urn:nl-mpi-tools-elan-eaf:b4f5290d-d252-4a44-ac68-71614cd278cf
169
spontaneous
Pegru *mala** ndi4 i4ndu'3u4=ra2 sa3kan4 tan3 ja14-nda3ku3=ra2 chi3ñu3 ndi13-ki'3in3=ra2 kwa'1an1=ra1 ndu3ku4=ra2 chi3ñu3 ja3chiu4un4=ra2 nu14u3 ta1 bi4ka3
i3kan4 ni1-xa1a1=ra1, ni1-ki'3in3=ra2 i3chi4 kwa'1an1=ra1, ni1-ki'3in3=ra2 i3chi4 kwa'1an1=ra1 tan3 ni1-xa1a1=ra1 nu14u3 ta1 bi4ka3 kan4 ka4chi2=ra1 ji'4in4 ta1 kan4 ndi4
*señor** an4 ko14o3 chi3ñu3 ba'1a3 ka3ja3 chiu4un(4)=e4 ji'4in(4)=un4 ndi4 ta1 ku4ni2 ka3ja3 chiu4un4 ku4u(4)=2, ba1xi3=2 tan3 ta1 ku4ni2 ja3chiu4un4 ku4u(4)=2
A4chu3 ko14o3 chi3ñu3 i4yo2 ba3 chi3ñu3, ki3ni2 ja1na(1)=e1 ndi4 ndo'4o4=ni42=yu1 ji'4in4=ri4 ndi4 u1ni1 ku4u4 ki3ni2 ja1na(1)=e1 i4yo2 tan3 ndi3sa3a4 is1ta1an1 kwa'1an(1)=e1 ji'4in4=ri4 chi4chi3=ri4 nda'1yu1
tan3 ta1 ko3nda2a2=ri4 ku3chi3=ri4 nda'1yu1 ta1 kan4 ku4ni2 ta'3an2 yu'1u1 ba3 ndi4, ja1na(1)=e1 ku4u4=ri4 tan3 ndo'4o4=ni42[=yu1] ji'4in4=ri4
nda1 nu14u3 ñu3u2 nda1 kan4 i4ndu'3u4 i3nda14 ndo'1yo3 lu3lu3 tan3 i3kan4 xa'4an(1)=e1 ji'4in4=ri4 chi4chi3=ri4 nda'1yu1
kwa'1an1=ri4 ku3chi3=ri4 nda'1yu1 ki3xa2a2=ri4 tan3 nde4e4 ba3=ri4 ka4chi2=ra1 so'3o3
u1bi1 xa'4an1=ri4 chi4chi3=ri4 nda'1yu1 i3in3 ki1bi4 ya1 kan4 ndi4 i3in3 kwa'1an1=ri4 is1ta1an1 tan3 i3in3 kwa'1an1=ri4 ku4tiu'4un4, i3kan4 kwe4nda2 ba1xi3 kwa4a24 ndi4 ba143 kwa'1an1 ka1 bi4=ri4 ndi4 ja1, ja1 ja'1an1=ri4 u1bi1
i3kan4 tan3, ya1kan3, ka4chi2 ta1 bi4ka3 ji'4in4=ra2 ndi4
i3ta2an2 ndi4 yo'4o1 ku4u4 ta1 ku'1un1 ji'4in4=ri4 a3sa(3)=on4=a2 ba'1a3 ndi4 nda3-kwi3so(3)=on4=ri4 ku'1un1=ri4 ji'4in(4)=un4, ka14[n]i3ni2=un4 ndi4 cha'3bi3 ba(3)=2 yo'4o1 ko3to3 kwe4nda2=on4 lu3u3 ja1na1=yu1
tan3 ndi13-ki'3in3 Pedru Mala ki3ni2 ndi13-kwi3so3=ra2 ki3ni2 u1ni1=ri4 sa3kan4 ndi13-kwi3so3=ra2 kwa'1an1 ji'4in4=ra3, ku3chi3=ri4 nda'1yu1
is1ta1an1 tan3 nda13-kwi3so3=ra2=ri4 kwa'1an1=ri4 ni1-ki3xa2a2=ra1 ji'4in4=ri4 tin3 tan3 ja143 xi13xi3=ra2 tin3 ndu13-ku3ndu'4u4=ra2 i4ndu'3u4=ra3,
ku4ni2 ku4ni2 ka(1)=e1 ku3tiu'4un4 tan3 ndi13-kwi3so3 ni3 tu3ku3=ra2=ri4 kwa'1an1=ri4 ji'4in4=ra2, chi4chi3=ri4 nda'1yu1
sa3kan4 bi3tin3 sa3kan4 i3ta2an2 xi4ka3=ra2 ji'4in(4)=a2 ki3ni2 kan4 chi4chi(3)=a2 nda'1yu1, i3kan4 ja143 ka4chi2=ra1 ta1 bi4ka3 ji'4in4=ra2 ndi4
ko3to3 kwe4nda2=ni42=un4 ja1na(1)=e1 ndi4 na4 ku3chi3=ri4 nda'1yu1 na4 ja1 ndo4o4=ri4 ndi4 ja1na1=yu1 ku4u4=ri4 na4 ku3-ndo3o3 mi3i4=ri4
ya1kan3, ka3ka3=ri4, ya1 kan4 ndi4 na13ñu3 ba3 ki3ni2 ndi4 nda3si4 ndo3o3 ki3ni2 ndi4 ndo3o3=lu3 ki3ni2
sa3kan4 ku4u4 Pedru Mala xi4ka3=ra2 ji'4in4=ri4 tan3 ja143 ka4chi2 ba3=na2 ji'4in4=ra2 ndi4, An4 kwa14 xi4ko(3)=on4 ki3ni2 ña1a4 ki'3in3=ndu2 *señor**
ti4 ku4ni2=ndu1 ku4u4 ki3ni2 na4ñu3 ndi4 la3tun4=ni42=ri4 xi14ko(3)=on4=ri4 ki'3in3=ndu2,
kwa14 xi4ko(3)=2=ri4 *hombre** kwa14 xi4ko(3)=2=ri4 ndi4 ti4 nda4a2=yu1 ku4u4=ri4
xi14ko(3)=on4=ri4 ki'3in3=ndu2 ndi4 ti4 ku4ni2=ndu1 ku4u4=ri4
kwa14 xi4ko(3)=2=ri4 ndi4 ti4 xi4kwe4nda2=yu1 ku4u4=ri4. An4 ba'1a3 na4tu2 sa3kan4.
ja143 kwa'1an1=ra1 ji'4in4=ri4 chi4chi3=ri4 nda'1yu1 nda13-ndi3ko4=ra2 ni1-ki3xa2a2=ra1
nda13-ko3nde3e3=ri4 nde4e4=ri4 kan4 ka3ti4 kan4, nda1 ja1 ku4tiu'4un4 ku4ni2 ku4ni2 ka(1)=e1 ku3tiu'4un4 ndi13-ki'3in3 tu3ku3=ra2=ri4 kwa'1an1=ri4 ji'4in4=ra3,
sa3kan4 ndi'3i3 ba3 chi4chi3=ri4 nda'1yu1 ndi3sa3a4 ki1bi4, sa3kan4 ku4u4 sa3kan4 ku4u4 xi4ka3=ra2 ji'4in4=ri4
ja143 ka4chi2 ta1 ni1-ke3ta3 kan4 ka'4an2 ji'4in4=ra2 ndi4, xi14ko(3)=on4=ri4 ki'3in(3)=2 *hombre** la3tun4=ni42=ri4 xi14ko(3)=on4=ri4 ki'3in(3)=2
xi14ko3 ba(3)=2=ri4 ki'3in(3)=un4, bi3tin3 ndi4 ja1 ni1-ka3na3 i3ni2[=yu1] ndi4 ti4 xi14ko(3)=2 ku4u4=ri4 xi14ko3 ba(3)=2=ri4
i3nda14=e2 ndi4 na4 ku'1un(1)=o4 ji'4in4=ri4 mi4i4 ba42 mi4i4 chi4chi3=ri4 nda'1yu1 kan4 tan3 i3kan4 ba42 xi14ko(3)=2=ri4 ki'3in(3)=un4 ka4chi2=ra1. Ba'1a3 ba3.
xa1a1=na1 mi4i4 chi4chi3=ri4 nda'1yu1 kan4, nda1 xa'1a4 su'1ma4 ki13tu'4un4=ra2 chi13ni3=ra2 nu14u3 nda'1yu1 kan4, tu3ku3=ri4 ki13tu'4un4=ra2 su'1ma4 tan3 chi13ni3=ra2 nu14u3 nda'1yu1 kan4
tu3ku3=ri4 ki13tu'4un4=ra2 su'1ma4 chi13ni3=ra2 nu14u3 nda'1yu1 kan4, u1ni1=ri4, bi3tin3 ndi4 na4 ku'1un1=ri4 ji'4in(4)=un4 tin3
i3nda14=e2 ndi4 ya1 u1ni1=ri4 ndi4 u1ni1 i3tin2 xu'14un4 ba42 ndi3-kwi3so(3)=2 xa'1a4=ri4
kwe4nda2 i3tin2 xu'14un4 ja'13nda2=ra1 ya'1bi3, u1ni1 i3tin2 xu'14un4 ndi13-kwi3so3=ra2, Pedru Mala tan3
ni1-ndo1o3 ba3 su'1ma4=ri4 i3kan4, i3kan4 ja143 ni1-ke3e3=ra2 ja'1an1 ndu3ku4=ra2 mi4i4 ku3nde3e3 xu'14un4 kan4 ndi4 ya1 ku'1un1 ba42 ji'4in4=ra3,
ni14-ja1nu'1u4=a2 be'3e3 ta1 bi4ka3 a1chi1 ndi4 su14u3 kwe4nda2 ka1 ta1 kan4 ba42 ndi4 ja1 kwe4nda2 mi3i4=ra2 ni1-ndo1o3 xu'14un4 kan4 ndi4 ti4 xi14ko3 kwi'4na4=ra2 ku4u4=ri4
xi14ko3=ra2=ri4 ni1-ki'3in3 na1 kan4 tan3 ndo1o3 su'1ma4=ri4 nu14u3 nda'1yu1, i3kan4 ni1-ke3e3=ra2,
ja'1an1 ka'1an1=ra1 ji'4in4 ta1 bi4ka3 ndi4 ko14o(3)=a2 ba'1a3 ni4-ku3u3 *patrón** ndi4, ki3ni2 ndi4 ni1-ti1in3=ri4 nu14u3 nda'1yu1
ti4 ni1-ti1in3 ku4u4=ri4 tan3 ji14ni2[=yu1] sa1a3 a3sa(3)=2 ta3ba4=2=ri4, na4tu2 sa3kan4 ndi4 na4 ku'1un(1)=o4,na4 ku'1un(1)=o4 sa3kan4 ndi4 u1bi(1)=o4 ji14ta(3)=e4 tan3 ke3e3=ri4 bi3tin3 ba3 ka4chi2 ta1 bi4ka3
ke13e3=na2 xa1a1=na1 nu14u3 nda'1yu1 kan4, ti13in3 ta1 bi4ka3 su'1ma4 tan3 ji14ta3=ra2 tan3 ta1 Pedru Mala kan4 ka4-ta1bi1 ma14a3 tan3 ta1 bi4ka3 ji4ta3 tan3
tu3ku(3)=a2 kan4 ji14ta3=na2 tu3ku3 sa3kan4, tu3ku(3)=a2 kan4 ji14ta3=na2 tu3ku3 sa3kan4 ni14-ku3chun3=na2 tu'3un3=na(2)=e2 ndi4 u1bi1=na1 ji4ta3 na4 ko3o3 tu'1un3 su14u3 kan4 ndi4
Pedru Mala ndi4 ta1 ka4-ta1bi1 ba3 ku4u4 ta1 kan4 su'1ma4 tan3 ta1 bi4ka3 ji4ta3 chi2
ba14sa3 kwi4i4 ke3e(3)=a2 u1ni1 sa3kan4 su'1ma4 ni1-ndo1o3=a2 kan4
i3kan4 ka4chi2=ra1 ji'4in4 ta1 kan4 ndi4 kwa'4an2=on4 tan3 sa3kan4 ndi4, ka'1an(1)=on4 ji'4in4 ña4 si'4i2[=yu1] tan3 na4 ta3xi(3)=an4 *pala** ta3xi(3)=an4 *picu**
sa3kan4 ndi4 ke3e(3)=a2 bi3tin3 ka4chi2=ra1 ji'4in4 ta1 kan4, ja'13nda2=ra1 chi3ñu3 nu14u3 ta1 kan4 tan3 ndi13-ki'3in3=ra2 kwa1nu'1u4=ra2 ndi13-kwi3so3=ra2 ka3a2 *pala** tan3 *picu**
tan3 ni1-ndo1o3 ta1 bi4ka3, tan3 ti13in3 ba3 ta1 bi4ka3 su'1ma4 ji14ta3=ra2 tan3 mba'3a3ku4u4 kwa'1an1 ka'3a4 ta1 bi4ka3 nu14u3 nda'1yu1
nda1 i3in3 ta'4nu1 e1te4 ka'3a4=ra2 chi13ka2=ra1 nu14u3 nda'1yu1, tu'13un3=ra2 su'1ma4 ba4a24 ti4 ke13e(3)=a2 chi1
tu3ku(3)=a2 kan4 ji14ta3=ra2 tu3ku3 sa3kan4 ndo'13o3=ra2 tu3ku(3)=a2 ji14ta3=ra2 ji1nu3 u1ni(1)=a1
tu'13un3=ra2 u1ni1 su'1ma4 tan3 nu14u3 nda'1yu1 tan3 nu14u3 nda'1yu1 ya1ni3 ka'3a4=ra2 ndi4 nda1 i3in3 ta'4nu1 e1te4 ka'3a4=ra2 chi13ka2=ra1 nu14u3 nda'1yu1
*híjole**, ti4 ni1-xi14ko3 ba3=ra2 ku4u4 ja1na(1)=e4 tan3 yo4o4 tu3 ndi4 ka'4an(4)=e4 ndi4 ti4 ñu'4u4 nu14u3 nda'1yu1 ku4u4=ri4
i3kan4 tan3 nda4tu3=ra2 ndi4 xa1a1 ta1 kan4
ndu13-ku3ndu'4u4=ra2 i4ndu'3u4=ra2 ndi'13i3 tu'13un3=ra2 su'1ma4 kan4 nda13-ko3nde3e(3)=a2 nde4e(4)=a2 kan4. Ndi3sa4 u1ni1 sa3kan4 su'1ma4 chi13nde3e3=ra2 kan4, nda4tu3=ra2 Pedru Mala xa1a(1)=e1
nda4a(2)=e2 ki'4bi3 ta1 kan4 nda13-xa2a2=ra1 be'3e3 tan3 ja143 ka4chi2=ra1 ji'4in(4)=an4 si'4i2 ta1 bi4ka3 ndi4
ka4chi2 *patrón**=yu1 ndi4 ya'1a3=2 yo'4o1 tan3 ya'1a3=2 ña4 si1si'4i2=un4 tan3 ya'1a3=2 ña4 ja4chiu4un4 nu14u(3)=un4
sa3kan4 ndi4 ke3e3 ki3ni2 chi1, sa3kan4 ni1-nda14yu3 *patrón**=yu1 ba1xi3=2 tan3 ya1 kan4 ndi4
ya1 kan4 ndi4 ta1 ba1xi3 ku4u(4)=2 tan3 sa3kan4 ya'1a3=2 ndo'4o1
ji'3na3 ji'3na3 si1si'4i2=un4 ya'1a3 tan3 sa3kan4 ndi4 ya'1a3 ña4 ja4chiu4un4 nu14u(3)=un4 tan3 sa3kan4 ba42 ndi4 ya'1a3 mi3i(4)=un4 tan3 sa3kan4 ku'1un1=yu1 ka4chi2=ra1. Ba'1a3 ba3 ka4chi2=an4.
Ji14ta3 ba3=ra2 si1si'4i2=an4 tan3 kwa'1an(1)=en4 ji'4in4=ra2 *cuarto**, ti13in3 ba3=ra2 ña4 kan4, tu3ku3 ña4 ja4chiu4un4 nu14u3=na2 ti13in3=ra2,
tu3ku3 mi3i(4)=an4 bi4ka3 ti13in3=ra2, bi3tin3 ndi4 ja1 i4yo2 ba'1a3 tin3
na4 ndi3-kwi3so(3)=2 *picu** tan3 ku'1un(1)=i1, ja143 ndi13-kwi3so3=ra2 *picu** ndi13-ki'3in3=ra2 *pala**, ni1-ka3ni3 so4ko1=ra(1)=e1 tan3 kwa'1an1=ra1
tan3, chi4lu2 tin3 ndu3ku(4)=un4 ta3xi(3)=un4 lu3u3 nda'3a4=2 ku'1un1 ji'4in(4)=2 a1chi1 ndi4, ya1,
na4tu2 nda4a(2)=e2 ka4a4 ndi4, ya1kan3, ni1-ti1in3=ri4 ndi4 kwe4nda2 su3tun4=ri4 ka'3nda2=yu1 tan3 sa3kan4 ta3ba4=2=ri4 ka4chi2=ra1
ki'13in(3)=an4 chi4lu2, ki'13in(3)=an4 bi4ka3 chi4lu2 ta13xi(3)=an4 nda'3a4=ra2 chi13ni3=ra2 to3ko4=ra2 tan3, ndi13-ki'3in3=ra2 kwa'1an1=ra1, ke13ta3 ti4=ra2 nu14u3 ñu3u2 kan4 tan3
ja13ta2=ra1 *pala** kan4 ni1-ki'3in3=ra2 bi4..., *picu** sa13ka4na3=ra2 kan4 *pala** sa13ka4na3=ra2 kan4
kwa'1an1 ba3=ra2 chi1, xi13nu3=ra2 kwa'1an1 ba3=ra2 ta1 ja1 xi13nu3 ku4u4 ba3=ra2 kwa'1an1=ra1
i3kan4 ni1-ke3e3 ta1 bi4ka3 i3kan4 tan3 nda13-xa2a2=ra1 be'3e3, nda4a2 kwa'1an1 ta1 ba1xi3 yo'4o4 mi3tiu'4un4
a4su3 a1su3 ja1ta(4)=on4 kwa'1an1 ta1 kan4 mi3tiu'4un4, ko14o3=ra2 ni4-xa1a1 i3kan4
nda'4bi2=ni42 *hijo de la chingada** ta1 ja1 xi13nu3 kwa'1an1 ku4u4=ra2 na4tu2 sa3kan4
¿An4 kwa'1an1 ka3a2 *picu** ji'4in4=ra3? Kwa'1an1 ba(3)=e2 kwa'1an1 *pala** kwa'1an1 ji'4in4=ra3. Tan3 ko14o3=ra2 ni4-xa1a1 i3kan4. Ko14o3=ra2 ni4-xa1a1.
