urn:nl-mpi-tools-elan-eaf:24f7c5af-d78d-47eb-939e-4b3e1bb1f68b
461
spontaneous
ni1-..., na1 u1ni1, u1ni1 ku4u4 na1 kan4 i4yo2 na1 nu14u3 yu3ba4=na2, ya1kan3,
ba143 ke4e4 i4chi3=na2 xi4ka3=na2 ndi4 a1su3 yu3ba4=na2 ku4u4 ta1 ni4ni2 ya1 ku4u4 ba3=na2 tan3 ku3xi3=na2 tan3 ka3xi4=na2 nde4e4=na2, i3kan4 ka4chi2 i3nda14 ta1 ja1nde1e4 so'3o3 ndi4
bi3tin3 ndi4, ku'1un(1)=un4 tan3 sa3kan4 ndi4 ku'1un1 ta3tu2u(2)=un4 *tarraya**
ta3tu2u(2)=un4 *costa** tan3 sa3kan4 ndi4 ku'1un1=yu1 la3ma42 ku'1un1 ndu3ku4 ta'3an2=yu(1)=a1 ku3xi(3)=o4 a1chi1 ndi4 ja1 sa14-kwa'3nu3=ndo4 yu'1u1
ta1 ja1 xu13xa3 ku4u(4)=2 tan3 bi3tin3 ndi4 ku'1un1 ta'3an2=yu1 ku'1un1 ndu3ku4=2 ya1 ku3xi3=ndo4
i13xa3=ndo4=a2 ma1ni4 ji'4in(4)=2 sa14-kwa'3nu3=ndo4 yu'1u1 tan3 bi3tin3 ndi4 ku'1un1=yu1, ku'1un1 ndu3ku4=2 ya1 ku3xi3=ndo4 tan3 sa3kan4 ndi4 ki3xa2a2=yu1
ka4chi2=ra1 so'3o3 ji'4in4 si'3i4=ra2, ya1 kan4 ni1-ke3e(3)=an4 ta4u3ni2 ja'1an1 ta3tu2u(2)=an4 *costa** ta13tu2u(2)=an4 *tarraya** ta13tu2u(2)=an4 tia'3a2 ku'3un3 ta1kwi42 ko'3o3=ra3,
tan3 i3kan4 ka4chi2=ra1 ji'4in(4)=an4 ndi4 chi3ndu'4u(4)=un4 is1ta4 ku'1un1 ji'4in(4)=2
kwa'1a4 is1ta4 chi3ndu'4u(4)=un4 ku'1un1 ji'4in(4)=2 ndi4 ta1 ja1 ku'1un1 ku4u(4)=2
ya1kan3, la3ma42 ku'1un1=yu1 ku'1un1 ko1to(1)=e1 ku3ni2=o4 na4 ke3-ba'1a3=2 ji'4in4 tia1ka4 ku3xi(3)=o4 ndi4
nda'4bi2=ndo4 i13xa3=ndo4=a2 ma1ni4 ji'4in(4)=2 sa14-kwa'3nu3=ndo4 yu'1u1 tan3 bi3tin3 ndi4 ta1 ku'1un1 ku4u(4)=2 sa3kan4 ndi4 ndu3ku4=2 ya1 ku3xi3 ta'3an2=ndo4 ji'4in4 i13xa3=ndo4=a2 ma1ni4 ji'4in(4)=2 sa14-kwa'3nu3=ndo4 yu'1u1
i3kan4 tan3, na4 ja1 i4yo2, ya1kan3, *costa** ya1 ku'1un1 ji'4in(4)=2 i4yo2 *tarraya** tia'3a2 tin3 an4 ja1 i4yo2 na3ni(2)=a2. Ja1 i4yo2 ba(3)=e3.
ku'1un(1)=un4 na4tu2 na4 kan4 ndi4 ja1 i4yo(2)=a2, ja1 i4yo2 ndi'3i3 ba(3)=e3, ja1 i4yo2 *costa** ja1 i4yo2 *tarraya** ja1 i4yo2 tia'3a2
ku'1un1 ji'4in(4)=un4 ku'3un3 ta1kwi42 ko'3o(3)=on4, i4yo2 tu3 is1ta4 ba3 ku'1un1 ji'4in(4)=un4 ka4chi2 si'3i4=ra2 ji'4in4=ra2, i3kan4 tan3 ni1-nda3-kwi3so3=ra(2)=e2 kan4 tan3 kwa'1an1 ba3=ra3,
kwa'1an1=ra1 sa3kan4 kwa'1an1=ra1 sa3kan4, ni1-xa1a1=ra1 mi4i4 nda4-ta'1bi4 i3chi4 i3kan4 ndi4chi2 ta1,
i3kan4 ndi4chi2 ta1 na'14a1, ja143 ka4chi2 ta1 kan4 ji'4in4=ra2 ndi4
nda4a2 kwa'1an(1)=on4 yo'4o1 ndi4 ja1 kwa'1a4 tiem4pu2 xi4ka(3)=2 yo'4o4 tan3 ko14o3 yo'4o1 ji4ni2=yu1, ko14o3 yo'4o1 ji4ni2=yu1 ndi4
ya1kan3, yo'4o4 ndi4chi2=yu1 [...], tan3 yo'4o1 ndi4 ko14o3 yo'4o1 ji4ni2=yu1
na4 ku'1un(1)=o4 ji'4in(4)=2 be'3e(3)=2 sa3kan4 ndi4 ka3ni3 ma1ni4=2 yo'4o1 ña'1a3
ba143 ba1xi3 yu'1u1 ni'1i4=2 ña'1a3 ndi4 ta1 kwa'1an1 la3ma42 ku4u(4)=2 ndi4 yu3ba4=2 ndi4 sa14-kwa'3nu3=na2 yu'1u1 i13xa3=na(2)=e2 ma1ni4 ji'4in(4)=2 sa14-kwa'3nu3=na2 yu'1u1 tan3
tan3, ya1kan3, kwa'1an1=yu1 ndu3ku4=2 ña'1a3 ku3xi3=na2 tan3 ku3-ta3ku2=na1 a1chi1 ndi4
sa14-kwa'3nu3=na2 yu'1u1 i13xa3=na(2)=e2 ma1ni4 ji'4in(4)=2 sa14-kwa'3nu3=na2 yu'1u1 tan3 bi3tin3 ndi4 la3ma42 kwa'1an1=yu1, kwa'1an1 ndu3ku4=2 ya1 ka3xi4=na3,
ba'1a3 na4tu2 sa3kan4, na4 ku'1un(1)=o4 ji'4in(4)=2
ku'14un1=yu1 ji'4in(4)=un4, ta3xi(3)=2 xu'14un4 nda'3a(4)=on4 ta3xi(3)=2 tio1to1 nda'3a(4)=on4 ku3-ndi3xi3 yu3ba(4)=on4 xu'14un4 ka3ni3 ma1ni4=2 yo'4o1
ku3-ta3ku2=un4 ji'4in4 yu3ba(4)=on4 si'3i(4)=un4 tin3 na4tu2 i4yo2 na1 ji'4in(4)=un4
a'4an3 ndi4 ku'14un1=yu1 ndi4 ta1 kwa'1an1 ku4u4 yu'1u1. Tan3 kwa'4an2 ni3=un4 na4 ta1 kwa'1an1 ku4u(4)=un4 ndi4, ya1kan3, yu'1u1 ndi4, ya1kan3,
yo'4o4 ndi4chi2=yu1, na1 ku4ni2 a3sa3 *amigu**=na1 yu'1u1 tan3 a3sa3 *amigu**=na1 yu'1u1 na1 ku14ni2 tu3 tan3,
tan3 ku'1un1 ba(3)=2 ndi4 ta1 ja1 kwa'1an1 ku4u(4)=2 ka4chi2=ra1, ni1-ya'1a3=ra2 kwa'1an1 ba3=ra2,
kwa'1an1=ra1 sa3kan4 kwa'1an1=ra1 sa3kan4 ni1-xa1a1=ra1 mi4i4, mi4i4 ndi4chi2 ta1 ya3kwa4, ja143 ka4chi2 ta1 kan4 ji'4in4=ra2 ndi4
ja143 ka4chi2 ta1 ya3kwa4 kan4 ji'4in4=ra2 ndi4 su14u3 ta1 ya3kwa4 ti4 ku4u4 ta1 kan4 ndi4 ta1 kwi'4na4 ku4u4 ta1 kan4, ja143 ka4chi2 ta1 kan4 ji'4in4=ra2 ndi4
¿Nda4a2 kwa'1an(1)=on4?, Yu'1u1 ndi4 ta1 kwa'1an1 ku4u(4)=2 la3ma42 kwa'1an1=yu1 ndu3ku4=2 tia1ka4 ku3xi3 yu3ba4=2 ndi4 i13xa3=na(2)=e2 ma1ni4 ji'4in(4)=2 sa14-kwa'3nu3=na2 yu'1u1 ya1 kan4 ndi4 kwa'1an1=yu1 ndu3ku4=2 ya1 ku3xi3=na3.
Ni1-ku3-ta4u3ni2=na1 nde4e4=na2 tan3 ba143 kwi4i4 ndu3ku4=na(2)=e2 ku3xi3=na2 ya1 kan4 ndi4 kwa'1an1=yu1 ndu3ku4=2 ya1 ku3xi3=na3,
Na4tu2 sa3kan4 ndi4 yo'4o4 ki3xi(3)=un4, yo'4o4 ki3xi(3)=un4 na4 ku'1un(1)=o4 ji'4in4 yu'1u1 ndi4, yu'1u1 ndi4, ya1kan3,
i4yo2 xu'14un(4)=2, i4yo2, ya1kan3, tio1to1 i4yo2 nda1 ndi'4i(4)=a2 ku4ni2=un4 ndi4 i4yo2 ndi'3i(3)=a2 ji'4in4 yu'1u1, na4 ku'1un(1)=o4 sa3kan4 ndi4 ka3ni3 ma1ni4=a2 yo'4o1 tan3
ku1nu'1u4 ji'4in(4)=un4 ku3-ndi3xi3 yu3ba(4)=on4 ku'1un1 tio1to1 ji'4in(4)=un4 ku'1un1 xu'14un4 ji'4in(4)=un4 ku3-ta3ku2=na1, na4 ku'1un(1)=o4 sa3kan4 ndi4 ka3ni3 ma1ni4=a2 yo'4o1
Ndi4 ku'14un1=yu1, ta1 kwa'1an1 la3ma42 ku4u(4)=2
ni1-nda14yu3 ba'1a3=2 yu3ba4=2 ndi4 ta1 ba1xi3 ku4u(4)=2 ndi4 ta1 kwa'1an1 la3ma42 ku4u(4)=2 tan3 ndo'4o1tu3 i4xa3 ki'4bi(3)=un4 yu'1u1 ndi4 ba'14a4 sa3kan4
kwa'4an2 ni3=un4 na4 ta1 kwa'1an1 ku4u(4)=un4 ka4chi2=ra1 ki13ta3=ra2 tan3 chi13-nda'3a4 ba3=ra2 ta1 kan4 tan3 ndi13-ki'3in3 ta1 kan4 kwa'1an1 ba3=ra2, ku'1un1 ba3 yu'1u1 ndi4 ta1 kwa'1an1 ku4u(4)=2, ndi13-ki'3in3=ra2 kwa'1an1 ba3=ra3,
kwa'1an1=ra1 sa3kan4 kwa'1an1=ra1 sa3kan4 ni1-xa1a1=ra1 la3ma42 ni1-ki'3in3=ra2, ya1kan3, *tarraya** chi13ndu'4u4=ra2 kan4
ki'13in3=ra2, ya1kan3, *costa** chi13ndu'4u4=ra2 kan4, i3in3 ti1nda1a4 is1ta4=ra2 ni1-ki'3in3=ra2 chi13ndu'4u4=ra2 kan4
ja143 i1xa43, ya1kan3, chi13nde3e3 ndi'3i3=ra(3)=e3, i3kan4 ndi13-ki'3in3=ra2 *tarraya** ka13ni3 so4ko1=ra1 ja143 ndi13-ki'3in3=ra2 kwa'1an1=ra1 ni1nu1 i1xa14a3=ra2,
xi4ta1 *tarraya** xi4ta1 *tarraya** xi4ka3=ra2 ndi4 ba14sa3
i3kan4 ja143, nda143 lu3lu3 ti4 ñu'1u3 ko14o3 ki3ti4 chi2,
ko14o3 mi3i4 bi4=ri4 xa4ku'1un3 ndi4 xi4ta1=lu(3)=a2 xi4ka3=ra2 tan3 ko14o3=ri4
i3kan4 ka4chi2 ka'4an4 i3ni2=ra1 so'3o3 ndi4, nda143 lu3lu3 ti4 ku'1un(1)=o4 yo'4o4 tan3, tan3 ku1nu'1u4 ba(3)=e4 na4tu2 na4 ko14o3=ri4 xa4ku'1un3 ndi4
nda1 xi4ko1 nda'4bi2=o4 xi4ka(3)=e4 ndi4 ja1 ni1-xa14bi2=o4 ni1kwa3a4 ba42 tan3 ko14o3=ri4 ka'4an4=ra2 so'3o3
ndi13-ki'3in3=ra2 ja'1an1=ra1 mi4i4, mi4i4 ñu'4u4 ta1kwi42 kan4
ku4nu1=lu3 ta1kwi42 ndi4ka2, nda143 a1su3 yo'4o4 ti4 ku'1un(1)=o4 sa3ka4na(3)=e4=e2 tan3
tan3 ku1nu'1u4 ba(3)=e4 a1chi1 ndi4 ni1-xa14bi2=o4 xi4ka3=ni42=o4 ji'4in(4)=a2 tan3 ko14o(3)=a2 kwi4i4, ko14o3 ki3ti4 ka3ku'1un3 ka4chi2=ra1
ka4chi2 mi3i4=ra2, nda143 ka'4an2 mi3i4 ka'4an2 i3in3=ra2 xi4ka3=ra2 ndi4 ko14o3 ndi4-ki3ta'4an4 ji'4in4=ra2 mi3tu4nda24 mi3i4=ra2 chi1
i3kan4 ni1-xa1a1=ra1 tan3 ku13-ya3tin3=ra2 nu14u3 ta1kwi42 kan4
i3kan4 nda13-ka3ni3 so4ko1=ra1 *tarraya** nda143 sa3kan4 ti4 tan3 sa3ka4na3=ra(2)=e2 tan3
ndo13ko3to3 ba3=ra2 ndi4 i3in(3)=a2 tia1ka4 lu3lu3 so'3o3 ti4 ni1-ki3xa2a2 ma'14ñu3=ra4 mi4i4 ku4nu1=ra4 kan4 ndi4 nde3e4=lu3 ba1xi3=a2, la3tun4=lu(3)=a2 chi1
u'1un1 nu14u3 ta13ku(2)=a2 ndi4so(3)=a2 ndi4 la3tun4=lu(3)=a2 ta13ku2 sa4ka(2)=e2 tia1ka4 kan4 pa4chi'4i2 ti4=a2 ndi4 la3tun4 sa4ka(2)=e2,
ni1-ki3xa2a(2)=e2 tan3 su13ko'4ni3 ba(3)=e2 ka'3a4 ko'1yo1 i4ndu'3u4 sa3kan4
e1ta4 i3nda1(4)=on4 sa3kan4 tan3 ku1nu'1u4 ba(3)=on4 ji'4in(4)=2 ya3tan3 ka3xi4 yu3ba4=2 ndi4 ta1 kan4 ku4u4 ta1 ku4i3ni2[=yu1] ji4ni2[=yu1] ya1 kan4 ndi4 ba1xi3=2 ja1ta4 ya1 ka3xi4=ra2 tan3
ko14o(3)=a2 kwi4i4 ka3ku'1un3 ndi4 e1ta4 i3nda1(4)=on4 sa3kan4 tan3 ku'1un(1)=un4 ji'4in4 ba(3)=2, sa13ka4na3 ba3=ra2 *tarraya** xa13ku'1un3=a2 kan4 ndi1ku1nda42
bi3tin3 ndi4 e1ta4 pa4chi'4i2=un4 sa3kan4 tan3 ku'1un(1)=un4 ji'4in(4)=2 ja143 ka4chi(2)=a2 kan4 so'3o3 ji'4in4=ra2 ndi4
ka'14ni(4)=un4 yu'1u1 ya3ni2 ndi4 yo4o4 xa'13nu3 in3ka4chi1 ku4u(4)=e4 yo4o4 kwa4chi3 ku4u(4)=e4 ba1xi3 kwa'3nu(3)=e4 tan3 ku4ni2=un4 ka'3ni(4)=un4 yu'1u1
ka'1an(1)=on4 nda4a(2)=e2 ba42 ku4ni2=un4 ndi4 i4yo2=yu1 chi3-nde3e4=a2 yo'4o1 ka4chi(2)=a2 kan4 so'3o3
ya1 ku4ni2=yu1 ku'1un1 ji'4in(4)=2 ndi4 tia1ka4 ku4u4 ti4 ba1xi3=2 ja1ta4, tia1ka4 ba1xi3=2 ja1ta4, ya1kan3, xu'14un4 ku4ni2=yu1 kwa4yu2 ja1na(1)=e1 ku4ni2=yu1
ko14o(3)=a2 ya1 ku3-ta1ma4 ji'4in(4)=2 ndi4 ko3o3 kwa'1a4 xu'14un4 yu'1u1 ku4ni2=yu1 ka4chi2=ra1, an3 ba'1a3 na4tu2 sa3kan4
sa3ña4 ni3=un4 yu'1u1 na4 ku'1un(1)=i1 ja1ta4=2 ndi4, na4 ku'1un1=yu1 a1chi1 ndi4 nda4-i3chi2=ni42 ja1ta4=2 tan3 ko3to3 ku3u2=yu1 ka4chi(2)=a2 so'3o3
kwe4e2 kwe4e2 chi13ndu'4u4=ra(2)=e2 nu14u3 ta1kwi42 kan4 ndi13-ki'3in(3)=a2 kwa'1an1 ba(3)=e2 mi4i4 ni1-ki3xi(3)=a2 nda13-ndi3ko4 tu3ku(3)=a2 kwa'1an(1)=e1
nde3e4=lu3 kwa'1an(1)=e1 tia1ka4 kan4, i3kan4 ja143 ni1-..., ndo1o3=ra2 tan3
an4 sa3ka4na3 ba(3)=e4 *tarraya** mi4i4 ba42 ñu'4u4 ku4nu1 ta1kwi42 tan3 ku3ni2=o4 ndi4 ja1 ni1-ka'1an1 ti4 ka1a3 ji'4in(4)=o4 ndi4, ti4 ku'1un1 ku4u4 ba3 tia1ka4 ji'4in(4)=o4
sa13ka4na3=ra2 *tarraya** xa13ku'1un3 ba3 tia1ka4 chi2, xi13ta3=ra2 *tarraya** ba1xi3=a2 ndi4 be1e3=lu(3)=a3,
nu4chi'4i2 ti4 ni1-ta3ba4 ndi'3i3=ra2 ti4 kan4
ni1-ki'3in3=ra2=ri4 chi13nde3e3=ra2 kan4 tan3 tu3ku3 tu3ku3=ri4 su13ku4=ra2 ma1ti1lo32 ji1ni4
xa'13ni4=ra2 ti4 kan4, xa'13ni4=ra2 ti4 kan4 tan3, tan3 nda13-ta3an4=ra2=ri4 ti1xin3 *costa**
ja143 tu3ku3 ba3 sa13ka4na3=ra2 *tarraya** tu3ku3 sa3kan4 ba3 chi2, be1e3=lu3 ba1xi(3)=a3,
ña1 u1ni1 sa13ka4na3=ra(2)=e2 tan3 chi13tu4 ba3 *costa**=ra1 ndi4 lu14u3=ri4 ni1-ndo1o3 ka1=ri4 ndo1o3 ka1 tia1ka4 kan4 ndi4 lu14u3=ri4 xa13ku'1un3
tan3 ya1 kan4 ku4u4=ra2 tan3 ni1-ke1ta3 ba3 ñu'1u3, i3kan4 ka4chi2=ra1 so'3o3 ndi4 nda143 yo'4o4 tan3 ku1sun1 ba(3)=e4 tan3 i3ta2an2 ku1nu'1u(4)=o4 ka'4an4=ra2 so'3o3
i3kan4 tan3 su14-ku3tu4 ba3=ra2 *costa** kan4 tan3
i3kan4 nda13-ka'3mi3=ra2 ñu'3u2 tan3 ti4 ni1-ndo1o3 ka1 kan4 tan3 ya13tan3=ri4 ja13xi4=ra2 tin3 tan3
ya13tan3=ri4 tan3 ndu13-ku3ndu'4u4=ra2 i4ndu'3u4=ra2, i3kan4 ni1-ki1xin1 ba3=ra3,
i3kan4 ni1-ki1xin1=ra1 ni1ki4tu3 tan3 ndi13-kwi3so3=ra2, ya1kan3, *costa** tia1ka4 tan3 kwa1nu'1u4 ba3=ra3,
kwa'1an1=ra1 sa3kan4 kwa'1an1=ra1 sa3kan4 nda13-xa2a2=ra1 be'3e3 i3kan4 ka4chi2, ya1kan3, yu3ba4=ra2 ji'4in4=ra2 ndi4
ji'4in4 na1 ya3ni2=ra1 na1 nde4e4 ka1 ndi4 u1bi1 ka1=na1 nde4e4
kwa'4an2=ndo4ku'1un1 ndi1-ki'1in3=ndo4 ña'1a3 ja1ta4 ya3ni2=ndo4 ni1-ke3-ba'1a3=ni42=ra1 ba1xi3=ra2 i3kan4, xi4nu3=na2 ni1-ke3e3=na2 ja'1an1 ndi1-ki'1in3=na2 *costa** ja1ta4=ra3,
ni1-ki'3in3=na2 *tarraya** ndi13-ki'3in3=na2 tia'3a2 ta1kwi42 ndi13-ki'3in3=na3, nda143 so'3o3 ka4a4 ti4=ra2 kwa1nu'1u4=ra2 nda13-xa2a2=ra1 nu14u3 yu3ba4=ra3,
ja143 ka4chi2=ra1 ji'4in4 yu3ba4=ra2 ndi4, ni1-ke3-ba'1a3=ni42=yu1 ji'4in(4)=a2 ku3-ta3ku2=e4 yu3ba4=2 ka4chi2=ra1
chi4tu4 *bolsa** i3tin2 si'1in3=ra2 tan3 i3tin2 ja1ta4 *pantalón**=ra1 ndi4 chi4tu4=a2 ji'4in4 xu'14un4 ndi4 ni1-ke'3e4=ra2 ta13ba4=ra2 xu'14un4 nda13-kwa'1a3=ra2 nda'3a4 yu3ba4=ra3,
yo'4o4 i4yo(2)=a2 ya1 yo'4o4 ba42 ku3-ta3ku2=e4 ndi4 ni1-ke3-ba'1a3=ni42[=yu1] ji'4in(4)=a2,
ya1 yo'4o4 ba42 ni1-ni'1i4=2 mi4i4 ja'1an(1)=e1 kan4 ka4chi2=ra1, po3ndo42 chi13nde3e3=ra2 ni3na3 *oro** ni1-ni'1i4=ra2 nu14u3 tia1ka4
ndi4 su14u3 ki1bi4 ndi4 ya1 ni1-ke3e3=ra2 la3ma42 ti4 tan3 nda13-xa2a2=ra1 be'3e3 ndi4 lu14u(3)=a2 ki13xa2a2 ji'4in4=ra2 nda13-kwa'1a3=ra2 nda'3a4 yu3ba4=ra2 tin3
i3kan4 nda13-ji1nu3 u1ni1 ku1mi4 ki1bi4 tan3 ndi'13i3 ti4 kan4 xi13xi3=na2 i3kan4 ka4chi2 i3nga2=ra1 so'3o3 ndi4 tu3ku3 yu'1u1 ku4u4 ta1 ku'1un1
mi4i4 ja'1an1 ya3ni2=yu1 ku'1un1 tu3 yu'1u1 ba3 ka4chi2 tu3 i3nga2=ra1 so'3o3, na4tu2 ku'1un(1)=un4 tan3 ku'1un1 ba(3)=on4 ndi4
a3sa(3)=on4=a2 ba'1a3 si'3i4=2 ta3tu2u(2)=un4 *tarraya** tan3 sa3kan4 ndi4 ku'1un1=yu1 ta1 ku'1un1 ku4u4 tu3 yu'1u1 ba3 ka4chi2=ra1 so'3o3
i3kan4 tu3ku3=ra2 kan4 ta13tu2u(2)=an4 *tarraya** ta13tu2u(2)=an4 *costa** ta13tu2u(2)=an4
tia'3a2 ku'3un3 ta1kwi42 ko'3o3=ra2 tan3 chi13ndu'4u(4)=an4 is1ta4 kwa'1an1 tu3ku3 ta1 kan4 ba3
ja143 ka4chi2=ra1 ji'4in4 ya3ni2=ra1 ndi4 na4tu2 ni1-xa1a(1)=on4 mi4i4 ni1-..., mi4i4 ja'13ni4=2=ri4 ndi4 i3kan4 i4ndu'3u4 ma1ti1lo32su14ku4=2 ji1ni4=ri4
tan3 tun4 kan4 ku4u4 tun4, ya1kan3, i4ndu'3u4 mi4i4 ba42 ja'13ni4=2=ri4 tan3 tun4 kan4, i3kan4 ba42 ka3ka3 ba(3)=on4 tan3 ka3ku'1un3=ri4 ka4chi2=ra1 so'3o3 ji'4in4 ta1 kan4
i3kan4 ndi13-ki'3in3 ta1 kan4 kwa'1an1=ra1, ni1-xa1a1=ra1 su3,
su3 nda4a(2)=e2 ba42 kan4 ndi4, xa1a1=ra1 la3ma42 kan4 tan3 ki13xa3a4 ba3=ra2 ni1-ki'3in3=ra2 ña'1a3 ndo13ko3o4 na'3a2=ra1 kan4 tan3
i3kan4 ni1-ndo3ko3o4=ra2, ya1kan3, *costa** ndo13ko3o4=ra2 tia'3a2 ta1kwi42 tan3 ni1-sa4-ka3chi'3i3 nda'3a4=ra2 *tarraya** ja143 xi4ta(1)=e1 xi4ta(1)=e1 ndu3bi4 nda1a1 ni1kwa3a4 ni3 ko14o3=ri4 chi2
nda1 i3nda14=ri4, na4chu3 ba42 ka'4an2 tu3 ya3ni2=o4 ndi4 yo'4o4 i4ndu'3u4 ma1ti1lo32 su13ku4=ra2 ji1ni4=ri4 tan3 ko14o3 tu3=ri4 xa4ku'1un3 ka4chi2=ra1
ka'4an2 mi3i4 ka'4an2 i3in3=ra2 ndi4ka2=ra1 ndi4ka2=ra1, ndo13ko3to3 ba3=ra2 ndi4 i3kan4 i4ndu'3u4 ma1ti1lo32 ko14o3 ki3ti4 kwi4i4 ka3ku'1un3 ni1kwa3a4 ni3 ko14o3=ri4
nda143 yo'4o4 ti4 ku'1un(1)=o4 sa3ka4na(3)=e4=e2 tan3 kwa'1an1 ba(3)=e4 a1chi1 ndi4 i4xa3 ki'4bi3 ya3ni2=o4 yo4o4 ba1xi(3)=o4 tan3 ya1 ko14o3 bi4 ba42 ji14ni2=o4 nda4a2 ja'1an1 bi4 ta1 kan4 ka'4an4=ra2 so'3o3
tan3 ndi4 ka1a3 i4ndu'3u4 ma1ti1lo32 su13ku4=ra2 ji1ni4=ri4 ka'4an4=ra2 so'3o3, ja143 ndi13-ki'3in3=ra2 kwa'1an1=ra1 tan3
ndo13ko3to3 ba3=ra2 ma'14ñu3 ta1kwi42 kwa'1a4 ndi4 pa4chi'4i2 ti4=a2 tia1ka4 ta13ku2 ndi4 nde3e4=lu3 ba1xi3=a2 chi1
ni1-ke1ta3 ba(3)=e2 ka'3a4 ko'1yo1 ndi4chi2 sa3kan4 tan3 ni1-sa3ka4na3=ra2 *tarraya**
e1ta4 pa4chi'4i2=un4 sa3kan4 tan3 ku1nu'1u(4)=un4 ji'4in(4)=2 ya3tan3 ka3xi4 yu3ba4=2 a1chi1 ndi4 ta1 kan4 ku4u4 ta1 ndi'4i13 i3ni2[=yu1] xa'1a4 ba143 kwi4i4, ko14o(3)=a2 i4yo2 ka3xi4=ra2,
tan3 i13xa3=ra(2)=e2 ma1ni4 ji'4in(4)=2 sa14-kwa'3nu3=ra2 yu'1u1 tan3 bi3tin3 ndi4 pa4chi'4i2=un4 sa3kan4 tan3 ku1nu'1u(4)=un4 ji'4in4 ba(3)=2 ka3xi4 yu3ba4=2 yo'4o1 ka4chi2=ra1 so'3o3 ji'4in(4)=a2 chi1
sa13ka4na3=ra1 *tarraya** xa13ku'1un3 ba(3)=e2 tia1ka4 pa4chi'4i2 kan4, xa13ku'1un3=a2 kan4 tan3, i3kan4 ja143,
ka4chi(2)=a2 so'3o3 ji'4in4=ra2 ndi4 ka'14ni(4)=un4 yu'1u1 ndi4, ya1kan3,
yo4o4 xa'13nu3 in3ka4chi1 ku4u(4)=e4 yo4o4 kwa4chi3 ku4u(4)=e4 ba1xi3 kwa'3nu(3)=e4 tan3 ku4ni2=un4 ka'3ni(4)=un4 yu'1u1, ta1 xa3ku4 ku4u4 yo'4o1 tan3 sa3kan4 tu3 yu'1u1 ndi4 ta1 lu3u3 tu3 ku4u4 yu'1u1 ba3
ka'1an(1)=on4 ji'4in(4)=2 nda4a(2)=e2 ba42 ku4ma1ni4=a2 ji'4in(4)=un4, i4yo2=yu1 chi3-nde3e4=2 yo'4o1
an4 tio1to(1)=on4 ku4ni2=un4 an4 xu'14un4 ku4ni2=un4, nda4a(2)=e2 ba42 ku4ma1ni4=a2 ji'4in(4)=un4 ka'1an(1)=on4 ji'4in(4)=2
ya1 ku4ni2=yu1 ndi4, ya1kan3, xu'14un4 ku4ni2=yu1, ya1kan3, tio1to1 yu3ba4=2 ku4ni2=yu1 ña1,
kwa4yu2 ja1na1=ndu1 ku4ni2=yu1 la3tun4 ko3o3 kwa4yu2 ko3so4=ndu2 ku4ni2=ndu1 ko3o3 se'1e3=ri4 i3in3 *yegua** ja3ta4=ndu2 tan3 ti4 ko3o3 se'1e3 ko3ndo3=ri4 ku4ni2=yu1, An3 ba'1a3 ba3.
