 ta1 [...]
ndi3se'1e3 sa1na1 ku4u4 yu'1u1, xa'1a4 ña4 ñu3u2 ta1 ñu3u2 ka'4an2=yu1 ndu13-ndi3chi2=yu1 ka'4an2=yu1 tin3. Ya1 yo'4o4 ba42 ya1 nu14u3 i4xa3 ta1 chi4ñu3 ni1-ki3xa3a4=ra2 ki13xa2a2=ra1 ju13ndu'4u4=ra2 xa'1a4 *mesa**
ju13ndu'4u4=ra2 nu14u3 *mesa** tin3, kwe4e2 sa3kan4 ba1xi3 tu3ku(3)=a2, ba1xi3 ya1 ku4u(4)=a2 ku'1un1=ra1 ji1ni4 yu3ku4 ba3
tan3 ndi4 na4 ku'1un1 ji'3na(3)=2 sa4-ndi'3i(3)=2 ji'4in(4)=a2 ko4ndo3 ya1 kwa'1an1=yu1 yo'4o4 ya1 ka'4an2=yu1 xa'1a4 ñu3u2 yo'4o4
ta1 ka3nde3..., ta1, mi3i4 ta1 chi4ñu3 ku4u4 ta1 ji4ni2=ra1 an4 ta1 ka'1an1 ku4u4=ra2 yo3o3 ku4u4 ta1 ndu3ku4=ra2 ndi4, ndi4 ya1 ka'1an1 na1 ta4u3ni2 ya1 kan4 ko3ndo3
i4yo2=ni42 ba3 ta1 xi4ni2 ka'1an1 ji'4in4 sa1bi4 ba3, i4yo2=ni42=ra1 ndi4 kwa'1an1 ki'1bi3=ni4(2)=a2 so4o4 i4xa3=ra3,
lu3chi'4i2 ku4ma1ni4 ba3 nda4a(2)=e2 ba42 kwa'14an1 tan3 xa1 ndo4ko3o4 nda3a2=ra(1)=e1 tan3 ndi4 ba143 ba'1a3 i4yo(2)=a2 sa3kan4 a1chi1 ndi4
yo'4o4 ka'4an2 nda'4bi2=yu1 xa'1a4 ña4 ñu3u2 ta1 ñu3u2 ya1 ko4ndo3 *mesa** yo'4o4 ndi4
ko14o3 ña1 ndo4o13 nda3a2 an4 ni1-ku3ma1ni4 tan3 ndi4 ba143 kwa'1an(1)=e1 ji'4in(4)=a2 kan4 ndi4 tu'1un3 nda14ku2 kwa'1an(1)=e1 ji'4in4 ka'4an2 nde3e3 ka'4an2 nda'4bi2[=yu1] xa'1a4=na2,
a1chi1 ndi4 ta1 ka'4an2 nda'4bi2 ku4u(4)=2, sa3kan4 mi3i4 ndo'4o1 na1 ndi1ka3bi4ko4 Bartolo ta1 ndi1ka3bi4ko4 Xi4ba2 ta1 [...]
yo'4o1 ku4u4 ta1 ku1mi4 ku3-ndi3chi2=un4 mi4i4 ba42 yo'4o4 ka'4an2 nde3e3 ka'4an2 nda'4bi2[=yu1] xa'1a4 ña4 ñu3u2 ta1 ñu3u2 ji'4in4 ta1 ko4ndo3 *comisario** ta1 ko4ndo3 ta1 chi4ñu3 yo'4o4
ta1 ta3tun4 [...] mi4i4 ka4ndi3ka2=ña4 ko14o3 ki3ti4 ko14o3 kwe'1e1 nda3ba(3)=en4 ji'4in4
sa3kan4 ta1 ko4ndo3 *segundo comisario** na4 ko14o3 ki3ti4 ko14o3 ka3nda3ba3 ji'4in4 ji1ndio4si2 ji'4in4 ña4 ta3tun4 ta3yu2=ra1
sa3kan4 na1 ko4ndo3 *efe** tan42 i4yo2=na1 ndi4 ko14o3 na1 ka3nda3ba3 ji'4in4 ki3ti4 ko14o3 na1 ka3nda3ba3 ji'4in4 kwe'1e1, sa3kan4 na1 ko4ndo3, na1 ko4ndo3 *cantor**
ta1 na3ni4 Celestinu de Jesús ta1 kan4 ndi4 ko14o3 ki3ti4 ka3nda3ba3=ra2 ji'4in4
na4 xi3kwe4nda2, a1chi1 ndi4 ta1 ka4ndi3ka2 tu'1un3 ka4ndi3ka2 ta1chi4 ta1 kan4 ku4u4 ta1 ka'4an2 xa'1a4 ñu3u2 ta1 kan4 ku4u4 ta1 nda4-kwa'1a3 ya1 ko4ndo3 *rosariu** nda'3a4 *patrón** San Franciscu
an4 ta1nda3a2 ki1bi4 ta1nda3a2 o4ra2 ba1xi3=a2 ka4na3 bi3ko4 ta1 kan4 ku4u4 ta1 ka'4an2=na1 ji'4in4 ba1xi3=a2 ka4ku3 *niñu** ba1xi3=a2 nda4a(2)=e2 ba42 ba1xi3 ndi4 ta1 kan4 ku4u4 ta1 ka'4an2=na1 ji'4in4 kwa'1an1=ra1 nda4kwa3tu3=ra3.
Ndi4 ja1 kwe4nda2 ndio4si2 ba42 xi4ka3 ta1 kan4 ji'4in4, tan3 ndi4 ko14o3 ya1 ka3nda3ba3=ra2 ji'4in4 a1chi1 ndi4 ta1 ka'4an2 nda'4bi2 ka'4an2 [...]
tan3 yo'4o4 ba42 ndu13-ndi3chi2[=yu1] ndi4 ndi3sa4ku4u4 na1 ko4ndo3 *cantor** ndi4 ko14o3 na1 ya1ni3 ji'4in4 ki3ti4 ko14o3 na1 ya1ni3 ji'4in4 kwe'1e1 a1chi1 ndi4
a1chi1 yo'4o4 ba42 ta'4nda1 tu4ni1 nda1 be'3e3 ka'4nu3 ba1xi3 ndo3so4=a2, tan3 yo'4o1 ku4u4 ta1 xi3kwe4nda2=on4 ku3-ni'3i(3)=un4 ku3-nda3ka(3)=on4=na2 ku3-ni'3i(3)=un4 xi3kwe4nda2=on4=na2 mi4i4 ba1xi3 ndo3so4=a3,
tan3 bi3tin3 ba42 ndi4 yo'4o4 ba42 i4yo2, yo'4o4 ndu13-ku3chi3 yu3bi4 ndu13-ku3chi3 ta3yu2 ndo'4o1 tin3 ya1 ko4ndo3 nu14u3 *mesa** tan3 yo'4o4 ni1-ki3xa2a2 ndo3so4 yu'1u1
mi4i4 ka13na3nu(3)=a2 be'3e3 yu3ku4 be'3e3 ndu3ta4 mi4i4 ka4ndi3ka2 be'3e3 sa1bi4 yu3ba4 be'3e3 sa1bi4 si'3i4 ka4ndi3ka2 ma'14ñu3 Ñu3u2 Ko'14yo1
i3kan4 ka4ndi3ka2 ta1 sa1bi4su4-ku3xa3 sa1bi4 sa4-kwa'3nu3 ta1 kan4 ku4u4 ta1 nda4kan1 ki1bi4 nda4kan1 kwi1ya1 i3kan4 ndi3xi3 mi3i4 yo'4o1 sa1bi4 yu3ba4 yo'4o4 ni1-ki3xa2a2 ndo3so4 yu'1u1
yu'3u4 *mesa** yo'4o4 ka'4an2 nde3e3 ka'4an2 nda'4bi2=yu1 xa'1a4 ndi3se'1e3 ndi3sa1na1 mi4i4 ka4ndi3ka2
mi4i4 ka4ndu'3u4 ta1 sa1bi4 xi14tu3 ya1 Ñu3u2 Ko'14yo1 i3kan4 ka4ndi3ka2 sa1bi4 su4-ku3xa3 sa1bi4 sa4-kwa'3nu3
mi4i4 ka4ndi3ka2 ti4 ñu3u2 nda4ku3=na2, na4 ko14o3=ri4 ña1a4 ndi4 [...] i3kan4 ki3xa2a2 mi3i4 yo'4o1 ta1 sa1bi4 yu3ba4 [...] ki13xa2a(2)=on4 yo'4o4 nda13a3 ki1bi4 nda13a3 ta3yu2 yo'4o1 nda13-chi3ndu'4u4 [...] ta3yu2 yo'4o1
a1chi1 yo'4o1 ban4 ka'4an2 nde3e3 ka'4an2 nda'4bi2 xa'1a4 ña4 ñu3u2 ta1 ñu3u2 tan3 ku3-ni'3i(3)=un4 tan3 nda3ka(3)=on4 xi3kwe4nda2=on4 ndi3se'1e3 ndi3sa1na1
yo'4o4 ni1-ki3xa2a2 ndo3so4 yu'1u1 mi3i4 yo'4o1 ta1 sa1bi4 ka4ndu'3u4 yu3ku4 sa1mi4 ba1xi3 ndo3so(4)=on4 ya1 yo'4o4 ba42 ka'4an2=ndu1 ji'4in4 yo'4o1 ku4u4 ta1 ka4na3=ndu2 nda4-ka3na(3)=2 yo'4o1 tin3 ki3xa2a(2)=on4 yo'4o4 nda13-chi3ndu'4u(4)=2 yu3bi4 ta3yu2=un4
tan3 yo'4o4 ba42 ndu3-ku3chi3 yu3bi4 ndu3-ku3chi3 *mesa** ndo'4o1 ku3-ni'3i3=ndo4 ku3-nda3ka3=ndo4, sa3kan4 mi3i4 yo'4o1 ta1 ndi3ka2bi4ko4 Bartolo ta1 ndi3ka2bi4ko4 Xi4ba2 ta1 [ndi3ka2bi4ko4],
Juan Manuel ta1 ni1-ka'3ndi2 ji'4in4 sa1bi4 yu3ba4 sa1bi4 si'3i4 ku4u4 yo'4o1 tan3 bi3tin3 ba42 ndi3xi3 mi3i(4)=un4 tan3 yo'4o4 ndi4chi2=yu1 ka'4an2 nde3e3 ka'4an2 nda'4bi2[=yu1] xa'1a4 ña4 ñu3u2 ta1 ñu3u2
ndi4 ko14o3 tu1ni1o3ko4 ba1xi3 be'3e3 ka'4nu3 ko14o3 ka'3ni4 ba1xi3 be'3e3 ka'4nu3 ko14o3 sa1bi4 ba1xi3 [be'3e3] ka'4nu3, ko14o3 ña1,
ko14o3 kwe'1e1 ka3nda3ba3 ndo3so4 ti1xin3 ñu3u2 *patrón** San Franciscu na4 ku1nda'1a3 ku3-xi3yo(3)=a2, ndo'4o1 na1 *ánima** yu3ba4 *ánima** si'3i4 ka4ndi3ka2=ndo4 be'3e3 yu3ku4 ka4ndi3ka2=ndo4 be'3e3 ndu3ta4 bi3tin3 ndo'4o1 ku4u4 na1 ku3..., ndo3ko1o3 ndo'4o1
ta3ba4=ndo4 ki3ti4 ta3ba4=ndo4 kwe'1e1 na4 ku1nu'1u4=a2, ndo3-ko1o3=ndo4 nda1 be'3e(3)=a2 si'4i2 be'3e(3)=a2 ka'4nu3 i3kan4 na4 ta'4nda1 tu4ni1 ndu4-kwa4chi3 tu'1un3 ndu4-kwa4chi3 ta1chi4, i3kan4 ba42 ndi3xi3 ki1bi4 i3kan4 ndi3xi3 kwi1ya1 ndi3se'1e3 ndi3sa1na1
tan3 nda4kan1=ni42[=yu1] ki1bi4 nda4kan1=ni42[=yu1] ta1 ko4ndo3 *comisario** ndi4 ta1 ku3xa3 ta1 ba'1a3 ku4u4=ra2 ki3xa2a2=ra1 [...] *mesa** ko14o3 ki3ti4 ko14o3 kwe'1e1 ka3nda3ba3=ra2 ji'4in4 a1chi1 ti1xin3 ñu3u2 *patrón** San Franciscu ndi4 i4yo2=ni42 na1 i1ni4 i4yo2=ni42 na1 chi1tun3
i4yo2=ni42 na1 ti4in(4)=a2 ba'14a4 tan3 ndi4 ko14o(3)=a2 kan4 nda3ba3=ra2 ji'4in4 i4yo2 [...] ba'1a3 ki3xa3a4=ra2 xa'1a4 kwi1ya1 tan3 ba'1a3 sa3kan4 nda1 mi4i4 ke3e3=ra3, ko14o3 ña1 ka3nda3ba3=ra2 ji'4in4 ko14o3 ña1 [...] ji'4in(4)=an4 ta3tun4 ta3yu2=ra1
sa3kan4 ta1 ko4ndo3 ko3..., *segundo comisario** ko14o3 ya1 ka3nda3ba3=ra2 ji'4in4 a1chi1 yo'4o4 ni1-ki3xa2a2 ndo3so4 yu'1u1
sa3kan4 ta3tun4 ta3yu2=ra1 ko14o3 i3in3 ki3ti4 ko14o3 ka3nda3ba(3)=e2 ji'4in4 yo'4o4 ki13xa2a2 ndo3so4 yu'1u1 xa'1a4 ta1 ko4ndo3 *efe**
sa3kan4 ña4 ta3tun4 ta3yu2=ra1 ko14o3 ki3ti4 [...] a1chi1 ndi4 ndo'4o1 na1 sa1bi4 yu3ba4 sa1bi4 si'3i4 i3kan4 ni1-ki3xa2a2 ndo'4o1
ya1 ni1-ke3e3 ndo'4o1 yu3ku4 sa1mi4 i3kan4 ni1-ki3xa2a2 ndo'4o1, na1 yu3ku4, yu3ku4 nu14u3 yu3...,
nu14u3 ñu3u2 Yu3ku4 Ki13mi2 i3kan4 ka4ndu'3u4 sa1bi4 yu3ba4 sa1bi4 si'3i4 [...] sa4-kwa'3nu3
ndo'4o1 na1 sa1bi4 yu3ba4 sa1bi4 si'3i4 ndo'4o1 ku4u4 na1 ku3-ni'3i3=ndo4 ku3-nda3ka3=ndo4 xi3kwe4nda2=ndo4 ti4 ñu3u2 nda4ku3 se'1e3 sa1na(1)=e1 mi4i4 ndi4ka2=ri4 be'3e3 yu3ku4, kwa'14a1(3)=on4 ta1nda3a2, ka3nda3ba3=ri4 i3chi4 ka3nda3ba3=ri4, ko1to1 na14a14=ri4 ko1to1 nda'14ba1=ri4 a1chi1 ndi4
ta1 ka'4an2 nde3e3 ta1 ka'4an2 nda'4bi2 xa'1a4 ña4 ñu3u2 ta1 ñu3u2 ku4u4 yu'1u1 yo'4o4 ni1-ki3xa2a2 ndo3so4 yu'1u1 be'3e3 sa1bi4 yu3ba4 be'3e3 sa1bi4 ka4ndu'3u4,
yu3ku4 nu14u3 ñu3u2 Coluna mi4i4 ka4ndu'3u4 sa1bi4 yu3ba4 sa1bi4 su4-ku3xa3 sa1bi4 sa4-kwa'3nu3 tan3 ndi3xi3 mi3i4 ndo'4o1 ndi3-ki'3in3=ndo4 [...] bi3tin3 ba42 nda4kan1,
nda4-ka3na(3)=2 ndo'4o1 ki3xa2a2=ndo4 yu'3u4 *mesa** yo'4o4 xi3kwe4nda2=ndo4 ti1xin3 ñu3u2
ndo'4o1 na1 sa1bi4 yu3ba4 sa1bi4 si'3i4 tan3 ndi3xi3 mi3i4 ndo'4o1 yo'4o4 ndu13-ndi3chi2=yu1 ka'4an2 nde3e3 ndu13-ndi3chi2[=yu1] ka'4an2 nda'4bi2=yu1 bi3tin3 *santu** o4ra2 tin3
ki1bi4 bi3tin3 ni1-nda3-ka'3an4 ndi3se'1e3 sa1na1 ndu13-ku3chi3 yu3bi4 ndu13-ku3chi3 ta3yu2 ndo'4o1 tan3 bi3tin3 ba42,
tan3 yo'4o4 ba42 nda4a2 ki1bi4 nda4-ki'3in3 ta3yu2 ndo'4o1 tan3 ndo'4o1 na1 sa1bi4 yu3ba4 sa1bi4 ndi4 ndo'4o1 ku4u4 na1 ki3xa2a2=ndo4 bi3tin3 tan3 xi3kwe4nda2=ndo4 ti1xin3 ñu3u2
ku3-ni'3i3=ndo4 ku3-nda3ka3=ndo4 ndi3se'1e3 ndi3sa1na1 ko14o3 na1 ya1ni3 ji'4in4 ki3ti4 ko14o3 na1 ya1ni3 ji'4in4 kwe'1e1, tan3 yo'4o4 ndu13-ndi3chi2=yu1 ka'4an2 nde3e3 ndu13-ndi3chi2=yu1 ka'4an2 nda'4bi2=yu1
yo'4o4 ni1-ki3xa2a2 ndo3so4 yu'1u1 ka'4an2 nde3e3 ka'4an2 si4ti24 yu'1u1 ka'4an2 nde3e3 ka'4an2 nda'4bi2[=yu1], na1 sa1bi4 ndu13-ku3ndu'4u4 nu14u3 yu3ku4
nu14u3 ñu3u2 yu3ku4 San Miguel mi4i4 ba42 nda13a3 sa1bi4 [...]
tan3 ndo'4o1 na1 sa1bi4 [...] ndi4 ndo'4o1 ku4u4 na1 ndi3xi3 mi3i4=ndo4 xi3kwe4nda2=ndo4 ti1xin3 ñu3u2 *patrón** San Franciscu mi4i4 ki13xa2a2 ndo'4o1 sa1bi4 su4-ku3xa3 sa1bi4 sa4-kwa'3nu3 ku3-ni'3i3=ndo4 ku3-nda3ka3=ndo4 se'1e3 sa1na1
tan3 yo'4o4 ndu13-ndi3chi2=yu1 ka'4an2 nde3e3 ndu13-ndi3chi2=yu1 ka'4an2 si4ti24 yu'1u1 xa'1a4 ndi3se'1e3, ki13xa2a2 ndo'4o1 na1 sa1bi4 ndu13-ku3ndu'4u4 ji1ni4 yu3ku4, yu3ku4 Kan3to42 bi3tin3 ki3xi3 mi3i4 ndo'4o1 na1 sa1bi4 yu3ba4 sa1bi4 si'3i4 yo'4o4 ndi13xa2a2 mi3i4 ndo'4o1 yo'4o4 ndu13-ndi3chi2=yu1 ka'4an2 nde3e3 [...]
ndi3sa3a4 be'3e3 yu3ku4 ndi3sa3a4 be'3e3 ndu3ta4 tan3 yo'4o4 ba42 ni1-ki3xa2a2 ndo3so4 yu'1u1 ka'4an2 nde3e3 ka'4an2 si4i4 yu'1u1 na1 sa1bi4 ndu13-ku3ndu'4u4 yu3ku4
yu3ku4 ndo3ko4 tu14un3, tan3 yo'4o4 ki3xi3 mi3i4 yo'4o1 sa1bi4 yu3ba4 sa1bi4 si'3i4 [...] ku3-ni'3i(3)=un4 ku3-nda3ka(3)=on4 xi3kwe4nda2=on4 ndi3se'1e3 sa1na(1)=e1
tan42 i4yo2 se'1e3 sa1na(1)=e1 chi4tu4 ti1xin3 ñu3u2 nda1 kwa'1a4 sien4tu2 ku4u4=na2 ndi3se'1e3 sa1na(1)=e1 *patrón** San Franciscu tan3 ndi4 ko14o3 na1 ya1ni3 ji'4in4 ki3ti4 ko14o3 na1 ya1ni3 ji'4in4 kwe'1e1 xi3kwe4nda2=on4=na2 ku3-ni'3i(3)=un4 ku3-nda3ka(3)=on4=na3.
Bi3tin3 ba42 yo'4o4 ni1-ki3xa2a2 [...] yu'3u4 *mesa** ma'14ñu3 ti1xin3 be3..., be'3e3 ka'4nu3 be'3e3 ya3a3 mi4i4 ba42 ki13xa2a2 ta1 ko4ndo3 *comisario**
tan3 ya1 yo'4o4 ba42 ya1 nu14u3 i4xa3 ta1 ko4ndo3 ta1 ko4ndo3 *comisario** tan3 bi3tin3 ba42 ta13tu2u2=ra1 tu'1un3 ta1chi4 yu'1u1 ki13xa2a2 ndo3so4 yu'1u1 ka'4an2 nde3e3 ka'4an2 nda'4bi2=yu1
tan3 ndo'4o1 ku4u4 na1 xi4ni2 ndo'4o1 ku4u4 na1 xi4to3 ndo'4o1 ku4u4 na1 xi4kwe4nda2 tan3 bi3tin3 ba42 ku3-ni'3i(3)=un4 ku3-nda3ka(3)=on4 ndi3se'1e3 ndi3sa1na1
tan3 yo'4o4 ni1-ki3xa2a2 ndo3so4 yu'1u1 na1 sa1bi4 ndu13-ku3ndu'4u4 Yu3ku4 Ti1ka4ka3 tan3 bi3tin3 ndi3xi3 mi3i4 yo'4o1 sa1bi4 yu3ba4 sa1bi4 si'3i4 [...] xi3kwe4nda2=on4 se'1e3 sa1na(1)=e1
na1 sa1bi4 su4-ku3xa3 sa1bi4 sa4-kwa'3nu3 mi4i4 ka4ndi3ka2 ti4 ñu3u2 nda4ku3=na3.
ku3-ni'3i(3)=un4 ku3-nda3ka(3)=on4=ri4 xi3kwe4nda2=on4=ri4 ti1xin3 *corona zapatu**=un4 ña1a4 ku3mi3i4 ndo3so(4)=on4=ri4 ko1to1 ya14ni13=ri4 ki3ti4 ko1to1 ya14ni13=ri4 kwe'1e1 a1chi1 ndi4 mi4i4 xi4ka3 ta1 ndi4so3 [...] na4 ku1nda'1a3 [ku3-xi3yo3=ri4] i3nga2 be'3e3 yu3ku4 [...] na4 ku1nda'1a3 ku3-xi3yo3=ri4 a1chi1 ndi4
ka4nda3ba3=ri4 i3chi4 ka4nda3ba3=ri4 [...] i1yo3 sa4-na1a4 sa4-nda'1ba1=ra1 ti4 ñu3u2 nda4ku3 se'1e3 sa1na(1)=e1 na4 ku1nda'1a3 ku3-xi3yo3=ri4 i3nga2 be'3e3 yu3ku4 i3nga2 be3..., be'3e3 yu3ku4 be'3e3 mi4i4 ba42 ko14o3 xi4ka3 mi4i4 [...] i3kan4 na4 ku1nda'1a3 xi3yo3=ri4 ko1to1 ka14nda3ba3=ri4 i3chi4 ka14nda3ba3=ri4 a1chi1 ndi4
xi4ka3=ni42 ta1 i1ni4 ta1 chi1tun3 mi4i4 xi4ka3 ta1 ta4ba4=ri4 tan3 na4 ka14nda3ba3=ri4 be'3e3 yu3ku4 ka14nda3ba3=ri4 be'3e3 ndu3ta4 a1chi1 ndi4
kwa'1a4=ni42 ti1xin3 ñu3u2 *patrón** ka4ndi3ka2 ta1 i1ni4 ta1 chi1tun3 ta4ba4=ra2 ti4 ñu3u2 nda4ku3 ndi3se'1e3 sa1na1 ku4ni2=na1 na1a4=na2 nda'1ba1=na1 ndi3se'1e3 ndi3sa1na1 ti1xin3 ñu3u2
tan3 ndi4 ko14o3 na1 na1a4 ko14o3 na1 nda'1ba1 i4yo2 ta4ku1=na1 nda1 kwa'1a4 sien4tu2 ku4u4=na2 i4yo2 ta4ku1=na1 [...] nda1 ji1nu3 kwi1ya1
tan3 yo'4o4 ba42 ndu13-ku3chi3 yu3bi4 ndu13-ku3chi3 ta3yu2 ndo'4o1, ndo'4o1 na1 sa1bi4 yu3ba4 sa1bi4 si'3i4 ni1-ki3xa2a2 ndo3so4 yu'1u1
i3kan4 ki13xa2a2 ndo3so4 yu'1u1 na1 sa1bi4 ndu13-ku3ndu'4u4 yu3ku4 sa1bi4 ndi3ki4=ri4 tan3 ki3xa2a2 mi3i4 yo'4o1 sa1bi4 yu3ba4 sa1bi4 si'3i4 yo'4o4 ki13xa2a2 ndo3so4 yu'1u1 tan3 bi3tin3 ba42 ndi3xi(3)=un4 xi3kwe4nda2=on4 ti1xin3 ñu3u2
ndo'4o1 na1 sa1bi4 ndu13-ku3ndu'4u4 yu3ku4 ñu'3u4 ya3a3 bi3tin3 ku3-ni'3i3=ndo4 ku3-nda3ka3=ndo4 xi3kwe4nda2=ndo4 ndi3se'1e3 sa1na(1)=e1 ndo'4o1 na1 sa1bi4 ndu13-ku3ndu'4u4 yu3ku4 ti1ndi1i4 bi3tin3 ndi3xa2a2 ndo'4o1 yo'4o4 ndu13-ndi3chi2[=yu1] ka'4an2 nde3e3 ndu13-ndi3chi2[=yu1] ka'4an2 nda'4bi2[=yu1] ndo'4o1 ku4u4 na1 ki3xa2a2=ndo4 ti1xin3 ñu3u2
ndo'4o1 na1 sa1bi4 su4-ku3xa3 sa1bi4 sa4-kwa'3nu3 ku3-ni'3i3=ndo4 ku3-nda3ka3=ndo4 xi3kwe4nda2=ndo4 se'1e3 sa1na(1)=e1 a1chi1 yo'4o4 ni1-ki3xa2a2 ndo3so4 yu'1u1, ya1 yo'4o4 ba42,
ka'4an2=yu1 xa'1a4 ña4 ñu3u2 ta1 ñu3u2, ti3in3 mi3i4 ndo'4o1 na1 sa1bi4 yu3ba4 sa1bi4 si'3i4 ku3-ni'3i3=ndo4 ku3-nda3ka3=ndo4 xi3kwe4nda2=ndo4 ndi3se'1e3 sa1na(1)=e1
tan3 bi3tin3 ba42 ndu13-ndi3chi2=yu1, yo'4o4 ba42 ku3-ni'3i3=ndo4 xi3kwe4nda2=ndo4 ndi3se'1e3 ndi3sa1na1 ko14o3 tu1ni1o3ko4 ba1xi3 be'3e3 ka'4nu3 ko14o3 ti1nda3ku4 ba1xi3 be'3e3 ka'4nu3 ko14o3 sa3yu2 ba1xi3 be'3e3 ka'4nu3 na4 ku1nda'1a3 ku3-xi3yo(3)=a2,
na4 nda3-nde3e3 ki3ti4 na4 nda3-nde3e3 kwe'1e1 ku1nu'1u4=a2 be'3e(3)=a2 si'4i2 be'3e3 ka'4nu3 ti1xin3 ya1 ko4ndo3 *purgatorio** mi4i4 ba42 ta'4nda1 tu4ni1 ba1xi3 ki1bi4 ba1xi3
nda'3a4 mi3i4 *padre señor potente** ta1 ni1-ka'1an1 [...] i3kan4 [...]
i3kan4 ñu'4u4 na1 *ánima** yu3ba4 *ánima** si'3i4 na1 ku3-ni'3i3 na1, ta1 ni1-ka'1an1 ta1 ni1-nda3tu'4un4 ta1 ni1-xi3kwe4nda2
ta1 ni1-ka'1an1 xa'1a4 ña4 ñu3u2 ta1 ñu3u2 ta1 na3ni4 José Severiano ni1-ka'1an1 ndo3so4=ra2 xa'1a4 ña4 ñu3u2 ta1 ñu3u2 ta1 ni1-ka'1an1 xa'1a4
ta1 ja'1an1 ni1-xi3kwa'4a4 xa'1a4 *mesa** ku4u4=ra2 ta1 kan4 ku4u4 ta1 ni1-ka'1an1 xa'1a4 ñu3u2 tan3 kwa1nu'1u4=ra2 ko4ndo3 *purgatorio** tin3 i3kan4 ba42 xi3kwe4nda2=ra1 na4 ku3-ndi3chi2=ra1 xi3kwe4nda2=ra1
ta1 ku3-ni'3i3 ta1 ku3-nda3ka3 ku4u4 ta1 kan4, sa3kan4 ta1 na3ni4 *señor** José Joaquín de la Cru ta1 ni1-ka'1an1 xa'1a4 ña4 ñu3u2 ta1 ñu3u2 ku4u4 ta1 kan4 ni1-xa'1an1 ta1 kan4 ni1-ka'1an1=ra1 tan3 na4 ku3-ndi3chi2 ta1 kan4 ka'1an1=ra1 ndi4
nda4kan1=ni42[=yu1] ki1bi4 nda4kan1=ni42[=yu1] kwi1ya1 to4to2 ki1bi4 ta1 ku3-ndi3chi2 ka'1an1 kwa1chi3 ku4u4=ra2,
na1 kan4 ku4u4 na1 ndi4ta3 ma'14ñu3 ko4ndo3 *purgatorio** xi3kwe4nda2=na1 ye'14e4 ya1 ko4ndo3 *purgatorio** nda4kan1=ni42[=yu1] na4 kwi3ta3=na2 ka1kan1=na1 ki1bi4, i3kan4 ba42 nda3-xa2a2 tu'1un3 nda3-xa2a2 ta1chi4 yu'1u1 na1 kan4 ku4u4 na1 ja4-ndi'1bi3 tu'1un3 ja4-ndi'1bi3 ta1chi4 yu'1u1 a1chi1 ndi4
na1 ka'1an1, ni1-ka'1an1 nde3e3 ya1 si4ti24 ni1-ka'1an1, ni1-ka'1an1 nda'4bi2 ku4u4 na1 kan4 a1chi1 ko14o3 ya1 i1ni4 ko14o3 ya1 chi1tun3 ni4-i3xa3=na2 ndi4 na1 kan4 ndi4 na1 ni1-ka'1an1 ba'1a3 ku4u4 na1 kan4 xa'1a4 ña4 ñu3u2 ta1 ñu3u2 tan3 ndo'4o1 ku4u4 na1 ndi3kwe3ta3 ndo'4o1
xo3kwe4nda2=ndo4 ti1xin3 ñu3u2 *patrón** San Franciscu tan3 ndo'4o1 ku4u4=na2 xo3kwe4nda2=ndo4
kwa'14a13=ndo4 ki3xi3 ki3ti4 kwa'14a13=ndo4 ki3xi3 kwe'1e1 kwa'14a13=ndo4 ki3xi3 ya1 ba'14a4 ti1xin3 ñu3u2 a1chi1 ndi4 na4,
nda1 so'3o3 i4yo2 ta1 i1ni4 ta1 chi1tun3 na4 ko14o(3)=a2 ka3nda3ba3 ti1xin3 ñu3u2 a1chi1 ndi4 yo'4o4 ni1-ki3xa2a2 ndo3so4 yu'1u1, yo'4o4 ko4ndo3 tu'1un3 yu'1u1 yo'4o4 ko4ndo3 ta1chi4 yu'1u1
tan3 yo'4o4 ni1-ki3xa2a2 ndo3so4 yu'1u1 na1 sa1bi4 ndu13-ku3ndu'4u4 yu3ku4, yu3ku4 ti4ndu4 bi3tin3 ni1-ki3xa2a2 ndo'4o1 na1 sa1bi4 yu3ba4 sa1bi4 si'3i4 i3kan4 ni1-ki3xa2a2 ndo'4o1
ndo'4o1 na1 sa1bi4 ndu3..., ndu13-ku3ndu'4u4 tu1ñu'4u2 tu14un3 bi3tin3 ndi3xi3 mi3i4 ndo'4o1 na1 sa1bi4 yu3ba4 sa1bi4 si'3i4 ni1-ki3xa2a2 ndo'4o1 bi3tin3 na1 sa1bi4 ndu13-ku3ndu'4u4 Yu3ku4 Ndio'3o3 ki3xi3 mi3i4 ndo'4o1 ndi3xa2a2=ndo4 ti1xin3 ñu3u2
ndo'4o1 na1 sa1bi4 ndu13-ku3ndu'4u4 yu3ku4, Yu3ku4 *toro** bi3tin3 ndi3xi3 mi3i4 ndo'4o1 ti1xin3 ñu3u2
na1 sa1bi4 ndu13-ku3ndu'4u4 Yu3ku4 Ñu'1u3 bi3tin3 ki3xa2a2 mi3i4 ndo'4o1 ti1xin3 ñu3u2 *patrón** San Franciscu, na1 sa1bi4 ndu13-ku3ndu'4u4 Yu3ku4 Ti4[ti4] ñu4
tan3 ndo'4o1 ku4u4 na1 i4yo2=ndo4 ti1xin3 ñu3u2 *patrón** San Franciscu na1 sa1bi4 ndu13-ku3ndu'4u4 Yu3ku4 Ti1ndo4o24 tan3 ni1-ki3xa2a2 ndo'4o1 na1 sa1bi4 ndu13-ku3ndu'4u4 Yu3ku4 Santu tan3 yo'4o4 ni1-ki3xa2a2 ndo'4o1
ti1xin3 ñu3u2=na1 xi3kwe4nda2=ndo4 yo'4o4 i4yo2 yu3bi4 yo'4o4 i4yo2 ta3yu2 ndo'4o1 tan3 yo'4o4 ni1-chi3ndu'4u4 ta1 ko4ndo3 *comisario**, chi13ndu'4u4=ra2 *cincuenta pesu** ba3 ña1,
u1bi1 xi3ko3 u1xi1 *pesu** ba42 ña1 ni1-chi3ndu'4u4=ra2 ko4ndo3 ndi3ka2bi4ko4 ndo'4o1 ya1 ku4u(4)=a2 i4xa3 ma1ni4=ra2 ndi3-ki'3in3 ndo'4o1 ku1nu'1u4 ndo'4o1 be'3e3 ka'4nu3 xi3kwe4nda2=ndo4 ku3-ni'3i3=ndo4 ku3-nda3ka3=ndo4 ndi3se'1e3 ndi3sa1na1
tan3 bi3tin3 yo'4o4 i4yo2, yo'4o4 i4yo(2)=a2 ka3xi4=ndo4 ndo13ko1o3 ko'1o4 ndo13ko1o3 ya3xin4 ndo'4o1 bi3tin3 tan3 ndo'4o1 ku4u4 na1 ku3-ni'3i3=ndo4 ku3-nda3ka3=ndo4 xi3kwe4nda2=ndo4 ndi3se'1e3 ndi3sa1na1
tan3 yo'4o4 ba42 ndu13-ndi3chi2=yu1 ka'4an2 nde3e3 ka'4an2 nda'4bi2=yu1 xa'1a4 ndi3sa1na1 tan3 bi3tin3 ba42 ya1 yo'4o4 ko4ndo3 tu'1un3 ko4ndo3 ta1chi4 yu'1u1 mi4i4 ku3ma1ni4 tu'1un3 mi4i4 ku3ma1ni4 ta1chi4 tan3 ndo'4o1 ku4u4 na1 sa4-ndi'1bi3 tu'1un3 sa4-ndi'1bi3 ta1chi4 yu'1u1 ndo'4o1 ku4u4 na1 ni1-ka'1an1 ni1-nda3tu'4un4
ni1-ka'1an1 xa'1a4 ña4 ñu3u2 ta1 ñu3u2 ku4u4 ndo'4o1 ni1-ka'1an1 ndo'4o1 xa'1a4 *mesa** ta1 chi4ñu3 tan3 ni1-ka'1an1=ndo4 ma'14ñu3 ti1xin3 yu14kun3 ni1-ka'1an1=ndo4
nda13-kwa'1a3=ndo4 ya1 ko4ndo3 *rosariu** nda'3a4 *señor patrón** San Franciscu ni1-ka'1an1=ndo4 [...] mi4i4 ba1xi3 ndo3so4=a2,
tan3 bi3tin3 ndi4 ya1 yo'4o4 ba42 ka'4an2, ni1-ka'1an1 ta1 ko4ndo3 *comisario** tan3 yo'4o4 ba42 ni1-ki3xa2a(2)=e2, bi3tin3 ba42 xi1nu3 ki1bi4 xi1nu3 o4ra2 xi1nu3 u1xi1 u1ni1 ki1bi4 ni1-xi1ka3 yu'1u1 ka'1an1 nde3e3 ka'1an1 si4ti24 yu'1u1 ka'1an1 nde3e3 ka'1an1 nda'4bi2=yu1 ji'4in4=ndo4
tan3 yo'4o4 ba42 ndu13-ku3chi3 yu3bi4 ndu13-ku3chi3 ta3yu2 ndo'4o1, yo'4o4 ba42 ndu13ku4=na(2)=e2 ya1 ka3xi4 ndo'4o1 ndu13ku4=na(2)=e2 ku3xi3 ndo'4o1 ndo13ko1o3 si'1ba1 ndo'4o1 ndo13ko1o3 is1ta4 ku3xi3 ndo'4o1 ndo13ko1o3 ko'1o4 ndo'4o1
nda13-ndu3ku4=na2 ya'1bi1 i1i4 ya'1bi1 xa4ku1 ba3 ni1-ndi3-ki'3in3 ndo'4o1 ya'1bi1 i1i4 ya'1bi1 xi4ta3 ba3 ndi13-ki'3in3 ndo'4o1 ya1 kan4 ba3 ndi13-ki'3in3 ndo'4o1
ya1 ko4ndo3 ya'1bi1 i1i4 ya'1bi1 xi4ta3 kan4 ndi4 ya1 ko4ndo3, ya1 ko4ndo3, ya1 ko4ndo3 ni1i4 ti1xu'4u4 ba42 kan4 ya1 ko4ndo3 ni1i4 tiu1un4 ba42 kan4 ndu13ku4=na(2)=e2,
ya1 kan4 ba42 ka4na3 i3ni2 ta1 chi4ñu3 sa14-ya'1a3=ra2 nda'3a4 ndo'4o1 ndi3-ki'3in3 ndo'4o1 na1, bi3tin3 ndi3-ki'3in3=ndo4 ku'1un1=ndo4 be'3e3 ka'4nu3
tan3 ya1 yo'4o4 ba42 nda4kan1=ni42 [...] tan3 yo'4o4 ba42 ni1-xi3kwi1ta3 yu'1u1 ji'4in(4)=a2 ko4ndo3 tu1ni4ni2 ya1 ku4u(4)=a2 ka'4an2=yu1 xa'1a4 ña4 ñu3u2 ta1 ñu3u2 tan3 bi3tin3 yo'4o4 ku3-ndi3chi2=ndo4 xo3kwe4nda2=ndo4 ndi3se'1e3 ndi3sa1na1
ka'4nu3=ni42 ki1bi4 o4ra2 bi3tin3 ni1-ki3xa2a2 ndo3so4 yu'1u1, nu14u3 ñu'3u4 [...] tan3 bi3tin3 ba42 xi3kwe4nda2=ndo4 be'3e3 yu3ku4, sa3kan4 mi3i4 ndo'4o1 na1 *ánima** ka4ndi3ka2 be'3e3 yu3ku4 ka4ndi3ka2 be'3e3 ndu3ta4
nda1 mi4i4 i4yo2, kwa'1an1 ndi3se'1e3 ndi3sa1na1 ndo'4o1 ku4u4 na1 ku'1un1 [...] ka4ndi3ka2 ...
ta1 ku4ni2 sa4-na1a4 ya3ni2 ta'4an4 tan3 na4 ku1nda'1a3 ku3-xi3yo3=ra2 a1chi1 ndi4 ta1 kan4 ndi4 na4 na14a14 ya3ni2 ta'4an4=ra2 a1chi1 ndi4 ko14o3 kwa1chi3=a2 ko14o3 chiu3un3 i4xa(3)=e2,
ti4in4=ra2 kwa1chi3 ... a1chi1 yo'4o4 ba42 ka4ndi3ka(2)=e2 ka'4an2 nda'4bi2=yu1 yo'4o4 ba42 ndu13-ndi3chi2[=yu1] ka'4an2 nde3e3 ka'4an2 si4ti24 yu'1u1 xi'4in4 ndo'4o1
na1 *ánima** yu3ba4 na1 si'3i4. Ya1kan3, ya1 yo'4o4 ba42 ni1-ka'1an1 ndo3so4 yu'1u1 xa'1a4 *mesa**. Yo'4o4 ba42 ni1-ndi'3i(3)=a3.
Mm, ya1 ka1a3 ba42 ka'4an2=na1 ya1 kwe4nda2 ña1, ña1, xa'1a4 ya1 ki3xa2a2 ya1 ji'4in4 ta1 chi4ñu3 ya1 kwa'4a4 xa'1a4 *mesa** ran4.
Ya1 kwa'4a4 xa'1a4 *mesa** xa'1a4 ñu3u2 ran4, tan3 yo'4o4 ba42 ku'1un1 tu3ku3 i3nga(2)=e2 ya1 kwe4nda2 ña1 tan4(2)=e2 ka4chi2=un4 mi3tiu'4un4 kwe4nda2 nu14u3 sa1bi4 ran4.
O4ra2 ya1 ku'1un1=na1 ji1ni4 yu3ku4 ran4.
Ya1 yo'4o4 ba42 ya1 ni1-ja3chiu4un4, ja3chiu4un4 xa'1a4 *mesa** ya1 ka'4an2=na1 ja3chiu4un4 ran4.
Ti1xin3 be'3e3 chi4ñu3 ba42 yo'4o4 ran4.
Tan3 ya1 kwe4nda2 kwa'1an1=na1 nu14u3 sa1bi4 ndi4 a1su3 nda1 kan4 i4xi4ta3=na(2)=e2 tan3, ya1 México ka4chi2=o4 kan4 ran4, ma'14ñu3 Ñu3u2 Ko'14yo1 ka4chi2=na1 ji'4in(4)=a2 tu'1un3 i4sa1bi4 ran4.
Tan3 i3kan4 tan3 ba1xi3 tu3ku3=na2 ta4bi1=na1 yu3ku4 ka1a3 tan3 tan42 i4yo2 yu3ku4 nda4-ji4ta3=na2 tan3 ka'4an2=na1 ji'4in4 sa1bi4 kan4.
Ya1 kan4 ba42 ka'1an(1)=e1 ndi4 ya1 ku4u(4)=a2 ya1 ja13chiu4un4 ja'1a4 *mesa** ba42 yo'4o4 ran4 sa3kan4 i4yo2 mi3i4 ba(3)=e2 ka1a3 ran4.
Ya1 kan4 ba42 ña1 ndi4, ña1 ko4ndo3 a1chi1 ndi4 ta'14an2 ya'1a3=e2 ka1a3 ran4, ta'14an2 ya'1a3=e2 ka1a3 ndi4 ya1 ka1a3 ba42 ni1-kwa'3a3 ja'1a4 *mesa** ndi4, ya1 kan4 ba42 ndi4 ka4xi3 ni1-ka'1an(1)=e1 mi3tiu'4un4 ran4.
a1chi1 ndi4 na4 ka4xi3 ka'1an1 yo4o4 sa3kan4 ndi4 xi4ni3 so'1o3=ndo4 kwi3i3 nda3-nde3e3=a2 ran4, a1chi1 ndi4 bi3tin3 ba42 ka'4an2=yu1 ran4
i3ta2an2 i3sa42 ndi4 ta1 ku3u2 ba3 ku4u4 yu'1u1 ran4 ji14ni2=o4 sa1a3 tiem4pu2 ba1xi3 bi(4)=o4. Ahá, ya1 kan4 ba42 ndi4,
ji14ni2=o4 sa1a3 ka4chi2 yu3ba4 yo4o4 ndi4chi2 ni1nu3, i4yo2=ni42 tu3 na1 chi1tun3 ba3 na4 a3sa(3)=e2 i1ni4 a3sa(3)=e2 chi1tun3 ji'4in(4)=o4 tan3 ndi4
tan3 ndi4 ya1 ka1a3 ko4ndo3 tu'1un3 ka4xi3 ka'1an1 yo4o4 tan3 sa3kan4 ndi4 ya1 kan4 kwi3i3 ka'1an1=ndo4 tan3
tan3 ya1 ka1a3 kwi3i3 ku3ni3 kwa4chi3 na'4nu3 na4tu2 ya1 ya'1a3, a1chi1 ndi4 yu'3u4 *internet** ya'4a13=e2 yo'4o4 tan3
tan3 kwi3i3 nda3-ta3ba4=ndo4=a2 tan3 kwi3i3 tan42 ka'4an2 ta1 [...] yo'4o4 mi3tiu'4un4 ndi4 kwi3i3 ku'1un(1)=a1 *biblioteca** ka4chi2=ra1 tan3 ya1 ba1...,
ni3 u1bi1 sien4tu2 ni3 u1ni1 sien4tu2 ni3 u'1un1 sien4tu2 kwi1ya1 ya'1a3 tan3 ya1 ka1a3 ndi4 ya1 ndo4o13 ba'1a3 ba43,
[Ya1] ndo4o13 ba'1a3 ba43, ya1 kan4 ba42 ndi4 ya1 ka1a3 ba42 xi4nu(3)=a2 kwa'1an(1)=e1 ran4, yo4o4 na1 i4sa1bi4 ndi4 ba143 i4yo2 ndi'3i3 tu'1un3 yo4o4 ndi4
a1chi1 ki13xi3 yo4o4 ji'4in4 tu1ni4ni2 yo'4o4 ndi4 i4sa1bi4=ni42 na1 ta4u3ni2 yu3ba4 si'3i(4)=o4 kwi14i3 ka'1an1=na1 tu1sa'4an4
bi3tin3 ndi4 xa13ko1o3=ni42 *escuela** bi3tin3 ndi4 ba4li4 ba4li4 na1kwa4chi3 tan3 ja1 ka'4an2=na1 tu1sa'4an4 tin3, tan3 kwa'1an1 ndi4 sa4-ndi'3i3=na2 xa'1a4 tu1sa'4an4 ka3chi2=na1 tan3
tan3 tu3..., ya1 ko4ndo3 tu'1un3 i4sa1bi4 [...] ya1 tu'1un3 i4sa1bi4 ndi4 kwi14i3 ndi'3i3 xa'1a4=e2 na3ni2 yo4so24=a2 ndi4 ya1 kan4 ndi4 ya1 nda4i3ka4 ja3chiu4un4 ku4u4 ba(3)=e2 kan4 a1chi1 na1 i4sa1bi4 ku4u4 yo4o4
a1chi1, a1chi1 tiem4pu2 ke4ta3 yu'1u1 kwa'1an1=yu1 ba14a3 yo'4o4 ka4chi2=na1 ndi4, *uta**,ndo'4o1 na1 Yolo ndi4
na4 ni1-xa1a1=ndu1 ñu3u2=ndo4 ndi4 ti4ka3si2 ndi'3i3 na1, *tatarabuelo** ye'14e4 ka4chi2=na1 so'3o3
ko14o3 na1 kwi4i4 ka'1an1 tu1sa'4an4 ndi4 nda4si2 ye'14e4 nu14u3=ndu2, ¿an4 sa3kan4 ka1 ka4a4 bi3tin3?, ka4chi2=na1. Ba14sa3 kan4 ndi4 a1chi1 ndi4 ko14o3 tu1sa'4an4 [ji4ni2]=na1 ndi4 ko14o3 na1 sa'4an4 nu14u3=na3.