Mm..., ko14o(3)=a2 ba'1a3 i4yo2 ndi4 ni1-ka'1an(1)=on4 ji'4in4=ra2 ndi4 na4 ya'1a3=ra2 yu'1u1 tan3 ya'1a3=ra2 si1si'4i2=o4 ya'1a3=ra2 ña4 ja4chiu4un4 nu14u(3)=e4 ni1-ka3chi2=un4 ji'4in4=ra2 ba1xi3=ra2 ya1 kan4 ndi4 sa3kan4 i13xa3=ra2 ji'4in4=ndu2 tan3 kwa'1an1=ra1
*hijo de la chingada** an4 su14u3 ta1 ba'1a3 ni4-i3xa3 bi4 ku4u4=ra2 na4tu2 sa3kan4, ta1 i13xa3 ko14chun3 yu'1u1 ba3 ku4u4=ra2 na4tu2 sa3kan4 i13xa3=ra3,
bi3tin3 sa3kan4 ku3ni2=o4, ta1 ku'1un1 ku4u(4)=2 ja1ta4=ra2 tan3 sa3kan4 ka'3ni4=2=ra1 bi3tin3 ba3, nu4mi24=ra2 chi13ndu'4u4=ra2 ta3yu2 kwa4yu2 ja1na1=ra1 tan3
ji14ta3=ra2 *pistola** ja14-ndi'1bi3=ra2 xa'3an2=run4 tan3 chi13ka2=ra1 to3ko4=ra2 tan3 nda13a3=ra2 kwa4yu2, kwa'1an1=lu3=ra2 ja1ta4 Pegru
nde3e4=lu3 kwa'1an1=ra1 ja1ta4 Pegru
nda4a(2)=e2 ba42 kan4 ndi4 ke13ta3 xi4yo4 ti4 Pegru nu14u3 ñu3u2 tan3 ndi4ka2 i3in(3)=a2 ti1xu'4u4 tie4tan24 ka'4nu3=lu(3)=a2 ti1xu'4u4 tie4tan24 ndi4ka2, xa'13ni4=ra(2)=e2 kan4 tan3 ta13ba4=ra2 si3ti2 ka'4nu3
si3ti2 ka'4nu3 kan4 ni1-ti3in3=ra2 ku'13ni2=ra1 to3ko4=ra2 tan3 chi13ni3=ra2 chi4lu2 ja1ta4=e2 kan4 tan3
xi4ta1 sa3kan4 ta1kwi42 si'14bi3 ka'3a4 si3ti2 kan4 i4ndu'3u4=a2 ti1xin3=ra2 kwa'1an1 ba3=ra3,
ndu13-ku3ta'4an4=ra2 ji'4in4 na1 ndu13-ku3ta'4an4=ra2 ji'4in4 ba1xi3 ja143 ka4chi2=na1 ji'4in4=ra2 ndi4, nda4a(2)=e2 ni1-ndo'3o3=ni42=un4 *señor**
ko14o(3)=a2 ba'1a3 ni4-ndo'3o(3)=2 ndi4 i3chi4 ka1a3 ba1xi3=2 tan3 ni1-ka3an2=na1 yu'1u1 ndi4 ji14ni2=o4 na4 ko3chun(3)=2 nda'3a2 bi4=2 ndi4 xi4ta1 na3kwi42 ta1kwi42 si'14bi3 ka'3a4=2 ka4chi2=ra1 so'3o3, kwa'1an1 ba3=ra2,
ya'1a3 na1 kan4 kwa'1an1=na1, kwa'1an1=na1 sa3kan4 ndu13-ku3ta'4an4=na2 ji'4in4 ta1 bi4ka3 ndi4 nde3e4=lu3 kwa'1an1 ta1 kan4 ji'4in4 kwa4yu2 ja143 ka4chi2=na1 ji'4in4=ra2 ndi4, ¿Nda4a2 kwa'1an(1)=on4 *señor**?
ja1ta4 ta1 kwa'1an1 yo'4o4 kwa'1an1=yu1 ndi4, ¿An4 ko14o3 i3in3 ta1 ni4-ji3ni2=ndo4 i3chi4 ña1a4?, ndi4 ja1ta4 ta1 kan4 kwa'1an1=yu1 ndi4 ko14o(3)=a2 ba'1a3 ni4-i3xa3=ra2 ndi4 ni1-xi14ko3=ra2 ki3ni2 ja1na1=yu1 tan3
tan3 ni1-i3xa3=ra2 ko14o3 nu14u3=ra2, i13xa3=ra(2)=e2 ko14o3 nu14u3 ji'4in(4)=2 ndi4 ni1-ya'1a3=ra2 ña4 si'4i2=yu1 tan3 nda1 si1si'4i2=yu1 tan3 nda1 ña4 ja4chiu4un4 nu14u(3)=2 u1ni1=na1 sa3kan4 ni1-ya'1a3=ra3,
ya1 kan4 ba42 [ndi4] ta1 kwa'1an1 ka'3ni4=2 ku4u4=ra2 ka4chi2 ta1 bi4ka3 so'3o3
nda1 xi4ko1 na4 ku'1un(1)=un4 ja1ta4 ta1 kan4 *señor** nda1 xi4ko1 na4 ku'1un(1)=un4 ja1ta4 ta1 kan4 ndi4 ta1 ja1 ku4ni2 ku3u2 ku4u4 mi3i4 ba3 ta1 kan4 kwa'1an1=ra1 ndi4
lu14u3 ta1kwi42 si'14bi3 ke4e4 ka'3a4=ra2 ni4ni3 chi4lu2 ti1xin3=ra2 kwa'1an1=ra1 ji14ni2=o4 yo3o3 ku4u4 na1 i13xa(3)=e2 ba'1a3 ji'4in4=ra3, nda3-ndi3ko(4)=on4 na4 ku'1un(1)=o4 a1chi1 ndi4
ta1 kan4 ndi4 ta1 ja1 ku4ni2 ku3u2 ku4u4=ra3, chi3ka2 kwa1chi3 xu4mi(4)=un4 ji'4in4=ra2 tan3 ta1 kan4 ndi4 ta1 ja1 ni1-ka3ni3 ba3=na2 ku4u4 ta1 kan4 ba'1a3 ka1 na4 ku1nu'1u(4)=o4 kwa'1an1 mi3i4=ra2 ku3u2 ba3 ta1 kan4 ka4chi2=na1 so'3o3
ba'1a3 na4tu2 sa3kan4 ndi4, sa4a24=lu3 i3ni2 ta1 bi4ka3 nda13-ndi3ko4=ra2 ndi4 ni14-ja'1an1=ra1 ni'1i4=ra2 Pedru nda13-ndi3ko4 ba3=ra2, kwa'1an1 ba3 ta1 kan4
um..., ni1-xa1a1=ra1 i3chi4 kan4, i3kan4 ja143 ni1-...,
xu'14un4 ni1-ki'3in3=ra2 kan4 ndi4 ni1-ya'1a3 ba3=ra2 nda13-ndi3ko4=ra2 ndi13-ki'3in3=ra(2)=e2 kan4 tan3 kwa'1an(1)=e1 ji'4in4=ra2 ya1 kan4 ndi4 o4ra2 ni1-xa1a1=ra1 i3chi4 mi4i4 ba42 kwa'1an1=ra1 kan4
ja'13nda2=ra1 i3tun4 *pinu** tan3 ja13-nde3ta3=ra2=run4 i3chi4, yu3kun2 nde4ta3=run4, ku1mi4 tun4 *pinu** ja13-nde3ta3=ra2 tan3 chi13-kwi3in3=ra2 xu'14un4 nda'3a4=run4
tan3 ja13-nde3ta3=ra2 ya3xin4 nda4ku'1un3 xu'14un4, i3in3 ya'4a13 ta1chi4 tan3 ko4yo13 xu'14un4 ti1xin3 ya3xin4 i3in3 ya'4a13 ta1chi4 tan3 ko4yo13 xu'14un4 ti1xin3 ya3xin4 nde4ta(3)=e2,
ya1 ndi4-kwi3so3 xu'14un4 ba42 kan4 nde4ta(3)=e2, i3kan4 nda4a2 xi4ka3 bi4 tu3 ta1 bi4ka3 ya'4a13=ra2 kwa'1an1=ra1 i3chi4 kan4, ja143 ka4chi2=ra1 so'3o3 ndi4
¿An4 tun4 xa'4a13 xu'14un4 ku4u4 tun4 *pinu** ka1a3 *señor**? ka4chi2=ra1 ji'4in4 ta1 kan4, Tun4 xa'4a13 xu'14un4 ku4u4=run4.
tun4 ka1a3 ndi4 ba'1a3=ni42 xa'4a13=run4 xu'14un4, ku1mi4=run4 ndi4 tun4 ko4yo13 xu'14un4 nda'3a4 ku4u4 ndi'3i3=run4
tan3 sa1a3 bi4 xi14ko(3)=on4 i3nda14 i3nda14=run4 ki'3in(3)=2 na4 xi14ko(3)=on4=run4 ki'3in(3)=2 ka4chi2 ta1 bi4ka3
yu'1u1 ndi4 ba'1a3=ni42 xa'4a13=run4 xu'14un4 ndi4 tun4 sa3ta4=2 ko3ndo3=run4 ku4ni2=yu1
ku1mi4=run4 ndi4 ku1mi4 i3tin2 xu'14un4 ba43, kwe4nda2 i3tin2 xu'14un4 nda3tu'4un(4)=e4 xa'1a4=run4 a1chi1 ndi4 ba'1a3=ni42, lu14u3 xu'14un4 xa'4a13=run4
ya1 xa'4a13 mi3i4=run4 ku4u4 xu'14un4 ka4chi2=ra1 so'3o3, ba'1a3 ba3, ji14ta3 ba3 ta1 bi4ka3 ku1mi4 i3tin2 xu'14un4 ta13xi3=ra2 nda'3a4 Pedru
ni1-ndo1o3 ba3 ta1 bi4ka3 ji'4in4=run4 tan3 ndi13-ki'3in3 ba3 Pedru kwa'1an1=ra1, si13so3=ra2 ku1mi4 i3tin2 xu'14un4 kwa'1an1 ba3=ra3, kwa'1an1 xu'14un4 ji'4in4=ra3,
kwa'1an1=ra1 sa3kan4 kwa'1an1=ra1 sa3kan4 ni1-xa1a1=ra1 i3in3 ñu3u2 i3kan4 ja143, ni1-xa1a1=ra1 i3in3 ñu3u2 kan4
i4so3ko2=ra1 ndi4 i4so3ko2 sa4ka2=ra1 ni3 ji14ni2=ra1 nda4a(2)=e2 a3sa3 ka1=ra1 ndi4 nda3si4 i4so3ko2=ra1
ni1-xa1a1=ra1 be'3e3 ku1mi4 na1kwa4chi3 si'4i2 nde4e4, nde4e4 mi4i4 ni1-xa1a1=ra1 kan4 ko14o3 yu3ba4=na2 i4yo2
xa1a1=ra1 tan3 ta13ba4 ndi'3i3=ra2 tio1to1 ki'13in3=ra(2)=e2 chi13nde3e3=ra2 kan4 tan3 nda13a3=ra2 ja1ta4 *viga** i4ndu'3u4=ra3,
tan3 ja1ta4 *viga** kan4 ndi4 i3kan4 ja13ndi3chi2=na1 *cartón** ñu'4u4 *quesu** ya1 ka3xi4 yu3ba4 na1 kan4 *cuaresma** ba42 tan3 ta1 kan4 ni1-nda3a3 ndi4 *quesu** ju13ta'3an2=ra1 ñu'4u4,
... ti1xin3 *cartón** kan4, ki13xa3a4=ra2 ja4xi24 ba3=ra2 *quesu** chi1, ja4xi24=ra2 *quesu** ja4xi24=ra2 *quesu**
ni1-ki3xa2a2 i3nda1(4)=en4 ña4, ña4 se'1e3 ta1, ta1 ta13xi3 kwa'4a4 *quesu** kan4
ndi4 na1 kwa'1an1 ku4u4 na1 kan4 ke13e3=na2 kwa'1an1=na1 xa14ku'1u1 ka3ja3 chiu4un4=na3, kwa'1an1 ña4 si'4i2=ra1 ji'4in4=ra2 nda143 se'1e3=ra2 ndo13ko3o4=ra2 ku1mi4=na2 be'3e3, kwa'1an1=ra1
ki13xa2a2, ki13xa2a2 ña4 lu3u3 kan4 ji4to(3)=an4 ndi4 Pedru ba3 i4ndu'3u4 ja1ta4 *viga**
ya4la4 ni1-ka3ku3=ra2 nda143 i4in4 li4ngo4 xa1yu4 ka'3a4=ra2 i4ndu'3u4=ra2 ja1ta4 *viga** kan4 ja4xi24=ra2 *quesu**
i3kan4 ja143 ka4chi2=an4 ji'4in4=ra2 ndi4, nda4a(2)=e2 ba42 i4in4=ni42 tu3 ka'3a(4)=on4 ña1a4 ka4chi2=an4 ji'4in4=ra3,
ya1 ka1a3 ndi4 ya1 ju4-ta4tan4 na1 i4yo2 ki'4bi3 i3ni2 ba42 ka1a3, ya1 ju4-ta4tan4 na1 i4yo2 ki'4bi3 i3ni2 ba42 ka1a3
ko1to1 ka14xi4=ni42=un4 *quesu** ña1a4 ndi4 ya1 ka3xi4 yu3ba4=ndu2 *cuaresma** ba43,
na4 ka3xi4 mi3i4=a2 ndi4 yu'1u1 ndi4 *cuaresma** ku4u4 yu'1u1 ba3 ka4chi2=ra1 so'3o3 ji'4in(4)=an4
ja143 ja13xi4 ba3=ra2 *quesu** kan4
ja13xi4=ra2 *quesu** kan4 tin3 tan3 i3kan4 ja143 ni1-ke3e(3)=an4 kan4 ja'1an1 ka'1an(1)=en4 ji'4in4 na1 ta'4an(4)=en4 na1, na1 chi4tu4 be'3e3 kan4
i3nda14 *señor** ni1-ki3xa2a2 i4ndu'3u4 kan4 ndi4 lu14u3 ña'1a3 i4in4 ka'3a4=ra2 ndi4 nda143 i4in4 li4ngo4 ti4 ña'1a3 ka'3a4=ra2 ka4chi2=na1 so'3o3
i3kan4 ka'4an2=ra1 ndi4 ya1 ku3-ta4tan4 na1 i4yo2 ki'4bi3 i3ni2 ba42 an4 ba'14a4 na4 ku3-ta4tan(4)=e4 *manita** yo4o4 ndi4 yo4o4 i4yo2 ki'4bi3=ni42 i3ni2 ku4u(4)=e4 ta'4nda1 chi3ñu3 nu14u(3)=e4 kwa'1an(1)=e4 nde'14e4 tan3 si4in4 ya1 ku4u(4)=e4
si4in4 ya1 kwa'1an(1)=e4 xa'1a4 tan3 su3 si4in4 ya1 i4xa(3)=e4, ba'1a3 ka1 na4 ku3-ta4tan(4)=e4 tan3 sa3kan4 ndi4 ndu3-ba'1a3 i3ni2=o4 ndi4 i4yo2 ki'4bi3 na3kwi42 i3ni2=o4 ka4chi2=an4 ja1nde1e4 so'3o3
ña4 ja1nde1e4 kan4, na4tu2 ku3-ta4tan(4)=e4 tan3 ku3-ta4tan4 ba(3)=e4 ka4chi2=na1
i3kan4 o4ra2 ni1-ndi'3i3 ja13xi4 ta1 kan4 *quesu** nu13u3=ra2 ñu'3u4, ja143 ka'4an2=en4 ja1nde1e4 kan4 ji'4in4=ra2 ndi4
ku3-ta4tan4=ndu2 ku4ni2=ndu1 a1chi1 ndi4 i4yo2 ki'4bi3 na3kwi42 i3ni2=ndu1, na4tu2 ya1 ju4-ta4tan4 na1 i4yo2 ki'4bi3 i3ni2 ba42 tan3 ku3-ta4tan4 ba3=ndu2. Ba'1a3 ba3 ka4chi2 Pedru.