sa3ña(4)=on4 yu'1u1 na4 ku'1un(1)=i1 ndi4 nda4-i3chi2=ni42 ja1ta4=2 tan3 ko3to3 ku3u2=yu1 ka4chi(2)=a2 so'3o3, kwe4e2, kwe4e2 chi13ndu'4u4=ra(2)=e2 nu14u3 ta1kwi42 kan4 nda13-ndi3ko4=a2 kan4 kwa'1an1 ba(3)=e3,
ku4ni2=yu1 tia1ka4 ku4ni2=yu1 ka4chi2=ra1 so'3o3 ja143 sa13ka4na3=ra2 *tarraya**, ja1 in3ka4ni24 kwa'1an(1)=e1 kan4 tan3 sa13ka4na3=ra2 *tarraya** tin3
lu14u3 tia1ka4 chi2, in3ka4ni24 su14-ku3tu4 ba3=ra2 *costa** ji'4in4 tia1ka4, xa'13ni4=ra2=ri4 tan3 ja14-nda3-ku3tu4=ra2 *costa**
i3kan4 tan3 chi13tu4=a2 kan4 tan3 ja143 ni1-..., ni1kwa3a4 nda143 nda'4bi2 ti4 ka4a4 i3kan4 ni1-ndo1o3 tu3ku3 ba3 ta1 kan4 ni1-ki1xin1=ra1
ja143 nda13-ka3ndu'4u4=ra2 nu14u3 yu14ti3 kan4 ni1-ki1xin1=ra1 tin3, nda13-ka'3mi3=ra2 ñu'3u2 nda13-ka'3mi3=ra2 nda13-sa1a4 is1ta4 xi13xi3=ra2 tin3 ni1-ki1xin1=ra1 i3kan4
ni1ki4tu3 tu3ku3 ki1bi4 sa3kan4 ndi13-ki'3in3=ra2 kwa1nu'1u4=ra3, nda13-xa2a2=ra1 ndi4, ya1kan3,
nda13-xa2a2=ra1 be'3e3 tan3 i3kan4 ka'4an2 yu3ba4=ra2 so'3o3 ndi4 kwa'4an2=ndo4 ku'1un1 ndo1ni'1i3=ndo4ña'1a3 ja1ta4 ya3ni2=ndo4 ndi4 ke13-ba'1a3=ni42=ra1
ni1-ki3xa2a2=ra1 ji'4in4 tia1ka4 lu14u3=ri4, ndi13-ki'3in3=na2 *costa** nda'3a4=ra2 kwa1nu'1u4=a2 ti1xin3 be'3e3
i3kan4 ja143 ka4chi2=na1 so'3o3 ndi4, ya1kan3, bi3tin3 ndi4, ya1kan3, bi3tin3 ndi4
ndi3-ki'3in3=ndo4 *costa** nda'3a4 ya3ni2=ndo4 ña1a4 na4 ndu3-ku3ndu'4u(4)=a2 ña1a4, ndi13-ki'3in3=na2 *costa** nda'3a4=ra2 tan3
ta13ba4=ra2 xu'14un4 ndi4 lu14u3 xu'14un4 ni1-ki3xa2a2 ji'4in4=ra2 tan42 ka4a(4)=e2 ni1-i3xa3 ta1 ja'1an1 nu14u3 sa3kan4 i13xa3 tu3 ta1 kan4 ba3 ndi4 lu14u3 xu'14un4
lu14u3 xu'14un4 ni1-ke3-ba'1a3=ra2 ji'4in4, na3ni(2)=a2 yo'4o4 ba3 ku3-ta3ku2=e4 ndi4 ni1-ke3-ba'1a3=ni42[=yu1] ji'4in(4)=a2 yu3ba4=2. Ba'1a3 ba3.
lu14u3 xu'14un4 nda13-kwa'1a3=ra2 nda'3a4 yu3ba4=ra3,
ni1-ndi'3i3 lu3chi'4i2 ti4 kan4 tan3 tu3ku3 ba3 ta1 la4tun3 ku'1un1, ta1 kan4 ndi4 ta1 la4tun3 lu3chi'4i2 ku4u4 ta1 kan4
bi3tin3 ndi4 tu3ku3 yu'1u1 ku4u4 ta1 ku'1un1 ka4chi2=ra1 so'3o3, ba'1a3 ba3 ka4chi2=na1
ta3tu2u(2)=un4 *tarraya** tan3 ta3tu2u(2)=un4 *costa** tan3 ta3tu2u(2)=un4 tia'3a2 ku'3un3 ta1kwi42 ko'3o(3)=2 tan3 ku'1un1=yu1 ndi4 ta1 ku'1un1 ku4u4 tu3 yu'1u1 ba3 ka4chi2,
ka4chi2 ta1 la4tun3 so'3o3 ji'4in4 si'3i4=ra3, ba'1a3 ba3 ka4chi2=an4 so'3o3 ja143 ta13tu2u2=na(1)=e1 kan4 tan3
mi4i4 ni1-xa'1an1=ndu1 ndi4 i4ndu'3u4 ma1ti1lo32 mi4i4 ja'13ni4=ndu2=ri4 i3kan4 ku'1un1 nda14ku2=un4 ka4chi2=na1 so'3o3 ji'4in4=ra2, Ba'1a3 ba3 ka4chi2=ra1.
i3kan4 ndi13-ki'3in3=ra2 *tarraya** tan3 ndi13-ki'3in3=ra2, ya1kan3, tia'3a2 ta1kwi42 tan3 is1ta4 tan3 kwa'1an1 ba3=ra3,
xa1a1=ra1 mi4i4 nda4-ta'1bi4 i3chi4 kan4 su3 i3kan4 ndi4chi2 ta1 na'14a1
ka4chi2 ta1 kan4 ji'4in4=ra2 ndi4 nda4a(2)=e2 ba42 nda4-ndu3ku(4)=un4 xi4ka(3)=on4 yo'4o4 yo'4o1 ndi4 ja1 kwa'1a4 tiem4pu2 ndi4chi2=yu1 yo'4o4 ndi4 ko14o3 yo'4o1 ji4ni2=yu1 yo'4o4
kwa'1a4=na2 ju4ta'3an2=yu1 yo'4o4 ndi4 yo'4o1 ndi4 ko14o3 yo'4o1 ji4ni2=yu1
yu'1u1 ndi4 ta1 ja143 nu14u3 ba1xi3 ba3 ku4u4 yu'1u1 kwa'1an1 ndu3ku4=2 ya1 ka3xi4 yu3ba4=2 ndi4 sa14-kwa'3nu3=na2 yu'1u1 tan3
bi3tin3 ndi4 ta1 ja1 xu13xa3 ku4u4 tu3 yu'1u1 ba3 ya1 kan4 ndi4 kwa'1an1 ndu3ku4=2 ya1 ka3xi4=na2 ndi4 ni1-ta1ku1 i3ni2=na1 nde4e4=na2 tan3
ko14o(3)=a2 i4yo2 ka3xi4=na2 ya1 kan4 ndi4 kwa'1an1=yu1 ndu3ku4=2 tia1ka4 ku3xi3 yu3ba4=2, ka4chi2=ra1 so'3o3 ji'4in4 ta1 kan4
"Na4 ku'1un(1)=o4 ji'4in(4)=2 be'3e3. Ka3ni3 ma1ni4=2 yo'4o1 ndi4lu14u3 xu'14un4. An4 xu'14un4 ku4ni2=un4 an4 tio1to1 ku4ni2=un4 nda4a(2)=e2 ba42 ku4ni2=un4 ndi4 i4yo2 ndi'3i(3)=a2 ji'4in(4)=2", ka4chi2 ta1 na'14a1 so'3o3.
ku'14un1=yu1 ji'4in(4)=un4 ba143 ba1xi3 yu'1u1 tan3 ku'1un(1)=i1 ji'4in4 yo'4o1 ndi4 ta1 kwa'1an1 la3ma42 ku4u(4)=2
ba'1a3 ba3 kwa'4an2=on4 na4 ta1 kwa'1an1 ku4u(4)=un4, chi13-nda'3a4=ra(2)=e2 ndi13-ki'3in(3)=a2 kwa'1an1 ba(3)=e3,
kwa'1an(1)=e1 sa3kan4 kwa'1an(1)=e1 sa3kan4 ni1-xa1a1 ni3 tu3ku(3)=a2 mi4i4 nda13-ta'1bi4 i3chi4 i3kan4 ndi4chi2 tu3ku3 ta1 kwi'4na4, ta1 ya3kwa4
ndi4 ta1 ku4ni2 ka'3ni4 ndi1ku1nda42 ku4u4 ta1 kan4 ndi4chi2=ra1, ja143 ka4chi2=ra1 so'3o3 ndi4, na4chu3 ka'3ni4 tu(3)=un4 yu'1u1 tan3 ta1 i4yo2 mi4i4 kwa'1an1 ku4u4 yu'1u1
na4tu2 na4 ki3ta'4an(4)=on4 ji'4in(4)=2 ko3ndo(3)=e4 na1 kwi'4na4 ku3-nde3ta(3)=e4 i3chi4 yo'4o4 tan3 sa3kan4 ba42 ndi4 ka'4an(4)=on4 ndi4 ko3o(3)=on4 yu14bi4 tan3 ni14-ki3ta'4an(4)=on4 ji'4in(4)=2 ndi4 ka'3ni4=2 yo'4o1 ka4chi2 ta1 kan4 ji'4in4=ra3,
kwi14i3, ya1kan3, ki3ta'4an(4)=2 ji'4in(4)=un4 ndi4 ta1 kwa'1an1 ndu3ku4 tia1ka4 ku4u(4)=2 ndi4 yu3ba4=2 ku4-nda'4bi2 i3ni2[=yu1] ji4ni2[=yu1] ndi4 sa14-kwa'3nu3=na2 yu'1u1 tan3
tan3 bi3tin3 ndi4, ya1kan3, ja1 xu13xa3 tu3 mi3i4 ba(3)=2 tan3 kwa'1an1 ndu3ku4=2 ya1 ku3xi3=na3,
ku4u4=na2 na1 ta4u3ni2 nde4e4=na2 tan3 ba14sa4 ji4ni2=na1 mi4i4 ki'3in3=na(2)=e2 ya1 kan4 ndi4 kwa'1an1=yu1
an4 kwa'4an2=on4 na4tu2 ta1 kwa'1an1 ku4u(4)=un4 a1chi1 ndi4 yu'1u1 ndi4 ko14o3 na1 yu4bi24 ku4ni2=yu1 kwe3e2 yo'4o4 ndi4
na1 kwe3e2 yo'4o4 ndi4 ka'3ni4=2=na1 tan3 ba'1a3 ka1 kwa'4an2=on4, chi13-nda'3a4=ra(2)=e2 tan3 kwa'1an1 ba3 ta1 kan4, xa1a1=ra1 la3ma42
ni1-ki3xa3a4=ra2 ji'4in4 *tarraya** ji4ta(1)=e1, ni1-xa1a1=ra1 kan4 ni1-ki'3in3=ra2 tia'3a2 ja3 chi13ndu'4u4=ra2 chi1, ki'13in3=ra2 tia'3a2 chi13ndu'4u4=ra2 kan4
ni1-chi3ndu'4u4=ra2, ya1kan3, *costa** ku'3un3 tia1ka4 i3kan4 ja143 nda13-ki'3in3=ra2 *tarraya** ja143 ja4ta2=ra(1)=e1 ja4ta2=ra(1)=e1 xi4ka3=ra3,
ndu3bi4 ni4i4 nda1 ni1kwa3a4 ke13e3=ra2 ja'1an1 ko1to1=ra1 i3kan4
nda143 yo'4o4 ti4 ku'1un(1)=o4 tan3 ku1nu'1u4 ba(3)=e4 a1chi1 ndi4 ja1 kwa4a24 ku4u4 tu3 mi3i4 ba(3)=e2 ka'4an4=ra2 so'3o3, i3kan4 ni1-ke3e3=ra2 ja'1an1 ko1to1=ra1 i3kan4
tan3 nde3e4 ni1-ki3xi(3)=a2 tia1ka4 pa4chi'4i2 ndi4 ta13ku2=lu(3)=a2 kan4 ni1-ki3xi(3)=a2 ma'14ñu3 ta4 kwa'1a4 kan4 ni1-ki3xa2a(2)=e2 nde1ta3=e2 ti1xin3 ko'1yo1 tan3 sa13ka4na3=ra2 *tarraya** ndi1ku1nda42 xa13ku'1un(3)=a3,
xa13ku'1un3=a2 kan4 nda'3a4=ra2 tan3, e1ta4 pa4chi'4i2=un4 sa3kan4 tan3 ku1nu'1u(4)=un4 ji'4in4 ba(3)=2 ndi4
ta1 ba1xi3 ku4u(4)=2 ndu3ku4=2 ya1 ka3xi4 yu3ba4=2 tan3 ko14o(3)=a2 ni'4i14=2 tan3
tan3 yo'4o1 tan3 pa4chi'4i2=un4 sa3kan4 ko3o(3)=on4 tan3 ku'1un(1)=un4 ji'4in4 ba(3)=2 ka4chi2=ra1 so'3o3 ji'4in(4)=a2, ka'4an2=lu3=ra2 ji'4in(4)=a2,
a3sa(3)=on4=a2 ba'1a3 ndi4 ka'14ni(4)=un4 yu'1u1 ndi4, ka'14ni(4)=un4 yu'1u1 ndi4 yo4o4 xa'13nu3 in3ka4chi1 kwa4chi3 ku4u(4)=e4 tan3
yo4o4 ba1xi3 kwa'3nu3 ku4u(4)=e4 kwa4chi(3)=o4 tan3 ku4ni2 ka'3ni(4)=un4 yu'1u1
ka'1an(1)=on4 nda4a(2)=e2 ba42 ku4ma1ni4=a2 ji'4in(4)=un4 tan3 i4yo2=yu1 ta3xi(3)=a2 nda'3a(4)=on4 ka4chi2, ka4chi2 tia1ka4 so'3o3 ji'4in4=ra2 chi1
ba'1a3 na4tu2 sa3kan4, ya1 ku4ma1ni4=a2 ji'4in(4)=2 ndi4
ya1kan3, i3kan4 ba42 ni1-ni'1i4=ra2 ka'3a4=ra2 i1nda43, pa4chi'4i2=ni42 ka'3a4=2 ndi4 ku4ni2=yu1 ndi4
ka'3a4=2 ndu3-ka'4nu3 lu3chi'4i2 ku4ni2=yu1, ba'1a3 ba3 ka4chi(2)=a2 kan4, tan3 ku4ni2=yu1 ndi4
na1 si'4i2 ka3ni(3)=2 yu1u4 ja1ta4=na2 ndi4 ko14o(3)=a2 i4yo2 ka3chi2=na1 ku14ni2=na1 yu'1u1 ndi4
ta1 ka'1an1 ku4u4 ba3=na2 ji'4in(4)=2, na4tu2 na4 ni1-ka3ni(3)=2 yu1u4 ja1ta4=na2 ndi4 ta1 ku3-si1i4 i3ni2 ku4u4 ba(3)=2 ji'4in4=na2 ku4ni2=yu1 ka4chi2=ra1 so'3o3 ji'4in(4)=a3,
tia1ka4 tin3 ku4ni2=yu1 ku'1un1 ji'4in(4)=2, tia1ka4 ku4ni2=yu1 ku'1un1 ji'4in(4)=2 ndi4 tia1ka4 ku4u4 ti4 ba1xi3=2 ja1ta4
tia1ka4 ku4ni2=yu1 ku'1un1 ji'4in(4)=2, ya1 kan4 ba42 ndi4 ba1xi3=2 ja1ta4=ri4 tan3, tan3 ti4 kan4 ku4u4 ti4 ku'1un1 ji'4in(4)=2 ku4ni2=yu1. Ba'1a3 na4tu2 sa3kan4.
Na4tu2 na4 ti4 kan4 ku'1un1 ji'4in(4)=un4 tan3 i4yo2 ba3=ri4, tia1ka4 ndi4 i4yo2 ba3 ti4 kan4
sa3ña(4)=on4 yu'1u1 na4 ku'1un(1)=i1 ndi4 ko3to3 ku3u2=yu1 nda4-i3chi2=ni42 ja1ta4=2, i3kan4 sa13ña4 ba3=ra2 ti4 kan4 kwa'1an1 tia1ka4 pa4chi'4i2 kan4 kwa'1an1=ri4
ja143 ni1-ki3xa3a4=ra2 xa4ta2=ra1 *tarraya** nu4u4 ti4 tan3 ni1-chi3tu4 ba3 *costa**, ja143 ni1-ndi'3i3 tan3 nda13-ka'3mi3=ra2 ñu'3u2 nda13-ka'3mi3=ra3,
nda13-sa1a4 is1ta4 ku3xi3=ra2 nu14u3 yu14ti3 kan4 tan3 i3kan4 ni1-ja3ndu'4u4=ra2 ni1-ki1xin1 ba3=ra2 ni1ki4tu3 tin3 tan3
ku1nu'1u4 ba(3)=2 a1chi1 ndi4 ja1 i4yo2 ba'1a3 ndi4 ja1 xa13ku'1un3 tia1ka4, i3kan4 ndi13-ki'3in3=ra2 kwa1nu'1u4 ba3=ra2 ni1ki4tu3 ndi13-kwi3so3=ra2 *costa** kwa'1an1 ba3=ra3,
kwa'1an1=ra1 sa3kan4 kwa'1an1=ra1 sa3kan4 nda13-xa2a2=ra1 be'3e3, i3kan4 ja143 ka4chi2 yu3ba4=ra2 ji'4in4 ya3ni2=ra1 ndi4
kwa'4an2=ndo4 ku'1un1 ndi1-ki'1in3=ndo4 ña'1a3 ja1ta4 ya3ni2=ndo4 ndi4 be1e3=ni42 ba1xi3=ra2, ke13e3 ba3=na2 ja'1an1 ndi1-ki'1in3=na2 *costa** ja1ta4=ra2 nda13-ndi'1bi3=a2 be'3e3
i3kan4 be'3e3 nda13-ndi'1bi3=na2 ji'4in4 *costa** kan4 tan3 ja143 ka4chi2=na1 so'3o3 ndi4
ja'1an1=ndu1 ndi4 ba143 ni4-xi1kan1=ndu1 ka'3a4=ndu2 ndi4, ya1kan3, ña1 ba'1a3 ni1-xi1kan1=ndu1 xu'14un4 ni1-xi1kan1=ndu1, ya1kan3, ku3-ta3ku2 yu3ba(4)=e4 ji'4in4=ndu3, tan3 yo'4o1 ndi4 ka'3a4 ba3 yo'4o1 xi1kan(1)=on4
um..., kwa'4an2 ke3ta(3)=on4 ke'3e2 e1ta4 na4 ja1ta4 be'3e3 ña1a4 ku3ndu'4u4 nda3a2=on4 a1chi1 ndi4 ko14o(3)=a2 ka4a4 tu4ni1=un4 ndi4 ka'3a(4)=on4 i4yo2=ni42 ka4chi2=na1 ji'4in4=ra3,
ja143 ni1-ndo1o3=ra2 ke'3e2 kan4 ba3 *costa** tia1ka4 nda13-ndi'1bi3=a2 kan4 be'3e3 tan3 ki'13in3=na2=ra1 ndo13ko3o4=na2 ke'3e2 kan4 ba3
ndi4 ka4ni24=lu3 ka'3a4=ra2 nda1 su1kun4 xa'1a4=ra2 ka1a3 [...]
i3kan4 nda13-ji1nu3, ya1kan3, nda13-ji1nu3 u1na1 ki1bi4 ya1 ni1-ni'1i4=ra2 ka'3a4=ra2 kan4 tan3 ni1-ki3xa2a2 ba3 chi3ñu3 ndi4
nda'3a4 na1 ya3ni2=ra1 ndi4, ya1kan3, i4yo2, ya1kan3, si1si'4i2 *rey**
ndi4 ku4ni2=na1 ndi4, ku4ni2 *rey** kan4 ndi4 ta1a3 ta1 ni1-...,
xi13nu3=ra2 ji'4in4 kwa4yu2 ja1na1=ra1 tan3 ni1-xa1a1=ra1 nda1 mi4i4 i4ndu'3u(4)=an4 *palacio** tan3 nda13-ki'3in3=ra2=ña4
chi13ndu'4u4=ra2=ña4 nu14u3 ta3yu2 kwa4yu2 tan3 nu13u3=ra2 ji'4in(4)=an4 ñu'3u4 ta1 kan4 ku4u4 ta1 ko3ndo3 i3i4 ba(3)=en4
tan3 na4tu2 na4 ni14-ko3chun3=na2 ndi4 ta1 *rey** kan4 ndi4 ti13in3=ra2 be'3e3 ka3a2 ka'4nu3=lu3 be'3e3 ka3a2 ni1-ti3in3=ra2 tan42 i3in3 na1 ba143 ko4chun3 tan3 kwa'1an1=na1 be'3e3 ka3a2 kan4 ba3
ñu'4u4=na2 be'3e3 ka3a2 xa'1a4 si1si'4i2=ra1 ndi4 ba143 ko4chun3=na2 ndi3-ki'3in3=na2=ña4
tan3 *palacio** mi4i4 i4ndu'3u(4)=an4 ndi4 su4kun1 sa4ka(2)=e2, kwa4yu2 ñu'3u4 ke4e4=ri4 tan3 kwa'1an1=ri4 tan3
na1 ni1-ko3chun3 xa1a1=na1 tan3 ni1-chi3ndu'4u4=na2=ña4 nu14u3 ta3yu2 kwa4yu2 ja1na1=na1 tan3 nu13u3=na2 ji'4in(4)=an4 ñu'3u4, na1 kan4 ku4u4 na1 ku3ndu'4u4 ji'4in4 ba(3)=en4 ko3ndo3 i3i(4)=an4 ka4chi2 yu3ba(4)=en4, *rey**
ya1 kan4 ndi4 ni1-..., ni1-xa1a1 chi3ñu3 ndi4 ku'1un1 na1 kan4 tan3 i3kan4 ke13e3 na1 kan4 kwa'1an1=na1
ku'1un1 ba3 yo4o4 ya3ni2 ndi4 ba'1a3=ni42 kwa4yu2 ja1na1 yo4o4 ndi4 yo4o4 ku3chun3 ku4u4 ba3 yo4o4 ka4chi2=na1, u1bi1 ta'4an2=ra1 i4yo2 kwa4yu2 ja1na1=na1 ndi4 ba'1a3 sa4ka2=ri4
ti4 ni'1i4=na2 nu14u3 tia1ka4 ku4u4 ti4 kwa4yu2 kan4, i3kan4 nda13a3=na2 kwa'1an1=na1 ja1ta4 ña4 si1si'4i2 *rey**
kwa'1an1=na1 sa3kan4 kwa'1an1=na1 sa3kan4 ni1-ki'3in3=na2 i3in3 ñu3u2 kwa'1an1, ni1-ki'3in3=na2 i3chi4 kwa'1an1=na1 ndi4 na1 kwa'1an1 sa3kan4 ku4u4 ba3=na2,
i3chi4 ka'4nu3 ki'13in3=na2 kwa'1an1..., kwa'1an1=na1 sa3kan4 kwa'1an1=na1 sa3kan4, i3kan4 ka4chi2 ta1 ka4ni24 ti1sa'4a4 so'3o3 ndi4, ya3ni2,
ku'1un1 ta'3an2 yu'1u1 ba3 ji'4in4=ndo4 e1ta4 na4 ku3-nu14u(3)=2 ku3u2=ndo4 a1chi1 ndi4
yu'1u1 ndi4 ko14nde3e4 i3ni2[=yu1] xa'1a4=ndo4 ku'1un1 mi3i4=ndo4 ndi4 na1 ku3u2 ku4u4 ba3=ndo4 mi4i4 kwa'1an1=ndo4
na1 ku3u2 ku4u4=ndo4 mi4i4 kwa'1an1=ndo4 tan3 yu'1u1 ndi4 ku'1un1 ta'3an2=yu1 ji'4in4=ndo4 ka4chi2=ra1 so'3o3
na4tu2 ku'1un(1)=un4 ji'4in4=ndu2 tan3 ku'1un1 ba(3)=on4 ji'4in4=ndu2 i3nda14=e2 ndi4 xi4ka3 lu3chi'4i2 ku3-ndi3kun2=un4 ku'1un(1)=un4 ndi4 ku4-nda3si4=ni42=ndu1 ka4ni24 na3kwi42 ka'3a(4)=on4 ka4chi2=na1 ji'4in4=ra3,
ba'1a3 ba3 na4tu2 sa3kan4, i3kan4 tan3 kwa'1an1 ba3 na1 kan4 kwa'1an1=na1 sa3kan4 kwa'1an1=na1 sa3kan4
i3kan4 tan3 ka4chi2=ra1 so'3o3 ndi4
nda3-ndi3ko(4)=on4 tan3 sa4-ka3xa'4an2=on4 i3in4 ya3ni2=o4 na4 nda3-ndi3ko4=ra2 ku1nu'1u4=ra2 ndi4, ka4chi2 i3nda14=ra2 so'3o3 ndi4
nda3-ndi3ko(4)=on4 sa4-ka3xa'4an2=on4 i3in4 ya3ni2=o4 na4 nda3-ndi3ko4=ra2 ku1nu'1u4=ra2 ndi4 ba14ja4 ka4a4 tu4ni1=ra1 ku'1un1=ra1 ji'4in(4)=o4 ndi4 ka4ni24 na3kwi42 ka'3a4=ra3,
tan3 ya1 ka'3an3 nu14u3 ba42 kan4 ndi4 ba143 ka4a4 yo4o4 sa3kan4 ndi4 na1 ba'1a3 ku4u4 yo4o4
xa'4an2 bi1xi1 yo4o4 i4yo2 kwa4yu2 ja1na(1)=e4 ba'1a3, ba'1a3 na1 ku4u4 yo4o4 ndi4 na1,
na1 ba'1a3 ku4u4 yo4o4 tan3 ta1 ña1a4 ndi4 ka4ni24 na3kwi42 ka'3a4=ra2 na4..., si4-ki'3in(3)=un4=ra2 ya'1bi3=ra2 na4 nda3-ndi3ko4=ra2 ku1nu'1u4=ra3,
ku1nu'1u4=ra2 be'3e3 ku3ndu'4u4=ra2 a1chi1 ndi4 ku4-ka'3an3 nu14u(3)=e4 ku3-nda3ka(3)=e4 ta1 ña1a4 ku'1un(1)=o4 xa1a(1)=e4 be'3e3 *rey** xa1a(1)=e4 tan3
ki3ni3=ni42 ka4a4=ra2 ka4ni24=ni42 ka'3a4=ra2 ka4chi2 na1 ya3ni2=ra1 so'3o3, ya1 kan4 ni1-ke3ta3 i3nda14 ya3ni2=ra1 tan3 sa14-ka3xa'4an2=ra1 i3in4=a2 ba1ba'1a3
ja143 ka4chi(2)=a2 so'3o3 ndi4 ka14ni3=ni42=un4 yu'1u1 ya3ni2 ku'14un1 ya3tin3=ni42 bi4=2 ja1ta4=ndo4 ndi4 xi4ka3 ku3-ndi3kun2=yu1 ku'1un(1)=i1 mi4i4,
ya1kan3, sa'4bi13=ndo4 kwa'1an1=ndo4 tan3 sa3kan4 ku3nu(3)=2 ku'1un1=yu1, tan3 mi4i4 nda4-tu1u3=ndo4 tan3 ku3se'14e2 lu3chi'4i2=yu1 tan3 sa3kan4 na4 ja1 kwa'1an1=ndo4 ja1 sa'4bi13=ndo4 kwa'1an1=ndo4 sa3kan4 ku3-ndi3kun2 tu3ku(3)=2 ku'1un(1)=i1
sa3kan4 sa3kan4 ku'1un(1)=o4 tan3 xa1a1 ba(3)=e4 mi4i4 kwa'1an(1)=e4 ka4chi2=ra1 so'3o3 chi2, ji'4in4 na1 ya3ni2=ra1
ya1 kan4 ndi4 kwa'1an1 ba3=ra2 ja1ta4=na3, xi4ka3, xi4ka3, xi4ka3 ndi4kun2=ra1 kwa'1an1=ra1 ja1ta4=na2 xi4ka3, xi4ka3 ndi4kun2=ra1 ja1ta4=na3,
ndu3bi4 ni4i4 ni1-xi1ka3=na2 ni1-xa1a1 ba3=na2 be'3e3 i3in(3)=a2 *rey**
i3kan4 ka4chi2=na1 so'3o3 ji'4in4 *rey** kan4 ndi4 *señor rey** na4 kwi14i3 sa4-kwa'1a(3)=on4 nda14yu3 ku1sun1=ndu1 be'3e(3)=on4 ndi4 na1 ya'4a13 kwa'1an1 ku4u4=ndu2 tan3
sa4-kwa'1a(3)=on4=lu3 nda14yu3 ku1sun1=ndu1 be'3e(3)=on4 i3ta2an2 kwa'1an1 ba3=ndu2,
Ba'1a3 ba3 na4chu3 kwi14i3 ndi4 ba'1a3 ba3, sa4-kwa'1a3=2 nda14yu3 ku1sun(1)=un4
ke13ta3 ba3 ta1, ta1 *rey** kan4 tan3 ja'1an1 sa14-nu3u3=ra2=na1, na1 kan4 ja1ta4 kwa4yu2 ndi4so3=ra2=na1 tan3 nu14u3=na2 ñu'3u4
tu3ku3=ra2 kan4 ja'1an1 nda1-kwi1so3=ra2 sa14-nu3u3=ra2 ta1 kan4 ñu'3u4 ji1nu3 u1bi1=na1 ja14-nu3u3=ra2 ñu'3u4
i3kan4 ndi13-kwi3so3=ra2 ndi3sa4bi1=na1 tan3 ja'13nda2=ra1 chi3ñu3 nu14u3 *musu**