Tan3 bi3tin3 ndi4 ba4li4=a2 tan3 i1xa43 ka'4an(2)=e2 tu1sa'4an4 ndi4, i3in(3)=a2 ndi4 tan42 ku4u4 yu'1u1 ndi4 i4yo2 se'1e3=2 ran4 pa4chi'4i(2)=a2 tan3 xa143 ka'4an(2)=e2 tu1sa'4an4 ji'4in(4)=a2 tin3
i3kan4 kwa'1an1 tu3ku(3)=a2 *escuela** tin3 i3kan4 sa4-kwa'3a3 tu(3)=a2 tu1sa'4an4 tin3 ya1 kan4 ndi4, ya1 kan4 ndi4 ja1 ji'4in4 tu1sa'4an4 kwa1nda3a3 ba(3)=e2 tan3 ndi4
ka'4an2=ndu1 tu1sa'4an4 ji'4in(4)=a2 ran4 tan3 ka'4an2=ndu1 tu'1un3 i4sa1bi4 ji'4in(4)=a2 a1chi1 ndi4 kwi14i3 ndo1o3 i3in3 ta'4bi4 a1chi1 ndi4
na4 ku3-sa'4an4 tu3ku(3)=a2 tan3 ji14ni3 so'1o3=a2 tu'1un3 i4sa1bi4 tin3 tu'1un3 i4sa1bi4 ndi4 ya1 ku4ma1ni4=a2 ba42 ran4
a1be3, ya1 kan4 ba42 ndi4 kwi14i3 ndo1o3 tu'1un3 i4sa1bi4 ndi4 ya1 kan4 ba42 ka'4an2=yu1 na4 kwa'1an(1)=e1 ba14a3 a1chi1 ndi4
a1chi1 ndi4 tu'1un3 i4sa1bi4 ndi4 ba143 i3in3 ki1bi4 ndi'3i3 xa'1a4=e2 kan4, yu'1u1 ndi4 xa'1an1=yu1 Chilpancingo ji'4in4 na1 *quinientos años** ka4chi2=na1 ndi4
ba1xi3=ndo4 tan3 bi3tin3 ndi4 nda4a(2)=e2 ba42 ka4a4 ti1xin3 ñu3u2=ndo4, bi3tin3 ndi4 ni1-ki3ta3 ta'3an(2)=e2 tan3
ndo13ko3o4 ta'3an(2)=e2 mi4i4 ba42 tan3 ndi4 kwa'1a4 xia4an4 xi1yo3 *reunión** tan3 i3kan4 ja'1an1=yu1 tan3 ka4chi2 ta1 *licenciado** Pedru ji'4in(4)=2 ndi4
yu'1u1 ndi4 *licenciado** Pedru na3ni4=2 ndi4, ba1xi3=ndo4 ndi4 tan42 i3in3 tan42 i3in3 ñu3u2=ndo4, ka'1an1=ndo4 tu'1un3 mi3i4=ndo4
ya1 ko4ndo3 tu'1un3 i4sa1bi4 tan3, tan3 ka'1an1=ndo4 tu1sa'4an4 sa3kan4ndi4 ku3ni2[=yu1] nda4a(2)=e2 ba42 i4yo2 ti1xin3 ñu3u2=ndo4
sa3kan4 ndi4 ku3ni3 tu3 na1 yo'4o4, ni3 su14u(3)=a2 ka'3an3 nu14u3 ba42 ndi4 tan42 i4yo2 ndo'4o1 na1 ba1xi3 yo'4o4 ndi4 ji14ni2[=yu1] nda4a2 ñu3u2 ni1-ke3e3=ndo4 ndi4 ya1 kan4 ndi4 ya1 nda4i3ka4 ya'1a3 ba42 kan4
ka4chi2 *licenciado** Pedro, i3in3 sa3kan4 sa14-ya'1a3=ra2 ki1bi4=ra3, an4 ni4-ka'1an1=ra1 *apellido**=ra1 ndi4 nda1 sa3kan4 sa4-ya'1a3=e2 tan3 ya1 ko4ndo3 ki1bi4=ra2 ndi4 sa3kan4 sa14-ya'1a3=ra(3)=e3.
Ya1 kan4 ba42 ndi4 ni1-ka3chi2=yu1 ndi4, *licenciado**, bi3tin3 ndi4, nda13-i3so(3)=2 nda'3a4=2 tin3, i3kan4 bi3tin3 ndi4 nda13-i3so(3)=on4 nda'3a(4)=on4 tan42 i4yo2 na1 nda13-i3so3 nda'3a4 ndi4kun2=na1
bi3tin3 ndi4 ka'1an(1)=on4 nda4a(2)=e2 ba42 i4yo2 ti1xin3 ñu3u2=un4, "Yu'1u1 ndi4 ya1 yo'4o4 ku4u4 [...]
ba1xi3=ndu2, ba143 ba1xi3 yu'1u1 ku4u(4)=2 *loco** ba1xi3=2 ndi4 ba1xi3=2 ndi4 ka4chi2=na1 ndi4 na4 ki3xi3 yu'1u1
ndi4 *reunión** i4yo2 Chilpancingo ka4chi2=na1 so'3o3 tan3 ya1 kan4 ba42 ndi4 ni1-ka3chi2[=yu1] ji'4in4 yu3ba4=2 ndi4, "Yu3ba4=2 ndi4 ndo1o(3)=on4 ndi4 ku4ni2 ku'1un1 ta'3an(2)=e2 Chilpancingo ku3ni2[=yu1] ndi4 ta'14an2 ku'1un1 ta'3an(2)=e2 Chilpancingo tan3 ku3ni2[=yu1] sa1a3 ka4a4",
tan3 ku3ni2[=yu1] sa1a3 ka4a4 ji'4in(4)=a2 kan4, sa1a3 ka4a4 ñu3u2 kan4 mi4i4 ka'4an2=na1 ndi4 Chilpancingo xa'4an1 ba(3)=on4 ndi4 nda4a2 chi4ñu(3)=un4 sa3kan4 tan3 yu'1u1 ndi4 ta'14an2 ku3ni2[=yu1] sa1a3 ka4a4 ka4chi2[=yu1] so'3o3 ji'4in4 yu3ba4=2,
ya1 kan4 na4 ndo1o3=lu(3)=an4 i4ndu'3u4 ji'4in(4)=2 tan3 na4 ku'1un(1)=i1 ndi4 sa1a3 ki1bi4 ku'1un1=na1 tan3 ki3xa2a2 ba(3)=2, ka3chi2[=yu1] so'3o3. Ba'1a3 ku'1un(1)=un4 na4 sa3kan4.
I3kan4 ni1-ke3ta(3)=2 kwa'1an1 ba3 yu'1u1 tin3, ni1-xa1a1=yu1 ña1a4 ji'4in4 ta1 mas4tru2 Nicu, ta1 kan4 ku4u4 ta1 ja'1an1=ndu1 ji'4in4, i3kan4
Nicola Peñaira [...], an4 Remedio ku4u4=ra2 sa1a3 na3ni4=ra2 an4, i3kan4 ni1-xa'1an1=ndu1 i3kan4, i3kan4 ni1-ke3e3=ndu2 xa'1an1=ndu1 *junta** tan42 tan42 i3in3 xia4an4 i3kan4 ka4chi2[=yu1] ndi4,
¿nda4a(2)=e2 ba42 ka4a4 ti1xin3 ñu3u2=ndo4? "*licenciado** ndi4 ya1 ku4u4, ko4ndo3 tu'1un3 i4..., ka4a4 ñu3u2=ndu1 ndi4,
tu'1un3 ka3chi2=o4 ji'4in(4)=a2 ndi4 ka'4an2=on4 ndi4 tu'1un3=ndu2 na4 ka'1an1=ndu1 tan3 ka'4an2=ndu1 tu'1un3=ndu2 tan3, bi3tin3 ndi4 ya1 ka4a4 ti1xin3 ñu3u2=ndu1 ndi4 nda'4bi2 sa4ka2 ka4a4 ñu3u2=ndu1 ran4, i3chi4 kwa'1an1,
Ni1ko4yu4 ka4chi2 mi3i(4)=o4 kan4 ndi4 ku4nu1 ta'3bi4 na4 ja1 kwa'1an1 *carru** [...] ja13ta3 nda'3a4 *pobre** ja'1an1=na1 i3chi4 na1 ñu3u2 xi1yo3 ja13ta3 nda'3a4=na3,
kwe4e2 ku13u3 ni1-ki'1bi3 *máquina** tin3 a1chi1 ndi4 na1a4 ka4a4 ya1 yu4bi24 sa3kan4 ndi4 ko14o3 *máquina** ko14o3 ndi4 ja4ta3 nda'3a4 na1 nda'4bi2 i3chi4 tan3 ja13ta3 nda'3a4=na2,
ñu3u2=ndu1 tan3 ke13e(3)=a2 Salubi tan3, tan3 ni1-xa1a(1)=e1 Yolo tan3 Yolo tan3 ni1-xa1a(1)=e1 kwa'1an(1)=e1 Cuana ndi4 ja13ta3 nda'3a4 na1 nda'4bi2 tan3
o4ra2 kwa'1an1 *carru** ndi4 ku4un4 sa1bi4 tan3 nda4-ka3a4=run4 kwa'1an1 ki1ta3=run4 ta'3bi4 tan3 i4yu'4bi2 na1 nda'4bi2
tan3 ya1 kan4 ndi4 an4 ya1 kwi14i3 ndu3-ba'1a3 ba42 kan4 a3sa3 *gobierno** ya1 kan4 ndi4 ya1 kwi3i3 nda3-ndu3-ba'1a3 ba42 kan4, ko14o(3)=a2 ndu3-ba'1a3 nu4mi24 nu4mi24 ndi1ku1nda42 ndi4
kwe4e2 kwa'1an(1)=e1 ndi4 ya1 ndu3-ba'1a3 ba42 kan4 ya1 kwa'1an1 xa1a1 ba42 nda3-ndi1ta3 ya1 ko4ndo3 xu1xa32 nu14u(3)=a3.
Tan3 na4 ndu3-ba'1a3 nu14u3 i3chi4 ndi4 bi3tin3 ba42 ko14o3 ba'1a3 *carru** ndi4 i3in3 u1bi1=run4 xi4ka3 tan3 kwa'1an1 ku3-na'3a4 *con** tiem4pu2 ndi4 nda3-ko1o3 *carru** ka3ka3=na3,
a1chi1 ndi4 kwe4e2 ku4u4 tan3 xa3ko1o3, ka3ko1o3 xu'14un4 na1 nda'4bi2 tan3 ja3ta4=na2 *carru** tan3 na4, na4 ndu3-ba'1a3 ni3 i3chi4 ka1a3 a1chi1 ndi4 nda'4bi2=ni42 ka4a4 ñu3u2=ndu1
ñu3u2=ndu1 ndi4 i3kan4 ndi4 ñu3u2 chi'4i4=na2 nu1ni4 ba42 kan4 chi'4i4=na2 ndu3chi4, chi'4i4=na(3)=e3,
kwa'1an1 na1 nda'4bi2 chi'4i4=na2 tin3 ji4tu3=na2 tiem4pu2 agosto tin3 ndi'13i3 chi4ñu3 ka1 agosto tan3 ki13xa3a4=na2 xi4tu3=na2 tin3 xa143 ja'4nda2=na1 ku'1u1 tin3
xa143 mi4i4 ja'13nda2=na1 nu14u3 tin3 ja143 ni1-sa4-tu3u4=na2 mi'14i4 tin3
tan3 chi4ka2=na1 ñu'3u2 o4ra2 ni1-tu3u4=a2 ni1nu1 tin3 mi4i4 ba'1a3 ka4a4 ko3ko(3)=a2 tin3 ni1-ti1in3=a2 tin3 xa'4mi3=na(2)=e2 tin3 sa4-tu3u4 nda4-tu3u4=na(2)=e2 kwa'1an(1)=e1 tin3 sa3kan4 ndi'3i3 ku4u4=na2,
ja4ta2 ndi'3i3=na2 mi'14i4, ko14o(3)=a2 xa'4mi3=na2 ndi4 ya1 tu4u13 ba42 tan3 mi4i4 ti4in13=a2 ba143 ka4a4 ku'1un(1)=a1 i3kan4 ba42 xa'4mi3=na2 lu3u(3)=a2 tan3 i3kan4 ya'1a3=e2 kwa'1an(1)=e1 tan3
ya1 kan4 ba42 chi'4i4=na2 ndu3chi4 ya1 ko4ndo3 *palanca**, chi'4i4=na(2)=e2 kan4 kwa'1an(1)=e1 nda'4bi2 ku4u4=na2 mi4i4 ko3o(3)=a2 ku3xi3=na2 ka3na3 ya1 xi14ko3=na2 ko3ndo3 xu'14un4=na3,
a1chi1 ndi4 nda'4bi2 ka4a4 ñu3u2 ran4 ko14o3 tu1sa'4an4 kwi4i4 ka'1an1 *pobre** ndi4
nda'4bi2=ni42 ka4a4 ti1xin3 ñu3u2 ndi4 bi3tin3 ba42 xa1 ba4a24 ba4a24 ndo4-ko1o3 ta'3an2 ya1 ko4ndo3 tu1sa'4an4 ndi4
ke4e4 ta'3an2 se'1e3=ndu2 kwa'1an1=na1 nda4a2 i3nga2 xia4an4 kwa'1an1=na1 i3kan4 ki'3in3=na2 ña'3a4 i3nga2 sa'4an4 ba3 ña4 i3nga2 ñu3u2 ba3
i3kan4 ki'4in4=na2=ña4 tan3 nda4-xa2a2=na1 ñu3u2 tan3 i3kan4 ba42 ndi4 xa1 ku4-sa'4an4 na1kwa4chi3 ndi4 nda1 bi3tin3 tan3 tiem4pu2 ni1-ki3xi3=ndu2 ji'4in(4)=a2 mi4i4 ki13xi3=na2,
na1 ta4u3ni2 xi1i4=ndu2 is1tan4=ndu2 yu3ba4=ndu2 si'3i4=ndu2 i4sa1bi4=na2 ko14o3 tu1sa'4an4 kwi4i4 ka'1an1=na1 ji'4in4=ndu2 ndi4 nda'4bi2 sa4ka2 i4yo2 na1 nda'4bi2
tan3 ja4chiu4un4=na2 ndi4 nu1ni4 ndu3chi4 ja4chiu4un4=na2 ya1 kan4 ko4ndo3 *trabajo**=na1chi'4i4=na2 ti1kin4 ba3
tan3 ni3 ko14o3 na1 ja4ta24 bi4 ti1kin4 ndi4 sa1a3 tan42 ja4xi24 mi3i4 *pobre** ndi4 ko14o3 na1 ja4ta24=e3, ndi4 kwe4e2 kwa'1an1 ndi4 ya1 kan4 ndi4 ti1kin4 kan4 ndi4 ya1 kia'3bi13 ba42 kan4 ña1,
nda3ndo3o3 xu'14un(4)=a2 kan4 ki1bi4 ja3ta4=na(3)=e3, bi3tin3 ndi4 ko14o3 ka'4an2=na1 xa'1a4=e2 ndi4 nu1ni4 ba3 ndu3chi4 ba3 ja4ta24=na2 chi'4i4=na2 tan3
ndu3chi4 tu14un3 ba3 chi'4i4=na2 ndu3chi4 kwa'4a1 ba3 chi'4i4=na2 ndu3chi4 me4ku2 ba3 ya1 kan4 ba3 chi'4i4 na1 nda'4bi2
ko4ndo3 xu'14un4=na2 o4ra2 ta1nda3a2 tiem4pu2 tin3 chi'13i3=na(2)=e2 tin3 kwa'1an1=na1 ta4ba4=na2 ku1ndu'1u4=a2 xa'4ni24=na2 ku1ndu'1u4=a2 tin3
xi4ka3=na2 nda4a2=na(2)=e2 na4 ko14o3 ki3ti4 kwa'1an1 ki'1bi3 ja4xi24=ri4=a2 an4 ko14o3 i3su2 kwa'1an1 [...], na4 ji13ni2=na1 ndi4 ja4xi24 ki3ti4=a2 tin3
chi4-kwi3in3=na2 tio1to1 nu14u3 ba(3)=e2 na4 ka'14nda2=ri4 [...] kwa'1an1=na1 nda4a2=na(1)=e1 ndi4 ba143 ja4xi24 ta'3an2=ri4=a2 ndi4 ndi4ta3 ba'1a(3)=e3.
Ya1 kan4 kwa'1an1 ni1-chi1chi3=a2 kan4 tin3 ja143 tu'4un4=na(2)=e2 tin3 ta4tu2u2 ta'3an2=na1 i3in3 u1bi1 na1 yu4bi24 na1 i4yo2 tiem4pu2 tan3 kwa'1an1=na1
tu'4un4=na2 ndi3chi2 ji'4in4 na1 kan4 ja4chiu4un4=na2 tin3 tu'4un4=na2 ndi3chi2 tan3 ja143 ta'4bi14=a2 kan4 ndi4kwi1ko4=a2 ba1xi3=a2 ñu3u2
ta4ba4=na2 nda1 u1xi1 *carga** ka1a3 ba3 na4tu2 chi'13i3=na2 ja1 bi'4i4 ni1-chi'3i3=na2 ko4ndo3 nu1ni4 ba3 tan3 ndi4
ya1 kan4 ko4ndo(3)=a2 ja4chiu4un4 na1 nda'4bi2 ko4ndo3 ti1xin3 ñu3u2 mi4i4 i4yo2=ndu1 tan3 ya1 kan4 ba42 ba1xi3 ndo3so4=a2 tin3 ndi4
ti1xin3 ñu3u2 Yoloxóchitl ndi4 ya1 kan4 ku4u4 *trabajo** ja4chiu4un4 na1 nda'4bi2
bi3tin3 ba42 ya1 ni1-xo3ko1o3 na1 ko4ndo3 na1 mas4tru2 bi3tin3 ndi4 nda1 bi3tin3 ja143 xa13ko1o3=na2 tan3 ki13xa3a4 kwa'1an1 ku4-sa'4an4 ta'3an2 na1 yu4bi24 ndi4, ndi4 nda1 bi3tin3 tan3 tiem4pu2 ki13xi3=ndu2 ndi4 yu14bi4 nda'4bi2=ni42 ka4a4 ba43,
tan3 ndi4 *colonia** ñu3u2=ndu1 ndi4 na3ni4=a2 mi4i4 ba42 nu14u3 ñu3u2 ndi4 Yoloxóchitl ndi4 i4ndu'3u4 si4in4 *colonia**
i4ndu'3u4 *colonia** ta'4bi4 ñu3u2 ni1nu3 ndi4 Guamúchil ka4chi2=na1 ji'4in(4)=a3.
Ta'4bi4 mi4i4 ke13e3 yu'1u1 ba1xi3=2 ndi4 Tamarindo ka4chi2=na1 ji'4in(4)=a2 tan3 kwe4nda2 ka'3a4 ñu3u2 so'3o3 i4ndu'3u4 Buenos Aires tu3ku3
i3kan4 ndi4 ndi4chi2 i3in3 tu1ñu'4u2 tan3 ba1xi3 kwa4a24 ndi4 i4yo2=ni42 ta1chi4 ndi4 ta1chi4 i4yo2=ni42
ya1 kan4 na3ni4=a2 *Buenos aires** tan3 ko14o3 ñu'3u2, an4 ka3na3 chi3ñu3 na1 ko3nde3e3 na3a4 sa3kan4 ku4u4 na1 kan4, tan3 ka4chi2, xi4yo13,
*junta** i4xa3 ta1 ko4ndo3 *comisario** ndi4 sa1a3 ko3o3 ji'4in4 na1 nde4e4 *colonia** ndi4 ko14o3 ñu'3u2 nu14u3 na1 nda'4bi2 tan3 na1 ku4ni(2)=a2 nda3-ko1o3 ñu'3u2 nu14u3 ku4u4=na2 ka14na3 chi3ñu3 ko3o3=na2 sa3kan4
na4 ko3to3 mi3i4=na2 sa1a3 ko3o3 tan3 sa3kan4 ndi4 ndo3-ko1o3ñu'3u2 nu14u3=na2 ndi4 ba'1a3 ndi4 ja1 i4yo2 ñu'3u2 ti1xin3 ñu3u2 ka4chi2=na1 so'3o3
tan3 kwi14i3 ka3na3 chiu3un3 sa3kan4 a1chi1 ndi4 kwi14i3 sa3ña4 nda'3a4 ta1 chi4ñu3=na2 a1chi1 ndi4 ta1 chi4ñu3 ndi4 ta1 ndi'4i13 i3ni2 ku4u4 ta1 kan4 ndi4 ko14o3 ñu'3u2 nu14u3=na3.
Tan3 ya1 kan4 ba42 ba1xi3 yu'1u1 tan3 ka'4an2=yu1 ji'4in(4)=un4 tan3, tan3 yo'4o4 ndi4 a3ma3 ka3na3 chi3ñu3 sa3kan4 ñu3u2 Guamúchil tan3 Tamarindo tan3 Buenos Aires ndi4 ka14na3 chi3ñu3 ko3o3 mi3i4=a2 sa3kan4 ndi4
ñu'3u2 ndi4 ya1 ku4ni(2)=a2 ku4u(4)=a3, a1chi1 ndi4 nda'4bi2=ni42 ka4a4 ti1xin3 ñu3u2=ndu1 ka4chi2[=yu1] ji'4in4 ta1 *licenciado** kan4
i3kan4 ndi'13i3 tan3 nda13-xi3ko'4ni(3)=a2 i3kan4 ndi4, ba'1a3 na4tu2 sa3kan4 ndi4 na4tu2 sa3kan4 ba3 i4yo2 ndi4, nda'4bi2 ka4a4 ñu3u2 ndi4 ko14o3 ya1 nda4a(2)=e2 ba42 ndu4-ba'1a3 bi4 ti1xin3 ñu3u2 ndi4
nda143 ja4ta3 ta1kwi42 o4ra2 nda13-ndi3ta3 sa1bi4 xi4ko14 ñu'3u4 nda4-ta3an4=na(2)=e2 ndu4-ba'1a3 ka4i2 ma'14ñu3 ñu3u2=ndu1
ya1 kan4 ba42 ndi4 nda'4bi2=ni42 ka4a4 ñu3u2=ndu1 ndi4 ko14o3 i3chi4 ba'1a3 bi4 ndi4 ñu'3u4 ba42 tin3, ya1 kan4 ndi4 kwa'1an1 *con** tiem4pu2 ndi4 na4 chi3ka2 ta1 ko4ndo3 *presidente** nde3e4 tan3 chi3ka2 tu3 *gobierno** nde3e4 tan3
ka'1an1, ka'1an1=ndu1 ji'4in4 ta1 ko4ndo3 *comisario** kan4 ndi4 lu3lu3 tan3 sa3kan4 ndi4 chi3-nde3e4 tu3ku3 na1 nda'4bi2
a1chi1 ndi4 ko14o3 ji4ni2 sa1a3 i4in4 nu14u3 na1 ko4ndo3 *candidato** na4 kwa'1an1=na1 i3kan4 ndi4 ko14o3 ka'4an2 ji'4in4=na2 ndi4 i3in3 ba'1a3 tan3 xa1a1 ba3, ndi4 ku4ni2=na1 chi3ñu3 ba3
ni1-xa1a1 ya1 ko4ndo3 *boleta** ndi4 na4 ku'1un1=ndu1 chi3ka2=ndu1 nde3e4 ji'4in4 ba3=ra3, tan3 ndi4 ko14o3 ña1 ji4ni2 sa1a3 i4in4 nu14u3 bi4=na2 ndi4, tan3 bi3tin3 ndi4 ja1 i1xa43 ndo4-ko1o3=na2 tan3
tan3 mi4i4 ba42 tan42 i3in3 tan42 i3in3 *colonia** ndi4 kwa'1an1=na1 tan3 i3kan4 ba42 ndi4 kwi3i3 ka'1an1 ba3=ndu2 ji'4in4=na2 ndi4 na4 a3sa3=na(2)=e2 ba'1a3 chi3ka2 nde3e4 nda4a(2)=e2 ku4ma1ni4=a2 ti1xin3 *colonia** tan3 ti1xin3 ñu3u2 ndi4 na4 chi3-nde3e4=na3,
[ka3chi2=ndu1 ji'4in4=na2] tan3 bi3tin3 ndi4 ya1 kan4 ba42 ya1 ka'4an2=yu1 xa'1a4 ka4chi2[=yu1] ji'4in4 ta1 *licenciado** kan4. "An3 ba'1a3 na4tu2 sa3kan4 ndi4,
ya1 kan4 ba42 kan4 na4tu2 sa3kan4". A1be3 ya1 kan4 ba43. Ba'1a3 na4tu2 kan4. Ya1 kan4 xi13ni3 ji1ndio4si2 kan4. Xa3ku4 ti4 ki1bi4 ni1-ki3xa2a2=ndu1 ñu3u2 ka1a3 tan3 xi1yo3 tu3ku3
*junta** i3kan4 ni1-ya'1a3 ki1bi4=2 ka4chi2 ta1 mas4tru2 Niculá Peñaira ndi4
ka'4an2=ra1 ndi4 ya'1a3 *anuncio** na4 ta1nda3a2=yu1 ndi4 i3kan4 i4yo2 *junta** tan3 *presencia** ña'1a3 yu'1u1 ndi4 ya1 ku4ni(2)=a2 ku4u(4)=a3, i3kan4 ki13xa2a(2)=e2 ko4ndo3 *presencia**
i3kan4 ka4chi2, i3kan4 ni1-ki3xa2a2=yu1 nde4ta3 i3in3 u1bi1=na1, "¿An4 ki13xa2a(2)=on4 ta1 ta4u3ni2?" "Ki13xa2a2 ba(3)=2". I3kan4 ndi4chi2 Antoniu
Santiau Ramíre ndi4 ka4chi2=ra1, ka4chi2 ta1 mas4tru2 kan4 ji'4in4=ra2 ndi4 nda4a(2)=e2 ku4u4, nda4a(2)=e2 ku4u4 *manzana** tan3 nda4a(2)=e2 ku4u4 *croqui** ka4chi2=ra1 ji'4in4 ta1 kan4, tan3 ta1 ña1a4 ndi4 ta1 sa'4an4 ku4u4 ta1 ña1a4 tan3
ji14ni2=ra1 nda4a(2)=e2 ku4u4 *manzana** tan3 ji14ni2=ra1 nda4a(2)=e2 ku4u4 *croqui**. Tan3 ta1 ka'4an2 tu1sa'4an4 ku4u(4)=un4 ta1 nda4tu'4un4 tu1sa'4an4 ku4u(4)=un4 ji'4in4 ña4 si'4i2=un4 tan3 ji14ni2=un4 nda4a(2)=e2 ba42 kan4 ka4chi2 ta1 mas4tru2 kan4 ji'4in4=ra3.
I3kan4 ka4chi2=ra1 ji'4in(4)=2 ndi4, "Don Martín, ¿an4 xi4ni2=un4 nda4a(2)=e2 ku4u4 *manzana** tan3 xi4ni2=un4 nda4a(2)=e2 ku4u4 *croqui**? "Xi4ni2=yu(1)=a1 ran4 mas4tru2".
"Tan3 ka'1an(1)=on4 tan3 ku3ni2[=yu1]". "Ya1 ko4ndo3 *croqui** ran4, ya1 *croqui** kan4 tan3, tan3 *manzana** ndi4
*cuadro** yo'4o4, yo'4o4 kwa'1an1 ka4i2 ran4, kwa'1an1 ka4i2 so'3o3 tan3 kwa'1an1 ka4i2 so'3o3 tan3, tan3 ya1 ko4ndo3 *manzana** ndi4 sa1a3 na1 yu4bi24 i4nde4e4 ti1xin3=a2 ko4ndo3 *manzana** tan3
tan3 tan42, ya1 i3in3 *cuadro** ya1 kan4 ba42 ko4ndo3 *croqui** ran4". Ji13ni2=un4 ndi4 ta1 i4sa1bi4 ku4u4 ta1 ta4u3ni2 ka1a3 tan3 ka'4an2=ra1 ndi4 ji4ni2=ra1 nda4a(2)=e2 ba43, tan3 yo'4o1 ta1 sa'4an4 tu3 ku4u(4)=un4 tan3 ji14ni2=un4 nda4a(2)=e2 ba43, ka4chi2 ta1 mas4tru2 kan4
bi3tin3 ndi4 ni1-ki3xa2a2 ya1 ko4ndo3 chi3ñu3 ta1 ta4u3ni2 ndi4 ba'1a3 ndi4 ni14-ndo3ko3o4 nda'3a(4)=on4 ñu3u2 ndi4 ni1-ka'1an(1)=on4 xa'1a4 ñu3u2 tan3 bi3tin3 ndi4
yo'4o4 ni1-ki3xa2a2 chi3ñu3 ndi4 ka'4an2=na1 xa'1a(4)=on4 ndi4 na4 su4-ku3ni(3)=2 yo'4o1 tan3 nda3-ka3ya2=on4 na1 ko4ndo3 *colonia** na4 ki3xa2a2=na1 tan42 i3in3 tan42 i3in3 *colonia** tan3 sa3kan4 ndi4 ki3xa2a2=na1ndi4 ya'1a3 *anuncio** i13xa(3)=2 tan3 [...] ndi3sa4ku4u4 *colonia** tan3
tan3 yo'4o1 ku4u4 ta1 ka'1an1 ji'4in4=na2 tin3, tan3 bi3tin3 ndi4 tan42 ka4xi3 ka'4an(2)=e2 ji'4in4 ta1 yo'4o4 ran4 tan3 ka'4an2 tu(3)=2 ji'4in(4)=un4 tan3 ji4ni2=un4 nda4a(2)=e2 ku4u4 *croqui** tan3 ¿yo3o3 ku4u4 ta1 ni'4i4 *croqui** kan4?, ka4chi2=ra1 so'3o3
ko14o(3)=a2 ni'4i(4)=2 mas4tru2 ndi4 yu'1u1 ndi4, ta1 ni'4i(4)=a2 ndi4 ta1 ta4u3ni2 Alfonso Ramu ta1 yo'4o4 ku4u4 ta1 ni'4i4 *croqui** kan4
na4tu2 ji4ni2=un4 ndi4 ni'4i4=ra(2)=e2 tan3 ku'1un1 ka'1an(1)=on4 ji'4in4=ra2 sa3kan4 ndi4 na4 ki3xi3=ra2 sa3kan4 ndi4, sa3kan4 ndi4 ka'1an1 yo4o4 ji'4in4=ra2 na4tu2 ni'4i4=ra(3)=e3. Ba'1a3 ba3, na4 ku'1un(1)=i1 ka'1an(1)=e1 ji'4in4=ra3.
I3kan4 ni1-xa1a(1)=e1 ka'1an(1)=e1 ji'4in4 ta1 ta4u3ni2 Alfonso, "ta1 ta4u3ni2 ¿an4 i4ndu'3u(4)=un4?". "I4ndu'3u4 ba(3)=2". "Ta1 ta4u3ni2 ndi4 bi3tin3 ndi4 chi3ñu3 ni1-ki3xa2a2 ndi4
an4 ka3-ndi4xa(3)=on4 an4 ka14-ndi4xa(3)=on4 yu'1u1 ba3 tan3 ndi4 su14u3 tan42 ta1 xu13xa3 bi4 ku4u4 yu'1u1 ndi4 ta1 xa3ku4 ku4u4 yu'1u1 yo'4o1 ndi4 ta1 ta4u3ni2 ku4u4 yo'4o1, bi3tin3 ndi4
yo'4o1 ku4u4 ta1 ni'4i4 *croqui** ran4, ndi4 ya1 kan4 ba42 ndi4 ku4ni2 ku3ni2[=yu1] ndi4 ya1 kan4 ba42 ku4ni(2)=a2.
*Hijo**, an4 ya1kan3, *croqui** ku4ni2=un4, *croqui**, ni'4i4 ba(3)=e2 kwi14i3 ka3chi2[=yu1] ta3se'4e(2)=a2 ndi4 ka1a3 ndi4ka(2)=e2.
Yo'4o1 *muchacho** ku4u4 yo'4o1 *viejo** ku4u4 yu'1u1 tan3 ni14-xa1a1 i3ni2=na1 ku3ni2=na1=yu1 tan3 ya1 kan4 bi4 ka'4an2=on4 ji'4in(4)=2 ndi4 ku4ni2=un4 *croqui** tan3 ndi3-ki3ta'4an4=na3,
bi3tin3 ndi4 ku'1un(1)=un4 ji'4in(4)=a2 sa3kan4 ndi4 ka'14an1=yu1 ji'4in4 na1 *licenciado** kan4 ndi4 yo'4o1 ku4u4 ta1 nda3-kwi3in3 yu'3u4=na3.
A1chi1 ndi4 su14u(3)=a2 ndi3xa3 ku4u(4)=2 ka3chi2 tu3 yo'4o1 tan3 bi3tin3 ndi4 yo'4o1 ku4u4 ta1 nda3-kwi3in3 ndi4 na1 ka'1an1ku4u4=na2 bi3tin3 ka4chi2[=yu1] so'3o3 ji'4in4=ra3.
I3kan4 ni1-..., ja143 ni1-ki'3in3=ra2 ya1 ko4ndo3 *croqui** kan4 tan3 ni1-xa1a1=ra1 nu14u3 ta1 mas4tru2 ña1a4
ja1 nu4u4 tan3 ni1-nda'1yu1 ba3 *teléfono** i3kan4 nda13-kwi3in3 ta1 mas4tru2 Nicu ña1a4, yo'4o4 ndi4chi2 ta1 ka'4an2=ndo4 ki1bi4
i3kan4, na4 ya'1a3=ra2, ta1 ya'1a3 ku4u4=ra3, i3kan4 ka4chi2[=yu1] ji'4in4 ta1 mas4tru2 Nicu ndi4, "mas4tru2 ya'14a13 yu'1u1 ndi4 *señor** Alfonso na4 ya'1a3 nda3-kwi3in3 yu'3u4=na3.
I3kan4, "su14u3 ta1 kwi14i3 nda3-kwi3in3 ku4u(4)=2 nda3-kwi3in3 ba(3)=2 yu'3u4=na2 tan3 ndi4
nda4a(2)=e2 ba42 ji4ni2[=yu1] ka'1an1=yu1 ka3chi2 tu3 ta1 ka1a3 ku4u4=ra2 ta1 xu13xa3 tan3 ba'1a3 ta1 ka1a3 ndi4 ta1 xu13xa3 ku4u4=ra2 ta1 ta4u3ni2 ku4u4=ra2 na4 ka'1an1 ba3=ra2 ji'4in4=na2 sa3kan4 ndi4 ka3-ndi4xa3=ra2 ya1 ku4u(4)=a2, ya1 ko4ndo3 tu'1un3 ni1-ka'1an1=yu1 tan3 bi3tin3 ndi4
ku4ni2=na1 ya1 ko4ndo3 na1 *comité** tan42 i3in3 tan42 i3in3 *colonia** ya1 ba'1a3 i4yo2 ku4u4 ba(3)=e2 ndi4 ni1-ki3xa2a2 chi3ñu3 tan3
ko14o3 ña1 nu4mi24 tan3 bi3tin3 tan3 ja1 ni1-tu1u3 na1 kan4 tan3 ja1 nu4mi24 i3ta2an2 i3sa42 tan3 ja1 ke3ta3 bi4=a2 ko4ndo3 *trabajo** ndi4 kwe4e2 kwa'1an1 ba(3)=e2 ka1a3
ka4chi2[=yu1] so'3o3 ji'4in4 ta1 mas4tru2 i3kan4 ndi4 ni1-xa'1an1 *señor** Alfonso nda13-kwi3in3=ra2 yu'3u4 *teléfono** ni1-ka'1an1=na1, i3kan4 ka4chi2=ra1 ndi4, i3kan4,
yu'1u1 ku4u4 ta1 nda4-kwi3in3 yu'1u1 ku4u4 ta1 xi4kwe4nda2 ndi4 ni1-ka'1an1 *señor** Martín ni1-ki3xi3=ra2 ka'4an2=ra1 ji'4in4=ndo4 ña1a4 tan3 bi3tin3 ndi4
ya1 ku4u(4)=a2 ku4ni2=yu1 ndi4 ba143 ka4-ndi4xa3 ba'1a3 yu'1u1 ya1 ko4ndo3 tu'1un3 ka'4an2=ra1 tan3
tan3 bi3tin3 ndi4 yo'4o4 ka13-ndi4xa(3)=2 ndi4 ndo'4o1 ku4u4 na1 ka'4an2=ndo4 ki1bi4=ra3, ka'4an2=ndo4 ki1bi4=ra2 ndi4 ndo13ko3o4=ra2 ki1bi4=ra2 ndi4 Martín Severiano Germánsa3kan4 na3ni4 ba3=ra3.
Tan3 ka'4an2=ndo4 ndi4 ta1 ya'1a3 ku4u4=ra2 tan3 ni14-xi3in3=ra2 ya'1a3=ra2 ndi4 na4 ya'1a3=2 ka'1an(1)=e1 ji'4in4=ndo4 ka4chi2=ra1 tan3, tan3 bi3tin3 ndi4 yo'4o4 ba42 ya'4a13=2 ka'4an(2)=e2 ji'4in4=ndo4
ya1kan3, ba'1a3 na4tu2 sa3kan4, an4 ña1a4 ndi4chi2=ra1, ña1a4 ndi4chi2=ra1. "¿An4 ya'1a3=ra2 ka'1an1=ra1 ji'4in(4)=un4?" "Ba'1a3 ya'1a3 ba3=ra3". I3kan4 ni1-ya'1a3=2.
I3kan4 ja143 ka4chi2[=yu1][ji'4in4]=ra2 ndi4, "¿an4 yo'4o1 ku4u4 ta1 ka'4an2 ji'4in(4)=2 *licenciado** Pedru?" "Yu'1u1 ku4u4 ta1 ka'4an2 ji'4in(4)=un4". "Bi3tin3 ndi4 ja1 yo'4o4 ni1-ka'1an(1)=e1 ji'4in4 *señor** tan3 bi3tin3 ndi4,
ya1 ko4ndo3 *trabajo** ndi4 ja1 ndi4 yo'4o4 ndu3ku4=ndo4 *comité** sa3kan4 ndi4 kwe4e2 ku3u3 tan3 sa3kan4 ndi4 nda3-nde1ta3 ya1 ko4ndo3 ñu'3u2 tan42 i3in3 tan42 i3in3 *colonia** ndi4
mi4i4 nda3-ndi1ta3 a1chi1 ñu'3u2 ndi4 *colonia Guamúchil** i3kan4 ke1ta3 a1chi1 ñu'3u2 i3kan4 kwe4e2 ku3-ndi3kun(2)=a2 ji'4in4 Tamarindo Buenos Aires i3kan4 ku3-ndi3kun2 kwe4e(2)=a2".
Ni1-ka3chi2 ta1 *licenciado**, bi3tin3 ndi4 ndu3ku4=ndo4 *comité** na4, i3kan4 ba42 ja143 ni1-tu1u3 *comité** tin3
i3kan4 ba42 nda13-yu'4bi2 i3ni2 *señor** Alfonso ndi4, "Ba143 ji4ni2[=yu1] na4 ta1 kwi3i3 ka'1an1 bi4 ku4u(4)=un4 tan3 yo'4o1 ndi4 ta1 ni1-kwi3i3 ni1-..., ka'4an2 ku4u(4)=un4 nda13..., nda13-kwi3in(3)=un4 xa'1a4 ñu3u2
kwi14i3 ka'1an1 yo'4o1 tu1sa'4an4 ka4chi2 ka'4an4 yu'1u1 tan3 yo'4o1 ndi4 ta1 ja4-ndu4xa24 ku4u(4)=un4. Kwi14i3 ka'1an1=yu1 na4 ka3chi2[=yu1] na4 ka3chi2[=yu1] ji'4in(4)=un4 Alfonso ndi4 ya1 bi4xi1=ni42 ba42 ka'1an1 yo4o4 tu1sa'4an4 ndi4
ka4ni'1i3=na2 ndi4 kwa1ku1 nda3a2=na1 yo4o4 tan3 ka4ni'1i3=na2 ndi4 xa14a1 i3ni2=na1 ku3ni2=na1 yo4o4 tan3
yu'1u1 ndi4 kwi14i3 ka3chi2=yu1 a3sa3 ñu4ñu4 xu4mi4=ni42[=yu1] ka'1an1=ni42=yu1 tu1sa'4an4 bi4 tu3 ndi4 ni3 ko14o3 tu1sa'4an4 nda4tu'4un(4)=2 xi4ka3 bi4 tu(3)=2 ndi4 tu1ni4ni2 ku4u4 ba(3)=e2 na4tu2 ja1 ni1-ke3e(3)=o4 kwa'1an(1)=e4 a1chi1 ndi4
na1 kwa'1an1 chi4-nde3e4 ti1xin3 ñu3u2 ku4u(4)=e4 ran4, tan3 na4 i3nga2 sa3kan4 *comisión** ku'1un1=na1 tan3 ka3chi2=na1 ndi4 an4 ku'1un(1)=un4 ji'4in4=ndu2 ndi4 ya1 yo'4o4 ba42 i4yo2 tu3ku3 Chilpancingo
tan3 ku'1un1 tu3ku3 ba3 yu'1u1 tan3 nda4a(2)=e2 ku4ma1ni4=a2 tan3 ku'1un1 ba3 yu'1u1 a1chi1 ndi4 mi4i4 ku4ma1ni4=a2 tan3 ka'1an1 ba(3)=2 a1chi1 ndi4 ya1, ya1 ndu4ta'3an2 ka'1an1=yu1 ba42,
ka4chi2[=yu1] ji'4in4 *señor** Alfonso, "Ya1 kan4 ba'1a3 na4tu2 sa3kan4 ndi4 ba'1a3 ndi4 ni1-ka'1an(1)=on4 xa'1a4 ñu3u2 ta1 che4e13, ba'1a3 ndi4, ta1 che4e13 ta1 ta4u3ni2 ka4chi2[=yu1] ji'4in(4)=un4 ndi4 tu'1un3 xu13xa3 ni1-ka'1an(1)=on4 tan3 bi3tin3 ndi4
ja1 yo'4o4 ji13ni2[=yu1] ndi4 kwe4e2 ku'1un(1)=o4 ji'4in(4)=a2 bi3tin3 ndi4 ja1 ya1 ke3ta3 ku4u4 *trabajo** tin3 ka4chi2 *señor** Alfonso
Ya1 kan4 ku4u4 ndi'3i3 ba(3)=e2 i3kan4 ndi'13i3 ba3. Bi3tin3 ndi4 yo'4o4 ba1xi3 tu3ku(3)=a2 ña1, ña1 kwe4nda2 xa'1a4 sa1bi4.
Martín Severiano Germán.
*Cincuenta y ocho**.
Ñu3u2 Yoloxóchitl.