Ni14-ka'1an1 kwa'1a4=ra2 ndi4 ndi13-ki'3in3=ra2=ña4 ja1nde1e4 tan3 kwa'1an(1)=en4 ji'4in4=ra2 *cuarto** ti13in3=ra2=ña4 ba1ba'1a3
in3ka4ni24 tan3 tu3ku(3)=an4 ni1-ya'1a3 ti13in3=ra2=ña4 ba1ba'1a3
i3kan4 ka4chi2=an4 ña4, ña4 nu14u3 ni1-ju3-ta4tan4 ndi4, ¿An4 ja1 i4yo2 ka4xi3 i3ni2 yo'4o1? ka4chi2=an4 ji'4in(4)=an4 kan4
ka4chi2=an4 ña4 i3nda14 kan4 ji'4in(4)=an4, ja1 i4yo2 ka4xi3 i3ni2[=yu1] *manita**, ja1 ndu4-ka4xi3 i3ni2=yu1
ya1 kan4 ndi4, ku3-ta4tan4=ndo4 ndi4 ja1 yu'1u1 ndi4 ja1 ndu4-ba'1a3 i3ni2=yu1 ka4chi2=an4 so'3o3
ya1 kan4 ba'1a3 ba(3)=en4 kan4 ndi4 ña4 ja1nde1e4 ban4 kan4 ndi4 ña4 ja1 ku4ni2 ku4u4 ba(3)=en4 kan4 ji4ni2=an4 ta1a3 tan3 ju13-ta4tan4 ba(3)=en4 kan4
tu3ku(3)=an4 i4xa3 ma'14ñu3ju13-ta4tan4 tu3ku(3)=an4 ju13-ta4tan4, ku1mi4=na2 sa3kan4 ju13-ta4tan4 ni1-ndo1o3=na2 nde4e4=na2 kan4 tan3
i3kan4 ja143 ni1-ndi3-ki'3in3 Pedru kwa'1an1=ra1
ni1-ki3xa2a2 yu3ba4 na1 kan4 ja'1an1=ra1 xa14ku'1u1 ni1kwa3a4 ndi4
ba143 ni4-ka'1an1 bi4=ra2 ...=na1 ji'4in4=ra2 ni1kwa3a4 ni1-ki3xa2a2=ra1 ndi4, ya1kan3, ta4xin24 nde4e4 ba3=na3,
ni1ki4tu3 bi4 ja143 nda4tu'4un4=na2 ji'4in4 yu3ba4=na2 ndi4, i3ku3 ni1-ya'1a3 ta1 ni1-ya'1a3 ndi4, ya1kan3,
ka4chi2=ra1 ndi4 *cuaresma** ku4u4=ra2 ka4chi2=ra1 so'3o3 i4ndu'3u4=ra2 ja1ta4 *viga** ka1a3 tan3
ni1-xa'1a3 ba3=ndu2 nda14yu3 ja13xi4 ndi'3i3=ra2 *quesu** ya1 nda'4bi3 ka3xi(4)=un4 *cuaresma** ka4chi2=na1 ji'4in4 yu3ba4=na3
*híjole** an4 ja13xi4 ndi'3i3 ba3=ra3, ja13xi4 ndi'3i3=ra(2)=e2 *cuaresma** ku4u4 ta1 kan4 ka4chi2=ra1 so'3o3 ya1 kan4 ndi4 ja13xi4 ba3=ra(3)=e3,
¿An4 ko14o(3)=a2 ni4-i3xa3=ra2 ji'4in4=ndo4?
Na1 ju13-ta4tan4 ku4u4=ndu2 i13xa3=ra2 a1chi1 ndi4 i4yo2 ki'4bi3 na3kwi42 i3ni2=ndu1, *hijo de la chingada** su14u3 na1 ba'1a3 ka1 bi4 ku4u4=ndo4 ndi4 ku3..., ku3mi3i4 i4ta4=ni42 ka(1)=e1 ndo'4o1 na1 ja1 ni1-ku3-be4la2 ku4u4=ndo4, kwa'4an2=ndo4 ka4i2
tu3ku3 tu3ku(3)=a2 ndi3sa4 ku1mi4=a2 sa3kan4 ta13xi4=ra2 ji'4in4 i3tun4 kwa'1an(1)=e1 ka4i2 kan4
kwa'4an2=ndo4 a1chi1 ndi4 su14u3 na1 i4yo2 ka4xi3 i3ni2 ku4u4=ndo4 nde4e4=ndo4 be'3e3 ndi4
na1 i13xa3 chi3ñu3 ku4ma1ni4 ku4u4=ndo4 nde4e4=ndo4 be'3e3 kwa'4an2=ndo4 ka4i2 ko14o3 chiu3un3 a3sa3 ka(1)=e1 ndo'4o1 su14u3 *señorita** ka1 ku4u4=ndo4 ndi4 ko3nde3e3=ndo4 ku3i3ni2 ka1=yu1 ndo'4o1 ndi4
na1 ja1 ni1-i3xa3 be4la2 xu4mi4 ku4u4=ndo4 ka4chi2=ra1 so'3o3 ji'4in4=na3, ta13xi4=ra2=na1 kwa'1an1=na1 ka4i2 ndi3sa4 ku1mi4 sa3kan4 kwa'1an1 ka4i2 kan4 ba3
tan3 Pedru ndi4 kwa'1an1 ba3 ta1 ña1a4
i3kan4 ni1-ke3ta3=ra2 i3nga2 ñu3u2 kan4 sa13ta4=ra2 ndu3xi4, ka'4nu3=lu3 ndu3xi4 nda4a4 sa13ta4=ra3,
chi13ka2=ra1, ndu13ku4=ra2 yu'3u4 xi1ni4 ja1 ka'4nu3 ba'1a3 yu'3u4 xi1ni4 nda4a4 chi13ka2=ra1 ka'3a4=ri4
ndu3xi4 nda4a4 ku4u4=ri4 nda1 yu'3u4 xi1ni4 nda4a4 chi13ka2=ra1 ka'3a4=ri4 tan3 i3kan4 ta13an4=ra2 ndi1bi4
ke13ta3 ba3=ra2 i3nga2 ñu3u2, ta1 kwa'1an1 sa3kan4 ku4u4 ba3=ra2 ni1-xa1a1=ra1 i3nga2 ñu3u2 kan4
i3kan4 ja143 ka4chi2=ra1 ji'4in4=na2 ndi4 mi4i4 ni1-xa1a1=ra1 kan4 ndi4, ¿An4 ja14ta4=ndo4 ndu3xi4 ndi4,
... ba'1a3 sa4ka2 xa4kin2 ti4 yo'4o4, ti4 yo'4o4 ndi4 ba'1a3=lu3 xa4kin2=ri4
i3in3 xa4kin2=ri4 is1ta1an1 i3in3 xa4kin2=ri4 ku4tiu'4un4 i3nga2 xa4kin2=ri4 kwa3a4, u1ni1 xa4kin2=ri4 i3in3 ki1bi4
ndi4 ti4 i4xi4ko(3)=2 ku4u4=ri4 tan3 ko14o3 na1 ku4ni2 ja3ta4=ri4
na4tu2 xi14ko(3)=on4=ri4 tan3 xi14ko(3)=on4=ri4 ki'3in3 ba3=ndu2 ka4chi2 ta1, i3in3 ta1 bi4ka3 mi4i4 xa1a1=ra1 kan4
xi14ko(3)=on4=ri4 ki'3in3=ndu2 ndi4 ti4 ba'1a3 xa4kin2 sa3kan4 ku4ni2 ndu'1u1 ba3
tan3 ba'1a3 na4 ba143 i4xa3 *maña**=on4 ndu'1u1 i3nda14 ti4 ka3kin2=ri4 tan3 ya1 u1bi1 kan4 ka14kin2 ka1=ri4
u'4un3 ndi4 ta1 ku3ndu'4u4 ku4u(4)=2 ji'4in4=ri4 tan3 sa3kan4 ndi4 ku3ni2=ndo4 ndi4 ti4 xa4kin2 ku4u4=ri4 sa3kan4 cha'3bi3=ndo4 yu'1u1 ka4chi2=ra1, Ba'1a3 ba3.
Ja143 ju13ndu'4u4=ra2 ji'4in4=ri4, is1ta1an1 xa13kin2=ri4 ni1-ku3tiu'4un4 tu3ku3 ba3 xa13kin2=ri4 ni1kwa3a4 tu3ku3 xa13kin2=ri4, ji13ni2=ndo4 ndi4 ja1 u1ni1 xa13kin2=ri4 tin3
bi3tin3 ndi4 cha'3bi3=ndo4 yu'1u1 i3in3 i3tin2 xu'14un4 tan3 ku'1un1=yu1 ndi4 i3in3 i3tin2 xu'14un4 ku4ni2=yu1 xa'1a4=ri4
kwe4nda2 i3tin2 tu3 xu'14un4 ki'4in4 tu3=ra2 chi1, i3kan4 ni1-ki'3in3=ra2 i3in3 i3tin2 xu'14un4 xa'1a4 ti4 ña1a4 tan3 kwa'1an1 ba3=ra3,
bi3tin3 ndi4, ya1kan3, ña1a4 ndo1o3=ri4 ji'4in4=ndo4 ndi4 ti4 ja1 ni1-xi14ko(3)=2 ku4u4=ri4
xa4kin2 xa4kin2 ka1 ndu3xi4 sa3kan4 ku4u4 ni1-ku3-ta4xin24 ba3 ni1-ndi'3i(3)=a2 xa13kin2=ri4 ja143 xi4kwe'1e1 ta1 bi4ka3 ndi4
ko14o3 ka(1)=e1 xa4kin2=ri4 na4 ku3-ndi3chi2=ri4 ndi4 ti4 ja1 ni1-ndi'3i3 xa13kin2 ku4u4=ri4
ka'3ni(4)=un4=ri4 na4 ku3xi(3)=o4, nda1 xi4ko1 na4 ko3o3=ri4 a3sa(3)=e4 ndi4 ti4 ba'14a4 bi4 ku4u4=ri4 ndi4 ti4 ja1 sa14-ndi'3i3 xa13kin2 ku4u4=ri4
ja143 xa'13ni(4)=an4 kan4=ri4 su3 nda4a(2)=e2 ba42 kan4 ndi4 ki1bi4 tu'13un(3)=an4 tu1mi32=ri4 ndi4
yo'4o4 yo'4o4 ka4a4 yu'3u4 xi1ni4 nda4a4 ndi4ka2 ka'3a4=ri4 ti1xin3=a2 kan4 ba3 xa13ku'1un3 ndi1bi4
su14u3 ndi3xa3 ti1xin3 bi4=ri4 ni4-xa3ku'1un3=a2 ndi4 yu'3u4 xi1ni4 ba3 ju13-ndi3ka2 ka'3a4=ri4 i3kan4 xa13ku'1un3 ndi1bi4, ja143 xi13xi3 ba3=na2 ti4 kan4 ndi'13i3 xa'1a4=ri4
Pedru ndi4 kwa'1an1 ba3 ta1 ña1a4, kwa'1an1 ba3 Pedru.
Maximino Meza, Maximino Meza Teodoro. U1ni1 xi3ko3 u'1un1. Yoloxóchitl.
Pegru *mala** ndi4 i4ndu'3u4ra2 sa3kã4 tã3 ja14nda3ku3ra2 chi3ñũ3 ndi13kĩ'3ĩ3ra2 kwã'1ã1ra1 ndu3ku4ra2 chi3ñũ3 ja3chỹũ4ũ4ra2 nũ14ũ3 ta1 bi4ka3
i3kã4 nĩ1xa1a1ra1 nĩ1kĩ'3ĩ3ra2 i3chi4 kwã'1ã1ra1 nĩ1kĩ'3ĩ3ra2 i3chi4 kwã'1ã1ra1 tã3 nĩ1xa1a1ra1 nũ14ũ3 ta1 bi4ka3 kã4 ka4chi2ra1 jĩ'4ĩ4 ta1 kã4 ndi4
*señor** ã4 ko14o3 chi3ñũ3 ba'1a3 ka3ja3 chwe4e4 jỹũ'4ũ4 ndi4 ta1 ku4nĩ2 ka3ja3 chỹũ4ũ4 ku4u2 ba1xi32 tã3 ta1 ku4nĩ2 ja3chỹũ4ũ4 ku4u2
A4chu3 ko14o3 chi3ñũ3 i4yo2 ba3 chi3ñũ3 ki3nĩ2 ja1nẽ1 ndi4 ndo'4o4nĩ42yu1 jĩ'4ĩ4ri4 ndi4 u1nĩ1 ku4u4 ki3nĩ2 ja1nẽ1 i4yo2 tã3 ndi3sa3a4 is1tã1ã1 kwẽ'1ẽ1 jĩ'4ĩ4ri4 chi4chi3ri4 nda'1yu1
tã3 ta1 ko3nda2a2ri4 ku3chi3ri4 nda'1yu1 ta1 kã4 ku4nĩ2 tã'3ã2 yu'1u1 ba3 ndi4 ja1nẽ1 ku4u4ri4 tã3 ndo'4o4nĩ42 jĩ'4ĩ4ri4
nda1 nũ14ũ3 ñũ3ũ2 nda1 kã4 i4ndu'3u4 i3nda14 ndo'1yo3 lu3lu3 tã3 i3kã4 xẽ'4ẽ1 jĩ'4ĩ4ri4 chi4chi3ri4 nda'1yu1
kwã'1ã1ri4 ku3chi3ri4 nda'1yu1 ki3xa2a2ri4 tã3 nde4e4 ba3ri4 ka4chi2ra1 so'3o3
u1bi1 xã'4ã1ri4 chi4chi3ri4 nda'1yu1 ĩ3ĩ3 ki1bi4 ya1 kã4 ndi4 ĩ3ĩ3 kwã'1ã1ri4 is1tã1ã1 tã3 ĩ3ĩ3 kwã'1ã1ri4 ku4tỹũ'4ũ4 i3kã4 kwe4nda2 ba1xi3 kwa4a24 ndi4 ba143 kwã'1ã1 ka1 bi4ri4 ndi4 ja1 ja1 jã'1ã1ri4 u1bi1
i3kã4 tã3 ya1kã3 ka4chi2 ta1 bi4ka3 jĩ'4ĩ4ra2 ndi4
i3tã2ã2 ndi4 yo'4o1 ku4u4 ta1 kũ'1ũ1 jĩ'4ĩ4ri4 a3sã42 ba'1a3 ndi4 nda3kwi3sõ4ri4 kũ'1ũ1ri4 jỹũ'4ũ4 ka14i3nỹũ24 ndi4 cha'3bi3 ba2 yo'4o1 ko3to3 kwe4ndõ24 lu3u3 ja1nã1yu1
tã3 ndi13kĩ'3ĩ3 Pedru Mala ki3nĩ2 ndi13kwi3so3ra2 ki3nĩ2 u1nĩ1ri4 sa3kã4 ndi13kwi3so3ra2 kwã'1ã1 jĩ'4ĩ4ra3 ku3chi3ri4 nda'1yu1
is1tã1ã1 tã3 nda13kwi3so3ra2ri4 kwã'1ã1ri4 nĩ1ki3xa2a2ra1 jĩ'4ĩ4ri4 tĩ3 tã3 ja143 xi13xi3ra2 tĩ3 ndu13ku3ndu'4u4ra2 i4ndu'3u4ra3
ku4nĩ2 ku4nĩ2 ke1 ku3tỹũ'4ũ4 tã3 ndi13kwi3so3 nĩ3 tu3ku3ra2ri4 kwã'1ã1ri4 jĩ'4ĩ4ra2 chi4chi3ri4 nda'1yu1
sa3kã4 bi3tĩ3 sa3kã4 i3tã2ã2 xi4ka3ra2 jỹã'4ã2 ki3nĩ2 kã4 chi4chya2 nda'1yu1 i3kã4 ja143 ka4chi2ra1 ta1 bi4ka3 jĩ'4ĩ4ra2 ndi4
ko3to3 kwe4nda2nỹũ424 ja1nẽ1 ndi4 nã4 ku3chi3ri4 nda'1yu1 nã4 ja1 ndo4o4ri4 ndi4 ja1nã1yu1 ku4u4ri4 nã4 ku3ndo3o3 mĩ3ĩ4ri4
ya1kã3 ka3ka3ri4 ya1 kã4 ndi4 nã13ñũ3 ba3 ki3nĩ2 ndi4 nda3si4 ndo3o3 ki3nĩ2 ndi4 ndo3o3lu3 ki3nĩ2
sa3kã4 ku4u4 Pedru Mala xi4ka3ra2 jĩ'4ĩ4ri4 tã3 ja143 ka4chi2 ba3nã2 jĩ'4ĩ4ra2 ndi4 An4 kwa14 xi4kõ4 ki3nĩ2 ñã1ã4 kĩ'3ĩ3ndu2 *señor**
ti4 ku4nĩ2ndu1 ku4u4 ki3nĩ2 nã4ñũ3 ndi4 la3tũ4nĩ42ri4 xi14kõ4ri4 kĩ'3ĩ3ndu2
kwa14 xi4ko2ri4 *hombre** kwa14 xi4ko2ri4 ndi4 ti4 nda4a2yu1 ku4u4ri4
xi14kõ4ri4 kĩ'3ĩ3ndu2 ndi4 ti4 ku4nĩ2ndu1 ku4u4ri4
kwa14 xi4ko2ri4 ndi4 ti4 xi4kwe4nda2yu1 ku4u4ri4 An4 ba'1a3 nã4tu2 sa3kã4