ndi3-ki'3in(3)=un4, ndi3-kwi3so(3)=on4 kwa4yu2 ka1a3 na4 ku'1un1=ri4 ji'4in(4)=un4 ndi3sa4bi1=ri4 sa3kan4 na4 ku'1un1 ji'4in(4)=un4 *zaguán** kan4 ku3-chi3tu4=ri4
tan3, ya1kan3, ta3xi(3)=un4 pa3ra42 ka3xi4=ri4, ya1kan3, ku1sun1=ri4 ña1a4 yo'4o1 ku4u4 ta1 ko3to3 kwe4nda2=on4=lu3=ri4 i3ta2an2 sa3kan4 ndi4
ndi3-kwi3so3 na1 yo'4o4=ri4 ku1..., ku'1un1=ri4 ji'4in4=na3, ka4chi2=ra1 ji'4in4 *musu**
ja143 ndi13-kwi3so3 ba3 *musu** kwa4yu2 kwa'1an1=ri4 ji'4in4=ra2 *zaguán** kan4, ndi13-ki'3in3 ba3=ra2 na1 u1bi1 ña1a4 kwa'1an1=ra1 ji'4in4=na2 ti1xin3 be'3e3
i3kan4 ni1-xa1a1 na1 kan4 ti1xin3 be'3e3 tan3 ja143 ta13ba4=ra2 ta3yu2 nde4e4 na1 kan4 nda4tu'4un4=na2 kwen4tu2
tan3 ta1 ka4ni24 ka'3a4 ya3ni2=na1 ndi4 ndi1ku1nda42 tan3 *cocina** mi4i4 chi4tu4 na1 si'4i2 ju13ndu3ndu2 ta1 kan4 ja'1an1=ra1 ni1-xa1a1=ra1 tan3
ni1-xa1a1=ra1 mi4i4, mi4i4 ñu'4u4 na1 si'4i2 ndi4ko3 i3kan4 i4ndu'3u4 si1si'4i2 *rey**
ki'13in3 ba3=ra2 yu1u4 tan3 ka13ni3 ba3=ra2 ja1ta4 si1si'4i2 *rey**, i3kan4 xo14ko1o(3)=an4 kan4 ji4to(3)=an4 yo3o3 ku4u4 ka13ni3 yu1u4 ja1ta(4)=en4
i3kan4 ja143 ka4chi2=an4 ji'4in4=ra2 ndi4 nda4a(2)=e2 ku4ni2=un4 ka13ni(3)=un4 yu1u4 ja1ta4=2
yo'4o4 ki3xi(3)=un4 i4yo2 lu3chi'4i2 chi3ñu3 ku4ni2[=yu1] yo'4o1, ja143 ku13-ya3tin(3)=an4 nu14u3=ra3,
na4 ni1-ndi'3i3 xi13xi3 na1, na1 ki13xa2a2 be'3e3 yu3ba(4)=on4 ka1a3 tan3
tan3 ni1-ndo1o3=a2 ni1-xi3xi3=na2 tan3 ka3ni3 ma1ni4=lu(3)=un4=a2 yu'1u1 ku3xi(3)=2 ndi4 ko14o3 xu'14un(4)=2 nda'4bi2=ni42 i4yo2=yu1 ko14o3 xu'14un(4)=2
ka3ni3 ma1ni(4)=un4=lu3 yu'1u1 ya1 ni1-ndo1o3 xi13xi3 na1 kan4 ku3xi(3)=2 ndi4 ko14o3 xu'14un(4)=2 sa3ta4=2 ya1 ndi4 xi4kan1 ba(3)=2=ya1 nu14u(3)=un4 ka4chi2=ra1 so'3o3 ji'4in4 si1si'4i2 *rey**
A4chu3 ba42 ku3xi3 tu(3)=un4=a2 ni1-ndo1o3 ku3xi3 na1 kan4 tu3 su14u3 i3na2 ku4u(4)=un4 ku3xi(3)=un4=a2 ni1-ndo1o3 xi13xi3 na1 kan4 ndi4 ta1a3 ku4u(4)=un4
ji'3na3 ka1 yo'4o1 ku3xi3 bi3tin3 ba3 ka4chi2=an4 so'3o3 ji'4in4=ra2 chi1, i3kan4 sa14-nu1mi(4)=an4 na1 ja4chiu4un4 nu14u(3)=an4, nu14u3 yu3ba(4)=en4
ja4-nu1mi4=ndo4 tan3 sa3kan4 ndi4 ku3ndu'4u4=a2 ku3xi3 ta1 yo'4o4 ndi4 ta1 i4so3ko2 ku4u4=ra3,
ja143 ja14-nu1mi4 na1 kan4 ja143 ni1-sa4-ka3sun2=na1 ku3ñu2 sa14-ka3sun2=na1,
tan3 ka4chi2=an4 ji'4in4=na2 ndi4, ta3ka'4ni3=ndo4 *mesa** lu3lu3 ña1a4 na4 ke3ta3=run4 ke'3e2 yo'4o4 ku3ndu'4u(4)=2 ku3xi(3)=2 ji'4in4=ra2 ndi4 ji'4in4 ta1 yo'4o4 ku3xi(3)=2 tin3 ka4chi2=an4 so'3o3
ka13ta'4ni3=na2 *mesa** ke'3e2 i3kan4 ja13-nde3ta(3)=en4 ya1 ku3xi3=na3, ja143 xi13xi3=ra2 ji'4in4=na3,
xi13xi3=ra2 ji'4in(4)=an4 ña4 si1si'4i2 *rey** kan4, xi13xi3=ra2 ji'4in(4)=an4 si1si'4i2 *rey** kan4,
i3kan4 ja143 ka4chi2=an4 so'3o3 ji'4in4=ra2 ndi4
an4 ta1 kwa'1an1 ku4u(4)=un4 ya'4a13 kwa'1an1 ku4u(4)=un4 ka4chi2=an4 ji'4in4=ra2, ta1 ku'1un1 ku4u4 ba(3)=2 ndi4 nda1 i3ta2an2 bi4 ba42 ku'1un1=yu1
ba1 tan4na4 ja1ta4 be'3e3=ndo4 yo'4o4 sa4-kwa'1a(3)=on4 nda14yu3 ku1sun1=yu1 a1chi1 ndi4, ya1kan3,
ji14ni2[=yu1] mi4i4 ba42 ku'1un1=yu1 ku1sun1=yu1 ndi4 na1 ya3ni2[=yu1] ndi4 ti1xin3 be'3e3 ku1sun1 na1 kan4 nda13-kwi3so3 yu3ba(4)=on4=na2 ku1sun1=na1 ti1xin3 be'3e3 tan3
na1 ku1sun1 ba'1a3 ku4u4 ba3 na1 kan4 tan3 yu'1u1, e1ta4 na4 ja'1a4 be'3e3=ndo4 yo'4o4 sa4-kwa'1a(3)=on4 nda14yu3 ku1sun1=yu1 ka4chi2=ra1 so'3o3 ji'4in(4)=an4 ña4 si1si'4i2 *rey** kan4
ña4 si1si'4i2 *rey** kan4 ka4chi2=an4 ji'4in4=ra2 ndi4, A4chu3 ba42 ku1sun(1)=un4 xa'1a4 be'3e3 tu3 su14u3 i3na2 ku4u(4)=un4 ku1sun(1)=un4 xa'1a4 be'3e3 ndi4 ta1a3 ku4u(4)=un4
in3ka4ni24 ndi4, sa3kan4 ndi4 ka'1an(1)=e1 ji'4in4 na1 ja4chiu4un4 nu14u3 yu3ba4=2 yo'4o4 ta3ba4=na2 is1to3 tan3 *corredor** yo'4o4 ku1sun(1)=o4 ka4chi2=an4 ji'4in4=ra3,
ya1 kan4 ndi4 ni1-..., ni1-ku3-ñu3u42 tan3 i1xa43 ni1-ja'3nda2=en4 chi3ñu3 nu14u3 na1 ja4chiu4un4 nu14u(3)=an4 ja143 ni1-...,
ta13ka'4ni3=na2 is1to3, ya1kan3, *corredor** kan4 ni1-ja3ndi3chi2=na1 is1to3 mi4i4 ku1sun1=ra1 ji'4in(4)=an4
i3kan4 tan3 ni1-ndi'3i3 tan3 ja143 ka4chi2 na1 kan4 ji'4in(4)=an4 ndi4
tan3 sa1a3 ko3o3 tan3 ku1sun(1)=un4 ji'4in4 tu3=ra2 tan3 i4yo2 yu3ba(4)=on4 i4yo2 si'3i(4)=un4, u'4un3 ndi4 o4ra2 nda13-ku1sun1 na1 kan4 tan3
be'3e3 i4ndu'3u4 ba(3)=2 ku3ni3 so'1o3=2 nda4a2 kwen4tu2 ba42 nda4tu'4un4 na1 kan4 o4ra2 ja1 ni1-ki1xin1 na1 kan4 sa3kan4 ndi4 ki3xa2a2=yu1 ku1sun(1)=i1 ji'4in4=ra2 ka4chi2=an4 so'3o3
ba'1a3 na4tu2 sa3kan4, ndi4 ña1a4 ko3to(3)=on4 sa1a3 a3sa(3)=on4 ndi4 na1 ja1 ku'1un1 ku4u4 ndu'1u1, ni1-ke1ta3 ñu'1u3 tan3 ni1-ke3e3 ba3 na1 ja4chiu4un4 nu14u3=na2 kwa1nu'1u4 ba3 na1 kan4 be'3e3=na3,
i3kan4 ni1-ndo1o3 mi3i4 ba(3)=en4, ndi13-ki'3in(3)=an4 kwa'1an(1)=en4 i4ndu'3u(4)=an4 ji4ni3 so'1o(3)=an4 kwen4tu2 nda4tu'4un4 ya3ni2 ta1 ni1-xa1a1 kan4 ba3
i3kan4 ka4chi2=an4 ji'4in4=ra2 ndi4 ja14xi1be'4e4 yo'4o4 ku3ndu'4u4 na'3a2=on4 in3ka4ni24 sa3kan4 ndi4 nda3-ndi'1bi(3)=un4 *corredor** yo'4o4 ku1sun(1)=o4 ji'4in4 yu'1u1 ku1sun(1)=un4 bi3tin3 ka4chi2=an4 ji'4in4=ra3,
i3kan4 ni1-ndu3-ku3ndu'4u4=ra2 i4ndu'3u4=ra2 kan4, i3kan4 ni1-...,
ndi13-ki'3in(3)=an4 kwa'1an(1)=en4 nu14u3 yu3ba(4)=en4 i4ndu'3u(4)=an4 ji4ni3 so'1o(3)=an4 kwen4tu2 nda4tu'4un4=na2 kan4
in3ka4ni24 tan3 ja143 kwa'1an1 ni1-ku3-ñu3u42 tan3 ka4chi2 yu3ba(4)=en4 so'3o3 ndi4, kwa'4an2=on4 ku1sun(1)=un4 *hija** yu'1u1 ndi4 ta1 ja1 ku1sun1 ku4u4 yu'1u1
sa3kan4 tu3 na1 yo'4o4 ba3 ndi4 yo'4o4 ku1sun1=na1 yo'4o4. Ba'1a3 ba3. Ja143 ndi13-ki'3in3=na2 kwa'1an1=na1 ku1sun1=na1
xa'1a1 ka1 ka4a4 tan3 ni1-nda3a(3)=en4 nu14u3 is1to3 ji'4in4 ta1, ta1 ka4ni24 ka'3a4
ni1-ki1xin1=na1, xa'1a1 ka4a4 tan3, xa'1a1=ni42 tan3 ni1-ki3xa2a2 ba3 na1 ja4chiu4un4 nu14u3=na2 tan3 i3kan4 ka4chi2=an4 ji'4in4 na1 kan4 ndi4
sa4-nu1mi4=ndo4 tan3 sa3kan4 ndi4, ya1kan3, ka'3ni4=ndo4 ndu3xi4 tan3 ja4-chio'1o4=ndo4=ri4
tan3 sa4-ka3sun2 ya3a3 ti4=ndo4=ri4 tan3 sa3kan4 ndi4 nde1ta3 ya'3a4 ka'3a4=ri4 tan3 sa3kan4 ndi4 ku'1un1=ri4 ji'4in4 ta1 yo'4o4, ka4chi2=an4 ji'4in4 na1 ja4chiu4un4 nu14u(3)=an4
i3kan4 tan3 ja'13ni4=na2 ndu3xi4 tan3 i13xa3 ba'1a3=na2=ri4 tan3 chi'1..., nda13ta4 ti4=na2=ri4
sa1a3 i3in3 ya3bi2 kwi4ta1 ti4 ka13an2=na1 ka'3a4=ri4 tan3 i3kan4 chi13ka2=na1 i3nda14 ya'3a4 ka'3a4=ri4 nda13-ka3si2=na1 mi4i4 ni1-ka3an2=na1 ka'3a4=ri4 kan4
ta13ba4 ndi'3i3=na2 si3ti2=ri4 tan3 chi13ka2=na1 ya'3a4 kan4 ka'3a4=ri4 tan3 i3kan4 tan3 nda13-ndu3ku4 ba3=na2 i3tin2 nda1a4 xa14a3
chi13ka2=na1 ndu3xi4 kan4 tan3 ku'1un1=ri4 ji'4in4 ta1, ku'1un1=ri4 ji'4in4 ta1 kan4 ku3xi3=ra2, ta1 ka4ni24 ka'3a4 kan4 ku3xi3=ra3,
i3chi4, ndi4 ta1 ni1-ke3e3 kwa'1an1 ku4u4=ra3,
xa'1a1 ka4a4 tan3 ndo13ko2o2 na1 ya3ni2=ra1 tan3 ndi13-kwi3so3=na2 kwa4yu2 ja1na1=na1 tan3 kwa'1an1 ba3=na3, ndi13-ki'3in3 ni3 tu3ku3=na2 i3chi4 kwa'1an1=na1, kwa'1an1=na1 sa3kan4 kwa'1an1=na1 sa3kan4
ndi4 nda1 ja1 ya3tin3, ya3tin3 ku3tiu'4un4 tan3 ba143 kwi4i4 ku3xi3=na2 ndi4 ni3 ba143 kwi4i4 xa1a1=na1 ñu3u2 mi4i4 kwa'1an1=na1 ndi4 i4so3ko2 sa4ka2=na1
kwa'1an1=na1 tan3, i3kan4 ja143 ka4chi2=ra1 so'3o3 ndi4
xo4ko1o(3)=on4 ko3to(3)=on4 ja1ta(4)=on4 tan3 ku3ni2=un4 ya3ni2, tian42 ka4a4 ta1 ni'4i4 ti1nda1a4 ka4a4 ya3ni2=o4 ta1, ta1 ka4ni24 ka'3a4 ba1xi3=ra2 ka4chi2 i3nda14=ra2 so'3o3
ja143 xo14ko1o3 ta1 kan4 ji4to3=ra2 ja1ta4=ra2, ti1nda1a4 ni'4i4=ra2 ran4 ya3ni2 na4 ku3-nda3tu(3)=e4=ra2 ku3ni2=o4 yo3o3 ba42 ni'4i4 ta'3an2=ra1 ni1-ka3chi2=na1 so'3o3
i3kan4 ju13-nda3tu3=na2 ya3ni2=na1, ni1-xa1a1 ta1 kan4 i3kan4 ja143 ka4chi2=na1 ji'4in4=ra2 ndi4
ja143 ka4chi2=na1 ji'4in4=ra2 ndi4, ya1kan3, yo'4o4, ya1kan3, ku3-nda3tu(3)=un4 ya3ni2=o4 na4 ki3xa2a2=ra1 tan3 ku3ni2=o4 yo3o3 ba42 ni'4i4=ra2, ja143 ju13-nda3tu3=na3,
ndi3sa4bi1=na1 sa3kan4 ju13-nda3tu3=na3, ni1-xa1a1 ba3 ta1 kan4 su3 ni'4i4=ra2 i3tin2 nda1a4, yo3o3 ba42 ni1-ke3-ba'1a(3)=on4 ji'4in4 ya3ni2, is1ta4 ba1xi3 ji'4in(4)=2
nda3-kwa'1a(3)=on4=a2 nda'3a4=ndu2 na4 ku3xi3=ndu2 ndi4 i4so3ko2 na3kwi42=ndu1 tan3 sa3kan4 ndi4 ya1 ndo3ko3o4=ndu2 ya1 kan4 ku3xi(3)=un4 ka4chi2=na1 so'3o3 ji'4in4=ra3, Ba'1a3 ba3. Ja143 ndi13-ki'3in3=na2 ti1nda1a4 kwa'1an1 ji'4in4=na3,
xi13xi3=na2 xi13xi3=na2 ba'1a3, ndi'13i3 xi13xi3=na2 ja143 ni1-...,
ndi'13i3 ndo3o3 is1ta4 xi13xi3=na2 nda143 i3nda14 ji1ni4 ku3lu(3)=a2 ndo13ko3o4=na2,
ko14o(3)=a2 kwa'1a4 ka1 ndi4 ja13xi4 ndi'3i3 ba3=na2 ku3ñu2 ndu3xi4 kan4 nda143 i3ki4 la1ngi1 ndi1ka3=ri4 ndo13ko3o4=na3,
ti1xin3 ti1nda1a4 kan4 nda143 i3nda14 is1ta4 ki'13in3=na2 sa13ka4na3=na2 ja1ta4 i3ki4 kan4
ja143 ndi13-ki'3in3=na2 kwa'1an1=na1, ku3xi3 ba3 yo'4o1 ya3ni2 na4 ku'1un1 ba3 ndu'1u1 ndi4, na1 ku'1un1 ku4u4=ndu2. ba'1a3 ba3.
tan3 ña4 ni1-ta3xi3 ti1nda1a4 kan4 nda'3a4=ra2 ndi4 ka4chi2=an4 ji'4in4=ra2 ndi4 na4tu2 na4 ni1-ndi'3i3 ña'1a3 kwa'1an1 ji'4in(4)=un4 yo'4o4 xi13xi(3)=un4 tan3
ndi3-ki3si(3)=un4 ku1mi4 chi4chi3 ndi3-ki3si(3)=un4 ti1nda1a4 tan3 ja1 i4yo2 ba(3)=e2 ku3xi(3)=un4 ka4chi2=an4 so'3o3 ji'4in4=ra3, ya1 kan4 ndi4
ndi13-ki3sin3=ra2 ti1nda1a4 kan4 ku1mi4 chi4chi3 tan3 i3kan4 nda13-kwe3ta3 ba3 *mesa** ndi4
i4yo2 ta1kwi42 bi1xi1 i4yo2 nda3yu4 i4yo2, ya1 nde4ta3 ku4u4 ndi'3i(3)=a2 ku3xi3=ra2 nu14u3 *mesa** kan4
ja143 ndu13-ku3ndu'4u4 tu3ku3 ba3 ta1 ña1a4 xi13xi3=ra2 tin3, tan3 sa1a3 a3sa(3)=2 ji'4in(4)=a2 o4ra2 ndi'13i3 xi13xi(3)=2
xa'1a4 *mesa** ti3in(3)=un4 su3ku(4)=un4=run4 ñu'3u4 tan3 kwa3chi3 ndi'3i3 ba(3)=e2 ña1a4 tan3 kwa'1an1 ba(3)=on4 na4tu2 na4 kan4 tan3
tan3 sa'3ma4 ndi4 ndi3-ki'3in(3)=un4=a2 kan4 chi3ka2=on4=a2 ti1xin3 ti1nda1a4. An3 ba'1a3 ba3 ka4chi2=ra1.
Ja143 ni1-ndi3-ki'3in3=ra2 sa'3ma4 chi13ka2=ra1 ti1xin3 ti1nda1a4 xi13xi3=ra2 ba1ba'1a3 tin3 ndi13-ki'3in3=ra2 kwa'1an1 tu3ku3 ba3=ra3,
i3ki4 ya1 ndo13ko3o4 na1 ya3ni2=ra1 kan4 sa13ka4na3 ba3=ra(2)=e2 kan4 tan3 is1ta4 i3nda14 ndo13ko3o4=na2 kan4 sa13ka4na3=ra(2)=e2 kan4 tan3 ya1 ni1-ki3xa2a2 xa14a3 ya1 kan4 xi13xi3 ta1 kan4
su3 sa'3ma4 kan4 ndi13-ki3sin3=ra2 ndi13-ki3sin3=ra2 ti1nda1a4 u1bi(1)=a1 sa3kan4 ndi13-ki3sin3=ra2 tan3 ndu13-ndi3chi2 xa14a3 *mesa** tan3 ña1a4 ndu13-kwe1ta3=e2 xi13xi3=ra3,
ndi'13i3 xi13xi3 ta1 kan4 ndi13-ki'3in3=ra2 kwa'1an1 ba3=ra3,
kwa'1an1 ba3 ta1 kan4 ja1ta4 ya3ni2=ra1 ndi4 ni1-ku3-xi4ka3=lu3=na2 kwa'1an1=na1 ndi4 xi4nu3=ra2 sa3kan4 xi4nu3=ra2 sa3kan4, sa3kan4 ni1-ku3-ya3tin3=ra2 mi4i4 kwa'1an1=na1
tu4u4 ka1 kwa'1an1=na1 tan3, tan3 ju4-ndi3chi2 ba3=ra2, nda1 ja1 sa'4bi13=na2 kwa'1an1=na1 sa3kan4 xi4nu3 tu3ku3=ra2 kwa'1an1=ra1 sa3kan4 ndi'3i3 sa3kan4 ndi'3i3
sa3kan4 ku4u4 ni1-xa1a1=na1 i3nga2 ñu3u2 ki1bi4 ni1-xa1a1=na1 ñu3u2 kan4
be'3e3 *rey** ni1-xa1a1=na1 tan3 i3kan4 ka4chi2 ta1 ya3ni2=ra1 so'3o3 ndi4 be'3e3 *rey** yo'4o4 ta3tu2u2 na'3a2=e4 ku1sun(1)=o4 tan3 i3ta2an2 ku'1un(1)=o4
ndi4 mi4i4 kwa'1an(1)=e4 ndi4 ba14ja4 kwi4i4 xa1a(1)=e4 ka4chi2=na1 so'3o3, ba'1a3 na4tu2 sa3kan4, i3kan4 ja143 ni1-xa1a1=na1 kan4 tan3 ja143 ni1-ka'1an1=na1 ji'4in4 *rey** kan4
*señor rey**, a3sa(3)=on4=a2 ba'1a3 sa4-kwa'1a(3)=on4 nda14yu3 ku1sun1=ndu1 be'3e(3)=on4 ndi4 na1 kwa'1an1 ku4u4=ndu2 tan3 yo'4o4 ba1xi3=ndu2 tan3 ni1-ku3-ñu3u42 tan3 bi3tin3 ndi4 yo'4o4 ku1sun1=ndu1
ba'1a3 ba3 ka4chi2 ta1 kan4 so'3o3, ja143 ndi13-kwi3so3 ta1 kan4=na2 tan3 ka4chi2 ta1 kan4 so'3o3 ji'4in4 *musu** ja4chiu4un4 nu14u3=ra2 ndi4 ndi3-kwi3so3=ndo4 kwa4yu2 ka1a3, ndi3-ki'3in(3)=un4 kwa4yu2 ka1a3 na4 ku'1un1=ri4 ji'4in(4)=un4
ndi3sa4bi1=ri4 sa3kan4 ku'1un1 ji'4in(4)=un4 tan3 chi3nde3e(3)=on4 i3ta2 ka3xi4=ri4 ko3to3 kwe4nda2=on4=ri4 i3ta2an2 ndi4 ti4 ku'1un1 ku4u4=ri4 ji'4in4 na1 yo'4o4, ba'1a3 ba3 ka4chi2 ta1 kan4 so'3o3
ja143 jwi13so3=na2 kwa4yu2 kan4 tan3 kwa'1an1=ri4, kwa'1an1 kwa4yu2 kan4 ji'4in4 ta1 *musu** kan4
i3kan4 ndi13-kwi3so3 ta1 bi4ka3 *rey** kan4=na2 tan3 kwa'1an1 ba3=na2 ti1xin3 be'3e3, tan3 ta1 ka4ni24 ka'3a4 kan4 ndi4 ju13ndu3ndu2=ra1 ja1ta4 be'3e3 tan3 ni1-xa1a1=ra1 *cocina**
i3kan4 ndi4ka2 si1si'4i2 *rey** ja143 ni1-ki'3in3=ra2 yu1u4 tan3 ka13ni3=ra2 ja1ta(4)=en4, *suerte** kan4 ndi4 ya1 ni1-xi1kan1=ra1 ba42, ti13in3=ra2 yu1u4 tan3 ka13ni3=ra2 ja1ta(4)=en4
ja143 ni1-xo14ko1o(3)=an4 ji4to(3)=an4 tan3 nda4a(2)=e2 ba42 ku4ni2=un4 ya1 kan4 ka13ni(3)=un4 yu1u4 ja1ta4=2, yo'4o4 ki3xi(3)=un4 i4yo2 lu3chi'4i(2)=a2 ka'1an(1)=e1 ji'4in(4)=un4, ja143 ku13-ya3tin(3)=an4 nu14u3=ra3,
na1 ni1-ki3xa2a2 be'3e3 yu3ba(4)=on4 ka1a3 ndi4 ya3ni2=yu1 ku4u4 na1 ka1a3
na4tu2 na4 ni1-ndo1o3=lu(3)=a2 xi13xi3=na2 tan3 ka3ni3 ma1ni(4)=un4=a2 yu'1u1 ku3xi(3)=2 a1chi1 ndi4 ko14o3 xu'14un(4)=2 ba1xi3 ji'4in(4)=2 sa3ta4=2 ku3xi(3)=2 ta1 nda'4bi2 ku4u(4)=2
tan3 ya1 ni1-ndo1o3 xi13xi3=na2 ya1 kan4 ku3xi3 yu'1u1 ku4ni2=yu1 ka4chi2=ra1
¿A4chu3 ku3xi(3)=un4=a2 ya1 ni1-ndo1o3 xi13xi3 na1 kan4 tu3 su14u3 i3na2 ku4u(4)=un4 ndi4 ta1a3 ku4u(4)=un4?
ya1 ku3ndu'4u4 ba42 ku3xi(3)=un4 bi3tin3 ba3 ka4chi2=an4 so'3o3 ji'4in4=ra3, i3kan4 ja143 chi13ndu'4u(4)=an4=e2 xi13xi3=ra3,
nu4mi24 ni1-ka'1an(1)=en4 ji'4in4 na1 ja4chiu4un4 nu14u(3)=an4 tan3 ja143 chi13nde3e3=na2 is1ta4 ta13ka'4ni3=na2 *mesa**
ju13-nde3ta3 ta1kwi42 bi1xi1 ju13-nde3ta3 tan42 i4yo2 ña'1a3 xi13xi3=na3, ndi'13i3 xi13xi3=na2 ja143 ka4chi2=ra1 so'3o3 ji'4in(4)=an4 ndi4
sa4-kwa'1a(3)=on4 nda14yu3 ku1sun1 lu(3)=2 e1ta4 na4 xa'1a4 be'3e3=ndo4 ke'3e2 ka1a3 ku1sun1=yu1 a1chi1 ndi4 ba14sa4 ji4ni2[=yu1] mi4i4 ku1sun1=yu1
ku4u(4)=2 ta1 nda'4bi2, tan3 bi3tin3 ndi4 mi4i4 ku1sun1=yu1 a3sa(3)=on4=a2 ba'1a3 ji'4in(4)=2 sa4-ta3tu2u(2)=un4=lu3 yu'1u1 e1ta4 na4 xa'1a4 be'3e3 ka1a3 ku1sun(1)=i1
a4chu3 ba42 ku1sun(1)=un4 xa'1a4 be'3e3, xi'4in4 ba3 yu'1u1 ku1sun(1)=un4 in3ka4ni24 na4tu2 na4 ta1 ku1sun1 ku4u(4)=un4 ka4chi2=an4 ji'4in4=ra3,
i3kan4 ja'13nda2=en4 chi3ñu3 nu14u3 na1 ja4chiu4un4 nu14u(3)=an4 ta13ka'4ni3=na2 is1to3, ni1kwa3a4 ta13ka'4ni3=na2 is1to3, ya1kan3, *corredor**
i3kan4 yo'4o4 ku1sun(1)=o4 tin3, yo'4o4 ku1sun(1)=o4 ji'4in(4)=2 ndi4 na4 ku1sun1 ji'3na3 yu3ba4=2 sa3kan4 ndi4 ku1sun(1)=o4 yo'4o4 ña4 ku1sun1, ka1a3 ku1sun1=yu1 ji'4in(4)=un4
ba'1a3 ba3 ña1a4 ku3ndu'4u(4)=un4 tan3 in3ka4ni24 na4 ku1sun1 ji'3na3 yu3ba4=2 sa3kan4 ndi4 ku1sun(1)=o4
ja143 nda3..., ni1-ke3e(3)=an4 ja'1an1 ndi1kun(1)=an4 yu3ba(4)=en4 tin3 ja143 nda4tu'4un4=na2 kwen4tu2 nda4tu'4un4=na2 kwen4tu2 xa1 ñu3u42,
ku'1un(1)=un4 ku1sun(1)=un4 *hija** ndi4 yu'1u1 ndi4 ta1 ja1 ku1sun1 ku4u4 yu'1u1 ka4chi2=ra1 ji'4in(4)=an4. Ba'1a3 ba3.