Mm ta4ta2 ndi4 ã4 ya1 kã4 ba42 ku4nĩ2 ku3nĩ3ndo4 ndi4 ya1 kwa4a2 i4xa3 ta1 chi4ñũ3 ta1 chi4ñũ3 ku4u4 ta1 ku4mĩ3ĩ4 tu1nĩ4nĩ2 jỹã'4ã2 nĩ1kã'1ã1 nã1 ñũ3ũ2 xa'1a4ra2
ndi4 kũ'1ũ1ra1 ko3nda2a2ra1 ti1xĩ3 ñũ3ũ2 tã3 ti1xĩ3 ñũ3ũ2 i3kã4 ba42 ya1 ka4nã3nũ3 ñã1 nã1 ta4u3nĩ2 i3kã4 i4yo2 nã1 ta4u3nĩ2 ko4ndo3 yu3ba4 ko4ndo3 yu3ba4 ko4ndo3 si'3i4 ka4chi2nã1
xi3kwe4nda2 ti1xĩ3 ñã1 ko4ndo3 *mesa** jĩ'4ĩ4 ta1 chi4ñũ3
tã3 nã1 kã4 ku4u4 nã1 ndi4ki3tã'4ã4nã2 xi4ka3 nda'3a4 xa'1a4 ta1 chi4ñũ3 nũ14ũ3nã2 tã3 ndi4ki3tã'4ã4nã2 tã3 i3kã4 nda4tũ'4ũ4 nã3nĩ2nã1 ndi4
sa1a3 ko3o3 tã3 kũ'1ũ1nã1 nũ14ũ3 sa1bi4
ya1 kã4 ba42 ndi4 nda4 nda4tũ'4ũ2 jĩ'4ĩ4ndo4 ta4ta2 ndi4 ki13xa2a2ndo4 bi3tĩ3 tã3 nda4tũ'4ũ2 jĩ'4ĩ4ndo4 ndi4 sa1a3 ko3o3 tã3 kũ'1ũ1 yo4o4 nũ14ũ3 sa1bi4 ndi4 ji4nĩ2 ba3 yo4o4 ndi4 kwi1ya1 kwi1ya1 ndi4
ta1 chi4ñũ3 ke4e4 tã3 ta1 chi4ñũ3 ki4xa2a2 jo4nda2a2ra1 *mesa** ta4tu2u2ndo4 ji1ndyo4si2 nã1 ba1xi3 ndi4 sa3kã4 ku4u4 jỹã'4ã3
*Costumbre** ndi4 ba143 ndwa4a132 kã4 ndi4 ya1 kã4 ndi4 nda1 nã4 nĩ1nda3ñũ'4ũ4 yo4o4
nĩ1xi'1i1 yo4o4 sa3kã4 ba42 ndi4 ndi'4i4 ya1 ko4ndo3 *costumbre** tã3 tã3 bi3tĩ3 ndi4
ya1 kã4 ba42 ku4nĩ2 ku3nĩ2 nda4ka1tũ'4ũ2 ndo'4o1 ta4ta2 i3kã4 ba42 kã'4ã2 nã1 ta4u3nĩ2"nã4 sa3kã4 ba3 kã'4ã2 yo'4o1 *comisario**","Ndi4 bi3tĩ3 ndi4
ta4ta2 chi4ñũ3 ndi4 ka'4nũ3 ko3o3 i3nỹũ24 ndi4 nda3tũ'4ũ4 yo4o4 ki13xa2a2 ba3 ndu'1u1 ndi4 nda3tũ'4ũ4 ba3 yo4o4 ndi4 yo'4o4 nde4e4ndu2 ki13xa2a2ndu1 tã3
bi3tĩ3 ndi4 nda3tũ'4ũ4 yo4o4 ndi4 yo3o3 ku4u4 ta1 kũ'1ũ1 nũ14ũ3 sa1bi4 tã3 nã1 ku3nĩ3 ku4u4 nã1 kũ'1ũ1 nũ14ũ3 sa1bi4
kũ'1ũ1 yo4o4 nũ14ũ3 nã1 kã4 ka14nã3 mbyo3o4 nã1 kã4 ki3xa2a2nã1 be'3e3 chi4ñũ3 ndi4 ko14o3 tu1nĩ4nĩ2 ndu4ku4 nã1 kã4 ndi4 yo4o4 ku4u4 ta1 ndi4nĩ2 xa'1a4 ñũ3ũ2 tã3
kũ'1ũ1 yo4o4 kũ'1ũ1 kã'1ã1 yo4o4 jĩ'4ĩ4 ji1ndyo4si2 kã4 tã3 bi3tĩ3 ndi4 ta1 ko4ndo3 kã3to4ri2 tã3 sa4 sa4kwã'1õ4 nda'3a4 xã'1õ4 nã4 kũ'1ũ1nã1 kã'1ã1nã1 jĩ'4ĩ4 ta1 ko4ndo3 kã3to4ri2
kũ'1ũ1 nã1 i3kã4 ku3nĩ3 nã1 si'4i2 nda4kwa3tu3 sa3kã4 su4ku3nỹũ4 nã1 kã4 tĩ3 ki3xa2a2nã1
i3kã4 ku3nĩ3 tu3 nã1 ti4bi2 ba3 i4yo2nã1 jỹũ'4ũ4
ko14o3 nda4a2 xa'1a4 kwi1ya1 ba42 tã3 ya1 kã4 ba42 nda4tũ'4ũ4 yo4o4 tã3 bi3tĩ3 ndi4 nã4 ja1 ku4ya3tĩ3 tyem4pu2 ñẽ'1ẽ32 tã3
tã42 kã'4ã2ndu1 bi3tĩ3 sa3kã4 kã'1ã1 ba3ndu2 sa3kã4 a1chi1 ndi4 sa3kã4 xu4ko1o3 jĩ'4ĩ4 be2 ko4ndo3 *costumbre** bi3tĩ3 ba42 nĩ1ki3tõ4 ja143 ki13xõ2õ4 xa'1a4 *mesa** tã3 tã3 kã'4õ24 jĩ'4ĩ4ndu2 tã3
tã3 bi3tĩ3 ndi4 ya1 kwa4a2 nda4i3ka4 yo4o4 a3sõ4 nĩ1ki3xõ2õ4 bi3tĩ3 ndi13ki3tã'4ã4ndu2 jỹũ'4ũ4 tĩ3 ndi4
ya1 ku4u4 ya1 tu1nĩ4nĩ2 a3sõ4 ndi4 ya1 ko4ndo3 xa'1a4 ñũ3ũ2
ji4nĩ2 ba3 yo4o4 ndi4 kwi1ya1 kwi1ya1 ndi4 ta1 chi4ñũ3 ke4e4 ta1 chi4ñũ3 ki4xa2a2 ndi4 ya1 kwa'4a4 ku4u4 ba3 xa'1a4 ñũ3ũ2 ndi4 ba143 kwi4i4 ndwa1a32 kã4 ndi4
ya1 kã4 ba42 ko4ndo3 *costumbre** nĩ'4ĩ4 yo4o4 kwã'1ã1 yo4o4 ndo13ko3o4 nã1 ta4u3nĩ2
yu3ba4 yo4o4 syo'3o4 jyo'4o4 xi1i4 is1tã4 yo4o4 jyo'4o4 tã3 ya1 kã4 ba42 ndyo'4o4 kwe'1e4 ndi4 nã4 kũ'1ũ1 be2 kã4 nã4 kw̃ã'1ã1 ya1 kã4 ba42 ba1xyo4 jĩ'4ĩ4 tã3
ya1 kã4 ba42 kã'4ã2ndu1 jỹũ'4ũ4 xa'1a4 ta4ta2 ndi4 ka'4nũ3 ko3o3 i3nỹũ24 ndi4
ko14o3 xũ'14ũ4 ko14o3 nĩ4ndo3ko3o4ndu2 jỹũ'4ũ4 ndi4 tu1nĩ4nĩ2 ba3 *mesa** nĩ3nã3 ba3 ndo13ko3o4ndu2 mĩ4ĩ4 i4ndu'3ũ4 ndo4õ24 tã3 ja1 tu1nĩ4nĩ2 mỹũ3ũ4 ba42
nde4e2 kwa4a2 ya1 ndi4 ya1 ka1a3 ba42 kã'4ã2ndu1 xa'1a4 jỹũ'4ũ4 i3kã4 nĩ1ndo1o3 ba3 ta1 ko4ndo3 ta1 chi4ñũ3 xa143 ndi4nĩ2ra1 xa143
kã'4ã2 ba3ra2 ndi4 yo3o3 ku4u4 ta1 a3se2 ba'1a3 nda3kwa3tu3 xa'1a4 ñũ3ũ2
yo3o3 ku4u4 ta1 ba'1a3 kã'4ã2 yo3o3 ku4u4 ta1 a1chi1 ndi4
ka1a3 nde4e4ndu2 ku3nĩ3 so'1o3ndu2 ndi4 e1ta4 kwẽ4tu2 ba42 ku3nĩ3 so'1o3ndu2 kã'4ã2 ji1ndyo4si2 ndi4 ka4nĩ'1ĩ3nã2 ba1xi3nã2 ndi4 ba143 xi4nĩ3ndu2 nde4e2 ba42 kã'4ã2nã1 ndi4 nũ14ũ3 kã'4ã2 mĩ3ĩ4nã2 sa3kã4 ti4 ba3
tã3 bi3tĩ3 ndi4 ta1 kã'1ã1 xa'1a4 ñũ3ũ2 tã3 ta1 kã'1ã1 nda'4bi2 xa'1a4 ñũ3ũ2 nã4 kwa14a2 ko3ndo'3o3 ndi3se'1e3 ñũ3ũ2 ti1xĩ3 ñũ3ũ2 *patrón** San Franciscu mĩ4ĩ4 i4yo2 ndo3so4nã3
a1chi1 kwa'1a4 sỹẽ4tu2 *mil** ku4u4nã2 nĩ1ki3xa2a2nã1 tã3 bi3tĩ3 ndi4 nã1 kã4 ku4u4nã2 kã'1ã1 nda'4bi2 ji1ndyo4si2 xa'1a4 ya1 kã4 ba42 ndi4
ya1 kã4 ba42 kã'4ã2ndu1 jỹũ'4ũ4 tã3 bi3tĩ3 ndi4 ñã1ã4 ndo1õ4 jĩ'4ĩ4 tu1ndi4nĩ2 i3kã4 nĩ1ndo1o3 ta1 ko4ndo3 *comisario** tĩ3 nĩ1ka'3nũ3 ba3
tyem4pu2 nĩ1ki3xa2a2ra1 ku13mỹã3ã42 nda4a2 u1nĩ1 *semana** nĩ1ki3xa2a2ra1 tã3 xa143 ndi4nĩ2 ba3ra2 xa'1a4 ya1 ko4ndo3 ñũ3ũ2 ndi4 ya1 kã4 ba1xya32
i3kã4 ti'13bi4ra2 nda'3a4 xa'1a4ra2 i3kã4 ba42 nĩ1xã'1ã1ra1
nĩ1xã'1ã1 nda'3a4 xa'1a4 ta1 chi4ñũ3 ka4nã3ra2 ndi4 nã4 kũ'1ũ1yu1 be'3e3 chi4ñũ3
tã3 nĩ1xã'1ã1 ba2 i3kã4 be'3e3 chi4ñũ3 ta4ta2 *comisario** nda4a2 tu1nĩ4nĩ2 ndo'4õ4 ka4nõ4 Ta4ta2 ndi4 tu1ndi4nĩ2 yo'4o4 ba3 ndo'4o4 yu'1u1 ka4nã2 ndi4
ya1 xa'1a4 ĩ3ĩ3 ya1 ko4ndo3 xa'1a4 ñũ3ũ2 yo'4o4 ba3 ku4nĩ2ndu1 kwa3a2 ndi4nĩ2 tã3 ji14nĩ2ndu1 yo3o3 jĩ'4ĩ4 kã'1ã1ndu1
tã3 nda13kã'3ã4 tu3 ji1ndyo4si2 nã1 ta4u3nĩ2 tã3 nĩ1kã'1ã1nã1 xã'1õ4 ndi4 ki4xỹũ4 i4xã42 mã1nĩ4 jĩ'4ĩ4 ji1ndyo4si2 yo'4o4
ya1 kã4 ba42 ba1xỹũ4 tã3 bi3tĩ3 ndi4 ya1 yo'4o4 ba42 ku4nĩ2ndu1 kã'1õ4 xa'1a4 kwa4chi3 nã'4nũ3 xa'1a4 ñũ3ũ2 ba3 xa'1a4 nã1 ta4u3nĩ2 ba3
tã42 i4yo2 ba3 nã1 ñũ3ũ2 ku4u4nã2 a1chi1 ndi4 sa3kã4 xa4ko1o3 jĩ'4ĩ4 be3 yu'1u1 ndi4 kã'4ã2 ba2 ndi4 ji13nĩ2 sa1a3 i4yo2 jỹã'4ã2 tã3 ndi4
yo'4o1 ku4u4 ta1 ji4nỹũ24 sa1a3 ko3o3 jỹã'4ã2 yo'4o4 sa1a3 i4yo2 jỹã'4ã2 tã3 nde4e2 ba42 ku4u4 *seña** xe'4e132 tã3
tã3 yo'4o1 ku4u4 ta1 nda3kwã'1õ4 *cuenta** nũ14ũ3ndu2 sa1a3 ko3o3 chỹũ3ũ3 a3sa3ndu2 ko3nde3e3ndu2 *mesa** yo'4o4
ã4 ba1xya32 ku4u4 tu1nĩ4nĩ2 ko3ndo'3o3ndu2 ã4 ba1xi3 nde4e2 ba42 ba1xi3 ko3ndo'3o3ndu2 ã4 ba1xi3 tu1nĩ4nĩ2 jĩ'4ĩ4 ñũ3ũ2 ba3 jĩ'4ĩ4 ndi3se'1e3 ñũ3ũ2 ba3
tã3 ndi4 nã1 ku4nĩ2 ku3nĩ2 ku4u4ndu2 nda3kwã'1õ4 *cuenta** nũ14ũ3ndu2 o4ra2 ndi'3i3 ka4chi2 ta1 ko4ndo3 ta1 chi4ñũ3 kã'4ã2ra1
tã3 i3kã4 xa143 nĩ1xa3kwa1a32 ndi4nĩ2 xa'1a4 ya1 ko4ndo3 i3kã4 i3kã4 xa143 ka4chi2
tã3 kã'1ã1ra1 tã3 nda4a2 ki1bi4 ba42 ya1 a3sõ4 ya1 ba'1a3 jĩ'4ĩ4ndu2 ti1xĩ3 be'3e3 chi4ñũ3 yo'4o4
yu'1u1 ndi4 kwi14i3 ka3chi2yu1 nda4a2 ki1bi4 ko3ndwa2 ndi4 ya1 ba'1a3 ba42 i3tã2ã2 i3sa42 nã4tu2 i4yo2 nã3nĩ2ndo4 nã4tu2 ba143 nã4nĩ2ndo4 ndi4
a1chi1 ndi4 ñã1ã4 ndi4 [...] Tã3 nde4e2 ba42 ku4nĩ2nỹã42 ta4ta2 ya1 kwa4a2 ku4nỹã2 ndi4 *candela** so1o4 ndi1bi4 ya1 kã4 ku4nỹã2
ya1 ko3ko3 yo'4o4 tã3 jĩ'4ĩ4 i3ta2 yo'1o4 i3ta2 nda'3a4 ku3ndu'4u4 tã3
kwi3 kwi3ta3 i3ta2 ya1 kwa4a2 ya1 kĩ'3ĩ3 ya1 kwi3ta3 a1chi1 ndi4 *mesa** yo'4o4 ndi4 kwa'1a4 nã1 ta4u3nĩ2 ba1xi3 jo4ndo3 nã1 chi4ñũ3 yo'4o4
tã3 nã1 kwã'1ã1 kã4 ndi4 nã1 i4yo2 ku4u4 nã1 kã4 nda4a2nã1 *mesa** nã1 kã4 ndi4 nda13ñũ'4ũ4 ba3nã2 ndwe14e4 kwã'1ã1nã1 nã1 ko4ndo3 *purgatorio** ka4chi2 yo4o4 jỹã'4ã2
mĩ4ĩ4 ba42 kwã'1ã1 nã1 ta4u3nĩ2 ji14ndyo24 sa1a3 ka4a4 mĩ4ĩ4 ba42 kwã'1ã1nã1 kã4 ndi4 nã1 kã4 ndi4 kwã'1ã1nã1 kã4 ka4chyo24 ndi4 kã4 ndi4 nã1 i4yo2 ku4u4nã2 nda4a2nã1 *mesa** yo4o4 a1chi1 ndi4 mĩ4ĩ4 ki13xi3nã2 jo13nda2a2nã1 *mesa** kwa4a3
Tã3 nã1 kã4 ndi4 nã1 ka4nã3 ki1bi4 ku4u4 nã1 kã4 i4yo2nã1 jỹũ'4ũ4 xi3kwe4nda2nã1 yo'4o1 ti1xĩ3 ñũ3ũ2
ndi3kwi3ta3 nã1 kã4 ku1mĩ4 tu1tũ'4ũ4 ñũ3ũ2 kwi3ta3 nã1 kã4 xi3kwe4nda2nã1 yo'4o1 nã4 ko14o3 nã1 ba'14a4 ko14o3 nã1 a3se2 ja13nĩ1ku3 jĩ'4ĩ4 ndi3se'1e3 ñũ3ũ2
tã3 nã4 xi4nĩ2 ba'1a3 yo4o4 sa1a3 ko3o3 kã'1ã1 yo4o4 jỹã'4ã2 tã3 tã3 nã1 kã4 ndi4 nã1 chi4nde3e4 ku4u4 nã1 kã4
ta1a3 nda14nĩ'1ĩ4ra2 sa1a3 ko3o3 kã'1ã1ra1 tã3 i3kã4 ba1xya32 ku4u4 tu1nĩ4nĩ2 ka4nda3ba3 tu1nĩ4nĩ2 ka4nda3ba3 nã1 ba'14a4 xi'4i1 ndi3se'1e3 ñũ3ũ2 a1chi1 ndi4
mĩ4ĩ4 nda14nĩ'1ĩ4 ba'1a3ra2 kã'1ã1ra1 jỹã'4ã2 tã3 tã3 ã4 nda1 kã'4ã2 ba3 nã1 nda'4bi2 tã3 ndi4
kwe'1e42 kã'4ã2 ba3 nã1 kã4 tã3 ndi4 nã1 yu4bi24 nã1 ja1 ku4nĩ2 a3se2 tĩ4ĩ4nã2 kwa1chi3 tã'4ã4nã2
ko14o3 kwa1chya32 tã3 ndi4 tĩ3ĩ3 jĩ'4ĩ4 nda'3a4nã2 kwa1chya32 tã3 ja'4nĩ24nã2 tã'4ã4 ba3nã2 kwã'1ã1nã1 nda4a2nã1 tã'4ã4nã2 i3chi4 ba3 ya1 kã4 ndi4 swa14a2 ba'1a3 ba42 ndi4
nã4 ka'3nĩ4 i3nĩ2nã1 xe'1e42 kã4 nã4 ndi'3i3 ba3 jỹã'4ã2 kã4 a1chi1 ndi4 ba143 be'1e32 kã4 nã4 nda3ndo4so24 i3nĩ2nã1 xe'1e43 ya1 ko4ndo3 tu1nĩ4nĩ2
ya1 kã4 ba42 ka4nã3nw̃ã2 ba1xya32 ya1 ko4ndwa2 ya1 kwa'4a4 xa'1a4 ñũ3ũ2 ya1 kã4 ndi4 i3kã4 ndi4
ko14o3 nã3nĩ2ndu1 ta4ta2 ndi4 bi3tĩ3 ndi4 ki1bi4 yo'4o4 ba42 ya1 ku4nĩ2ndu1 kwa3a2 ndi4nĩ2 An4 ba'1a3 ba3 ndi4
yu'1u1 ndi4 ba143 i4ndu'3u42 ti1xĩ3 ñũ3ũ2 ndi4 ka4xi3yo3 i4ndu'3u4 yu'1u1 tã3 tã3 ya1kã3 ndo'4o1 ku4u4 nã1 ji4nĩ2ndo4 nda4a2 o4ra2 ko3ndwa3
Ko14o3 ji4ndyo24 nda4a2 o4ra2 jo4ndwa132 yo'4o4 jo4ndwa132 yo'4o4 *doce** ñũ3ũ42 ndi'4i4 jỹã'4ã2 *una** ba3 a1chi1 ndi4
ya'4a13 ĩ3ĩ3 o4ra2 sa3ba3 jo4ndwa132 ya1 jo4ndwa132 ya1 ya1 ya'4a13 tã42 ya1 xi4ywa132 ndi4nĩ2 sa3kã4 tã3
o4ra2 kwã'1ã1 tã3 ki3xa3a4 ya1 ko4ndo3 kwa'3a3 xa'1a4 ñũ3ũ2 ka4chi2 yo4o4 a3sa3 *presente** yo4o4 kã4 ndi4 ya1 kã4 ba42 kwa'4a4 xa'1a4 ñũ3ũ2 ka4chi2 yo4o4 ndi4
a1chi1 ba3 ki4xe3e42 kã4 tã3 i3kã4
ku4u4 sa3kã4 tã3 nda1 ĩ4ki14tu3 jĩ'4ĩ4 be2 kã4 ku4u4 sa3kã4 ã4 *tres** ã4 *cuatro** ka1a3 ndi'4i4 jỹã'4ã2
i3kã4 ya1 kwa4a2 kã'4ã2nã1 xa'1a4 ñũ3ũ2 ka4nã3 ki1bi4 nã1 ta4u3nĩ2 ka4nã3 ki1bi4 ndo'4o1 nã1 be'3e3 chi4ñũ3 tã3 nda1 ndi'4i4 ba3 ji1ndyo4si2 ka4nã3 ki1bi4
tã3 ndi4 nã1 ñũ3ũ2 ndi4 ko14o3 ki1bi4 nã1 kã4 ka4nã3 ndi4 ya'4a13 ka'4nũ3 be2 kã4 kwẽ'1ẽ1 a1chi1 ndi4 ko14o3 ĩ3ĩ3 ji14ndyo24 ndi4 ja1 ka1a3 xa'4a13 mĩ3ĩ4 ba3nã2
nã1 ko4ndo3 nã1 bi4ko4 nã1 ba1xi3 ta1 ndi3ka2bi4ko4 nĩ'4ĩ4 yo4o4 xi3kwe4nda2 yo4o4 ti1xĩ3 ñũ3ũ2 mĩ4ĩ4 ba42 ba1xi3 nĩ'4ĩ4 yu'1u1 kã'4ã2yu1 xa'1a4 nã1 ñũ3ũ2 ndi4
ta1 ndi3ka2bi4ko4 mm Bartolo ba3 ta1 ndi3ka2bi4ko4 Xi4ba2 ta1 ndi3ka2bi4ko4 Juan Manuel ta1 kã4 ko4ndo3 ta1 ndi3ka2bi4ko4 ta1 ndi4chi2
ta1 kã'4ã2 nda'4bi2 nda1 ko4ndo3 *purgatorio** ta1 kã4 ku4u4 ta1 ka4ndi3ka2 i4ndu'3u4 nda4a2 *mesa** ta1 kã4 ku4u4 ta1 xi4kwe4nda2
jĩ'4ĩ4 *padre señor** San Jerónimo ta1 i4ndu'3u4 mĩ4ĩ4 ba42 i4ndu'3u4 tũ4 ko4ndo3 *bastón** mĩ4ĩ4 ka4ndu'3u4 *libru** mĩ4ĩ4 ka4ndu'3u4 *libreta** mĩ4ĩ4 ndo4so14 ki1bi4 mĩ4ĩ4 ndo4so14 kwi1ya1nã1
mã'14ñũ3 *libreta** kã4 yo4so24 ki1bi4 yo4so24 kwi1ya1nã1 i3kã4 ba1xya32 nda4kã1 kã'4ã2 ta1 kã'4ã2 nda'4bi2 xa'1a4 nã1 ti1xĩ3 ñũ3ũ2
tã3 i3kã4 ba42 ta'4nda1 tu4nĩ1 xa'1a4 ti4 ñũ3ũ2 nda4ku3nã2 nã4 kwa14a2 ko3ndo'3o3ri4 mĩ4ĩ4 ndi4ka2ri4 be'3e3 yu3ku4 mĩ4ĩ4 ndi4ka2ri4 be'3e3 ndu3ta4 i3kã4 kã'4ã2 kã'4ã2 nda'4bi2nã1
xa'1a4 nã1 nda'4bi2 kã4 ya1 kã4 ba42 ndi4 ba1xi3nỹã42 ya1 ku4u4 tu1nĩ4nĩ2 ba1xi3nĩ42 tu1nĩ1õ3ko4 be'3e3 ka'4nũ3 ba1xi3 ti1nda3ku4 ba1xi3 ka'3nĩ4 ba3 xa'1a4 nã1 nda'4bi2 kã4
ba1xi3 sa3yu2 ba1xi3 be'3e3 ka'4nũ3 tã3 nã1 nã1 ko4ndo3 nã1 *ánima** nã1 nã1 nda4a2 *mesa** nã1 jo13ndo3 nã1 chi4ñũ3
nã4 ndi3kwi3ta3 nã1 kã4 ya1 ko4ndo3 *purgatorio** nã4 ka3si2nã1 ku4u4 ti1nda3ku4 nã4 ka3si2nã1 ko4ndo3 kwe'1e1 ã4 ka3si2nã1 ko4ndo3 ka'3nĩ4 ka3xĩ3 kã4
nã4 kwa'14a13nã2 ta1nde32 ti1xĩ3 ñũ3ũ2 nda1 kwa'1a4 sỹẽ4tu2 *mil** ku4u4 ndi3se'1e3 ndi3sa1nã1 *patrón** San Franciscu ndi4 nã4 ko14o3nã2 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1 nã4 ku1nda'1a3 ku3xi3ywa3
I3kã4 ba1xya32 i3kã4 ta1nda3a2 ki1bi4 ya1 kwa'3a3 xa'1a4 ñũ3ũ2 i3kã4 ba42 ndi4
kwa'3a3 i3ta2 ba'1a3 ba3 ya1 xi1ka3 yo4o4 jỹã'4ã2 ka1a3 ndi4 lu3u3 i3ta2 nĩ1kwa'3a3 ta4ta2 tã3 sa3kã4 ba42 ndi4 kwa'3a3 xi4nũ13 i3ta2 Ta4ta2 ndi4 ko14o3 ji4ndyo24 sa1a3 ko3ndo3 i3ta2 kwa'3a3 sa3kã4
Ku1mĩ4 yo4so24 u1xi1 u1nĩ1 ku1mĩ4 yo4so24 ĩ1ĩ1 ku1mĩ4 yo4so24 i1ñũ1 tã3 kwa'3a3 ya1 ja3chỹũ4ũ4 yo'4o4 sa3kã4 ba42 ndi4
ndi3kỹã'3ã2 ya'1bya32 nda3kwa'3a3 xa'1a4 ñũ3ũ2 Tã3 ndi4 ji14ndyo24 sa1a3 ya1 ko4ndo3 *presente** ku3ndu'4u4 ta4ta2 Kwi14i3 ka3chi2 jĩ'4ĩ4ndo4 ta4ta2 ndi4 su14u3 ñã'1ã3 i4xi4ko3 yu'1u1 ya1 kã4 ndi4
ka3chi2 ndi4 so'3o3 ko3ndo3 xũ'14ũ4 so'3o3 ku3ndu'4u4 [...] sa1a3 ka4nã3 i3nĩ2 mĩ3ĩ4ndo4 chi3ndu'4u4ndo4 nã4tu2 ka4nã3 i3nĩ2ndo4 nã4tu2 ka14nã3 [...] a1chi1 ndi4
ya1 yo'4o4 ndi4 ya1 mã1nĩ4 nda1 nda'3a4 yu3be4 ndyo4si2 ba42 yo'4o4 tã3 jĩ'4ĩ4 ndo'4o1 nã1 be'3e3 chi4ñũ3 jĩ'4ĩ4 ñũ3ũ2 ba43 kwi14i3 kẽ'1ẽ1 ya'1bi3
ã4 i4yo2 tu3 i3nga2 nã1 yu4bi24 kã'4ã2nã1 ya'1bi3nã2 sa1a3 ku4nĩ2nã1 kã'1ã1nã1 tã3 ndi4 ndi4 ja1 kwe4nda2 mĩ3ĩ4nã2 ba42 kã4 tã3 yu'1u1 ndi4 kwi14i3 kẽ'1ẽ1 ndi4 sa1a3 ka4nã3 i3nĩ2 mĩ3ĩ4ndo4 tã3 ba'1a3 sa3kã4 ba3 a1chi1 ndi4
yu'1u1 ndi4 ba143 ba1xi3 yu'1u1 kĩ'3ĩ2 ya'1bi3 ndi4 ta1 ba1xi3 i4xe2 mã1nĩ4 ku4u4 yu'1u1 tã3 bi3tĩ3 ndi4 o4ra2 ta1nda3a2 kwa'3a3 kã4 ndi4
ndi4 nã1 yo'4o4 ko4ndo3 nã1 ndi3ka2bi4ko4 nã1 ja4chỹũ4ũ4 jỹã'4ã2 nã1 xi3kwe4nda2 tã3 nã1 ku3nĩ'3ĩ3 ku3nda3ka3 ti1xĩ3 ñũ3ũ2 tã3 sa3kã4 nã1 *ánima** ndi4 nã1 kã4 ndi4
nã1 xi3kwe4nda2 ti1xĩ3 ñũ3ũ2 ku4u4 nã1 kã4 ku1mĩ4 ku3ndi3ta3nã2 tu1tũ'4ũ4 ñũ3ũ2 ku1mĩ4 ku3ndi3ta3nã2 ka'3a4 ñũ3ũ2 nã4 kwa'14a13nã2 ta1nda3a2 nã1 ba'14a4 nã4 kwa'14a13nã2 ta1nda3a2 mĩ4ĩ4 ba1xi3 ta1 ndi4so3 tu1xi42 ba3
mĩ4ĩ4 ba1xi3 ta1 ndi4so3 *pistola** mĩ4ĩ4 ba1xi3 ta1 ndi4so3 chi4lu2 mĩ4ĩ4 ba1xi3 ta1 ndi4so3 *machiti** ku4nĩ2 a3sa3nẽ2 ja13nĩ1ku3 jĩ'4ĩ4 ndi3se'1e3 ndi3sa1nã1 ba3 tã3 ndi4 nã4 ku1nda'1a3 ku3xi3yo3 nã1 kã4
tã3 nĩ1bi4 ba1xi3 nã1 kã4 nda13nũ1nã4 ya1 ko4ndo3 *purgatorio** ndi4 ba1xi3 nã1 kã4 ki13xa2a2nã1 pa3sã4tu2 ba1xi3nã2 ki3xa2a2nã1
i3kã4 ba1xi3 ndo3so4nã2 nĩ1ki3xa2a2 ndo3so4nã2 ya1 ko4ndo3 ti1xĩ3 ñũ3ũ2 *patrón** San Franciscu ndi4 nã1 nĩ'4ĩ4 nã1 nda4a2 ku4u4 nã1 kã4 xi3kwe4nda2nã1
a1chi1 ndi4 yu'1u1 ku4u4 ta1 ndi4chi2 kã'4ã2 nda'4bi2 xa'1a4nã2 ndi3se'1e3 ndi3sa1nã1 tã3 nã4 ku3nĩ'3ĩ3nã2 ku3nda3ka3nã2 xi3kwe4nda2nã1 a1chi1 ndi4
nã1 kã4 ndi4 nã1 ja1 nĩ1nã1ã4 nĩ1nda'1ba1 ku4u4nã2 nda13ndo3o3 yu1ku1 i3ta2 ku4u4 nã1 kã4 ko14o3 ya1 is1ta4 ko14o3 ta1kwi42 bi4 nã1 kã4 ndi4 nã1 kã4 ndi4 nã1 nũ14ũ3 ñũ'3ũ2 nũ14ũ3 i3ta2 ku4u4 nã1 kã4 tã3 i3kã4 ba1xya3
tã3 bi3tĩ3 ndi4 yo'4o4 nĩ1ta1nda3a2 u1xi1 u1nĩ1 ki1bi4 ba42 nĩ1ki3xe3e4 ta4ta2 ndi4 i3tã2ã2 ta4nda13a2 ki1bi4 u1xi1 u1nĩ1 tã3 bi3tĩ3 ndi4 ĩ3ĩ3 ki1bi4a1chi1 tã3 ndu3ku4ndo4 i3ta2 ndi4 nã4 kwe'3e2 a1chi1 ndi4 ya1 ku4nỹã2 kwa4a3
I3kã4 tĩ3 i3kã4 xa143 xa143 nĩ1 ndi4nĩ2 ta1 chi4ñũ3 ndu13ku4ra2 ĩ3ĩ3 ti1xu'4u4 ba3
ya1 kwa'3a3 nũ14ũ3 ya1 ko4ndo3 tã42 i4yo2 be'3e3 sa1bi4 i4ywa2 ndi4 xa'1a4 *mesa** kwa4a2 kwa'4a4 xa'1a4 ñũ3ũ2 ka4chi2nã1
i3kã4 ba1xya32 i1xa43 ndi4nĩ2 ba3 ta1 chi4ñũ3 xa143 ja13ta4ra2 ndu1u4 si'1ba1 ba3
xi4ka3 nã1 ko4ndo3 *efe** ba3 xi4ka3 nã1 ko4ndo3 mã3yo42 ba3 ndu13ku4 nã1 kã4 ko'1o4 ba3 ndu13ku4 nã1 kã4 ya3xĩ4 ba3
nĩ1ndu3ku4ra2 ja13ta4ra2 *café** ba3 ja13ta4lu3ra2 *pan** ya1 ko4ndo3 *gastu** ku3-ndi3to3nã2
kũ'1ũ1 tu3 yu3ba4 si'3i4 nã1 ta4u3nĩ2 ku3-ndi3to3nã2 jĩ'4ĩ4 ta1 chi4ñũ3 o4ra2 ta1nda3a2 ki1bi4 kwa'3a3 xa'1a4 ñũ3ũ2
tã3 kwã'1ã1 nã1 kã4 ku3nĩ2nã1 nda13kã'3ã4 tu3 i3nga2 se'1e3 yu3be4 se'1e3 syo'3o4 mĩ4ĩ4 ba42 kwã'1ã1nã1 nĩ'4ĩ4nã2 ĩ3ĩ3 *cartón** ba3 kwã'1ã1 nda1ka3nã2 nda'3a4 ta1 chi4ñũ3
ndi4 kwa14a2 xi4kã1 bi4 ta1 chi4ñũ3 ndi4 nde3nũ'3ũ3 i3nĩ2 mĩ3ĩ4nã2 nda13kã'3ã4 tu3 nã1 mã3to4mũ2 ba3 ndi4 kwã'1ã1 nda1ka3nã2 ỹã3ã2 sa3ba3 lu3te'4nĩ4 ba3 kwã'1ã1 nda1ka3nã2 ĩ3ĩ3 *cartón** nda'3a4 ta1 chi4ñũ3
ko'3o3 nã1 ta4u3nĩ2 ku3-ndi3to3nã2 jĩ'4ĩ4 ta1 xi4kwa'4a4 xa'1a4 ñũ3ũ2 ba3
tã3 ta1 kã'4ã2 xa'1a4 ñũ3ũ2 ndi4 nda4tũ'4ũ4 nã1 yo'4o4 kwẽ4tu2 i4nde4e4 ba3nã2 ndi4 nda4tũ'4ũ4 ba3nã2 kwẽ4tu2 ndi4 ja1 ỹã3ã2 ku4u4 mĩ3ĩ4 ba3 nã1 kã4 tã3
tã3 ta1 kã'4ã2 kã'4ã2 nda'4bi2 xa'1a4 ñũ3ũ2 ndi4 ta1 kã4 ndi4 ỹã3ã2 nda14ku2 kã'4ã2 ba3 ta1 kã4 kã'4ã2ra1 i4ndu'3u4ra2
ya1 kã4 ko4ndo3 ya1 kwa4a2 kwa'4a4 xa'1a4 ñũ3ũ2 tã3 ndi4 ba1xi3nĩ42 ya1 ko4ndo3 tu1nĩ1õ3ko4 be'3e3 ka'4nũ3 tã3 ndi4
nã1 ko4ndo3 nã1 *ánima** nã1 chi4tu4 mã'14ñũ3 *purgatorio** mĩ4ĩ4 kwa4a2 ndi4ka2 *padre señor** San Jerónimo
ta1 kã4 ku4u4 ta1 ku3ndi3chi2 xi3kwe4nda2ra1 mĩ4ĩ4 ba42 ndo4so14 ki1bi4 mĩ4ĩ4 ndo4so14 kwi1ya1nã1
i3kã4 ndi3xi3 ki1bi4 i3kã4 ndi3xi3 kwi1ya1 to4to2 ki1bi4 to4to2 kwi1ya1nã1 ndi3se'1e3 ndi3sa1nã1 nã1 ko4ndo3 ti1xĩ3 ñũ3ũ2 chi4tu4nã2 ko14o3 nã1 nã1ã4 ko14o3 nã1 nda'1ba1 ko14o3 nã1 ku3mĩ'14ĩ4 ku3ya14ka3 a1chi1 ndi4
tã42 i4yo2 tã42 ta4ku1nã1 bi3tĩ3 sa3kã4 i4yo2 [...] nda3xi1nũ3 kwi1ya1 sa3kã4 nỹã'4ã2 kwẽ'1ẽ1 nda1 ti4 ñũ3ũ2 nda4ku3nã2 mĩ4ĩ4 ba42 ndi4ka2ri4 ka'3a4 be'3e3 yu3ku4 be'3e3 ndu3ta4
ku4u4ri4 ka1chi4 to3so3 ba3 ku4u4ri4 ka1chi4 sa1mĩ4 ba3 ku4u4ri4 ko1o4 ndo'1yo3 ba3 ku4u4ri4 ta1su'4u4 ba3
ka4ndi3ka2ri4 ku4u4ri4 ndi3ka'3a3 ka4ndi3ka2ri4 be'3e3 yu3ku4 tã3 nã4 ke14ta3ri4 i3chi4 nã4 ke14ta3ri4 a1chi1 ndi4
i4yo2nĩ42 ndi3se'1e3 ja1nã1 nã1 ku4u4 nã1 i4xe2 ba'14a4 nã1 ku4u4 nã1 i4xe2 ja13nĩ1ku3 ta4ba4nã2ri4
tã3 kũ'1ũ1 ti4 kã4 nã1ã4ri4 nda'1ba1ri4 tã3 ndi4 ti4 kã4 ndi4 nã14ã14ri4 nda'1ba1ri4 a1chi1 ndi4 yo'4o4 ndu13ndi3chi2yu1 kã'4ã2 nde3e3 yu'1u1 kã'4ã2 nda'4bi2yu1 xa'1a4nã2
ta1 ko4ndo3 ta1 chi4ñũ3 nã1 ko4ndo3 *efe** nã1 ko4ndo3 mã3yo42 nã1 ko4ndo3 *comandante comisión** ñã'1ã3ra3 nã1 yu3ba4 si'3i4 nã1 ta4u3nĩ2 ko14o3 nã1 nã1ã4 ko14o3 nã1 nda'1ba1
nda1 ti4 ñũ3ũ2 nda4ku3 nã1 kã4 nã4 ku1nda'1a3 ku3xi3yo3ri4 be'3e3 yu3ku4 mĩ4ĩ4 i4yo2 *padre señor** San Jerónimo ta1 nda4a2 ndi3sa3a4 be'3e3 yu3ku4 i3nga2 be'3e3 yu3ku4 mĩ4ĩ4 ko14o3 xi4ka3 mĩ4ĩ4 ko14o3 xi4to3
nã4 ke14ta3ri4 nã4 ke14ta3ri4 i3chi4 nã4 ke14ta3ri4 a1chi1 ndi4 i3kã4 ndi4 xi4ka3 ta1 ndi4so3 *bala bala** ku4xĩ2 i1yo3 nã1ã4ri4 nda'1ba1ri4
nã4 kũ'1ũ1ri4 i3nga2 be'3e3 yu3ku4 mĩ4ĩ4 ko14o3 xi4ka3 mĩ4ĩ4 xi4to3 i3kã4 nã4 ku1nda'1a3 ku3xi3yo3ri4
*padre señor** San Jerónimo yo'4o1 ku4u4 ta1 ku3nỹũ'3ũ4 ku3nda3kõ4ri4 ti1xĩ3 *corona**õ4 ti1xĩ3 *zapatu**ũ4 ã4 ko14o3 ku3mỹũ3ũ4ri4 a1chi1 ndi4 ko1to1 ka14nda3ba3ri4 i3chi4 a1chi1 ndi4 i1yo3 nda4a2 nã1ã4 nda'1ba1ri4 a1chi1 ndi4 yu'1u1 ndi4 ta1 [...]
ndi3se'1e3 sa1nã1 ku4u4 yu'1u1 xa'1a4 ñã4 ñũ3ũ2 ta1 ñũ3ũ2 kã'4ã2yu1 ndu13ndi3chi2yu1 kã'4ã2yu1 tĩ3 ya1 yo'4o4 ba42 ya1 nũ14ũ3 i4xa3 ta1 chi4ñũ3 nĩ1ki3xa3a4ra2 ki13xa2a2ra1 ju13ndu'4u4ra2 xa'1a4 *mesa**
ju13ndu'4u4ra2 nũ14ũ3 *mesa** tĩ3 kwe4e2 sa3kã4 ba1xi3 tu3kwa2 ba1xi3 ya1 kwa4a2 kũ'1ũ1ra1 ji1nĩ4 yu3ku4 ba3
tã3 ndi4 nã4 kũ'1ũ1 ji'3nã2 sa4ndi'3i2 jỹã'4ã2 ko4ndo3 ya1 kwã'1ã1yu1 yo'4o4 ya1 kã'4ã2yu1 xa'1a4 ñũ3ũ2 yo'4o4
ta1 ka3nde3 ta1 mĩ3ĩ4 ta1 chi4ñũ3 ku4u4 ta1 ji4nĩ2ra1 ã4 ta1 kã'1ã1 ku4u4ra2 yo3o3 ku4u4 ta1 ndu3ku4ra2 ndi4 ndi4 ya1 kã'1ã1 nã1 ta4u3nĩ2 ya1 kã4 ko3ndo3
i4yo2nĩ42 ba3 ta1 xi4nĩ2 kã'1ã1 jĩ'4ĩ4 sa1bi4 ba3 i4yo2nĩ42ra1 ndi4 kwã'1ã1 ki'1bi3nỹã42 so4o4 i4xa3ra3
lu3chi'4i2 ku4mã1nĩ4 ba3 nde4e2 ba42 kwã'14ã1 tã3 xa1 ndo4ko3o4 nda3a2re1 tã3 ndi4 ba143 ba'1a3 i4ywa2 sa3kã4 a1chi1 ndi4
yo'4o4 kã'4ã2 nda'4bi2yu1 xa'1a4 ñã4 ñũ3ũ2 ta1 ñũ3ũ2 ya1 ko4ndo3 *mesa** yo'4o4 ndi4
ko14o3 ñã1 ndo4o13 nda3a2 ã4 nĩ1ku3mã1nĩ4 tã3 ndi4 ba143 kwẽ'1ẽ1 jỹã'4ã2 kã4 ndi4 tũ'1ũ3 nda14ku2 kwẽ'1ẽ1 jĩ'4ĩ4 kã'4ã2 nde3e3 kã'4ã2 nda'4bi2 xa'1a4nã2
a1chi1 ndi4 ta1 kã'4ã2 nda'4bi2 ku4u2 sa3kã4 mĩ3ĩ4 ndo'4o1 nã1 ndi1ka3bi4ko4 Bartolo ta1 ndi1ka3bi4ko4 Xi4ba2 ta1 [...]
yo'4o1 ku4u4 ta1 ku1mĩ4 ku3ndi3chỹũ24 mĩ4ĩ4 ba42 yo'4o4 kã'4ã2 nde3e3 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2 jĩ'4ĩ4 ta1 ko4ndo3 *comisario** ta1 ko4ndo3 ta1 chi4ñũ3 yo'4o4
ta1 ta3tũ4 [...] mĩ4ĩ4 ka4ndi3ka2ñã4 ko14o3 ki3ti4 ko14o3 kwe'1e1 nda3bẽ4 jĩ'4ĩ4
sa3kã4 ta1 ko4ndo3 *segundo comisario** nã4 ko14o3 ki3ti4 ko14o3 ka3nda3ba3 jĩ'4ĩ4 ji1ndyo4si2 jĩ'4ĩ4 ñã4 ta3tũ4 ta3yu2ra1
sa3kã4 nã1 ko4ndo3 *efe** tã42 i4yo2nã1 ndi4 ko14o3 nã1 ka3nda3ba3 jĩ'4ĩ4 ki3ti4 ko14o3 nã1 ka3nda3ba3 jĩ'4ĩ4 kwe'1e1 sa3kã4 nã1 ko4ndo3 nã1 ko4ndo3 *cantor**
ta1 nã3nĩ4 Celestinu de Jesús ta1 kã4 ndi4 ko14o3 ki3ti4 ka3nda3ba3ra2 jĩ'4ĩ4
nã4 xi3kwe4nda2 a1chi1 ndi4 ta1 ka4ndi3ka2 tũ'1ũ3 ka4ndi3ka2 ta1chi4 ta1 kã4 ku4u4 ta1 kã'4ã2 xa'1a4 ñũ3ũ2 ta1 kã4 ku4u4 ta1 nda4kwa'1a3 ya1 ko4ndo3 *rosariu** nda'3a4 *patrón** San Franciscu
ã4 ta1nda3a2 ki1bi4 ta1nda3a2 o4ra2 ba1xya32 ka4nã3 bi3ko4 ta1 kã4 ku4u4 ta1 kã'4ã2nã1 jĩ'4ĩ4 ba1xya32 ka4ku3 *niñu** ba1xya32 nde4e2 ba42 ba1xi3 ndi4 ta1 kã4 ku4u4 ta1 kã'4ã2nã1 jĩ'4ĩ4 kwã'1ã1ra1 nda4kwa3tu3ra3
Ndi4 ja1 kwe4nda2 ndyo4si2 ba42 xi4ka3 ta1 kã4 jĩ'4ĩ4 tã3 ndi4 ko14o3 ya1 ka3nda3ba3ra2 jĩ'4ĩ4 a1chi1 ndi4 ta1 kã'4ã2 nda'4bi2 kã'4ã2 [...]