ja143 kwã'1ã1ra1 jĩ'4ĩ4ri4 chi4chi3ri4 nda'1yu1 nda13ndi3ko4ra2 nĩ1ki3xa2a2ra1
nda13ko3nde3e3ri4 nde4e4ri4 kã4 ka3ti4 kã4 nda1 ja1 ku4tỹũ'4ũ4 ku4nĩ2 ku4nĩ2 ke1 ku3tỹũ'4ũ4 ndi13kĩ'3ĩ3 tu3ku3ra2ri4 kwã'1ã1ri4 jĩ'4ĩ4ra3
sa3kã4 ndi'3i3 ba3 chi4chi3ri4 nda'1yu1 ndi3sa3a4 ki1bi4 sa3kã4 ku4u4 sa3kã4 ku4u4 xi4ka3ra2 jĩ'4ĩ4ri4
ja143 ka4chi2 ta1 nĩ1ke3ta3 kã4 kã'4ã2 jĩ'4ĩ4ra2 ndi4 xi14kõ4ri4 kĩ'3ĩ2 *hombre** la3tũ4nĩ42ri4 xi14kõ4ri4 kĩ'3ĩ2
xi14ko3 ba2ri4 kỹũ'3ũ4 bi3tĩ3 ndi4 ja1 nĩ1ka3nã3 i3nĩ2 ndi4 ti4 xi14ko2 ku4u4ri4 xi14ko3 ba2ri4
i3nde142 ndi4 nã4 ko'1o4 jĩ'4ĩ4ri4 mĩ4ĩ4 ba42 mĩ4ĩ4 chi4chi3ri4 nda'1yu1 kã4 tã3 i3kã4 ba42 xi14ko2ri4 kỹũ'3ũ4 ka4chi2ra1 Ba'1a3 ba3
xa1a1nã1 mĩ4ĩ4 chi4chi3ri4 nda'1yu1 kã4 nda1 xa'1a4 su'1mã4 ki13tũ'4ũ4ra2 chi13nĩ3ra2 nũ14ũ3 nda'1yu1 kã4 tu3ku3ri4 ki13tũ'4ũ4ra2 su'1mã4 tã3 chi13nĩ3ra2 nũ14ũ3 nda'1yu1 kã4
tu3ku3ri4 ki13tũ'4ũ4ra2 su'1mã4 chi13nĩ3ra2 nũ14ũ3 nda'1yu1 kã4 u1nĩ1ri4 bi3tĩ3 ndi4 nã4 kũ'1ũ1ri4 jỹũ'4ũ4 tĩ3
i3nde142 ndi4 ya1 u1nĩ1ri4 ndi4 u1nĩ1 i3tĩ2 xũ'14ũ4 ba42 ndi3kwi3so2 xa'1a4ri4
kwe4nda2 i3tĩ2 xũ'14ũ4 ja'13nda2ra1 ya'1bi3 u1nĩ1 i3tĩ2 xũ'14ũ4 ndi13kwi3so3ra2 Pedru Mala tã3
nĩ1ndo1o3 ba3 su'1mã4ri4 i3kã4 i3kã4 ja143 nĩ1ke3e3ra2 jã'1ã1 ndu3ku4ra2 mĩ4ĩ4 ku3nde3e3 xũ'14ũ4 kã4 ndi4 ya1 kũ'1ũ1 ba42 jĩ'4ĩ4ra3
nĩ14ja1nw̃ã'1ã42 be'3e3 ta1 bi4ka3 a1chi1 ndi4 su14u3 kwe4nda2 ka1 ta1 kã4 ba42 ndi4 ja1 kwe4nda2 mĩ3ĩ4ra2 nĩ1ndo1o3 xũ'14ũ4 kã4 ndi4 ti4 xi14ko3 kwi'4nã4ra2 ku4u4ri4
xi14ko3ra2ri4 nĩ1kĩ'3ĩ3 nã1 kã4 tã3 ndo1o3 su'1mã4ri4 nũ14ũ3 nda'1yu1 i3kã4 nĩ1ke3e3ra2
jã'1ã1 kã'1ã1ra1 jĩ'4ĩ4 ta1 bi4ka3 ndi4 kwa14a2 ba'1a3 nĩ4ku3u3 *patrón** ndi4 ki3nĩ2 ndi4 nĩ1tĩ1ĩ3ri4 nũ14ũ3 nda'1yu1
ti4 nĩ1tĩ1ĩ3 ku4u4ri4 tã3 ji14nĩ2 sa1a3 a3sa2 ta3ba42ri4 nã4tu2 sa3kã4 ndi4 nã4 ko'1o4,nã4 ko'1o4 sa3kã4 ndi4 u1byo4 ji14te4 tã3 ke3e3ri4 bi3tĩ3 ba3 ka4chi2 ta1 bi4ka3
ke13e3nã2 xa1a1nã1 nũ14ũ3 nda'1yu1 kã4 tĩ13ĩ3 ta1 bi4ka3 su'1mã4 tã3 ji14ta3ra2 tã3 ta1 Pedru Mala kã4 ka4ta1bi1 mã14ã3 tã3 ta1 bi4ka3 ji4ta3 tã3
tu3kwa2 kã4 ji14ta3nã2 tu3ku3 sa3kã4 tu3kwa2 kã4 ji14ta3nã2 tu3ku3 sa3kã4 nĩ14ku3chũ3nã2 tũ'3ũ3nẽ2 ndi4 u1bi1nã1 ji4ta3 nã4 ko3o3 tũ'1ũ3 su14u3 kã4 ndi4
Pedru Mala ndi4 ta1 ka4ta1bi1 ba3 ku4u4 ta1 kã4 su'1mã4 tã3 ta1 bi4ka3 ji4ta3 chi2
ba14sa3 kwi4i4 kya3a2 u1nĩ1 sa3kã4 su'1mã4 nĩ1ndwa1a32 kã4
i3kã4 ka4chi2ra1 jĩ'4ĩ4 ta1 kã4 ndi4 kwã'4õ24 tã3 sa3kã4 ndi4 kã'1õ4 jĩ'4ĩ4 ñã4 si'4i2 tã3 nã4 ta3xỹã4 *pala** ta3xỹã4 *picu**
sa3kã4 ndi4 kya3a2 bi3tĩ3 ka4chi2ra1 jĩ'4ĩ4 ta1 kã4 ja'13nda2ra1 chi3ñũ3 nũ14ũ3 ta1 kã4 tã3 ndi13kĩ'3ĩ3ra2 kwa1nũ'1ũ4ra2 ndi13kwi3so3ra2 ka3a2 *pala** tã3 *picu**
tã3 nĩ1ndo1o3 ta1 bi4ka3 tã3 tĩ13ĩ3 ba3 ta1 bi4ka3 su'1mã4 ji14ta3ra2 tã3 mba'3a3ku4u4 kwã'1ã1 ka'3a4 ta1 bi4ka3 nũ14ũ3 nda'1yu1
nda1 ĩ3ĩ3 ta'4nũ1 e1te4 ka'3a4ra2 chi13ka2ra1 nũ14ũ3 nda'1yu1 tũ'13ũ3ra2 su'1mã4 ba4a24 ti4 kya13a2 chi1
tu3kwa2 kã4 ji14ta3ra2 tu3ku3 sa3kã4 ndo'13o3ra2 tu3kwa2 ji14ta3ra2 ji1nũ3 u1nỹã1
tũ'13ũ3ra2 u1nĩ1 su'1mã4 tã3 nũ14ũ3 nda'1yu1 tã3 nũ14ũ3 nda'1yu1 ya1nĩ3 ka'3a4ra2 ndi4 nda1 ĩ3ĩ3 ta'4nũ1 e1te4 ka'3a4ra2 chi13ka2ra1 nũ14ũ3 nda'1yu1
*híjole** ti4 nĩ1xi14ko3 ba3ra2 ku4u4 ja1nde4 tã3 yo4o4 tu3 ndi4 ke'4e4 ndi4 ti4 ñũ'4ũ4 nũ14ũ3 nda'1yu1 ku4u4ri4
i3kã4 tã3 nda4tu3ra2 ndi4 xa1a1 ta1 kã4
ndu13ku3ndu'4u4ra2 i4ndu'3u4ra2 ndi'13i3 tũ'13ũ3ra2 su'1mã4 kã4 nda13ko3ndya3a2 ndya4a2 kã4 Ndi3sa4 u1nĩ1 sa3kã4 su'1mã4 chi13nde3e3ra2 kã4 nda4tu3ra2 Pedru Mala xe1e1
nde4e2 ki'4bi3 ta1 kã4 nda13xa2a2ra1 be'3e3 tã3 ja143 ka4chi2ra1 jỹã'4ã4 si'4i2 ta1 bi4ka3 ndi4
ka4chi2 *patrón**yu1 ndi4 ya'1a32 yo'4o1 tã3 ya'1a32 ñã4 si1sỹũ'4ũ24 tã3 ya'1a32 ñã4 ja4chỹũ4ũ4 nũ14ũ4
sa3kã4 ndi4 ke3e3 ki3nĩ2 chi1 sa3kã4 nĩ1nda14yu3 *patrón**yu1 ba1xi32 tã3 ya1 kã4 ndi4
ya1 kã4 ndi4 ta1 ba1xi3 ku4u2 tã3 sa3kã4 ya'1a32 ndo'4o1
ji'3nã3 ji'3nã3 si1sỹũ'4ũ24 ya'1a3 tã3 sa3kã4 ndi4 ya'1a3 ñã4 ja4chỹũ4ũ4 nũ14ũ4 tã3 sa3kã4 ba42 ndi4 ya'1a3 mỹũ3ũ4 tã3 sa3kã4 kũ'1ũ1yu1 ka4chi2ra1 Ba'1a3 ba3 ka4chỹã24
Ji14ta3 ba3ra2 si1sỹã'4ã24 tã3 kwẽ'1ẽ4 jĩ'4ĩ4ra2 *cuarto** tĩ13ĩ3 ba3ra2 ñã4 kã4 tu3ku3 ñã4 ja4chỹũ4ũ4 nũ14ũ3nã2 tĩ13ĩ3ra2
tu3ku3 mỹã3ã4 bi4ka3 tĩ13ĩ3ra2 bi3tĩ3 ndi4 ja1 i4yo2 ba'1a3 tĩ3
nã4 ndi3kwi3so2 *picu** tã3 kw̃ĩ'1ĩ1 ja143 ndi13kwi3so3ra2 *picu** ndi13kĩ'3ĩ3ra2 *pala** nĩ1ka3nĩ3 so4ko1re1 tã3 kwã'1ã1ra1
tã3 chi4lu2 tĩ3 ndu3kũ4 ta3xỹũ4 lu3u3 nda'3a42 kũ'1ũ1 jĩ'4ĩ2 a1chi1 ndi4 ya1
nã4tu2 nde4e2 ka4a4 ndi4 ya1kã3 nĩ1tĩ1ĩ3ri4 ndi4 kwe4nda2 su3tũ4ri4 ka'3nda2yu1 tã3 sa3kã4 ta3ba42ri4 ka4chi2ra1
kỹã'13ã4 chi4lu2 kỹã'13ã4 bi4ka3 chi4lu2 ta13xỹã4 nda'3a4ra2 chi13nĩ3ra2 to3ko4ra2 tã3 ndi13kĩ'3ĩ3ra2 kwã'1ã1ra1 ke13ta3 ti4ra2 nũ14ũ3 ñũ3ũ2 kã4 tã3
ja13ta2ra1 *pala** kã4 nĩ1kĩ'3ĩ3ra2 bi4 *picu** sa13ka4nã3ra2 kã4 *pala** sa13ka4nã3ra2 kã4
kwã'1ã1 ba3ra2 chi1 xi13nũ3ra2 kwã'1ã1 ba3ra2 ta1 ja1 xi13nũ3 ku4u4 ba3ra2 kwã'1ã1ra1
i3kã4 nĩ1ke3e3 ta1 bi4ka3 i3kã4 tã3 nda13xa2a2ra1 be'3e3 nda4a2 kwã'1ã1 ta1 ba1xi3 yo'4o4 mĩ3tỹũ'4ũ4
a4su3 a1su3 ja1tõ4 kwã'1ã1 ta1 kã4 mĩ3tỹũ'4ũ4 ko14o3ra2 nĩ4xa1a1 i3kã4
nda'4bi2nĩ42 *hijo de la chingada** ta1 ja1 xi13nũ3 kwã'1ã1 ku4u4ra2 nã4tu2 sa3kã4
An4 kwã'1ã1 ka3a2 *picu** jĩ'4ĩ4ra3 Kw̃ã'1ã1 be2 kwã'1ã1 *pala** kwã'1ã1 jĩ'4ĩ4ra3 Tã3 ko14o3ra2 nĩ4xa1a1 i3kã4 Ko14o3ra2 nĩ4xa1a1
Mm kwa14a2 ba'1a3 i4yo2 ndi4 nĩ1kã'1õ4 jĩ'4ĩ4ra2 ndi4 nã4 ya'1a3ra2 yu'1u1 tã3 ya'1a3ra2 si1syo'4o24 ya'1a3ra2 ñã4 ja4chỹũ4ũ4 ndwe14e4 nĩ1ka3chỹũ24 jĩ'4ĩ4ra2 ba1xi3ra2 ya1 kã4 ndi4 sa3kã4 i13xa3ra2 jĩ'4ĩ4ndu2 tã3 kwã'1ã1ra1
*hijo de la chingada** ã4 su14u3 ta1 ba'1a3 nĩ4i3xa3 bi4 ku4u4ra2 nã4tu2 sa3kã4 ta1 i13xa3 ko14chũ3 yu'1u1 ba3 ku4u4ra2 nã4tu2 sa3kã4 i13xa3ra3
bi3tĩ3 sa3kã4 ku3ndyo24 ta1 kũ'1ũ1 ku4u2 ja1ta4ra2 tã3 sa3kã4 ka'3nĩ42ra1 bi3tĩ3 ba3 nũ4mĩ24ra2 chi13ndu'4u4ra2 ta3yu2 kwa4yu2 ja1nã1ra1 tã3
ji14ta3ra2 *pistola** ja14ndi'1bi3ra2 xã'3ã2rũ4 tã3 chi13ka2ra1 to3ko4ra2 tã3 nda13a3ra2 kwa4yu2 kwã'1ã1lu3ra2 ja1ta4 Pegru
nde3e4lu3 kwã'1ã1ra1 ja1ta4 Pegru
nde4e2 ba42 kã4 ndi4 ke13ta3 xi4yo4 ti4 Pegru nũ14ũ3 ñũ3ũ2 tã3 ndi4ka2 ỹã3ã2 ti1xu'4u4 tye4tã24 ka'4nũ3lwa2 ti1xu'4u4 tye4tã24 ndi4ka2 xa'13nĩ4re2 kã4 tã3 ta13ba4ra2 si3ti2 ka'4nũ3
si3ti2 ka'4nũ3 kã4 nĩ1tĩ3ĩ3ra2 ku'13nĩ2ra1 to3ko4ra2 tã3 chi13nĩ3ra2 chi4lu2 ja1te42 kã4 tã3
xi4ta1 sa3kã4 ta1kwi42 si'14bi3 ka'3a4 si3ti2 kã4 i4ndwa'3a42 ti1xĩ3ra2 kwã'1ã1 ba3ra3
ndu13ku3tã'4ã4ra2 jĩ'4ĩ4 nã1 ndu13ku3tã'4ã4ra2 jĩ'4ĩ4 ba1xi3 ja143 ka4chi2nã1 jĩ'4ĩ4ra2 ndi4 nde4e2 nĩ1ndo'3o3nỹũ424 *señor**
kwa14a2 ba'1a3 nĩ4ndo'3o2 ndi4 i3chi4 ka1a3 ba1xi32 tã3 nĩ1kã3ã2nã1 yu'1u1 ndi4 ji14ndyo24 nã4 ko3chũ2 nda'3a2 bi42 ndi4 xi4ta1 nã3kwi42 ta1kwi42 si'14bi3 ka'3a42 ka4chi2ra1 so'3o3 kwã'1ã1 ba3ra2
ya'1a3 nã1 kã4 kwã'1ã1nã1 kwã'1ã1nã1 sa3kã4 ndu13ku3tã'4ã4nã2 jĩ'4ĩ4 ta1 bi4ka3 ndi4 nde3e4lu3 kwã'1ã1 ta1 kã4 jĩ'4ĩ4 kwa4yu2 ja143 ka4chi2nã1 jĩ'4ĩ4ra2 ndi4 Nda4a2 kwã'1õ4 *señor**
ja1ta4 ta1 kwã'1ã1 yo'4o4 kwã'1ã1yu1 ndi4 An4 ko14o3 ĩ3ĩ3 ta1 nĩ4ji3nĩ2ndo4 i3chi4 ñã1ã4 ndi4 ja1ta4 ta1 kã4 kwã'1ã1yu1 ndi4 kwa14a2 ba'1a3 nĩ4i3xa3ra2 ndi4 nĩ1xi14ko3ra2 ki3nĩ2 ja1nã1yu1 tã3
tã3 nĩ1i3xa3ra2 ko14o3 nũ14ũ3ra2 i13xa3re2 ko14o3 nũ14ũ3 jĩ'4ĩ2 ndi4 nĩ1ya'1a3ra2 ñã4 si'4i2yu1 tã3 nda1 si1si'4i2yu1 tã3 nda1 ñã4 ja4chỹũ4ũ4 nũ14ũ2 u1nĩ1nã1 sa3kã4 nĩ1ya'1a3ra3
ya1 kã4 ba42 ta1 kwã'1ã1 ka'3nĩ42 ku4u4ra2 ka4chi2 ta1 bi4ka3 so'3o3
nda1 xi4ko1 nã4 kũ'1ũ4 ja1ta4 ta1 kã4 *señor** nda1 xi4ko1 nã4 kũ'1ũ4 ja1ta4 ta1 kã4 ndi4 ta1 ja1 ku4nĩ2 ku3u2 ku4u4 mĩ3ĩ4 ba3 ta1 kã4 kwã'1ã1ra1 ndi4
lu14u3 ta1kwi42 si'14bi3 ke4e4 ka'3a4ra2 nĩ4nĩ3 chi4lu2 ti1xĩ3ra2 kwã'1ã1ra1 ji14ndyo24 yo3o3 ku4u4 nã1 i13xe2 ba'1a3 jĩ'4ĩ4ra3 nda3ndi3kõ4 nã4 ko'1o4 a1chi1 ndi4
ta1 kã4 ndi4 ta1 ja1 ku4nĩ2 ku3u2 ku4u4ra3 chi3ka2 kwa1chi3 xu4mỹũ4 jĩ'4ĩ4ra2 tã3 ta1 kã4 ndi4 ta1 ja1 nĩ1ka3nĩ3 ba3nã2 ku4u4 ta1 kã4 ba'1a3 ka1 nã4 ku1ndo'1o4 kwã'1ã1 mĩ3ĩ4ra2 ku3u2 ba3 ta1 kã4 ka4chi2nã1 so'3o3