ja143 ni1-ke3e(3)=an4 ja'1an1 ndi1kun(1)=an4 ta1 ka4ni24 ka'3a4 kan4, i3kan4 ja'1an1 ndi1kun(1)=an4 ta1 kan4 ka4chi2=an4 ji'4in4=ra2 ndi4, yo'4o4 ki3xi(3)=un4 ku1sun(1)=o4 nu14u3 is1to3 yo'4o4 ku1sun(1)=o4 ji'4in(4)=2
ja143 ni1-nda3a3 ba3=ra2 nu14u3 is1to3 ni1-ki1xin1=ra1 ji'4in(4)=an4, ni1ki4tu3 tan3
ni14-ku3-nu1mi(4)=an4 ka'3nda2=en4 chi3ñu3 nu14u3 na1 ja4chiu4un4 nu14u3 yu3ba(4)=en4 chi3ndu'4u4=na2 is1ta4 ku'1un1 ji'4in(4)=an4, ji'4in4=ra2 ku3xi3=ra2 ndi4
ja143 ka4chi2=an4 ji'4in4=ra2 ndi4, ko14o(3)=a2 i4yo2 ku'1un1 ji'4in(4)=un4 ku3xi(3)=un4 ndi4 e1ta4 *guitarra** yo'4o4 ku'1un1 ji'4in(4)=un4
ji14ni2=yu1 xa3nda4=2 ka4chi2=ra1 ji'4in(4)=an4, u'4un3 ndi4 ja1 ña1a4 ji4ni2 mi3i4 ba3 nda'3a(4)=on4 tan3 yu'3u(4)=un4 ndi4 ja1 ji4ni2 mi3i4 ba(3)=e2 kan4 ka3ta(3)=e2 ka4chi2, ka4chi2=an4 so'3o3 ji'4in4=ra3,
ja143 ta13xi(3)=an4 *guitarra** nda'3a4=ra3, tun4 yo'4o4 tun4 xa14a3 yo'4o4 ku'1un1 ji'4in(4)=un4 su14u3 tun4 ya3ta4 ku4u4=run4 tun4 xa14a3 ku4u4=run4 tun4 ka1a3 ku'1un1 ji'4in(4)=un4
mi4i4 ni1-xa1a(1)=on4 ya1 i4yo2=on4 ya1 ta1tin3 tan3 tun4 ka1a3 xa3nda(4)=on4 ji'4in4 tan3 ta1 ya'1a3 ba'1a3 i4chi3 ku4u(4)=un4 ka4chi2=an4 so'3o3 ji'4in4=ra2,
ja143 ndi13-ki'3in3=ra2 *guitarra** tan3 kwa'1an1 ba3=run4 ji'4in4=ra3, kwa'1an1=ra1 sa3kan4 kwa'1an1=ra1 sa3kan4, ka4ni3 so4ko1=ra1 *guitarra** kwa'1an1=ra1, i3chi4 kwa'1an1=ra1 tan3
ni1-..., ndi4kun2=ra1 ja1ta4 na1 ya3ni2=ra1 ndi4 xi4ka3, xi4ka3, xi4ka3 ndi4kun2=ra1 ja1ta4 na1 ña1a4 kwa'1an1=na1 ni1-xa1a1 ba3=na2 mi4i4 kwa'1an1=na1 chi1, xa1a1=na1 ñu3u2 mi4i4 kwa'1an1=na1
tan3 *palacio** mi4i4 i4ndu'3u(4)=an4 si1si'4i2 *rey** mi4i4 kwa'1an1=na1 kan4 ndi4 su4kun1 na'14a2 *palacio**
nde3e4 ni1-ke3e3 na1 u1bi1 ña1a4 ji'4in4 kwa4yu2 ta1 nu14u3 kwa'1an1 nda13a3=ra2 ji'4in4 kwa4yu2 ndi4
nda143 sa3kan4 ti4 tan3 xa4a1=ra1 mi4i4 i4ndu'3u4 ña4 si1si'4i2 *rey** nda143 xi4ka3 si4ti24 ti4 kwa4yu2 ni1-ku3-ya3tin3 i4chi3=ra2 nu14u(3)=an4 tan3 nda13-xo4ko1o3=ri4 tan3 kwa'1an1=ri4 ñu'3u4
i3kan4 nde4ta3 na1 nda4chi4ñu3 ka4chi2=na1 ji'4in4=ra2 ndi4, ka4chi2 ta1, ta1 bi4ka3 so'3o3 ndi4 nda3-ki'3in3=ndo4 ta1 ña1a4 na4 ku'1un1=ra1 be'3e3 ka3a2 a1chi1 ndi4 ni14-ko3chun3=ra2,
ña1a4 i4ndu'3u4 ta1 bi4ka3 *rey** si1si'4i2, ta1 ji'4in4 si1si'4i2 ña4, ña4 i4ndu'3u4 kan4
i3kan4 ndi13-ki'3in3=na2=ra1 ta1 ni14-ko3chun3 ña1a4 tan3 kwa'1an1=ra1 be'3e3 ka3a2 ba3 ndi13-ki'3in3 na1 nda4chi4ñu3=ra2 tan3 kwa'1an1=ra1 be'3e3 ka3a2
ka'4nu3=lu3 be'3e3 ka3a2 ni1-ti3in3 ta1, ta1 *rey** kan4 nda4ku'1un3 na1 ba143 ko4chun3 nda3-ki'3in3 si1si'4i2=ra1
kwa'1an1=ra1 be'3e3 ka3a2 kan4 ba3, i3kan4 nda143 i3nda14=ra2 ni1-ndo1o3, tu3ku3 ba3 ta1 kan4 sa13ka4na3=ra2 kwa4yu2 kwa'1an1=ri4 ndi4 nde3e4=lu3 kwa'1an1=ri4
xa1a1 nda1a1 i4chi3 ta1 kan4 mi4i4 i4ndu'3u(4)=an4 ti13in3=ra2 nda'3a(4)=en4 tan3 ya1 tan3 chi3ndu'4u4=ra2=ña4 nu14u3 ta3yu2 kwa4yu2 ni14-ko3chun3 ndi4 sa13ña4=ra2 nda'3a(4)=en4 nda13-ndi3ko4 tu3ku3 ba3 kwa4yu2 nda1 ñu'3u4, nda143 xi4ka3 si4ti24=ri4 nda13-xi1nu1=ri4 ñu'3u4
tu3ku3 ba3 ta1 kan4 ndi13-ki'3in3 na1 nda4chi4ñu3 kwa'1an1 ba3=ra2 be'3e3 ka3a2, ji1nu3 u1bi1 ba3=na2 kwa'1an1 ji'4in4,
ji'4in4 ta1 ka4ni24 ka'3a4 kwa'1an1=na1 be'3e3 ka3a2, ya3ni2=ra1 ku4u4 na1 kan4 ndi3sa4bi1=na1 sa3kan4 kwa'1an1=na1 be'3e3 ka3a2, ni1-ku3-ñu3u42 ji14ni2=ra1 mi4i4 ku1sun1=ra1
ndi4 nda13-ki'3in3=ra2 *guitarra** tan3 kwa'1an1=ra1 ma14ñu2 ba3, ma14ñu2 ndi13-ki'3in3=ra2 kwa'1an1=ra1
ni1-ki3xa3a4 ba3=ra2 ndi4 a4su3 ka'4an2=en4 yo'4o4 ndi4 ki1bi4 ta13xi(3)=an4=run4 nda'3a(4)=e4 ndi4, ya1kan3, ja1 ji4ni2 mi3i4 ba3 yu'3u(4)=e4 ka3ta(3)=e2 tan3 ja1 ji4ni2 mi3i4 ba(3)=e4 xa3nda(4)=e4 ka4chi2=an4 so'3o3 tan3 bi3tin3 sa3kan4 ku3ni2=o4 ka'4an4=ra3,
ni1-ki'3in3=ra2 *guitarra** tan3 ki13xa3a4=ra2 xa4nda4=ra2 i4ndu'3u4=ra2 ma14ñu2 ndi4 la3tun4=lu3 xa4nda4=ra2 i4ndu'3u4=ra2 kan4
i4ndu'3u4=ra2 ka4i2 xa4nda4=ra2 xa4nda4=ra2, i3kan4, ji13ni3 so'1o3 ba(3)=en4 si1si'4i2 *rey** ndi4 ta1 xa4nda4=ni42 ku4u4=ra3,
la3tun4=ni42 xa4nda4=ra2 i3kan4 ka4chi2=an4 ji'4in4 na1 nde4e4 ji'4in(4)=an4 ndi4
kwa'4an2=ndo4 ku'1un1 ndi1-ki'1in3=ndo4 ta1 i4ndu'3u4 kan4 ndi4 ta1 kan4 ku4u4 ta1 ni1-ku3-si1i4 i3ni2=yu1 ku3ndu'4u4 ji'4in(4)=2 tin3 ndi4 la3tun4 na3kwi42 xa4nda4=ra2 ka4chi2=an4, ke13e3 na1 nda4chi4ñu3 ja'1an1 ndi1-ki'1in3=na2 ta1 kan4
ndi4 ko'4o1 ji1ni4=ra2 ndi4 ko'4o1=lu3 ji1ni4=ra2 ta'4nda1 tio1to1=ra1
nda'4bi2=lu3 ka4a4=ra2 i4ndu'3u4=ra2 ji4ta3=ra2 ka4i2 kan4 ta1 kan4 ni1-ku3-si1i4 i3ni2=an4
ke13e3=na2 ja'1an1 nda1-ki'1in3=na2 ta1 kan4 ni1-ki3xa2a2=ra1 tin3, i3kan4 ja143 ka4chi2 ba3 *rey** ji'4in4
xi'4in4 na1 nda4chi4ñu3 kan4 ndi4 kwa'4an2=ndo4 ji'4in4=ra2 na4 ku3chi3=ra2 tan3 sa3kan4 ndi4 xa14ta2=ndo4 ji1ni4=ra3, na4 ke3e3 ji1ni4=ra2 ndu3-ba'1a3=ra2 sa3kan4 ndi4 ku3ndu'4u4=ra2 ji'4in4 si1si'4i2=yu1 ndi4
ta1 ka1a3 ku4u4 ta1 ni1-ku3-si1i4 i3ni2=an4, tan42 i4yo2 na1, na1 ba'1a3 i4in4 ba1xi3 ku3ndu'4u4 ji'4in(4)=an4 ndi4 ba14ja4 ni4-ku3chun3 na1 kan4 ndi3-ki'3in3=na2=ña4 ndi4 ta1,
nda'4bi2 ka4a4 ku4u4 ta1 ni1-ku3-si1i4 i3ni2=an4 la3tun4 xa4nda4=ra2 ku13-si1i4 i3ni2=an4=ra2 tan3 bi3tin3 ndi4
kwa'4an2=ndo4 sa3kan4 ndi4, ji'4in4=ra2 na4 ke3e3 ji1ni4=ra2, sa3kan4 ndu3-ba'1a3=ra2 sa3kan4 ndi4 ña1a4 ko3to3=ndo4 nda4a2 *pantalón** ba42 ndu3-ndi3xi3=ra2 tan3
na4 ke3e3 tio1to1 ta'4nda1 ña1a4 ko3ko(3)=a2 ka4chi2 ta1 *rey** so'3o3 ja'13nda2=ra1 chi3ñu3
i3kan4 tin3 ni1-..., ndi13-ki'3in3=na2 ta1 kan4 ni1-xa14ta2=na1 ji1ni4=ra2 ndi'13i3 ke13e3 ji1ni4=ra2 tin3 tan3
kwa'4an2=ndo4 ji'4in4=ra2 na4 ku3chi3=ra3, tu3ku3 xia4an4 nda13-ya'1a3=ra2 kwa'1an1=ra1 chi13chi3=ra2 ba1ba'1a3 i13xa3=na3,
bi3tin3 ndi4 ña1a4 ku'1un1=ndo4 ji'4in4=ra2 mi4i4 nde4e4 tio1to1 xa14a3 ña1a4 na4 nda3-na3ma3=ra2 tio1to1=ra1 na4 ke3e3 tio1to1 ta'4nda1 ña1a4 tan3 ko3ko(3)=a3,
ja143 ka4chi2=na1 ji'4in4=ra2, i3kan4 ndi13-ki'3in3=na2=ra1 kwa'1an1=ra1 mi4i4 i4yo2 tio1to1 kan4, ta13ba4=na2, ya1kan3, *pantalón** xa14a3 nda1 *camisa** xa14a3 ndu13-ndi3xi3=ra3,
i3kan4 ka'4an2=na1 ji'4in4=ra2 ndi4, chi3ndu'4u4=ndo4 ñu'3u2 ka'3a4 tio1to1=ra1 tin3 na4 ko3ko(3)=a2 ndi4 nda3si4 na3kwi42 i4in(4)=a2 nda143 nda4a4, nda4a4 ti4 i4in(4)=a3,
kwi14i3 ku3ndu'4u4 ñu'3u2 ka'3a4=e2 ka1a3 ko3ko(3)=a2 ndi4 ya1 ndi4xi(3)=2 ja4chi4ñu(3)=2 ba42 ka1a3 tan3 yo'4o4 ni1-ki3xa2a2=yu1 ndi4
chi3ñu3 i4xa(3)=2 mi4i4 ni1-ke3e(3)=2 kan4 ndi4 kwi14i3 ndo3ko3o4 nda'3a4=2=ya1 ndi4 ta1 ka3ja3 chiu4un4 ku4u4 ba(3)=2 ni1-ki3xa2a2=yu1 yo'4o4
tan3 tio1to1 ta'4nda1 ka1a3 ndi4 ya1 ku4ni(2)=a2 ba42 ji'4in(4)=2 ku3-ndi3xi(3)=2 o4ra2 ku'1un(1)=i1 ka3ja3 chiu4un(4)=2 tan3
tan3 ko3ko3 tu(3)=a2 ndi4 kwi14i3 ko3ko(3)=a3, na4 ndo1o3 na'3a(2)=e2 ko3nde3e(3)=a2 ña1a4 ndi4 ya1 ja4chiu4un4 ji'4in4 mi3i4 ba3 yu'1u1 ba42 ka4chi2=ra1 so'3o3
ya1 kan4 ndu13-xa14a3 ba3=ra2 tan3 ndi13-kwi3so3=na2 tio1to1 ta'4nda1 kan4 ja'1an1 ta3nde3e3=na2 ja14xi1be'4e4 kan4
i3kan4 tan3 ka4chi2 ba3 *rey** so'3o3 ndi4, be'3e3 ndi4chi2 ña1a4 ba42 ki4ji3 ndo1o3 ji'4in(4)=un4 ji'4in4 si1si'4i2=yu1
be'3e3 ña1a4 nda4-kwa'1a3=2 nda'3a(4)=on4 ku3ndu'4u(4)=an4, ku3ndu'4u(4)=un4 ji'4in(4)=an4, tan3 *tienda** ndi4chi2 kan4 ndi4 kwe4nda2=ndo4 ba42 kan4
ya1kan3, *ranchu** kan4 i3ta2an2 sa3kan4 ndi4, ya1kan3, ku'1un(1)=o4 *ranchu** sa3kan4 ndi4 ndi3-ki'3in(3)=un4 *ranchu** ya1 ko3ndo3 kwe4nda2=on4 ji'4in4 si1si'4i2=yu1
ja143 ni1-..., ni1ki4tu3 tan3 ja143 ni1-..., ka4chi2 ta1, ta1 *rey** kan4 so'3o3 ndi4, bi3tin3 ndi4
na1 chi4tu4 be'3e3 ka3a2 ndi4 yo'4o1 ku4u4 ta1 ka'1an1, an4 na1 ku3u2 ku4u4=na2 an4 na1 ku1nu'1u4 ku4u4=na2 ndi4 yo'4o1 ku4u4 ta1 ka'1an1
ja1 nda'3a4 yo'4o1 ku4u(4)=a2 i4yo2=na1 tin3, i3kan4 ja143 ni1-ndi3-kwi3so3 ba3=ra2 na1 ñu'4u4 be'3e3 ka3a2
sa1ña4 ba3=na2 ku'1un1=na1 a1chi1 ndi4 ka1a3 ba1xi3 u1bi1=na1 ya3ni2=yu1. Ba'1a3 na4tu2 sa3kan4. Ja'13nda2=ra1 chi3ñu3 nu14u3 na1 nda4chi4ñu3. Bi3tin3ndi4 yo'4o1 ku4u4 ta1 ni'4i4 *cuenta** ji'4in4=na3,
ja'13nda2=ra1 chi3ñu3 nu14u3 na1 nda4chi4ñu3 ja'1an1 nda1-kwi1so3=na2 na1 ñu'4u4 be'3e3 ka3a2
ta13ba4=na2 na1 kan4 tu3ku3=na2, tu3ku3=na2 nda13a3=na2 kwa4yu2 ja1na1=na1 ndi4 nda143 ndu'4u14 nda3a2 kwa4yu2 kwa'1an1=ri4 ka4ni'1i3=ri4 ja1 ni1-xi'1i1 ba3 nde4e4 ba143 i4yo2 ba'1a3 i3ni2=ri4
nda13-nde3e3 ndi'3i3 na1 ñu'4u4 be'3e3 ka3a2 kwa'1an1=na1, i3kan4 ni1-ndo1o3 ba3=ra2 ji'4in4 si1si'4i2 *rey** tan3 ni1ki4tu3 tan3 ja143 ka4chi2 ta1 kan4 ji'4in4=ra2 ndi4, ku'1un(1)=o4 tan3 sa3kan4 ndi4 ku'1un1 ko1to(1)=e4 *ranchu**
ya1 ki3xi3 ndo1o(3)=on4, yo'4o1 ku4u4 ta1 ki4xi3 ndo1o3 ji'4in4 *ranchu**=yu1
Ba'1a3 ba3. Ndi13-ki'3in3=na2 kwa'1an1=na1 xa1a1=na1 kan4, nda13-kwa'1a3=ra2 *ranchu** nda13-kwa'1a3=ra2 *tienda** nda13-kwa'1a3=ra2 be'3e3 ku3ndu'4u4 ta1 kan4 nda13-kwa'1a3=ra3,
bi3tin3 ndi4 ja1 i4yo2 ba'1a3 ya1 ka1a3 ba42 ki4ji3 ndo1o3 ji'4in(4)=un4, tan3 ku3ndu'4u(4)=un4 ji'4in4 se'1e3=2 ndi4 yo'4o1 ku4u4 ta1 ndu13ta'3an2 i3ni2=an4 ku3ndu'4u4 ji'4in(4)=an4 tan3 yo'4o1 ku4u4 ta1 ku3ndu'4u4 ji'4in4 ba(3)=en4 ka4chi2=ra1 ji'4in4 ta1 kan4. Ba'1a3 ba3.
i3kan4 ja143 ni1-ndo1o3 ba3=ra2 ji'4in(4)=an4 kan4 ja143 ka4chi2=an4 ji'4in4=ra2 ndi4
yo'4o4 ko3o3 ba3 yo4o4 tan3 ku'1un(1)=un4 ndi4 *tienda** kan4 ti4 ko3o(3)=on4 ka'3nda2=on4 chi3ñu3 nu14u3 na1 ja4chiu4un4 kan4 na4 xi14ko3=na2,
ku3ndu'4u4 ti(4)=un4 ka'3nda2=on4 chi3ñu3 ka4chi2=an4 ji'4in4=ra2 chi1, ndi4 ba14ja4 ka4an13 i4chi(3)=2 ku3ndu'4u(4)=2 ndi4 ba14ja4 i4ndu'3u4=2 mi4i4 ni1-ki3xi(3)=2 ndi4 yu'1u1 ndi4 ta1 ja4chiu4un4=ni42 ku4u(4)=2 mi4i4 ni1-ki3xi(3)=2
tan3 yo'4o4 ndi4 ba14ja4 ka4an13 yu'1u1 ku3ndu'4u(4)=2 ndi4 ta1 ka3ja3 chiu4un4 ku4u(4)=2 ku4ni2=yu1, ka4chi2=ra1 so'3o3 chi2
tan3 ya3tin3 i4yo2 ta1, ta1 i4yo2 *hacienda** i4xa3 tu3ku3, i4yo2 tun4, tun4 *manzana** i4yo2 tun4 la4xa2 i4yo2 tun4, ndi3sa4ku4u4 nu14u3 tun4 ta3ta2 i4yo2 i4xa3=ra3,
tan3 i3kan4 ku'1un1=ra1 ndu3ku4=ra2 chi3ñu3 ja3chiu4un4=ra2 ku4ni2=ra1
ni1-xa1a1=ra1 ka'4an2=ra1 ji'4in4 ta1 bi4ka3 kan4 ndi4, ¿An4 kwi14i3 na4 ka3ja3 chiu4un(4)=2 ji'4in(4)=un4 *señor**? Ndi4 ta1 ku4ni2 ja3chiu4un4 ku4u4 ta'3an2=yu1
yo'4o4 ni1-ki3xa2a2=yu1 ndi4 ni1-ni'1i4 ba(3)=e2 ni1-ni'1i4=2 ndi4 ya1 ja1 ni1-ni'1i4=2 ndi4 ya1 ja1 ni1-ni'1i4=2 ba42 kan4
tan3 bi3tin3 ndi4 ta1 ka3ja3 chiu4un4 ku4u(4)=2 ku4ni2=yu1, An3 ba'1a3 na4tu2 kan4, kwa'4an2=on4 tan3 ki3xi(3)=un4 i3ta2an2
ndi4 *cinco** tan3 ja1 ndi4chi2=un4 yo'4o4, ya1kan3, ka3ja3 chiu4un(4)=un4 ji'4in(4)=2
tan3 ja1 ni1-ki3xa2a2 is1ta4 ji'4in(4)=un4 ku3xi(3)=un4 a1chi1 ndi4 na1 ki4xa2a2 yo'4o4, na1 ja4chiu4un4 ji'4in(4)=2 yo'4o4 ndi4 lu14u3 na1 chi4tu4 ja4chiu4un4 yo'4o4 ndi4 *cinco** ki4xa2a2=na1 tan3
is1ta4 ja1 i4yo2 ba'1a3 ku3xi3=na3, ndi4 ya1 ja1 ba1xi3 ba42 ji'4in4=na2, ta1nda3a2 o4ra2 ku3xi3=na2 jo4nde1e3=na2 xi4xi3=na2 tan3 ndi'4i4 tan3 kwa'1an1 ki'1bi3=na2 ja4chiu4un4 tu3ku3 ba3=na3,
ja4chiu4un4=na2 is1ta1an1 tan3 ta1nda1 ke4ta13 ñu'1u3, ndu3bi4 ni4i4 nda1 kwa3a4 ja4chiu4un4=na2 ji'4in(4)=2 ndi4 sa3kan4 ja4chiu4un4 ba3=ndu3,
tan3 na4 ko3nde3e4 i3ni2=un4 ja3chiu4un(4)=un4 ji'4in4=ndu2 ndi4 ndu3bi4 ni4i4 ta1nda1 kwa4a24 ke4ta13 ñu'1u3 ja4chiu4un4=ndu3, *seis** tan3 nda1 *seis** tu3ku3 sa3kan4 ke4ta13, ke4e4=na3,
na4tu2 na4 ku4ni2=un4 sa3kan4 tan3 sa3kan4 ka3ja3 chiu4un(4)=e4 na4tu2 ku14ni2 tu(3)=un4 tan3 ndi4 ko14o3 kwa1chi3 ji'4in(4)=a2 ndi4 yu'1u1 ndi4
na1 ta4tu2 ja4chiu4un4 ji'4in(4)=2 ndi4 na1 ko4nde3e4 i3ni2 ku4u4 na1 ka1a3 ja4chiu4un4=na2 ji'4in(4)=2 ya1 kan4 ndi4 ja4chiu4un4=na3,
ndi4 kwa4a24=ni42 ja4chiu4un4 yu'1u1 ka4chi2=ra1, ka4chi2 ta1 bi4ka3. Ba'1a3 ba3 na4tu2 sa3kan4 ka3ja3 chiu4un4 ba3 yu'1u1 ji'4in(4)=un4
ka3ja3 chiu4un4 ba3 yu'1u1 ji'4in(4)=un4 na4tu2 na4 sa3kan4 ndi4 ka3ja3 chiu4un(4)=2 ji'4in(4)=un4
kwa'4an2=on4 tan3 sa3kan4 ki3xi(3)=un4 i3ta2an2 *cinco** ki3xa2a(2)=on4 tan3 sa3kan4 ndi4 ki3xa3a(4)=e4 ka3ja3 chiu4un(4)=e4 Ba'1a3 ba3, ka4chi2=ra1
*cinco** tan3 ndo13ko1o3=ra2 tan3 sa3kan4 ndi4 ndu13-ndi3xi3=ra2 tio1to1 ta'4nda1=ra1 tan3 ndi13-ki'3in3=ra2 kwa'1an1 ba3=ra3,
ta'4nda1=lu3 tio1to1=ra1 ndi4 si1ki4 ko1ndo1=ra1 ka1a3 ti4 ka4ndu'3u4 *chor** ndi4 ta'4nda1=lu(3)=a2, *camisa** ta'4nda1 ndu13-ndi3xi3=ra3,
tan3 ya1 ni1-ta3xi3 *rey** ta1 ko4ndo3 si1so3=ra2 nda'3a4=ra2 ndi4 *pantalón** ba'1a3 ba42 kan4
ya1kan3, *camisa** ba'1a3 *zapatu** xa14a3 i4chi3 ta13xi3 ta1 kan4 nda'3a4=ra2 ni1-ndo3ko3o4 ba3=ra(2)=e2 kan4 tan3 ndi13-ki'3in3=ra2 ndu13-ndi3xi3=ra2 tio1to1 ta'4nda1 tan3 kwa'1an1=ra1
ni1-xa1a1=ra1 kan4, ya1ta4 ki3xi3 ji'4in(4)=un4 ndi4 ji'4in4 ya1ta4 ja4chiu4un4=ndu2 xa'1a4 tun4 ka1a3
ja143 ni1-ndu3ku4=ra2 ya1ta4 tan3 ni1-ka3ni3 so4ko1=ra(1)=e1 tan3 kwa'1an1=ra1, ni1-ta1nda3a2 *cinco** xa1a1=ra1 kan4
ja143 ki13xa2a2=ra1 ki13xa3a4 ba3=na2 ja4chiu4un4=na2 ja4chiu4un4=na2 ja4chiu4un4=na2 ja143 ni1-xa1a1 *rey** ka'4an2 ta1 kan4 ji'4in4=ra3,
tan3 ko14o3 tu3 is1ta4 ba1xi3 ji'4in4 tu(3)=un4 tan3 ta1 ka3ja3 chiu4un4 ndu3bi4 ku4u(4)=e4 a4chu3 ka4a(4)=e2 ku4u4 tu(3)=un4 sa3kan4 tan3 ni1-ka'1an(1)=e1 ji'4in(4)=un4 i3ku3 ndi4 is1ta4 ki3xi3 ji'4in(4)=un4
ndi4 yo4o4 ka3ja3 chiu4un4 ndu3bi4 ku4u(4)=e4 su14u3 in3ka4ni24 ja3chiu4un(4)=e4 ndi4 yo4o4 ka3ja3 chiu4un4 ku4u(4)=e4 nda1 ke1ta3 ñu'1u3 sa3kan4 ndi4 ku1nu'1u(4)=un4 tan3 ka4a(4)=e2 ku4u4 tu(3)=un4 sa3kan4 ndi4 ko14o3 is1ta4 ba1xi3 ji'4in(4)=un4
ndi'14i13 i3ni2 yo'4o1 *señor rey** na4 ka3chi2[=yu1] ji'4in(4)=un4 ndi4
si1si'4i2 *rey** ku4u(4)=an4 i4yo2 ji'4in4 yu'1u1 tan3 ba14ja4 ni4-ku3na'1a(1)=en4 chi3ndu'4u(4)=an4 is1ta4 ndi4 i4yo2=ni42 chi3ñu3 i4xa(3)=en4 ya1 kan4 ndi4 ba143 ni4-ku3na'1a(1)=en4 chi3ndu'4u(4)=an4 is1ta4 tan3
ya1kan3, ña4 ki3xi3 ban4 ki3xi3 nda3ka(3)=en4 is1ta4 ku3xi(3)=2 ndi4 *tren** ki3xi3 ji'4in(4)=an4 na1 ja4chiu4un4 nu14u3 yu3ba(4)=en4 tan42 i4yo2 na1 ja4chiu4un4 nu14u3=na2 ndi4 na1 ki3xa2a2 ku4u4 na1 kan4 ji'4in(4)=an4
in3ka4ni24 ndi4 na1 ki3xi3 ku4u4 na1 kan4 ndi4 nda1 ta1nda3a2 *las diez** sa3kan4 ki3xa2a2=na1
sa3kan4 ndi4 ki3xa2a2=na1 ji'4in4 ya1 ku3xi3 yu'1u1, ndi'14i13 i3ni2=un4 ku4u4 yu'1u1 ndi4 ta1 ja3chiu4un4 ku4u4 ba3 yu'1u1 tan3 ta1nda3a2 o4ra2 kan4 sa3kan4 ku3xi3 yu'1u1
tan3 na4tu2 na4 ni14-ki3xa2a2 si1si'4i2 *rey** ki3xi3 nda3ka(3)=en4 is1ta4 ku3xi(3)=un4 ndi4 u1xa1 *balazu** kwe4nda2=on4 a1chi1 ndi4 ja1 ni1-nda14yu(3)=2 yo'4o1 ndi4 ya1 ki3xi3 ba42 ku3xi(3)=un4 tan3
nda4a(2)=e2 ba42 si1si'4i2 *rey** ko3o3 ji'4in4 yo'4o1 ba143 ka4a(4)=on4 ku3ndu'4u4 si1si'4i2 *rey** ji'4in(4)=un4 nda'4bi2=ni42 ka4a(4)=on4, ka4chi2 ta1 bi4ka3 ji'4in4=ra3,
nda4a2 tu3 si1si'4i2 *rey** ku3ndu'4u4 tu3 ji'4in4 yo'4o1 nda'4bi2=ni42 ka4a(4)=on4, ba14ja4 ka4a(4)=on4 ki3ta'4an(4)=on4 ji'4in4 si1si'4i2 *rey**
tan3 ja4ni3ni2=un4 ndi4 si1si'4i2 *rey** ki3xi3 nda3ka3 is1ta4 ku3xi(3)=un4
na4tu2 ni14-ki3xa2a(2)=en4 tan3 ni1-ta1nda3a2 *la diez** ko14o3 ña4 ni4-ki3xa2a2 un4, u1xa1 *balazu** kwe4nda2=on4, ya1 kan4 ba42 nda3tu'4un(4)=e4 tin3
tan3 na4tu2 na4 ni1-ki3xa2a2 ña4 si1si'4i2 *rey** un4, kwe4nda2=on4 ku4u4 ndi'3i3 *hacienda** yo'4o4 tan42 i4yo(2)=a2 mi4i4 ja4chi4ñu(3)=e4 yo'4o4 tan3 *ranchu** ba43,
u1xa1 *ranchu** ba42 i4yo2 i4xa3 yu'1u1 tan3 u1xa1 sa3kan4=e2 ndi4 kwe4nda2=on4 ba42 tan3 sa3kan4 be'3e3 ndi4 kwe4nda2=on4 ba42 kan4
tan42 i4yo2 ya1 i4yo2 i4xa(3)=2 ndi4 kwe4nda2=on4 ku4u4 ndi'3i(3)=a3 na4tu2 ni1-ko3chu(3)=un4 ndi4 ni1-ki3xa2a2 si1si'4i2 *rey** ki3xi3 nda3ka(3)=en4 is1ta4 ku3xi(3)=un4
ndi4 kwe4nda2=on4 ku4u4 ndi'3i3 ña1 ku4u4 ya1 i4yo2 i4xa3 yu'1u1 ka4chi2 ba3 ta1 bi4ka3 ji'4in4=ra3,
Ba'1a3 na4tu2 sa3kan4. Tan3 na4tu2 ni1-ki3xa2a(2)=en4 un4, kwe4nda2=on4 ba42 tan3 ko14o(3)=an4 ni4-ki3xa2a2 tan3 ni1-ya'1a3 lu3chi'4i2 ti4 *las die** un4, kwe4nda2=on4 ku4u4 u1xa1 *balazu**
ya1 kan4 ku4u4 kwe4nda2=on4 na4tu2 na4 ni14-ki3xa2a(2)=e2 a1chi1 ndi4 ko14o3 xu'14un(4)=un4 cha'3bi(3)=un4 yu'1u1 tan3 yu'1u1 ndi4 ya1 ko4ndo3 ña'1a3 yu'1u1 ya1 kan4 ba42 a3sa3 *apostar** yo4o4 bi3tin3 ka4chi2=ra1
Ba'1a3 ba3.