tã3 yo'4o4 ba42 ndu13ndi3chi2 ndi4 ndi3sa4ku4u4 nã1 ko4ndo3 *cantor** ndi4 ko14o3 nã1 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1 a1chi1 ndi4
a1chi1 yo'4o4 ba42 ta'4nda1 tu4nĩ1 nda1 be'3e3 ka'4nũ3 ba1xi3 ndo3swa42 tã3 yo'4o1 ku4u4 ta1 xi3kwe4ndõ24 ku3nỹũ'3ũ4 ku3nda3kõ4nã2 ku3nỹũ'3ũ4 xi3kwe4ndõ24nã2 mĩ4ĩ4 ba1xi3 ndo3swa43
tã3 bi3tĩ3 ba42 ndi4 yo'4o4 ba42 i4yo2 yo'4o4 ndu13ku3chi3 yu3bi4 ndu13ku3chi3 ta3yu2 ndo'4o1 tĩ3 ya1 ko4ndo3 nũ14ũ3 *mesa** tã3 yo'4o4 nĩ1ki3xa2a2 ndo3so4 yu'1u1
mĩ4ĩ4 ka13nã3nw̃ã2 be'3e3 yu3ku4 be'3e3 ndu3ta4 mĩ4ĩ4 ka4ndi3ka2 be'3e3 sa1bi4 yu3ba4 be'3e3 sa1bi4 si'3i4 ka4ndi3ka2 mã'14ñũ3 ñũ3ũ2 Ko'14yo1
i3kã4 ka4ndi3ka2 ta1 sa1bi4su4ku3xa3 sa1bi4 sa4kwa'3nũ3 ta1 kã4 ku4u4 ta1 nda4kã1 ki1bi4 nda4kã1 kwi1ya1 i3kã4 ndi3xi3 mĩ3ĩ4 yo'4o1 sa1bi4 yu3ba4 yo'4o4 nĩ1ki3xa2a2 ndo3so4 yu'1u1
yu'3u4 *mesa** yo'4o4 kã'4ã2 nde3e3 kã'4ã2 nda'4bi2yu1 xa'1a4 ndi3se'1e3 ndi3sa1nã1 mĩ4ĩ4 ka4ndi3ka2
mĩ4ĩ4 ka4ndu'3u4 ta1 sa1bi4 xi14tu3 ya1 ñũ3ũ2 Ko'14yo1 i3kã4 ka4ndi3ka2 sa1bi4 su4ku3xa3 sa1bi4 sa4kwa'3nũ3
mĩ4ĩ4 ka4ndi3ka2 ti4 ñũ3ũ2 nda4ku3nã2 nã4 ko14o3ri4 ñã1ã4 ndi4 [...] i3kã4 ki3xa2a2 mĩ3ĩ4 yo'4o1 ta1 sa1bi4 yu3ba4 [...] ki13xõ2õ4 yo'4o4 nda13a3 ki1bi4 nda13a3 ta3yu2 yo'4o1 nda13chi3ndu'4u4 [...] ta3yu2 yo'4o1
a1chi1 yo'4o1 bã4 kã'4ã2 nde3e3 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2 tã3 ku3nỹũ'3ũ4 tã3 nda3kõ4 xi3kwe4ndõ24 ndi3se'1e3 ndi3sa1nã1
yo'4o4 nĩ1ki3xa2a2 ndo3so4 yu'1u1 mĩ3ĩ4 yo'4o1 ta1 sa1bi4 ka4ndu'3u4 yu3ku4 sa1mĩ4 ba1xi3 ndo3sõ4 ya1 yo'4o4 ba42 kã'4ã2ndu1 jĩ'4ĩ4 yo'4o1 ku4u4 ta1 ka4nã3ndu2 nda4ka3nã2 yo'4o1 tĩ3 ki3xõ2õ4 yo'4o4 nda13chi3ndu'4u2 yu3bi4 ta3ỹũ24
tã3 yo'4o4 ba42 ndu3ku3chi3 yu3bi4 ndu3ku3chi3 *mesa** ndo'4o1 ku3nĩ'3ĩ3ndo4 ku3nda3ka3ndo4 sa3kã4 mĩ3ĩ4 yo'4o1 ta1 ndi3ka2bi4ko4 Bartolo ta1 ndi3ka2bi4ko4 Xi4ba2 ta1
Juan Manuel ta1 nĩ1ka'3ndi2 jĩ'4ĩ4 sa1bi4 yu3ba4 sa1bi4 si'3i4 ku4u4 yo'4o1 tã3 bi3tĩ3 ba42 ndi3xi3 mỹũ3ũ4 tã3 yo'4o4 ndi4chi2yu1 kã'4ã2 nde3e3 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2
ndi4 ko14o3 tu1nĩ1õ3ko4 ba1xi3 be'3e3 ka'4nũ3 ko14o3 ka'3nĩ4 ba1xi3 be'3e3 ka'4nũ3 ko14o3 sa1bi4 ba1xi3 ka'4nũ3 ko14o3 ñã1
ko14o3 kwe'1e1 ka3nda3ba3 ndo3so4 ti1xĩ3 ñũ3ũ2 *patrón** San Franciscu nã4 ku1nda'1a3 ku3xi3ywa2 ndo'4o1 nã1 *ánima** yu3ba4 *ánima** si'3i4 ka4ndi3ka2ndo4 be'3e3 yu3ku4 ka4ndi3ka2ndo4 be'3e3 ndu3ta4 bi3tĩ3 ndo'4o1 ku4u4 nã1 ku3 ndo3ko1o3 ndo'4o1
ta3ba4ndo4 ki3ti4 ta3ba4ndo4 kwe'1e1 nã4 ku1nw̃ã'1ã42 ndo3ko1o3ndo4 nda1 bya'3a2 si'4i2 bya'3a2 ka'4nũ3 i3kã4 nã4 ta'4nda1 tu4nĩ1 ndu4kwa4chi3 tũ'1ũ3 ndu4kwa4chi3 ta1chi4 i3kã4 ba42 ndi3xi3 ki1bi4 i3kã4 ndi3xi3 kwi1ya1 ndi3se'1e3 ndi3sa1nã1
tã3 nda4kã1nĩ42 ki1bi4 nda4kã1nĩ42 ta1 ko4ndo3 *comisario** ndi4 ta1 ku3xa3 ta1 ba'1a3 ku4u4ra2 ki3xa2a2ra1 [...] *mesa** ko14o3 ki3ti4 ko14o3 kwe'1e1 ka3nda3ba3ra2 jĩ'4ĩ4 a1chi1 ti1xĩ3 ñũ3ũ2 *patrón** San Franciscu ndi4 i4yo2nĩ42 nã1 i1nĩ4 i4yo2nĩ42 nã1 chi1tũ3
i4yo2nĩ42 nã1 tỹã4ã2 ba'14a4 tã3 ndi4 kwa14a2 kã4 nda3ba3ra2 jĩ'4ĩ4 i4yo2 [...] ba'1a3 ki3xa3a4ra2 xa'1a4 kwi1ya1 tã3 ba'1a3 sa3kã4 nda1 mĩ4ĩ4 ke3e3ra3 ko14o3 ñã1 ka3nda3ba3ra2 jĩ'4ĩ4 ko14o3 ñã1 [...] jỹã'4ã4 ta3tũ4 ta3yu2ra1
sa3kã4 ta1 ko4ndo3 ko3 *segundo comisario** ko14o3 ya1 ka3nda3ba3ra2 jĩ'4ĩ4 a1chi1 yo'4o4 nĩ1ki3xa2a2 ndo3so4 yu'1u1
sa3kã4 ta3tũ4 ta3yu2ra1 ko14o3 ĩ3ĩ3 ki3ti4 ko14o3 ka3nda3be2 jĩ'4ĩ4 yo'4o4 ki13xa2a2 ndo3so4 yu'1u1 xa'1a4 ta1 ko4ndo3 *efe**
sa3kã4 ñã4 ta3tũ4 ta3yu2ra1 ko14o3 ki3ti4 [...] a1chi1 ndi4 ndo'4o1 nã1 sa1bi4 yu3ba4 sa1bi4 si'3i4 i3kã4 nĩ1ki3xa2a2 ndo'4o1
ya1 nĩ1ke3e3 ndo'4o1 yu3ku4 sa1mĩ4 i3kã4 nĩ1ki3xa2a2 ndo'4o1 nã1 yu3ku4 yu3ku4 nũ14ũ3 yu3
nũ14ũ3 ñũ3ũ2 yu3ku4 Ki13mĩ2 i3kã4 ka4ndu'3u4 sa1bi4 yu3ba4 sa1bi4 si'3i4 [...] sa4kwa'3nũ3
ndo'4o1 nã1 sa1bi4 yu3ba4 sa1bi4 si'3i4 ndo'4o1 ku4u4 nã1 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ti4 ñũ3ũ2 nda4ku3 se'1e3 sa1nẽ1 mĩ4ĩ4 ndi4ka2ri4 be'3e3 yu3ku4 kwã'14õ14 ta1nda3a2 ka3nda3ba3ri4 i3chi4 ka3nda3ba3ri4 ko1to1 nã14ã14ri4 ko1to1 nda'14ba1ri4 a1chi1 ndi4
ta1 kã'4ã2 nde3e3 ta1 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2 ku4u4 yu'1u1 yo'4o4 nĩ1ki3xa2a2 ndo3so4 yu'1u1 be'3e3 sa1bi4 yu3ba4 be'3e3 sa1bi4 ka4ndu'3u4
yu3ku4 nũ14ũ3 ñũ3ũ2 Coluna mĩ4ĩ4 ka4ndu'3u4 sa1bi4 yu3ba4 sa1bi4 su4ku3xa3 sa1bi4 sa4kwa'3nũ3 tã3 ndi3xi3 mĩ3ĩ4 ndo'4o1 ndi3kĩ'3ĩ3ndo4 [...] bi3tĩ3 ba42 nda4kã1
nda4ka3nã2 ndo'4o1 ki3xa2a2ndo4 yu'3u4 *mesa** yo'4o4 xi3kwe4nda2ndo4 ti1xĩ3 ñũ3ũ2
ndo'4o1 nã1 sa1bi4 yu3ba4 sa1bi4 si'3i4 tã3 ndi3xi3 mĩ3ĩ4 ndo'4o1 yo'4o4 ndu13ndi3chi2yu1 kã'4ã2 nde3e3 ndu13ndi3chi2 kã'4ã2 nda'4bi2yu1 bi3tĩ3 *santu** o4ra2 tĩ3
ki1bi4 bi3tĩ3 nĩ1nda3kã'3ã4 ndi3se'1e3 sa1nã1 ndu13ku3chi3 yu3bi4 ndu13ku3chi3 ta3yu2 ndo'4o1 tã3 bi3tĩ3 ba42
tã3 yo'4o4 ba42 nda4a2 ki1bi4 nda4kĩ'3ĩ3 ta3yu2 ndo'4o1 tã3 ndo'4o1 nã1 sa1bi4 yu3ba4 sa1bi4 ndi4 ndo'4o1 ku4u4 nã1 ki3xa2a2ndo4 bi3tĩ3 tã3 xi3kwe4nda2ndo4 ti1xĩ3 ñũ3ũ2
ku3nĩ'3ĩ3ndo4 ku3nda3ka3ndo4 ndi3se'1e3 ndi3sa1nã1 ko14o3 nã1 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1 tã3 yo'4o4 ndu13ndi3chi2yu1 kã'4ã2 nde3e3 ndu13ndi3chi2yu1 kã'4ã2 nda'4bi2yu1
yo'4o4 nĩ1ki3xa2a2 ndo3so4 yu'1u1 kã'4ã2 nde3e3 kã'4ã2 si4ti24 yu'1u1 kã'4ã2 nde3e3 kã'4ã2 nda'4bi2 nã1 sa1bi4 ndu13ku3ndu'4u4 nũ14ũ3 yu3ku4
nũ14ũ3 ñũ3ũ2 yu3ku4 San Miguel mĩ4ĩ4 ba42 nda13a3 sa1bi4 [...]
tã3 ndo'4o1 nã1 sa1bi4 [...] ndi4 ndo'4o1 ku4u4 nã1 ndi3xi3 mĩ3ĩ4ndo4 xi3kwe4nda2ndo4 ti1xĩ3 ñũ3ũ2 *patrón** San Franciscu mĩ4ĩ4 ki13xa2a2 ndo'4o1 sa1bi4 su4ku3xa3 sa1bi4 sa4kwa'3nũ3 ku3nĩ'3ĩ3ndo4 ku3nda3ka3ndo4 se'1e3 sa1nã1
tã3 yo'4o4 ndu13ndi3chi2yu1 kã'4ã2 nde3e3 ndu13ndi3chi2yu1 kã'4ã2 si4ti24 yu'1u1 xa'1a4 ndi3se'1e3 ki13xa2a2 ndo'4o1 nã1 sa1bi4 ndu13ku3ndu'4u4 ji1nĩ4 yu3ku4 yu3ku4 Kã3to42 bi3tĩ3 ki3xi3 mĩ3ĩ4 ndo'4o1 nã1 sa1bi4 yu3ba4 sa1bi4 si'3i4 yo'4o4 ndi13xa2a2 mĩ3ĩ4 ndo'4o1 yo'4o4 ndu13ndi3chi2yu1 kã'4ã2 nde3e3 [...]
ndi3sa3a4 be'3e3 yu3ku4 ndi3sa3a4 be'3e3 ndu3ta4 tã3 yo'4o4 ba42 nĩ1ki3xa2a2 ndo3so4 yu'1u1 kã'4ã2 nde3e3 kã'4ã2 si4i4 yu'1u1 nã1 sa1bi4 ndu13ku3ndu'4u4 yu3ku4
yu3ku4 ndo3ko4 tũ14ũ3 tã3 yo'4o4 ki3xi3 mĩ3ĩ4 yo'4o1 sa1bi4 yu3ba4 sa1bi4 si'3i4 [...] ku3nỹũ'3ũ4 ku3nda3kõ4 xi3kwe4ndõ24 ndi3se'1e3 sa1nẽ1
tã42 i4yo2 se'1e3 sa1nẽ1 chi4tu4 ti1xĩ3 ñũ3ũ2 nda1 kwa'1a4 sỹẽ4tu2 ku4u4nã2 ndi3se'1e3 sa1nẽ1 *patrón** San Franciscu tã3 ndi4 ko14o3 nã1 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1 xi3kwe4ndõ24nã2 ku3nỹũ'3ũ4 ku3nda3kõ4nã3
Bi3tĩ3 ba42 yo'4o4 nĩ1ki3xa2a2 [...] yu'3u4 *mesa** mã'14ñũ3 ti1xĩ3 be3 be'3e3 ka'4nũ3 be'3e3 ya3a3 mĩ4ĩ4 ba42 ki13xa2a2 ta1 ko4ndo3 *comisario**
tã3 ya1 yo'4o4 ba42 ya1 nũ14ũ3 i4xa3 ta1 ko4ndo3 ta1 ko4ndo3 *comisario** tã3 bi3tĩ3 ba42 ta13tu2u2ra1 tũ'1ũ3 ta1chi4 yu'1u1 ki13xa2a2 ndo3so4 yu'1u1 kã'4ã2 nde3e3 kã'4ã2 nda'4bi2yu1
tã3 ndo'4o1 ku4u4 nã1 xi4nĩ2 ndo'4o1 ku4u4 nã1 xi4to3 ndo'4o1 ku4u4 nã1 xi4kwe4nda2 tã3 bi3tĩ3 ba42 ku3nỹũ'3ũ4 ku3nda3kõ4 ndi3se'1e3 ndi3sa1nã1
tã3 yo'4o4 nĩ1ki3xa2a2 ndo3so4 yu'1u1 nã1 sa1bi4 ndu13ku3ndu'4u4 yu3ku4 Ti1ka4ka3 tã3 bi3tĩ3 ndi3xi3 mĩ3ĩ4 yo'4o1 sa1bi4 yu3ba4 sa1bi4 si'3i4 [...] xi3kwe4ndõ24 se'1e3 sa1nẽ1
nã1 sa1bi4 su4ku3xa3 sa1bi4 sa4kwa'3nũ3 mĩ4ĩ4 ka4ndi3ka2 ti4 ñũ3ũ2 nda4ku3nã3
ku3nỹũ'3ũ4 ku3nda3kõ4ri4 xi3kwe4ndõ24ri4 ti1xĩ3 *corona zapatu**ũ4 ñã1ã4 ku3mĩ3ĩ4 ndo3sõ4ri4 ko1to1 ya14nĩ13ri4 ki3ti4 ko1to1 ya14nĩ13ri4 kwe'1e1 a1chi1 ndi4 mĩ4ĩ4 xi4ka3 ta1 ndi4so3 [...] nã4 ku1nda'1a3 i3nga2 be'3e3 yu3ku4 [...] nã4 ku1nda'1a3 ku3xi3yo3ri4 a1chi1 ndi4
ka4nda3ba3ri4 i3chi4 ka4nda3ba3ri4 [...] i1yo3 sa4nã1ã4 sa4nda'1ba1ra1 ti4 ñũ3ũ2 nda4ku3 se'1e3 sa1nẽ1 nã4 ku1nda'1a3 ku3xi3yo3ri4 i3nga2 be'3e3 yu3ku4 i3nga2 be3 be'3e3 yu3ku4 be'3e3 mĩ4ĩ4 ba42 ko14o3 xi4ka3 mĩ4ĩ4 [...] i3kã4 nã4 ku1nda'1a3 xi3yo3ri4 ko1to1 ka14nda3ba3ri4 i3chi4 ka14nda3ba3ri4 a1chi1 ndi4
xi4ka3nĩ42 ta1 i1nĩ4 ta1 chi1tũ3 mĩ4ĩ4 xi4ka3 ta1 ta4ba4ri4 tã3 nã4 ka14nda3ba3ri4 be'3e3 yu3ku4 ka14nda3ba3ri4 be'3e3 ndu3ta4 a1chi1 ndi4
kwa'1a4nĩ42 ti1xĩ3 ñũ3ũ2 *patrón** ka4ndi3ka2 ta1 i1nĩ4 ta1 chi1tũ3 ta4ba4ra2 ti4 ñũ3ũ2 nda4ku3 ndi3se'1e3 sa1nã1 ku4nĩ2nã1 nã1ã4nã2 nda'1ba1nã1 ndi3se'1e3 ndi3sa1nã1 ti1xĩ3 ñũ3ũ2
tã3 ndi4 ko14o3 nã1 nã1ã4 ko14o3 nã1 nda'1ba1 i4yo2 ta4ku1nã1 nda1 kwa'1a4 sỹẽ4tu2 ku4u4nã2 i4yo2 ta4ku1nã1 [...] nda1 ji1nũ3 kwi1ya1
tã3 yo'4o4 ba42 ndu13ku3chi3 yu3bi4 ndu13ku3chi3 ta3yu2 ndo'4o1 ndo'4o1 nã1 sa1bi4 yu3ba4 sa1bi4 si'3i4 nĩ1ki3xa2a2 ndo3so4 yu'1u1
i3kã4 ki13xa2a2 ndo3so4 yu'1u1 nã1 sa1bi4 ndu13ku3ndu'4u4 yu3ku4 sa1bi4 ndi3ki4ri4 tã3 ki3xa2a2 mĩ3ĩ4 yo'4o1 sa1bi4 yu3ba4 sa1bi4 si'3i4 yo'4o4 ki13xa2a2 ndo3so4 yu'1u1 tã3 bi3tĩ3 ba42 ndi3xỹũ4 xi3kwe4ndõ24 ti1xĩ3 ñũ3ũ2
ndo'4o1 nã1 sa1bi4 ndu13ku3ndu'4u4 yu3ku4 ñũ'3ũ4 ya3a3 bi3tĩ3 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ndi3se'1e3 sa1nẽ1 ndo'4o1 nã1 sa1bi4 ndu13ku3ndu'4u4 yu3ku4 ti1ndi1i4 bi3tĩ3 ndi3xa2a2 ndo'4o1 yo'4o4 ndu13ndi3chi2 kã'4ã2 nde3e3 ndu13ndi3chi2 kã'4ã2 nda'4bi2 ndo'4o1 ku4u4 nã1 ki3xa2a2ndo4 ti1xĩ3 ñũ3ũ2
ndo'4o1 nã1 sa1bi4 su4ku3xa3 sa1bi4 sa4kwa'3nũ3 ku3nĩ'3ĩ3ndo4 ku3nda3ka3ndo4 xi3kwe4nda2ndo4 se'1e3 sa1nẽ1 a1chi1 yo'4o4 nĩ1ki3xa2a2 ndo3so4 yu'1u1 ya1 yo'4o4 ba42
kã'4ã2yu1 xa'1a4 ñã4 ñũ3ũ2 ta1 ñũ3ũ2 tĩ3ĩ3 mĩ3ĩ4 ndo'4o1 nã1 sa1bi4 yu3ba4 sa1bi4 si'3i4 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ndi3se'1e3 sa1nẽ1
tã3 bi3tĩ3 ba42 ndu13ndi3chi2yu1 yo'4o4 ba42 ku3nĩ'3ĩ3ndo4 xi3kwe4nda2ndo4 ndi3se'1e3 ndi3sa1nã1 ko14o3 tu1nĩ1õ3ko4 ba1xi3 be'3e3 ka'4nũ3 ko14o3 ti1nda3ku4 ba1xi3 be'3e3 ka'4nũ3 ko14o3 sa3yu2 ba1xi3 be'3e3 ka'4nũ3 nã4 ku1nda'1a3 ku3xi3ywa2
nã4 nda3nde3e3 ki3ti4 nã4 nda3nde3e3 kwe'1e1 ku1nw̃ã'1ã42 bya'3a2 si'4i2 be'3e3 ka'4nũ3 ti1xĩ3 ya1 ko4ndo3 *purgatorio** mĩ4ĩ4 ba42 ta'4nda1 tu4nĩ1 ba1xi3 ki1bi4 ba1xi3
nda'3a4 mĩ3ĩ4 *padre señor potente** ta1 nĩ1kã'1ã1 [...] i3kã4 [...]
i3kã4 ñũ'4ũ4 nã1 *ánima** yu3ba4 *ánima** si'3i4 nã1 ku3nĩ'3ĩ3 nã1 ta1 nĩ1kã'1ã1 ta1 nĩ1nda3tũ'4ũ4 ta1 nĩ1xi3kwe4nda2
ta1 nĩ1kã'1ã1 xa'1a4 ñã4 ñũ3ũ2 ta1 ñũ3ũ2 ta1 nã3nĩ4 José Severiano nĩ1kã'1ã1 ndo3so4ra2 xa'1a4 ñã4 ñũ3ũ2 ta1 ñũ3ũ2 ta1 nĩ1kã'1ã1 xa'1a4
ta1 jã'1ã1 nĩ1xi3kwa'4a4 xa'1a4 *mesa** ku4u4ra2 ta1 kã4 ku4u4 ta1 nĩ1kã'1ã1 xa'1a4 ñũ3ũ2 tã3 kwa1nũ'1ũ4ra2 ko4ndo3 *purgatorio** tĩ3 i3kã4 ba42 xi3kwe4nda2ra1 nã4 ku3ndi3chi2ra1 xi3kwe4nda2ra1
ta1 ku3nĩ'3ĩ3 ta1 ku3nda3ka3 ku4u4 ta1 kã4 sa3kã4 ta1 nã3nĩ4 *señor** José Joaquín de la Cru ta1 nĩ1kã'1ã1 xa'1a4 ñã4 ñũ3ũ2 ta1 ñũ3ũ2 ku4u4 ta1 kã4 nĩ1xã'1ã1 ta1 kã4 nĩ1kã'1ã1ra1 tã3 nã4 ku3ndi3chi2 ta1 kã4 kã'1ã1ra1 ndi4
nda4kã1nĩ42 ki1bi4 nda4kã1nĩ42 kwi1ya1 to4to2 ki1bi4 ta1 ku3ndi3chi2 kã'1ã1 kwa1chi3 ku4u4ra2
nã1 kã4 ku4u4 nã1 ndi4ta3 mã'14ñũ3 ko4ndo3 *purgatorio** xi3kwe4nda2nã1 ye'14e4 ya1 ko4ndo3 *purgatorio** nda4kã1nĩ42 nã4 kwi3ta3nã2 ka1kã1nã1 ki1bi4 i3kã4 ba42 nda3xa2a2 tũ'1ũ3 nda3xa2a2 ta1chi4 yu'1u1 nã1 kã4 ku4u4 nã1 ja4ndi'1bi3 tũ'1ũ3 ja4ndi'1bi3 ta1chi4 yu'1u1 a1chi1 ndi4
nã1 kã'1ã1 nĩ1kã'1ã1 nde3e3 ya1 si4ti24 nĩ1kã'1ã1 nĩ1kã'1ã1 nda'4bi2 ku4u4 nã1 kã4 a1chi1 ko14o3 ya1 i1nĩ4 ko14o3 ya1 chi1tũ3 nĩ4i3xa3nã2 ndi4 nã1 kã4 ndi4 nã1 nĩ1kã'1ã1 ba'1a3 ku4u4 nã1 kã4 xa'1a4 ñã4 ñũ3ũ2 ta1 ñũ3ũ2 tã3 ndo'4o1 ku4u4 nã1 ndi3kwe3ta3 ndo'4o1
xo3kwe4nda2ndo4 ti1xĩ3 ñũ3ũ2 *patrón** San Franciscu tã3 ndo'4o1 ku4u4nã2 xo3kwe4nda2ndo4
kwa'14a13ndo4 ki3xi3 ki3ti4 kwa'14a13ndo4 ki3xi3 kwe'1e1 kwa'14a13ndo4 ki3xi3 ya1 ba'14a4 ti1xĩ3 ñũ3ũ2 a1chi1 ndi4 nã4
nda1 so'3o3 i4yo2 ta1 i1nĩ4 ta1 chi1tũ3 nã4 kwa14a2 ka3nda3ba3 ti1xĩ3 ñũ3ũ2 a1chi1 ndi4 yo'4o4 nĩ1ki3xa2a2 ndo3so4 yu'1u1 yo'4o4 ko4ndo3 tũ'1ũ3 yu'1u1 yo'4o4 ko4ndo3 ta1chi4 yu'1u1
tã3 yo'4o4 nĩ1ki3xa2a2 ndo3so4 yu'1u1 nã1 sa1bi4 ndu13ku3ndu'4u4 yu3ku4 yu3ku4 ti4ndu4 bi3tĩ3 nĩ1ki3xa2a2 ndo'4o1 nã1 sa1bi4 yu3ba4 sa1bi4 si'3i4 i3kã4 nĩ1ki3xa2a2 ndo'4o1
ndo'4o1 nã1 sa1bi4 ndu3 ndu13ku3ndu'4u4 tu1ñũ'4ũ2 tũ14ũ3 bi3tĩ3 ndi3xi3 mĩ3ĩ4 ndo'4o1 nã1 sa1bi4 yu3ba4 sa1bi4 si'3i4 nĩ1ki3xa2a2 ndo'4o1 bi3tĩ3 nã1 sa1bi4 ndu13ku3ndu'4u4 yu3ku4 Ndyo'3o3 ki3xi3 mĩ3ĩ4 ndo'4o1 ndi3xa2a2ndo4 ti1xĩ3 ñũ3ũ2
ndo'4o1 nã1 sa1bi4 ndu13ku3ndu'4u4 yu3ku4 yu3ku4 *toro** bi3tĩ3 ndi3xi3 mĩ3ĩ4 ndo'4o1 ti1xĩ3 ñũ3ũ2
nã1 sa1bi4 ndu13ku3ndu'4u4 yu3ku4 ñũ'1ũ3 bi3tĩ3 ki3xa2a2 mĩ3ĩ4 ndo'4o1 ti1xĩ3 ñũ3ũ2 *patrón** San Franciscu nã1 sa1bi4 ndu13ku3ndu'4u4 yu3ku4 Ti4 ñũ4
tã3 ndo'4o1 ku4u4 nã1 i4yo2ndo4 ti1xĩ3 ñũ3ũ2 *patrón** San Franciscu nã1 sa1bi4 ndu13ku3ndu'4u4 yu3ku4 Ti1ndo4o24 tã3 nĩ1ki3xa2a2 ndo'4o1 nã1 sa1bi4 ndu13ku3ndu'4u4 yu3ku4 Santu tã3 yo'4o4 nĩ1ki3xa2a2 ndo'4o1
ti1xĩ3 ñũ3ũ2nã1 xi3kwe4nda2ndo4 yo'4o4 i4yo2 yu3bi4 yo'4o4 i4yo2 ta3yu2 ndo'4o1 tã3 yo'4o4 nĩ1chi3ndu'4u4 ta1 ko4ndo3 *comisario** chi13ndu'4u4ra2 *cincuenta pesu** ba3 ñã1
u1bi1 xi3ko3 u1xi1 *pesu** ba42 ñã1 nĩ1chi3ndu'4u4ra2 ko4ndo3 ndi3ka2bi4ko4 ndo'4o1 ya1 kwa4a2 i4xa3 mã1nĩ4ra2 ndi3kĩ'3ĩ3 ndo'4o1 ku1nũ'1ũ4 ndo'4o1 be'3e3 ka'4nũ3 xi3kwe4nda2ndo4 ku3nĩ'3ĩ3ndo4 ku3nda3ka3ndo4 ndi3se'1e3 ndi3sa1nã1
tã3 bi3tĩ3 yo'4o4 i4yo2 yo'4o4 i4ywa2 ka3xi4ndo4 ndo13ko1o3 ko'1o4 ndo13ko1o3 ya3xĩ4 ndo'4o1 bi3tĩ3 tã3 ndo'4o1 ku4u4 nã1 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ndi3se'1e3 ndi3sa1nã1
tã3 yo'4o4 ba42 ndu13ndi3chi2yu1 kã'4ã2 nde3e3 kã'4ã2 nda'4bi2yu1 xa'1a4 ndi3sa1nã1 tã3 bi3tĩ3 ba42 ya1 yo'4o4 ko4ndo3 tũ'1ũ3 ko4ndo3 ta1chi4 yu'1u1 mĩ4ĩ4 ku3mã1nĩ4 tũ'1ũ3 mĩ4ĩ4 ku3mã1nĩ4 ta1chi4 tã3 ndo'4o1 ku4u4 nã1 sa4ndi'1bi3 tũ'1ũ3 sa4ndi'1bi3 ta1chi4 yu'1u1 ndo'4o1 ku4u4 nã1 nĩ1kã'1ã1 nĩ1nda3tũ'4ũ4
nĩ1kã'1ã1 xa'1a4 ñã4 ñũ3ũ2 ta1 ñũ3ũ2 ku4u4 ndo'4o1 nĩ1kã'1ã1 ndo'4o1 xa'1a4 *mesa** ta1 chi4ñũ3 tã3 nĩ1kã'1ã1ndo4 mã'14ñũ3 ti1xĩ3 yu14kũ3 nĩ1kã'1ã1ndo4
nda13kwa'1a3ndo4 ya1 ko4ndo3 *rosariu** nda'3a4 *señor patrón** San Franciscu nĩ1kã'1ã1ndo4 [...] mĩ4ĩ4 ba1xi3 ndo3swa42
tã3 bi3tĩ3 ndi4 ya1 yo'4o4 ba42 kã'4ã2 nĩ1kã'1ã1 ta1 ko4ndo3 *comisario** tã3 yo'4o4 ba42 nĩ1ki3xe2e2 bi3tĩ3 ba42 xi1nũ3 ki1bi4 xi1nũ3 o4ra2 xi1nũ3 u1xi1 u1nĩ1 ki1bi4 nĩ1xi1ka3 yu'1u1 kã'1ã1 nde3e3 kã'1ã1 si4ti24 yu'1u1 kã'1ã1 nde3e3 kã'1ã1 nda'4bi2yu1 jĩ'4ĩ4ndo4
tã3 yo'4o4 ba42 ndu13ku3chi3 yu3bi4 ndu13ku3chi3 ta3yu2 ndo'4o1 yo'4o4 ba42 ndu13ku4nẽ2 ya1 ka3xi4 ndo'4o1 ndu13ku4nẽ2 ku3xi3 ndo'4o1 ndo13ko1o3 si'1ba1 ndo'4o1 ndo13ko1o3 is1ta4 ku3xi3 ndo'4o1 ndo13ko1o3 ko'1o4 ndo'4o1
nda13ndu3ku4nã2 ya'1bi1 i1i4 ya'1bi1 xa4ku1 ba3 nĩ1ndi3kĩ'3ĩ3 ndo'4o1 ya'1bi1 i1i4 ya'1bi1 xi4ta3 ba3 ndi13kĩ'3ĩ3 ndo'4o1 ya1 kã4 ba3 ndi13kĩ'3ĩ3 ndo'4o1
ya1 ko4ndo3 ya'1bi1 i1i4 ya'1bi1 xi4ta3 kã4 ndi4 ya1 ko4ndo3 ya1 ko4ndo3 ya1 ko4ndo3 nĩ1ĩ4 ti1xu'4u4 ba42 kã4 ya1 ko4ndo3 nĩ1ĩ4 tỹũ1ũ4 ba42 kã4 ndu13ku4nẽ2
ya1 kã4 ba42 ka4nã3 i3nĩ2 ta1 chi4ñũ3 sa14ya'1a3ra2 nda'3a4 ndo'4o1 ndi3kĩ'3ĩ3 ndo'4o1 nã1 bi3tĩ3 ndi3kĩ'3ĩ3ndo4 kũ'1ũ1ndo4 be'3e3 ka'4nũ3
tã3 ya1 yo'4o4 ba42 nda4kã1nĩ42 [...] tã3 yo'4o4 ba42 nĩ1xi3kwi1ta3 yu'1u1 jỹã'4ã2 ko4ndo3 tu1nĩ4nĩ2 ya1 kwa4a2 kã'4ã2yu1 xa'1a4 ñã4 ñũ3ũ2 ta1 ñũ3ũ2 tã3 bi3tĩ3 yo'4o4 ku3ndi3chi2ndo4 xo3kwe4nda2ndo4 ndi3se'1e3 ndi3sa1nã1
ka'4nũ3nĩ42 ki1bi4 o4ra2 bi3tĩ3 nĩ1ki3xa2a2 ndo3so4 yu'1u1 nũ14ũ3 ñũ'3ũ4 [...] tã3 bi3tĩ3 ba42 xi3kwe4nda2ndo4 be'3e3 yu3ku4 sa3kã4 mĩ3ĩ4 ndo'4o1 nã1 *ánima** ka4ndi3ka2 be'3e3 yu3ku4 ka4ndi3ka2 be'3e3 ndu3ta4
nda1 mĩ4ĩ4 i4yo2 kwã'1ã1 ndi3se'1e3 ndi3sa1nã1 ndo'4o1 ku4u4 nã1 kũ'1ũ1 [...] ka4ndi3ka2 .
ta1 ku4nĩ2 sa4nã1ã4 ya3nĩ2 tã'4ã4 tã3 nã4 ku1nda'1a3 ku3xi3yo3ra2 a1chi1 ndi4 ta1 kã4 ndi4 nã4 nã14ã14 ya3nĩ2 tã'4ã4ra2 a1chi1 ndi4 ko14o3 kwa1chya32 ko14o3 chỹũ3ũ3 i4xe2
tĩ4ĩ4ra2 kwa1chi3 . a1chi1 yo'4o4 ba42 ka4ndi3ke2 kã'4ã2 nda'4bi2yu1 yo'4o4 ba42 ndu13ndi3chi2 kã'4ã2 nde3e3 kã'4ã2 si4ti24 yu'1u1 xĩ'4ĩ4 ndo'4o1
nã1 *ánima** yu3ba4 nã1 si'3i4 ya1kã3 ya1 yo'4o4 ba42 nĩ1kã'1ã1 ndo3so4 yu'1u1 xa'1a4 *mesa** yo'4o4 ba42 nĩ1ndya'3a3
Mm ya1 ka1a3 ba42 kã'4ã2nã1 ya1 kwe4nda2 ñã1 ñã1 xa'1a4 ya1 ki3xa2a2 ya1 jĩ'4ĩ4 ta1 chi4ñũ3 ya1 kwa'4a4 xa'1a4 *mesa** rã4
ya1 kwa'4a4 xa'1a4 *mesa** xa'1a4 ñũ3ũ2 rã4 tã3 yo'4o4 ba42 kũ'1ũ1 tu3ku3 i3nge2 ya1 kwe4nda2 ñã1 tẽ42 ka4chỹũ24 mĩ3tỹũ'4ũ4 kwe4nda2 nũ14ũ3 sa1bi4 rã4
O4ra2 ya1 kũ'1ũ1nã1 ji1nĩ4 yu3ku4 rã4
ya1 yo'4o4 ba42 ya1 nĩ1ja3chỹũ4ũ4 ja3chỹũ4ũ4 xa'1a4 *mesa** ya1 kã'4ã2nã1 ja3chỹũ4ũ4 rã4
Ti1xĩ3 be'3e3 chi4ñũ3 ba42 yo'4o4 rã4
Tã3 ya1 kwe4nda2 kwã'1ã1nã1 nũ14ũ3 sa1bi4 ndi4 a1su3 nda1 kã4 i4xi4ta3nẽ2 tã3 ya1 México ka4chyo24 kã4 rã4 mã'14ñũ3 ñũ3ũ2 Ko'14yo1 ka4chi2nã1 jỹã'4ã2 tũ'1ũ3 i4sa1bi4 rã4
Tã3 i3kã4 tã3 ba1xi3 tu3ku3nã2 ta4bi1nã1 yu3ku4 ka1a3 tã3 tã42 i4yo2 yu3ku4 nda4ji4ta3nã2 tã3 kã'4ã2nã1 jĩ'4ĩ4 sa1bi4 kã4
ya1 kã4 ba42 kẽ'1ẽ1 ndi4 ya1 kwa4a2 ya1 ja13chỹũ4ũ4 ja'1a4 *mesa** ba42 yo'4o4 rã4 sa3kã4 i4yo2 mĩ3ĩ4 be2 ka1a3 rã4
ya1 kã4 ba42 ñã1 ndi4 ñã1 ko4ndo3 a1chi1 ndi4 tã'14ã2 ye'1e32 ka1a3 rã4 tã'14ã2 ye'1e32 ka1a3 ndi4 ya1 ka1a3 ba42 nĩ1kwa'3a3 ja'1a4 *mesa** ndi4 ya1 kã4 ba42 ndi4 ka4xi3 nĩ1kẽ'1ẽ1 mĩ3tỹũ'4ũ4 rã4
a1chi1 ndi4 nã4 ka4xi3 kã'1ã1 yo4o4 sa3kã4 ndi4 xi4nĩ3 so'1o3ndo4 kwi3i3 nda3ndya3a32 rã4 a1chi1 ndi4 bi3tĩ3 ba42 kã'4ã2yu1 rã4
i3tã2ã2 i3sa42 ndi4 ta1 ku3u2 ba3 ku4u4 yu'1u1 rã4 ji14ndyo24 sa1a3 tyem4pu2 ba1xi3 byo4 Ahá ya1 kã4 ba42 ndi4
ji14ndyo24 sa1a3 ka4chi2 yu3ba4 yo4o4 ndi4chi2 nĩ1nũ3 i4yo2nĩ42 tu3 nã1 chi1tũ3 ba3 nã4 a3se2 i1nĩ4 a3se2 chi1tũ3 jyo'4o4 tã3 ndi4
tã3 ndi4 ya1 ka1a3 ko4ndo3 tũ'1ũ3 ka4xi3 kã'1ã1 yo4o4 tã3 sa3kã4 ndi4 ya1 kã4 kwi3i3 kã'1ã1ndo4 tã3
tã3 ya1 ka1a3 kwi3i3 ku3nĩ3 kwa4chi3 nã'4nũ3 nã4tu2 ya1 ya'1a3 a1chi1 ndi4 yu'3u4 *internet** ye'4e132 yo'4o4 tã3
tã3 kwi3i3 nda3ta3ba4ndwa42 tã3 kwi3i3 tã42 kã'4ã2 ta1 [...] yo'4o4 mĩ3tỹũ'4ũ4 ndi4 kwi3i3 kw̃ã'1ã1 *biblioteca** ka4chi2ra1 tã3 ya1 ba1
nĩ3 u1bi1 sỹẽ4tu2 nĩ3 u1nĩ1 sỹẽ4tu2 nĩ3 ũ'1ũ1 sỹẽ4tu2 kwi1ya1 ya'1a3 tã3 ya1 ka1a3 ndi4 ya1 ndo4o13 ba'1a3 ba43
ndo4o13 ba'1a3 ba43 ya1 kã4 ba42 ndi4 ya1 ka1a3 ba42 xi4nw̃ã2 kwẽ'1ẽ1 rã4 yo4o4 nã1 i4sa1bi4 ndi4 ba143 i4yo2 ndi'3i3 tũ'1ũ3 yo4o4 ndi4
a1chi1 ki13xi3 yo4o4 jĩ'4ĩ4 tu1nĩ4nĩ2 yo'4o4 ndi4 i4sa1bi4nĩ42 nã1 ta4u3nĩ2 yu3ba4 syo'3o4 kwi14i3 kã'1ã1nã1 tu1sã'4ã4
bi3tĩ3 ndi4 xa13ko1o3nĩ42 *escuela** bi3tĩ3 ndi4 ba4li4 ba4li4 nã1kwa4chi3 tã3 ja1 kã'4ã2nã1 tu1sã'4ã4 tĩ3 tã3 kwã'1ã1 ndi4 sa4ndi'3i3nã2 xa'1a4 tu1sã'4ã4 ka3chi2nã1 tã3
tã3 tu3 ya1 ko4ndo3 tũ'1ũ3 i4sa1bi4 [...] ya1 tũ'1ũ3 i4sa1bi4 ndi4 kwi14i3 ndi'3i3 xe'1e42 nã3nĩ2 yo4swa242 ndi4 ya1 kã4 ndi4 ya1 nda4i3ka4 ja3chỹũ4ũ4 ku4u4 be2 kã4 a1chi1 nã1 i4sa1bi4 ku4u4 yo4o4
a1chi1 a1chi1 tyem4pu2 ke4ta3 yu'1u1 kwã'1ã1yu1 ba14a3 yo'4o4 ka4chi2nã1 ndi4 *uta**,ndo'4o1 nã1 Yolo ndi4
nã4 nĩ1xa1a1ndu1 ñũ3ũ2ndo4 ndi4 ti4ka3si2 ndi'3i3 nã1 *tatarabuelo** ye'14e4 ka4chi2nã1 so'3o3
ko14o3 nã1 kwi4i4 kã'1ã1 tu1sã'4ã4 ndi4 nda4si2 ye'14e4 nũ14ũ3ndu2 ã4 sa3kã4 ka1 ka4a4 bi3tĩ3 ka4chi2nã1 Ba14sa3 kã4 ndi4 a1chi1 ndi4 ko14o3 tu1sã'4ã4 nã1 ndi4 ko14o3 nã1 sã'4ã4 nũ14ũ3nã3
Tã3 bi3tĩ3 ndi4 ba4lya42 tã3 i1xa43 kẽ'4ẽ2 tu1sã'4ã4 ndi4 ỹã3ã2 ndi4 tã42 ku4u4 yu'1u1 ndi4 i4yo2 se'1e32 rã4 pa4chya'4a2 tã3 xa143 kẽ'4ẽ2 tu1sã'4ã4 jỹã'4ã2 tĩ3
i3kã4 kwã'1ã1 tu3kwa2 *escuela** tĩ3 i3kã4 sa4kwa'3a3 twa2 tu1sã'4ã4 tĩ3 ya1 kã4 ndi4 ya1 kã4 ndi4 ja1 jĩ'4ĩ4 tu1sã'4ã4 kwa1nda3a3 be2 tã3 ndi4
kã'4ã2ndu1 tu1sã'4ã4 jỹã'4ã2 rã4 tã3 kã'4ã2ndu1 tũ'1ũ3 i4sa1bi4 jỹã'4ã2 a1chi1 ndi4 kwi14i3 ndo1o3 ĩ3ĩ3 ta'4bi4 a1chi1 ndi4
nã4 ku3sã'4ã4 tu3kwa2 tã3 ji14nĩ3 swa'1a32 tũ'1ũ3 i4sa1bi4 tĩ3 tũ'1ũ3 i4sa1bi4 ndi4 ya1 ku4mã1nỹã42 ba42 rã4
a1be3 ya1 kã4 ba42 ndi4 kwi14i3 ndo1o3 tũ'1ũ3 i4sa1bi4 ndi4 ya1 kã4 ba42 kã'4ã2yu1 nã4 kwẽ'1ẽ1 ba14a3 a1chi1 ndi4
a1chi1 ndi4 tũ'1ũ3 i4sa1bi4 ndi4 ba143 ĩ3ĩ3 ki1bi4 ndi'3i3 xe'1e42 kã4 yu'1u1 ndi4 xã'1ã1yu1 Chilpancingo jĩ'4ĩ4 nã1 *quinientos años** ka4chi2nã1 ndi4
ba1xi3ndo4 tã3 bi3tĩ3 ndi4 nde4e2 ba42 ka4a4 ti1xĩ3 ñũ3ũ2ndo4 bi3tĩ3 ndi4 nĩ1ki3ta3 tẽ'3ẽ2 tã3
ndo13ko3o4 tẽ'3ẽ2 mĩ4ĩ4 ba42 tã3 ndi4 kwa'1a4 xỹã4ã4 xi1yo3 *reunión** tã3 i3kã4 jã'1ã1yu1 tã3 ka4chi2 ta1 *licenciado** Pedru jĩ'4ĩ2 ndi4
yu'1u1 ndi4 *licenciado** Pedru nã3nĩ42 ndi4 ba1xi3ndo4 ndi4 tã42 ĩ3ĩ3 tã42 ĩ3ĩ3 ñũ3ũ2ndo4 kã'1ã1ndo4 tũ'1ũ3 mĩ3ĩ4ndo4
ya1 ko4ndo3 tũ'1ũ3 i4sa1bi4 tã3 tã3 kã'1ã1ndo4 tu1sã'4ã4 sa3kã4ndi4 ku3nĩ2 nde4e2 ba42 i4yo2 ti1xĩ3 ñũ3ũ2ndo4
sa3kã4 ndi4 ku3nĩ3 tu3 nã1 yo'4o4 nĩ3 swa14a2 kã'3ã3 nũ14ũ3 ba42 ndi4 tã42 i4yo2 ndo'4o1 nã1 ba1xi3 yo'4o4 ndi4 ji14nĩ2 nda4a2 ñũ3ũ2 nĩ1ke3e3ndo4 ndi4 ya1 kã4 ndi4 ya1 nda4i3ka4 ya'1a3 ba42 kã4
ka4chi2 *licenciado** Pedro ĩ3ĩ3 sa3kã4 sa14ya'1a3ra2 ki1bi4ra3 ã4 nĩ4kã'1ã1ra1 *apellido**ra1 ndi4 nda1 sa3kã4 sa4ye'1e32 tã3 ya1 ko4ndo3 ki1bi4ra2 ndi4 sa3kã4 sa14ya'1a3re3
ya1 kã4 ba42 ndi4 nĩ1ka3chi2yu1 ndi4 *licenciado** bi3tĩ3 ndi4 nda13i3so2 nda'3a42 tĩ3 i3kã4 bi3tĩ3 ndi4 nda13i3sõ4 nda'3õ4 tã42 i4yo2 nã1 nda13i3so3 nda'3a4 ndi4kũ2nã1
bi3tĩ3 ndi4 kã'1õ4 nde4e2 ba42 i4yo2 ti1xĩ3 ñũ3ũ24"yu'1u1 ndi4 ya1 yo'4o4 ku4u4 [...]