ba'1a3 nã4tu2 sa3kã4 ndi4 sa4a24lu3 i3nĩ2 ta1 bi4ka3 nda13ndi3ko4ra2 ndi4 nĩ14jã'1ã1ra1 nĩ'1ĩ4ra2 Pedru nda13ndi3ko4 ba3ra2 kwã'1ã1 ba3 ta1 kã4
um nĩ1xa1a1ra1 i3chi4 kã4 i3kã4 ja143 nĩ1
xũ'14ũ4 nĩ1kĩ'3ĩ3ra2 kã4 ndi4 nĩ1ya'1a3 ba3ra2 nda13ndi3ko4ra2 ndi13kĩ'3ĩ3re2 kã4 tã3 kwẽ'1ẽ1 jĩ'4ĩ4ra2 ya1 kã4 ndi4 o4ra2 nĩ1xa1a1ra1 i3chi4 mĩ4ĩ4 ba42 kwã'1ã1ra1 kã4
ja'13nda2ra1 i3tũ4 *pinu** tã3 ja13nde3ta3ra2rũ4 i3chi4 yu3kũ2 nde4ta3rũ4 ku1mĩ4 tũ4 *pinu** ja13nde3ta3ra2 tã3 chi13kwĩ3ĩ3ra2 xũ'14ũ4 nda'3a4rũ4
tã3 ja13nde3ta3ra2 ya3xĩ4 nda4kũ'1ũ3 xũ'14ũ4 ĩ3ĩ3 ya'4a13 ta1chi4 tã3 ko4yo13 xũ'14ũ4 ti1xĩ3 ya3xĩ4 ĩ3ĩ3 ya'4a13 ta1chi4 tã3 ko4yo13 xũ'14ũ4 ti1xĩ3 ya3xĩ4 nde4te2
ya1 ndi4kwi3so3 xũ'14ũ4 ba42 kã4 nde4te2 i3kã4 nda4a2 xi4ka3 bi4 tu3 ta1 bi4ka3 ya'4a13ra2 kwã'1ã1ra1 i3chi4 kã4 ja143 ka4chi2ra1 so'3o3 ndi4
An4 tũ4 xa'4a13 xũ'14ũ4 ku4u4 tũ4 *pinu** ka1a3 *señor** ka4chi2ra1 jĩ'4ĩ4 ta1 kã4 Tũ4 xa'4a13 xũ'14ũ4 ku4u4rũ4
tũ4 ka1a3 ndi4 ba'1a3nĩ42 xa'4a13rũ4 xũ'14ũ4 ku1mĩ4rũ4 ndi4 tũ4 ko4yo13 xũ'14ũ4 nda'3a4 ku4u4 ndi'3i3rũ4
tã3 sa1a3 bi4 xi14kõ4 i3nda14 i3nda14rũ4 kĩ'3ĩ2 nã4 xi14kõ4rũ4 kĩ'3ĩ2 ka4chi2 ta1 bi4ka3
yu'1u1 ndi4 ba'1a3nĩ42 xa'4a13rũ4 xũ'14ũ4 ndi4 tũ4 sa3ta42 ko3ndo3rũ4 ku4nĩ2yu1
ku1mĩ4rũ4 ndi4 ku1mĩ4 i3tĩ2 xũ'14ũ4 ba43 kwe4nda2 i3tĩ2 xũ'14ũ4 nda3twe'4e4 xa'1a4rũ4 a1chi1 ndi4 ba'1a3nĩ42 lu14u3 xũ'14ũ4 xa'4a13rũ4
ya1 xa'4a13 mĩ3ĩ4rũ4 ku4u4 xũ'14ũ4 ka4chi2ra1 so'3o3 ba'1a3 ba3 ji14ta3 ba3 ta1 bi4ka3 ku1mĩ4 i3tĩ2 xũ'14ũ4 ta13xi3ra2 nda'3a4 Pedru
nĩ1ndo1o3 ba3 ta1 bi4ka3 jĩ'4ĩ4rũ4 tã3 ndi13kĩ'3ĩ3 ba3 Pedru kwã'1ã1ra1 si13so3ra2 ku1mĩ4 i3tĩ2 xũ'14ũ4 kwã'1ã1 ba3ra3 kwã'1ã1 xũ'14ũ4 jĩ'4ĩ4ra3
kwã'1ã1ra1 sa3kã4 kwã'1ã1ra1 sa3kã4 nĩ1xa1a1ra1 ĩ3ĩ3 ñũ3ũ2 i3kã4 ja143 nĩ1xa1a1ra1 ĩ3ĩ3 ñũ3ũ2 kã4
i4so3ko2ra1 ndi4 i4so3ko2 sa4ka2ra1 nĩ3 ji14nĩ2ra1 nde4e2 a3sa3 ka1ra1 ndi4 nda3si4 i4so3ko2ra1
nĩ1xa1a1ra1 be'3e3 ku1mĩ4 nã1kwa4chi3 si'4i2 nde4e4 nde4e4 mĩ4ĩ4 nĩ1xa1a1ra1 kã4 ko14o3 yu3ba4nã2 i4yo2
xa1a1ra1 tã3 ta13ba4 ndi'3i3ra2 tyo1to1 kĩ'13ĩ3re2 chi13nde3e3ra2 kã4 tã3 nda13a3ra2 ja1ta4 *viga** i4ndu'3u4ra3
tã3 ja1ta4 *viga** kã4 ndi4 i3kã4 ja13ndi3chi2nã1 *cartón** ñũ'4ũ4 *quesu** ya1 ka3xi4 yu3ba4 nã1 kã4 *cuaresma** ba42 tã3 ta1 kã4 nĩ1nda3a3 ndi4 *quesu** ju13tã'3ã2ra1 ñũ'4ũ4
. ti1xĩ3 *cartón** kã4 ki13xa3a4ra2 ja4xi24 ba3ra2 *quesu** chi1 ja4xi24ra2 *quesu** ja4xi24ra2 *quesu**
nĩ1ki3xa2a2 i3ndẽ14 ñã4 ñã4 se'1e3 ta1 ta1 ta13xi3 kwa'4a4 *quesu** kã4
ndi4 nã1 kwã'1ã1 ku4u4 nã1 kã4 ke13e3nã2 kwã'1ã1nã1 xa14ku'1u1 ka3ja3 chỹũ4ũ4nã3 kwã'1ã1 ñã4 si'4i2ra1 jĩ'4ĩ4ra2 nda143 se'1e3ra2 ndo13ko3o4ra2 ku1mĩ4nã2 be'3e3 kwã'1ã1ra1
ki13xa2a2 ki13xa2a2 ñã4 lu3u3 kã4 ji4tw̃ã4 ndi4 Pedru ba3 i4ndu'3u4 ja1ta4 *viga**
ya4la4 nĩ1ka3ku3ra2 nda143 ĩ4ĩ4 li4ngo4 xa1yu4 ka'3a4ra2 i4ndu'3u4ra2 ja1ta4 *viga** kã4 ja4xi24ra2 *quesu**
i3kã4 ja143 ka4chỹã24 jĩ'4ĩ4ra2 ndi4 nde4e2 ba42 ĩ4ĩ4nĩ42 tu3 kã'3õ4 ñã1ã4 ka4chỹã24 jĩ'4ĩ4ra3
ya1 ka1a3 ndi4 ya1 ju4ta4tã4 nã1 i4yo2 ki'4bi3 i3nĩ2 ba42 ka1a3 ya1 ju4ta4tã4 nã1 i4yo2 ki'4bi3 i3nĩ2 ba42 ka1a3
ko1to1 ka14xi4nỹũ424 *quesu** ñã1ã4 ndi4 ya1 ka3xi4 yu3ba4ndu2 *cuaresma** ba43
nã4 ka3xi4 mỹã3ã42 ndi4 yu'1u1 ndi4 *cuaresma** ku4u4 yu'1u1 ba3 ka4chi2ra1 so'3o3 jỹã'4ã4
ja143 ja13xi4 ba3ra2 *quesu** kã4
ja13xi4ra2 *quesu** kã4 tĩ3 tã3 i3kã4 ja143 nĩ1kỹã3ã4 kã4 jã'1ã1 kẽ'1ẽ4 jĩ'4ĩ4 nã1 tẽ'4ẽ4 nã1 nã1 chi4tu4 be'3e3 kã4
i3nda14 *señor** nĩ1ki3xa2a2 i4ndu'3u4 kã4 ndi4 lu14u3 ñã'1ã3 ĩ4ĩ4 ka'3a4ra2 ndi4 nda143 ĩ4ĩ4 li4ngo4 ti4 ñã'1ã3 ka'3a4ra2 ka4chi2nã1 so'3o3
i3kã4 kã'4ã2ra1 ndi4 ya1 ku3ta4tã4 nã1 i4yo2 ki'4bi3 i3nĩ2 ba42 ã4 ba'14a4 nã4 ku3ta4te4 *manita** yo4o4 ndi4 yo4o4 i4yo2 ki'4bi3nĩ42 i3nĩ2 kwe4e4 ta'4nda1 chi3ñũ3 ndwe14e4 kwe'1e4 nde'14e4 tã3 sĩ4ĩ4 ya1 kwe4e4
sĩ4ĩ4 ya1 kwe'1e4 xa'1a4 tã3 su3 sĩ4ĩ4 ya1 i4xe4 ba'1a3 ka1 nã4 ku3ta4te4 tã3 sa3kã4 ndi4 ndu3ba'1a3 i3ndyo24 ndi4 i4yo2 ki'4bi3 nã3kwi42 i3ndyo24 ka4chỹã24 ja1nde1e4 so'3o3
ñã4 ja1nde1e4 kã4 nã4tu2 ku3ta4te4 tã3 ku3ta4tã4 be4 ka4chi2nã1
i3kã4 o4ra2 nĩ1ndi'3i3 ja13xi4 ta1 kã4 *quesu** nũ13ũ3ra2 ñũ'3ũ4 ja143 kẽ'4ẽ24 ja1nde1e4 kã4 jĩ'4ĩ4ra2 ndi4
ku3ta4tã4ndu2 ku4nĩ2ndu1 a1chi1 ndi4 i4yo2 ki'4bi3 nã3kwi42 i3nĩ2ndu1 nã4tu2 ya1 ju4ta4tã4 nã1 i4yo2 ki'4bi3 i3nĩ2 ba42 tã3 ku3ta4tã4 ba3ndu2 Ba'1a3 ba3 ka4chi2 Pedru
Ni14kã'1ã1 kwa'1a4ra2 ndi4 ndi13kĩ'3ĩ3ra2ñã4 ja1nde1e4 tã3 kwẽ'1ẽ4 jĩ'4ĩ4ra2 *cuarto** tĩ13ĩ3ra2ñã4 ba1ba'1a3
ĩ3ka4nĩ24 tã3 tu3kw̃ã4 nĩ1ya'1a3 tĩ13ĩ3ra2ñã4 ba1ba'1a3
i3kã4 ka4chỹã24 ñã4 ñã4 nũ14ũ3 nĩ1ju3ta4tã4 ndi4 An4 ja1 i4yo2 ka4xi3 i3nĩ2 yo'4o1 ka4chỹã24 jỹã'4ã4 kã4
ka4chỹã24 ñã4 i3nda14 kã4 jỹã'4ã4 ja1 i4yo2 ka4xi3 i3ni2*manita** ja1 ndu4ka4xi3 i3nĩ2yu1
ya1 kã4 ndi4 ku3ta4tã4ndo4 ndi4 ja1 yu'1u1 ndi4 ja1 ndu4ba'1a3 i3nĩ2yu1 ka4chỹã24 so'3o3
ya1 kã4 ba'1a3 bẽ4 kã4 ndi4 ñã4 ja1nde1e4 bã4 kã4 ndi4 ñã4 ja1 ku4nĩ2 ku4u4 bẽ4 kã4 ji4nỹã24 ta1a3 tã3 ju13ta4tã4 bẽ4 kã4
tu3kw̃ã4 i4xa3 mã'14ñũ3ju13ta4tã4 tu3kw̃ã4 ju13ta4tã4 ku1mĩ4nã2 sa3kã4 ju13ta4tã4 nĩ1ndo1o3nã2 nde4e4nã2 kã4 tã3
i3kã4 ja143 nĩ1ndi3kĩ'3ĩ3 Pedru kwã'1ã1ra1
nĩ1ki3xa2a2 yu3ba4 nã1 kã4 jã'1ã1ra1 xa14ku'1u1 nĩ1kwa3a4 ndi4
ba143 nĩ4kã'1ã1 bi4ra2 nã1 jĩ'4ĩ4ra2 nĩ1kwa3a4 nĩ1ki3xa2a2ra1 ndi4 ya1kã3 ta4xĩ24 nde4e4 ba3nã3
nĩ1ki4tu3 bi4 ja143 nda4tũ'4ũ4nã2 jĩ'4ĩ4 yu3ba4nã2 ndi4 i3ku3 nĩ1ya'1a3 ta1 nĩ1ya'1a3 ndi4 ya1kã3
ka4chi2ra1 ndi4 *cuaresma** ku4u4ra2 ka4chi2ra1 so'3o3 i4ndu'3u4ra2 ja1ta4 *viga** ka1a3 tã3
nĩ1xa'1a3 ba3ndu2 nda14yu3 ja13xi4 ndi'3i3ra2 *quesu** ya1 nda'4bi3 ka3xỹũ4 *cuaresma** ka4chi2nã1 jĩ'4ĩ4 yu3ba4nã3
*híjole** ã4 ja13xi4 ndi'3i3 ba3ra3 ja13xi4 ndi'3i3re2 *cuaresma** ku4u4 ta1 kã4 ka4chi2ra1 so'3o3 ya1 kã4 ndi4 ja13xi4 ba3re3
An4 kwa14a2 nĩ4i3xa3ra2 jĩ'4ĩ4ndo4
Na1 ju13ta4tã4 ku4u4ndu2 i13xa3ra2 a1chi1 ndi4 i4yo2 ki'4bi3 nã3kwi42 i3nĩ2ndu1 *hijo de la chingada** su14u3 nã1 ba'1a3 ka1 bi4 ku4u4ndo4 ndi4 ku3 ku3mĩ3ĩ4 i4ta4nĩ42 ke1 ndo'4o1 nã1 ja1 nĩ1ku3be4la2 ku4u4ndo4 kwã'4ã2ndo4 ka4i2
tu3ku3 tu3kwa2 ndi3sa4 ku1mỹã42 sa3kã4 ta13xi4ra2 jĩ'4ĩ4 i3tũ4 kwẽ'1ẽ1 ka4i2 kã4
kwã'4ã2ndo4 a1chi1 ndi4 su14u3 nã1 i4yo2 ka4xi3 i3nĩ2 ku4u4ndo4 nde4e4ndo4 be'3e3 ndi4
nã1 i13xa3 chi3ñũ3 ku4mã1nĩ4 ku4u4ndo4 nde4e4ndo4 be'3e3 kwã'4ã2ndo4 ka4i2 ko14o3 chỹũ3ũ3 a3sa3 ke1 ndo'4o1 su14u3 *señorita** ka1 ku4u4ndo4 ndi4 ko3nde3e3ndo4 ku3i3nĩ2 ka1yu1 ndo'4o1 ndi4
nã1 ja1 nĩ1i3xa3 be4la2 xu4mĩ4 ku4u4ndo4 ka4chi2ra1 so'3o3 jĩ'4ĩ4nã3 ta13xi4ra2nã1 kwã'1ã1nã1 ka4i2 ndi3sa4 ku1mĩ4 sa3kã4 kwã'1ã1 ka4i2 kã4 ba3
tã3 Pedru ndi4 kwã'1ã1 ba3 ta1 ñã1ã4
i3kã4 nĩ1ke3ta3ra2 i3nga2 ñũ3ũ2 kã4 sa13ta4ra2 ndu3xi4 ka'4nũ3lu3 ndu3xi4 nda4a4 sa13ta4ra3
chi13ka2ra1 ndu13ku4ra2 yu'3u4 xi1nĩ4 ja1 ka'4nũ3 ba'1a3 yu'3u4 xi1nĩ4 nda4a4 chi13ka2ra1 ka'3a4ri4
ndu3xi4 nda4a4 ku4u4ri4 nda1 yu'3u4 xi1nĩ4 nda4a4 chi13ka2ra1 ka'3a4ri4 tã3 i3kã4 tã13ã4ra2 ndi1bi4
ke13ta3 ba3ra2 i3nga2 ñũ3ũ2 ta1 kwã'1ã1 sa3kã4 ku4u4 ba3ra2 nĩ1xa1a1ra1 i3nga2 ñũ3ũ2 kã4
i3kã4 ja143 ka4chi2ra1 jĩ'4ĩ4nã2 ndi4 mĩ4ĩ4 nĩ1xa1a1ra1 kã4 ndi4 An4 ja14ta4ndo4 ndu3xi4 ndi4
. ba'1a3 sa4ka2 xa4kĩ2 ti4 yo'4o4 ti4 yo'4o4 ndi4 ba'1a3lu3 xa4kĩ2ri4
ĩ3ĩ3 xa4kĩ2ri4 is1tã1ã1 ĩ3ĩ3 xa4kĩ2ri4 ku4tỹũ'4ũ4 i3nga2 xa4kĩ2ri4 kwa3a4 u1nĩ1 xa4kĩ2ri4 ĩ3ĩ3 ki1bi4
ndi4 ti4 i4xi4ko2 ku4u4ri4 tã3 ko14o3 nã1 ku4nĩ2 ja3ta4ri4
nã4tu2 xi14kõ4ri4 tã3 xi14kõ4ri4 kĩ'3ĩ3 ba3ndu2 ka4chi2 ta1 ĩ3ĩ3 ta1 bi4ka3 mĩ4ĩ4 xa1a1ra1 kã4
xi14kõ4ri4 kĩ'3ĩ3ndu2 ndi4 ti4 ba'1a3 xa4kĩ2 sa3kã4 ku4nĩ2 ndu'1u1 ba3
tã3 ba'1a3 nã4 ba143 i4xa3 *maña**õ4 ndu'1u1 i3nda14 ti4 ka3kĩ2ri4 tã3 ya1 u1bi1 kã4 ka14kĩ2 ka1ri4
ũ'4ũ3 ndi4 ta1 ku3ndu'4u4 ku4u2 jĩ'4ĩ4ri4 tã3 sa3kã4 ndi4 ku3nĩ2ndo4 ndi4 ti4 xa4kĩ2 ku4u4ri4 sa3kã4 cha'3bi3ndo4 yu'1u1 ka4chi2ra1 Ba'1a3 ba3
Ja143 ju13ndu'4u4ra2 jĩ'4ĩ4ri4 is1tã1ã1 xa13kĩ2ri4 nĩ1ku3tỹũ'4ũ4 tu3ku3 ba3 xa13kĩ2ri4 nĩ1kwa3a4 tu3ku3 xa13kĩ2ri4 ji13nĩ2ndo4 ndi4 ja1 u1nĩ1 xa13kĩ2ri4 tĩ3