ja143 chi4tu4=na2 ja4chiu4un4=na2 ja4chiu4un4=na2 sa3kan4 ta1nda3a2 ba3 *las diez** tan3 ni1-ni'1i3, *a la die en punto** tan3 ni1-xa1a1 ba3, ya1kan3,
*tren** ndi4 lu14u3=na2 chi4tu4 ti1xin3 tun4 ña1a4 ni1-xa1a1=run4 nda143 ka4xan4 ti4 ku4u4 ni1-..., sa4-nu3u3 na1 ña1a4 ya1 ku3xi3 ta1 ña1a4 ta1 mi3tu4nda24 ña1a4 ndi4 lu14u3 ya1 ni1-xa1a1 ku3xi3=ra2 chi1
kwa1nu3u3 *mesa** ba3 kwa1nu3u3 ta3yu2 ba3 kwa1nu3u3 ta1kwi42 bi1xi1 ba3 kwa1nu3u3 ya1 ku3xi3=na2 ndi4 lu14u3 ña'1a3 sa14-nu3u(3)=an4 ña1a4 tan3
xa14a3 ja13-nde3ta3=na2 *mesa** tan3 ja143 ni1-ndu3kwe3ta3 ndi'3i3 ña'1a3 nu14u3=run4 ku3xi3=na3,
ke13e3=ra2 ja'1an1 ka'1an1=ra1 ji'4in4 *rey**, *señor rey** na'3a2=on4 na4 ku'1un(1)=o4 ku3xi(3)=o4 ndi4 ta1 ku3xi3 ku4u(4)=2 ta1 ja1 ku3xi3 ku4u(4)=2 na4 ku'1un(1)=o4 tan3 sa3kan4 ndi4 ku3xi(3)=o4
i1xa14a3 i4yo2 ba3 *rey** ya1 ta1tin3 ndi4 su14u3 ta1 ka'3ni4 ku4u4=ra2 ta1 kan4 ndi4 ni1-ki3xa2a2 ja3 ba3 ña'1a3 ña1a4
ni1-ki3xa2a2 ña'1a3 ji'4in4=na2, ji'4in(4)=an4 ku3xi3=na2, ba143 ni4-xi3in3=ra2 ku'1un1=ra1 ku3xi3=ra2 ba143 ni4-xi3in3=ra2 ndi4 i4yo2=lu3=ra(2)=e2 ta1tin3
bi3tin3 ndi4, ya1kan3, ba'1a3 ndi4 ni1-ki3xa2a(2)=en4 ña4 ka'4an2=e4 xa'1a4 ki3xa2a2 tan3 kwe4nda2=on4 ku4u4 ndi'3i(3)=a2 yo'4o4, ña1a4 ki4xi3 ndo1o(3)=on4 ji'4in(4)=a2 ndi4
yo'4o4 i4ndu'3u4 xu'14un4 ya1 cha'3bi(3)=un4 na1 ta4tu2 ka1a3, kwe4nda2=on4 ku4u4 ndi'3i3 xu'14un4 yo'4o4
yo'4o4 i4ndu'3u4=a2 tan42 i4yo(2)=a2 ya1 ku3-ya'4bi3 na1 ta4tu2 ka1a3 ndi4 yo'4o4 i4ndu'3u4=a3, ña1a4 ko3to(3)=on4 sa1a3 a3sa(3)=on4 ji'4in4=na2 cha'3bi(3)=un4=na2 ndi4 ja1 kwe4nda2=on4 ba43,
ti13in3=ra2 xu'14un4 nda13-kwa'1a3=ra2 nda'3a4 ta1 kan4 tin3, na4 ku'1un(1)=o4 tan3 sa3kan4 ndi4, ya1kan3, be'3e3 sa3kan4 ndi4 nda3-kwa'1a3=2 be'3e3 nda'3a(4)=on4, ku'1un(1)=o4 *ranchu** ku'1un(1)=o4
i3kan4 ni1-ke3e3=ra2 ni1-xa'1an1=ra1 be'3e3 ji'4in4 ta1 bi4ka3 kan4 nda3-kwa'1a3 ta1 kan4 be'3e3 nda'3a4=ra3,
nda143 ña4 si'4i2=yu1 ban4 a3sa(3)=on4=a2 ba'1a3 ji'4in(4)=2 ka3ni3 ma1ni(4)=un4=a2 yu'1u1, ka3ni3 ma1ni(4)=un4=ña4 yu'1u1 na4 ku'1un(1)=an4 ji'4in(4)=2 ndi4 nda143 ña4 ka1a3 ban4 xi4kan(1)=e1 nu14u(3)=un4
ja1 kwe4nda2=on4 ku4u4 ndi'3i3 ba(3)=e2 tan3 ndi4 ña4 si'4i2[=yu1] ndi4 ku'1un(1)=an4 ji'4in(4)=2
Ba'1a3 na4tu2 sa3kan4 na4 ku'1un(1)=an4 ji'4in(4)=un4 ndi4 ña4 si'4i2=un4 ban4
i3nda14 kwa4yu2 ja1na1=yu1 xi4kan(1)=e1 nu14u(3)=un4, nda143 i3nda14 kwa4yu2 ji'4in4 ña4 si'4i2 ti4=ra2,
ka3ni3 ma1ni(4)=un4=lu3 yu'1u1 lu3u3 xu'14un4 ku'1un1 ji'4in(4)=2 a1chi1 ndi4 ku3-ta3ku2=yu1 mi4i4 ku'1un(1)=i1 a1chi1 ndi4 ta1 ja1 kwa'1an1 ku4u(4)=2
ya1 ku4u4 kwe4nda2=yu1 ya1 i4yo2 ndi4, ya1kan3, ka1a3 ni1-ndo1o3 ndi'3i(3)=a2 ji'4in(4)=un4, kwe4nda2=on4 ku4u4 ndi'3i(3)=a2 ka1a3 tin3
a1chi1 ndi4 ja1 ni1-..., ni1-ke3ta(3)=e2 ba42 ka'4an2=on4 ndi4 si1si'4i2 *rey** ban4 ña4,
ki3xa2a2 ki3xi3 nda3ka3 is1ta4 ku3xi(3)=un4 tan3 ni1-ki3xa2a2 ja3 ba(3)=en4 kan4 bi3tin3 ndi4 kwe4nda2=on4 ku4u4 ndi'3i(3)=a2 tin3, tu'1un3 nda13tu'4un4 yu'1u1 ndi4 kwi14i3 nda1ta4 yu'1u1 ndi4 ja1 i4yo2 ba'1a3 ji'4in(4)=a3,
ja1 kwe4nda2 yo'4o1 ku4u4 ndi'3i3 ba(3)=e2 tin3, nda143 ya1 yo'4o4 ba42 xi4kan(1)=e1 nu14u(3)=un4 ndi4 ña4 si'4i2=yu1 ka3ni3 ma1ni(4)=un4=ña4 yu'1u1 tan3 kwa4yu2 ja1na(1)=e1 ka3ni3 ma1ni(4)=un4=ri4 yu'1u1
tan3 ka3ni3 ma1ni(4)=un4 lu3u3 xu'14un4 ku'1un1 ji'4in(4)=2, ba'1a3 ba3, i3kan4 ni1-ki'3in3 ta1 kan4 lu3u3 xu'14un4 ta13xi3 ta1 kan4 nda'3a4=ra3, ki'13in3 ta1 bi4ka3 kwa'1an1 ba3=ra2 nda3..., nda13a3=ra2 kwa4yu2 nda13ka3ka3=ra2 ña4 si'4i2=ra1 tan3 kwa'1an1 ba3=ra3,
i3kan4 ni1-ke3e3=na2 ja'1an1 nda3-kwa'1a3=ra2 *ranchu** nda13-kwa'1a3=ra2 tan42 i4yo(2)=a2 nda'3a4 ta1 kan4 tin3 tan3 ndi13-ki'3in3=ra2 kwa'1an1 ba3=ra2 chi1, kwa'1an1 ba3 ta1 kan4
kwa'1an1 ba3 ta1 bi4ka3 tin3, ja143 ni1-ndo1o3=ra2 ji'4in(4)=a2 kan4 tan3, tan3 i3kan4 i1xa43 ni1-...,
nda13-xa2a2=ra1 be'3e3 tan3 ni1-ke3e3=ra2 ja'1an1 nda3tu'4un4=ra2 ji'4in4 si1so3=ra2 ndi4
ya1, ni1-ke3-ba'1a3=ni42=yu1 ndi4, ya1kan3, *ranchu** kwe4nda2 ta1 kan4 ndi4 kwe4nda2=yu1 ni1-ndo1o3 ndi'3i(3)=a2 ka4chi2=ra1 ji'4in4 si1so3=ra3,
nda4a(2)=e2 ba42 nda4-ndu3ku(4)=un4 kwa'1an(1)=on4 ka3ja3 chi4ñu(3)=un4 *hijo** a1su3=a2 kan4 ndi4 ndo13ko3o4 ba'1a3=2 yo'4o1 i4yo2 *tienda** xi14ko3=ndo4 i4yo2 ña1a4 na3ni(2)=a2 ña1a4 ku3-ta3ku2=ndo4 kwa'1an1 tu(3)=un4 ka3ja3 chiu4un4 tu(3)=un4
ndi4 ta1 ni1-ke3-ba'1a3 ku4u(4)=2 ndi4 ya1 i4yo2 ndi4 ya1 ja1 i4yo2 ba42 kan4, ya1 ko14o3 ya1 kan4 ja'1an1 ndu3ku4=2, ka4chi2=ra1 ji'4in4 si1so3=ra2, an4 ba'1a3 na4tu2 sa3kan4
na4 ku'1un(1)=o4 tan3 sa3kan4 ndi4 ku3ni2=un4 ndi4 la3tun4=ni42 ka4a4 mi4i4 ni1-ki3ji3 ndo1o3 yu'1u1
nda3..., ke13e3=na2 ja'1an1=na1 *hacienda** ka'4nu3=lu3 *hacienda** chi4tu4 na1 yu4bi24 ndi4 lu14u3 na1 chi4tu4 kwe4nda2=ra1 ku4u4 ndi'3i3 na1 kan4
ke13e3=ra2 ja'1an1 ko1to1=ra1 *ranchu** ka'4nu3=lu3 *ranchu** kwe4nda2=ra1 ku4u4 ndi'3i(3)=a2 kan4, ke13e3=ra2 ja'1an1 ko1to1=ra1 *tienda** ka'4nu3=lu3 *tienda**
ndo3o3=lu(3)=a2 ni1-ni'1i4=ra2 ndi4 lu14u3 ña'1a3 ni1-ni'1i4=ra3, kwe4nda2=ra1 ku4u4 ndi'3i(3)=a3, kwe4nda2=ra1 ku4u4 ndi'3i(3)=a2 kan4
i3kan4 ja143 ka4chi2, *rey** kan4 ji'4in4=ra2 ndi4, ba'1a3=ni42 ni1-ke3e(3)=on4 *hijo**, ba'1a3=ni42 *suerte**=on4 ndi4 ya1 ni1-nda3ni'1i(4)=un4 ku4u4 ndi'3i(3)=a3,
bi3tin3 ndi4 ka1a3 ki4ji3 ndo1o3 ba(3)=on4 ji'4in(4)=a2 a1chi1 ndi4 ya1 ni1-ni'1i(4)=un4 ba43, tan3 ya1 ku4u4 ya1 ni1-xa'1a3 tu3 yu'1u1 nda'3a(4)=on4 ndi4 ka1a3 ndo4o13 ba(3)=e2 ji'4in(4)=un4 ya1 kwe4nda2=on4 ku4u4 ndi'3i3 ba(3)=e2 a1chi1 ndi4 ya1 ja1 i4yo2 ji'4in(4)=un4 ba43, ka1a3 ki4ji3 ndo1o3 ba(3)=e2 ji'4in(4)=un4.
*Yo me llamo** Maximino Meza Teodoro. *Sesenta y cinco**. Yoloxóchitl.
nĩ1 nã1 u1nĩ1 u1nĩ1 ku4u4 nã1 kã4 i4yo2 nã1 nũ14ũ3 yu3ba4nã2 ya1kã3
ba143 ke4e4 i4chi3nã2 xi4ka3nã2 ndi4 a1su3 yu3ba4nã2 ku4u4 ta1 nĩ4nĩ2 ya1 ku4u4 ba3nã2 tã3 ku3xi3nã2 tã3 ka3xi4nã2 nde4e4nã2 i3kã4 ka4chi2 i3nda14 ta1 ja1nde1e4 so'3o3 ndi4
bi3tĩ3 ndi4 kũ'1ũ4 tã3 sa3kã4 ndi4 kũ'1ũ1 ta3tũ2ũ4 *tarraya**
ta3tũ2ũ4 *costa** tã3 sa3kã4 ndi4 kũ'1ũ1yu1 la3mã42 kũ'1ũ1 ndu3ku4 tã'3ã2ywa1 ku3xyo4 a1chi1 ndi4 ja1 sa14kwa'3nũ3ndo4 yu'1u1
ta1 ja1 xu13xa3 ku4u2 tã3 bi3tĩ3 ndi4 kũ'1ũ1 tã'3ã2yu1 kũ'1ũ1 ndu3ku42 ya1 ku3xi3ndo4
i13xa3ndwa42 mã1nĩ4 jĩ'4ĩ2 sa14kwa'3nũ3ndo4 yu'1u1 tã3 bi3tĩ3 ndi4 kũ'1ũ1yu1 kũ'1ũ1 ndu3ku42 ya1 ku3xi3ndo4 tã3 sa3kã4 ndi4 ki3xa2a2yu1
ka4chi2ra1 so'3o3 jĩ'4ĩ4 si'3i4ra2 ya1 kã4 nĩ1kỹã3ã4 ta4u3nĩ2 jã'1ã1 ta3tw̃ã2ã4 *costa** ta13tw̃ã2ã4 *tarraya** ta13tw̃ã2ã4 tya'3a2 kũ'3ũ3 ta1kwi42 ko'3o3ra3
tã3 i3kã4 ka4chi2ra1 jỹã'4ã4 ndi4 chi3ndu'4ũ4 is1ta4 kũ'1ũ1 jĩ'4ĩ2
kwa'1a4 is1ta4 chi3ndu'4ũ4 kũ'1ũ1 jĩ'4ĩ2 ndi4 ta1 ja1 kũ'1ũ1 ku4u2
ya1kã3 la3mã42 kũ'1ũ1yu1 kũ'1ũ1 ko1twe1 ku3ndyo24 nã4 ke3ba'1a32 jĩ'4ĩ4 tya1ka4 ku3xyo4 ndi4
nda'4bi2ndo4 i13xa3ndwa42 mã1nĩ4 jĩ'4ĩ2 sa14kwa'3nũ3ndo4 yu'1u1 tã3 bi3tĩ3 ndi4 ta1 kũ'1ũ1 ku4u2 sa3kã4 ndi4 ndu3ku42 ya1 ku3xi3 tã'3ã2ndo4 jĩ'4ĩ4 i13xa3ndwa42 mã1nĩ4 jĩ'4ĩ2 sa14kwa'3nũ3ndo4 yu'1u1
i3kã4 tã3 nã4 ja1 i4yo2 ya1kã3 *costa** ya1 kũ'1ũ1 jĩ'4ĩ2 i4yo2 *tarraya** tya'3a2 tĩ3 ã4 ja1 i4yo2 nã3nỹã2 Ja1 i4yo2 be3
kũ'1ũ4 nã4tu2 nã4 kã4 ndi4 ja1 i4ywa2 ja1 i4yo2 ndi'3i3 be3 ja1 i4yo2 *costa** ja1 i4yo2 *tarraya** ja1 i4yo2 tya'3a2
kũ'1ũ1 jỹũ'4ũ4 kũ'3ũ3 ta1kwi42 kõ'3õ4 i4yo2 tu3 is1ta4 ba3 kũ'1ũ1 jỹũ'4ũ4 ka4chi2 si'3i4ra2 jĩ'4ĩ4ra2 i3kã4 tã3 nĩ1nda3kwi3so3re2 kã4 tã3 kwã'1ã1 ba3ra3
kwã'1ã1ra1 sa3kã4 kwã'1ã1ra1 sa3kã4 nĩ1xa1a1ra1 mĩ4ĩ4 nda4ta'1bi4 i3chi4 i3kã4 ndi4chi2 ta1
i3kã4 ndi4chi2 ta1 nã'14ã1 ja143 ka4chi2 ta1 kã4 jĩ'4ĩ4ra2 ndi4
nda4a2 kwã'1õ4 yo'4o1 ndi4 ja1 kwa'1a4 tyem4pu2 xi4ka2 yo'4o4 tã3 ko14o3 yo'4o1 ji4nĩ2yu1 ko14o3 yo'4o1 ji4nĩ2yu1 ndi4
ya1kã3 yo'4o4 ndi4chi2yu1 [...] tã3 yo'4o1 ndi4 ko14o3 yo'4o1 ji4nĩ2yu1
nã4 ko'1o4 jĩ'4ĩ2 be'3e2 sa3kã4 ndi4 ka3nĩ3 mã1nĩ42 yo'4o1 ñã'1ã3
ba143 ba1xi3 yu'1u1 nĩ'1ĩ42 ñã'1ã3 ndi4 ta1 kwã'1ã1 la3mã42 ku4u2 ndi4 yu3ba42 ndi4 sa14kwa'3nũ3nã2 yu'1u1 i13xa3nẽ2 mã1nĩ4 jĩ'4ĩ2 sa14kwa'3nũ3nã2 yu'1u1 tã3
tã3 ya1kã3 kwã'1ã1yu1 ndu3ku42 ñã'1ã3 ku3xi3nã2 tã3 ku3ta3ku2nã1 a1chi1 ndi4
sa14kwa'3nũ3nã2 yu'1u1 i13xa3nẽ2 mã1nĩ4 jĩ'4ĩ2 sa14kwa'3nũ3nã2 yu'1u1 tã3 bi3tĩ3 ndi4 la3mã42 kwã'1ã1yu1 kwã'1ã1 ndu3ku42 ya1 ka3xi4nã3
ba'1a3 nã4tu2 sa3kã4 nã4 ko'1o4 jĩ'4ĩ2
kũ'14ũ1yu1 jỹũ'4ũ4 ta3xi2 xũ'14ũ4 nda'3õ4 ta3xi2 tyo1to1 nda'3õ4 ku3ndi3xi3 yu3bõ4 xũ'14ũ4 ka3nĩ3 mã1nĩ42 yo'4o1
ku3ta3kũ24 jĩ'4ĩ4 yu3bõ4 sỹũ'3ũ4 tĩ3 nã4tu2 i4yo2 nã1 jỹũ'4ũ4
ã'4ã3 ndi4 kũ'14ũ1yu1 ndi4 ta1 kwã'1ã1 ku4u4 yu'1u1 Tã3 kwã'4ã2 nỹũ34 nã4 ta1 kwã'1ã1 kũ4ũ4 ndi4 ya1kã3 yu'1u1 ndi4 ya1kã3
yo'4o4 ndi4chi2yu1 nã1 ku4nĩ2 a3sa3 *amigu**nã1 yu'1u1 tã3 a3sa3 *amigu**nã1 yu'1u1 nã1 ku14nĩ2 tu3 tã3
tã3 kũ'1ũ1 ba2 ndi4 ta1 ja1 kwã'1ã1 ku4u2 ka4chi2ra1 nĩ1ya'1a3ra2 kwã'1ã1 ba3ra2
kwã'1ã1ra1 sa3kã4 kwã'1ã1ra1 sa3kã4 nĩ1xa1a1ra1 mĩ4ĩ4 mĩ4ĩ4 ndi4chi2 ta1 ya3kwa4 ja143 ka4chi2 ta1 kã4 jĩ'4ĩ4ra2 ndi4
ja143 ka4chi2 ta1 ya3kwa4 kã4 jĩ'4ĩ4ra2 ndi4 su14u3 ta1 ya3kwa4 ti4 ku4u4 ta1 kã4 ndi4 ta1 kwi'4nã4 ku4u4 ta1 kã4 ja143 ka4chi2 ta1 kã4 jĩ'4ĩ4ra2 ndi4
Nda4a2 kwã'1õ4 yu'1u1 ndi4 ta1 kwã'1ã1 ku4u2 la3mã42 kwã'1ã1yu1 ndu3ku42 tya1ka4 ku3xi3 yu3ba42 ndi4 i13xa3nẽ2 mã1nĩ4 jĩ'4ĩ2 sa14kwa'3nũ3nã2 yu'1u1 ya1 kã4 ndi4 kwã'1ã1yu1 ndu3ku42 ya1 ku3xi3nã3
Ni1ku3ta4u3nĩ2nã1 nde4e4nã2 tã3 ba143 kwi4i4 ndu3ku4nẽ2 ku3xi3nã2 ya1 kã4 ndi4 kwã'1ã1yu1 ndu3ku42 ya1 ku3xi3nã3
Na4tu2 sa3kã4 ndi4 yo'4o4 ki3xỹũ4 yo'4o4 ki3xỹũ4 nã4 ko'1o4 jĩ'4ĩ4 yu'1u1 ndi4 yu'1u1 ndi4 ya1kã3
i4yo2 xũ'14ũ2 i4yo2 ya1kã3 tyo1to1 i4yo2 nda1 ndya'4a2 ku4nỹũ24 ndi4 i4yo2 ndya'3a2 jĩ'4ĩ4 yu'1u1 nã4 ko'1o4 sa3kã4 ndi4 ka3nĩ3 mã1nỹã42 yo'4o1 tã3
ku1nũ'1ũ4 jỹũ'4ũ4 ku3ndi3xi3 yu3bõ4 kũ'1ũ1 tyo1to1 jỹũ'4ũ4 kũ'1ũ1 xũ'14ũ4 jỹũ'4ũ4 ku3ta3ku2nã1 nã4 ko'1o4 sa3kã4 ndi4 ka3nĩ3 mã1nỹã42 yo'4o1
Ndi4 kũ'14ũ1yu1 ta1 kwã'1ã1 la3mã42 ku4u2
nĩ1nda14yu3 ba'1a32 yu3ba42 ndi4 ta1 ba1xi3 ku4u2 ndi4 ta1 kwã'1ã1 la3mã42 ku4u2 tã3 ndo'4o1tu3 i4xa3 ki'4bỹũ4 yu'1u1 ndi4 ba'14a4 sa3kã4
kwã'4ã2 nỹũ34 nã4 ta1 kwã'1ã1 kũ4ũ4 ka4chi2ra1 ki13ta3ra2 tã3 chi13nda'3a4 ba3ra2 ta1 kã4 tã3 ndi13kĩ'3ĩ3 ta1 kã4 kwã'1ã1 ba3ra2 kũ'1ũ1 ba3 yu'1u1 ndi4 ta1 kwã'1ã1 ku4u2 ndi13kĩ'3ĩ3ra2 kwã'1ã1 ba3ra3
kwã'1ã1ra1 sa3kã4 kwã'1ã1ra1 sa3kã4 nĩ1xa1a1ra1 la3mã42 nĩ1kĩ'3ĩ3ra2 ya1kã3 *tarraya** chi13ndu'4u4ra2 kã4
kĩ'13ĩ3ra2 ya1kã3 *costa** chi13ndu'4u4ra2 kã4 ĩ3ĩ3 ti1nda1a4 is1ta4ra2 nĩ1kĩ'3ĩ3ra2 chi13ndu'4u4ra2 kã4
ja143 i1xa43 ya1kã3 chi13nde3e3 ndi'3i3re3 i3kã4 ndi13kĩ'3ĩ3ra2 *tarraya** ka13nĩ3 so4ko1ra1 ja143 ndi13kĩ'3ĩ3ra2 kwã'1ã1ra1 nĩ1nũ1 i1xa14a3ra2
xi4ta1 *tarraya** xi4ta1 *tarraya** xi4ka3ra2 ndi4 ba14sa3
i3kã4 ja143 nda143 lu3lu3 ti4 ñũ'1ũ3 ko14o3 ki3ti4 chi2
ko14o3 mĩ3ĩ4 bi4ri4 xa4kũ'1ũ3 ndi4 xi4ta1lwa2 xi4ka3ra2 tã3 ko14o3ri4
i3kã4 ka4chi2 kã'4ã4 i3nĩ2ra1 so'3o3 ndi4 nda143 lu3lu3 ti4 ko'1o4 yo'4o4 tã3 tã3 ku1nũ'1ũ4 be4 nã4tu2 nã4 ko14o3ri4 xa4kũ'1ũ3 ndi4
nda1 xi4ko1 nda'4byo24 xi4ke4 ndi4 ja1 nĩ1xa14byo24 nĩ1kwa3a4 ba42 tã3 ko14o3ri4 kã'4ã4ra2 so'3o3
ndi13kĩ'3ĩ3ra2 jã'1ã1ra1 mĩ4ĩ4 mĩ4ĩ4 ñũ'4ũ4 ta1kwi42 kã4
ku4nũ1lu3 ta1kwi42 ndi4ka2 nda143 a1su3 yo'4o4 ti4 ko'1o4 sa3ka4nde42 tã3
tã3 ku1nũ'1ũ4 be4 a1chi1 ndi4 nĩ1xa14byo24 xi4ka3ndyo424 jỹã'4ã2 tã3 kwa14a2 kwi4i4 ko14o3 ki3ti4 ka3kũ'1ũ3 ka4chi2ra1
ka4chi2 mĩ3ĩ4ra2 nda143 kã'4ã2 mĩ3ĩ4 kã'4ã2 ĩ3ĩ3ra2 xi4ka3ra2 ndi4 ko14o3 ndi4ki3tã'4ã4 jĩ'4ĩ4ra2 mĩ3tu4nda24 mĩ3ĩ4ra2 chi1
i3kã4 nĩ1xa1a1ra1 tã3 ku13ya3tĩ3ra2 nũ14ũ3 ta1kwi42 kã4
i3kã4 nda13ka3nĩ3 so4ko1ra1 *tarraya** nda143 sa3kã4 ti4 tã3 sa3ka4nã3re2 tã3
ndo13ko3to3 ba3ra2 ndi4 ỹã3ã2 tya1ka4 lu3lu3 so'3o3 ti4 nĩ1ki3xa2a2 mã'14ñũ3ra4 mĩ4ĩ4 ku4nũ1ra4 kã4 ndi4 nde3e4lu3 ba1xya32 la3tũ4lwa2 chi1
ũ'1ũ1 nũ14ũ3 ta13kwa2 ndi4swa2 ndi4 la3tũ4lwa2 ta13ku2 se4ke2 tya1ka4 kã4 pa4chi'4i2 tya42 ndi4 la3tũ4 se4ke2
nĩ1ki3xe2e2 tã3 su13ko'4nĩ3 be2 ka'3a4 ko'1yo1 i4ndu'3u4 sa3kã4
e1ta4 i3ndõ14 sa3kã4 tã3 ku1nũ'1ũ4 bõ4 jĩ'4ĩ2 ya3tã3 ka3xi4 yu3ba42 ndi4 ta1 kã4 ku4u4 ta1 ku4i3nĩ2 ji4nĩ2 ya1 kã4 ndi4 ba1xi32 ja1ta4 ya1 ka3xi4ra2 tã3
kwa14a2 kwi4i4 ka3kũ'1ũ3 ndi4 e1ta4 i3ndõ14 sa3kã4 tã3 kũ'1ũ4 jĩ'4ĩ4 ba2 sa13ka4nã3 ba3ra2 *tarraya** xa13kw̃ã'1ã32 kã4 ndi1ku1nda42
bi3tĩ3 ndi4 e1ta4 pa4chỹũ'4ũ24 sa3kã4 tã3 kũ'1ũ4 jĩ'4ĩ2 ja143 ka4chya2 kã4 so'3o3 jĩ'4ĩ4ra2 ndi4
ka'14nỹũ4 yu'1u1 ya3nĩ2 ndi4 yo4o4 xa'13nũ3 ĩ3ka4chi1 kwe4e4 yo4o4 kwa4chi3 kwe4e4 ba1xi3 kwa'3ndwe4 tã3 ku4nỹũ24 ka'3nỹũ4 yu'1u1
kã'1õ4 nde4e2 ba42 ku4nỹũ24 ndi4 i4yo2yu1 chi3ndya3a42 yo'4o1 ka4chya2 kã4 so'3o3
ya1 ku4nĩ2yu1 kũ'1ũ1 jĩ'4ĩ2 ndi4 tya1ka4 ku4u4 ti4 ba1xi32 ja1ta4 tya1ka4 ba1xi32 ja1ta4 ya1kã3 xũ'14ũ4 ku4nĩ2yu1 kwa4yu2 ja1nẽ1 ku4nĩ2yu1
kwa14a2 ya1 ku3ta1mã4 jĩ'4ĩ2 ndi4 ko3o3 kwa'1a4 xũ'14ũ4 yu'1u1 ku4nĩ2yu1 ka4chi2ra1 ã3 ba'1a3 nã4tu2 sa3kã4
sa3ñã4 nỹũ34 yu'1u1 nã4 kw̃ĩ'1ĩ1 ja1ta42 ndi4 nã4 kũ'1ũ1yu1 a1chi1 ndi4 nda4i3chi2nĩ42 ja1ta42 tã3 ko3to3 ku3u2yu1 ka4chya2 so'3o3
kwe4e2 kwe4e2 chi13ndu'4u4re2 nũ14ũ3 ta1kwi42 kã4 ndi13kỹã'3ã2 kwã'1ã1 be2 mĩ4ĩ4 nĩ1ki3xya2 nda13ndi3ko4 tu3kwa2 kwẽ'1ẽ1
nde3e4lu3 kwẽ'1ẽ1 tya1ka4 kã4 i3kã4 ja143 nĩ1 ndo1o3ra2 tã3
ã4 sa3ka4nã3 be4 *tarraya** mĩ4ĩ4 ba42 ñũ'4ũ4 ku4nũ1 ta1kwi42 tã3 ku3ndyo24 ndi4 ja1 nĩ1kã'1ã1 ti4 ka1a3 jyo'4o4 ndi4 ti4 kũ'1ũ1 ku4u4 ba3 tya1ka4 jyo'4o4