ba1xi3ndu2 ba143 ba1xi3 yu'1u1 ku4u2 *loco** ba1xi32 ndi4 ba1xi32 ndi4 ka4chi2nã1 ndi4 nã4 ki3xi3 yu'1u1
ndi4 *reunión** i4yo2 Chilpancingo ka4chi2nã1 so'3o3 tã3 ya1 kã4 ba42 ndi4 nĩ1ka3chi2 jĩ'4ĩ4 yu3ba42 ndi4"yu3ba42 ndi4 ndo1õ4 ndi4 ku4nĩ2 kũ'1ũ1 tẽ'3ẽ2 Chilpancingo ku3nĩ2 ndi4 tã'14ã2 kũ'1ũ1 tẽ'3ẽ2 Chilpancingo tã3 ku3nĩ2 sa1a3 ka4a4",
tã3 ku3nĩ2 sa1a3 ka4a4 jỹã'4ã2 kã4 sa1a3 ka4a4 ñũ3ũ2 kã4 mĩ4ĩ4 kã'4ã2nã1 ndi4 Chilpancingo xã'4ã1 bõ4 ndi4 nda4a2 chi4ñũ4 sa3kã4 tã3 yu'1u1 ndi4 tã'14ã2 ku3nĩ2 sa1a3 ka4a4 ka4chi2 so'3o3 jĩ'4ĩ4 yu3ba42
ya1 kã4 nã4 ndo1o3lw̃ã4 i4ndu'3u4 jĩ'4ĩ2 tã3 nã4 kw̃ĩ'1ĩ1 ndi4 sa1a3 ki1bi4 kũ'1ũ1nã1 tã3 ki3xa2a2 ba2 ka3chi2 so'3o3 Ba'1a3 kũ'1ũ4 nã4 sa3kã4
I3kã4 nĩ1ke3ta2 kwã'1ã1 ba3 yu'1u1 tĩ3 nĩ1xa1a1yu1 ñã1ã4 jĩ'4ĩ4 ta1 mãs4tru2 Nicu ta1 kã4 ku4u4 ta1 jã'1ã1ndu1 jĩ'4ĩ4 i3kã4
Nicola Peñaira [...] ã4 Remedio ku4u4ra2 sa1a3 nã3nĩ4ra2 ã4 i3kã4 nĩ1xã'1ã1ndu1 i3kã4 i3kã4 nĩ1ke3e3ndu2 xã'1ã1ndu1 *junta** tã42 tã42 ĩ3ĩ3 xỹã4ã4 i3kã4 ka4chi2 ndi4
nde4e2 ba42 ka4a4 ti1xĩ3 ñũ3ũ2ndo4"*licenciado** ndi4 ya1 ku4u4 ko4ndo3 tũ'1ũ3 i4 ka4a4 ñũ3ũ2ndu1 ndi4
tũ'1ũ3 ka3chyo24 jỹã'4ã2 ndi4 kã'4õ24 ndi4 tũ'1ũ3ndu2 nã4 kã'1ã1ndu1 tã3 kã'4ã2ndu1 tũ'1ũ3ndu2 tã3 bi3tĩ3 ndi4 ya1 ka4a4 ti1xĩ3 ñũ3ũ2ndu1 ndi4 nda'4bi2 sa4ka2 ka4a4 ñũ3ũ2ndu1 rã4 i3chi4 kwã'1ã1
Ni1ko4yu4 ka4chi2 mbyo3o4 kã4 ndi4 ku4nũ1 ta'3bi4 nã4 ja1 kwã'1ã1 *carru** [...] ja13ta3 nda'3a4 *pobre** jã'1ã1nã1 i3chi4 nã1 ñũ3ũ2 xi1yo3 ja13ta3 nda'3a4nã3
kwe4e2 ku13u3 nĩ1ki'1bi3 *máquina** tĩ3 a1chi1 ndi4 nã1ã4 ka4a4 ya1 yu4bi24 sa3kã4 ndi4 ko14o3 *máquina** ko14o3 ndi4 ja4ta3 nda'3a4 nã1 nda'4bi2 i3chi4 tã3 ja13ta3 nda'3a4nã2
ñũ3ũ2ndu1 tã3 kya13a2 Salubi tã3 tã3 nĩ1xe1e1 Yolo tã3 Yolo tã3 nĩ1xe1e1 kwẽ'1ẽ1 Cuana ndi4 ja13ta3 nda'3a4 nã1 nda'4bi2 tã3
o4ra2 kwã'1ã1 *carru** ndi4 kũ4ũ4 sa1bi4 tã3 nda4ka3a4rũ4 kwã'1ã1 ki1ta3rũ4 ta'3bi4 tã3 i4yu'4bi2 nã1 nda'4bi2
tã3 ya1 kã4 ndi4 ã4 ya1 kwi14i3 ndu3ba'1a3 ba42 kã4 a3sa3 *gobierno** ya1 kã4 ndi4 ya1 kwi3i3 nda3ndu3ba'1a3 ba42 kã4 kwa14a2 ndu3ba'1a3 nũ4mĩ24 nũ4mĩ24 ndi1ku1nda42 ndi4
kwe4e2 kwẽ'1ẽ1 ndi4 ya1 ndu3ba'1a3 ba42 kã4 ya1 kwã'1ã1 xa1a1 ba42 nda3ndi1ta3 ya1 ko4ndo3 xu1xa32 nw̃ã14ã3
Tã3 nã4 ndu3ba'1a3 nũ14ũ3 i3chi4 ndi4 bi3tĩ3 ba42 ko14o3 ba'1a3 *carru** ndi4 ĩ3ĩ3 u1bi1rũ4 xi4ka3 tã3 kwã'1ã1 ku3nã'3ã4 *con** tyem4pu2 ndi4 nda3ko1o3 *carru** ka3ka3nã3
a1chi1 ndi4 kwe4e2 ku4u4 tã3 xa3ko1o3 ka3ko1o3 xũ'14ũ4 nã1 nda'4bi2 tã3 ja3ta4nã2 *carru** tã3 nã4 nã4 ndu3ba'1a3 nĩ3 i3chi4 ka1a3 a1chi1 ndi4 nda'4bi2nĩ42 ka4a4 ñũ3ũ2ndu1
ñũ3ũ2ndu1 ndi4 i3kã4 ndi4 ñũ3ũ2 chi'4i4nã2 nũ1nĩ4 ba42 kã4 chi'4i4nã2 ndu3chi4 chi'4i4nẽ3
kwã'1ã1 nã1 nda'4bi2 chi'4i4nã2 tĩ3 ji4tu3nã2 tyem4pu2 agosto tĩ3 ndi'13i3 chi4ñũ3 ka1 agosto tã3 ki13xa3a4nã2 xi4tu3nã2 tĩ3 xa143 ja'4nda2nã1 ku'1u1 tĩ3
xa143 mĩ4ĩ4 ja'13nda2nã1 nũ14ũ3 tĩ3 ja143 nĩ1sa4tu3u4nã2 mĩ'14ĩ4 tĩ3
tã3 chi4ka2nã1 ñũ'3ũ2 o4ra2 nĩ1twa3a42 nĩ1nũ1 tĩ3 mĩ4ĩ4 ba'1a3 ka4a4 ko3kwa2 tĩ3 nĩ1tỹã1ã32 tĩ3 xa'4mĩ3nẽ2 tĩ3 sa4tu3u4 nda4tu3u4nẽ2 kwẽ'1ẽ1 tĩ3 sa3kã4 ndi'3i3 ku4u4nã2
ja4ta2 ndi'3i3nã2 mĩ'14ĩ4 kwa14a2 xa'4mĩ3nã2 ndi4 ya1 tu4u13 ba42 tã3 mĩ4ĩ4 tỹã4ã132 ba143 ka4a4 kw̃ã'1ã1 i3kã4 ba42 xa'4mĩ3nã2 lwa3a2 tã3 i3kã4 ye'1e32 kwẽ'1ẽ1 tã3
ya1 kã4 ba42 chi'4i4nã2 ndu3chi4 ya1 ko4ndo3 *palanca** chi'4i4nẽ2 kã4 kwẽ'1ẽ1 nda'4bi2 ku4u4nã2 mĩ4ĩ4 kwa3a2 ku3xi3nã2 ka3nã3 ya1 xi14ko3nã2 ko3ndo3 xũ'14ũ4nã3
a1chi1 ndi4 nda'4bi2 ka4a4 ñũ3ũ2 rã4 ko14o3 tu1sã'4ã4 kwi4i4 kã'1ã1 *pobre** ndi4
nda'4bi2nĩ42 ka4a4 ti1xĩ3 ñũ3ũ2 ndi4 bi3tĩ3 ba42 xa1 ba4a24 ba4a24 ndo4ko1o3 tã'3ã2 ya1 ko4ndo3 tu1sã'4ã4 ndi4
ke4e4 tã'3ã2 se'1e3ndu2 kwã'1ã1nã1 nda4a2 i3nga2 xỹã4ã4 kwã'1ã1nã1 i3kã4 kĩ'3ĩ3nã2 ñã'3ã4 i3nga2 sã'4ã4 ba3 ñã4 i3nga2 ñũ3ũ2 ba3
i3kã4 kĩ'4ĩ4nã2ñã4 tã3 nda4xa2a2nã1 ñũ3ũ2 tã3 i3kã4 ba42 ndi4 xa1 ku4sã'4ã4 nã1kwa4chi3 ndi4 nda1 bi3tĩ3 tã3 tyem4pu2 nĩ1ki3xi3ndu2 jỹã'4ã2 mĩ4ĩ4 ki13xi3nã2
nã1 ta4u3nĩ2 xi1i4ndu2 is1tã4ndu2 yu3ba4ndu2 si'3i4ndu2 i4sa1bi4nã2 ko14o3 tu1sã'4ã4 kwi4i4 kã'1ã1nã1 jĩ'4ĩ4ndu2 ndi4 nda'4bi2 sa4ka2 i4yo2 nã1 nda'4bi2
tã3 ja4chỹũ4ũ4nã2 ndi4 nũ1nĩ4 ndu3chi4 ja4chỹũ4ũ4nã2 ya1 kã4 ko4ndo3 *trabajo**nã1chi'4i4nã2 ti1kĩ4 ba3
tã3 nĩ3 ko14o3 nã1 ja4ta24 bi4 ti1kĩ4 ndi4 sa1a3 tã42 ja4xi24 mĩ3ĩ4 *pobre** ndi4 ko14o3 nã1 ja4te243 ndi4 kwe4e2 kwã'1ã1 ndi4 ya1 kã4 ndi4 ti1kĩ4 kã4 ndi4 ya1 kya'3bi13 ba42 kã4 ñã1
nda3ndo3o3 xw̃ã'14ã2 kã4 ki1bi4 ja3ta4nẽ3 bi3tĩ3 ndi4 ko14o3 kã'4ã2nã1 xe'1e42 ndi4 nũ1nĩ4 ba3 ndu3chi4 ba3 ja4ta24nã2 chi'4i4nã2 tã3
ndu3chi4 tũ14ũ3 ba3 chi'4i4nã2 ndu3chi4 kwa'4a1 ba3 chi'4i4nã2 ndu3chi4 mẽ4ku2 ba3 ya1 kã4 ba3 chi'4i4 nã1 nda'4bi2
ko4ndo3 xũ'14ũ4nã2 o4ra2 ta1nda3a2 tyem4pu2 tĩ3 chi'13i3nẽ2 tĩ3 kwã'1ã1nã1 ta4ba4nã2 ku1ndwa'1a42 xa'4nĩ24nã2 ku1ndwa'1a42 tĩ3
xi4ka3nã2 nda4a2nẽ2 nã4 ko14o3 ki3ti4 kwã'1ã1 ki'1bi3 ja4xi24rya42 ã4 ko14o3 i3su2 kwã'1ã1 [...] nã4 ji13nĩ2nã1 ndi4 ja4xi24 ki3tya42 tĩ3
chi4kwĩ3ĩ3nã2 tyo1to1 nũ14ũ3 be2 nã4 ka'14nda2ri4 [...] kwã'1ã1nã1 nda4a2nẽ1 ndi4 ba143 ja4xi24 tã'3ã2rya42 ndi4 ndi4ta3 be'1e3
ya1 kã4 kwã'1ã1 nĩ1chi1chya32 kã4 tĩ3 ja143 tũ'4ũ4nẽ2 tĩ3 ta4tu2u2 tã'3ã2nã1 ĩ3ĩ3 u1bi1 nã1 yu4bi24 nã1 i4yo2 tyem4pu2 tã3 kwã'1ã1nã1
tũ'4ũ4nã2 ndi3chi2 jĩ'4ĩ4 nã1 kã4 ja4chỹũ4ũ4nã2 tĩ3 tũ'4ũ4nã2 ndi3chi2 tã3 ja143 ta'4bya142 kã4 ndi4kwi1kwa42 ba1xya32 ñũ3ũ2
ta4ba4nã2 nda1 u1xi1 *carga** ka1a3 ba3 nã4tu2 chi'13i3nã2 ja1 bi'4i4 nĩ1chi'3i3nã2 ko4ndo3 nũ1nĩ4 ba3 tã3 ndi4
ya1 kã4 ko4ndwa2 ja4chỹũ4ũ4 nã1 nda'4bi2 ko4ndo3 ti1xĩ3 ñũ3ũ2 mĩ4ĩ4 i4yo2ndu1 tã3 ya1 kã4 ba42 ba1xi3 ndo3swa42 tĩ3 ndi4
ti1xĩ3 ñũ3ũ2 Yoloxóchitl ndi4 ya1 kã4 ku4u4 *trabajo** ja4chỹũ4ũ4 nã1 nda'4bi2
bi3tĩ3 ba42 ya1 nĩ1xo3ko1o3 nã1 ko4ndo3 nã1 mãs4tru2 bi3tĩ3 ndi4 nda1 bi3tĩ3 ja143 xa13ko1o3nã2 tã3 ki13xa3a4 kwã'1ã1 ku4sã'4ã4 tã'3ã2 nã1 yu4bi24 ndi4 ndi4 nda1 bi3tĩ3 tã3 tyem4pu2 ki13xi3ndu2 ndi4 yu14bi4 nda'4bi2nĩ42 ka4a4 ba43
tã3 ndi4 *colonia** ñũ3ũ2ndu1 ndi4 nã3nỹã42 mĩ4ĩ4 ba42 nũ14ũ3 ñũ3ũ2 ndi4 Yoloxóchitl ndi4 i4ndu'3u4 sĩ4ĩ4 *colonia**
i4ndu'3u4 *colonia** ta'4bi4 ñũ3ũ2 nĩ1nũ3 ndi4 Guamúchil ka4chi2nã1 jỹã'4ã3
Ta'4bi4 mĩ4ĩ4 ke13e3 yu'1u1 ba1xi32 ndi4 Tamarindo ka4chi2nã1 jỹã'4ã2 tã3 kwe4nda2 ka'3a4 ñũ3ũ2 so'3o3 i4ndu'3u4 Buenos Aires tu3ku3
i3kã4 ndi4 ndi4chi2 ĩ3ĩ3 tu1ñũ'4ũ2 tã3 ba1xi3 kwa4a24 ndi4 i4yo2nĩ42 ta1chi4 ndi4 ta1chi4 i4yo2nĩ42
ya1 kã4 nã3nỹã42 *Buenos aires** tã3 ko14o3 ñũ'3ũ2 ã4 ka3nã3 chi3ñũ3 nã1 ko3nde3e3 nã3ã4 sa3kã4 ku4u4 nã1 kã4 tã3 ka4chi2 xi4yo13
*junta** i4xa3 ta1 ko4ndo3 *comisario** ndi4 sa1a3 ko3o3 jĩ'4ĩ4 nã1 nde4e4 *colonia** ndi4 ko14o3 ñũ'3ũ2 nũ14ũ3 nã1 nda'4bi2 tã3 nã1 ku4nỹã2 nda3ko1o3 ñũ'3ũ2 nũ14ũ3 ku4u4nã2 ka14nã3 chi3ñũ3 ko3o3nã2 sa3kã4
nã4 ko3to3 mĩ3ĩ4nã2 sa1a3 ko3o3 tã3 sa3kã4 ndi4 ndo3ko1o3ñũ'3ũ2 nũ14ũ3nã2 ndi4 ba'1a3 ndi4 ja1 i4yo2 ñũ'3ũ2 ti1xĩ3 ñũ3ũ2 ka4chi2nã1 so'3o3
tã3 kwi14i3 ka3nã3 chỹũ3ũ3 sa3kã4 a1chi1 ndi4 kwi14i3 sa3ñã4 nda'3a4 ta1 chi4ñũ3nã2 a1chi1 ndi4 ta1 chi4ñũ3 ndi4 ta1 ndi'4i13 i3nĩ2 ku4u4 ta1 kã4 ndi4 ko14o3 ñũ'3ũ2 nũ14ũ3nã3
Tã3 ya1 kã4 ba42 ba1xi3 yu'1u1 tã3 kã'4ã2yu1 jỹũ'4ũ4 tã3 tã3 yo'4o4 ndi4 a3mã3 ka3nã3 chi3ñũ3 sa3kã4 ñũ3ũ2 Guamúchil tã3 Tamarindo tã3 Buenos Aires ndi4 ka14nã3 chi3ñũ3 ko3o3 mỹã3ã42 sa3kã4 ndi4
ñũ'3ũ2 ndi4 ya1 ku4nỹã2 kwa4a3 a1chi1 ndi4 nda'4bi2nĩ42 ka4a4 ti1xĩ3 ñũ3ũ2ndu1 ka4chi2 jĩ'4ĩ4 ta1 *licenciado** kã4
i3kã4 ndi'13i3 tã3 nda13xi3ko'4nỹã2 i3kã4 ndi4 ba'1a3 nã4tu2 sa3kã4 ndi4 nã4tu2 sa3kã4 ba3 i4yo2 ndi4 nda'4bi2 ka4a4 ñũ3ũ2 ndi4 ko14o3 ya1 nde4e2 ba42 ndu4ba'1a3 bi4 ti1xĩ3 ñũ3ũ2 ndi4
nda143 ja4ta3 ta1kwi42 o4ra2 nda13ndi3ta3 sa1bi4 xi4ko14 ñũ'3ũ4 nda4tã3ã4nẽ2 ndu4ba'1a3 ka4i2 mã'14ñũ3 ñũ3ũ2ndu1
ya1 kã4 ba42 ndi4 nda'4bi2nĩ42 ka4a4 ñũ3ũ2ndu1 ndi4 ko14o3 i3chi4 ba'1a3 bi4 ndi4 ñũ'3ũ4 ba42 tĩ3 ya1 kã4 ndi4 kwã'1ã1 *con** tyem4pu2 ndi4 nã4 chi3ka2 ta1 ko4ndo3 *presidente** nde3e4 tã3 chi3ka2 tu3 *gobierno** nde3e4 tã3
kã'1ã1 kã'1ã1ndu1 jĩ'4ĩ4 ta1 ko4ndo3 *comisario** kã4 ndi4 lu3lu3 tã3 sa3kã4 ndi4 chi3nde3e4 tu3ku3 nã1 nda'4bi2
a1chi1 ndi4 ko14o3 ji4nĩ2 sa1a3 ĩ4ĩ4 nũ14ũ3 nã1 ko4ndo3 *candidato** nã4 kwã'1ã1nã1 i3kã4 ndi4 ko14o3 kã'4ã2 jĩ'4ĩ4nã2 ndi4 ĩ3ĩ3 ba'1a3 tã3 xa1a1 ba3 ndi4 ku4nĩ2nã1 chi3ñũ3 ba3
nĩ1xa1a1 ya1 ko4ndo3 *boleta** ndi4 nã4 kũ'1ũ1ndu1 chi3ka2ndu1 nde3e4 jĩ'4ĩ4 ba3ra3 tã3 ndi4 ko14o3 ñã1 ji4nĩ2 sa1a3 ĩ4ĩ4 nũ14ũ3 bi4nã2 ndi4 tã3 bi3tĩ3 ndi4 ja1 i1xa43 ndo4ko1o3nã2 tã3
tã3 mĩ4ĩ4 ba42 tã42 ĩ3ĩ3 tã42 ĩ3ĩ3 *colonia** ndi4 kwã'1ã1nã1 tã3 i3kã4 ba42 ndi4 kwi3i3 kã'1ã1 ba3ndu2 jĩ'4ĩ4nã2 ndi4 nã4 a3sa3nẽ2 ba'1a3 chi3ka2 nde3e4 nde4e2 ku4mã1nỹã42 ti1xĩ3 *colonia** tã3 ti1xĩ3 ñũ3ũ2 ndi4 nã4 chi3nde3e4nã3
[ka3chi2ndu1 jĩ'4ĩ4nã2] tã3 bi3tĩ3 ndi4 ya1 kã4 ba42 ya1 kã'4ã2yu1 xa'1a4 ka4chi2 jĩ'4ĩ4 ta1 *licenciado** kã4"An3 ba'1a3 nã4tu2 sa3kã4 ndi4
ya1 kã4 ba42 kã4 nã4tu2 sa3kã4". A1be3 ya1 kã4 ba43 Ba'1a3 nã4tu2 kã4 ya1 kã4 xi13nĩ3 ji1ndyo4si2 kã4 Xa3ku4 ti4 ki1bi4 nĩ1ki3xa2a2ndu1 ñũ3ũ2 ka1a3 tã3 xi1yo3 tu3ku3
*junta** i3kã4 nĩ1ya'1a3 ki1bi42 ka4chi2 ta1 mãs4tru2 Niculá Peñaira ndi4
kã'4ã2ra1 ndi4 ya'1a3 *anuncio** nã4 ta1nda3a2yu1 ndi4 i3kã4 i4yo2 *junta** tã3 *presencia** ñã'1ã3 yu'1u1 ndi4 ya1 ku4nỹã2 kwa4a3 i3kã4 ki13xe2e2 ko4ndo3 *presencia**
i3kã4 ka4chi2 i3kã4 nĩ1ki3xa2a2yu1 nde4ta3 ĩ3ĩ3 u1bi1nã1"An4 ki13xõ2õ4 ta1 ta4u3nĩ2" Ki13xa2a2 ba2". I3kã4 ndi4chi2 Antoniu
Santiau Ramíre ndi4 ka4chi2ra1 ka4chi2 ta1 mãs4tru2 kã4 jĩ'4ĩ4ra2 ndi4 nde4e2 ku4u4 nde4e2 ku4u4 *manzana** tã3 nde4e2 ku4u4 *croqui** ka4chi2ra1 jĩ'4ĩ4 ta1 kã4 tã3 ta1 ñã1ã4 ndi4 ta1 sã'4ã4 ku4u4 ta1 ñã1ã4 tã3
ji14nĩ2ra1 nde4e2 ku4u4 *manzana** tã3 ji14nĩ2ra1 nde4e2 ku4u4 *croqui** Tã3 ta1 kã'4ã2 tu1sã'4ã4 kũ4ũ4 ta1 nda4tũ'4ũ4 tu1sã'4ã4 kũ4ũ4 jĩ'4ĩ4 ñã4 sỹũ'4ũ24 tã3 ji14nỹũ24 nde4e2 ba42 kã4 ka4chi2 ta1 mãs4tru2 kã4 jĩ'4ĩ4ra3
I3kã4 ka4chi2ra1 jĩ'4ĩ2 ndi4"Don Martín ã4 xi4nỹũ24 nde4e2 ku4u4 *manzana** tã3 xi4nỹũ24 nde4e2 ku4u4 *croqui**"Xi4nĩ2ywa1 rã4 mãs4tru2".
"Tã3 kã'1õ4 tã3 ku3nĩ2"."ya1 ko4ndo3 *croqui** rã4 ya1 *croqui** kã4 tã3 tã3 *manzana** ndi4
*cuadro** yo'4o4 yo'4o4 kwã'1ã1 ka4i2 rã4 kwã'1ã1 ka4i2 so'3o3 tã3 kwã'1ã1 ka4i2 so'3o3 tã3 tã3 ya1 ko4ndo3 *manzana** ndi4 sa1a3 nã1 yu4bi24 i4nde4e4 ti1xỹã32 ko4ndo3 *manzana** tã3
tã3 tã42 ya1 ĩ3ĩ3 *cuadro** ya1 kã4 ba42 ko4ndo3 *croqui** rã4". Ji13nỹũ24 ndi4 ta1 i4sa1bi4 ku4u4 ta1 ta4u3nĩ2 ka1a3 tã3 kã'4ã2ra1 ndi4 ji4nĩ2ra1 nde4e2 ba43 tã3 yo'4o1 ta1 sã'4ã4 tu3 kũ4ũ4 tã3 ji14nỹũ24 nde4e2 ba43 ka4chi2 ta1 mãs4tru2 kã4
bi3tĩ3 ndi4 nĩ1ki3xa2a2 ya1 ko4ndo3 chi3ñũ3 ta1 ta4u3nĩ2 ndi4 ba'1a3 ndi4 nĩ14ndo3ko3o4 nda'3õ4 ñũ3ũ2 ndi4 nĩ1kã'1õ4 xa'1a4 ñũ3ũ2 tã3 bi3tĩ3 ndi4
yo'4o4 nĩ1ki3xa2a2 chi3ñũ3 ndi4 kã'4ã2nã1 xã'1õ4 ndi4 nã4 su4ku3nĩ2 yo'4o1 tã3 nda3ka3ỹõ24 nã1 ko4ndo3 *colonia** nã4 ki3xa2a2nã1 tã42 ĩ3ĩ3 tã42 ĩ3ĩ3 *colonia** tã3 sa3kã4 ndi4 ki3xa2a2nã1ndi4 ya'1a3 *anuncio** i13xa2 tã3 [...] ndi3sa4ku4u4 *colonia** tã3
tã3 yo'4o1 ku4u4 ta1 kã'1ã1 jĩ'4ĩ4nã2 tĩ3 tã3 bi3tĩ3 ndi4 tã42 ka4xi3 kẽ'4ẽ2 jĩ'4ĩ4 ta1 yo'4o4 rã4 tã3 kã'4ã2 tu2 jỹũ'4ũ4 tã3 ji4nỹũ24 nde4e2 ku4u4 *croqui** tã3 yo3o3 ku4u4 ta1 nĩ'4ĩ4 *croqui** kã4 ka4chi2ra1 so'3o3
kwa14a2 nĩ'4ĩ2 mãs4tru2 ndi4 yu'1u1 ndi4 ta1 nỹã'4ã2 ndi4 ta1 ta4u3nĩ2 Alfonso Ramu ta1 yo'4o4 ku4u4 ta1 nĩ'4ĩ4 *croqui** kã4
nã4tu2 ji4nỹũ24 ndi4 nĩ'4ĩ4re2 tã3 kũ'1ũ1 kã'1õ4 jĩ'4ĩ4ra2 sa3kã4 ndi4 nã4 ki3xi3ra2 sa3kã4 ndi4 sa3kã4 ndi4 kã'1ã1 yo4o4 jĩ'4ĩ4ra2 nã4tu2 nĩ'4ĩ4re3 Ba'1a3 ba3 nã4 kw̃ĩ'1ĩ1 kẽ'1ẽ1 jĩ'4ĩ4ra3
I3kã4 nĩ1xe1e1 kẽ'1ẽ1 jĩ'4ĩ4 ta1 ta4u3nĩ2 Alfonso"ta1 ta4u3nĩ2 ã4 i4ndu'3ũ4"."I4ndu'3u4 ba2"."Ta1 ta4u3nĩ2 ndi4 bi3tĩ3 ndi4 chi3ñũ3 nĩ1ki3xa2a2 ndi4
ã4 ka3ndi4xõ4 ã4 ka14ndi4xõ4 yu'1u1 ba3 tã3 ndi4 su14u3 tã42 ta1 xu13xa3 bi4 ku4u4 yu'1u1 ndi4 ta1 xa3ku4 ku4u4 yu'1u1 yo'4o1 ndi4 ta1 ta4u3nĩ2 ku4u4 yo'4o1 bi3tĩ3 ndi4
yo'4o1 ku4u4 ta1 nĩ'4ĩ4 *croqui** rã4 ndi4 ya1 kã4 ba42 ndi4 ku4nĩ2 ku3nĩ2 ndi4 ya1 kã4 ba42 ku4nỹã2
*Hijo** ã4 ya1kã3 *croqui** ku4nỹũ24 *croqui** nĩ'4ĩ4 be2 kwi14i3 ka3chi2 ta3sya'4a2 ndi4 ka1a3 ndi4ke2
yo'4o1 *muchacho** ku4u4 yo'4o1 *viejo** ku4u4 yu'1u1 tã3 nĩ14xa1a1 i3nĩ2nã1 ku3nĩ2nã1yu1 tã3 ya1 kã4 bi4 kã'4õ24 jĩ'4ĩ2 ndi4 ku4nỹũ24 *croqui** tã3 ndi3ki3tã'4ã4nã3
bi3tĩ3 ndi4 kũ'1ũ4 jỹã'4ã2 sa3kã4 ndi4 kã'14ã1yu1 jĩ'4ĩ4 nã1 *licenciado** kã4 ndi4 yo'4o1 ku4u4 ta1 nda3kwĩ3ĩ3 yu'3u4nã3
A1chi1 ndi4 swa14a2 ndi3xa3 ku4u2 ka3chi2 tu3 yo'4o1 tã3 bi3tĩ3 ndi4 yo'4o1 ku4u4 ta1 nda3kwĩ3ĩ3 ndi4 nã1 kã'1ã1ku4u4nã2 bi3tĩ3 ka4chi2 so'3o3 jĩ'4ĩ4ra3
I3kã4 nĩ1 ja143 nĩ1kĩ'3ĩ3ra2 ya1 ko4ndo3 *croqui** kã4 tã3 nĩ1xa1a1ra1 nũ14ũ3 ta1 mãs4tru2 ñã1ã4
ja1 nũ4ũ4 tã3 nĩ1nda'1yu1 ba3 *teléfono** i3kã4 nda13kwĩ3ĩ3 ta1 mãs4tru2 Nicu ñã1ã4 yo'4o4 ndi4chi2 ta1 kã'4ã2ndo4 ki1bi4
i3kã4 nã4 ya'1a3ra2 ta1 ya'1a3 ku4u4ra3 i3kã4 ka4chi2 jĩ'4ĩ4 ta1 mãs4tru2 Nicu ndi4"mãs4tru2 ya'14a13 yu'1u1 ndi4 *señor** Alfonso nã4 ya'1a3 nda3kwĩ3ĩ3 yu'3u4nã3
I3kã4"su14u3 ta1 kwi14i3 nda3kwĩ3ĩ3 ku4u2 nda3kwĩ3ĩ3 ba2 yu'3u4nã2 tã3 ndi4
nde4e2 ba42 ji4nĩ2 kã'1ã1yu1 ka3chi2 tu3 ta1 ka1a3 ku4u4ra2 ta1 xu13xa3 tã3 ba'1a3 ta1 ka1a3 ndi4 ta1 xu13xa3 ku4u4ra2 ta1 ta4u3nĩ2 ku4u4ra2 nã4 kã'1ã1 ba3ra2 jĩ'4ĩ4nã2 sa3kã4 ndi4 ka3ndi4xa3ra2 ya1 kwa4a2 ya1 ko4ndo3 tũ'1ũ3 nĩ1kã'1ã1yu1 tã3 bi3tĩ3 ndi4
ku4nĩ2nã1 ya1 ko4ndo3 nã1 *comité** tã42 ĩ3ĩ3 tã42 ĩ3ĩ3 *colonia** ya1 ba'1a3 i4yo2 ku4u4 be2 ndi4 nĩ1ki3xa2a2 chi3ñũ3 tã3
ko14o3 ñã1 nũ4mĩ24 tã3 bi3tĩ3 tã3 ja1 nĩ1tu1u3 nã1 kã4 tã3 ja1 nũ4mĩ24 i3tã2ã2 i3sa42 tã3 ja1 ke3ta3 bya42 ko4ndo3 *trabajo** ndi4 kwe4e2 kwã'1ã1 be2 ka1a3
ka4chi2 so'3o3 jĩ'4ĩ4 ta1 mãs4tru2 i3kã4 ndi4 nĩ1xã'1ã1 *señor** Alfonso nda13kwĩ3ĩ3ra2 yu'3u4 *teléfono** nĩ1kã'1ã1nã1 i3kã4 ka4chi2ra1 ndi4 i3kã4
yu'1u1 ku4u4 ta1 nda4kwĩ3ĩ3 yu'1u1 ku4u4 ta1 xi4kwe4nda2 ndi4 nĩ1kã'1ã1 *señor** Martín nĩ1ki3xi3ra2 kã'4ã2ra1 jĩ'4ĩ4ndo4 ñã1ã4 tã3 bi3tĩ3 ndi4
ya1 kwa4a2 ku4nĩ2yu1 ndi4 ba143 ka4ndi4xa3 ba'1a3 yu'1u1 ya1 ko4ndo3 tũ'1ũ3 kã'4ã2ra1 tã3
tã3 bi3tĩ3 ndi4 yo'4o4 ka13ndi4xa2 ndi4 ndo'4o1 ku4u4 nã1 kã'4ã2ndo4 ki1bi4ra3 kã'4ã2ndo4 ki1bi4ra2 ndi4 ndo13ko3o4ra2 ki1bi4ra2 ndi4 Martín Severiano Germãnsa3kã4 nã3nĩ4 ba3ra3
Tã3 kã'4ã2ndo4 ndi4 ta1 ya'1a3 ku4u4ra2 tã3 nĩ14xĩ3ĩ3ra2 ya'1a3ra2 ndi4 nã4 ya'1a32 kẽ'1ẽ1 jĩ'4ĩ4ndo4 ka4chi2ra1 tã3 tã3 bi3tĩ3 ndi4 yo'4o4 ba42 ya'4a132 kẽ'4ẽ2 jĩ'4ĩ4ndo4
ya1kã3 ba'1a3 nã4tu2 sa3kã4 ã4 ñã1ã4 ndi4chi2ra1 ñã1ã4 ndi4chi2ra1"An4 ya'1a3ra2 kã'1ã1ra1 jỹũ'4ũ4" Ba'1a3 ya'1a3 ba3ra3". I3kã4 nĩ1ya'1a32
I3kã4 ja143 ka4chi2ra2 ndi4"ã4 yo'4o1 ku4u4 ta1 kã'4ã2 jĩ'4ĩ2 *licenciado** Pedru" yu'1u1 ku4u4 ta1 kã'4ã2 jỹũ'4ũ4"."Bi3tĩ3 ndi4 ja1 yo'4o4 nĩ1kẽ'1ẽ1 jĩ'4ĩ4 *señor** tã3 bi3tĩ3 ndi4
ya1 ko4ndo3 *trabajo** ndi4 ja1 ndi4 yo'4o4 ndu3ku4ndo4 *comité** sa3kã4 ndi4 kwe4e2 ku3u3 tã3 sa3kã4 ndi4 nda3nde1ta3 ya1 ko4ndo3 ñũ'3ũ2 tã42 ĩ3ĩ3 tã42 ĩ3ĩ3 *colonia** ndi4
mĩ4ĩ4 nda3ndi1ta3 a1chi1 ñũ'3ũ2 ndi4 *colonia Guamúchil** i3kã4 ke1ta3 a1chi1 ñũ'3ũ2 i3kã4 kwe4e2 ku3ndi3kw̃ã2 jĩ'4ĩ4 Tamarindo Buenos Aires i3kã4 ku3ndi3kũ2 kwya4a2".
Ni1ka3chi2 ta1 *licenciado** bi3tĩ3 ndi4 ndu3ku4ndo4 *comité** nã4 i3kã4 ba42 ja143 nĩ1tu1u3 *comité** tĩ3
i3kã4 ba42 nda13yu'4bi2 i3nĩ2 *señor** Alfonso ndi4"Ba143 ji4nĩ2 nã4 ta1 kwi3i3 kã'1ã1 bi4 kũ4ũ4 tã3 yo'4o1 ndi4 ta1 nĩ1kwi3i3 nĩ1 kã'4ã2 kũ4ũ4 nda13 nda13kwỹũ3ũ4 xa'1a4 ñũ3ũ2
kwi14i3 kã'1ã1 yo'4o1 tu1sã'4ã4 ka4chi2 kã'4ã4 yu'1u1 tã3 yo'4o1 ndi4 ta1 ja4ndu4xa24 kũ4ũ4 Kwi14i3 kã'1ã1yu1 nã4 ka3chi2 nã4 ka3chi2 jỹũ'4ũ4 Alfonso ndi4 ya1 bi4xi1nĩ42 ba42 kã'1ã1 yo4o4 tu1sã'4ã4 ndi4
ka4nĩ'1ĩ3nã2 ndi4 kwa1ku1 nda3a2nã1 yo4o4 tã3 ka4nĩ'1ĩ3nã2 ndi4 xa14a1 i3nĩ2nã1 ku3nĩ2nã1 yo4o4 tã3
yu'1u1 ndi4 kwi14i3 ka3chi2yu1 a3sa3 ñũ4ñũ4 xu4mĩ4nĩ42 kã'1ã1nĩ42yu1 tu1sã'4ã4 bi4 tu3 ndi4 nĩ3 ko14o3 tu1sã'4ã4 nda4tũ'4ũ2 xi4ka3 bi4 tu2 ndi4 tu1nĩ4nĩ2 ku4u4 be2 nã4tu2 ja1 nĩ1kyo3o4 kwe'1e4 a1chi1 ndi4
nã1 kwã'1ã1 chi4nde3e4 ti1xĩ3 ñũ3ũ2 kwe4e4 rã4 tã3 nã4 i3nga2 sa3kã4 *comisión** kũ'1ũ1nã1 tã3 ka3chi2nã1 ndi4 ã4 kũ'1ũ4 jĩ'4ĩ4ndu2 ndi4 ya1 yo'4o4 ba42 i4yo2 tu3ku3 Chilpancingo
tã3 kũ'1ũ1 tu3ku3 ba3 yu'1u1 tã3 nde4e2 ku4mã1nỹã42 tã3 kũ'1ũ1 ba3 yu'1u1 a1chi1 ndi4 mĩ4ĩ4 ku4mã1nỹã42 tã3 kã'1ã1 ba2 a1chi1 ndi4 ya1 ya1 ndu4tã'3ã2 kã'1ã1yu1 ba42
ka4chi2 jĩ'4ĩ4 *señor** Alfonso"ya1 kã4 ba'1a3 nã4tu2 sa3kã4 ndi4 ba'1a3 ndi4 nĩ1kã'1õ4 xa'1a4 ñũ3ũ2 ta1 che4e13 ba'1a3 ndi4 ta1 che4e13 ta1 ta4u3nĩ2 ka4chi2 jỹũ'4ũ4 ndi4 tũ'1ũ3 xu13xa3 nĩ1kã'1õ4 tã3 bi3tĩ3 ndi4
ja1 yo'4o4 ji13nĩ2 ndi4 kwe4e2 ko'1o4 jỹã'4ã2 bi3tĩ3 ndi4 ja1 ya1 ke3ta3 ku4u4 *trabajo** tĩ3 ka4chi2 *señor** Alfonso
ya1 kã4 ku4u4 ndi'3i3 be2 i3kã4 ndi'13i3 ba3 Bi3tĩ3 ndi4 yo'4o4 ba1xi3 tu3kwa2 ñã1 ñã1 kwe4nda2 xa'1a4 sa1bi4
Martín Severiano Germán
*Cincuenta y ocho**
ñũ3ũ2 Yoloxóchitl
Mm, ta4ta2 ndi4 ã4 ya1 kã4 ba42 ku4nĩ2 ku3nĩ3ndo4 ndi4 ya1 kwa4a2 i4xa3 ta1 chi4ñũ3, ta1 chi4ñũ3 ku4u4 ta1 ku4mĩ3ĩ4 tu1nĩ4nĩ2 jỹã'4ã2 nĩ1kã'1ã1 nã1 ñũ3ũ2 xa'1a4ra2,
ndi4 kũ'1ũ1ra1 ko3nda2a2ra1 ti1xĩ3 ñũ3ũ2 tã3 ti1xĩ3 ñũ3ũ2 i3kã4 ba42 ya1 ka4nã3nũ3 ñã1, nã1 ta4u3nĩ2, i3kã4 i4yo2 nã1 ta4u3nĩ2 ko4ndo3 yu3ba4, ko4ndo3 yu3ba4 ko4ndo3 si'3i4 ka4chi2nã1
xi3kwe4nda2 ti1xĩ3 ñã1 ko4ndo3 *mesa** jĩ'4ĩ4 ta1 chi4ñũ3
tã3 nã1 kã4 ku4u4 nã1 ndi4ki3tã'4ã4nã2 xi4ka3 nda'3a4 xa'1a4 ta1 chi4ñũ3 nũ14ũ3nã2 tã3 ndi4ki3tã'4ã4nã2 tã3 i3kã4 nda4tũ'4ũ4 nã3nĩ2nã1 ndi4
sa1a3 ko3o3 tã3 kũ'1ũ1nã1 nũ14ũ3 sa1bi4
ya1 kã4 ba42 ndi4 nda4..., nda4tũ'4ũ2 jĩ'4ĩ4ndo4 ta4ta2 ndi4 ki13xa2a2ndo4 bi3tĩ3 tã3 nda4tũ'4ũ2 jĩ'4ĩ4ndo4 ndi4 sa1a3 ko3o3 tã3 kũ'1ũ1 yo4o4 nũ14ũ3 sa1bi4 ndi4 ji4nĩ2 ba3 yo4o4 ndi4 kwi1ya1 kwi1ya1 ndi4
ta1 chi4ñũ3 ke4e4 tã3 ta1 chi4ñũ3 ki4xa2a2 jo4nda2a2ra1 *mesa** ta4tu2u2ndo4 ji1ndyo4si2 nã1 ba1xi3 ndi4 sa3kã4 ku4u4 jỹã'4ã3.