bi3tĩ3 ndi4 cha'3bi3ndo4 yu'1u1 ĩ3ĩ3 i3tĩ2 xũ'14ũ4 tã3 kũ'1ũ1yu1 ndi4 ĩ3ĩ3 i3tĩ2 xũ'14ũ4 ku4nĩ2yu1 xa'1a4ri4
kwe4nda2 i3tĩ2 tu3 xũ'14ũ4 kĩ'4ĩ4 tu3ra2 chi1 i3kã4 nĩ1kĩ'3ĩ3ra2 ĩ3ĩ3 i3tĩ2 xũ'14ũ4 xa'1a4 ti4 ñã1ã4 tã3 kwã'1ã1 ba3ra3
bi3tĩ3 ndi4 ya1kã3 ñã1ã4 ndo1o3ri4 jĩ'4ĩ4ndo4 ndi4 ti4 ja1 nĩ1xi14ko2 ku4u4ri4
xa4kĩ2 xa4kĩ2 ka1 ndu3xi4 sa3kã4 ku4u4 nĩ1ku3ta4xĩ24 ba3 nĩ1ndya'3a2 xa13kĩ2ri4 ja143 xi4kwe'1e1 ta1 bi4ka3 ndi4
ko14o3 ke1 xa4kĩ2ri4 nã4 ku3ndi3chi2ri4 ndi4 ti4 ja1 nĩ1ndi'3i3 xa13kĩ2 ku4u4ri4
ka'3nỹũ4ri4 nã4 ku3xyo4 nda1 xi4ko1 nã4 ko3o3ri4 a3se4 ndi4 ti4 ba'14a4 bi4 ku4u4ri4 ndi4 ti4 ja1 sa14ndi'3i3 xa13kĩ2 ku4u4ri4
ja143 xa'13nỹã4 kã4ri4 su3 nde4e2 ba42 kã4 ndi4 ki1bi4 tw̃ã'13ã4 tu1mĩ32ri4 ndi4
yo'4o4 yo'4o4 ka4a4 yu'3u4 xi1nĩ4 nda4a4 ndi4ka2 ka'3a4ri4 ti1xỹã32 kã4 ba3 xa13kũ'1ũ3 ndi1bi4
su14u3 ndi3xa3 ti1xĩ3 bi4ri4 nĩ4xa3kw̃ã'1ã32 ndi4 yu'3u4 xi1nĩ4 ba3 ju13ndi3ka2 ka'3a4ri4 i3kã4 xa13kũ'1ũ3 ndi1bi4 ja143 xi13xi3 ba3nã2 ti4 kã4 ndi'13i3 xa'1a4ri4
Pedru ndi4 kwã'1ã1 ba3 ta1 ñã1ã4 kwã'1ã1 ba3 Pedru
Maximino Meza Maximino Meza Teodoro U1nĩ1 xi3ko3 ũ'1ũ1 Yoloxóchitl
Pegru *mala** ndi4 i4ndu'3u4ra2 sa3kã4 tã3 ja14nda3ku3ra2 chi3ñũ3 ndi13kĩ'3ĩ3ra2 kwã'1ã1ra1 ndu3ku4ra2 chi3ñũ3 ja3chỹũ4ũ4ra2 nũ14ũ3 ta1 bi4ka3
i3kã4 nĩ1xa1a1ra1, nĩ1kĩ'3ĩ3ra2 i3chi4 kwã'1ã1ra1, nĩ1kĩ'3ĩ3ra2 i3chi4 kwã'1ã1ra1 tã3 nĩ1xa1a1ra1 nũ14ũ3 ta1 bi4ka3 kã4 ka4chi2ra1 jĩ'4ĩ4 ta1 kã4 ndi4
*señor** ã4 ko14o3 chi3ñũ3 ba'1a3 ka3ja3 chwe4e4 jỹũ'4ũ4 ndi4 ta1 ku4nĩ2 ka3ja3 chỹũ4ũ4 ku4u2, ba1xi32 tã3 ta1 ku4nĩ2 ja3chỹũ4ũ4 ku4u2
A4chu3 ko14o3 chi3ñũ3 i4yo2 ba3 chi3ñũ3, ki3nĩ2 ja1nẽ1 ndi4 ndo'4o4nĩ42yu1 jĩ'4ĩ4ri4 ndi4 u1nĩ1 ku4u4 ki3nĩ2 ja1nẽ1 i4yo2 tã3 ndi3sa3a4 is1tã1ã1 kwẽ'1ẽ1 jĩ'4ĩ4ri4 chi4chi3ri4 nda'1yu1
tã3 ta1 ko3nda2a2ri4 ku3chi3ri4 nda'1yu1 ta1 kã4 ku4nĩ2 tã'3ã2 yu'1u1 ba3 ndi4, ja1nẽ1 ku4u4ri4 tã3 ndo'4o4nĩ42 jĩ'4ĩ4ri4
nda1 nũ14ũ3 ñũ3ũ2 nda1 kã4 i4ndu'3u4 i3nda14 ndo'1yo3 lu3lu3 tã3 i3kã4 xẽ'4ẽ1 jĩ'4ĩ4ri4 chi4chi3ri4 nda'1yu1
kwã'1ã1ri4 ku3chi3ri4 nda'1yu1 ki3xa2a2ri4 tã3 nde4e4 ba3ri4 ka4chi2ra1 so'3o3
u1bi1 xã'4ã1ri4 chi4chi3ri4 nda'1yu1 ĩ3ĩ3 ki1bi4 ya1 kã4 ndi4 ĩ3ĩ3 kwã'1ã1ri4 is1tã1ã1 tã3 ĩ3ĩ3 kwã'1ã1ri4 ku4tỹũ'4ũ4, i3kã4 kwe4nda2 ba1xi3 kwa4a24 ndi4 ba143 kwã'1ã1 ka1 bi4ri4 ndi4 ja1, ja1 jã'1ã1ri4 u1bi1
i3kã4 tã3, ya1kã3, ka4chi2 ta1 bi4ka3 jĩ'4ĩ4ra2 ndi4
i3tã2ã2 ndi4 yo'4o1 ku4u4 ta1 kũ'1ũ1 jĩ'4ĩ4ri4 a3sã42 ba'1a3 ndi4 nda3kwi3sõ4ri4 kũ'1ũ1ri4 jỹũ'4ũ4, ka14i3nỹũ24 ndi4 cha'3bi3 ba2 yo'4o1 ko3to3 kwe4ndõ24 lu3u3 ja1nã1yu1
tã3 ndi13kĩ'3ĩ3 Pedru Mala ki3nĩ2 ndi13kwi3so3ra2 ki3nĩ2 u1nĩ1ri4 sa3kã4 ndi13kwi3so3ra2 kwã'1ã1 jĩ'4ĩ4ra3, ku3chi3ri4 nda'1yu1
is1tã1ã1 tã3 nda13kwi3so3ra2ri4 kwã'1ã1ri4 nĩ1ki3xa2a2ra1 jĩ'4ĩ4ri4 tĩ3 tã3 ja143 xi13xi3ra2 tĩ3 ndu13ku3ndu'4u4ra2 i4ndu'3u4ra3,
ku4nĩ2 ku4nĩ2 ke1 ku3tỹũ'4ũ4 tã3 ndi13kwi3so3 nĩ3 tu3ku3ra2ri4 kwã'1ã1ri4 jĩ'4ĩ4ra2, chi4chi3ri4 nda'1yu1
sa3kã4 bi3tĩ3 sa3kã4 i3tã2ã2 xi4ka3ra2 jỹã'4ã2 ki3nĩ2 kã4 chi4chya2 nda'1yu1, i3kã4 ja143 ka4chi2ra1 ta1 bi4ka3 jĩ'4ĩ4ra2 ndi4
ko3to3 kwe4nda2nỹũ424 ja1nẽ1 ndi4 nã4 ku3chi3ri4 nda'1yu1 nã4 ja1 ndo4o4ri4 ndi4 ja1nã1yu1 ku4u4ri4 nã4 ku3ndo3o3 mĩ3ĩ4ri4
ya1kã3, ka3ka3ri4, ya1 kã4 ndi4 nã13ñũ3 ba3 ki3nĩ2 ndi4 nda3si4 ndo3o3 ki3nĩ2 ndi4 ndo3o3lu3 ki3nĩ2
sa3kã4 ku4u4 Pedru Mala xi4ka3ra2 jĩ'4ĩ4ri4 tã3 ja143 ka4chi2 ba3nã2 jĩ'4ĩ4ra2 ndi4, An4 kwa14 xi4kõ4 ki3nĩ2 ñã1ã4 kĩ'3ĩ3ndu2 *señor**
ti4 ku4nĩ2ndu1 ku4u4 ki3nĩ2 nã4ñũ3 ndi4 la3tũ4nĩ42ri4 xi14kõ4ri4 kĩ'3ĩ3ndu2,
kwa14 xi4ko2ri4 *hombre** kwa14 xi4ko2ri4 ndi4 ti4 nda4a2yu1 ku4u4ri4
xi14kõ4ri4 kĩ'3ĩ3ndu2 ndi4 ti4 ku4nĩ2ndu1 ku4u4ri4
kwa14 xi4ko2ri4 ndi4 ti4 xi4kwe4nda2yu1 ku4u4ri4. An4 ba'1a3 nã4tu2 sa3kã4.
ja143 kwã'1ã1ra1 jĩ'4ĩ4ri4 chi4chi3ri4 nda'1yu1 nda13ndi3ko4ra2 nĩ1ki3xa2a2ra1
nda13ko3nde3e3ri4 nde4e4ri4 kã4 ka3ti4 kã4, nda1 ja1 ku4tỹũ'4ũ4 ku4nĩ2 ku4nĩ2 ke1 ku3tỹũ'4ũ4 ndi13kĩ'3ĩ3 tu3ku3ra2ri4 kwã'1ã1ri4 jĩ'4ĩ4ra3,
sa3kã4 ndi'3i3 ba3 chi4chi3ri4 nda'1yu1 ndi3sa3a4 ki1bi4, sa3kã4 ku4u4 sa3kã4 ku4u4 xi4ka3ra2 jĩ'4ĩ4ri4
ja143 ka4chi2 ta1 nĩ1ke3ta3 kã4 kã'4ã2 jĩ'4ĩ4ra2 ndi4, xi14kõ4ri4 kĩ'3ĩ2 *hombre** la3tũ4nĩ42ri4 xi14kõ4ri4 kĩ'3ĩ2
xi14ko3 ba2ri4 kỹũ'3ũ4, bi3tĩ3 ndi4 ja1 nĩ1ka3nã3 i3nĩ2 ndi4 ti4 xi14ko2 ku4u4ri4 xi14ko3 ba2ri4
i3nde142 ndi4 nã4 ko'1o4 jĩ'4ĩ4ri4 mĩ4ĩ4 ba42 mĩ4ĩ4 chi4chi3ri4 nda'1yu1 kã4 tã3 i3kã4 ba42 xi14ko2ri4 kỹũ'3ũ4 ka4chi2ra1. Ba'1a3 ba3.
xa1a1nã1 mĩ4ĩ4 chi4chi3ri4 nda'1yu1 kã4, nda1 xa'1a4 su'1mã4 ki13tũ'4ũ4ra2 chi13nĩ3ra2 nũ14ũ3 nda'1yu1 kã4, tu3ku3ri4 ki13tũ'4ũ4ra2 su'1mã4 tã3 chi13nĩ3ra2 nũ14ũ3 nda'1yu1 kã4
tu3ku3ri4 ki13tũ'4ũ4ra2 su'1mã4 chi13nĩ3ra2 nũ14ũ3 nda'1yu1 kã4, u1nĩ1ri4, bi3tĩ3 ndi4 nã4 kũ'1ũ1ri4 jỹũ'4ũ4 tĩ3
i3nde142 ndi4 ya1 u1nĩ1ri4 ndi4 u1nĩ1 i3tĩ2 xũ'14ũ4 ba42 ndi3kwi3so2 xa'1a4ri4
kwe4nda2 i3tĩ2 xũ'14ũ4 ja'13nda2ra1 ya'1bi3, u1nĩ1 i3tĩ2 xũ'14ũ4 ndi13kwi3so3ra2, Pedru Mala tã3
nĩ1ndo1o3 ba3 su'1mã4ri4 i3kã4, i3kã4 ja143 nĩ1ke3e3ra2 jã'1ã1 ndu3ku4ra2 mĩ4ĩ4 ku3nde3e3 xũ'14ũ4 kã4 ndi4 ya1 kũ'1ũ1 ba42 jĩ'4ĩ4ra3,
nĩ14ja1nw̃ã'1ã42 be'3e3 ta1 bi4ka3 a1chi1 ndi4 su14u3 kwe4nda2 ka1 ta1 kã4 ba42 ndi4 ja1 kwe4nda2 mĩ3ĩ4ra2 nĩ1ndo1o3 xũ'14ũ4 kã4 ndi4 ti4 xi14ko3 kwi'4nã4ra2 ku4u4ri4
xi14ko3ra2ri4 nĩ1kĩ'3ĩ3 nã1 kã4 tã3 ndo1o3 su'1mã4ri4 nũ14ũ3 nda'1yu1, i3kã4 nĩ1ke3e3ra2,
jã'1ã1 kã'1ã1ra1 jĩ'4ĩ4 ta1 bi4ka3 ndi4 kwa14a2 ba'1a3 nĩ4ku3u3 *patrón** ndi4, ki3nĩ2 ndi4 nĩ1tĩ1ĩ3ri4 nũ14ũ3 nda'1yu1
ti4 nĩ1tĩ1ĩ3 ku4u4ri4 tã3 ji14nĩ2 sa1a3 a3sa2 ta3ba42ri4, nã4tu2 sa3kã4 ndi4 nã4 ko'1o4,nã4 ko'1o4 sa3kã4 ndi4 u1byo4 ji14te4 tã3 ke3e3ri4 bi3tĩ3 ba3 ka4chi2 ta1 bi4ka3
ke13e3nã2 xa1a1nã1 nũ14ũ3 nda'1yu1 kã4, tĩ13ĩ3 ta1 bi4ka3 su'1mã4 tã3 ji14ta3ra2 tã3 ta1 Pedru Mala kã4 ka4ta1bi1 mã14ã3 tã3 ta1 bi4ka3 ji4ta3 tã3
tu3kwa2 kã4 ji14ta3nã2 tu3ku3 sa3kã4, tu3kwa2 kã4 ji14ta3nã2 tu3ku3 sa3kã4 nĩ14ku3chũ3nã2 tũ'3ũ3nẽ2 ndi4 u1bi1nã1 ji4ta3 nã4 ko3o3 tũ'1ũ3 su14u3 kã4 ndi4
Pedru Mala ndi4 ta1 ka4ta1bi1 ba3 ku4u4 ta1 kã4 su'1mã4 tã3 ta1 bi4ka3 ji4ta3 chi2
ba14sa3 kwi4i4 kya3a2 u1nĩ1 sa3kã4 su'1mã4 nĩ1ndwa1a32 kã4
i3kã4 ka4chi2ra1 jĩ'4ĩ4 ta1 kã4 ndi4 kwã'4õ24 tã3 sa3kã4 ndi4, kã'1õ4 jĩ'4ĩ4 ñã4 si'4i2 tã3 nã4 ta3xỹã4 *pala** ta3xỹã4 *picu**
sa3kã4 ndi4 kya3a2 bi3tĩ3 ka4chi2ra1 jĩ'4ĩ4 ta1 kã4, ja'13nda2ra1 chi3ñũ3 nũ14ũ3 ta1 kã4 tã3 ndi13kĩ'3ĩ3ra2 kwa1nũ'1ũ4ra2 ndi13kwi3so3ra2 ka3a2 *pala** tã3 *picu**
tã3 nĩ1ndo1o3 ta1 bi4ka3, tã3 tĩ13ĩ3 ba3 ta1 bi4ka3 su'1mã4 ji14ta3ra2 tã3 mba'3a3ku4u4 kwã'1ã1 ka'3a4 ta1 bi4ka3 nũ14ũ3 nda'1yu1
nda1 ĩ3ĩ3 ta'4nũ1 e1te4 ka'3a4ra2 chi13ka2ra1 nũ14ũ3 nda'1yu1, tũ'13ũ3ra2 su'1mã4 ba4a24 ti4 kya13a2 chi1
tu3kwa2 kã4 ji14ta3ra2 tu3ku3 sa3kã4 ndo'13o3ra2 tu3kwa2 ji14ta3ra2 ji1nũ3 u1nỹã1
tũ'13ũ3ra2 u1nĩ1 su'1mã4 tã3 nũ14ũ3 nda'1yu1 tã3 nũ14ũ3 nda'1yu1 ya1nĩ3 ka'3a4ra2 ndi4 nda1 ĩ3ĩ3 ta'4nũ1 e1te4 ka'3a4ra2 chi13ka2ra1 nũ14ũ3 nda'1yu1
*híjole**, ti4 nĩ1xi14ko3 ba3ra2 ku4u4 ja1nde4 tã3 yo4o4 tu3 ndi4 ke'4e4 ndi4 ti4 ñũ'4ũ4 nũ14ũ3 nda'1yu1 ku4u4ri4
i3kã4 tã3 nda4tu3ra2 ndi4 xa1a1 ta1 kã4
ndu13ku3ndu'4u4ra2 i4ndu'3u4ra2 ndi'13i3 tũ'13ũ3ra2 su'1mã4 kã4 nda13ko3ndya3a2 ndya4a2 kã4. Ndi3sa4 u1nĩ1 sa3kã4 su'1mã4 chi13nde3e3ra2 kã4, nda4tu3ra2 Pedru Mala xe1e1
nde4e2 ki'4bi3 ta1 kã4 nda13xa2a2ra1 be'3e3 tã3 ja143 ka4chi2ra1 jỹã'4ã4 si'4i2 ta1 bi4ka3 ndi4
ka4chi2 *patrón**yu1 ndi4 ya'1a32 yo'4o1 tã3 ya'1a32 ñã4 si1sỹũ'4ũ24 tã3 ya'1a32 ñã4 ja4chỹũ4ũ4 nũ14ũ4
sa3kã4 ndi4 ke3e3 ki3nĩ2 chi1, sa3kã4 nĩ1nda14yu3 *patrón**yu1 ba1xi32 tã3 ya1 kã4 ndi4
ya1 kã4 ndi4 ta1 ba1xi3 ku4u2 tã3 sa3kã4 ya'1a32 ndo'4o1
ji'3nã3 ji'3nã3 si1sỹũ'4ũ24 ya'1a3 tã3 sa3kã4 ndi4 ya'1a3 ñã4 ja4chỹũ4ũ4 nũ14ũ4 tã3 sa3kã4 ba42 ndi4 ya'1a3 mỹũ3ũ4 tã3 sa3kã4 kũ'1ũ1yu1 ka4chi2ra1. Ba'1a3 ba3 ka4chỹã24.