sa13ka4nã3ra2 *tarraya** xa13kũ'1ũ3 ba3 tya1ka4 chi2 xi13ta3ra2 *tarraya** ba1xya32 ndi4 be1e3lwa3
nũ4chi'4i2 ti4 nĩ1ta3ba4 ndi'3i3ra2 ti4 kã4
nĩ1kĩ'3ĩ3ra2ri4 chi13nde3e3ra2 kã4 tã3 tu3ku3 tu3ku3ri4 su13ku4ra2 mã1ti1lo32 ji1nĩ4
xa'13nĩ4ra2 ti4 kã4 xa'13nĩ4ra2 ti4 kã4 tã3 tã3 nda13tã3ã4ra2ri4 ti1xĩ3 *costa**
ja143 tu3ku3 ba3 sa13ka4nã3ra2 *tarraya** tu3ku3 sa3kã4 ba3 chi2 be1e3lu3 ba1xya3
ñã1 u1nĩ1 sa13ka4nã3re2 tã3 chi13tu4 ba3 *costa**ra1 ndi4 lu14u3ri4 nĩ1ndo1o3 ka1ri4 ndo1o3 ka1 tya1ka4 kã4 ndi4 lu14u3ri4 xa13kũ'1ũ3
tã3 ya1 kã4 ku4u4ra2 tã3 nĩ1ke1ta3 ba3 ñũ'1ũ3 i3kã4 ka4chi2ra1 so'3o3 ndi4 nda143 yo'4o4 tã3 ku1sũ1 be4 tã3 i3tã2ã2 ku1ndo'1o4 kã'4ã4ra2 so'3o3
i3kã4 tã3 su14ku3tu4 ba3ra2 *costa** kã4 tã3
i3kã4 nda13ka'3mĩ3ra2 ñũ'3ũ2 tã3 ti4 nĩ1ndo1o3 ka1 kã4 tã3 ya13tã3ri4 ja13xi4ra2 tĩ3 tã3
ya13tã3ri4 tã3 ndu13ku3ndu'4u4ra2 i4ndu'3u4ra2 i3kã4 nĩ1ki1xĩ1 ba3ra3
i3kã4 nĩ1ki1xĩ1ra1 nĩ1ki4tu3 tã3 ndi13kwi3so3ra2 ya1kã3 *costa** tya1ka4 tã3 kwa1nũ'1ũ4 ba3ra3
kwã'1ã1ra1 sa3kã4 kwã'1ã1ra1 sa3kã4 nda13xa2a2ra1 be'3e3 i3kã4 ka4chi2 ya1kã3 yu3ba4ra2 jĩ'4ĩ4ra2 ndi4
jĩ'4ĩ4 nã1 ya3nĩ2ra1 nã1 nde4e4 ka1 ndi4 u1bi1 ka1nã1 nde4e4
kwã'4ã2ndo4kũ'1ũ1 ndi1kĩ'1ĩ3ndo4 ñã'1ã3 ja1ta4 ya3nĩ2ndo4 nĩ1ke3ba'1a3nĩ42ra1 ba1xi3ra2 i3kã4 xi4nũ3nã2 nĩ1ke3e3nã2 jã'1ã1 ndi1kĩ'1ĩ3nã2 *costa** ja1ta4ra3
nĩ1kĩ'3ĩ3nã2 *tarraya** ndi13kĩ'3ĩ3nã2 tya'3a2 ta1kwi42 ndi13kĩ'3ĩ3nã3 nda143 so'3o3 ka4a4 ti4ra2 kwa1nũ'1ũ4ra2 nda13xa2a2ra1 nũ14ũ3 yu3ba4ra3
ja143 ka4chi2ra1 jĩ'4ĩ4 yu3ba4ra2 ndi4 nĩ1ke3ba'1a3nĩ42yu1 jỹã'4ã2 ku3ta3kwe24 yu3ba42 ka4chi2ra1
chi4tu4 *bolsa** i3tĩ2 sĩ'1ĩ3ra2 tã3 i3tĩ2 ja1ta4 *pantalón**ra1 ndi4 chi4twa42 jĩ'4ĩ4 xũ'14ũ4 ndi4 nĩ1ke'3e4ra2 ta13ba4ra2 xũ'14ũ4 nda13kwa'1a3ra2 nda'3a4 yu3ba4ra3
yo'4o4 i4ywa2 ya1 yo'4o4 ba42 ku3ta3kwe24 ndi4 nĩ1ke3ba'1a3nĩ42 jỹã'4ã2
ya1 yo'4o4 ba42 nĩ1nĩ'1ĩ42 mĩ4ĩ4 jẽ'1ẽ1 kã4 ka4chi2ra1 po3ndo42 chi13nde3e3ra2 nĩ3nã3 *oro** nĩ1nĩ'1ĩ4ra2 nũ14ũ3 tya1ka4
ndi4 su14u3 ki1bi4 ndi4 ya1 nĩ1ke3e3ra2 la3mã42 ti4 tã3 nda13xa2a2ra1 be'3e3 ndi4 lwa14a2 ki13xa2a2 jĩ'4ĩ4ra2 nda13kwa'1a3ra2 nda'3a4 yu3ba4ra2 tĩ3
i3kã4 nda13ji1nũ3 u1nĩ1 ku1mĩ4 ki1bi4 tã3 ndi'13i3 ti4 kã4 xi13xi3nã2 i3kã4 ka4chi2 i3nga2ra1 so'3o3 ndi4 tu3ku3 yu'1u1 ku4u4 ta1 kũ'1ũ1
mĩ4ĩ4 jã'1ã1 ya3nĩ2yu1 kũ'1ũ1 tu3 yu'1u1 ba3 ka4chi2 tu3 i3nga2ra1 so'3o3 nã4tu2 kũ'1ũ4 tã3 kũ'1ũ1 bõ4 ndi4
a3sã42 ba'1a3 si'3i42 ta3tũ2ũ4 *tarraya** tã3 sa3kã4 ndi4 kũ'1ũ1yu1 ta1 kũ'1ũ1 ku4u4 tu3 yu'1u1 ba3 ka4chi2ra1 so'3o3
i3kã4 tu3ku3ra2 kã4 ta13tw̃ã2ã4 *tarraya** ta13tw̃ã2ã4 *costa** ta13tw̃ã2ã4
tya'3a2 kũ'3ũ3 ta1kwi42 ko'3o3ra2 tã3 chi13ndwa'4ã4 is1ta4 kwã'1ã1 tu3ku3 ta1 kã4 ba3
ja143 ka4chi2ra1 jĩ'4ĩ4 ya3nĩ2ra1 ndi4 nã4tu2 nĩ1xõ1õ4 mĩ4ĩ4 nĩ1 mĩ4ĩ4 ja'13nĩ42ri4 ndi4 i3kã4 i4ndu'3u4 mã1ti1lo32su14ku42 ji1nĩ4ri4
tã3 tũ4 kã4 ku4u4 tũ4 ya1kã3 i4ndu'3u4 mĩ4ĩ4 ba42 ja'13nĩ42ri4 tã3 tũ4 kã4 i3kã4 ba42 ka3ka3 bõ4 tã3 ka3kũ'1ũ3ri4 ka4chi2ra1 so'3o3 jĩ'4ĩ4 ta1 kã4
i3kã4 ndi13kĩ'3ĩ3 ta1 kã4 kwã'1ã1ra1 nĩ1xa1a1ra1 su3
su3 nde4e2 ba42 kã4 ndi4 xa1a1ra1 la3mã42 kã4 tã3 ki13xa3a4 ba3ra2 nĩ1kĩ'3ĩ3ra2 ñã'1ã3 ndo13ko3o4 nã'3ã2ra1 kã4 tã3
i3kã4 nĩ1ndo3ko3o4ra2 ya1kã3 *costa** ndo13ko3o4ra2 tya'3a2 ta1kwi42 tã3 nĩ1sa4ka3chi'3i3 nda'3a4ra2 *tarraya** ja143 xi4te1 xi4te1 ndu3bi4 nda1a1 nĩ1kwa3a4 nĩ3 ko14o3ri4 chi2
nda1 i3nda14ri4 nã4chu3 ba42 kã'4ã2 tu3 ya3ndyo24 ndi4 yo'4o4 i4ndu'3u4 mã1ti1lo32 su13ku4ra2 ji1nĩ4ri4 tã3 ko14o3 tu3ri4 xa4kũ'1ũ3 ka4chi2ra1
kã'4ã2 mĩ3ĩ4 kã'4ã2 ĩ3ĩ3ra2 ndi4ka2ra1 ndi4ka2ra1 ndo13ko3to3 ba3ra2 ndi4 i3kã4 i4ndu'3u4 mã1ti1lo32 ko14o3 ki3ti4 kwi4i4 ka3kũ'1ũ3 nĩ1kwa3a4 nĩ3 ko14o3ri4
nda143 yo'4o4 ti4 ko'1o4 sa3ka4nde42 tã3 kwã'1ã1 be4 a1chi1 ndi4 i4xa3 ki'4bi3 ya3ndyo24 yo4o4 ba1xyo4 tã3 ya1 ko14o3 bi4 ba42 ji14ndyo24 nda4a2 jã'1ã1 bi4 ta1 kã4 kã'4ã4ra2 so'3o3
tã3 ndi4 ka1a3 i4ndu'3u4 mã1ti1lo32 su13ku4ra2 ji1nĩ4ri4 kã'4ã4ra2 so'3o3 ja143 ndi13kĩ'3ĩ3ra2 kwã'1ã1ra1 tã3
ndo13ko3to3 ba3ra2 mã'14ñũ3 ta1kwi42 kwa'1a4 ndi4 pa4chi'4i2 tya42 tya1ka4 ta13ku2 ndi4 nde3e4lu3 ba1xya32 chi1
nĩ1ke1ta3 be2 ka'3a4 ko'1yo1 ndi4chi2 sa3kã4 tã3 nĩ1sa3ka4nã3ra2 *tarraya**
e1ta4 pa4chỹũ'4ũ24 sa3kã4 tã3 ku1nũ'1ũ4 jĩ'4ĩ2 ya3tã3 ka3xi4 yu3ba42 a1chi1 ndi4 ta1 kã4 ku4u4 ta1 ndi'4i13 i3nĩ2 xa'1a4 ba143 kwi4i4 kwa14a2 i4yo2 ka3xi4ra2
tã3 i13xa3re2 mã1nĩ4 jĩ'4ĩ2 sa14kwa'3nũ3ra2 yu'1u1 tã3 bi3tĩ3 ndi4 pa4chỹũ'4ũ24 sa3kã4 tã3 ku1nũ'1ũ4 jĩ'4ĩ4 ba2 ka3xi4 yu3ba42 yo'4o1 ka4chi2ra1 so'3o3 jỹã'4ã2 chi1
sa13ka4nã3ra1 *tarraya** xa13kũ'1ũ3 be2 tya1ka4 pa4chi'4i2 kã4 xa13kw̃ã'1ã32 kã4 tã3 i3kã4 ja143
ka4chya2 so'3o3 jĩ'4ĩ4ra2 ndi4 ka'14nỹũ4 yu'1u1 ndi4 ya1kã3
yo4o4 xa'13nũ3 ĩ3ka4chi1 kwe4e4 yo4o4 kwa4chi3 kwe4e4 ba1xi3 kwa'3ndwe4 tã3 ku4nỹũ24 ka'3nỹũ4 yu'1u1 ta1 xa3ku4 ku4u4 yo'4o1 tã3 sa3kã4 tu3 yu'1u1 ndi4 ta1 lu3u3 tu3 ku4u4 yu'1u1 ba3
kã'1õ4 jĩ'4ĩ2 nde4e2 ba42 ku4mã1nỹã42 jỹũ'4ũ4 i4yo2yu1 chi3nde3e42 yo'4o1
ã4 tyo1tõ4 ku4nỹũ24 ã4 xũ'14ũ4 ku4nỹũ24 nde4e2 ba42 ku4mã1nỹã42 jỹũ'4ũ4 kã'1õ4 jĩ'4ĩ2
ya1 ku4nĩ2yu1 ndi4 ya1kã3 xũ'14ũ4 ku4nĩ2yu1 ya1kã3 tyo1to1 yu3ba42 ku4nĩ2yu1 ñã1
kwa4yu2 ja1nã1ndu1 ku4nĩ2yu1 la3tũ4 ko3o3 kwa4yu2 ko3so4ndu2 ku4nĩ2ndu1 ko3o3 se'1e3ri4 ĩ3ĩ3 *yegua** ja3ta4ndu2 tã3 ti4 ko3o3 se'1e3 ko3ndo3ri4 ku4nĩ2yu1 An3 ba'1a3 ba3
sa3ñõ4 yu'1u1 nã4 kw̃ĩ'1ĩ1 ndi4 nda4i3chi2nĩ42 ja1ta42 tã3 ko3to3 ku3u2yu1 ka4chya2 so'3o3 kwe4e2 kwe4e2 chi13ndu'4u4re2 nũ14ũ3 ta1kwi42 kã4 nda13ndi3kwa42 kã4 kwã'1ã1 be3
ku4nĩ2yu1 tya1ka4 ku4nĩ2yu1 ka4chi2ra1 so'3o3 ja143 sa13ka4nã3ra2 *tarraya** ja1 ĩ3ka4nĩ24 kwẽ'1ẽ1 kã4 tã3 sa13ka4nã3ra2 *tarraya** tĩ3
lu14u3 tya1ka4 chi2 ĩ3ka4nĩ24 su14ku3tu4 ba3ra2 *costa** jĩ'4ĩ4 tya1ka4 xa'13nĩ4ra2ri4 tã3 ja14nda3ku3tu4ra2 *costa**
i3kã4 tã3 chi13twa42 kã4 tã3 ja143 nĩ1 nĩ1kwa3a4 nda143 nda'4bi2 ti4 ka4a4 i3kã4 nĩ1ndo1o3 tu3ku3 ba3 ta1 kã4 nĩ1ki1xĩ1ra1
ja143 nda13ka3ndu'4u4ra2 nũ14ũ3 yu14ti3 kã4 nĩ1ki1xĩ1ra1 tĩ3 nda13ka'3mĩ3ra2 ñũ'3ũ2 nda13ka'3mĩ3ra2 nda13sa1a4 is1ta4 xi13xi3ra2 tĩ3 nĩ1ki1xĩ1ra1 i3kã4
nĩ1ki4tu3 tu3ku3 ki1bi4 sa3kã4 ndi13kĩ'3ĩ3ra2 kwa1nũ'1ũ4ra3 nda13xa2a2ra1 ndi4 ya1kã3
nda13xa2a2ra1 be'3e3 tã3 i3kã4 kã'4ã2 yu3ba4ra2 so'3o3 ndi4 kwã'4ã2ndo4 kũ'1ũ1 ndo1nĩ'1ĩ3ndo4ñã'1ã3 ja1ta4 ya3nĩ2ndo4 ndi4 ke13ba'1a3nĩ42ra1
nĩ1ki3xa2a2ra1 jĩ'4ĩ4 tya1ka4 lu14u3ri4 ndi13kĩ'3ĩ3nã2 *costa** nda'3a4ra2 kwa1nw̃ã'1ã42 ti1xĩ3 be'3e3
i3kã4 ja143 ka4chi2nã1 so'3o3 ndi4 ya1kã3 bi3tĩ3 ndi4 ya1kã3 bi3tĩ3 ndi4
ndi3kĩ'3ĩ3ndo4 *costa** nda'3a4 ya3nĩ2ndo4 ñã1ã4 nã4 ndu3ku3ndwa'4a2 ñã1ã4 ndi13kĩ'3ĩ3nã2 *costa** nda'3a4ra2 tã3
ta13ba4ra2 xũ'14ũ4 ndi4 lu14u3 xũ'14ũ4 nĩ1ki3xa2a2 jĩ'4ĩ4ra2 tã42 ke4e2 nĩ1i3xa3 ta1 jã'1ã1 nũ14ũ3 sa3kã4 i13xa3 tu3 ta1 kã4 ba3 ndi4 lu14u3 xũ'14ũ4
lu14u3 xũ'14ũ4 nĩ1ke3ba'1a3ra2 jĩ'4ĩ4 nã3nỹã2 yo'4o4 ba3 ku3ta3kwe24 ndi4 nĩ1ke3ba'1a3nĩ42 jỹã'4ã2 yu3ba42 Ba'1a3 ba3
lu14u3 xũ'14ũ4 nda13kwa'1a3ra2 nda'3a4 yu3ba4ra3
nĩ1ndi'3i3 lu3chi'4i2 ti4 kã4 tã3 tu3ku3 ba3 ta1 la4tũ3 kũ'1ũ1 ta1 kã4 ndi4 ta1 la4tũ3 lu3chi'4i2 ku4u4 ta1 kã4
bi3tĩ3 ndi4 tu3ku3 yu'1u1 ku4u4 ta1 kũ'1ũ1 ka4chi2ra1 so'3o3 ba'1a3 ba3 ka4chi2nã1
ta3tũ2ũ4 *tarraya** tã3 ta3tũ2ũ4 *costa** tã3 ta3tũ2ũ4 tya'3a2 kũ'3ũ3 ta1kwi42 ko'3o2 tã3 kũ'1ũ1yu1 ndi4 ta1 kũ'1ũ1 ku4u4 tu3 yu'1u1 ba3 ka4chi2
ka4chi2 ta1 la4tũ3 so'3o3 jĩ'4ĩ4 si'3i4ra3 ba'1a3 ba3 ka4chỹã24 so'3o3 ja143 ta13tu2u2nẽ1 kã4 tã3
mĩ4ĩ4 nĩ1xã'1ã1ndu1 ndi4 i4ndu'3u4 mã1ti1lo32 mĩ4ĩ4 ja'13nĩ4ndu2ri4 i3kã4 kũ'1ũ1 nda14kũ24 ka4chi2nã1 so'3o3 jĩ'4ĩ4ra2 Ba'1a3 ba3 ka4chi2ra1
i3kã4 ndi13kĩ'3ĩ3ra2 *tarraya** tã3 ndi13kĩ'3ĩ3ra2 ya1kã3 tya'3a2 ta1kwi42 tã3 is1ta4 tã3 kwã'1ã1 ba3ra3
xa1a1ra1 mĩ4ĩ4 nda4ta'1bi4 i3chi4 kã4 su3 i3kã4 ndi4chi2 ta1 nã'14ã1
ka4chi2 ta1 kã4 jĩ'4ĩ4ra2 ndi4 nde4e2 ba42 nda4ndu3kũ4 xi4kõ4 yo'4o4 yo'4o1 ndi4 ja1 kwa'1a4 tyem4pu2 ndi4chi2yu1 yo'4o4 ndi4 ko14o3 yo'4o1 ji4nĩ2yu1 yo'4o4
kwa'1a4nã2 ju4tã'3ã2yu1 yo'4o4 ndi4 yo'4o1 ndi4 ko14o3 yo'4o1 ji4nĩ2yu1
yu'1u1 ndi4 ta1 ja143 nũ14ũ3 ba1xi3 ba3 ku4u4 yu'1u1 kwã'1ã1 ndu3ku42 ya1 ka3xi4 yu3ba42 ndi4 sa14kwa'3nũ3nã2 yu'1u1 tã3
bi3tĩ3 ndi4 ta1 ja1 xu13xa3 ku4u4 tu3 yu'1u1 ba3 ya1 kã4 ndi4 kwã'1ã1 ndu3ku42 ya1 ka3xi4nã2 ndi4 nĩ1ta1ku1 i3nĩ2nã1 nde4e4nã2 tã3
kwa14a2 i4yo2 ka3xi4nã2 ya1 kã4 ndi4 kwã'1ã1yu1 ndu3ku42 tya1ka4 ku3xi3 yu3ba42 ka4chi2ra1 so'3o3 jĩ'4ĩ4 ta1 kã4
"Na4 ko'1o4 jĩ'4ĩ2 be'3e3 Ka3nĩ3 mã1nĩ42 yo'4o1 ndi4lu14u3 xũ'14ũ4 An4 xũ'14ũ4 ku4nỹũ24 ã4 tyo1to1 ku4nỹũ24 nde4e2 ba42 ku4nỹũ24 ndi4 i4yo2 ndya'3a2 jĩ'4ĩ2", ka4chi2 ta1 nã'14ã1 so'3o3
kũ'14ũ1yu1 jỹũ'4ũ4 ba143 ba1xi3 yu'1u1 tã3 kw̃ĩ'1ĩ1 jĩ'4ĩ4 yo'4o1 ndi4 ta1 kwã'1ã1 la3mã42 ku4u2
ba'1a3 ba3 kwã'4õ24 nã4 ta1 kwã'1ã1 kũ4ũ4 chi13nda'3a4re2 ndi13kỹã'3ã2 kwã'1ã1 be3
kwẽ'1ẽ1 sa3kã4 kwẽ'1ẽ1 sa3kã4 nĩ1xa1a1 nĩ3 tu3kwa2 mĩ4ĩ4 nda13ta'1bi4 i3chi4 i3kã4 ndi4chi2 tu3ku3 ta1 kwi'4nã4 ta1 ya3kwa4
ndi4 ta1 ku4nĩ2 ka'3nĩ4 ndi1ku1nda42 ku4u4 ta1 kã4 ndi4chi2ra1 ja143 ka4chi2ra1 so'3o3 ndi4 nã4chu3 ka'3nĩ4 tũ4 yu'1u1 tã3 ta1 i4yo2 mĩ4ĩ4 kwã'1ã1 ku4u4 yu'1u1
nã4tu2 nã4 ki3tã'4õ4 jĩ'4ĩ2 ko3ndwe4 nã1 kwi'4nã4 ku3nde3te4 i3chi4 yo'4o4 tã3 sa3kã4 ba42 ndi4 kã'4õ4 ndi4 kõ3õ4 yu14bi4 tã3 nĩ14ki3tã'4õ4 jĩ'4ĩ2 ndi4 ka'3nĩ42 yo'4o1 ka4chi2 ta1 kã4 jĩ'4ĩ4ra3
kwi14i3 ya1kã3 ki3tã'4ã2 jỹũ'4ũ4 ndi4 ta1 kwã'1ã1 ndu3ku4 tya1ka4 ku4u2 ndi4 yu3ba42 ku4nda'4bi2 i3nĩ2 ji4nĩ2 ndi4 sa14kwa'3nũ3nã2 yu'1u1 tã3
tã3 bi3tĩ3 ndi4 ya1kã3 ja1 xu13xa3 tu3 mĩ3ĩ4 ba2 tã3 kwã'1ã1 ndu3ku42 ya1 ku3xi3nã3
ku4u4nã2 nã1 ta4u3nĩ2 nde4e4nã2 tã3 ba14sa4 ji4nĩ2nã1 mĩ4ĩ4 kĩ'3ĩ3nẽ2 ya1 kã4 ndi4 kwã'1ã1yu1
ã4 kwã'4õ24 nã4tu2 ta1 kwã'1ã1 kũ4ũ4 a1chi1 ndi4 yu'1u1 ndi4 ko14o3 nã1 yu4bi24 ku4nĩ2yu1 kwe3e2 yo'4o4 ndi4
nã1 kwe3e2 yo'4o4 ndi4 ka'3nĩ42nã1 tã3 ba'1a3 ka1 kwã'4õ24 chi13nda'3a4re2 tã3 kwã'1ã1 ba3 ta1 kã4 xa1a1ra1 la3mã42
nĩ1ki3xa3a4ra2 jĩ'4ĩ4 *tarraya** ji4te1 nĩ1xa1a1ra1 kã4 nĩ1kĩ'3ĩ3ra2 tya'3a2 ja3 chi13ndu'4u4ra2 chi1 kĩ'13ĩ3ra2 tya'3a2 chi13ndu'4u4ra2 kã4
nĩ1chi3ndu'4u4ra2 ya1kã3 *costa** kũ'3ũ3 tya1ka4 i3kã4 ja143 nda13kĩ'3ĩ3ra2 *tarraya** ja143 ja4ta2re1 ja4ta2re1 xi4ka3ra3
ndu3bi4 nĩ4ĩ4 nda1 nĩ1kwa3a4 ke13e3ra2 jã'1ã1 ko1to1ra1 i3kã4
nda143 yo'4o4 ti4 ko'1o4 tã3 ku1nũ'1ũ4 be4 a1chi1 ndi4 ja1 kwa4a24 ku4u4 tu3 mĩ3ĩ4 be2 kã'4ã4ra2 so'3o3 i3kã4 nĩ1ke3e3ra2 jã'1ã1 ko1to1ra1 i3kã4
tã3 nde3e4 nĩ1ki3xya2 tya1ka4 pa4chi'4i2 ndi4 ta13ku2lwa2 kã4 nĩ1ki3xya2 mã'14ñũ3 ta4 kwa'1a4 kã4 nĩ1ki3xe2e2 nde1te32 ti1xĩ3 ko'1yo1 tã3 sa13ka4nã3ra2 *tarraya** ndi1ku1nda42 xa13kw̃ã'1ã3
xa13kw̃ã'1ã32 kã4 nda'3a4ra2 tã3 e1ta4 pa4chỹũ'4ũ24 sa3kã4 tã3 ku1nũ'1ũ4 jĩ'4ĩ4 ba2 ndi4
ta1 ba1xi3 ku4u2 ndu3ku42 ya1 ka3xi4 yu3ba42 tã3 kwa14a2 nĩ'4ĩ142 tã3
tã3 yo'4o1 tã3 pa4chỹũ'4ũ24 sa3kã4 kõ3õ4 tã3 kũ'1ũ4 jĩ'4ĩ4 ba2 ka4chi2ra1 so'3o3 jỹã'4ã2 kã'4ã2lu3ra2 jỹã'4ã2
a3sã42 ba'1a3 ndi4 ka'14nỹũ4 yu'1u1 ndi4 ka'14nỹũ4 yu'1u1 ndi4 yo4o4 xa'13nũ3 ĩ3ka4chi1 kwa4chi3 kwe4e4 tã3
yo4o4 ba1xi3 kwa'3nũ3 kwe4e4 kwa4chyo4 tã3 ku4nĩ2 ka'3nỹũ4 yu'1u1
kã'1õ4 nde4e2 ba42 ku4mã1nỹã42 jỹũ'4ũ4 tã3 i4yo2yu1 ta3xya2 nda'3õ4 ka4chi2 ka4chi2 tya1ka4 so'3o3 jĩ'4ĩ4ra2 chi1
ba'1a3 nã4tu2 sa3kã4 ya1 ku4mã1nỹã42 jĩ'4ĩ2 ndi4
ya1kã3 i3kã4 ba42 nĩ1nĩ'1ĩ4ra2 ka'3a4ra2 i1nda43 pa4chi'4i2nĩ42 ka'3a42 ndi4 ku4nĩ2yu1 ndi4
ka'3a42 ndu3ka'4nũ3 lu3chi'4i2 ku4nĩ2yu1 ba'1a3 ba3 ka4chya2 kã4 tã3 ku4nĩ2yu1 ndi4
nã1 si'4i2 ka3nĩ2 yu1u4 ja1ta4nã2 ndi4 kwa14a2 i4yo2 ka3chi2nã1 ku14nĩ2nã1 yu'1u1 ndi4
ta1 kã'1ã1 ku4u4 ba3nã2 jĩ'4ĩ2 nã4tu2 nã4 nĩ1ka3nĩ2 yu1u4 ja1ta4nã2 ndi4 ta1 ku3si1i4 i3nĩ2 ku4u4 ba2 jĩ'4ĩ4nã2 ku4nĩ2yu1 ka4chi2ra1 so'3o3 jỹã'4ã3
tya1ka4 tĩ3 ku4nĩ2yu1 kũ'1ũ1 jĩ'4ĩ2 tya1ka4 ku4nĩ2yu1 kũ'1ũ1 jĩ'4ĩ2 ndi4 tya1ka4 ku4u4 ti4 ba1xi32 ja1ta4
tya1ka4 ku4nĩ2yu1 kũ'1ũ1 jĩ'4ĩ2 ya1 kã4 ba42 ndi4 ba1xi32 ja1ta4ri4 tã3 tã3 ti4 kã4 ku4u4 ti4 kũ'1ũ1 jĩ'4ĩ2 ku4nĩ2yu1 Ba'1a3 nã4tu2 sa3kã4
Na4tu2 nã4 ti4 kã4 kũ'1ũ1 jỹũ'4ũ4 tã3 i4yo2 ba3ri4 tya1ka4 ndi4 i4yo2 ba3 ti4 kã4
sa3ñõ4 yu'1u1 nã4 kw̃ĩ'1ĩ1 ndi4 ko3to3 ku3u2yu1 nda4i3chi2nĩ42 ja1ta42 i3kã4 sa13ñã4 ba3ra2 ti4 kã4 kwã'1ã1 tya1ka4 pa4chi'4i2 kã4 kwã'1ã1ri4
ja143 nĩ1ki3xa3a4ra2 xa4ta2ra1 *tarraya** nũ4ũ4 ti4 tã3 nĩ1chi3tu4 ba3 *costa** ja143 nĩ1ndi'3i3 tã3 nda13ka'3mĩ3ra2 ñũ'3ũ2 nda13ka'3mĩ3ra3
nda13sa1a4 is1ta4 ku3xi3ra2 nũ14ũ3 yu14ti3 kã4 tã3 i3kã4 nĩ1ja3ndu'4u4ra2 nĩ1ki1xĩ1 ba3ra2 nĩ1ki4tu3 tĩ3 tã3
ku1nũ'1ũ4 ba2 a1chi1 ndi4 ja1 i4yo2 ba'1a3 ndi4 ja1 xa13kũ'1ũ3 tya1ka4 i3kã4 ndi13kĩ'3ĩ3ra2 kwa1nũ'1ũ4 ba3ra2 nĩ1ki4tu3 ndi13kwi3so3ra2 *costa** kwã'1ã1 ba3ra3
kwã'1ã1ra1 sa3kã4 kwã'1ã1ra1 sa3kã4 nda13xa2a2ra1 be'3e3 i3kã4 ja143 ka4chi2 yu3ba4ra2 jĩ'4ĩ4 ya3nĩ2ra1 ndi4
kwã'4ã2ndo4 kũ'1ũ1 ndi1kĩ'1ĩ3ndo4 ñã'1ã3 ja1ta4 ya3nĩ2ndo4 ndi4 be1e3nĩ42 ba1xi3ra2 ke13e3 ba3nã2 jã'1ã1 ndi1kĩ'1ĩ3nã2 *costa** ja1ta4ra2 nda13ndi'1bya32 be'3e3
i3kã4 be'3e3 nda13ndi'1bi3nã2 jĩ'4ĩ4 *costa** kã4 tã3 ja143 ka4chi2nã1 so'3o3 ndi4
jã'1ã1ndu1 ndi4 ba143 nĩ4xi1kã1ndu1 ka'3a4ndu2 ndi4 ya1kã3 ñã1 ba'1a3 nĩ1xi1kã1ndu1 xũ'14ũ4 nĩ1xi1kã1ndu1 ya1kã3 ku3ta3ku2 yu3be4 jĩ'4ĩ4ndu3 tã3 yo'4o1 ndi4 ka'3a4 ba3 yo'4o1 xi1kõ4
um kwã'4ã2 ke3tõ4 ke'3e2 e1ta4 nã4 ja1ta4 be'3e3 ñã1ã4 ku3ndu'4u4 ndo3õ24 a1chi1 ndi4 kwa14a2 ka4a4 tu4nỹũ14 ndi4 kã'3õ4 i4yo2nĩ42 ka4chi2nã1 jĩ'4ĩ4ra3
ja143 nĩ1ndo1o3ra2 ke'3e2 kã4 ba3 *costa** tya1ka4 nda13ndi'1bya32 kã4 be'3e3 tã3 kĩ'13ĩ3nã2ra1 ndo13ko3o4nã2 ke'3e2 kã4 ba3
ndi4 ka4nĩ24lu3 ka'3a4ra2 nda1 su1kũ4 xa'1a4ra2 ka1a3 [...]