*Costumbre** ndi4 ba143 ndwa4a132 kã4 ndi4 ya1 kã4 ndi4 nda1 nã4 nĩ1nda3ñũ'4ũ4 yo4o4
nĩ1xi'1i1 yo4o4 sa3kã4 ba42 ndi4 ndi'4i4 ya1 ko4ndo3 *costumbre** tã3, tã3 bi3tĩ3 ndi4
ya1 kã4 ba42 ku4nĩ2 ku3nĩ2 nda4ka1tũ'4ũ2 ndo'4o1 ta4ta2, i3kã4 ba42 kã'4ã2 nã1 ta4u3nĩ2"nã4 sa3kã4 ba3 kã'4ã2 yo'4o1 *comisario**","Ndi4 bi3tĩ3 ndi4,
ta4ta2 chi4ñũ3 ndi4 ka'4nũ3 ko3o3 i3nỹũ24 ndi4 nda3tũ'4ũ4 yo4o4, ki13xa2a2 ba3 ndu'1u1 ndi4 nda3tũ'4ũ4 ba3 yo4o4 ndi4 yo'4o4 nde4e4ndu2 ki13xa2a2ndu1 tã3
bi3tĩ3 ndi4 nda3tũ'4ũ4 yo4o4 ndi4 yo3o3 ku4u4 ta1 kũ'1ũ1 nũ14ũ3 sa1bi4, tã3 nã1 ku3nĩ3 ku4u4 nã1 kũ'1ũ1 nũ14ũ3 sa1bi4
kũ'1ũ1 yo4o4 nũ14ũ3 nã1 kã4, ka14nã3 mbyo3o4 nã1 kã4 ki3xa2a2nã1 be'3e3 chi4ñũ3 ndi4 ko14o3 tu1nĩ4nĩ2 ndu4ku4 nã1 kã4 ndi4 yo4o4 ku4u4 ta1 ndi4nĩ2 xa'1a4 ñũ3ũ2 tã3
kũ'1ũ1 yo4o4 kũ'1ũ1 kã'1ã1 yo4o4 jĩ'4ĩ4 ji1ndyo4si2 kã4, tã3 bi3tĩ3 ndi4 ta1 ko4ndo3 kã3to4ri2 tã3 sa4..., sa4kwã'1õ4 nda'3a4 xã'1õ4 nã4 kũ'1ũ1nã1 kã'1ã1nã1 jĩ'4ĩ4 ta1 ko4ndo3 kã3to4ri2
kũ'1ũ1 nã1 i3kã4 ku3nĩ3 nã1 si'4i2 nda4kwa3tu3 sa3kã4 su4ku3nỹũ4 nã1 kã4 tĩ3 ki3xa2a2nã1
i3kã4 ku3nĩ3 tu3 nã1 ti4bi2 ba3 i4yo2nã1 jỹũ'4ũ4,
ko14o3 nda4a2 xa'1a4 kwi1ya1 ba42 tã3 ya1 kã4 ba42 nda4tũ'4ũ4 yo4o4 tã3 bi3tĩ3 ndi4 nã4 ja1 ku4ya3tĩ3 tyem4pu2 ñẽ'1ẽ32 tã3
tã42 kã'4ã2ndu1 bi3tĩ3 sa3kã4 kã'1ã1 ba3ndu2 sa3kã4 a1chi1 ndi4 sa3kã4 xu4ko1o3 jĩ'4ĩ4 be2 ko4ndo3 *costumbre**, bi3tĩ3 ba42 nĩ1ki3tõ4 ja143 ki13xõ2õ4 xa'1a4 *mesa** tã3, tã3 kã'4õ24 jĩ'4ĩ4ndu2 tã3
tã3 bi3tĩ3 ndi4 ya1 kwa4a2 nda4i3ka4 yo4o4 a3sõ4 nĩ1ki3xõ2õ4 bi3tĩ3 ndi13ki3tã'4ã4ndu2 jỹũ'4ũ4 tĩ3 ndi4
ya1 ku4u4 ya1 tu1nĩ4nĩ2 a3sõ4 ndi4 ya1 ko4ndo3 xa'1a4 ñũ3ũ2
ji4nĩ2 ba3 yo4o4 ndi4 kwi1ya1 kwi1ya1 ndi4 ta1 chi4ñũ3 ke4e4 ta1 chi4ñũ3 ki4xa2a2 ndi4 ya1 kwa'4a4 ku4u4 ba3 xa'1a4 ñũ3ũ2 ndi4 ba143 kwi4i4 ndwa1a32 kã4 ndi4,
ya1 kã4 ba42 ko4ndo3 *costumbre** nĩ'4ĩ4 yo4o4 kwã'1ã1 yo4o4 ndo13ko3o4 nã1 ta4u3nĩ2
yu3ba4 yo4o4 syo'3o4 jyo'4o4 xi1i4 is1tã4 yo4o4 jyo'4o4 tã3 ya1 kã4 ba42 ndyo'4o4 kwe'1e4 ndi4 nã4 kũ'1ũ1 be2 kã4 nã4 kw̃ã'1ã1, ya1 kã4 ba42 ba1xyo4 jĩ'4ĩ4 tã3
ya1 kã4 ba42 kã'4ã2ndu1 jỹũ'4ũ4 xa'1a4 ta4ta2 ndi4 ka'4nũ3 ko3o3 i3nỹũ24 ndi4
ko14o3 xũ'14ũ4 ko14o3 nĩ4ndo3ko3o4ndu2 jỹũ'4ũ4 ndi4 tu1nĩ4nĩ2 ba3, *mesa** nĩ3nã3 ba3 ndo13ko3o4ndu2 mĩ4ĩ4 i4ndu'3ũ4 ndo4õ24 tã3 ja1 tu1nĩ4nĩ2 mỹũ3ũ4 ba42,
nde4e2 kwa4a2 ya1 ndi4 ya1 ka1a3 ba42 kã'4ã2ndu1 xa'1a4 jỹũ'4ũ4, i3kã4 nĩ1ndo1o3 ba3 ta1 ko4ndo3 ta1 chi4ñũ3 xa143 ndi4nĩ2ra1, xa143,
kã'4ã2 ba3ra2 ndi4 yo3o3 ku4u4 ta1 a3se2 ba'1a3 nda3kwa3tu3 xa'1a4 ñũ3ũ2
yo3o3 ku4u4 ta1 ba'1a3 kã'4ã2 yo3o3 ku4u4 ta1, a1chi1 ndi4,
ka1a3 nde4e4ndu2 ku3nĩ3 so'1o3ndu2 ndi4 e1ta4 kwẽ4tu2 ba42 ku3nĩ3 so'1o3ndu2 kã'4ã2 ji1ndyo4si2 ndi4 ka4nĩ'1ĩ3nã2 ba1xi3nã2 ndi4 ba143 xi4nĩ3ndu2 nde4e2 ba42 kã'4ã2nã1 ndi4 nũ14ũ3 kã'4ã2 mĩ3ĩ4nã2 sa3kã4 ti4 ba3
tã3 bi3tĩ3 ndi4 ta1 kã'1ã1 xa'1a4 ñũ3ũ2 tã3 ta1 kã'1ã1 nda'4bi2 xa'1a4 ñũ3ũ2 nã4 kwa14a2 ko3ndo'3o3 ndi3se'1e3 ñũ3ũ2 ti1xĩ3 ñũ3ũ2 *patrón** San Franciscu mĩ4ĩ4 i4yo2 ndo3so4nã3.
a1chi1 kwa'1a4 sỹẽ4tu2 *mil** ku4u4nã2 nĩ1ki3xa2a2nã1 tã3 bi3tĩ3 ndi4 nã1 kã4 ku4u4nã2 kã'1ã1 nda'4bi2 ji1ndyo4si2 xa'1a4 ya1 kã4 ba42 ndi4
ya1 kã4 ba42 kã'4ã2ndu1 jỹũ'4ũ4 tã3 bi3tĩ3 ndi4 ñã1ã4 ndo1õ4 jĩ'4ĩ4 tu1ndi4nĩ2, i3kã4 nĩ1ndo1o3 ta1 ko4ndo3 *comisario** tĩ3, nĩ1ka'3nũ3 ba3,
tyem4pu2 nĩ1ki3xa2a2ra1, ku13mỹã3ã42 nda4a2 u1nĩ1 *semana** nĩ1ki3xa2a2ra1 tã3 xa143 ndi4nĩ2 ba3ra2 xa'1a4 ya1 ko4ndo3 ñũ3ũ2 ndi4, ya1 kã4 ba1xya32,
i3kã4 ti'13bi4ra2 nda'3a4 xa'1a4ra2, i3kã4 ba42 nĩ1xã'1ã1ra1,
nĩ1xã'1ã1 nda'3a4 xa'1a4 ta1 chi4ñũ3 ka4nã3ra2 ndi4 nã4 kũ'1ũ1yu1 be'3e3 chi4ñũ3
tã3 nĩ1xã'1ã1 ba2 i3kã4 be'3e3 chi4ñũ3, ta4ta2 *comisario** ¿nda4a2 tu1nĩ4nĩ2 ndo'4õ4 ka4nõ4? Ta4ta2 ndi4 tu1ndi4nĩ2 yo'4o4 ba3 ndo'4o4 yu'1u1 ka4nã2 ndi4
ya1, xa'1a4 ĩ3ĩ3 ya1 ko4ndo3, xa'1a4 ñũ3ũ2 yo'4o4 ba3 ku4nĩ2ndu1 kwa3a2 ndi4nĩ2 tã3 ji14nĩ2ndu1 yo3o3 jĩ'4ĩ4 kã'1ã1ndu1,
tã3 nda13kã'3ã4 tu3 ji1ndyo4si2 nã1 ta4u3nĩ2 tã3 nĩ1kã'1ã1nã1 xã'1õ4 ndi4 ki4xỹũ4 i4xã42 mã1nĩ4 jĩ'4ĩ4 ji1ndyo4si2 yo'4o4
ya1 kã4 ba42 ba1xỹũ4 tã3 bi3tĩ3 ndi4 ya1 yo'4o4 ba42 ku4nĩ2ndu1 kã'1õ4 xa'1a4 kwa4chi3 nã'4nũ3 xa'1a4 ñũ3ũ2 ba3, xa'1a4 nã1 ta4u3nĩ2 ba3
tã42 i4yo2 ba3 nã1 ñũ3ũ2 ku4u4nã2 a1chi1 ndi4 sa3kã4 xa4ko1o3 jĩ'4ĩ4 be3, yu'1u1 ndi4 kã'4ã2 ba2 ndi4 ji13nĩ2 sa1a3 i4yo2 jỹã'4ã2 tã3 ndi4
yo'4o1 ku4u4 ta1 ji4nỹũ24 sa1a3 ko3o3 jỹã'4ã2 yo'4o4 sa1a3 i4yo2 jỹã'4ã2, tã3 nde4e2 ba42 ku4u4 *seña** xe'4e132 tã3
tã3 yo'4o1 ku4u4 ta1 nda3kwã'1õ4 *cuenta** nũ14ũ3ndu2 sa1a3 ko3o3 chỹũ3ũ3 a3sa3ndu2 ko3nde3e3ndu2 *mesa** yo'4o4
ã4 ba1xya32 ku4u4 tu1nĩ4nĩ2 ko3ndo'3o3ndu2 ã4 ba1xi3 nde4e2 ba42 ba1xi3 ko3ndo'3o3ndu2, ã4 ba1xi3 tu1nĩ4nĩ2 jĩ'4ĩ4 ñũ3ũ2 ba3, jĩ'4ĩ4 ndi3se'1e3 ñũ3ũ2 ba3
tã3 ndi4 nã1 ku4nĩ2 ku3nĩ2 ku4u4ndu2 nda3kwã'1õ4 *cuenta** nũ14ũ3ndu2 o4ra2 ndi'3i3 ka4chi2 ta1 ko4ndo3 ta1 chi4ñũ3 kã'4ã2ra1
tã3 i3kã4 xa143 nĩ1xa3kwa1a32 ndi4nĩ2 xa'1a4 ya1 ko4ndo3 i3kã4, i3kã4, xa143 ka4chi2,
tã3 kã'1ã1ra1 tã3 nda4a2 ki1bi4 ba42 ya1 a3sõ4 ya1 ba'1a3 jĩ'4ĩ4ndu2 ti1xĩ3 be'3e3 chi4ñũ3 yo'4o4
yu'1u1 ndi4 kwi14i3 ka3chi2yu1 nda4a2 ki1bi4 ko3ndwa2 ndi4 ya1 ba'1a3 ba42 i3tã2ã2 i3sa42 nã4tu2 i4yo2 nã3nĩ2ndo4 nã4tu2 ba143 nã4nĩ2ndo4 ndi4
a1chi1 ndi4 ñã1ã4 ndi4 [...]. Tã3 ¿nde4e2 ba42 ku4nĩ2nỹã42 ta4ta2? ya1 kwa4a2 ku4nỹã2 ndi4 *candela**, so1o4, ndi1bi4 ya1 kã4 ku4nỹã2
ya1 ko3ko3 yo'4o4 tã3 jĩ'4ĩ4 i3ta2 yo'1o4 i3ta2 nda'3a4 ku3ndu'4u4, tã3,
kwi3..., kwi3ta3 i3ta2 ya1 kwa4a2 ya1 kĩ'3ĩ3, ya1 kwi3ta3 a1chi1 ndi4 *mesa** yo'4o4 ndi4 kwa'1a4 nã1 ta4u3nĩ2 ba1xi3 jo4ndo3 nã1 chi4ñũ3 yo'4o4
tã3 nã1 kwã'1ã1 kã4 ndi4 nã1 i4yo2 ku4u4 nã1 kã4 nda4a2nã1 *mesa**, nã1 kã4 ndi4 nda13ñũ'4ũ4 ba3nã2 ndwe14e4, kwã'1ã1nã1 nã1 ko4ndo3 *purgatorio** ka4chi2 yo4o4 jỹã'4ã2,
mĩ4ĩ4 ba42 kwã'1ã1 nã1 ta4u3nĩ2 ji14ndyo24 sa1a3 ka4a4 mĩ4ĩ4 ba42 kwã'1ã1nã1 kã4 ndi4 nã1 kã4 ndi4 kwã'1ã1nã1 kã4 ka4chyo24 ndi4 kã4 ndi4 nã1 i4yo2 ku4u4nã2 nda4a2nã1 *mesa** yo4o4 a1chi1 ndi4 mĩ4ĩ4 ki13xi3nã2 jo13nda2a2nã1 *mesa** kwa4a3.
Tã3 nã1 kã4 ndi4 nã1 ka4nã3 ki1bi4 ku4u4 nã1 kã4 i4yo2nã1 jỹũ'4ũ4 xi3kwe4nda2nã1 yo'4o1 ti1xĩ3 ñũ3ũ2
ndi3kwi3ta3 nã1 kã4 ku1mĩ4 tu1tũ'4ũ4 ñũ3ũ2 kwi3ta3 nã1 kã4 xi3kwe4nda2nã1 yo'4o1 nã4 ko14o3 nã1 ba'14a4 ko14o3 nã1 a3se2 ja13nĩ1ku3 jĩ'4ĩ4 ndi3se'1e3 ñũ3ũ2
tã3 nã4 xi4nĩ2 ba'1a3 yo4o4 sa1a3 ko3o3 kã'1ã1 yo4o4 jỹã'4ã2 tã3, tã3 nã1 kã4 ndi4 nã1 chi4nde3e4 ku4u4 nã1 kã4
ta1a3 nda14nĩ'1ĩ4ra2 sa1a3 ko3o3 kã'1ã1ra1 tã3 i3kã4 ba1xya32 ku4u4 tu1nĩ4nĩ2 ka4nda3ba3 tu1nĩ4nĩ2, ka4nda3ba3 nã1 ba'14a4 xi'4i1 ndi3se'1e3 ñũ3ũ2 a1chi1 ndi4
mĩ4ĩ4 nda14nĩ'1ĩ4 ba'1a3ra2 kã'1ã1ra1 jỹã'4ã2 tã3, tã3 ã4 nda1 kã'4ã2 ba3 nã1 nda'4bi2 tã3 ndi4
kwe'1e42 kã'4ã2 ba3 nã1 kã4 tã3 ndi4, nã1 yu4bi24 nã1 ja1 ku4nĩ2 a3se2 tĩ4ĩ4nã2 kwa1chi3 tã'4ã4nã2,
ko14o3 kwa1chya32 tã3 ndi4 tĩ3ĩ3 jĩ'4ĩ4 nda'3a4nã2 kwa1chya32 tã3 ja'4nĩ24nã2 tã'4ã4 ba3nã2, kwã'1ã1nã1 nda4a2nã1 tã'4ã4nã2 i3chi4 ba3 ya1 kã4 ndi4 swa14a2 ba'1a3 ba42 ndi4
nã4 ka'3nĩ4 i3nĩ2nã1 xe'1e42 kã4 nã4 ndi'3i3 ba3 jỹã'4ã2 kã4 a1chi1 ndi4 ba143 be'1e32 kã4 nã4 nda3ndo4so24 i3nĩ2nã1 xe'1e43, ya1 ko4ndo3 tu1nĩ4nĩ2
ya1 kã4 ba42 ka4nã3nw̃ã2 ba1xya32 ya1 ko4ndwa2 ya1 kwa'4a4 xa'1a4 ñũ3ũ2, ya1 kã4 ndi4 i3kã4 ndi4
ko14o3 nã3nĩ2ndu1 ta4ta2 ndi4 bi3tĩ3 ndi4 ki1bi4 yo'4o4 ba42 ya1 ku4nĩ2ndu1 kwa3a2 ndi4nĩ2. An4 ba'1a3 ba3 ndi4,
yu'1u1 ndi4 ba143 i4ndu'3u42 ti1xĩ3 ñũ3ũ2 ndi4 ka4xi3yo3 i4ndu'3u4 yu'1u1 tã3, tã3 ya1kã3, ndo'4o1 ku4u4 nã1 ji4nĩ2ndo4 nda4a2 o4ra2 ko3ndwa3.
Ko14o3 ji4ndyo24 nda4a2 o4ra2 jo4ndwa132 yo'4o4, jo4ndwa132 yo'4o4 *doce** ñũ3ũ42 ndi'4i4 jỹã'4ã2 *una** ba3 a1chi1 ndi4
ya'4a13 ĩ3ĩ3 o4ra2 sa3ba3 jo4ndwa132 ya1 jo4ndwa132 ya1, ya1 ya'4a13 tã42 ya1 xi4ywa132 ndi4nĩ2 sa3kã4 tã3
o4ra2 kwã'1ã1 tã3 ki3xa3a4 ya1 ko4ndo3 kwa'3a3 xa'1a4 ñũ3ũ2 ka4chi2 yo4o4 a3sa3 *presente** yo4o4 kã4 ndi4 ya1 kã4 ba42 kwa'4a4 xa'1a4 ñũ3ũ2 ka4chi2 yo4o4 ndi4
a1chi1 ba3 ki4xe3e42 kã4 tã3 i3kã4
ku4u4 sa3kã4 tã3 nda1 ĩ4ki14tu3 jĩ'4ĩ4 be2 kã4 ku4u4 sa3kã4 ã4 *tres** ã4 *cuatro** ka1a3 ndi'4i4 jỹã'4ã2,
i3kã4, ya1 kwa4a2 kã'4ã2nã1 xa'1a4 ñũ3ũ2 ka4nã3 ki1bi4 nã1 ta4u3nĩ2 ka4nã3 ki1bi4 ndo'4o1 nã1 be'3e3 chi4ñũ3 tã3 nda1 ndi'4i4 ba3 ji1ndyo4si2 ka4nã3 ki1bi4
tã3 ndi4 nã1 ñũ3ũ2 ndi4 ko14o3 ki1bi4 nã1 kã4 ka4nã3 ndi4 ya'4a13 ka'4nũ3 be2 kã4 kwẽ'1ẽ1 a1chi1 ndi4 ko14o3 ĩ3ĩ3, ji14ndyo24 ndi4 ja1 ka1a3 xa'4a13 mĩ3ĩ4 ba3nã2,
nã1 ko4ndo3 nã1, bi4ko4 nã1 ba1xi3, ta1 ndi3ka2bi4ko4 nĩ'4ĩ4 yo4o4 xi3kwe4nda2 yo4o4 ti1xĩ3 ñũ3ũ2 mĩ4ĩ4 ba42 ba1xi3, nĩ'4ĩ4 yu'1u1 kã'4ã2yu1 xa'1a4 nã1 ñũ3ũ2 ndi4
ta1 ndi3ka2bi4ko4 mm, Bartolo ba3 ta1 ndi3ka2bi4ko4 Xi4ba2 ta1 ndi3ka2bi4ko4 Juan Manuel ta1 kã4 ko4ndo3 ta1 ndi3ka2bi4ko4 ta1 ndi4chi2
ta1 kã'4ã2 nda'4bi2 nda1 ko4ndo3 *purgatorio**, ta1 kã4 ku4u4 ta1 ka4ndi3ka2 i4ndu'3u4 nda4a2 *mesa** ta1 kã4 ku4u4 ta1 xi4kwe4nda2
jĩ'4ĩ4 *padre señor** San Jerónimo ta1 i4ndu'3u4, mĩ4ĩ4 ba42 i4ndu'3u4 tũ4 ko4ndo3 *bastón** mĩ4ĩ4 ka4ndu'3u4 *libru** mĩ4ĩ4 ka4ndu'3u4 *libreta** mĩ4ĩ4 ndo4so14 ki1bi4 mĩ4ĩ4 ndo4so14 kwi1ya1nã1
mã'14ñũ3 *libreta** kã4 yo4so24 ki1bi4 yo4so24 kwi1ya1nã1 i3kã4 ba1xya32 nda4kã1, kã'4ã2 ta1 kã'4ã2 nda'4bi2 xa'1a4 nã1 ti1xĩ3 ñũ3ũ2
tã3 i3kã4 ba42 ta'4nda1 tu4nĩ1 xa'1a4 ti4 ñũ3ũ2 nda4ku3nã2 nã4 kwa14a2 ko3ndo'3o3ri4 mĩ4ĩ4 ndi4ka2ri4 be'3e3 yu3ku4 mĩ4ĩ4 ndi4ka2ri4 be'3e3 ndu3ta4, i3kã4 kã'4ã2, kã'4ã2 nda'4bi2nã1
xa'1a4 nã1 nda'4bi2 kã4, ya1 kã4 ba42 ndi4 ba1xi3nỹã42 ya1 ku4u4 tu1nĩ4nĩ2 ba1xi3nĩ42 tu1nĩ1õ3ko4 be'3e3 ka'4nũ3 ba1xi3 ti1nda3ku4 ba1xi3 ka'3nĩ4 ba3, xa'1a4 nã1 nda'4bi2 kã4
ba1xi3 sa3yu2 ba1xi3 be'3e3 ka'4nũ3, tã3 nã1, nã1 ko4ndo3 nã1 *ánima** nã1, nã1 nda4a2 *mesa** nã1 jo13ndo3 nã1 chi4ñũ3
nã4 ndi3kwi3ta3 nã1 kã4 ya1 ko4ndo3 *purgatorio** nã4 ka3si2nã1 ku4u4 ti1nda3ku4 nã4 ka3si2nã1 ko4ndo3 kwe'1e1 ã4 ka3si2nã1 ko4ndo3 ka'3nĩ4 ka3xĩ3 kã4
nã4 kwa'14a13nã2 ta1nde32 ti1xĩ3 ñũ3ũ2 nda1 kwa'1a4 sỹẽ4tu2 *mil** ku4u4 ndi3se'1e3 ndi3sa1nã1 *patrón** San Franciscu ndi4 nã4 ko14o3nã2 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1 nã4 ku1nda'1a3 ku3xi3ywa3.
I3kã4 ba1xya32, i3kã4 ta1nda3a2 ki1bi4 ya1 kwa'3a3 xa'1a4 ñũ3ũ2, i3kã4 ba42 ndi4
kwa'3a3 i3ta2, ba'1a3 ba3 ya1 xi1ka3 yo4o4 jỹã'4ã2 ka1a3 ndi4 lu3u3 i3ta2 nĩ1kwa'3a3 ta4ta2, tã3 sa3kã4 ba42 ndi4 kwa'3a3 xi4nũ13 i3ta2. Ta4ta2 ndi4 ko14o3 ji4ndyo24 ¿sa1a3 ko3ndo3 i3ta2 kwa'3a3 sa3kã4?
Ku1mĩ4 yo4so24 u1xi1 u1nĩ1 ku1mĩ4 yo4so24 ĩ1ĩ1 ku1mĩ4 yo4so24 i1ñũ1 tã3 kwa'3a3 ya1 ja3chỹũ4ũ4 yo'4o4, sa3kã4 ba42 ndi4
ndi3kỹã'3ã2 ya'1bya32 nda3kwa'3a3 xa'1a4 ñũ3ũ2. Tã3 ndi4 ji14ndyo24 sa1a3 ya1 ko4ndo3 *presente** ku3ndu'4u4 ta4ta2. Kwi14i3 ka3chi2 jĩ'4ĩ4ndo4 ta4ta2 ndi4 su14u3 ñã'1ã3 i4xi4ko3 yu'1u1 ya1 kã4 ndi4
ka3chi2 ndi4 so'3o3 ko3ndo3 xũ'14ũ4 so'3o3 ku3ndu'4u4 [...] sa1a3 ka4nã3 i3nĩ2 mĩ3ĩ4ndo4 chi3ndu'4u4ndo4, nã4tu2 ka4nã3 i3nĩ2ndo4 nã4tu2 ka14nã3 [...] a1chi1 ndi4
ya1 yo'4o4 ndi4 ya1 mã1nĩ4 nda1 nda'3a4 yu3be4 ndyo4si2 ba42 yo'4o4 tã3 jĩ'4ĩ4 ndo'4o1 nã1 be'3e3 chi4ñũ3 jĩ'4ĩ4 ñũ3ũ2 ba43, kwi14i3 kẽ'1ẽ1 ya'1bi3
ã4 i4yo2 tu3 i3nga2 nã1 yu4bi24 kã'4ã2nã1 ya'1bi3nã2 sa1a3 ku4nĩ2nã1 kã'1ã1nã1 tã3 ndi4, ndi4 ja1 kwe4nda2 mĩ3ĩ4nã2 ba42 kã4 tã3 yu'1u1 ndi4 kwi14i3 kẽ'1ẽ1 ndi4 sa1a3 ka4nã3 i3nĩ2 mĩ3ĩ4ndo4 tã3 ba'1a3 sa3kã4 ba3 a1chi1 ndi4
yu'1u1 ndi4 ba143 ba1xi3 yu'1u1 kĩ'3ĩ2 ya'1bi3 ndi4 ta1 ba1xi3 i4xe2 mã1nĩ4 ku4u4 yu'1u1 tã3 bi3tĩ3 ndi4 o4ra2 ta1nda3a2 kwa'3a3 kã4 ndi4
ndi4 nã1 yo'4o4 ko4ndo3 nã1 ndi3ka2bi4ko4 nã1 ja4chỹũ4ũ4 jỹã'4ã2 nã1 xi3kwe4nda2 tã3 nã1 ku3nĩ'3ĩ3 ku3nda3ka3 ti1xĩ3 ñũ3ũ2, tã3 sa3kã4 nã1 *ánima** ndi4 nã1 kã4 ndi4
nã1 xi3kwe4nda2 ti1xĩ3 ñũ3ũ2 ku4u4 nã1 kã4 ku1mĩ4 ku3ndi3ta3nã2 tu1tũ'4ũ4 ñũ3ũ2 ku1mĩ4 ku3ndi3ta3nã2 ka'3a4 ñũ3ũ2 nã4 kwa'14a13nã2 ta1nda3a2 nã1 ba'14a4 nã4 kwa'14a13nã2 ta1nda3a2, mĩ4ĩ4 ba1xi3 ta1 ndi4so3 tu1xi42 ba3
mĩ4ĩ4 ba1xi3 ta1 ndi4so3 *pistola** mĩ4ĩ4 ba1xi3 ta1 ndi4so3 chi4lu2 mĩ4ĩ4 ba1xi3 ta1 ndi4so3 *machiti**, ku4nĩ2 a3sa3nẽ2 ja13nĩ1ku3 jĩ'4ĩ4 ndi3se'1e3 ndi3sa1nã1 ba3 tã3 ndi4 nã4 ku1nda'1a3 ku3xi3yo3 nã1 kã4
tã3 nĩ1bi4 ba1xi3 nã1 kã4 nda13nũ1nã4 ya1 ko4ndo3 *purgatorio** ndi4 ba1xi3 nã1 kã4 ki13xa2a2nã1 pa3sã4tu2 ba1xi3nã2 ki3xa2a2nã1
i3kã4 ba1xi3 ndo3so4nã2 nĩ1ki3xa2a2 ndo3so4nã2 ya1 ko4ndo3 ti1xĩ3 ñũ3ũ2 *patrón** San Franciscu ndi4 nã1 nĩ'4ĩ4 nã1 nda4a2 ku4u4 nã1 kã4 xi3kwe4nda2nã1
a1chi1 ndi4 yu'1u1 ku4u4 ta1 ndi4chi2 kã'4ã2 nda'4bi2 xa'1a4nã2 ndi3se'1e3 ndi3sa1nã1 tã3 nã4 ku3nĩ'3ĩ3nã2 ku3nda3ka3nã2 xi3kwe4nda2nã1 a1chi1 ndi4
nã1 kã4 ndi4 nã1 ja1 nĩ1nã1ã4 nĩ1nda'1ba1 ku4u4nã2 nda13ndo3o3 yu1ku1 i3ta2 ku4u4 nã1 kã4 ko14o3 ya1 is1ta4 ko14o3 ta1kwi42 bi4 nã1 kã4 ndi4 nã1 kã4 ndi4 nã1, nũ14ũ3 ñũ'3ũ2 nũ14ũ3 i3ta2 ku4u4 nã1 kã4, tã3 i3kã4 ba1xya3,
tã3 bi3tĩ3 ndi4 yo'4o4 nĩ1ta1nda3a2 u1xi1 u1nĩ1 ki1bi4 ba42 nĩ1ki3xe3e4 ta4ta2 ndi4 i3tã2ã2 ta4nda13a2 ki1bi4 u1xi1 u1nĩ1 tã3 bi3tĩ3 ndi4 ĩ3ĩ3 ki1bi4a1chi1 tã3 ndu3ku4ndo4 i3ta2 ndi4 nã4 kwe'3e2 a1chi1 ndi4 ya1 ku4nỹã2 kwa4a3.
I3kã4 tĩ3, i3kã4 xa143, xa143 nĩ1..., ndi4nĩ2 ta1 chi4ñũ3 ndu13ku4ra2 ĩ3ĩ3 ti1xu'4u4 ba3
ya1 kwa'3a3 nũ14ũ3 ya1 ko4ndo3 tã42 i4yo2 be'3e3 sa1bi4 i4ywa2 ndi4 xa'1a4 *mesa** kwa4a2 kwa'4a4 xa'1a4 ñũ3ũ2 ka4chi2nã1
i3kã4 ba1xya32, i1xa43 ndi4nĩ2 ba3 ta1 chi4ñũ3 xa143 ja13ta4ra2 ndu1u4 si'1ba1 ba3
xi4ka3 nã1 ko4ndo3 *efe** ba3 xi4ka3 nã1 ko4ndo3 mã3yo42 ba3, ndu13ku4 nã1 kã4 ko'1o4 ba3 ndu13ku4 nã1 kã4 ya3xĩ4 ba3
nĩ1ndu3ku4ra2 ja13ta4ra2 *café** ba3 ja13ta4lu3ra2 *pan** ya1 ko4ndo3 *gastu** ku3-ndi3to3nã2,
kũ'1ũ1 tu3 yu3ba4 si'3i4 nã1 ta4u3nĩ2 ku3-ndi3to3nã2 jĩ'4ĩ4 ta1 chi4ñũ3 o4ra2 ta1nda3a2 ki1bi4 kwa'3a3 xa'1a4 ñũ3ũ2
tã3 kwã'1ã1 nã1 kã4 ku3nĩ2nã1, nda13kã'3ã4 tu3 i3nga2 se'1e3 yu3be4 se'1e3 syo'3o4 mĩ4ĩ4 ba42 kwã'1ã1nã1 nĩ'4ĩ4nã2 ĩ3ĩ3 *cartón** ba3 kwã'1ã1 nda1ka3nã2 nda'3a4 ta1 chi4ñũ3
ndi4 kwa14a2 xi4kã1 bi4 ta1 chi4ñũ3 ndi4 nde3nũ'3ũ3 i3nĩ2 mĩ3ĩ4nã2, nda13kã'3ã4 tu3 nã1 mã3to4mũ2 ba3 ndi4 kwã'1ã1 nda1ka3nã2 ỹã3ã2 sa3ba3 lu3te'4nĩ4 ba3 kwã'1ã1 nda1ka3nã2 ĩ3ĩ3 *cartón** nda'3a4 ta1 chi4ñũ3
ko'3o3 nã1 ta4u3nĩ2 ku3-ndi3to3nã2 jĩ'4ĩ4 ta1 xi4kwa'4a4 xa'1a4 ñũ3ũ2 ba3
tã3 ta1 kã'4ã2 xa'1a4 ñũ3ũ2 ndi4 nda4tũ'4ũ4 nã1 yo'4o4 kwẽ4tu2 i4nde4e4 ba3nã2 ndi4 nda4tũ'4ũ4 ba3nã2 kwẽ4tu2 ndi4 ja1 ỹã3ã2 ku4u4 mĩ3ĩ4 ba3 nã1 kã4 tã3,
tã3 ta1 kã'4ã2, kã'4ã2 nda'4bi2 xa'1a4 ñũ3ũ2 ndi4 ta1 kã4 ndi4 ỹã3ã2 nda14ku2 kã'4ã2 ba3 ta1 kã4 kã'4ã2ra1 i4ndu'3u4ra2,
ya1 kã4 ko4ndo3 ya1 kwa4a2 kwa'4a4 xa'1a4 ñũ3ũ2, tã3 ndi4, ba1xi3nĩ42 ya1 ko4ndo3 tu1nĩ1õ3ko4 be'3e3 ka'4nũ3 tã3 ndi4
nã1 ko4ndo3 nã1 *ánima** nã1 chi4tu4 mã'14ñũ3 *purgatorio** mĩ4ĩ4 kwa4a2 ndi4ka2 *padre señor** San Jerónimo
ta1 kã4 ku4u4 ta1 ku3ndi3chi2 xi3kwe4nda2ra1 mĩ4ĩ4 ba42 ndo4so14 ki1bi4 mĩ4ĩ4 ndo4so14 kwi1ya1nã1
i3kã4 ndi3xi3 ki1bi4 i3kã4 ndi3xi3 kwi1ya1 to4to2 ki1bi4 to4to2 kwi1ya1nã1 ndi3se'1e3 ndi3sa1nã1 nã1 ko4ndo3 ti1xĩ3 ñũ3ũ2 chi4tu4nã2 ko14o3 nã1 nã1ã4 ko14o3 nã1 nda'1ba1 ko14o3 nã1 ku3mĩ'14ĩ4 ku3ya14ka3 a1chi1 ndi4
tã42 i4yo2 tã42 ta4ku1nã1 bi3tĩ3 sa3kã4 i4yo2 [...] nda3xi1nũ3 kwi1ya1, sa3kã4 nỹã'4ã2 kwẽ'1ẽ1 nda1 ti4 ñũ3ũ2 nda4ku3nã2 mĩ4ĩ4 ba42 ndi4ka2ri4 ka'3a4 be'3e3 yu3ku4 be'3e3 ndu3ta4
ku4u4ri4 ka1chi4 to3so3 ba3 ku4u4ri4 ka1chi4 sa1mĩ4 ba3 ku4u4ri4 ko1o4 ndo'1yo3 ba3 ku4u4ri4 ta1su'4u4 ba3
ka4ndi3ka2ri4 ku4u4ri4 ndi3ka'3a3 ka4ndi3ka2ri4 be'3e3 yu3ku4 tã3 nã4 ke14ta3ri4 i3chi4 nã4 ke14ta3ri4 a1chi1 ndi4
i4yo2nĩ42 ndi3se'1e3 ja1nã1 nã1 ku4u4 nã1 i4xe2 ba'14a4 nã1 ku4u4 nã1 i4xe2 ja13nĩ1ku3 ta4ba4nã2ri4
tã3 kũ'1ũ1 ti4 kã4 nã1ã4ri4 nda'1ba1ri4 tã3 ndi4 ti4 kã4 ndi4 nã14ã14ri4 nda'1ba1ri4 a1chi1 ndi4 yo'4o4 ndu13ndi3chi2yu1 kã'4ã2 nde3e3 yu'1u1 kã'4ã2 nda'4bi2yu1 xa'1a4nã2,
ta1 ko4ndo3 ta1 chi4ñũ3 nã1 ko4ndo3 *efe** nã1 ko4ndo3 mã3yo42 nã1 ko4ndo3 *comandante comisión** ñã'1ã3ra3, nã1 yu3ba4 si'3i4 nã1 ta4u3nĩ2 ko14o3 nã1 nã1ã4 ko14o3 nã1 nda'1ba1
nda1 ti4 ñũ3ũ2 nda4ku3 nã1 kã4 nã4 ku1nda'1a3 ku3xi3yo3ri4 be'3e3 yu3ku4 mĩ4ĩ4 i4yo2 *padre señor** San Jerónimo ta1 nda4a2 ndi3sa3a4 be'3e3 yu3ku4, i3nga2 be'3e3 yu3ku4 mĩ4ĩ4 ko14o3 xi4ka3 mĩ4ĩ4 ko14o3 xi4to3
nã4 ke14ta3ri4, nã4 ke14ta3ri4 i3chi4 nã4 ke14ta3ri4 a1chi1 ndi4 i3kã4 ndi4 xi4ka3 ta1 ndi4so3 *bala**, *bala** ku4xĩ2 i1yo3 nã1ã4ri4 nda'1ba1ri4
nã4 kũ'1ũ1ri4 i3nga2 be'3e3 yu3ku4 mĩ4ĩ4 ko14o3 xi4ka3 mĩ4ĩ4 xi4to3 i3kã4 nã4 ku1nda'1a3 ku3xi3yo3ri4
*padre señor** San Jerónimo yo'4o1 ku4u4 ta1 ku3nỹũ'3ũ4 ku3nda3kõ4ri4 ti1xĩ3 *corona**õ4 ti1xĩ3 *zapatu**ũ4 ã4 ko14o3 ku3mỹũ3ũ4ri4 a1chi1 ndi4, ko1to1 ka14nda3ba3ri4 i3chi4 a1chi1 ndi4 i1yo3 nda4a2 nã1ã4 nda'1ba1ri4 a1chi1 ndi4 yu'1u1 ndi4 ta1 [...]
ndi3se'1e3 sa1nã1 ku4u4 yu'1u1, xa'1a4 ñã4 ñũ3ũ2 ta1 ñũ3ũ2 kã'4ã2yu1 ndu13ndi3chi2yu1 kã'4ã2yu1 tĩ3. ya1 yo'4o4 ba42 ya1 nũ14ũ3 i4xa3 ta1 chi4ñũ3 nĩ1ki3xa3a4ra2 ki13xa2a2ra1 ju13ndu'4u4ra2 xa'1a4 *mesa**
ju13ndu'4u4ra2 nũ14ũ3 *mesa** tĩ3, kwe4e2 sa3kã4 ba1xi3 tu3kwa2, ba1xi3 ya1 kwa4a2 kũ'1ũ1ra1 ji1nĩ4 yu3ku4 ba3
tã3 ndi4 nã4 kũ'1ũ1 ji'3nã2 sa4ndi'3i2 jỹã'4ã2 ko4ndo3 ya1 kwã'1ã1yu1 yo'4o4 ya1 kã'4ã2yu1 xa'1a4 ñũ3ũ2 yo'4o4
ta1 ka3nde3..., ta1, mĩ3ĩ4 ta1 chi4ñũ3 ku4u4 ta1 ji4nĩ2ra1 ã4 ta1 kã'1ã1 ku4u4ra2 yo3o3 ku4u4 ta1 ndu3ku4ra2 ndi4, ndi4 ya1 kã'1ã1 nã1 ta4u3nĩ2 ya1 kã4 ko3ndo3
i4yo2nĩ42 ba3 ta1 xi4nĩ2 kã'1ã1 jĩ'4ĩ4 sa1bi4 ba3, i4yo2nĩ42ra1 ndi4 kwã'1ã1 ki'1bi3nỹã42 so4o4 i4xa3ra3,
lu3chi'4i2 ku4mã1nĩ4 ba3 nde4e2 ba42 kwã'14ã1 tã3 xa1 ndo4ko3o4 nda3a2re1 tã3 ndi4 ba143 ba'1a3 i4ywa2 sa3kã4 a1chi1 ndi4
yo'4o4 kã'4ã2 nda'4bi2yu1 xa'1a4 ñã4 ñũ3ũ2 ta1 ñũ3ũ2 ya1 ko4ndo3 *mesa** yo'4o4 ndi4
ko14o3 ñã1 ndo4o13 nda3a2 ã4 nĩ1ku3mã1nĩ4 tã3 ndi4 ba143 kwẽ'1ẽ1 jỹã'4ã2 kã4 ndi4 tũ'1ũ3 nda14ku2 kwẽ'1ẽ1 jĩ'4ĩ4 kã'4ã2 nde3e3 kã'4ã2 nda'4bi2 xa'1a4nã2,
a1chi1 ndi4 ta1 kã'4ã2 nda'4bi2 ku4u2, sa3kã4 mĩ3ĩ4 ndo'4o1 nã1 ndi1ka3bi4ko4 Bartolo ta1 ndi1ka3bi4ko4 Xi4ba2 ta1 [...]
yo'4o1 ku4u4 ta1 ku1mĩ4 ku3ndi3chỹũ24 mĩ4ĩ4 ba42 yo'4o4 kã'4ã2 nde3e3 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2 jĩ'4ĩ4 ta1 ko4ndo3 *comisario** ta1 ko4ndo3 ta1 chi4ñũ3 yo'4o4
ta1 ta3tũ4 [...] mĩ4ĩ4 ka4ndi3ka2ñã4 ko14o3 ki3ti4 ko14o3 kwe'1e1 nda3bẽ4 jĩ'4ĩ4
sa3kã4 ta1 ko4ndo3 *segundo comisario** nã4 ko14o3 ki3ti4 ko14o3 ka3nda3ba3 jĩ'4ĩ4 ji1ndyo4si2 jĩ'4ĩ4 ñã4 ta3tũ4 ta3yu2ra1
sa3kã4 nã1 ko4ndo3 *efe** tã42 i4yo2nã1 ndi4 ko14o3 nã1 ka3nda3ba3 jĩ'4ĩ4 ki3ti4 ko14o3 nã1 ka3nda3ba3 jĩ'4ĩ4 kwe'1e1, sa3kã4 nã1 ko4ndo3, nã1 ko4ndo3 *cantor**
ta1 nã3nĩ4 Celestinu de Jesús ta1 kã4 ndi4 ko14o3 ki3ti4 ka3nda3ba3ra2 jĩ'4ĩ4
nã4 xi3kwe4nda2, a1chi1 ndi4 ta1 ka4ndi3ka2 tũ'1ũ3 ka4ndi3ka2 ta1chi4 ta1 kã4 ku4u4 ta1 kã'4ã2 xa'1a4 ñũ3ũ2 ta1 kã4 ku4u4 ta1 nda4kwa'1a3 ya1 ko4ndo3 *rosariu** nda'3a4 *patrón** San Franciscu
ã4 ta1nda3a2 ki1bi4 ta1nda3a2 o4ra2 ba1xya32 ka4nã3 bi3ko4 ta1 kã4 ku4u4 ta1 kã'4ã2nã1 jĩ'4ĩ4 ba1xya32 ka4ku3 *niñu** ba1xya32 nde4e2 ba42 ba1xi3 ndi4 ta1 kã4 ku4u4 ta1 kã'4ã2nã1 jĩ'4ĩ4 kwã'1ã1ra1 nda4kwa3tu3ra3.