Ji14ta3 ba3ra2 si1sỹã'4ã24 tã3 kwẽ'1ẽ4 jĩ'4ĩ4ra2 *cuarto**, tĩ13ĩ3 ba3ra2 ñã4 kã4, tu3ku3 ñã4 ja4chỹũ4ũ4 nũ14ũ3nã2 tĩ13ĩ3ra2,
tu3ku3 mỹã3ã4 bi4ka3 tĩ13ĩ3ra2, bi3tĩ3 ndi4 ja1 i4yo2 ba'1a3 tĩ3
nã4 ndi3kwi3so2 *picu** tã3 kw̃ĩ'1ĩ1, ja143 ndi13kwi3so3ra2 *picu** ndi13kĩ'3ĩ3ra2 *pala**, nĩ1ka3nĩ3 so4ko1re1 tã3 kwã'1ã1ra1
tã3, chi4lu2 tĩ3 ndu3kũ4 ta3xỹũ4 lu3u3 nda'3a42 kũ'1ũ1 jĩ'4ĩ2 a1chi1 ndi4, ya1,
nã4tu2 nde4e2 ka4a4 ndi4, ya1kã3, nĩ1tĩ1ĩ3ri4 ndi4 kwe4nda2 su3tũ4ri4 ka'3nda2yu1 tã3 sa3kã4 ta3ba42ri4 ka4chi2ra1
kỹã'13ã4 chi4lu2, kỹã'13ã4 bi4ka3 chi4lu2 ta13xỹã4 nda'3a4ra2 chi13nĩ3ra2 to3ko4ra2 tã3, ndi13kĩ'3ĩ3ra2 kwã'1ã1ra1, ke13ta3 ti4ra2 nũ14ũ3 ñũ3ũ2 kã4 tã3
ja13ta2ra1 *pala** kã4 nĩ1kĩ'3ĩ3ra2 bi4..., *picu** sa13ka4nã3ra2 kã4 *pala** sa13ka4nã3ra2 kã4
kwã'1ã1 ba3ra2 chi1, xi13nũ3ra2 kwã'1ã1 ba3ra2 ta1 ja1 xi13nũ3 ku4u4 ba3ra2 kwã'1ã1ra1
i3kã4 nĩ1ke3e3 ta1 bi4ka3 i3kã4 tã3 nda13xa2a2ra1 be'3e3, nda4a2 kwã'1ã1 ta1 ba1xi3 yo'4o4 mĩ3tỹũ'4ũ4
a4su3 a1su3 ja1tõ4 kwã'1ã1 ta1 kã4 mĩ3tỹũ'4ũ4, ko14o3ra2 nĩ4xa1a1 i3kã4
nda'4bi2nĩ42 *hijo de la chingada** ta1 ja1 xi13nũ3 kwã'1ã1 ku4u4ra2 nã4tu2 sa3kã4
¿An4 kwã'1ã1 ka3a2 *picu** jĩ'4ĩ4ra3? Kw̃ã'1ã1 be2 kwã'1ã1 *pala** kwã'1ã1 jĩ'4ĩ4ra3. Tã3 ko14o3ra2 nĩ4xa1a1 i3kã4. Ko14o3ra2 nĩ4xa1a1.
Mm..., kwa14a2 ba'1a3 i4yo2 ndi4 nĩ1kã'1õ4 jĩ'4ĩ4ra2 ndi4 nã4 ya'1a3ra2 yu'1u1 tã3 ya'1a3ra2 si1syo'4o24 ya'1a3ra2 ñã4 ja4chỹũ4ũ4 ndwe14e4 nĩ1ka3chỹũ24 jĩ'4ĩ4ra2 ba1xi3ra2 ya1 kã4 ndi4 sa3kã4 i13xa3ra2 jĩ'4ĩ4ndu2 tã3 kwã'1ã1ra1
*hijo de la chingada** ã4 su14u3 ta1 ba'1a3 nĩ4i3xa3 bi4 ku4u4ra2 nã4tu2 sa3kã4, ta1 i13xa3 ko14chũ3 yu'1u1 ba3 ku4u4ra2 nã4tu2 sa3kã4 i13xa3ra3,
bi3tĩ3 sa3kã4 ku3ndyo24, ta1 kũ'1ũ1 ku4u2 ja1ta4ra2 tã3 sa3kã4 ka'3nĩ42ra1 bi3tĩ3 ba3, nũ4mĩ24ra2 chi13ndu'4u4ra2 ta3yu2 kwa4yu2 ja1nã1ra1 tã3
ji14ta3ra2 *pistola** ja14ndi'1bi3ra2 xã'3ã2rũ4 tã3 chi13ka2ra1 to3ko4ra2 tã3 nda13a3ra2 kwa4yu2, kwã'1ã1lu3ra2 ja1ta4 Pegru
nde3e4lu3 kwã'1ã1ra1 ja1ta4 Pegru
nde4e2 ba42 kã4 ndi4 ke13ta3 xi4yo4 ti4 Pegru nũ14ũ3 ñũ3ũ2 tã3 ndi4ka2 ỹã3ã2 ti1xu'4u4 tye4tã24 ka'4nũ3lwa2 ti1xu'4u4 tye4tã24 ndi4ka2, xa'13nĩ4re2 kã4 tã3 ta13ba4ra2 si3ti2 ka'4nũ3
si3ti2 ka'4nũ3 kã4 nĩ1tĩ3ĩ3ra2 ku'13nĩ2ra1 to3ko4ra2 tã3 chi13nĩ3ra2 chi4lu2 ja1te42 kã4 tã3
xi4ta1 sa3kã4 ta1kwi42 si'14bi3 ka'3a4 si3ti2 kã4 i4ndwa'3a42 ti1xĩ3ra2 kwã'1ã1 ba3ra3,
ndu13ku3tã'4ã4ra2 jĩ'4ĩ4 nã1 ndu13ku3tã'4ã4ra2 jĩ'4ĩ4 ba1xi3 ja143 ka4chi2nã1 jĩ'4ĩ4ra2 ndi4, nde4e2 nĩ1ndo'3o3nỹũ424 *señor**
kwa14a2 ba'1a3 nĩ4ndo'3o2 ndi4 i3chi4 ka1a3 ba1xi32 tã3 nĩ1kã3ã2nã1 yu'1u1 ndi4 ji14ndyo24 nã4 ko3chũ2 nda'3a2 bi42 ndi4 xi4ta1 nã3kwi42 ta1kwi42 si'14bi3 ka'3a42 ka4chi2ra1 so'3o3, kwã'1ã1 ba3ra2,
ya'1a3 nã1 kã4 kwã'1ã1nã1, kwã'1ã1nã1 sa3kã4 ndu13ku3tã'4ã4nã2 jĩ'4ĩ4 ta1 bi4ka3 ndi4 nde3e4lu3 kwã'1ã1 ta1 kã4 jĩ'4ĩ4 kwa4yu2 ja143 ka4chi2nã1 jĩ'4ĩ4ra2 ndi4, ¿Nda4a2 kwã'1õ4 *señor**?
ja1ta4 ta1 kwã'1ã1 yo'4o4 kwã'1ã1yu1 ndi4, ¿An4 ko14o3 ĩ3ĩ3 ta1 nĩ4ji3nĩ2ndo4 i3chi4 ñã1ã4?, ndi4 ja1ta4 ta1 kã4 kwã'1ã1yu1 ndi4 kwa14a2 ba'1a3 nĩ4i3xa3ra2 ndi4 nĩ1xi14ko3ra2 ki3nĩ2 ja1nã1yu1 tã3
tã3 nĩ1i3xa3ra2 ko14o3 nũ14ũ3ra2, i13xa3re2 ko14o3 nũ14ũ3 jĩ'4ĩ2 ndi4 nĩ1ya'1a3ra2 ñã4 si'4i2yu1 tã3 nda1 si1si'4i2yu1 tã3 nda1 ñã4 ja4chỹũ4ũ4 nũ14ũ2 u1nĩ1nã1 sa3kã4 nĩ1ya'1a3ra3,
ya1 kã4 ba42 ta1 kwã'1ã1 ka'3nĩ42 ku4u4ra2 ka4chi2 ta1 bi4ka3 so'3o3
nda1 xi4ko1 nã4 kũ'1ũ4 ja1ta4 ta1 kã4 *señor** nda1 xi4ko1 nã4 kũ'1ũ4 ja1ta4 ta1 kã4 ndi4 ta1 ja1 ku4nĩ2 ku3u2 ku4u4 mĩ3ĩ4 ba3 ta1 kã4 kwã'1ã1ra1 ndi4
lu14u3 ta1kwi42 si'14bi3 ke4e4 ka'3a4ra2 nĩ4nĩ3 chi4lu2 ti1xĩ3ra2 kwã'1ã1ra1 ji14ndyo24 yo3o3 ku4u4 nã1 i13xe2 ba'1a3 jĩ'4ĩ4ra3, nda3ndi3kõ4 nã4 ko'1o4 a1chi1 ndi4
ta1 kã4 ndi4 ta1 ja1 ku4nĩ2 ku3u2 ku4u4ra3, chi3ka2 kwa1chi3 xu4mỹũ4 jĩ'4ĩ4ra2 tã3 ta1 kã4 ndi4 ta1 ja1 nĩ1ka3nĩ3 ba3nã2 ku4u4 ta1 kã4 ba'1a3 ka1 nã4 ku1ndo'1o4 kwã'1ã1 mĩ3ĩ4ra2 ku3u2 ba3 ta1 kã4 ka4chi2nã1 so'3o3
ba'1a3 nã4tu2 sa3kã4 ndi4, sa4a24lu3 i3nĩ2 ta1 bi4ka3 nda13ndi3ko4ra2 ndi4 nĩ14jã'1ã1ra1 nĩ'1ĩ4ra2 Pedru nda13ndi3ko4 ba3ra2, kwã'1ã1 ba3 ta1 kã4
um..., nĩ1xa1a1ra1 i3chi4 kã4, i3kã4 ja143 nĩ1...,
xũ'14ũ4 nĩ1kĩ'3ĩ3ra2 kã4 ndi4 nĩ1ya'1a3 ba3ra2 nda13ndi3ko4ra2 ndi13kĩ'3ĩ3re2 kã4 tã3 kwẽ'1ẽ1 jĩ'4ĩ4ra2 ya1 kã4 ndi4 o4ra2 nĩ1xa1a1ra1 i3chi4 mĩ4ĩ4 ba42 kwã'1ã1ra1 kã4
ja'13nda2ra1 i3tũ4 *pinu** tã3 ja13nde3ta3ra2rũ4 i3chi4, yu3kũ2 nde4ta3rũ4, ku1mĩ4 tũ4 *pinu** ja13nde3ta3ra2 tã3 chi13kwĩ3ĩ3ra2 xũ'14ũ4 nda'3a4rũ4
tã3 ja13nde3ta3ra2 ya3xĩ4 nda4kũ'1ũ3 xũ'14ũ4, ĩ3ĩ3 ya'4a13 ta1chi4 tã3 ko4yo13 xũ'14ũ4 ti1xĩ3 ya3xĩ4 ĩ3ĩ3 ya'4a13 ta1chi4 tã3 ko4yo13 xũ'14ũ4 ti1xĩ3 ya3xĩ4 nde4te2,
ya1 ndi4kwi3so3 xũ'14ũ4 ba42 kã4 nde4te2, i3kã4 nda4a2 xi4ka3 bi4 tu3 ta1 bi4ka3 ya'4a13ra2 kwã'1ã1ra1 i3chi4 kã4, ja143 ka4chi2ra1 so'3o3 ndi4
¿An4 tũ4 xa'4a13 xũ'14ũ4 ku4u4 tũ4 *pinu** ka1a3 *señor**? ka4chi2ra1 jĩ'4ĩ4 ta1 kã4, Tũ4 xa'4a13 xũ'14ũ4 ku4u4rũ4.