i3kã4 nda13ji1nũ3 ya1kã3 nda13ji1nũ3 u1nã1 ki1bi4 ya1 nĩ1nĩ'1ĩ4ra2 ka'3a4ra2 kã4 tã3 nĩ1ki3xa2a2 ba3 chi3ñũ3 ndi4
nda'3a4 nã1 ya3nĩ2ra1 ndi4 ya1kã3 i4yo2 ya1kã3 si1si'4i2 *rey**
ndi4 ku4nĩ2nã1 ndi4 ku4nĩ2 *rey** kã4 ndi4 ta1a3 ta1 nĩ1
xi13nũ3ra2 jĩ'4ĩ4 kwa4yu2 ja1nã1ra1 tã3 nĩ1xa1a1ra1 nda1 mĩ4ĩ4 i4ndwa'3ã4 *palacio** tã3 nda13kĩ'3ĩ3ra2ñã4
chi13ndu'4u4ra2ñã4 nũ14ũ3 ta3yu2 kwa4yu2 tã3 nũ13ũ3ra2 jỹã'4ã4 ñũ'3ũ4 ta1 kã4 ku4u4 ta1 ko3ndo3 i3i4 bẽ4
tã3 nã4tu2 nã4 nĩ14ko3chũ3nã2 ndi4 ta1 *rey** kã4 ndi4 tĩ13ĩ3ra2 be'3e3 ka3a2 ka'4nũ3lu3 be'3e3 ka3a2 nĩ1tĩ3ĩ3ra2 tã42 ĩ3ĩ3 nã1 ba143 ko4chũ3 tã3 kwã'1ã1nã1 be'3e3 ka3a2 kã4 ba3
ñũ'4ũ4nã2 be'3e3 ka3a2 xa'1a4 si1si'4i2ra1 ndi4 ba143 ko4chũ3nã2 ndi3kĩ'3ĩ3nã2ñã4
tã3 *palacio** mĩ4ĩ4 i4ndwa'3ã4 ndi4 su4kũ1 se4ke2 kwa4yu2 ñũ'3ũ4 ke4e4ri4 tã3 kwã'1ã1ri4 tã3
nã1 nĩ1ko3chũ3 xa1a1nã1 tã3 nĩ1chi3ndu'4u4nã2ñã4 nũ14ũ3 ta3yu2 kwa4yu2 ja1nã1nã1 tã3 nũ13ũ3nã2 jỹã'4ã4 ñũ'3ũ4 nã1 kã4 ku4u4 nã1 ku3ndu'4u4 jĩ'4ĩ4 bẽ4 ko3ndo3 ỹã3ã4 ka4chi2 yu3bẽ4 *rey**
ya1 kã4 ndi4 nĩ1 nĩ1xa1a1 chi3ñũ3 ndi4 kũ'1ũ1 nã1 kã4 tã3 i3kã4 ke13e3 nã1 kã4 kwã'1ã1nã1
kũ'1ũ1 ba3 yo4o4 ya3nĩ2 ndi4 ba'1a3nĩ42 kwa4yu2 ja1nã1 yo4o4 ndi4 yo4o4 ku3chũ3 ku4u4 ba3 yo4o4 ka4chi2nã1 u1bi1 tã'4ã2ra1 i4yo2 kwa4yu2 ja1nã1nã1 ndi4 ba'1a3 sa4ka2ri4
ti4 nĩ'1ĩ4nã2 nũ14ũ3 tya1ka4 ku4u4 ti4 kwa4yu2 kã4 i3kã4 nda13a3nã2 kwã'1ã1nã1 ja1ta4 ñã4 si1si'4i2 *rey**
kwã'1ã1nã1 sa3kã4 kwã'1ã1nã1 sa3kã4 nĩ1kĩ'3ĩ3nã2 ĩ3ĩ3 ñũ3ũ2 kwã'1ã1 nĩ1kĩ'3ĩ3nã2 i3chi4 kwã'1ã1nã1 ndi4 nã1 kwã'1ã1 sa3kã4 ku4u4 ba3nã2
i3chi4 ka'4nũ3 kĩ'13ĩ3nã2 kwã'1ã1 kwã'1ã1nã1 sa3kã4 kwã'1ã1nã1 sa3kã4 i3kã4 ka4chi2 ta1 ka4nĩ24 ti1sa'4a4 so'3o3 ndi4 ya3nĩ2
kũ'1ũ1 tã'3ã2 yu'1u1 ba3 jĩ'4ĩ4ndo4 e1ta4 nã4 ku3nũ14ũ2 ku3u2ndo4 a1chi1 ndi4
yu'1u1 ndi4 ko14nde3e4 i3nĩ2 xa'1a4ndo4 kũ'1ũ1 mĩ3ĩ4ndo4 ndi4 nã1 ku3u2 ku4u4 ba3ndo4 mĩ4ĩ4 kwã'1ã1ndo4
nã1 ku3u2 ku4u4ndo4 mĩ4ĩ4 kwã'1ã1ndo4 tã3 yu'1u1 ndi4 kũ'1ũ1 tã'3ã2yu1 jĩ'4ĩ4ndo4 ka4chi2ra1 so'3o3
nã4tu2 kũ'1ũ4 jĩ'4ĩ4ndu2 tã3 kũ'1ũ1 bõ4 jĩ'4ĩ4ndu2 i3nde142 ndi4 xi4ka3 lu3chi'4i2 ku3ndi3kũ24 kũ'1ũ4 ndi4 ku4nda3si4nĩ42ndu1 ka4nĩ24 nã3kwi42 kã'3õ4 ka4chi2nã1 jĩ'4ĩ4ra3
ba'1a3 ba3 nã4tu2 sa3kã4 i3kã4 tã3 kwã'1ã1 ba3 nã1 kã4 kwã'1ã1nã1 sa3kã4 kwã'1ã1nã1 sa3kã4
i3kã4 tã3 ka4chi2ra1 so'3o3 ndi4
nda3ndi3kõ4 tã3 sa4ka3xã'4õ24 ĩ3ĩ4 ya3ndyo24 nã4 nda3ndi3ko4ra2 ku1nũ'1ũ4ra2 ndi4 ka4chi2 i3nda14ra2 so'3o3 ndi4
nda3ndi3kõ4 sa4ka3xã'4õ24 ĩ3ĩ4 ya3ndyo24 nã4 nda3ndi3ko4ra2 ku1nũ'1ũ4ra2 ndi4 ba14ja4 ka4a4 tu4nĩ1ra1 kũ'1ũ1ra1 jyo'4o4 ndi4 ka4nĩ24 nã3kwi42 ka'3a4ra3
tã3 ya1 kã'3ã3 nũ14ũ3 ba42 kã4 ndi4 ba143 ka4a4 yo4o4 sa3kã4 ndi4 nã1 ba'1a3 ku4u4 yo4o4
xã'4ã2 bi1xi1 yo4o4 i4yo2 kwa4yu2 ja1nde4 ba'1a3 ba'1a3 nã1 ku4u4 yo4o4 ndi4 nã1
nã1 ba'1a3 ku4u4 yo4o4 tã3 ta1 ñã1ã4 ndi4 ka4nĩ24 nã3kwi42 ka'3a4ra2 nã4 si4kỹũ'3ũ4ra2 ya'1bi3ra2 nã4 nda3ndi3ko4ra2 ku1nũ'1ũ4ra3
ku1nũ'1ũ4ra2 be'3e3 ku3ndu'4u4ra2 a1chi1 ndi4 ku4kã'3ã3 ndwe14e4 ku3nda3ke4 ta1 ñã1ã4 ko'1o4 xe1e4 be'3e3 *rey** xe1e4 tã3
ki3nĩ3nĩ42 ka4a4ra2 ka4nĩ24nĩ42 ka'3a4ra2 ka4chi2 nã1 ya3nĩ2ra1 so'3o3 ya1 kã4 nĩ1ke3ta3 i3nda14 ya3nĩ2ra1 tã3 sa14ka3xã'4ã2ra1 ỹã3ã42 ba1ba'1a3
ja143 ka4chya2 so'3o3 ndi4 ka14nĩ3nỹũ424 yu'1u1 ya3nĩ2 kũ'14ũ1 ya3tĩ3nĩ42 bi42 ja1ta4ndo4 ndi4 xi4ka3 ku3ndi3kũ2yu1 kw̃ĩ'1ĩ1 mĩ4ĩ4
ya1kã3 sa'4bi13ndo4 kwã'1ã1ndo4 tã3 sa3kã4 ku3nũ2 kũ'1ũ1yu1 tã3 mĩ4ĩ4 nda4tu1u3ndo4 tã3 ku3se'14e2 lu3chi'4i2yu1 tã3 sa3kã4 nã4 ja1 kwã'1ã1ndo4 ja1 sa'4bi13ndo4 kwã'1ã1ndo4 sa3kã4 ku3ndi3kũ2 tu3ku2 kw̃ĩ'1ĩ1
sa3kã4 sa3kã4 ko'1o4 tã3 xa1a1 be4 mĩ4ĩ4 kwe'1e4 ka4chi2ra1 so'3o3 chi2 jĩ'4ĩ4 nã1 ya3nĩ2ra1
ya1 kã4 ndi4 kwã'1ã1 ba3ra2 ja1ta4nã3 xi4ka3 xi4ka3 xi4ka3 ndi4kũ2ra1 kwã'1ã1ra1 ja1ta4nã2 xi4ka3 xi4ka3 ndi4kũ2ra1 ja1ta4nã3
ndu3bi4 nĩ4ĩ4 nĩ1xi1ka3nã2 nĩ1xa1a1 ba3nã2 be'3e3 ỹã3ã2 *rey**
i3kã4 ka4chi2nã1 so'3o3 jĩ'4ĩ4 *rey** kã4 ndi4 *señor rey** nã4 kwi14i3 sa4kwã'1õ4 nda14yu3 ku1sũ1ndu1 bẽ'3õ4 ndi4 nã1 ya'4a13 kwã'1ã1 ku4u4ndu2 tã3
sa4kwã'1õ4lu3 nda14yu3 ku1sũ1ndu1 bẽ'3õ4 i3tã2ã2 kwã'1ã1 ba3ndu2
Ba'1a3 ba3 nã4chu3 kwi14i3 ndi4 ba'1a3 ba3 sa4kwa'1a32 nda14yu3 ku1sũ4
ke13ta3 ba3 ta1 ta1 *rey** kã4 tã3 jã'1ã1 sa14nũ3ũ3ra2nã1 nã1 kã4 ja1ta4 kwa4yu2 ndi4so3ra2nã1 tã3 nũ14ũ3nã2 ñũ'3ũ4
tu3ku3ra2 kã4 jã'1ã1 nda1kwi1so3ra2 sa14nũ3ũ3ra2 ta1 kã4 ñũ'3ũ4 ji1nũ3 u1bi1nã1 ja14nũ3ũ3ra2 ñũ'3ũ4
i3kã4 ndi13kwi3so3ra2 ndi3sa4bi1nã1 tã3 ja'13nda2ra1 chi3ñũ3 nũ14ũ3 *musu**
ndi3kỹũ'3ũ4 ndi3kwi3sõ4 kwa4yu2 ka1a3 nã4 kũ'1ũ1ri4 jỹũ'4ũ4 ndi3sa4bi1ri4 sa3kã4 nã4 kũ'1ũ1 jỹũ'4ũ4 *zaguán** kã4 ku3chi3tu4ri4
tã3 ya1kã3 ta3xỹũ4 pa3ra42 ka3xi4ri4 ya1kã3 ku1sũ1ri4 ñã1ã4 yo'4o1 ku4u4 ta1 ko3to3 kwe4ndõ24lu3ri4 i3tã2ã2 sa3kã4 ndi4
ndi3kwi3so3 nã1 yo'4o4ri4 ku1 kũ'1ũ1ri4 jĩ'4ĩ4nã3 ka4chi2ra1 jĩ'4ĩ4 *musu**
ja143 ndi13kwi3so3 ba3 *musu** kwa4yu2 kwã'1ã1ri4 jĩ'4ĩ4ra2 *zaguán** kã4 ndi13kĩ'3ĩ3 ba3ra2 nã1 u1bi1 ñã1ã4 kwã'1ã1ra1 jĩ'4ĩ4nã2 ti1xĩ3 be'3e3
i3kã4 nĩ1xa1a1 nã1 kã4 ti1xĩ3 be'3e3 tã3 ja143 ta13ba4ra2 ta3yu2 nde4e4 nã1 kã4 nda4tũ'4ũ4nã2 kwẽ4tu2
tã3 ta1 ka4nĩ24 ka'3a4 ya3nĩ2nã1 ndi4 ndi1ku1nda42 tã3 *cocina** mĩ4ĩ4 chi4tu4 nã1 si'4i2 ju13ndu3ndu2 ta1 kã4 jã'1ã1ra1 nĩ1xa1a1ra1 tã3
nĩ1xa1a1ra1 mĩ4ĩ4 mĩ4ĩ4 ñũ'4ũ4 nã1 si'4i2 ndi4ko3 i3kã4 i4ndu'3u4 si1si'4i2 *rey**
kĩ'13ĩ3 ba3ra2 yu1u4 tã3 ka13nĩ3 ba3ra2 ja1ta4 si1si'4i2 *rey** i3kã4 xo14kw̃ã1ã4 kã4 ji4tw̃ã4 yo3o3 ku4u4 ka13nĩ3 yu1u4 ja1tẽ4
i3kã4 ja143 ka4chỹã24 jĩ'4ĩ4ra2 ndi4 nde4e2 ku4nỹũ24 ka13nỹũ4 yu1u4 ja1ta42
yo'4o4 ki3xỹũ4 i4yo2 lu3chi'4i2 chi3ñũ3 ku4nĩ2 yo'4o1 ja143 ku13ya3tỹã4 nũ14ũ3ra3
nã4 nĩ1ndi'3i3 xi13xi3 nã1 nã1 ki13xa2a2 be'3e3 yu3bõ4 ka1a3 tã3
tã3 nĩ1ndwa1a32 nĩ1xi3xi3nã2 tã3 ka3nĩ3 mã1nĩ4lw̃ã42 yu'1u1 ku3xi2 ndi4 ko14o3 xũ'14ũ2 nda'4bi2nĩ42 i4yo2yu1 ko14o3 xũ'14ũ2
ka3nĩ3 mã1nỹũ4lu3 yu'1u1 ya1 nĩ1ndo1o3 xi13xi3 nã1 kã4 ku3xi2 ndi4 ko14o3 xũ'14ũ2 sa3ta42 ya1 ndi4 xi4kã1 ba2ya1 nũ14ũ4 ka4chi2ra1 so'3o3 jĩ'4ĩ4 si1si'4i2 *rey**
A4chu3 ba42 ku3xi3 tw̃ã42 nĩ1ndo1o3 ku3xi3 nã1 kã4 tu3 su14u3 i3nã2 kũ4ũ4 ku3xỹã42 nĩ1ndo1o3 xi13xi3 nã1 kã4 ndi4 ta1a3 kũ4ũ4
ji'3nã3 ka1 yo'4o1 ku3xi3 bi3tĩ3 ba3 ka4chỹã24 so'3o3 jĩ'4ĩ4ra2 chi1 i3kã4 sa14nũ1mỹã4 nã1 ja4chỹũ4ũ4 nw̃ã14ã4 nũ14ũ3 yu3bẽ4
ja4nũ1mĩ4ndo4 tã3 sa3kã4 ndi4 ku3ndwa'4a42 ku3xi3 ta1 yo'4o4 ndi4 ta1 i4so3ko2 ku4u4ra3
ja143 ja14nũ1mĩ4 nã1 kã4 ja143 nĩ1sa4ka3sũ2nã1 ku3ñũ2 sa14ka3sũ2nã1
tã3 ka4chỹã24 jĩ'4ĩ4nã2 ndi4 ta3ka'4nĩ3ndo4 *mesa** lu3lu3 ñã1ã4 nã4 ke3ta3rũ4 ke'3e2 yo'4o4 ku3ndu'4u2 ku3xi2 jĩ'4ĩ4ra2 ndi4 jĩ'4ĩ4 ta1 yo'4o4 ku3xi2 tĩ3 ka4chỹã24 so'3o3
ka13ta'4nĩ3nã2 *mesa** ke'3e2 i3kã4 ja13nde3tẽ4 ya1 ku3xi3nã3 ja143 xi13xi3ra2 jĩ'4ĩ4nã3
xi13xi3ra2 jỹã'4ã4 ñã4 si1si'4i2 *rey** kã4 xi13xi3ra2 jỹã'4ã4 si1si'4i2 *rey** kã4
i3kã4 ja143 ka4chỹã24 so'3o3 jĩ'4ĩ4ra2 ndi4
ã4 ta1 kwã'1ã1 kũ4ũ4 ya'4a13 kwã'1ã1 kũ4ũ4 ka4chỹã24 jĩ'4ĩ4ra2 ta1 kũ'1ũ1 ku4u4 ba2 ndi4 nda1 i3tã2ã2 bi4 ba42 kũ'1ũ1yu1
ba1 tã4nã4 ja1ta4 be'3e3ndo4 yo'4o4 sa4kwã'1õ4 nda14yu3 ku1sũ1yu1 a1chi1 ndi4 ya1kã3
ji14nĩ2 mĩ4ĩ4 ba42 kũ'1ũ1yu1 ku1sũ1yu1 ndi4 nã1 ya3nĩ2 ndi4 ti1xĩ3 be'3e3 ku1sũ1 nã1 kã4 nda13kwi3so3 yu3bõ4nã2 ku1sũ1nã1 ti1xĩ3 be'3e3 tã3
nã1 ku1sũ1 ba'1a3 ku4u4 ba3 nã1 kã4 tã3 yu'1u1 e1ta4 nã4 ja'1a4 be'3e3ndo4 yo'4o4 sa4kwã'1õ4 nda14yu3 ku1sũ1yu1 ka4chi2ra1 so'3o3 jỹã'4ã4 ñã4 si1si'4i2 *rey** kã4
ñã4 si1si'4i2 *rey** kã4 ka4chỹã24 jĩ'4ĩ4ra2 ndi4 A4chu3 ba42 ku1sũ4 xa'1a4 be'3e3 tu3 su14u3 i3nã2 kũ4ũ4 ku1sũ4 xa'1a4 be'3e3 ndi4 ta1a3 kũ4ũ4
ĩ3ka4nĩ24 ndi4 sa3kã4 ndi4 kẽ'1ẽ1 jĩ'4ĩ4 nã1 ja4chỹũ4ũ4 nũ14ũ3 yu3ba42 yo'4o4 ta3ba4nã2 is1to3 tã3 *corredor** yo'4o4 ku1so4 ka4chỹã24 jĩ'4ĩ4ra3
ya1 kã4 ndi4 nĩ1 nĩ1ku3ñũ3ũ42 tã3 i1xa43 nĩ1ja'3ndẽ24 chi3ñũ3 nũ14ũ3 nã1 ja4chỹũ4ũ4 nw̃ã14ã4 ja143 nĩ1
ta13ka'4nĩ3nã2 is1to3 ya1kã3 *corredor** kã4 nĩ1ja3ndi3chi2nã1 is1to3 mĩ4ĩ4 ku1sũ1ra1 jỹã'4ã4
i3kã4 tã3 nĩ1ndi'3i3 tã3 ja143 ka4chi2 nã1 kã4 jỹã'4ã4 ndi4
tã3 sa1a3 ko3o3 tã3 ku1sũ4 jĩ'4ĩ4 tu3ra2 tã3 i4yo2 yu3bõ4 i4yo2 sỹũ'3ũ4 ũ'4ũ3 ndi4 o4ra2 nda13ku1sũ1 nã1 kã4 tã3
be'3e3 i4ndu'3u4 ba2 ku3nĩ3 so'1o32 nda4a2 kwẽ4tu2 ba42 nda4tũ'4ũ4 nã1 kã4 o4ra2 ja1 nĩ1ki1xĩ1 nã1 kã4 sa3kã4 ndi4 ki3xa2a2yu1 ku1sw̃ĩ1 jĩ'4ĩ4ra2 ka4chỹã24 so'3o3
ba'1a3 nã4tu2 sa3kã4 ndi4 ñã1ã4 ko3tõ4 sa1a3 a3sõ4 ndi4 nã1 ja1 kũ'1ũ1 ku4u4 ndu'1u1 nĩ1ke1ta3 ñũ'1ũ3 tã3 nĩ1ke3e3 ba3 nã1 ja4chỹũ4ũ4 nũ14ũ3nã2 kwa1nũ'1ũ4 ba3 nã1 kã4 be'3e3nã3
i3kã4 nĩ1ndo1o3 mĩ3ĩ4 bẽ4 ndi13kỹã'3ã4 kwẽ'1ẽ4 i4ndwa'3ã4 ji4nĩ3 sw̃ã'1ã4 kwẽ4tu2 nda4tũ'4ũ4 ya3nĩ2 ta1 nĩ1xa1a1 kã4 ba3
i3kã4 ka4chỹã24 jĩ'4ĩ4ra2 ndi4 ja14xi1be'4e4 yo'4o4 ku3ndu'4u4 nã'3õ24 ĩ3ka4nĩ24 sa3kã4 ndi4 nda3ndi'1bỹũ4 *corredor** yo'4o4 ku1so4 jĩ'4ĩ4 yu'1u1 ku1sũ4 bi3tĩ3 ka4chỹã24 jĩ'4ĩ4ra3
i3kã4 nĩ1ndu3ku3ndu'4u4ra2 i4ndu'3u4ra2 kã4 i3kã4 nĩ1
ndi13kỹã'3ã4 kwẽ'1ẽ4 nũ14ũ3 yu3bẽ4 i4ndwa'3ã4 ji4nĩ3 sw̃ã'1ã4 kwẽ4tu2 nda4tũ'4ũ4nã2 kã4
ĩ3ka4nĩ24 tã3 ja143 kwã'1ã1 nĩ1ku3ñũ3ũ42 tã3 ka4chi2 yu3bẽ4 so'3o3 ndi4 kwã'4õ24 ku1sũ4 *hija** yu'1u1 ndi4 ta1 ja1 ku1sũ1 ku4u4 yu'1u1
sa3kã4 tu3 nã1 yo'4o4 ba3 ndi4 yo'4o4 ku1sũ1nã1 yo'4o4 Ba'1a3 ba3 Ja143 ndi13kĩ'3ĩ3nã2 kwã'1ã1nã1 ku1sũ1nã1
xa'1a1 ka1 ka4a4 tã3 nĩ1nde3ẽ4 nũ14ũ3 is1to3 jĩ'4ĩ4 ta1 ta1 ka4nĩ24 ka'3a4
nĩ1ki1xĩ1nã1 xa'1a1 ka4a4 tã3 xa'1a1nĩ42 tã3 nĩ1ki3xa2a2 ba3 nã1 ja4chỹũ4ũ4 nũ14ũ3nã2 tã3 i3kã4 ka4chỹã24 jĩ'4ĩ4 nã1 kã4 ndi4
sa4nũ1mĩ4ndo4 tã3 sa3kã4 ndi4 ya1kã3 ka'3nĩ4ndo4 ndu3xi4 tã3 ja4chyo'1o4ndo4ri4
tã3 sa4ka3sũ2 ya3a3 ti4ndo4ri4 tã3 sa3kã4 ndi4 nde1ta3 ya'3a4 ka'3a4ri4 tã3 sa3kã4 ndi4 kũ'1ũ1ri4 jĩ'4ĩ4 ta1 yo'4o4 ka4chỹã24 jĩ'4ĩ4 nã1 ja4chỹũ4ũ4 nw̃ã14ã4
i3kã4 tã3 ja'13nĩ4nã2 ndu3xi4 tã3 i13xa3 ba'1a3nã2ri4 tã3 chi'1 nda13ta4 ti4nã2ri4
sa1a3 ĩ3ĩ3 ya3bi2 kwi4ta1 ti4 kã13ã2nã1 ka'3a4ri4 tã3 i3kã4 chi13ka2nã1 i3nda14 ya'3a4 ka'3a4ri4 nda13ka3si2nã1 mĩ4ĩ4 nĩ1kã3ã2nã1 ka'3a4ri4 kã4
ta13ba4 ndi'3i3nã2 si3ti2ri4 tã3 chi13ka2nã1 ya'3a4 kã4 ka'3a4ri4 tã3 i3kã4 tã3 nda13ndu3ku4 ba3nã2 i3tĩ2 nda1a4 xa14a3
chi13ka2nã1 ndu3xi4 kã4 tã3 kũ'1ũ1ri4 jĩ'4ĩ4 ta1 kũ'1ũ1ri4 jĩ'4ĩ4 ta1 kã4 ku3xi3ra2 ta1 ka4nĩ24 ka'3a4 kã4 ku3xi3ra3
i3chi4 ndi4 ta1 nĩ1ke3e3 kwã'1ã1 ku4u4ra3
xa'1a1 ka4a4 tã3 ndo13ko2o2 nã1 ya3nĩ2ra1 tã3 ndi13kwi3so3nã2 kwa4yu2 ja1nã1nã1 tã3 kwã'1ã1 ba3nã3 ndi13kĩ'3ĩ3 nĩ3 tu3ku3nã2 i3chi4 kwã'1ã1nã1 kwã'1ã1nã1 sa3kã4 kwã'1ã1nã1 sa3kã4
ndi4 nda1 ja1 ya3tĩ3 ya3tĩ3 ku3tỹũ'4ũ4 tã3 ba143 kwi4i4 ku3xi3nã2 ndi4 nĩ3 ba143 kwi4i4 xa1a1nã1 ñũ3ũ2 mĩ4ĩ4 kwã'1ã1nã1 ndi4 i4so3ko2 sa4ka2nã1
kwã'1ã1nã1 tã3 i3kã4 ja143 ka4chi2ra1 so'3o3 ndi4
xo4kõ1õ4 ko3tõ4 ja1tõ4 tã3 ku3nỹũ24 ya3nĩ2 tỹã42 ka4a4 ta1 nĩ'4ĩ4 ti1nda1a4 ka4a4 ya3ndyo24 ta1 ta1 ka4nĩ24 ka'3a4 ba1xi3ra2 ka4chi2 i3nda14ra2 so'3o3
ja143 xo14ko1o3 ta1 kã4 ji4to3ra2 ja1ta4ra2 ti1nda1a4 nĩ'4ĩ4ra2 rã4 ya3nĩ2 nã4 ku3nda3twe4ra2 ku3ndyo24 yo3o3 ba42 nĩ'4ĩ4 tã'3ã2ra1 nĩ1ka3chi2nã1 so'3o3
i3kã4 ju13nda3tu3nã2 ya3nĩ2nã1 nĩ1xa1a1 ta1 kã4 i3kã4 ja143 ka4chi2nã1 jĩ'4ĩ4ra2 ndi4
ja143 ka4chi2nã1 jĩ'4ĩ4ra2 ndi4 ya1kã3 yo'4o4 ya1kã3 ku3nda3tũ4 ya3ndyo24 nã4 ki3xa2a2ra1 tã3 ku3ndyo24 yo3o3 ba42 nĩ'4ĩ4ra2 ja143 ju13nda3tu3nã3
ndi3sa4bi1nã1 sa3kã4 ju13nda3tu3nã3 nĩ1xa1a1 ba3 ta1 kã4 su3 nĩ'4ĩ4ra2 i3tĩ2 nda1a4 yo3o3 ba42 nĩ1ke3bã'1õ4 jĩ'4ĩ4 ya3nĩ2 is1ta4 ba1xi3 jĩ'4ĩ2
nda3kwã'1ã42 nda'3a4ndu2 nã4 ku3xi3ndu2 ndi4 i4so3ko2 nã3kwi42ndu1 tã3 sa3kã4 ndi4 ya1 ndo3ko3o4ndu2 ya1 kã4 ku3xỹũ4 ka4chi2nã1 so'3o3 jĩ'4ĩ4ra3 Ba'1a3 ba3 Ja143 ndi13kĩ'3ĩ3nã2 ti1nda1a4 kwã'1ã1 jĩ'4ĩ4nã3
xi13xi3nã2 xi13xi3nã2 ba'1a3 ndi'13i3 xi13xi3nã2 ja143 nĩ1
ndi'13i3 ndo3o3 is1ta4 xi13xi3nã2 nda143 i3nda14 ji1nĩ4 ku3lwa2 ndo13ko3o4nã2
kwa14a2 kwa'1a4 ka1 ndi4 ja13xi4 ndi'3i3 ba3nã2 ku3ñũ2 ndu3xi4 kã4 nda143 i3ki4 la1ngi1 ndi1ka3ri4 ndo13ko3o4nã3
ti1xĩ3 ti1nda1a4 kã4 nda143 i3nda14 is1ta4 kĩ'13ĩ3nã2 sa13ka4nã3nã2 ja1ta4 i3ki4 kã4
ja143 ndi13kĩ'3ĩ3nã2 kwã'1ã1nã1 ku3xi3 ba3 yo'4o1 ya3nĩ2 nã4 kũ'1ũ1 ba3 ndu'1u1 ndi4 nã1 kũ'1ũ1 ku4u4ndu2 ba'1a3 ba3
tã3 ñã4 nĩ1ta3xi3 ti1nda1a4 kã4 nda'3a4ra2 ndi4 ka4chỹã24 jĩ'4ĩ4ra2 ndi4 nã4tu2 nã4 nĩ1ndi'3i3 ñã'1ã3 kwã'1ã1 jỹũ'4ũ4 yo'4o4 xi13xỹũ4 tã3
ndi3ki3sỹũ4 ku1mĩ4 chi4chi3 ndi3ki3sỹũ4 ti1nda1a4 tã3 ja1 i4yo2 be2 ku3xỹũ4 ka4chỹã24 so'3o3 jĩ'4ĩ4ra3 ya1 kã4 ndi4
ndi13ki3sĩ3ra2 ti1nda1a4 kã4 ku1mĩ4 chi4chi3 tã3 i3kã4 nda13kwe3ta3 ba3 *mesa** ndi4
i4yo2 ta1kwi42 bi1xi1 i4yo2 nda3yu4 i4yo2 ya1 nde4ta3 ku4u4 ndya'3a2 ku3xi3ra2 nũ14ũ3 *mesa** kã4
ja143 ndu13ku3ndu'4u4 tu3ku3 ba3 ta1 ñã1ã4 xi13xi3ra2 tĩ3 tã3 sa1a3 a3sa2 jỹã'4ã2 o4ra2 ndi'13i3 xi13xi2
xa'1a4 *mesa** tỹũ3ũ4 su3kũ4rũ4 ñũ'3ũ4 tã3 kwa3chi3 ndi'3i3 be2 ñã1ã4 tã3 kwã'1ã1 bõ4 nã4tu2 nã4 kã4 tã3
tã3 sa'3mã4 ndi4 ndi3kỹã'3ã42 kã4 chi3kã242 ti1xĩ3 ti1nda1a4 An3 ba'1a3 ba3 ka4chi2ra1
Ja143 nĩ1ndi3kĩ'3ĩ3ra2 sa'3mã4 chi13ka2ra1 ti1xĩ3 ti1nda1a4 xi13xi3ra2 ba1ba'1a3 tĩ3 ndi13kĩ'3ĩ3ra2 kwã'1ã1 tu3ku3 ba3ra3
i3ki4 ya1 ndo13ko3o4 nã1 ya3nĩ2ra1 kã4 sa13ka4nã3 ba3re2 kã4 tã3 is1ta4 i3nda14 ndo13ko3o4nã2 kã4 sa13ka4nã3re2 kã4 tã3 ya1 nĩ1ki3xa2a2 xa14a3 ya1 kã4 xi13xi3 ta1 kã4
su3 sa'3mã4 kã4 ndi13ki3sĩ3ra2 ndi13ki3sĩ3ra2 ti1nda1a4 u1bya1 sa3kã4 ndi13ki3sĩ3ra2 tã3 ndu13ndi3chi2 xa14a3 *mesa** tã3 ñã1ã4 ndu13kwe1te32 xi13xi3ra3
ndi'13i3 xi13xi3 ta1 kã4 ndi13kĩ'3ĩ3ra2 kwã'1ã1 ba3ra3
kwã'1ã1 ba3 ta1 kã4 ja1ta4 ya3nĩ2ra1 ndi4 nĩ1ku3xi4ka3lu3nã2 kwã'1ã1nã1 ndi4 xi4nũ3ra2 sa3kã4 xi4nũ3ra2 sa3kã4 sa3kã4 nĩ1ku3ya3tĩ3ra2 mĩ4ĩ4 kwã'1ã1nã1
tu4u4 ka1 kwã'1ã1nã1 tã3 tã3 ju4ndi3chi2 ba3ra2 nda1 ja1 sa'4bi13nã2 kwã'1ã1nã1 sa3kã4 xi4nũ3 tu3ku3ra2 kwã'1ã1ra1 sa3kã4 ndi'3i3 sa3kã4 ndi'3i3
sa3kã4 ku4u4 nĩ1xa1a1nã1 i3nga2 ñũ3ũ2 ki1bi4 nĩ1xa1a1nã1 ñũ3ũ2 kã4
be'3e3 *rey** nĩ1xa1a1nã1 tã3 i3kã4 ka4chi2 ta1 ya3nĩ2ra1 so'3o3 ndi4 be'3e3 *rey** yo'4o4 ta3tu2u2 nde'3e24 ku1so4 tã3 i3tã2ã2 ko'1o4
ndi4 mĩ4ĩ4 kwe'1e4 ndi4 ba14ja4 kwi4i4 xe1e4 ka4chi2nã1 so'3o3 ba'1a3 nã4tu2 sa3kã4 i3kã4 ja143 nĩ1xa1a1nã1 kã4 tã3 ja143 nĩ1kã'1ã1nã1 jĩ'4ĩ4 *rey** kã4