Ndi4 ja1 kwe4nda2 ndyo4si2 ba42 xi4ka3 ta1 kã4 jĩ'4ĩ4, tã3 ndi4 ko14o3 ya1 ka3nda3ba3ra2 jĩ'4ĩ4 a1chi1 ndi4 ta1 kã'4ã2 nda'4bi2 kã'4ã2 [...]
tã3 yo'4o4 ba42 ndu13ndi3chi2 ndi4 ndi3sa4ku4u4 nã1 ko4ndo3 *cantor** ndi4 ko14o3 nã1 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1 a1chi1 ndi4
a1chi1 yo'4o4 ba42 ta'4nda1 tu4nĩ1 nda1 be'3e3 ka'4nũ3 ba1xi3 ndo3swa42, tã3 yo'4o1 ku4u4 ta1 xi3kwe4ndõ24 ku3nỹũ'3ũ4 ku3nda3kõ4nã2 ku3nỹũ'3ũ4 xi3kwe4ndõ24nã2 mĩ4ĩ4 ba1xi3 ndo3swa43,
tã3 bi3tĩ3 ba42 ndi4 yo'4o4 ba42 i4yo2, yo'4o4 ndu13ku3chi3 yu3bi4 ndu13ku3chi3 ta3yu2 ndo'4o1 tĩ3 ya1 ko4ndo3 nũ14ũ3 *mesa** tã3 yo'4o4 nĩ1ki3xa2a2 ndo3so4 yu'1u1
mĩ4ĩ4 ka13nã3nw̃ã2 be'3e3 yu3ku4 be'3e3 ndu3ta4 mĩ4ĩ4 ka4ndi3ka2 be'3e3 sa1bi4 yu3ba4 be'3e3 sa1bi4 si'3i4 ka4ndi3ka2 mã'14ñũ3 ñũ3ũ2 Ko'14yo1
i3kã4 ka4ndi3ka2 ta1 sa1bi4su4ku3xa3 sa1bi4 sa4kwa'3nũ3 ta1 kã4 ku4u4 ta1 nda4kã1 ki1bi4 nda4kã1 kwi1ya1 i3kã4 ndi3xi3 mĩ3ĩ4 yo'4o1 sa1bi4 yu3ba4 yo'4o4 nĩ1ki3xa2a2 ndo3so4 yu'1u1
yu'3u4 *mesa** yo'4o4 kã'4ã2 nde3e3 kã'4ã2 nda'4bi2yu1 xa'1a4 ndi3se'1e3 ndi3sa1nã1 mĩ4ĩ4 ka4ndi3ka2
mĩ4ĩ4 ka4ndu'3u4 ta1 sa1bi4 xi14tu3 ya1 ñũ3ũ2 Ko'14yo1 i3kã4 ka4ndi3ka2 sa1bi4 su4ku3xa3 sa1bi4 sa4kwa'3nũ3
mĩ4ĩ4 ka4ndi3ka2 ti4 ñũ3ũ2 nda4ku3nã2, nã4 ko14o3ri4 ñã1ã4 ndi4 [...] i3kã4 ki3xa2a2 mĩ3ĩ4 yo'4o1 ta1 sa1bi4 yu3ba4 [...] ki13xõ2õ4 yo'4o4 nda13a3 ki1bi4 nda13a3 ta3yu2 yo'4o1 nda13chi3ndu'4u4 [...] ta3yu2 yo'4o1
a1chi1 yo'4o1 bã4 kã'4ã2 nde3e3 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2 tã3 ku3nỹũ'3ũ4 tã3 nda3kõ4 xi3kwe4ndõ24 ndi3se'1e3 ndi3sa1nã1
yo'4o4 nĩ1ki3xa2a2 ndo3so4 yu'1u1 mĩ3ĩ4 yo'4o1 ta1 sa1bi4 ka4ndu'3u4 yu3ku4 sa1mĩ4 ba1xi3 ndo3sõ4 ya1 yo'4o4 ba42 kã'4ã2ndu1 jĩ'4ĩ4 yo'4o1 ku4u4 ta1 ka4nã3ndu2 nda4ka3nã2 yo'4o1 tĩ3 ki3xõ2õ4 yo'4o4 nda13chi3ndu'4u2 yu3bi4 ta3ỹũ24
tã3 yo'4o4 ba42 ndu3ku3chi3 yu3bi4 ndu3ku3chi3 *mesa** ndo'4o1 ku3nĩ'3ĩ3ndo4 ku3nda3ka3ndo4, sa3kã4 mĩ3ĩ4 yo'4o1 ta1 ndi3ka2bi4ko4 Bartolo ta1 ndi3ka2bi4ko4 Xi4ba2 ta1 ,
Juan Manuel ta1 nĩ1ka'3ndi2 jĩ'4ĩ4 sa1bi4 yu3ba4 sa1bi4 si'3i4 ku4u4 yo'4o1 tã3 bi3tĩ3 ba42 ndi3xi3 mỹũ3ũ4 tã3 yo'4o4 ndi4chi2yu1 kã'4ã2 nde3e3 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2
ndi4 ko14o3 tu1nĩ1õ3ko4 ba1xi3 be'3e3 ka'4nũ3 ko14o3 ka'3nĩ4 ba1xi3 be'3e3 ka'4nũ3 ko14o3 sa1bi4 ba1xi3 ka'4nũ3, ko14o3 ñã1,
ko14o3 kwe'1e1 ka3nda3ba3 ndo3so4 ti1xĩ3 ñũ3ũ2 *patrón** San Franciscu nã4 ku1nda'1a3 ku3xi3ywa2, ndo'4o1 nã1 *ánima** yu3ba4 *ánima** si'3i4 ka4ndi3ka2ndo4 be'3e3 yu3ku4 ka4ndi3ka2ndo4 be'3e3 ndu3ta4 bi3tĩ3 ndo'4o1 ku4u4 nã1 ku3..., ndo3ko1o3 ndo'4o1
ta3ba4ndo4 ki3ti4 ta3ba4ndo4 kwe'1e1 nã4 ku1nw̃ã'1ã42, ndo3ko1o3ndo4 nda1 bya'3a2 si'4i2 bya'3a2 ka'4nũ3 i3kã4 nã4 ta'4nda1 tu4nĩ1 ndu4kwa4chi3 tũ'1ũ3 ndu4kwa4chi3 ta1chi4, i3kã4 ba42 ndi3xi3 ki1bi4 i3kã4 ndi3xi3 kwi1ya1 ndi3se'1e3 ndi3sa1nã1
tã3 nda4kã1nĩ42 ki1bi4 nda4kã1nĩ42 ta1 ko4ndo3 *comisario** ndi4 ta1 ku3xa3 ta1 ba'1a3 ku4u4ra2 ki3xa2a2ra1 [...] *mesa** ko14o3 ki3ti4 ko14o3 kwe'1e1 ka3nda3ba3ra2 jĩ'4ĩ4 a1chi1 ti1xĩ3 ñũ3ũ2 *patrón** San Franciscu ndi4 i4yo2nĩ42 nã1 i1nĩ4 i4yo2nĩ42 nã1 chi1tũ3
i4yo2nĩ42 nã1 tỹã4ã2 ba'14a4 tã3 ndi4 kwa14a2 kã4 nda3ba3ra2 jĩ'4ĩ4 i4yo2 [...] ba'1a3 ki3xa3a4ra2 xa'1a4 kwi1ya1 tã3 ba'1a3 sa3kã4 nda1 mĩ4ĩ4 ke3e3ra3, ko14o3 ñã1 ka3nda3ba3ra2 jĩ'4ĩ4 ko14o3 ñã1 [...] jỹã'4ã4 ta3tũ4 ta3yu2ra1
sa3kã4 ta1 ko4ndo3 ko3..., *segundo comisario** ko14o3 ya1 ka3nda3ba3ra2 jĩ'4ĩ4 a1chi1 yo'4o4 nĩ1ki3xa2a2 ndo3so4 yu'1u1
sa3kã4 ta3tũ4 ta3yu2ra1 ko14o3 ĩ3ĩ3 ki3ti4 ko14o3 ka3nda3be2 jĩ'4ĩ4 yo'4o4 ki13xa2a2 ndo3so4 yu'1u1 xa'1a4 ta1 ko4ndo3 *efe**
sa3kã4 ñã4 ta3tũ4 ta3yu2ra1 ko14o3 ki3ti4 [...] a1chi1 ndi4 ndo'4o1 nã1 sa1bi4 yu3ba4 sa1bi4 si'3i4 i3kã4 nĩ1ki3xa2a2 ndo'4o1
ya1 nĩ1ke3e3 ndo'4o1 yu3ku4 sa1mĩ4 i3kã4 nĩ1ki3xa2a2 ndo'4o1, nã1 yu3ku4, yu3ku4 nũ14ũ3 yu3...,
nũ14ũ3 ñũ3ũ2 yu3ku4 Ki13mĩ2 i3kã4 ka4ndu'3u4 sa1bi4 yu3ba4 sa1bi4 si'3i4 [...] sa4kwa'3nũ3
ndo'4o1 nã1 sa1bi4 yu3ba4 sa1bi4 si'3i4 ndo'4o1 ku4u4 nã1 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ti4 ñũ3ũ2 nda4ku3 se'1e3 sa1nẽ1 mĩ4ĩ4 ndi4ka2ri4 be'3e3 yu3ku4, kwã'14õ14 ta1nda3a2, ka3nda3ba3ri4 i3chi4 ka3nda3ba3ri4, ko1to1 nã14ã14ri4 ko1to1 nda'14ba1ri4 a1chi1 ndi4
ta1 kã'4ã2 nde3e3 ta1 kã'4ã2 nda'4bi2 xa'1a4 ñã4 ñũ3ũ2 ta1 ñũ3ũ2 ku4u4 yu'1u1 yo'4o4 nĩ1ki3xa2a2 ndo3so4 yu'1u1 be'3e3 sa1bi4 yu3ba4 be'3e3 sa1bi4 ka4ndu'3u4,
yu3ku4 nũ14ũ3 ñũ3ũ2 Coluna mĩ4ĩ4 ka4ndu'3u4 sa1bi4 yu3ba4 sa1bi4 su4ku3xa3 sa1bi4 sa4kwa'3nũ3 tã3 ndi3xi3 mĩ3ĩ4 ndo'4o1 ndi3kĩ'3ĩ3ndo4 [...] bi3tĩ3 ba42 nda4kã1,
nda4ka3nã2 ndo'4o1 ki3xa2a2ndo4 yu'3u4 *mesa** yo'4o4 xi3kwe4nda2ndo4 ti1xĩ3 ñũ3ũ2
ndo'4o1 nã1 sa1bi4 yu3ba4 sa1bi4 si'3i4 tã3 ndi3xi3 mĩ3ĩ4 ndo'4o1 yo'4o4 ndu13ndi3chi2yu1 kã'4ã2 nde3e3 ndu13ndi3chi2 kã'4ã2 nda'4bi2yu1 bi3tĩ3 *santu** o4ra2 tĩ3
ki1bi4 bi3tĩ3 nĩ1nda3kã'3ã4 ndi3se'1e3 sa1nã1 ndu13ku3chi3 yu3bi4 ndu13ku3chi3 ta3yu2 ndo'4o1 tã3 bi3tĩ3 ba42,
tã3 yo'4o4 ba42 nda4a2 ki1bi4 nda4kĩ'3ĩ3 ta3yu2 ndo'4o1 tã3 ndo'4o1 nã1 sa1bi4 yu3ba4 sa1bi4 ndi4 ndo'4o1 ku4u4 nã1 ki3xa2a2ndo4 bi3tĩ3 tã3 xi3kwe4nda2ndo4 ti1xĩ3 ñũ3ũ2
ku3nĩ'3ĩ3ndo4 ku3nda3ka3ndo4 ndi3se'1e3 ndi3sa1nã1 ko14o3 nã1 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1, tã3 yo'4o4 ndu13ndi3chi2yu1 kã'4ã2 nde3e3 ndu13ndi3chi2yu1 kã'4ã2 nda'4bi2yu1
yo'4o4 nĩ1ki3xa2a2 ndo3so4 yu'1u1 kã'4ã2 nde3e3 kã'4ã2 si4ti24 yu'1u1 kã'4ã2 nde3e3 kã'4ã2 nda'4bi2, nã1 sa1bi4 ndu13ku3ndu'4u4 nũ14ũ3 yu3ku4
nũ14ũ3 ñũ3ũ2 yu3ku4 San Miguel mĩ4ĩ4 ba42 nda13a3 sa1bi4 [...]
tã3 ndo'4o1 nã1 sa1bi4 [...] ndi4 ndo'4o1 ku4u4 nã1 ndi3xi3 mĩ3ĩ4ndo4 xi3kwe4nda2ndo4 ti1xĩ3 ñũ3ũ2 *patrón** San Franciscu mĩ4ĩ4 ki13xa2a2 ndo'4o1 sa1bi4 su4ku3xa3 sa1bi4 sa4kwa'3nũ3 ku3nĩ'3ĩ3ndo4 ku3nda3ka3ndo4 se'1e3 sa1nã1
tã3 yo'4o4 ndu13ndi3chi2yu1 kã'4ã2 nde3e3 ndu13ndi3chi2yu1 kã'4ã2 si4ti24 yu'1u1 xa'1a4 ndi3se'1e3, ki13xa2a2 ndo'4o1 nã1 sa1bi4 ndu13ku3ndu'4u4 ji1nĩ4 yu3ku4, yu3ku4 Kã3to42 bi3tĩ3 ki3xi3 mĩ3ĩ4 ndo'4o1 nã1 sa1bi4 yu3ba4 sa1bi4 si'3i4 yo'4o4 ndi13xa2a2 mĩ3ĩ4 ndo'4o1 yo'4o4 ndu13ndi3chi2yu1 kã'4ã2 nde3e3 [...]
ndi3sa3a4 be'3e3 yu3ku4 ndi3sa3a4 be'3e3 ndu3ta4 tã3 yo'4o4 ba42 nĩ1ki3xa2a2 ndo3so4 yu'1u1 kã'4ã2 nde3e3 kã'4ã2 si4i4 yu'1u1 nã1 sa1bi4 ndu13ku3ndu'4u4 yu3ku4
yu3ku4 ndo3ko4 tũ14ũ3, tã3 yo'4o4 ki3xi3 mĩ3ĩ4 yo'4o1 sa1bi4 yu3ba4 sa1bi4 si'3i4 [...] ku3nỹũ'3ũ4 ku3nda3kõ4 xi3kwe4ndõ24 ndi3se'1e3 sa1nẽ1
tã42 i4yo2 se'1e3 sa1nẽ1 chi4tu4 ti1xĩ3 ñũ3ũ2 nda1 kwa'1a4 sỹẽ4tu2 ku4u4nã2 ndi3se'1e3 sa1nẽ1 *patrón** San Franciscu tã3 ndi4 ko14o3 nã1 ya1nĩ3 jĩ'4ĩ4 ki3ti4 ko14o3 nã1 ya1nĩ3 jĩ'4ĩ4 kwe'1e1 xi3kwe4ndõ24nã2 ku3nỹũ'3ũ4 ku3nda3kõ4nã3.
Bi3tĩ3 ba42 yo'4o4 nĩ1ki3xa2a2 [...] yu'3u4 *mesa** mã'14ñũ3 ti1xĩ3 be3..., be'3e3 ka'4nũ3 be'3e3 ya3a3 mĩ4ĩ4 ba42 ki13xa2a2 ta1 ko4ndo3 *comisario**
tã3 ya1 yo'4o4 ba42 ya1 nũ14ũ3 i4xa3 ta1 ko4ndo3 ta1 ko4ndo3 *comisario** tã3 bi3tĩ3 ba42 ta13tu2u2ra1 tũ'1ũ3 ta1chi4 yu'1u1 ki13xa2a2 ndo3so4 yu'1u1 kã'4ã2 nde3e3 kã'4ã2 nda'4bi2yu1
tã3 ndo'4o1 ku4u4 nã1 xi4nĩ2 ndo'4o1 ku4u4 nã1 xi4to3 ndo'4o1 ku4u4 nã1 xi4kwe4nda2 tã3 bi3tĩ3 ba42 ku3nỹũ'3ũ4 ku3nda3kõ4 ndi3se'1e3 ndi3sa1nã1
tã3 yo'4o4 nĩ1ki3xa2a2 ndo3so4 yu'1u1 nã1 sa1bi4 ndu13ku3ndu'4u4 yu3ku4 Ti1ka4ka3 tã3 bi3tĩ3 ndi3xi3 mĩ3ĩ4 yo'4o1 sa1bi4 yu3ba4 sa1bi4 si'3i4 [...] xi3kwe4ndõ24 se'1e3 sa1nẽ1
nã1 sa1bi4 su4ku3xa3 sa1bi4 sa4kwa'3nũ3 mĩ4ĩ4 ka4ndi3ka2 ti4 ñũ3ũ2 nda4ku3nã3.
ku3nỹũ'3ũ4 ku3nda3kõ4ri4 xi3kwe4ndõ24ri4 ti1xĩ3 *corona zapatu**ũ4 ñã1ã4 ku3mĩ3ĩ4 ndo3sõ4ri4 ko1to1 ya14nĩ13ri4 ki3ti4 ko1to1 ya14nĩ13ri4 kwe'1e1 a1chi1 ndi4 mĩ4ĩ4 xi4ka3 ta1 ndi4so3 [...] nã4 ku1nda'1a3 i3nga2 be'3e3 yu3ku4 [...] nã4 ku1nda'1a3 ku3xi3yo3ri4 a1chi1 ndi4
ka4nda3ba3ri4 i3chi4 ka4nda3ba3ri4 [...] i1yo3 sa4nã1ã4 sa4nda'1ba1ra1 ti4 ñũ3ũ2 nda4ku3 se'1e3 sa1nẽ1 nã4 ku1nda'1a3 ku3xi3yo3ri4 i3nga2 be'3e3 yu3ku4 i3nga2 be3..., be'3e3 yu3ku4 be'3e3 mĩ4ĩ4 ba42 ko14o3 xi4ka3 mĩ4ĩ4 [...] i3kã4 nã4 ku1nda'1a3 xi3yo3ri4 ko1to1 ka14nda3ba3ri4 i3chi4 ka14nda3ba3ri4 a1chi1 ndi4
xi4ka3nĩ42 ta1 i1nĩ4 ta1 chi1tũ3 mĩ4ĩ4 xi4ka3 ta1 ta4ba4ri4 tã3 nã4 ka14nda3ba3ri4 be'3e3 yu3ku4 ka14nda3ba3ri4 be'3e3 ndu3ta4 a1chi1 ndi4
kwa'1a4nĩ42 ti1xĩ3 ñũ3ũ2 *patrón** ka4ndi3ka2 ta1 i1nĩ4 ta1 chi1tũ3 ta4ba4ra2 ti4 ñũ3ũ2 nda4ku3 ndi3se'1e3 sa1nã1 ku4nĩ2nã1 nã1ã4nã2 nda'1ba1nã1 ndi3se'1e3 ndi3sa1nã1 ti1xĩ3 ñũ3ũ2
tã3 ndi4 ko14o3 nã1 nã1ã4 ko14o3 nã1 nda'1ba1 i4yo2 ta4ku1nã1 nda1 kwa'1a4 sỹẽ4tu2 ku4u4nã2 i4yo2 ta4ku1nã1 [...] nda1 ji1nũ3 kwi1ya1
tã3 yo'4o4 ba42 ndu13ku3chi3 yu3bi4 ndu13ku3chi3 ta3yu2 ndo'4o1, ndo'4o1 nã1 sa1bi4 yu3ba4 sa1bi4 si'3i4 nĩ1ki3xa2a2 ndo3so4 yu'1u1
i3kã4 ki13xa2a2 ndo3so4 yu'1u1 nã1 sa1bi4 ndu13ku3ndu'4u4 yu3ku4 sa1bi4 ndi3ki4ri4 tã3 ki3xa2a2 mĩ3ĩ4 yo'4o1 sa1bi4 yu3ba4 sa1bi4 si'3i4 yo'4o4 ki13xa2a2 ndo3so4 yu'1u1 tã3 bi3tĩ3 ba42 ndi3xỹũ4 xi3kwe4ndõ24 ti1xĩ3 ñũ3ũ2
ndo'4o1 nã1 sa1bi4 ndu13ku3ndu'4u4 yu3ku4 ñũ'3ũ4 ya3a3 bi3tĩ3 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ndi3se'1e3 sa1nẽ1 ndo'4o1 nã1 sa1bi4 ndu13ku3ndu'4u4 yu3ku4 ti1ndi1i4 bi3tĩ3 ndi3xa2a2 ndo'4o1 yo'4o4 ndu13ndi3chi2 kã'4ã2 nde3e3 ndu13ndi3chi2 kã'4ã2 nda'4bi2 ndo'4o1 ku4u4 nã1 ki3xa2a2ndo4 ti1xĩ3 ñũ3ũ2
ndo'4o1 nã1 sa1bi4 su4ku3xa3 sa1bi4 sa4kwa'3nũ3 ku3nĩ'3ĩ3ndo4 ku3nda3ka3ndo4 xi3kwe4nda2ndo4 se'1e3 sa1nẽ1 a1chi1 yo'4o4 nĩ1ki3xa2a2 ndo3so4 yu'1u1, ya1 yo'4o4 ba42,
kã'4ã2yu1 xa'1a4 ñã4 ñũ3ũ2 ta1 ñũ3ũ2, tĩ3ĩ3 mĩ3ĩ4 ndo'4o1 nã1 sa1bi4 yu3ba4 sa1bi4 si'3i4 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ndi3se'1e3 sa1nẽ1
tã3 bi3tĩ3 ba42 ndu13ndi3chi2yu1, yo'4o4 ba42 ku3nĩ'3ĩ3ndo4 xi3kwe4nda2ndo4 ndi3se'1e3 ndi3sa1nã1 ko14o3 tu1nĩ1õ3ko4 ba1xi3 be'3e3 ka'4nũ3 ko14o3 ti1nda3ku4 ba1xi3 be'3e3 ka'4nũ3 ko14o3 sa3yu2 ba1xi3 be'3e3 ka'4nũ3 nã4 ku1nda'1a3 ku3xi3ywa2,
nã4 nda3nde3e3 ki3ti4 nã4 nda3nde3e3 kwe'1e1 ku1nw̃ã'1ã42 bya'3a2 si'4i2 be'3e3 ka'4nũ3 ti1xĩ3 ya1 ko4ndo3 *purgatorio** mĩ4ĩ4 ba42 ta'4nda1 tu4nĩ1 ba1xi3 ki1bi4 ba1xi3
nda'3a4 mĩ3ĩ4 *padre señor potente** ta1 nĩ1kã'1ã1 [...] i3kã4 [...]
i3kã4 ñũ'4ũ4 nã1 *ánima** yu3ba4 *ánima** si'3i4 nã1 ku3nĩ'3ĩ3 nã1, ta1 nĩ1kã'1ã1 ta1 nĩ1nda3tũ'4ũ4 ta1 nĩ1xi3kwe4nda2
ta1 nĩ1kã'1ã1 xa'1a4 ñã4 ñũ3ũ2 ta1 ñũ3ũ2 ta1 nã3nĩ4 José Severiano nĩ1kã'1ã1 ndo3so4ra2 xa'1a4 ñã4 ñũ3ũ2 ta1 ñũ3ũ2 ta1 nĩ1kã'1ã1 xa'1a4
ta1 jã'1ã1 nĩ1xi3kwa'4a4 xa'1a4 *mesa** ku4u4ra2 ta1 kã4 ku4u4 ta1 nĩ1kã'1ã1 xa'1a4 ñũ3ũ2 tã3 kwa1nũ'1ũ4ra2 ko4ndo3 *purgatorio** tĩ3 i3kã4 ba42 xi3kwe4nda2ra1 nã4 ku3ndi3chi2ra1 xi3kwe4nda2ra1
ta1 ku3nĩ'3ĩ3 ta1 ku3nda3ka3 ku4u4 ta1 kã4, sa3kã4 ta1 nã3nĩ4 *señor** José Joaquín de la Cru ta1 nĩ1kã'1ã1 xa'1a4 ñã4 ñũ3ũ2 ta1 ñũ3ũ2 ku4u4 ta1 kã4 nĩ1xã'1ã1 ta1 kã4 nĩ1kã'1ã1ra1 tã3 nã4 ku3ndi3chi2 ta1 kã4 kã'1ã1ra1 ndi4
nda4kã1nĩ42 ki1bi4 nda4kã1nĩ42 kwi1ya1 to4to2 ki1bi4 ta1 ku3ndi3chi2 kã'1ã1 kwa1chi3 ku4u4ra2,
nã1 kã4 ku4u4 nã1 ndi4ta3 mã'14ñũ3 ko4ndo3 *purgatorio** xi3kwe4nda2nã1 ye'14e4 ya1 ko4ndo3 *purgatorio** nda4kã1nĩ42 nã4 kwi3ta3nã2 ka1kã1nã1 ki1bi4, i3kã4 ba42 nda3xa2a2 tũ'1ũ3 nda3xa2a2 ta1chi4 yu'1u1 nã1 kã4 ku4u4 nã1 ja4ndi'1bi3 tũ'1ũ3 ja4ndi'1bi3 ta1chi4 yu'1u1 a1chi1 ndi4
nã1 kã'1ã1, nĩ1kã'1ã1 nde3e3 ya1 si4ti24 nĩ1kã'1ã1, nĩ1kã'1ã1 nda'4bi2 ku4u4 nã1 kã4 a1chi1 ko14o3 ya1 i1nĩ4 ko14o3 ya1 chi1tũ3 nĩ4i3xa3nã2 ndi4 nã1 kã4 ndi4 nã1 nĩ1kã'1ã1 ba'1a3 ku4u4 nã1 kã4 xa'1a4 ñã4 ñũ3ũ2 ta1 ñũ3ũ2 tã3 ndo'4o1 ku4u4 nã1 ndi3kwe3ta3 ndo'4o1
xo3kwe4nda2ndo4 ti1xĩ3 ñũ3ũ2 *patrón** San Franciscu tã3 ndo'4o1 ku4u4nã2 xo3kwe4nda2ndo4
kwa'14a13ndo4 ki3xi3 ki3ti4 kwa'14a13ndo4 ki3xi3 kwe'1e1 kwa'14a13ndo4 ki3xi3 ya1 ba'14a4 ti1xĩ3 ñũ3ũ2 a1chi1 ndi4 nã4,
nda1 so'3o3 i4yo2 ta1 i1nĩ4 ta1 chi1tũ3 nã4 kwa14a2 ka3nda3ba3 ti1xĩ3 ñũ3ũ2 a1chi1 ndi4 yo'4o4 nĩ1ki3xa2a2 ndo3so4 yu'1u1, yo'4o4 ko4ndo3 tũ'1ũ3 yu'1u1 yo'4o4 ko4ndo3 ta1chi4 yu'1u1
tã3 yo'4o4 nĩ1ki3xa2a2 ndo3so4 yu'1u1 nã1 sa1bi4 ndu13ku3ndu'4u4 yu3ku4, yu3ku4 ti4ndu4 bi3tĩ3 nĩ1ki3xa2a2 ndo'4o1 nã1 sa1bi4 yu3ba4 sa1bi4 si'3i4 i3kã4 nĩ1ki3xa2a2 ndo'4o1
ndo'4o1 nã1 sa1bi4 ndu3..., ndu13ku3ndu'4u4 tu1ñũ'4ũ2 tũ14ũ3 bi3tĩ3 ndi3xi3 mĩ3ĩ4 ndo'4o1 nã1 sa1bi4 yu3ba4 sa1bi4 si'3i4 nĩ1ki3xa2a2 ndo'4o1 bi3tĩ3 nã1 sa1bi4 ndu13ku3ndu'4u4 yu3ku4 Ndyo'3o3 ki3xi3 mĩ3ĩ4 ndo'4o1 ndi3xa2a2ndo4 ti1xĩ3 ñũ3ũ2
ndo'4o1 nã1 sa1bi4 ndu13ku3ndu'4u4 yu3ku4, yu3ku4 *toro** bi3tĩ3 ndi3xi3 mĩ3ĩ4 ndo'4o1 ti1xĩ3 ñũ3ũ2
nã1 sa1bi4 ndu13ku3ndu'4u4 yu3ku4 ñũ'1ũ3 bi3tĩ3 ki3xa2a2 mĩ3ĩ4 ndo'4o1 ti1xĩ3 ñũ3ũ2 *patrón** San Franciscu, nã1 sa1bi4 ndu13ku3ndu'4u4 yu3ku4 Ti4 ñũ4
tã3 ndo'4o1 ku4u4 nã1 i4yo2ndo4 ti1xĩ3 ñũ3ũ2 *patrón** San Franciscu nã1 sa1bi4 ndu13ku3ndu'4u4 yu3ku4 Ti1ndo4o24 tã3 nĩ1ki3xa2a2 ndo'4o1 nã1 sa1bi4 ndu13ku3ndu'4u4 yu3ku4 Santu tã3 yo'4o4 nĩ1ki3xa2a2 ndo'4o1
ti1xĩ3 ñũ3ũ2nã1 xi3kwe4nda2ndo4 yo'4o4 i4yo2 yu3bi4 yo'4o4 i4yo2 ta3yu2 ndo'4o1 tã3 yo'4o4 nĩ1chi3ndu'4u4 ta1 ko4ndo3 *comisario**, chi13ndu'4u4ra2 *cincuenta pesu** ba3 ñã1,
u1bi1 xi3ko3 u1xi1 *pesu** ba42 ñã1 nĩ1chi3ndu'4u4ra2 ko4ndo3 ndi3ka2bi4ko4 ndo'4o1 ya1 kwa4a2 i4xa3 mã1nĩ4ra2 ndi3kĩ'3ĩ3 ndo'4o1 ku1nũ'1ũ4 ndo'4o1 be'3e3 ka'4nũ3 xi3kwe4nda2ndo4 ku3nĩ'3ĩ3ndo4 ku3nda3ka3ndo4 ndi3se'1e3 ndi3sa1nã1
tã3 bi3tĩ3 yo'4o4 i4yo2, yo'4o4 i4ywa2 ka3xi4ndo4 ndo13ko1o3 ko'1o4 ndo13ko1o3 ya3xĩ4 ndo'4o1 bi3tĩ3 tã3 ndo'4o1 ku4u4 nã1 ku3nĩ'3ĩ3ndo4 ku3nda3ka3ndo4 xi3kwe4nda2ndo4 ndi3se'1e3 ndi3sa1nã1
tã3 yo'4o4 ba42 ndu13ndi3chi2yu1 kã'4ã2 nde3e3 kã'4ã2 nda'4bi2yu1 xa'1a4 ndi3sa1nã1 tã3 bi3tĩ3 ba42 ya1 yo'4o4 ko4ndo3 tũ'1ũ3 ko4ndo3 ta1chi4 yu'1u1 mĩ4ĩ4 ku3mã1nĩ4 tũ'1ũ3 mĩ4ĩ4 ku3mã1nĩ4 ta1chi4 tã3 ndo'4o1 ku4u4 nã1 sa4ndi'1bi3 tũ'1ũ3 sa4ndi'1bi3 ta1chi4 yu'1u1 ndo'4o1 ku4u4 nã1 nĩ1kã'1ã1 nĩ1nda3tũ'4ũ4
nĩ1kã'1ã1 xa'1a4 ñã4 ñũ3ũ2 ta1 ñũ3ũ2 ku4u4 ndo'4o1 nĩ1kã'1ã1 ndo'4o1 xa'1a4 *mesa** ta1 chi4ñũ3 tã3 nĩ1kã'1ã1ndo4 mã'14ñũ3 ti1xĩ3 yu14kũ3 nĩ1kã'1ã1ndo4
nda13kwa'1a3ndo4 ya1 ko4ndo3 *rosariu** nda'3a4 *señor patrón** San Franciscu nĩ1kã'1ã1ndo4 [...] mĩ4ĩ4 ba1xi3 ndo3swa42,
tã3 bi3tĩ3 ndi4 ya1 yo'4o4 ba42 kã'4ã2, nĩ1kã'1ã1 ta1 ko4ndo3 *comisario** tã3 yo'4o4 ba42 nĩ1ki3xe2e2, bi3tĩ3 ba42 xi1nũ3 ki1bi4 xi1nũ3 o4ra2 xi1nũ3 u1xi1 u1nĩ1 ki1bi4 nĩ1xi1ka3 yu'1u1 kã'1ã1 nde3e3 kã'1ã1 si4ti24 yu'1u1 kã'1ã1 nde3e3 kã'1ã1 nda'4bi2yu1 jĩ'4ĩ4ndo4
tã3 yo'4o4 ba42 ndu13ku3chi3 yu3bi4 ndu13ku3chi3 ta3yu2 ndo'4o1, yo'4o4 ba42 ndu13ku4nẽ2 ya1 ka3xi4 ndo'4o1 ndu13ku4nẽ2 ku3xi3 ndo'4o1 ndo13ko1o3 si'1ba1 ndo'4o1 ndo13ko1o3 is1ta4 ku3xi3 ndo'4o1 ndo13ko1o3 ko'1o4 ndo'4o1
nda13ndu3ku4nã2 ya'1bi1 i1i4 ya'1bi1 xa4ku1 ba3 nĩ1ndi3kĩ'3ĩ3 ndo'4o1 ya'1bi1 i1i4 ya'1bi1 xi4ta3 ba3 ndi13kĩ'3ĩ3 ndo'4o1 ya1 kã4 ba3 ndi13kĩ'3ĩ3 ndo'4o1
ya1 ko4ndo3 ya'1bi1 i1i4 ya'1bi1 xi4ta3 kã4 ndi4 ya1 ko4ndo3, ya1 ko4ndo3, ya1 ko4ndo3 nĩ1ĩ4 ti1xu'4u4 ba42 kã4 ya1 ko4ndo3 nĩ1ĩ4 tỹũ1ũ4 ba42 kã4 ndu13ku4nẽ2,
ya1 kã4 ba42 ka4nã3 i3nĩ2 ta1 chi4ñũ3 sa14ya'1a3ra2 nda'3a4 ndo'4o1 ndi3kĩ'3ĩ3 ndo'4o1 nã1, bi3tĩ3 ndi3kĩ'3ĩ3ndo4 kũ'1ũ1ndo4 be'3e3 ka'4nũ3
tã3 ya1 yo'4o4 ba42 nda4kã1nĩ42 [...] tã3 yo'4o4 ba42 nĩ1xi3kwi1ta3 yu'1u1 jỹã'4ã2 ko4ndo3 tu1nĩ4nĩ2 ya1 kwa4a2 kã'4ã2yu1 xa'1a4 ñã4 ñũ3ũ2 ta1 ñũ3ũ2 tã3 bi3tĩ3 yo'4o4 ku3ndi3chi2ndo4 xo3kwe4nda2ndo4 ndi3se'1e3 ndi3sa1nã1
ka'4nũ3nĩ42 ki1bi4 o4ra2 bi3tĩ3 nĩ1ki3xa2a2 ndo3so4 yu'1u1, nũ14ũ3 ñũ'3ũ4 [...] tã3 bi3tĩ3 ba42 xi3kwe4nda2ndo4 be'3e3 yu3ku4, sa3kã4 mĩ3ĩ4 ndo'4o1 nã1 *ánima** ka4ndi3ka2 be'3e3 yu3ku4 ka4ndi3ka2 be'3e3 ndu3ta4
nda1 mĩ4ĩ4 i4yo2, kwã'1ã1 ndi3se'1e3 ndi3sa1nã1 ndo'4o1 ku4u4 nã1 kũ'1ũ1 [...] ka4ndi3ka2 ...
ta1 ku4nĩ2 sa4nã1ã4 ya3nĩ2 tã'4ã4 tã3 nã4 ku1nda'1a3 ku3xi3yo3ra2 a1chi1 ndi4 ta1 kã4 ndi4 nã4 nã14ã14 ya3nĩ2 tã'4ã4ra2 a1chi1 ndi4 ko14o3 kwa1chya32 ko14o3 chỹũ3ũ3 i4xe2,
tĩ4ĩ4ra2 kwa1chi3 ... a1chi1 yo'4o4 ba42 ka4ndi3ke2 kã'4ã2 nda'4bi2yu1 yo'4o4 ba42 ndu13ndi3chi2 kã'4ã2 nde3e3 kã'4ã2 si4ti24 yu'1u1 xĩ'4ĩ4 ndo'4o1
nã1 *ánima** yu3ba4 nã1 si'3i4. ya1kã3, ya1 yo'4o4 ba42 nĩ1kã'1ã1 ndo3so4 yu'1u1 xa'1a4 *mesa**. yo'4o4 ba42 nĩ1ndya'3a3.
Mm, ya1 ka1a3 ba42 kã'4ã2nã1 ya1 kwe4nda2 ñã1, ñã1, xa'1a4 ya1 ki3xa2a2 ya1 jĩ'4ĩ4 ta1 chi4ñũ3 ya1 kwa'4a4 xa'1a4 *mesa** rã4.
ya1 kwa'4a4 xa'1a4 *mesa** xa'1a4 ñũ3ũ2 rã4, tã3 yo'4o4 ba42 kũ'1ũ1 tu3ku3 i3nge2 ya1 kwe4nda2 ñã1 tẽ42 ka4chỹũ24 mĩ3tỹũ'4ũ4 kwe4nda2 nũ14ũ3 sa1bi4 rã4.
O4ra2 ya1 kũ'1ũ1nã1 ji1nĩ4 yu3ku4 rã4.
ya1 yo'4o4 ba42 ya1 nĩ1ja3chỹũ4ũ4, ja3chỹũ4ũ4 xa'1a4 *mesa** ya1 kã'4ã2nã1 ja3chỹũ4ũ4 rã4.
Ti1xĩ3 be'3e3 chi4ñũ3 ba42 yo'4o4 rã4.
Tã3 ya1 kwe4nda2 kwã'1ã1nã1 nũ14ũ3 sa1bi4 ndi4 a1su3 nda1 kã4 i4xi4ta3nẽ2 tã3, ya1 México ka4chyo24 kã4 rã4, mã'14ñũ3 ñũ3ũ2 Ko'14yo1 ka4chi2nã1 jỹã'4ã2 tũ'1ũ3 i4sa1bi4 rã4.
Tã3 i3kã4 tã3 ba1xi3 tu3ku3nã2 ta4bi1nã1 yu3ku4 ka1a3 tã3 tã42 i4yo2 yu3ku4 nda4ji4ta3nã2 tã3 kã'4ã2nã1 jĩ'4ĩ4 sa1bi4 kã4.
ya1 kã4 ba42 kẽ'1ẽ1 ndi4 ya1 kwa4a2 ya1 ja13chỹũ4ũ4 ja'1a4 *mesa** ba42 yo'4o4 rã4 sa3kã4 i4yo2 mĩ3ĩ4 be2 ka1a3 rã4.
ya1 kã4 ba42 ñã1 ndi4, ñã1 ko4ndo3 a1chi1 ndi4 tã'14ã2 ye'1e32 ka1a3 rã4, tã'14ã2 ye'1e32 ka1a3 ndi4 ya1 ka1a3 ba42 nĩ1kwa'3a3 ja'1a4 *mesa** ndi4, ya1 kã4 ba42 ndi4 ka4xi3 nĩ1kẽ'1ẽ1 mĩ3tỹũ'4ũ4 rã4.
a1chi1 ndi4 nã4 ka4xi3 kã'1ã1 yo4o4 sa3kã4 ndi4 xi4nĩ3 so'1o3ndo4 kwi3i3 nda3ndya3a32 rã4, a1chi1 ndi4 bi3tĩ3 ba42 kã'4ã2yu1 rã4
i3tã2ã2 i3sa42 ndi4 ta1 ku3u2 ba3 ku4u4 yu'1u1 rã4 ji14ndyo24 sa1a3 tyem4pu2 ba1xi3 byo4. Ahá, ya1 kã4 ba42 ndi4,
ji14ndyo24 sa1a3 ka4chi2 yu3ba4 yo4o4 ndi4chi2 nĩ1nũ3, i4yo2nĩ42 tu3 nã1 chi1tũ3 ba3 nã4 a3se2 i1nĩ4 a3se2 chi1tũ3 jyo'4o4 tã3 ndi4
tã3 ndi4 ya1 ka1a3 ko4ndo3 tũ'1ũ3 ka4xi3 kã'1ã1 yo4o4 tã3 sa3kã4 ndi4 ya1 kã4 kwi3i3 kã'1ã1ndo4 tã3
tã3 ya1 ka1a3 kwi3i3 ku3nĩ3 kwa4chi3 nã'4nũ3 nã4tu2 ya1 ya'1a3, a1chi1 ndi4 yu'3u4 *internet** ye'4e132 yo'4o4 tã3
tã3 kwi3i3 nda3ta3ba4ndwa42 tã3 kwi3i3 tã42 kã'4ã2 ta1 [...] yo'4o4 mĩ3tỹũ'4ũ4 ndi4 kwi3i3 kw̃ã'1ã1 *biblioteca** ka4chi2ra1 tã3 ya1 ba1...,
nĩ3 u1bi1 sỹẽ4tu2 nĩ3 u1nĩ1 sỹẽ4tu2 nĩ3 ũ'1ũ1 sỹẽ4tu2 kwi1ya1 ya'1a3 tã3 ya1 ka1a3 ndi4 ya1 ndo4o13 ba'1a3 ba43,
ndo4o13 ba'1a3 ba43, ya1 kã4 ba42 ndi4 ya1 ka1a3 ba42 xi4nw̃ã2 kwẽ'1ẽ1 rã4, yo4o4 nã1 i4sa1bi4 ndi4 ba143 i4yo2 ndi'3i3 tũ'1ũ3 yo4o4 ndi4
a1chi1 ki13xi3 yo4o4 jĩ'4ĩ4 tu1nĩ4nĩ2 yo'4o4 ndi4 i4sa1bi4nĩ42 nã1 ta4u3nĩ2 yu3ba4 syo'3o4 kwi14i3 kã'1ã1nã1 tu1sã'4ã4
bi3tĩ3 ndi4 xa13ko1o3nĩ42 *escuela** bi3tĩ3 ndi4 ba4li4 ba4li4 nã1kwa4chi3 tã3 ja1 kã'4ã2nã1 tu1sã'4ã4 tĩ3, tã3 kwã'1ã1 ndi4 sa4ndi'3i3nã2 xa'1a4 tu1sã'4ã4 ka3chi2nã1 tã3
tã3 tu3..., ya1 ko4ndo3 tũ'1ũ3 i4sa1bi4 [...] ya1 tũ'1ũ3 i4sa1bi4 ndi4 kwi14i3 ndi'3i3 xe'1e42 nã3nĩ2 yo4swa242 ndi4 ya1 kã4 ndi4 ya1 nda4i3ka4 ja3chỹũ4ũ4 ku4u4 be2 kã4 a1chi1 nã1 i4sa1bi4 ku4u4 yo4o4
a1chi1, a1chi1 tyem4pu2 ke4ta3 yu'1u1 kwã'1ã1yu1 ba14a3 yo'4o4 ka4chi2nã1 ndi4, *uta**,ndo'4o1 nã1 Yolo ndi4
nã4 nĩ1xa1a1ndu1 ñũ3ũ2ndo4 ndi4 ti4ka3si2 ndi'3i3 nã1, *tatarabuelo** ye'14e4 ka4chi2nã1 so'3o3
ko14o3 nã1 kwi4i4 kã'1ã1 tu1sã'4ã4 ndi4 nda4si2 ye'14e4 nũ14ũ3ndu2, ¿ã4 sa3kã4 ka1 ka4a4 bi3tĩ3?, ka4chi2nã1. Ba14sa3 kã4 ndi4 a1chi1 ndi4 ko14o3 tu1sã'4ã4 nã1 ndi4 ko14o3 nã1 sã'4ã4 nũ14ũ3nã3.
Tã3 bi3tĩ3 ndi4 ba4lya42 tã3 i1xa43 kẽ'4ẽ2 tu1sã'4ã4 ndi4, ỹã3ã2 ndi4 tã42 ku4u4 yu'1u1 ndi4 i4yo2 se'1e32 rã4 pa4chya'4a2 tã3 xa143 kẽ'4ẽ2 tu1sã'4ã4 jỹã'4ã2 tĩ3
i3kã4 kwã'1ã1 tu3kwa2 *escuela** tĩ3 i3kã4 sa4kwa'3a3 twa2 tu1sã'4ã4 tĩ3 ya1 kã4 ndi4, ya1 kã4 ndi4 ja1 jĩ'4ĩ4 tu1sã'4ã4 kwa1nda3a3 be2 tã3 ndi4
kã'4ã2ndu1 tu1sã'4ã4 jỹã'4ã2 rã4 tã3 kã'4ã2ndu1 tũ'1ũ3 i4sa1bi4 jỹã'4ã2 a1chi1 ndi4 kwi14i3 ndo1o3 ĩ3ĩ3 ta'4bi4 a1chi1 ndi4
nã4 ku3sã'4ã4 tu3kwa2 tã3 ji14nĩ3 swa'1a32 tũ'1ũ3 i4sa1bi4 tĩ3 tũ'1ũ3 i4sa1bi4 ndi4 ya1 ku4mã1nỹã42 ba42 rã4
a1be3, ya1 kã4 ba42 ndi4 kwi14i3 ndo1o3 tũ'1ũ3 i4sa1bi4 ndi4 ya1 kã4 ba42 kã'4ã2yu1 nã4 kwẽ'1ẽ1 ba14a3 a1chi1 ndi4
a1chi1 ndi4 tũ'1ũ3 i4sa1bi4 ndi4 ba143 ĩ3ĩ3 ki1bi4 ndi'3i3 xe'1e42 kã4, yu'1u1 ndi4 xã'1ã1yu1 Chilpancingo jĩ'4ĩ4 nã1 *quinientos años** ka4chi2nã1 ndi4
ba1xi3ndo4 tã3 bi3tĩ3 ndi4 nde4e2 ba42 ka4a4 ti1xĩ3 ñũ3ũ2ndo4, bi3tĩ3 ndi4 nĩ1ki3ta3 tẽ'3ẽ2 tã3
ndo13ko3o4 tẽ'3ẽ2 mĩ4ĩ4 ba42 tã3 ndi4 kwa'1a4 xỹã4ã4 xi1yo3 *reunión** tã3 i3kã4 jã'1ã1yu1 tã3 ka4chi2 ta1 *licenciado** Pedru jĩ'4ĩ2 ndi4
yu'1u1 ndi4 *licenciado** Pedru nã3nĩ42 ndi4, ba1xi3ndo4 ndi4 tã42 ĩ3ĩ3 tã42 ĩ3ĩ3 ñũ3ũ2ndo4, kã'1ã1ndo4 tũ'1ũ3 mĩ3ĩ4ndo4
ya1 ko4ndo3 tũ'1ũ3 i4sa1bi4 tã3, tã3 kã'1ã1ndo4 tu1sã'4ã4 sa3kã4ndi4 ku3nĩ2 nde4e2 ba42 i4yo2 ti1xĩ3 ñũ3ũ2ndo4
sa3kã4 ndi4 ku3nĩ3 tu3 nã1 yo'4o4, nĩ3 swa14a2 kã'3ã3 nũ14ũ3 ba42 ndi4 tã42 i4yo2 ndo'4o1 nã1 ba1xi3 yo'4o4 ndi4 ji14nĩ2 nda4a2 ñũ3ũ2 nĩ1ke3e3ndo4 ndi4 ya1 kã4 ndi4 ya1 nda4i3ka4 ya'1a3 ba42 kã4
ka4chi2 *licenciado** Pedro, ĩ3ĩ3 sa3kã4 sa14ya'1a3ra2 ki1bi4ra3, ã4 nĩ4kã'1ã1ra1 *apellido**ra1 ndi4 nda1 sa3kã4 sa4ye'1e32 tã3 ya1 ko4ndo3 ki1bi4ra2 ndi4 sa3kã4 sa14ya'1a3re3.
ya1 kã4 ba42 ndi4 nĩ1ka3chi2yu1 ndi4, *licenciado**, bi3tĩ3 ndi4, nda13i3so2 nda'3a42 tĩ3, i3kã4 bi3tĩ3 ndi4 nda13i3sõ4 nda'3õ4 tã42 i4yo2 nã1 nda13i3so3 nda'3a4 ndi4kũ2nã1
bi3tĩ3 ndi4 kã'1õ4 nde4e2 ba42 i4yo2 ti1xĩ3 ñũ3ũ24,"yu'1u1 ndi4 ya1 yo'4o4 ku4u4 [...]
ba1xi3ndu2, ba143 ba1xi3 yu'1u1 ku4u2 *loco** ba1xi32 ndi4 ba1xi32 ndi4 ka4chi2nã1 ndi4 nã4 ki3xi3 yu'1u1
ndi4 *reunión** i4yo2 Chilpancingo ka4chi2nã1 so'3o3 tã3 ya1 kã4 ba42 ndi4 nĩ1ka3chi2 jĩ'4ĩ4 yu3ba42 ndi4,"yu3ba42 ndi4 ndo1õ4 ndi4 ku4nĩ2 kũ'1ũ1 tẽ'3ẽ2 Chilpancingo ku3nĩ2 ndi4 tã'14ã2 kũ'1ũ1 tẽ'3ẽ2 Chilpancingo tã3 ku3nĩ2 sa1a3 ka4a4",
tã3 ku3nĩ2 sa1a3 ka4a4 jỹã'4ã2 kã4, sa1a3 ka4a4 ñũ3ũ2 kã4 mĩ4ĩ4 kã'4ã2nã1 ndi4 Chilpancingo xã'4ã1 bõ4 ndi4 nda4a2 chi4ñũ4 sa3kã4 tã3 yu'1u1 ndi4 tã'14ã2 ku3nĩ2 sa1a3 ka4a4 ka4chi2 so'3o3 jĩ'4ĩ4 yu3ba42,
ya1 kã4 nã4 ndo1o3lw̃ã4 i4ndu'3u4 jĩ'4ĩ2 tã3 nã4 kw̃ĩ'1ĩ1 ndi4 sa1a3 ki1bi4 kũ'1ũ1nã1 tã3 ki3xa2a2 ba2, ka3chi2 so'3o3. Ba'1a3 kũ'1ũ4 nã4 sa3kã4.