tũ4 ka1a3 ndi4 ba'1a3nĩ42 xa'4a13rũ4 xũ'14ũ4, ku1mĩ4rũ4 ndi4 tũ4 ko4yo13 xũ'14ũ4 nda'3a4 ku4u4 ndi'3i3rũ4
tã3 sa1a3 bi4 xi14kõ4 i3nda14 i3nda14rũ4 kĩ'3ĩ2 nã4 xi14kõ4rũ4 kĩ'3ĩ2 ka4chi2 ta1 bi4ka3
yu'1u1 ndi4 ba'1a3nĩ42 xa'4a13rũ4 xũ'14ũ4 ndi4 tũ4 sa3ta42 ko3ndo3rũ4 ku4nĩ2yu1
ku1mĩ4rũ4 ndi4 ku1mĩ4 i3tĩ2 xũ'14ũ4 ba43, kwe4nda2 i3tĩ2 xũ'14ũ4 nda3twe'4e4 xa'1a4rũ4 a1chi1 ndi4 ba'1a3nĩ42, lu14u3 xũ'14ũ4 xa'4a13rũ4
ya1 xa'4a13 mĩ3ĩ4rũ4 ku4u4 xũ'14ũ4 ka4chi2ra1 so'3o3, ba'1a3 ba3, ji14ta3 ba3 ta1 bi4ka3 ku1mĩ4 i3tĩ2 xũ'14ũ4 ta13xi3ra2 nda'3a4 Pedru
nĩ1ndo1o3 ba3 ta1 bi4ka3 jĩ'4ĩ4rũ4 tã3 ndi13kĩ'3ĩ3 ba3 Pedru kwã'1ã1ra1, si13so3ra2 ku1mĩ4 i3tĩ2 xũ'14ũ4 kwã'1ã1 ba3ra3, kwã'1ã1 xũ'14ũ4 jĩ'4ĩ4ra3,
kwã'1ã1ra1 sa3kã4 kwã'1ã1ra1 sa3kã4 nĩ1xa1a1ra1 ĩ3ĩ3 ñũ3ũ2 i3kã4 ja143, nĩ1xa1a1ra1 ĩ3ĩ3 ñũ3ũ2 kã4
i4so3ko2ra1 ndi4 i4so3ko2 sa4ka2ra1 nĩ3 ji14nĩ2ra1 nde4e2 a3sa3 ka1ra1 ndi4 nda3si4 i4so3ko2ra1
nĩ1xa1a1ra1 be'3e3 ku1mĩ4 nã1kwa4chi3 si'4i2 nde4e4, nde4e4 mĩ4ĩ4 nĩ1xa1a1ra1 kã4 ko14o3 yu3ba4nã2 i4yo2
xa1a1ra1 tã3 ta13ba4 ndi'3i3ra2 tyo1to1 kĩ'13ĩ3re2 chi13nde3e3ra2 kã4 tã3 nda13a3ra2 ja1ta4 *viga** i4ndu'3u4ra3,
tã3 ja1ta4 *viga** kã4 ndi4 i3kã4 ja13ndi3chi2nã1 *cartón** ñũ'4ũ4 *quesu** ya1 ka3xi4 yu3ba4 nã1 kã4 *cuaresma** ba42 tã3 ta1 kã4 nĩ1nda3a3 ndi4 *quesu** ju13tã'3ã2ra1 ñũ'4ũ4,
... ti1xĩ3 *cartón** kã4, ki13xa3a4ra2 ja4xi24 ba3ra2 *quesu** chi1, ja4xi24ra2 *quesu** ja4xi24ra2 *quesu**
nĩ1ki3xa2a2 i3ndẽ14 ñã4, ñã4 se'1e3 ta1, ta1 ta13xi3 kwa'4a4 *quesu** kã4
ndi4 nã1 kwã'1ã1 ku4u4 nã1 kã4 ke13e3nã2 kwã'1ã1nã1 xa14ku'1u1 ka3ja3 chỹũ4ũ4nã3, kwã'1ã1 ñã4 si'4i2ra1 jĩ'4ĩ4ra2 nda143 se'1e3ra2 ndo13ko3o4ra2 ku1mĩ4nã2 be'3e3, kwã'1ã1ra1
ki13xa2a2, ki13xa2a2 ñã4 lu3u3 kã4 ji4tw̃ã4 ndi4 Pedru ba3 i4ndu'3u4 ja1ta4 *viga**
ya4la4 nĩ1ka3ku3ra2 nda143 ĩ4ĩ4 li4ngo4 xa1yu4 ka'3a4ra2 i4ndu'3u4ra2 ja1ta4 *viga** kã4 ja4xi24ra2 *quesu**
i3kã4 ja143 ka4chỹã24 jĩ'4ĩ4ra2 ndi4, nde4e2 ba42 ĩ4ĩ4nĩ42 tu3 kã'3õ4 ñã1ã4 ka4chỹã24 jĩ'4ĩ4ra3,
ya1 ka1a3 ndi4 ya1 ju4ta4tã4 nã1 i4yo2 ki'4bi3 i3nĩ2 ba42 ka1a3, ya1 ju4ta4tã4 nã1 i4yo2 ki'4bi3 i3nĩ2 ba42 ka1a3
ko1to1 ka14xi4nỹũ424 *quesu** ñã1ã4 ndi4 ya1 ka3xi4 yu3ba4ndu2 *cuaresma** ba43,
nã4 ka3xi4 mỹã3ã42 ndi4 yu'1u1 ndi4 *cuaresma** ku4u4 yu'1u1 ba3 ka4chi2ra1 so'3o3 jỹã'4ã4
ja143 ja13xi4 ba3ra2 *quesu** kã4
ja13xi4ra2 *quesu** kã4 tĩ3 tã3 i3kã4 ja143 nĩ1kỹã3ã4 kã4 jã'1ã1 kẽ'1ẽ4 jĩ'4ĩ4 nã1 tẽ'4ẽ4 nã1, nã1 chi4tu4 be'3e3 kã4
i3nda14 *señor** nĩ1ki3xa2a2 i4ndu'3u4 kã4 ndi4 lu14u3 ñã'1ã3 ĩ4ĩ4 ka'3a4ra2 ndi4 nda143 ĩ4ĩ4 li4ngo4 ti4 ñã'1ã3 ka'3a4ra2 ka4chi2nã1 so'3o3
i3kã4 kã'4ã2ra1 ndi4 ya1 ku3ta4tã4 nã1 i4yo2 ki'4bi3 i3nĩ2 ba42 ã4 ba'14a4 nã4 ku3ta4te4 *manita** yo4o4 ndi4 yo4o4 i4yo2 ki'4bi3nĩ42 i3nĩ2 kwe4e4 ta'4nda1 chi3ñũ3 ndwe14e4 kwe'1e4 nde'14e4 tã3 sĩ4ĩ4 ya1 kwe4e4
sĩ4ĩ4 ya1 kwe'1e4 xa'1a4 tã3 su3 sĩ4ĩ4 ya1 i4xe4, ba'1a3 ka1 nã4 ku3ta4te4 tã3 sa3kã4 ndi4 ndu3ba'1a3 i3ndyo24 ndi4 i4yo2 ki'4bi3 nã3kwi42 i3ndyo24 ka4chỹã24 ja1nde1e4 so'3o3
ñã4 ja1nde1e4 kã4, nã4tu2 ku3ta4te4 tã3 ku3ta4tã4 be4 ka4chi2nã1
i3kã4 o4ra2 nĩ1ndi'3i3 ja13xi4 ta1 kã4 *quesu** nũ13ũ3ra2 ñũ'3ũ4, ja143 kẽ'4ẽ24 ja1nde1e4 kã4 jĩ'4ĩ4ra2 ndi4
ku3ta4tã4ndu2 ku4nĩ2ndu1 a1chi1 ndi4 i4yo2 ki'4bi3 nã3kwi42 i3nĩ2ndu1, nã4tu2 ya1 ju4ta4tã4 nã1 i4yo2 ki'4bi3 i3nĩ2 ba42 tã3 ku3ta4tã4 ba3ndu2. Ba'1a3 ba3 ka4chi2 Pedru.
Ni14kã'1ã1 kwa'1a4ra2 ndi4 ndi13kĩ'3ĩ3ra2ñã4 ja1nde1e4 tã3 kwẽ'1ẽ4 jĩ'4ĩ4ra2 *cuarto** tĩ13ĩ3ra2ñã4 ba1ba'1a3
ĩ3ka4nĩ24 tã3 tu3kw̃ã4 nĩ1ya'1a3 tĩ13ĩ3ra2ñã4 ba1ba'1a3
i3kã4 ka4chỹã24 ñã4, ñã4 nũ14ũ3 nĩ1ju3ta4tã4 ndi4, ¿An4 ja1 i4yo2 ka4xi3 i3nĩ2 yo'4o1? ka4chỹã24 jỹã'4ã4 kã4
ka4chỹã24 ñã4 i3nda14 kã4 jỹã'4ã4, ja1 i4yo2 ka4xi3 i3ni2*manita**, ja1 ndu4ka4xi3 i3nĩ2yu1
ya1 kã4 ndi4, ku3ta4tã4ndo4 ndi4 ja1 yu'1u1 ndi4 ja1 ndu4ba'1a3 i3nĩ2yu1 ka4chỹã24 so'3o3
ya1 kã4 ba'1a3 bẽ4 kã4 ndi4 ñã4 ja1nde1e4 bã4 kã4 ndi4 ñã4 ja1 ku4nĩ2 ku4u4 bẽ4 kã4 ji4nỹã24 ta1a3 tã3 ju13ta4tã4 bẽ4 kã4
tu3kw̃ã4 i4xa3 mã'14ñũ3ju13ta4tã4 tu3kw̃ã4 ju13ta4tã4, ku1mĩ4nã2 sa3kã4 ju13ta4tã4 nĩ1ndo1o3nã2 nde4e4nã2 kã4 tã3
i3kã4 ja143 nĩ1ndi3kĩ'3ĩ3 Pedru kwã'1ã1ra1
nĩ1ki3xa2a2 yu3ba4 nã1 kã4 jã'1ã1ra1 xa14ku'1u1 nĩ1kwa3a4 ndi4
ba143 nĩ4kã'1ã1 bi4ra2 ...nã1 jĩ'4ĩ4ra2 nĩ1kwa3a4 nĩ1ki3xa2a2ra1 ndi4, ya1kã3, ta4xĩ24 nde4e4 ba3nã3,
nĩ1ki4tu3 bi4 ja143 nda4tũ'4ũ4nã2 jĩ'4ĩ4 yu3ba4nã2 ndi4, i3ku3 nĩ1ya'1a3 ta1 nĩ1ya'1a3 ndi4, ya1kã3,
ka4chi2ra1 ndi4 *cuaresma** ku4u4ra2 ka4chi2ra1 so'3o3 i4ndu'3u4ra2 ja1ta4 *viga** ka1a3 tã3
nĩ1xa'1a3 ba3ndu2 nda14yu3 ja13xi4 ndi'3i3ra2 *quesu** ya1 nda'4bi3 ka3xỹũ4 *cuaresma** ka4chi2nã1 jĩ'4ĩ4 yu3ba4nã3
*híjole** ã4 ja13xi4 ndi'3i3 ba3ra3, ja13xi4 ndi'3i3re2 *cuaresma** ku4u4 ta1 kã4 ka4chi2ra1 so'3o3 ya1 kã4 ndi4 ja13xi4 ba3re3,
¿An4 kwa14a2 nĩ4i3xa3ra2 jĩ'4ĩ4ndo4?
Na1 ju13ta4tã4 ku4u4ndu2 i13xa3ra2 a1chi1 ndi4 i4yo2 ki'4bi3 nã3kwi42 i3nĩ2ndu1, *hijo de la chingada** su14u3 nã1 ba'1a3 ka1 bi4 ku4u4ndo4 ndi4 ku3..., ku3mĩ3ĩ4 i4ta4nĩ42 ke1 ndo'4o1 nã1 ja1 nĩ1ku3be4la2 ku4u4ndo4, kwã'4ã2ndo4 ka4i2
tu3ku3 tu3kwa2 ndi3sa4 ku1mỹã42 sa3kã4 ta13xi4ra2 jĩ'4ĩ4 i3tũ4 kwẽ'1ẽ1 ka4i2 kã4
kwã'4ã2ndo4 a1chi1 ndi4 su14u3 nã1 i4yo2 ka4xi3 i3nĩ2 ku4u4ndo4 nde4e4ndo4 be'3e3 ndi4
nã1 i13xa3 chi3ñũ3 ku4mã1nĩ4 ku4u4ndo4 nde4e4ndo4 be'3e3 kwã'4ã2ndo4 ka4i2 ko14o3 chỹũ3ũ3 a3sa3 ke1 ndo'4o1 su14u3 *señorita** ka1 ku4u4ndo4 ndi4 ko3nde3e3ndo4 ku3i3nĩ2 ka1yu1 ndo'4o1 ndi4
nã1 ja1 nĩ1i3xa3 be4la2 xu4mĩ4 ku4u4ndo4 ka4chi2ra1 so'3o3 jĩ'4ĩ4nã3, ta13xi4ra2nã1 kwã'1ã1nã1 ka4i2 ndi3sa4 ku1mĩ4 sa3kã4 kwã'1ã1 ka4i2 kã4 ba3
tã3 Pedru ndi4 kwã'1ã1 ba3 ta1 ñã1ã4
i3kã4 nĩ1ke3ta3ra2 i3nga2 ñũ3ũ2 kã4 sa13ta4ra2 ndu3xi4, ka'4nũ3lu3 ndu3xi4 nda4a4 sa13ta4ra3,
chi13ka2ra1, ndu13ku4ra2 yu'3u4 xi1nĩ4 ja1 ka'4nũ3 ba'1a3 yu'3u4 xi1nĩ4 nda4a4 chi13ka2ra1 ka'3a4ri4
ndu3xi4 nda4a4 ku4u4ri4 nda1 yu'3u4 xi1nĩ4 nda4a4 chi13ka2ra1 ka'3a4ri4 tã3 i3kã4 tã13ã4ra2 ndi1bi4
ke13ta3 ba3ra2 i3nga2 ñũ3ũ2, ta1 kwã'1ã1 sa3kã4 ku4u4 ba3ra2 nĩ1xa1a1ra1 i3nga2 ñũ3ũ2 kã4
i3kã4 ja143 ka4chi2ra1 jĩ'4ĩ4nã2 ndi4 mĩ4ĩ4 nĩ1xa1a1ra1 kã4 ndi4, ¿An4 ja14ta4ndo4 ndu3xi4 ndi4,
... ba'1a3 sa4ka2 xa4kĩ2 ti4 yo'4o4, ti4 yo'4o4 ndi4 ba'1a3lu3 xa4kĩ2ri4
ĩ3ĩ3 xa4kĩ2ri4 is1tã1ã1 ĩ3ĩ3 xa4kĩ2ri4 ku4tỹũ'4ũ4 i3nga2 xa4kĩ2ri4 kwa3a4, u1nĩ1 xa4kĩ2ri4 ĩ3ĩ3 ki1bi4
ndi4 ti4 i4xi4ko2 ku4u4ri4 tã3 ko14o3 nã1 ku4nĩ2 ja3ta4ri4
nã4tu2 xi14kõ4ri4 tã3 xi14kõ4ri4 kĩ'3ĩ3 ba3ndu2 ka4chi2 ta1, ĩ3ĩ3 ta1 bi4ka3 mĩ4ĩ4 xa1a1ra1 kã4
xi14kõ4ri4 kĩ'3ĩ3ndu2 ndi4 ti4 ba'1a3 xa4kĩ2 sa3kã4 ku4nĩ2 ndu'1u1 ba3
tã3 ba'1a3 nã4 ba143 i4xa3 *maña**õ4 ndu'1u1 i3nda14 ti4 ka3kĩ2ri4 tã3 ya1 u1bi1 kã4 ka14kĩ2 ka1ri4
ũ'4ũ3 ndi4 ta1 ku3ndu'4u4 ku4u2 jĩ'4ĩ4ri4 tã3 sa3kã4 ndi4 ku3nĩ2ndo4 ndi4 ti4 xa4kĩ2 ku4u4ri4 sa3kã4 cha'3bi3ndo4 yu'1u1 ka4chi2ra1, Ba'1a3 ba3.
Ja143 ju13ndu'4u4ra2 jĩ'4ĩ4ri4, is1tã1ã1 xa13kĩ2ri4 nĩ1ku3tỹũ'4ũ4 tu3ku3 ba3 xa13kĩ2ri4 nĩ1kwa3a4 tu3ku3 xa13kĩ2ri4, ji13nĩ2ndo4 ndi4 ja1 u1nĩ1 xa13kĩ2ri4 tĩ3
bi3tĩ3 ndi4 cha'3bi3ndo4 yu'1u1 ĩ3ĩ3 i3tĩ2 xũ'14ũ4 tã3 kũ'1ũ1yu1 ndi4 ĩ3ĩ3 i3tĩ2 xũ'14ũ4 ku4nĩ2yu1 xa'1a4ri4
kwe4nda2 i3tĩ2 tu3 xũ'14ũ4 kĩ'4ĩ4 tu3ra2 chi1, i3kã4 nĩ1kĩ'3ĩ3ra2 ĩ3ĩ3 i3tĩ2 xũ'14ũ4 xa'1a4 ti4 ñã1ã4 tã3 kwã'1ã1 ba3ra3,
bi3tĩ3 ndi4, ya1kã3, ñã1ã4 ndo1o3ri4 jĩ'4ĩ4ndo4 ndi4 ti4 ja1 nĩ1xi14ko2 ku4u4ri4
xa4kĩ2 xa4kĩ2 ka1 ndu3xi4 sa3kã4 ku4u4 nĩ1ku3ta4xĩ24 ba3 nĩ1ndya'3a2 xa13kĩ2ri4 ja143 xi4kwe'1e1 ta1 bi4ka3 ndi4
ko14o3 ke1 xa4kĩ2ri4 nã4 ku3ndi3chi2ri4 ndi4 ti4 ja1 nĩ1ndi'3i3 xa13kĩ2 ku4u4ri4
ka'3nỹũ4ri4 nã4 ku3xyo4, nda1 xi4ko1 nã4 ko3o3ri4 a3se4 ndi4 ti4 ba'14a4 bi4 ku4u4ri4 ndi4 ti4 ja1 sa14ndi'3i3 xa13kĩ2 ku4u4ri4
ja143 xa'13nỹã4 kã4ri4 su3 nde4e2 ba42 kã4 ndi4 ki1bi4 tw̃ã'13ã4 tu1mĩ32ri4 ndi4
yo'4o4 yo'4o4 ka4a4 yu'3u4 xi1nĩ4 nda4a4 ndi4ka2 ka'3a4ri4 ti1xỹã32 kã4 ba3 xa13kũ'1ũ3 ndi1bi4
su14u3 ndi3xa3 ti1xĩ3 bi4ri4 nĩ4xa3kw̃ã'1ã32 ndi4 yu'3u4 xi1nĩ4 ba3 ju13ndi3ka2 ka'3a4ri4 i3kã4 xa13kũ'1ũ3 ndi1bi4, ja143 xi13xi3 ba3nã2 ti4 kã4 ndi'13i3 xa'1a4ri4
Pedru ndi4 kwã'1ã1 ba3 ta1 ñã1ã4, kwã'1ã1 ba3 Pedru.
Maximino Meza, Maximino Meza Teodoro. U1nĩ1 xi3ko3 ũ'1ũ1. Yoloxóchitl.
report
high
{Onomatopeya}
{debió decir "ka4chi2=an4"}
{debió decir "ba3=re3"}
Maximino Meza Teodoro
All values that are allowed for Transcriber Turn.mode attribute
spontaneous
planned
All values that are allowed for Transcriber Turn.fidelity attribute
high
medium
low
All values that are allowed for Transcriber Section.type attribute
report
nontrans
filler
All values that are allowed for Transcriber Turn.channel attribute
telephone
studio