I3kã4 nĩ1ke3ta2 kwã'1ã1 ba3 yu'1u1 tĩ3, nĩ1xa1a1yu1 ñã1ã4 jĩ'4ĩ4 ta1 mãs4tru2 Nicu, ta1 kã4 ku4u4 ta1 jã'1ã1ndu1 jĩ'4ĩ4, i3kã4
Nicola Peñaira [...], ã4 Remedio ku4u4ra2 sa1a3 nã3nĩ4ra2 ã4, i3kã4 nĩ1xã'1ã1ndu1 i3kã4, i3kã4 nĩ1ke3e3ndu2 xã'1ã1ndu1 *junta** tã42 tã42 ĩ3ĩ3 xỹã4ã4 i3kã4 ka4chi2 ndi4,
¿nde4e2 ba42 ka4a4 ti1xĩ3 ñũ3ũ2ndo4?"*licenciado** ndi4 ya1 ku4u4, ko4ndo3 tũ'1ũ3 i4..., ka4a4 ñũ3ũ2ndu1 ndi4,
tũ'1ũ3 ka3chyo24 jỹã'4ã2 ndi4 kã'4õ24 ndi4 tũ'1ũ3ndu2 nã4 kã'1ã1ndu1 tã3 kã'4ã2ndu1 tũ'1ũ3ndu2 tã3, bi3tĩ3 ndi4 ya1 ka4a4 ti1xĩ3 ñũ3ũ2ndu1 ndi4 nda'4bi2 sa4ka2 ka4a4 ñũ3ũ2ndu1 rã4, i3chi4 kwã'1ã1,
Ni1ko4yu4 ka4chi2 mbyo3o4 kã4 ndi4 ku4nũ1 ta'3bi4 nã4 ja1 kwã'1ã1 *carru** [...] ja13ta3 nda'3a4 *pobre** jã'1ã1nã1 i3chi4 nã1 ñũ3ũ2 xi1yo3 ja13ta3 nda'3a4nã3,
kwe4e2 ku13u3 nĩ1ki'1bi3 *máquina** tĩ3 a1chi1 ndi4 nã1ã4 ka4a4 ya1 yu4bi24 sa3kã4 ndi4 ko14o3 *máquina** ko14o3 ndi4 ja4ta3 nda'3a4 nã1 nda'4bi2 i3chi4 tã3 ja13ta3 nda'3a4nã2,
ñũ3ũ2ndu1 tã3 kya13a2 Salubi tã3, tã3 nĩ1xe1e1 Yolo tã3 Yolo tã3 nĩ1xe1e1 kwẽ'1ẽ1 Cuana ndi4 ja13ta3 nda'3a4 nã1 nda'4bi2 tã3
o4ra2 kwã'1ã1 *carru** ndi4 kũ4ũ4 sa1bi4 tã3 nda4ka3a4rũ4 kwã'1ã1 ki1ta3rũ4 ta'3bi4 tã3 i4yu'4bi2 nã1 nda'4bi2
tã3 ya1 kã4 ndi4 ã4 ya1 kwi14i3 ndu3ba'1a3 ba42 kã4 a3sa3 *gobierno** ya1 kã4 ndi4 ya1 kwi3i3 nda3ndu3ba'1a3 ba42 kã4, kwa14a2 ndu3ba'1a3 nũ4mĩ24 nũ4mĩ24 ndi1ku1nda42 ndi4
kwe4e2 kwẽ'1ẽ1 ndi4 ya1 ndu3ba'1a3 ba42 kã4 ya1 kwã'1ã1 xa1a1 ba42 nda3ndi1ta3 ya1 ko4ndo3 xu1xa32 nw̃ã14ã3.
Tã3 nã4 ndu3ba'1a3 nũ14ũ3 i3chi4 ndi4 bi3tĩ3 ba42 ko14o3 ba'1a3 *carru** ndi4 ĩ3ĩ3 u1bi1rũ4 xi4ka3 tã3 kwã'1ã1 ku3nã'3ã4 *con** tyem4pu2 ndi4 nda3ko1o3 *carru** ka3ka3nã3,
a1chi1 ndi4 kwe4e2 ku4u4 tã3 xa3ko1o3, ka3ko1o3 xũ'14ũ4 nã1 nda'4bi2 tã3 ja3ta4nã2 *carru** tã3 nã4, nã4 ndu3ba'1a3 nĩ3 i3chi4 ka1a3 a1chi1 ndi4 nda'4bi2nĩ42 ka4a4 ñũ3ũ2ndu1
ñũ3ũ2ndu1 ndi4 i3kã4 ndi4 ñũ3ũ2 chi'4i4nã2 nũ1nĩ4 ba42 kã4 chi'4i4nã2 ndu3chi4, chi'4i4nẽ3,
kwã'1ã1 nã1 nda'4bi2 chi'4i4nã2 tĩ3 ji4tu3nã2 tyem4pu2 agosto tĩ3 ndi'13i3 chi4ñũ3 ka1 agosto tã3 ki13xa3a4nã2 xi4tu3nã2 tĩ3 xa143 ja'4nda2nã1 ku'1u1 tĩ3
xa143 mĩ4ĩ4 ja'13nda2nã1 nũ14ũ3 tĩ3 ja143 nĩ1sa4tu3u4nã2 mĩ'14ĩ4 tĩ3
tã3 chi4ka2nã1 ñũ'3ũ2 o4ra2 nĩ1twa3a42 nĩ1nũ1 tĩ3 mĩ4ĩ4 ba'1a3 ka4a4 ko3kwa2 tĩ3 nĩ1tỹã1ã32 tĩ3 xa'4mĩ3nẽ2 tĩ3 sa4tu3u4 nda4tu3u4nẽ2 kwẽ'1ẽ1 tĩ3 sa3kã4 ndi'3i3 ku4u4nã2,
ja4ta2 ndi'3i3nã2 mĩ'14ĩ4, kwa14a2 xa'4mĩ3nã2 ndi4 ya1 tu4u13 ba42 tã3 mĩ4ĩ4 tỹã4ã132 ba143 ka4a4 kw̃ã'1ã1 i3kã4 ba42 xa'4mĩ3nã2 lwa3a2 tã3 i3kã4 ye'1e32 kwẽ'1ẽ1 tã3
ya1 kã4 ba42 chi'4i4nã2 ndu3chi4 ya1 ko4ndo3 *palanca**, chi'4i4nẽ2 kã4 kwẽ'1ẽ1 nda'4bi2 ku4u4nã2 mĩ4ĩ4 kwa3a2 ku3xi3nã2 ka3nã3 ya1 xi14ko3nã2 ko3ndo3 xũ'14ũ4nã3,
a1chi1 ndi4 nda'4bi2 ka4a4 ñũ3ũ2 rã4 ko14o3 tu1sã'4ã4 kwi4i4 kã'1ã1 *pobre** ndi4
nda'4bi2nĩ42 ka4a4 ti1xĩ3 ñũ3ũ2 ndi4 bi3tĩ3 ba42 xa1 ba4a24 ba4a24 ndo4ko1o3 tã'3ã2 ya1 ko4ndo3 tu1sã'4ã4 ndi4
ke4e4 tã'3ã2 se'1e3ndu2 kwã'1ã1nã1 nda4a2 i3nga2 xỹã4ã4 kwã'1ã1nã1 i3kã4 kĩ'3ĩ3nã2 ñã'3ã4 i3nga2 sã'4ã4 ba3 ñã4 i3nga2 ñũ3ũ2 ba3
i3kã4 kĩ'4ĩ4nã2ñã4 tã3 nda4xa2a2nã1 ñũ3ũ2 tã3 i3kã4 ba42 ndi4 xa1 ku4sã'4ã4 nã1kwa4chi3 ndi4 nda1 bi3tĩ3 tã3 tyem4pu2 nĩ1ki3xi3ndu2 jỹã'4ã2 mĩ4ĩ4 ki13xi3nã2,
nã1 ta4u3nĩ2 xi1i4ndu2 is1tã4ndu2 yu3ba4ndu2 si'3i4ndu2 i4sa1bi4nã2 ko14o3 tu1sã'4ã4 kwi4i4 kã'1ã1nã1 jĩ'4ĩ4ndu2 ndi4 nda'4bi2 sa4ka2 i4yo2 nã1 nda'4bi2
tã3 ja4chỹũ4ũ4nã2 ndi4 nũ1nĩ4 ndu3chi4 ja4chỹũ4ũ4nã2 ya1 kã4 ko4ndo3 *trabajo**nã1chi'4i4nã2 ti1kĩ4 ba3
tã3 nĩ3 ko14o3 nã1 ja4ta24 bi4 ti1kĩ4 ndi4 sa1a3 tã42 ja4xi24 mĩ3ĩ4 *pobre** ndi4 ko14o3 nã1 ja4te243, ndi4 kwe4e2 kwã'1ã1 ndi4 ya1 kã4 ndi4 ti1kĩ4 kã4 ndi4 ya1 kya'3bi13 ba42 kã4 ñã1,
nda3ndo3o3 xw̃ã'14ã2 kã4 ki1bi4 ja3ta4nẽ3, bi3tĩ3 ndi4 ko14o3 kã'4ã2nã1 xe'1e42 ndi4 nũ1nĩ4 ba3 ndu3chi4 ba3 ja4ta24nã2 chi'4i4nã2 tã3
ndu3chi4 tũ14ũ3 ba3 chi'4i4nã2 ndu3chi4 kwa'4a1 ba3 chi'4i4nã2 ndu3chi4 mẽ4ku2 ba3 ya1 kã4 ba3 chi'4i4 nã1 nda'4bi2
ko4ndo3 xũ'14ũ4nã2 o4ra2 ta1nda3a2 tyem4pu2 tĩ3 chi'13i3nẽ2 tĩ3 kwã'1ã1nã1 ta4ba4nã2 ku1ndwa'1a42 xa'4nĩ24nã2 ku1ndwa'1a42 tĩ3
xi4ka3nã2 nda4a2nẽ2 nã4 ko14o3 ki3ti4 kwã'1ã1 ki'1bi3 ja4xi24rya42 ã4 ko14o3 i3su2 kwã'1ã1 [...], nã4 ji13nĩ2nã1 ndi4 ja4xi24 ki3tya42 tĩ3
chi4kwĩ3ĩ3nã2 tyo1to1 nũ14ũ3 be2 nã4 ka'14nda2ri4 [...] kwã'1ã1nã1 nda4a2nẽ1 ndi4 ba143 ja4xi24 tã'3ã2rya42 ndi4 ndi4ta3 be'1e3.
ya1 kã4 kwã'1ã1 nĩ1chi1chya32 kã4 tĩ3 ja143 tũ'4ũ4nẽ2 tĩ3 ta4tu2u2 tã'3ã2nã1 ĩ3ĩ3 u1bi1 nã1 yu4bi24 nã1 i4yo2 tyem4pu2 tã3 kwã'1ã1nã1
tũ'4ũ4nã2 ndi3chi2 jĩ'4ĩ4 nã1 kã4 ja4chỹũ4ũ4nã2 tĩ3 tũ'4ũ4nã2 ndi3chi2 tã3 ja143 ta'4bya142 kã4 ndi4kwi1kwa42 ba1xya32 ñũ3ũ2
ta4ba4nã2 nda1 u1xi1 *carga** ka1a3 ba3 nã4tu2 chi'13i3nã2 ja1 bi'4i4 nĩ1chi'3i3nã2 ko4ndo3 nũ1nĩ4 ba3 tã3 ndi4
ya1 kã4 ko4ndwa2 ja4chỹũ4ũ4 nã1 nda'4bi2 ko4ndo3 ti1xĩ3 ñũ3ũ2 mĩ4ĩ4 i4yo2ndu1 tã3 ya1 kã4 ba42 ba1xi3 ndo3swa42 tĩ3 ndi4
ti1xĩ3 ñũ3ũ2 Yoloxóchitl ndi4 ya1 kã4 ku4u4 *trabajo** ja4chỹũ4ũ4 nã1 nda'4bi2
bi3tĩ3 ba42 ya1 nĩ1xo3ko1o3 nã1 ko4ndo3 nã1 mãs4tru2 bi3tĩ3 ndi4 nda1 bi3tĩ3 ja143 xa13ko1o3nã2 tã3 ki13xa3a4 kwã'1ã1 ku4sã'4ã4 tã'3ã2 nã1 yu4bi24 ndi4, ndi4 nda1 bi3tĩ3 tã3 tyem4pu2 ki13xi3ndu2 ndi4 yu14bi4 nda'4bi2nĩ42 ka4a4 ba43,
tã3 ndi4 *colonia** ñũ3ũ2ndu1 ndi4 nã3nỹã42 mĩ4ĩ4 ba42 nũ14ũ3 ñũ3ũ2 ndi4 Yoloxóchitl ndi4 i4ndu'3u4 sĩ4ĩ4 *colonia**
i4ndu'3u4 *colonia** ta'4bi4 ñũ3ũ2 nĩ1nũ3 ndi4 Guamúchil ka4chi2nã1 jỹã'4ã3.
Ta'4bi4 mĩ4ĩ4 ke13e3 yu'1u1 ba1xi32 ndi4 Tamarindo ka4chi2nã1 jỹã'4ã2 tã3 kwe4nda2 ka'3a4 ñũ3ũ2 so'3o3 i4ndu'3u4 Buenos Aires tu3ku3
i3kã4 ndi4 ndi4chi2 ĩ3ĩ3 tu1ñũ'4ũ2 tã3 ba1xi3 kwa4a24 ndi4 i4yo2nĩ42 ta1chi4 ndi4 ta1chi4 i4yo2nĩ42
ya1 kã4 nã3nỹã42 *Buenos aires** tã3 ko14o3 ñũ'3ũ2, ã4 ka3nã3 chi3ñũ3 nã1 ko3nde3e3 nã3ã4 sa3kã4 ku4u4 nã1 kã4, tã3 ka4chi2, xi4yo13,
*junta** i4xa3 ta1 ko4ndo3 *comisario** ndi4 sa1a3 ko3o3 jĩ'4ĩ4 nã1 nde4e4 *colonia** ndi4 ko14o3 ñũ'3ũ2 nũ14ũ3 nã1 nda'4bi2 tã3 nã1 ku4nỹã2 nda3ko1o3 ñũ'3ũ2 nũ14ũ3 ku4u4nã2 ka14nã3 chi3ñũ3 ko3o3nã2 sa3kã4
nã4 ko3to3 mĩ3ĩ4nã2 sa1a3 ko3o3 tã3 sa3kã4 ndi4 ndo3ko1o3ñũ'3ũ2 nũ14ũ3nã2 ndi4 ba'1a3 ndi4 ja1 i4yo2 ñũ'3ũ2 ti1xĩ3 ñũ3ũ2 ka4chi2nã1 so'3o3
tã3 kwi14i3 ka3nã3 chỹũ3ũ3 sa3kã4 a1chi1 ndi4 kwi14i3 sa3ñã4 nda'3a4 ta1 chi4ñũ3nã2 a1chi1 ndi4 ta1 chi4ñũ3 ndi4 ta1 ndi'4i13 i3nĩ2 ku4u4 ta1 kã4 ndi4 ko14o3 ñũ'3ũ2 nũ14ũ3nã3.
Tã3 ya1 kã4 ba42 ba1xi3 yu'1u1 tã3 kã'4ã2yu1 jỹũ'4ũ4 tã3, tã3 yo'4o4 ndi4 a3mã3 ka3nã3 chi3ñũ3 sa3kã4 ñũ3ũ2 Guamúchil tã3 Tamarindo tã3 Buenos Aires ndi4 ka14nã3 chi3ñũ3 ko3o3 mỹã3ã42 sa3kã4 ndi4
ñũ'3ũ2 ndi4 ya1 ku4nỹã2 kwa4a3, a1chi1 ndi4 nda'4bi2nĩ42 ka4a4 ti1xĩ3 ñũ3ũ2ndu1 ka4chi2 jĩ'4ĩ4 ta1 *licenciado** kã4
i3kã4 ndi'13i3 tã3 nda13xi3ko'4nỹã2 i3kã4 ndi4, ba'1a3 nã4tu2 sa3kã4 ndi4 nã4tu2 sa3kã4 ba3 i4yo2 ndi4, nda'4bi2 ka4a4 ñũ3ũ2 ndi4 ko14o3 ya1 nde4e2 ba42 ndu4ba'1a3 bi4 ti1xĩ3 ñũ3ũ2 ndi4
nda143 ja4ta3 ta1kwi42 o4ra2 nda13ndi3ta3 sa1bi4 xi4ko14 ñũ'3ũ4 nda4tã3ã4nẽ2 ndu4ba'1a3 ka4i2 mã'14ñũ3 ñũ3ũ2ndu1
ya1 kã4 ba42 ndi4 nda'4bi2nĩ42 ka4a4 ñũ3ũ2ndu1 ndi4 ko14o3 i3chi4 ba'1a3 bi4 ndi4 ñũ'3ũ4 ba42 tĩ3, ya1 kã4 ndi4 kwã'1ã1 *con** tyem4pu2 ndi4 nã4 chi3ka2 ta1 ko4ndo3 *presidente** nde3e4 tã3 chi3ka2 tu3 *gobierno** nde3e4 tã3
kã'1ã1, kã'1ã1ndu1 jĩ'4ĩ4 ta1 ko4ndo3 *comisario** kã4 ndi4 lu3lu3 tã3 sa3kã4 ndi4 chi3nde3e4 tu3ku3 nã1 nda'4bi2
a1chi1 ndi4 ko14o3 ji4nĩ2 sa1a3 ĩ4ĩ4 nũ14ũ3 nã1 ko4ndo3 *candidato** nã4 kwã'1ã1nã1 i3kã4 ndi4 ko14o3 kã'4ã2 jĩ'4ĩ4nã2 ndi4 ĩ3ĩ3 ba'1a3 tã3 xa1a1 ba3, ndi4 ku4nĩ2nã1 chi3ñũ3 ba3
nĩ1xa1a1 ya1 ko4ndo3 *boleta** ndi4 nã4 kũ'1ũ1ndu1 chi3ka2ndu1 nde3e4 jĩ'4ĩ4 ba3ra3, tã3 ndi4 ko14o3 ñã1 ji4nĩ2 sa1a3 ĩ4ĩ4 nũ14ũ3 bi4nã2 ndi4, tã3 bi3tĩ3 ndi4 ja1 i1xa43 ndo4ko1o3nã2 tã3
tã3 mĩ4ĩ4 ba42 tã42 ĩ3ĩ3 tã42 ĩ3ĩ3 *colonia** ndi4 kwã'1ã1nã1 tã3 i3kã4 ba42 ndi4 kwi3i3 kã'1ã1 ba3ndu2 jĩ'4ĩ4nã2 ndi4 nã4 a3sa3nẽ2 ba'1a3 chi3ka2 nde3e4 nde4e2 ku4mã1nỹã42 ti1xĩ3 *colonia** tã3 ti1xĩ3 ñũ3ũ2 ndi4 nã4 chi3nde3e4nã3,
[ka3chi2ndu1 jĩ'4ĩ4nã2] tã3 bi3tĩ3 ndi4 ya1 kã4 ba42 ya1 kã'4ã2yu1 xa'1a4 ka4chi2 jĩ'4ĩ4 ta1 *licenciado** kã4."An3 ba'1a3 nã4tu2 sa3kã4 ndi4,
ya1 kã4 ba42 kã4 nã4tu2 sa3kã4". A1be3 ya1 kã4 ba43. Ba'1a3 nã4tu2 kã4. ya1 kã4 xi13nĩ3 ji1ndyo4si2 kã4. Xa3ku4 ti4 ki1bi4 nĩ1ki3xa2a2ndu1 ñũ3ũ2 ka1a3 tã3 xi1yo3 tu3ku3
*junta** i3kã4 nĩ1ya'1a3 ki1bi42 ka4chi2 ta1 mãs4tru2 Niculá Peñaira ndi4
kã'4ã2ra1 ndi4 ya'1a3 *anuncio** nã4 ta1nda3a2yu1 ndi4 i3kã4 i4yo2 *junta** tã3 *presencia** ñã'1ã3 yu'1u1 ndi4 ya1 ku4nỹã2 kwa4a3, i3kã4 ki13xe2e2 ko4ndo3 *presencia**
i3kã4 ka4chi2, i3kã4 nĩ1ki3xa2a2yu1 nde4ta3 ĩ3ĩ3 u1bi1nã1,"¿An4 ki13xõ2õ4 ta1 ta4u3nĩ2?" Ki13xa2a2 ba2". I3kã4 ndi4chi2 Antoniu
Santiau Ramíre ndi4 ka4chi2ra1, ka4chi2 ta1 mãs4tru2 kã4 jĩ'4ĩ4ra2 ndi4 nde4e2 ku4u4, nde4e2 ku4u4 *manzana** tã3 nde4e2 ku4u4 *croqui** ka4chi2ra1 jĩ'4ĩ4 ta1 kã4, tã3 ta1 ñã1ã4 ndi4 ta1 sã'4ã4 ku4u4 ta1 ñã1ã4 tã3
ji14nĩ2ra1 nde4e2 ku4u4 *manzana** tã3 ji14nĩ2ra1 nde4e2 ku4u4 *croqui**. Tã3 ta1 kã'4ã2 tu1sã'4ã4 kũ4ũ4 ta1 nda4tũ'4ũ4 tu1sã'4ã4 kũ4ũ4 jĩ'4ĩ4 ñã4 sỹũ'4ũ24 tã3 ji14nỹũ24 nde4e2 ba42 kã4 ka4chi2 ta1 mãs4tru2 kã4 jĩ'4ĩ4ra3.
I3kã4 ka4chi2ra1 jĩ'4ĩ2 ndi4,"Don Martín, ¿ã4 xi4nỹũ24 nde4e2 ku4u4 *manzana** tã3 xi4nỹũ24 nde4e2 ku4u4 *croqui**?"Xi4nĩ2ywa1 rã4 mãs4tru2".
"Tã3 kã'1õ4 tã3 ku3nĩ2"."ya1 ko4ndo3 *croqui** rã4, ya1 *croqui** kã4 tã3, tã3 *manzana** ndi4
*cuadro** yo'4o4, yo'4o4 kwã'1ã1 ka4i2 rã4, kwã'1ã1 ka4i2 so'3o3 tã3 kwã'1ã1 ka4i2 so'3o3 tã3, tã3 ya1 ko4ndo3 *manzana** ndi4 sa1a3 nã1 yu4bi24 i4nde4e4 ti1xỹã32 ko4ndo3 *manzana** tã3
tã3 tã42, ya1 ĩ3ĩ3 *cuadro** ya1 kã4 ba42 ko4ndo3 *croqui** rã4". Ji13nỹũ24 ndi4 ta1 i4sa1bi4 ku4u4 ta1 ta4u3nĩ2 ka1a3 tã3 kã'4ã2ra1 ndi4 ji4nĩ2ra1 nde4e2 ba43, tã3 yo'4o1 ta1 sã'4ã4 tu3 kũ4ũ4 tã3 ji14nỹũ24 nde4e2 ba43, ka4chi2 ta1 mãs4tru2 kã4
bi3tĩ3 ndi4 nĩ1ki3xa2a2 ya1 ko4ndo3 chi3ñũ3 ta1 ta4u3nĩ2 ndi4 ba'1a3 ndi4 nĩ14ndo3ko3o4 nda'3õ4 ñũ3ũ2 ndi4 nĩ1kã'1õ4 xa'1a4 ñũ3ũ2 tã3 bi3tĩ3 ndi4
yo'4o4 nĩ1ki3xa2a2 chi3ñũ3 ndi4 kã'4ã2nã1 xã'1õ4 ndi4 nã4 su4ku3nĩ2 yo'4o1 tã3 nda3ka3ỹõ24 nã1 ko4ndo3 *colonia** nã4 ki3xa2a2nã1 tã42 ĩ3ĩ3 tã42 ĩ3ĩ3 *colonia** tã3 sa3kã4 ndi4 ki3xa2a2nã1ndi4 ya'1a3 *anuncio** i13xa2 tã3 [...] ndi3sa4ku4u4 *colonia** tã3
tã3 yo'4o1 ku4u4 ta1 kã'1ã1 jĩ'4ĩ4nã2 tĩ3, tã3 bi3tĩ3 ndi4 tã42 ka4xi3 kẽ'4ẽ2 jĩ'4ĩ4 ta1 yo'4o4 rã4 tã3 kã'4ã2 tu2 jỹũ'4ũ4 tã3 ji4nỹũ24 nde4e2 ku4u4 *croqui** tã3 ¿yo3o3 ku4u4 ta1 nĩ'4ĩ4 *croqui** kã4?, ka4chi2ra1 so'3o3
kwa14a2 nĩ'4ĩ2 mãs4tru2 ndi4 yu'1u1 ndi4, ta1 nỹã'4ã2 ndi4 ta1 ta4u3nĩ2 Alfonso Ramu ta1 yo'4o4 ku4u4 ta1 nĩ'4ĩ4 *croqui** kã4
nã4tu2 ji4nỹũ24 ndi4 nĩ'4ĩ4re2 tã3 kũ'1ũ1 kã'1õ4 jĩ'4ĩ4ra2 sa3kã4 ndi4 nã4 ki3xi3ra2 sa3kã4 ndi4, sa3kã4 ndi4 kã'1ã1 yo4o4 jĩ'4ĩ4ra2 nã4tu2 nĩ'4ĩ4re3. Ba'1a3 ba3, nã4 kw̃ĩ'1ĩ1 kẽ'1ẽ1 jĩ'4ĩ4ra3.
I3kã4 nĩ1xe1e1 kẽ'1ẽ1 jĩ'4ĩ4 ta1 ta4u3nĩ2 Alfonso,"ta1 ta4u3nĩ2 ¿ã4 i4ndu'3ũ4?"."I4ndu'3u4 ba2"."Ta1 ta4u3nĩ2 ndi4 bi3tĩ3 ndi4 chi3ñũ3 nĩ1ki3xa2a2 ndi4
ã4 ka3ndi4xõ4 ã4 ka14ndi4xõ4 yu'1u1 ba3 tã3 ndi4 su14u3 tã42 ta1 xu13xa3 bi4 ku4u4 yu'1u1 ndi4 ta1 xa3ku4 ku4u4 yu'1u1 yo'4o1 ndi4 ta1 ta4u3nĩ2 ku4u4 yo'4o1, bi3tĩ3 ndi4
yo'4o1 ku4u4 ta1 nĩ'4ĩ4 *croqui** rã4, ndi4 ya1 kã4 ba42 ndi4 ku4nĩ2 ku3nĩ2 ndi4 ya1 kã4 ba42 ku4nỹã2.
*Hijo**, ã4 ya1kã3, *croqui** ku4nỹũ24, *croqui**, nĩ'4ĩ4 be2 kwi14i3 ka3chi2 ta3sya'4a2 ndi4 ka1a3 ndi4ke2.
yo'4o1 *muchacho** ku4u4 yo'4o1 *viejo** ku4u4 yu'1u1 tã3 nĩ14xa1a1 i3nĩ2nã1 ku3nĩ2nã1yu1 tã3 ya1 kã4 bi4 kã'4õ24 jĩ'4ĩ2 ndi4 ku4nỹũ24 *croqui** tã3 ndi3ki3tã'4ã4nã3,
bi3tĩ3 ndi4 kũ'1ũ4 jỹã'4ã2 sa3kã4 ndi4 kã'14ã1yu1 jĩ'4ĩ4 nã1 *licenciado** kã4 ndi4 yo'4o1 ku4u4 ta1 nda3kwĩ3ĩ3 yu'3u4nã3.
A1chi1 ndi4 swa14a2 ndi3xa3 ku4u2 ka3chi2 tu3 yo'4o1 tã3 bi3tĩ3 ndi4 yo'4o1 ku4u4 ta1 nda3kwĩ3ĩ3 ndi4 nã1 kã'1ã1ku4u4nã2 bi3tĩ3 ka4chi2 so'3o3 jĩ'4ĩ4ra3.
I3kã4 nĩ1..., ja143 nĩ1kĩ'3ĩ3ra2 ya1 ko4ndo3 *croqui** kã4 tã3 nĩ1xa1a1ra1 nũ14ũ3 ta1 mãs4tru2 ñã1ã4
ja1 nũ4ũ4 tã3 nĩ1nda'1yu1 ba3 *teléfono** i3kã4 nda13kwĩ3ĩ3 ta1 mãs4tru2 Nicu ñã1ã4, yo'4o4 ndi4chi2 ta1 kã'4ã2ndo4 ki1bi4
i3kã4, nã4 ya'1a3ra2, ta1 ya'1a3 ku4u4ra3, i3kã4 ka4chi2 jĩ'4ĩ4 ta1 mãs4tru2 Nicu ndi4,"mãs4tru2 ya'14a13 yu'1u1 ndi4 *señor** Alfonso nã4 ya'1a3 nda3kwĩ3ĩ3 yu'3u4nã3.
I3kã4,"su14u3 ta1 kwi14i3 nda3kwĩ3ĩ3 ku4u2 nda3kwĩ3ĩ3 ba2 yu'3u4nã2 tã3 ndi4
nde4e2 ba42 ji4nĩ2 kã'1ã1yu1 ka3chi2 tu3 ta1 ka1a3 ku4u4ra2 ta1 xu13xa3 tã3 ba'1a3 ta1 ka1a3 ndi4 ta1 xu13xa3 ku4u4ra2 ta1 ta4u3nĩ2 ku4u4ra2 nã4 kã'1ã1 ba3ra2 jĩ'4ĩ4nã2 sa3kã4 ndi4 ka3ndi4xa3ra2 ya1 kwa4a2, ya1 ko4ndo3 tũ'1ũ3 nĩ1kã'1ã1yu1 tã3 bi3tĩ3 ndi4
ku4nĩ2nã1 ya1 ko4ndo3 nã1 *comité** tã42 ĩ3ĩ3 tã42 ĩ3ĩ3 *colonia** ya1 ba'1a3 i4yo2 ku4u4 be2 ndi4 nĩ1ki3xa2a2 chi3ñũ3 tã3
ko14o3 ñã1 nũ4mĩ24 tã3 bi3tĩ3 tã3 ja1 nĩ1tu1u3 nã1 kã4 tã3 ja1 nũ4mĩ24 i3tã2ã2 i3sa42 tã3 ja1 ke3ta3 bya42 ko4ndo3 *trabajo** ndi4 kwe4e2 kwã'1ã1 be2 ka1a3
ka4chi2 so'3o3 jĩ'4ĩ4 ta1 mãs4tru2 i3kã4 ndi4 nĩ1xã'1ã1 *señor** Alfonso nda13kwĩ3ĩ3ra2 yu'3u4 *teléfono** nĩ1kã'1ã1nã1, i3kã4 ka4chi2ra1 ndi4, i3kã4,
yu'1u1 ku4u4 ta1 nda4kwĩ3ĩ3 yu'1u1 ku4u4 ta1 xi4kwe4nda2 ndi4 nĩ1kã'1ã1 *señor** Martín nĩ1ki3xi3ra2 kã'4ã2ra1 jĩ'4ĩ4ndo4 ñã1ã4 tã3 bi3tĩ3 ndi4
ya1 kwa4a2 ku4nĩ2yu1 ndi4 ba143 ka4ndi4xa3 ba'1a3 yu'1u1 ya1 ko4ndo3 tũ'1ũ3 kã'4ã2ra1 tã3
tã3 bi3tĩ3 ndi4 yo'4o4 ka13ndi4xa2 ndi4 ndo'4o1 ku4u4 nã1 kã'4ã2ndo4 ki1bi4ra3, kã'4ã2ndo4 ki1bi4ra2 ndi4 ndo13ko3o4ra2 ki1bi4ra2 ndi4 Martín Severiano Germãnsa3kã4 nã3nĩ4 ba3ra3.
Tã3 kã'4ã2ndo4 ndi4 ta1 ya'1a3 ku4u4ra2 tã3 nĩ14xĩ3ĩ3ra2 ya'1a3ra2 ndi4 nã4 ya'1a32 kẽ'1ẽ1 jĩ'4ĩ4ndo4 ka4chi2ra1 tã3, tã3 bi3tĩ3 ndi4 yo'4o4 ba42 ya'4a132 kẽ'4ẽ2 jĩ'4ĩ4ndo4
ya1kã3, ba'1a3 nã4tu2 sa3kã4, ã4 ñã1ã4 ndi4chi2ra1, ñã1ã4 ndi4chi2ra1."¿An4 ya'1a3ra2 kã'1ã1ra1 jỹũ'4ũ4?" Ba'1a3 ya'1a3 ba3ra3". I3kã4 nĩ1ya'1a32.
I3kã4 ja143 ka4chi2ra2 ndi4,"¿ã4 yo'4o1 ku4u4 ta1 kã'4ã2 jĩ'4ĩ2 *licenciado** Pedru?" yu'1u1 ku4u4 ta1 kã'4ã2 jỹũ'4ũ4"."Bi3tĩ3 ndi4 ja1 yo'4o4 nĩ1kẽ'1ẽ1 jĩ'4ĩ4 *señor** tã3 bi3tĩ3 ndi4,
ya1 ko4ndo3 *trabajo** ndi4 ja1 ndi4 yo'4o4 ndu3ku4ndo4 *comité** sa3kã4 ndi4 kwe4e2 ku3u3 tã3 sa3kã4 ndi4 nda3nde1ta3 ya1 ko4ndo3 ñũ'3ũ2 tã42 ĩ3ĩ3 tã42 ĩ3ĩ3 *colonia** ndi4
mĩ4ĩ4 nda3ndi1ta3 a1chi1 ñũ'3ũ2 ndi4 *colonia Guamúchil** i3kã4 ke1ta3 a1chi1 ñũ'3ũ2 i3kã4 kwe4e2 ku3ndi3kw̃ã2 jĩ'4ĩ4 Tamarindo Buenos Aires i3kã4 ku3ndi3kũ2 kwya4a2".
Ni1ka3chi2 ta1 *licenciado**, bi3tĩ3 ndi4 ndu3ku4ndo4 *comité** nã4, i3kã4 ba42 ja143 nĩ1tu1u3 *comité** tĩ3
i3kã4 ba42 nda13yu'4bi2 i3nĩ2 *señor** Alfonso ndi4,"Ba143 ji4nĩ2 nã4 ta1 kwi3i3 kã'1ã1 bi4 kũ4ũ4 tã3 yo'4o1 ndi4 ta1 nĩ1kwi3i3 nĩ1..., kã'4ã2 kũ4ũ4 nda13..., nda13kwỹũ3ũ4 xa'1a4 ñũ3ũ2
kwi14i3 kã'1ã1 yo'4o1 tu1sã'4ã4 ka4chi2 kã'4ã4 yu'1u1 tã3 yo'4o1 ndi4 ta1 ja4ndu4xa24 kũ4ũ4. Kwi14i3 kã'1ã1yu1 nã4 ka3chi2 nã4 ka3chi2 jỹũ'4ũ4 Alfonso ndi4 ya1 bi4xi1nĩ42 ba42 kã'1ã1 yo4o4 tu1sã'4ã4 ndi4
ka4nĩ'1ĩ3nã2 ndi4 kwa1ku1 nda3a2nã1 yo4o4 tã3 ka4nĩ'1ĩ3nã2 ndi4 xa14a1 i3nĩ2nã1 ku3nĩ2nã1 yo4o4 tã3
yu'1u1 ndi4 kwi14i3 ka3chi2yu1 a3sa3 ñũ4ñũ4 xu4mĩ4nĩ42 kã'1ã1nĩ42yu1 tu1sã'4ã4 bi4 tu3 ndi4 nĩ3 ko14o3 tu1sã'4ã4 nda4tũ'4ũ2 xi4ka3 bi4 tu2 ndi4 tu1nĩ4nĩ2 ku4u4 be2 nã4tu2 ja1 nĩ1kyo3o4 kwe'1e4 a1chi1 ndi4
nã1 kwã'1ã1 chi4nde3e4 ti1xĩ3 ñũ3ũ2 kwe4e4 rã4, tã3 nã4 i3nga2 sa3kã4 *comisión** kũ'1ũ1nã1 tã3 ka3chi2nã1 ndi4 ã4 kũ'1ũ4 jĩ'4ĩ4ndu2 ndi4 ya1 yo'4o4 ba42 i4yo2 tu3ku3 Chilpancingo
tã3 kũ'1ũ1 tu3ku3 ba3 yu'1u1 tã3 nde4e2 ku4mã1nỹã42 tã3 kũ'1ũ1 ba3 yu'1u1 a1chi1 ndi4 mĩ4ĩ4 ku4mã1nỹã42 tã3 kã'1ã1 ba2 a1chi1 ndi4 ya1, ya1 ndu4tã'3ã2 kã'1ã1yu1 ba42,
ka4chi2 jĩ'4ĩ4 *señor** Alfonso,"ya1 kã4 ba'1a3 nã4tu2 sa3kã4 ndi4 ba'1a3 ndi4 nĩ1kã'1õ4 xa'1a4 ñũ3ũ2 ta1 che4e13, ba'1a3 ndi4, ta1 che4e13 ta1 ta4u3nĩ2 ka4chi2 jỹũ'4ũ4 ndi4 tũ'1ũ3 xu13xa3 nĩ1kã'1õ4 tã3 bi3tĩ3 ndi4
ja1 yo'4o4 ji13nĩ2 ndi4 kwe4e2 ko'1o4 jỹã'4ã2 bi3tĩ3 ndi4 ja1 ya1 ke3ta3 ku4u4 *trabajo** tĩ3 ka4chi2 *señor** Alfonso
ya1 kã4 ku4u4 ndi'3i3 be2 i3kã4 ndi'13i3 ba3. Bi3tĩ3 ndi4 yo'4o4 ba1xi3 tu3kwa2 ñã1, ñã1 kwe4nda2 xa'1a4 sa1bi4.
Martín Severiano Germán.
*Cincuenta y ocho**.
ñũ3ũ2 Yoloxóchitl.
{Debió decir nda3-ko1o3.}
report
Ta4ta2 bi3tin3 ndi4, ya1kan3, a3sa3 lu3chi'4i2=un4=a2 ba'1a3 ji'4in4=ndu2 ndi4 nda3tu'4un(4)=un4 ji'4in4=ndu2 sa1a3 i4xa3=na2
na1 ñu3u2 kan4 na4 o4ra2 kwa'1an1=na1 ji1ni4 yu3ku4, yo3o3 ku4u4 na1 ka'4an2 ji'4in4 na1 ñu3u2 nda4a4=na2 ji1ni4 yu3ku4 tan3 yo3o3 ku4u4 ka'4an2 ku'1un1 ji1ni4 yu3ku4
nda3kwa3tu3 nu14u3 sa1bi4, an4 i3nda14 ta1 kwa'1an1 nda3kwa3tu3 nu14u3 sa1bi4 ka'4an2=na1 ji'4in4 an4 ko14o3 an4 i4yo2 ka1 na1 kwa'1an1 nda3kwa3tu3 nu14u3 sa1bi4 kan4 tan3
o4ra2 ba1xa1a1=na1 i3kan4 tan3 nda4a(2)=e2 ba42 i4xa3=na2 chi1, sa1a3 i4xa3=na2 o4ra2 kwa'1an1=na1 kan4 chi2, ¿an4 kwa'1an1 na1 ya3a2 ji'4in4=na2, an4 kwa'1an1 na1 nda4kwa3tu3 ji'4in4=na3?,
¿an4 xi4xi3=na2 i3kan4 an4 xi'4i4=na2?, nda4a(2)=e2, ndi3sa4ku4u(4)=a2 kan4 i4xa3=na2 tan3
¿sa1a3 ka'4an2 ta1 kwa'1an1 nda4kwa3tu3 nu14u3 sa1bi4 kan4 ji'4in4=ra4 sa3kan4 ndi4 kwi3i3 ku3un3=ra4 sa3kan4 ndi4
kwi3i3 ki3xi3 ya1 ko4ndo3 ya1, ya1 ba'1a3 ji'4in4 ñu3u2, ya1kan3, o4ra2, ki3xa3a4 ku3un3 sa1bi4 chi2.
¿Sa3kan4 ba42 ka'4an2=na1?
Ya1 kwa'4a4 xa'1a4 *mesa**.
Ya1 kwe4nda2 nu14u3 ji'4in4 sa1bi4.
O4ra2 kwa'1an1=na1.
Be'3e3 chi4ñu3 ti1xin3 be'3e3 chi4ñu3.
Ya1 kan4 ba42 ka'1an(1)=on4 bi3tin3.
Ba'1a3 ba3.
A1be3, ya1 kan4 ndi'4i13 i3ni2 ndu'1u1 ba3.
Ba'1a3. ¿Sa1a3 na3ni(4)=un4?
¿Sa1a3 kwi1ya(1)=on4?
¿Sa1a3 na3ni4 ñu3u2=un4?
Ta4ta2 bi3tĩ3 ndi4 ya1kã3 a3sa3 lu3chỹã'4ã242 ba'1a3 jĩ'4ĩ4ndu2 ndi4 nda3tũ'4ũ4 jĩ'4ĩ4ndu2 sa1a3 i4xa3nã2
nã1 ñũ3ũ2 kã4 nã4 o4ra2 kwã'1ã1nã1 ji1nĩ4 yu3ku4 yo3o3 ku4u4 nã1 kã'4ã2 jĩ'4ĩ4 nã1 ñũ3ũ2 nda4a4nã2 ji1nĩ4 yu3ku4 tã3 yo3o3 ku4u4 kã'4ã2 kũ'1ũ1 ji1nĩ4 yu3ku4
nda3kwa3tu3 nũ14ũ3 sa1bi4 ã4 i3nda14 ta1 kwã'1ã1 nda3kwa3tu3 nũ14ũ3 sa1bi4 kã'4ã2nã1 jĩ'4ĩ4 ã4 ko14o3 ã4 i4yo2 ka1 nã1 kwã'1ã1 nda3kwa3tu3 nũ14ũ3 sa1bi4 kã4 tã3
o4ra2 ba1xa1a1nã1 i3kã4 tã3 nde4e2 ba42 i4xa3nã2 chi1 sa1a3 i4xa3nã2 o4ra2 kwã'1ã1nã1 kã4 chi2 ã4 kwã'1ã1 nã1 ya3a2 jĩ'4ĩ4nã2 ã4 kwã'1ã1 nã1 nda4kwa3tu3 jĩ'4ĩ4nã3
ã4 xi4xi3nã2 i3kã4 ã4 xi'4i4nã2 nde4e2 ndi3sa4kwa4a2 kã4 i4xa3nã2 tã3
sa1a3 kã'4ã2 ta1 kwã'1ã1 nda4kwa3tu3 nũ14ũ3 sa1bi4 kã4 jĩ'4ĩ4ra4 sa3kã4 ndi4 kwi3i3 kũ3ũ3ra4 sa3kã4 ndi4
kwi3i3 ki3xi3 ya1 ko4ndo3 ya1 ya1 ba'1a3 jĩ'4ĩ4 ñũ3ũ2 ya1kã3 o4ra2 ki3xa3a4 kũ3ũ3 sa1bi4 chi2
Sa3kã4 ba42 kã'4ã2nã1
ya1 kwa'4a4 xa'1a4 *mesa**
ya1 kwe4nda2 nũ14ũ3 jĩ'4ĩ4 sa1bi4
O4ra2 kwã'1ã1nã1
Be'3e3 chi4ñũ3 ti1xĩ3 be'3e3 chi4ñũ3
ya1 kã4 ba42 kã'1õ4 bi3tĩ3
Ba'1a3 ba3
A1be3 ya1 kã4 ndi'4i13 i3nĩ2 ndu'1u1 ba3
Ba'1a3 Sa1a3 nã3nỹũ4
Sa1a3 kwi1ỹõ4
Sa1a3 nã3nĩ4 ñũ3ũ24
Ta4ta2 bi3tĩ3 ndi4, ya1kã3, a3sa3 lu3chỹã'4ã242 ba'1a3 jĩ'4ĩ4ndu2 ndi4 nda3tũ'4ũ4 jĩ'4ĩ4ndu2 sa1a3 i4xa3nã2
nã1 ñũ3ũ2 kã4 nã4 o4ra2 kwã'1ã1nã1 ji1nĩ4 yu3ku4, yo3o3 ku4u4 nã1 kã'4ã2 jĩ'4ĩ4 nã1 ñũ3ũ2 nda4a4nã2 ji1nĩ4 yu3ku4 tã3 yo3o3 ku4u4 kã'4ã2 kũ'1ũ1 ji1nĩ4 yu3ku4
nda3kwa3tu3 nũ14ũ3 sa1bi4, ã4 i3nda14 ta1 kwã'1ã1 nda3kwa3tu3 nũ14ũ3 sa1bi4 kã'4ã2nã1 jĩ'4ĩ4 ã4 ko14o3 ã4 i4yo2 ka1 nã1 kwã'1ã1 nda3kwa3tu3 nũ14ũ3 sa1bi4 kã4 tã3
o4ra2 ba1xa1a1nã1 i3kã4 tã3 nde4e2 ba42 i4xa3nã2 chi1, sa1a3 i4xa3nã2 o4ra2 kwã'1ã1nã1 kã4 chi2, ¿ã4 kwã'1ã1 nã1 ya3a2 jĩ'4ĩ4nã2, ã4 kwã'1ã1 nã1 nda4kwa3tu3 jĩ'4ĩ4nã3?,
¿ã4 xi4xi3nã2 i3kã4 ã4 xi'4i4nã2?, nde4e2, ndi3sa4kwa4a2 kã4 i4xa3nã2 tã3
¿sa1a3 kã'4ã2 ta1 kwã'1ã1 nda4kwa3tu3 nũ14ũ3 sa1bi4 kã4 jĩ'4ĩ4ra4 sa3kã4 ndi4 kwi3i3 kũ3ũ3ra4 sa3kã4 ndi4
kwi3i3 ki3xi3 ya1 ko4ndo3 ya1, ya1 ba'1a3 jĩ'4ĩ4 ñũ3ũ2, ya1kã3, o4ra2, ki3xa3a4 kũ3ũ3 sa1bi4 chi2.
¿Sa3kã4 ba42 kã'4ã2nã1?
ya1 kwa'4a4 xa'1a4 *mesa**.
ya1 kwe4nda2 nũ14ũ3 jĩ'4ĩ4 sa1bi4.
O4ra2 kwã'1ã1nã1.
Be'3e3 chi4ñũ3 ti1xĩ3 be'3e3 chi4ñũ3.
ya1 kã4 ba42 kã'1õ4 bi3tĩ3.
Ba'1a3 ba3.
A1be3, ya1 kã4 ndi'4i13 i3nĩ2 ndu'1u1 ba3.
Ba'1a3. ¿Sa1a3 nã3nỹũ4?
¿Sa1a3 kwi1ỹõ4?
¿Sa1a3 nã3nĩ4 ñũ3ũ24?
Rey Castillo García
Martín Severiano Germán
Rey Castillo García
Martín Severiano Germán
Rey Castillo García
Martín Severiano Germán
Rey Castillo García
Rey Castillo García + Martín Severiano Germán
Martín Severiano Germán
Rey Castillo García + Martín Severiano Germán
Martín Severiano Germán
Rey Castillo García
Martín Severiano Germán
Rey Castillo García + Martín Severiano Germán
Martín Severiano Germán
Martín Severiano Germán + Rey Castillo García
Martín Severiano Germán
Rey Castillo García + Martín Severiano Germán
Rey Castillo García + Martín Severiano Germán
Rey Castillo García + Martín Severiano Germán
All values that are allowed for Transcriber Turn.mode attribute
spontaneous
planned
All values that are allowed for Transcriber Turn.fidelity attribute
high
medium
low
All values that are allowed for Transcriber Section.type attribute
report
nontrans
filler
All values that are allowed for Transcriber Turn.channel attribute
telephone
studio