*señor rey** a3sã42 ba'1a3 sa4kwã'1õ4 nda14yu3 ku1sũ1ndu1 bẽ'3õ4 ndi4 nã1 kwã'1ã1 ku4u4ndu2 tã3 yo'4o4 ba1xi3ndu2 tã3 nĩ1ku3ñũ3ũ42 tã3 bi3tĩ3 ndi4 yo'4o4 ku1sũ1ndu1
ba'1a3 ba3 ka4chi2 ta1 kã4 so'3o3 ja143 ndi13kwi3so3 ta1 kã4nã2 tã3 ka4chi2 ta1 kã4 so'3o3 jĩ'4ĩ4 *musu** ja4chỹũ4ũ4 nũ14ũ3ra2 ndi4 ndi3kwi3so3ndo4 kwa4yu2 ka1a3 ndi3kỹũ'3ũ4 kwa4yu2 ka1a3 nã4 kũ'1ũ1ri4 jỹũ'4ũ4
ndi3sa4bi1ri4 sa3kã4 kũ'1ũ1 jỹũ'4ũ4 tã3 chi3ndyo3õ4 i3ta2 ka3xi4ri4 ko3to3 kwe4ndõ24ri4 i3tã2ã2 ndi4 ti4 kũ'1ũ1 ku4u4ri4 jĩ'4ĩ4 nã1 yo'4o4 ba'1a3 ba3 ka4chi2 ta1 kã4 so'3o3
ja143 jwi13so3nã2 kwa4yu2 kã4 tã3 kwã'1ã1ri4 kwã'1ã1 kwa4yu2 kã4 jĩ'4ĩ4 ta1 *musu** kã4
i3kã4 ndi13kwi3so3 ta1 bi4ka3 *rey** kã4nã2 tã3 kwã'1ã1 ba3nã2 ti1xĩ3 be'3e3 tã3 ta1 ka4nĩ24 ka'3a4 kã4 ndi4 ju13ndu3ndu2ra1 ja1ta4 be'3e3 tã3 nĩ1xa1a1ra1 *cocina**
i3kã4 ndi4ka2 si1si'4i2 *rey** ja143 nĩ1kĩ'3ĩ3ra2 yu1u4 tã3 ka13nĩ3ra2 ja1tẽ4 *suerte** kã4 ndi4 ya1 nĩ1xi1kã1ra1 ba42 tĩ13ĩ3ra2 yu1u4 tã3 ka13nĩ3ra2 ja1tẽ4
ja143 nĩ1xo14kw̃ã1ã4 ji4tw̃ã4 tã3 nde4e2 ba42 ku4nỹũ24 ya1 kã4 ka13nỹũ4 yu1u4 ja1ta42 yo'4o4 ki3xỹũ4 i4yo2 lu3chya'4a2 kẽ'1ẽ1 jỹũ'4ũ4 ja143 ku13ya3tỹã4 nũ14ũ3ra3
nã1 nĩ1ki3xa2a2 be'3e3 yu3bõ4 ka1a3 ndi4 ya3nĩ2yu1 ku4u4 nã1 ka1a3
nã4tu2 nã4 nĩ1ndo1o3lwa2 xi13xi3nã2 tã3 ka3nĩ3 mã1nỹã42 yu'1u1 ku3xi2 a1chi1 ndi4 ko14o3 xũ'14ũ2 ba1xi3 jĩ'4ĩ2 sa3ta42 ku3xi2 ta1 nda'4bi2 ku4u2
tã3 ya1 nĩ1ndo1o3 xi13xi3nã2 ya1 kã4 ku3xi3 yu'1u1 ku4nĩ2yu1 ka4chi2ra1
A4chu3 ku3xỹã42 ya1 nĩ1ndo1o3 xi13xi3 nã1 kã4 tu3 su14u3 i3nã2 kũ4ũ4 ndi4 ta1a3 kũ4ũ4
ya1 ku3ndu'4u4 ba42 ku3xỹũ4 bi3tĩ3 ba3 ka4chỹã24 so'3o3 jĩ'4ĩ4ra3 i3kã4 ja143 chi13ndwe'4ẽ42 xi13xi3ra3
nũ4mĩ24 nĩ1kẽ'1ẽ4 jĩ'4ĩ4 nã1 ja4chỹũ4ũ4 nw̃ã14ã4 tã3 ja143 chi13nde3e3nã2 is1ta4 ta13ka'4nĩ3nã2 *mesa**
ju13nde3ta3 ta1kwi42 bi1xi1 ju13nde3ta3 tã42 i4yo2 ñã'1ã3 xi13xi3nã3 ndi'13i3 xi13xi3nã2 ja143 ka4chi2ra1 so'3o3 jỹã'4ã4 ndi4
sa4kwã'1õ4 nda14yu3 ku1sũ1 lu2 e1ta4 nã4 xa'1a4 be'3e3ndo4 ke'3e2 ka1a3 ku1sũ1yu1 a1chi1 ndi4 ba14sa4 ji4nĩ2 mĩ4ĩ4 ku1sũ1yu1
ku4u2 ta1 nda'4bi2 tã3 bi3tĩ3 ndi4 mĩ4ĩ4 ku1sũ1yu1 a3sã42 ba'1a3 jĩ'4ĩ2 sa4ta3tũ2ũ4lu3 yu'1u1 e1ta4 nã4 xa'1a4 be'3e3 ka1a3 ku1sw̃ĩ1
a4chu3 ba42 ku1sũ4 xa'1a4 be'3e3 xĩ'4ĩ4 ba3 yu'1u1 ku1sũ4 ĩ3ka4nĩ24 nã4tu2 nã4 ta1 ku1sũ1 kũ4ũ4 ka4chỹã24 jĩ'4ĩ4ra3
i3kã4 ja'13ndẽ24 chi3ñũ3 nũ14ũ3 nã1 ja4chỹũ4ũ4 nw̃ã14ã4 ta13ka'4nĩ3nã2 is1to3 nĩ1kwa3a4 ta13ka'4nĩ3nã2 is1to3 ya1kã3 *corredor**
i3kã4 yo'4o4 ku1so4 tĩ3 yo'4o4 ku1so4 jĩ'4ĩ2 ndi4 nã4 ku1sũ1 ji'3nã3 yu3ba42 sa3kã4 ndi4 ku1so4 yo'4o4 ñã4 ku1sũ1 ka1a3 ku1sũ1yu1 jỹũ'4ũ4
ba'1a3 ba3 ñã1ã4 ku3ndu'4ũ4 tã3 ĩ3ka4nĩ24 nã4 ku1sũ1 ji'3nã3 yu3ba42 sa3kã4 ndi4 ku1so4
ja143 nda3 nĩ1kỹã3ã4 jã'1ã1 ndi1kw̃ã4 yu3bẽ4 tĩ3 ja143 nda4tũ'4ũ4nã2 kwẽ4tu2 nda4tũ'4ũ4nã2 kwẽ4tu2 xa1 ñũ3ũ42
kũ'1ũ4 ku1sũ4 *hija** ndi4 yu'1u1 ndi4 ta1 ja1 ku1sũ1 ku4u4 yu'1u1 ka4chi2ra1 jỹã'4ã4 Ba'1a3 ba3
ja143 nĩ1kỹã3ã4 jã'1ã1 ndi1kw̃ã4 ta1 ka4nĩ24 ka'3a4 kã4 i3kã4 jã'1ã1 ndi1kw̃ã4 ta1 kã4 ka4chỹã24 jĩ'4ĩ4ra2 ndi4 yo'4o4 ki3xỹũ4 ku1so4 nũ14ũ3 is1to3 yo'4o4 ku1so4 jĩ'4ĩ2
ja143 nĩ1nda3a3 ba3ra2 nũ14ũ3 is1to3 nĩ1ki1xĩ1ra1 jỹã'4ã4 nĩ1ki4tu3 tã3
nĩ14ku3nũ1mỹã4 ka'3ndẽ24 chi3ñũ3 nũ14ũ3 nã1 ja4chỹũ4ũ4 nũ14ũ3 yu3bẽ4 chi3ndu'4u4nã2 is1ta4 kũ'1ũ1 jỹã'4ã4 jĩ'4ĩ4ra2 ku3xi3ra2 ndi4
ja143 ka4chỹã24 jĩ'4ĩ4ra2 ndi4 kwa14a2 i4yo2 kũ'1ũ1 jỹũ'4ũ4 ku3xỹũ4 ndi4 e1ta4 *guitarra** yo'4o4 kũ'1ũ1 jỹũ'4ũ4
ji14nĩ2yu1 xa3nda42 ka4chi2ra1 jỹã'4ã4 ũ'4ũ3 ndi4 ja1 ñã1ã4 ji4nĩ2 mĩ3ĩ4 ba3 nda'3õ4 tã3 ỹũ'3ũ4 ndi4 ja1 ji4nĩ2 mĩ3ĩ4 be2 kã4 ka3te2 ka4chi2 ka4chỹã24 so'3o3 jĩ'4ĩ4ra3
ja143 ta13xỹã4 *guitarra** nda'3a4ra3 tũ4 yo'4o4 tũ4 xa14a3 yo'4o4 kũ'1ũ1 jỹũ'4ũ4 su14u3 tũ4 ya3ta4 ku4u4rũ4 tũ4 xa14a3 ku4u4rũ4 tũ4 ka1a3 kũ'1ũ1 jỹũ'4ũ4
mĩ4ĩ4 nĩ1xõ1õ4 ya1 i4ỹõ24 ya1 ta1tĩ3 tã3 tũ4 ka1a3 xa3ndõ4 jĩ'4ĩ4 tã3 ta1 ya'1a3 ba'1a3 i4chi3 kũ4ũ4 ka4chỹã24 so'3o3 jĩ'4ĩ4ra2
ja143 ndi13kĩ'3ĩ3ra2 *guitarra** tã3 kwã'1ã1 ba3rũ4 jĩ'4ĩ4ra3 kwã'1ã1ra1 sa3kã4 kwã'1ã1ra1 sa3kã4 ka4nĩ3 so4ko1ra1 *guitarra** kwã'1ã1ra1 i3chi4 kwã'1ã1ra1 tã3
nĩ1 ndi4kũ2ra1 ja1ta4 nã1 ya3nĩ2ra1 ndi4 xi4ka3 xi4ka3 xi4ka3 ndi4kũ2ra1 ja1ta4 nã1 ñã1ã4 kwã'1ã1nã1 nĩ1xa1a1 ba3nã2 mĩ4ĩ4 kwã'1ã1nã1 chi1 xa1a1nã1 ñũ3ũ2 mĩ4ĩ4 kwã'1ã1nã1
tã3 *palacio** mĩ4ĩ4 i4ndwa'3ã4 si1si'4i2 *rey** mĩ4ĩ4 kwã'1ã1nã1 kã4 ndi4 su4kũ1 nã'14ã2 *palacio**
nde3e4 nĩ1ke3e3 nã1 u1bi1 ñã1ã4 jĩ'4ĩ4 kwa4yu2 ta1 nũ14ũ3 kwã'1ã1 nda13a3ra2 jĩ'4ĩ4 kwa4yu2 ndi4
nda143 sa3kã4 ti4 tã3 xa4a1ra1 mĩ4ĩ4 i4ndu'3u4 ñã4 si1si'4i2 *rey** nda143 xi4ka3 si4ti24 ti4 kwa4yu2 nĩ1ku3ya3tĩ3 i4chi3ra2 nw̃ã14ã4 tã3 nda13xo4ko1o3ri4 tã3 kwã'1ã1ri4 ñũ'3ũ4
i3kã4 nde4ta3 nã1 nda4chi4ñũ3 ka4chi2nã1 jĩ'4ĩ4ra2 ndi4 ka4chi2 ta1 ta1 bi4ka3 so'3o3 ndi4 nda3kĩ'3ĩ3ndo4 ta1 ñã1ã4 nã4 kũ'1ũ1ra1 be'3e3 ka3a2 a1chi1 ndi4 nĩ14ko3chũ3ra2
ñã1ã4 i4ndu'3u4 ta1 bi4ka3 *rey** si1si'4i2 ta1 jĩ'4ĩ4 si1si'4i2 ñã4 ñã4 i4ndu'3u4 kã4
i3kã4 ndi13kĩ'3ĩ3nã2ra1 ta1 nĩ14ko3chũ3 ñã1ã4 tã3 kwã'1ã1ra1 be'3e3 ka3a2 ba3 ndi13kĩ'3ĩ3 nã1 nda4chi4ñũ3ra2 tã3 kwã'1ã1ra1 be'3e3 ka3a2
ka'4nũ3lu3 be'3e3 ka3a2 nĩ1tĩ3ĩ3 ta1 ta1 *rey** kã4 nda4kũ'1ũ3 nã1 ba143 ko4chũ3 nda3kĩ'3ĩ3 si1si'4i2ra1
kwã'1ã1ra1 be'3e3 ka3a2 kã4 ba3 i3kã4 nda143 i3nda14ra2 nĩ1ndo1o3 tu3ku3 ba3 ta1 kã4 sa13ka4nã3ra2 kwa4yu2 kwã'1ã1ri4 ndi4 nde3e4lu3 kwã'1ã1ri4
xa1a1 nda1a1 i4chi3 ta1 kã4 mĩ4ĩ4 i4ndwa'3ã4 tĩ13ĩ3ra2 nde'3ẽ4 tã3 ya1 tã3 chi3ndu'4u4ra2ñã4 nũ14ũ3 ta3yu2 kwa4yu2 nĩ14ko3chũ3 ndi4 sa13ñã4ra2 nde'3ẽ4 nda13ndi3ko4 tu3ku3 ba3 kwa4yu2 nda1 ñũ'3ũ4 nda143 xi4ka3 si4ti24ri4 nda13xi1nũ1ri4 ñũ'3ũ4
tu3ku3 ba3 ta1 kã4 ndi13kĩ'3ĩ3 nã1 nda4chi4ñũ3 kwã'1ã1 ba3ra2 be'3e3 ka3a2 ji1nũ3 u1bi1 ba3nã2 kwã'1ã1 jĩ'4ĩ4
jĩ'4ĩ4 ta1 ka4nĩ24 ka'3a4 kwã'1ã1nã1 be'3e3 ka3a2 ya3nĩ2ra1 ku4u4 nã1 kã4 ndi3sa4bi1nã1 sa3kã4 kwã'1ã1nã1 be'3e3 ka3a2 nĩ1ku3ñũ3ũ42 ji14nĩ2ra1 mĩ4ĩ4 ku1sũ1ra1
ndi4 nda13kĩ'3ĩ3ra2 *guitarra** tã3 kwã'1ã1ra1 mã14ñũ2 ba3 mã14ñũ2 ndi13kĩ'3ĩ3ra2 kwã'1ã1ra1
nĩ1ki3xa3a4 ba3ra2 ndi4 a4su3 kẽ'4ẽ24 yo'4o4 ndi4 ki1bi4 ta13xỹã4rũ4 nde'3e4 ndi4 ya1kã3 ja1 ji4nĩ2 mĩ3ĩ4 ba3 ywe'3e4 ka3te2 tã3 ja1 ji4nĩ2 mĩ3ĩ4 be4 xa3nde4 ka4chỹã24 so'3o3 tã3 bi3tĩ3 sa3kã4 ku3ndyo24 kã'4ã4ra3
nĩ1kĩ'3ĩ3ra2 *guitarra** tã3 ki13xa3a4ra2 xa4nda4ra2 i4ndu'3u4ra2 mã14ñũ2 ndi4 la3tũ4lu3 xa4nda4ra2 i4ndu'3u4ra2 kã4
i4ndu'3u4ra2 ka4i2 xa4nda4ra2 xa4nda4ra2 i3kã4 ji13nĩ3 so'1o3 bẽ4 si1si'4i2 *rey** ndi4 ta1 xa4nda4nĩ42 ku4u4ra3
la3tũ4nĩ42 xa4nda4ra2 i3kã4 ka4chỹã24 jĩ'4ĩ4 nã1 nde4e4 jỹã'4ã4 ndi4
kwã'4ã2ndo4 kũ'1ũ1 ndi1kĩ'1ĩ3ndo4 ta1 i4ndu'3u4 kã4 ndi4 ta1 kã4 ku4u4 ta1 nĩ1ku3si1i4 i3nĩ2yu1 ku3ndu'4u4 jĩ'4ĩ2 tĩ3 ndi4 la3tũ4 nã3kwi42 xa4nda4ra2 ka4chỹã24 ke13e3 nã1 nda4chi4ñũ3 jã'1ã1 ndi1kĩ'1ĩ3nã2 ta1 kã4
ndi4 ko'4o1 ji1nĩ4ra2 ndi4 ko'4o1lu3 ji1nĩ4ra2 ta'4nda1 tyo1to1ra1
nda'4bi2lu3 ka4a4ra2 i4ndu'3u4ra2 ji4ta3ra2 ka4i2 kã4 ta1 kã4 nĩ1ku3si1i4 i3nỹã24
ke13e3nã2 jã'1ã1 nda1kĩ'1ĩ3nã2 ta1 kã4 nĩ1ki3xa2a2ra1 tĩ3 i3kã4 ja143 ka4chi2 ba3 *rey** jĩ'4ĩ4
xĩ'4ĩ4 nã1 nda4chi4ñũ3 kã4 ndi4 kwã'4ã2ndo4 jĩ'4ĩ4ra2 nã4 ku3chi3ra2 tã3 sa3kã4 ndi4 xa14ta2ndo4 ji1nĩ4ra3 nã4 ke3e3 ji1nĩ4ra2 ndu3ba'1a3ra2 sa3kã4 ndi4 ku3ndu'4u4ra2 jĩ'4ĩ4 si1si'4i2yu1 ndi4
ta1 ka1a3 ku4u4 ta1 nĩ1ku3si1i4 i3nỹã24 tã42 i4yo2 nã1 nã1 ba'1a3 ĩ4ĩ4 ba1xi3 ku3ndu'4u4 jỹã'4ã4 ndi4 ba14ja4 nĩ4ku3chũ3 nã1 kã4 ndi3kĩ'3ĩ3nã2ñã4 ndi4 ta1
nda'4bi2 ka4a4 ku4u4 ta1 nĩ1ku3si1i4 i3nỹã24 la3tũ4 xa4nda4ra2 ku13si1i4 i3nỹã24ra2 tã3 bi3tĩ3 ndi4
kwã'4ã2ndo4 sa3kã4 ndi4 jĩ'4ĩ4ra2 nã4 ke3e3 ji1nĩ4ra2 sa3kã4 ndu3ba'1a3ra2 sa3kã4 ndi4 ñã1ã4 ko3to3ndo4 nda4a2 *pantalón** ba42 ndu3ndi3xi3ra2 tã3
nã4 ke3e3 tyo1to1 ta'4nda1 ñã1ã4 ko3kwa2 ka4chi2 ta1 *rey** so'3o3 ja'13nda2ra1 chi3ñũ3
i3kã4 tĩ3 nĩ1 ndi13kĩ'3ĩ3nã2 ta1 kã4 nĩ1xa14ta2nã1 ji1nĩ4ra2 ndi'13i3 ke13e3 ji1nĩ4ra2 tĩ3 tã3
kwã'4ã2ndo4 jĩ'4ĩ4ra2 nã4 ku3chi3ra3 tu3ku3 xỹã4ã4 nda13ya'1a3ra2 kwã'1ã1ra1 chi13chi3ra2 ba1ba'1a3 i13xa3nã3
bi3tĩ3 ndi4 ñã1ã4 kũ'1ũ1ndo4 jĩ'4ĩ4ra2 mĩ4ĩ4 nde4e4 tyo1to1 xa14a3 ñã1ã4 nã4 nda3nã3mã3ra2 tyo1to1ra1 nã4 ke3e3 tyo1to1 ta'4nda1 ñã1ã4 tã3 ko3kwa3
ja143 ka4chi2nã1 jĩ'4ĩ4ra2 i3kã4 ndi13kĩ'3ĩ3nã2ra1 kwã'1ã1ra1 mĩ4ĩ4 i4yo2 tyo1to1 kã4 ta13ba4nã2 ya1kã3 *pantalón** xa14a3 nda1 *camisa** xa14a3 ndu13ndi3xi3ra3
i3kã4 kã'4ã2nã1 jĩ'4ĩ4ra2 ndi4 chi3ndu'4u4ndo4 ñũ'3ũ2 ka'3a4 tyo1to1ra1 tĩ3 nã4 ko3kwa2 ndi4 nda3si4 nã3kwi42 ỹã4ã2 nda143 nda4a4 nda4a4 ti4 ỹã4ã3
kwi14i3 ku3ndu'4u4 ñũ'3ũ2 ke'3e42 ka1a3 ko3kwa2 ndi4 ya1 ndi4xi2 ja4chi4ñũ2 ba42 ka1a3 tã3 yo'4o4 nĩ1ki3xa2a2yu1 ndi4
chi3ñũ3 i4xa2 mĩ4ĩ4 nĩ1ke3e2 kã4 ndi4 kwi14i3 ndo3ko3o4 nda'3a42ya1 ndi4 ta1 ka3ja3 chỹũ4ũ4 ku4u4 ba2 nĩ1ki3xa2a2yu1 yo'4o4
tã3 tyo1to1 ta'4nda1 ka1a3 ndi4 ya1 ku4nỹã2 ba42 jĩ'4ĩ2 ku3ndi3xi2 o4ra2 kw̃ĩ'1ĩ1 ka3ja3 chỹũ4ũ2 tã3
tã3 ko3ko3 twa2 ndi4 kwi14i3 ko3kwa3 nã4 ndo1o3 nẽ'3ẽ2 ko3ndya3a2 ñã1ã4 ndi4 ya1 ja4chỹũ4ũ4 jĩ'4ĩ4 mĩ3ĩ4 ba3 yu'1u1 ba42 ka4chi2ra1 so'3o3
ya1 kã4 ndu13xa14a3 ba3ra2 tã3 ndi13kwi3so3nã2 tyo1to1 ta'4nda1 kã4 jã'1ã1 ta3nde3e3nã2 ja14xi1be'4e4 kã4
i3kã4 tã3 ka4chi2 ba3 *rey** so'3o3 ndi4 be'3e3 ndi4chi2 ñã1ã4 ba42 ki4ji3 ndo1o3 jỹũ'4ũ4 jĩ'4ĩ4 si1si'4i2yu1
be'3e3 ñã1ã4 nda4kwa'1a32 nda'3õ4 ku3ndwa'4ã4 ku3ndu'4ũ4 jỹã'4ã4 tã3 *tienda** ndi4chi2 kã4 ndi4 kwe4nda2ndo4 ba42 kã4
ya1kã3 *ranchu** kã4 i3tã2ã2 sa3kã4 ndi4 ya1kã3 ko'1o4 *ranchu** sa3kã4 ndi4 ndi3kỹũ'3ũ4 *ranchu** ya1 ko3ndo3 kwe4ndõ24 jĩ'4ĩ4 si1si'4i2yu1
ja143 nĩ1 nĩ1ki4tu3 tã3 ja143 nĩ1 ka4chi2 ta1 ta1 *rey** kã4 so'3o3 ndi4 bi3tĩ3 ndi4
nã1 chi4tu4 be'3e3 ka3a2 ndi4 yo'4o1 ku4u4 ta1 kã'1ã1 ã4 nã1 ku3u2 ku4u4nã2 ã4 nã1 ku1nũ'1ũ4 ku4u4nã2 ndi4 yo'4o1 ku4u4 ta1 kã'1ã1
ja1 nda'3a4 yo'4o1 kwa4a2 i4yo2nã1 tĩ3 i3kã4 ja143 nĩ1ndi3kwi3so3 ba3ra2 nã1 ñũ'4ũ4 be'3e3 ka3a2
sa1ñã4 ba3nã2 kũ'1ũ1nã1 a1chi1 ndi4 ka1a3 ba1xi3 u1bi1nã1 ya3nĩ2yu1 Ba'1a3 nã4tu2 sa3kã4 Ja'13nda2ra1 chi3ñũ3 nũ14ũ3 nã1 nda4chi4ñũ3 Bi3tĩ3ndi4 yo'4o1 ku4u4 ta1 nĩ'4ĩ4 *cuenta** jĩ'4ĩ4nã3
ja'13nda2ra1 chi3ñũ3 nũ14ũ3 nã1 nda4chi4ñũ3 jã'1ã1 nda1kwi1so3nã2 nã1 ñũ'4ũ4 be'3e3 ka3a2
ta13ba4nã2 nã1 kã4 tu3ku3nã2 tu3ku3nã2 nda13a3nã2 kwa4yu2 ja1nã1nã1 ndi4 nda143 ndu'4u14 nda3a2 kwa4yu2 kwã'1ã1ri4 ka4nĩ'1ĩ3ri4 ja1 nĩ1xi'1i1 ba3 nde4e4 ba143 i4yo2 ba'1a3 i3nĩ2ri4
nda13nde3e3 ndi'3i3 nã1 ñũ'4ũ4 be'3e3 ka3a2 kwã'1ã1nã1 i3kã4 nĩ1ndo1o3 ba3ra2 jĩ'4ĩ4 si1si'4i2 *rey** tã3 nĩ1ki4tu3 tã3 ja143 ka4chi2 ta1 kã4 jĩ'4ĩ4ra2 ndi4 ko'1o4 tã3 sa3kã4 ndi4 kũ'1ũ1 ko1twe4 *ranchu**
ya1 ki3xi3 ndo1õ4 yo'4o1 ku4u4 ta1 ki4xi3 ndo1o3 jĩ'4ĩ4 *ranchu**yu1
Ba'1a3 ba3 Ndi13kĩ'3ĩ3nã2 kwã'1ã1nã1 xa1a1nã1 kã4 nda13kwa'1a3ra2 *ranchu** nda13kwa'1a3ra2 *tienda** nda13kwa'1a3ra2 be'3e3 ku3ndu'4u4 ta1 kã4 nda13kwa'1a3ra3
bi3tĩ3 ndi4 ja1 i4yo2 ba'1a3 ya1 ka1a3 ba42 ki4ji3 ndo1o3 jỹũ'4ũ4 tã3 ku3ndu'4ũ4 jĩ'4ĩ4 se'1e32 ndi4 yo'4o1 ku4u4 ta1 ndu13tã'3ã2 i3nỹã24 ku3ndu'4u4 jỹã'4ã4 tã3 yo'4o1 ku4u4 ta1 ku3ndu'4u4 jĩ'4ĩ4 bẽ4 ka4chi2ra1 jĩ'4ĩ4 ta1 kã4 Ba'1a3 ba3
i3kã4 ja143 nĩ1ndo1o3 ba3ra2 jỹã'4ã4 kã4 ja143 ka4chỹã24 jĩ'4ĩ4ra2 ndi4
yo'4o4 ko3o3 ba3 yo4o4 tã3 kũ'1ũ4 ndi4 *tienda** kã4 ti4 kõ3õ4 ka'3ndõ24 chi3ñũ3 nũ14ũ3 nã1 ja4chỹũ4ũ4 kã4 nã4 xi14ko3nã2
ku3ndu'4u4 tỹũ4 ka'3ndõ24 chi3ñũ3 ka4chỹã24 jĩ'4ĩ4ra2 chi1 ndi4 ba14ja4 kã4ã13 i4chi2 ku3ndu'4u2 ndi4 ba14ja4 i4ndu'3u42 mĩ4ĩ4 nĩ1ki3xi2 ndi4 yu'1u1 ndi4 ta1 ja4chỹũ4ũ4nĩ42 ku4u2 mĩ4ĩ4 nĩ1ki3xi2
tã3 yo'4o4 ndi4 ba14ja4 kã4ã13 yu'1u1 ku3ndu'4u2 ndi4 ta1 ka3ja3 chỹũ4ũ4 ku4u2 ku4nĩ2yu1 ka4chi2ra1 so'3o3 chi2
tã3 ya3tĩ3 i4yo2 ta1 ta1 i4yo2 *hacienda** i4xa3 tu3ku3 i4yo2 tũ4 tũ4 *manzana** i4yo2 tũ4 la4xa2 i4yo2 tũ4 ndi3sa4ku4u4 nũ14ũ3 tũ4 ta3ta2 i4yo2 i4xa3ra3
tã3 i3kã4 kũ'1ũ1ra1 ndu3ku4ra2 chi3ñũ3 ja3chỹũ4ũ4ra2 ku4nĩ2ra1
nĩ1xa1a1ra1 kã'4ã2ra1 jĩ'4ĩ4 ta1 bi4ka3 kã4 ndi4 An4 kwi14i3 nã4 ka3ja3 chỹũ4ũ2 jỹũ'4ũ4 *señor** Ndi4 ta1 ku4nĩ2 ja3chỹũ4ũ4 ku4u4 tã'3ã2yu1
yo'4o4 nĩ1ki3xa2a2yu1 ndi4 nĩ1nĩ'1ĩ4 be2 nĩ1nĩ'1ĩ42 ndi4 ya1 ja1 nĩ1nĩ'1ĩ42 ndi4 ya1 ja1 nĩ1nĩ'1ĩ42 ba42 kã4
tã3 bi3tĩ3 ndi4 ta1 ka3ja3 chỹũ4ũ4 ku4u2 ku4nĩ2yu1 An3 ba'1a3 nã4tu2 kã4 kwã'4õ24 tã3 ki3xỹũ4 i3tã2ã2
ndi4 *cinco** tã3 ja1 ndi4chỹũ24 yo'4o4 ya1kã3 ka3ja3 chỹũ4ũ4 jĩ'4ĩ2
tã3 ja1 nĩ1ki3xa2a2 is1ta4 jỹũ'4ũ4 ku3xỹũ4 a1chi1 ndi4 nã1 ki4xa2a2 yo'4o4 nã1 ja4chỹũ4ũ4 jĩ'4ĩ2 yo'4o4 ndi4 lu14u3 nã1 chi4tu4 ja4chỹũ4ũ4 yo'4o4 ndi4 *cinco** ki4xa2a2nã1 tã3
is1ta4 ja1 i4yo2 ba'1a3 ku3xi3nã3 ndi4 ya1 ja1 ba1xi3 ba42 jĩ'4ĩ4nã2 ta1nda3a2 o4ra2 ku3xi3nã2 jo4nde1e3nã2 xi4xi3nã2 tã3 ndi'4i4 tã3 kwã'1ã1 ki'1bi3nã2 ja4chỹũ4ũ4 tu3ku3 ba3nã3
ja4chỹũ4ũ4nã2 is1tã1ã1 tã3 ta1nda1 ke4ta13 ñũ'1ũ3 ndu3bi4 nĩ4ĩ4 nda1 kwa3a4 ja4chỹũ4ũ4nã2 jĩ'4ĩ2 ndi4 sa3kã4 ja4chỹũ4ũ4 ba3ndu3
tã3 nã4 ko3nde3e4 i3nỹũ24 ja3chỹũ4ũ4 jĩ'4ĩ4ndu2 ndi4 ndu3bi4 nĩ4ĩ4 ta1nda1 kwa4a24 ke4ta13 ñũ'1ũ3 ja4chỹũ4ũ4ndu3 *seis** tã3 nda1 *seis** tu3ku3 sa3kã4 ke4ta13 ke4e4nã3
nã4tu2 nã4 ku4nỹũ24 sa3kã4 tã3 sa3kã4 ka3ja3 chwe4e4 nã4tu2 ku14nĩ2 tũ4 tã3 ndi4 ko14o3 kwa1chi3 jỹã'4ã2 ndi4 yu'1u1 ndi4
nã1 ta4tu2 ja4chỹũ4ũ4 jĩ'4ĩ2 ndi4 nã1 ko4nde3e4 i3nĩ2 ku4u4 nã1 ka1a3 ja4chỹũ4ũ4nã2 jĩ'4ĩ2 ya1 kã4 ndi4 ja4chỹũ4ũ4nã3
ndi4 kwa4a24nĩ42 ja4chỹũ4ũ4 yu'1u1 ka4chi2ra1 ka4chi2 ta1 bi4ka3 Ba'1a3 ba3 nã4tu2 sa3kã4 ka3ja3 chỹũ4ũ4 ba3 yu'1u1 jỹũ'4ũ4
ka3ja3 chỹũ4ũ4 ba3 yu'1u1 jỹũ'4ũ4 nã4tu2 nã4 sa3kã4 ndi4 ka3ja3 chỹũ4ũ2 jỹũ'4ũ4
kwã'4õ24 tã3 sa3kã4 ki3xỹũ4 i3tã2ã2 *cinco** ki3xõ2õ4 tã3 sa3kã4 ndi4 ki3xe3e4 ka3ja3 chwe4e4 Ba'1a3 ba3 ka4chi2ra1
*cinco** tã3 ndo13ko1o3ra2 tã3 sa3kã4 ndi4 ndu13ndi3xi3ra2 tyo1to1 ta'4nda1ra1 tã3 ndi13kĩ'3ĩ3ra2 kwã'1ã1 ba3ra3
ta'4nda1lu3 tyo1to1ra1 ndi4 si1ki4 ko1ndo1ra1 ka1a3 ti4 ka4ndu'3u4 *chor** ndi4 ta'4nda1lwa2 *camisa** ta'4nda1 ndu13ndi3xi3ra3
tã3 ya1 nĩ1ta3xi3 *rey** ta1 ko4ndo3 si1so3ra2 nda'3a4ra2 ndi4 *pantalón** ba'1a3 ba42 kã4
ya1kã3 *camisa** ba'1a3 *zapatu** xa14a3 i4chi3 ta13xi3 ta1 kã4 nda'3a4ra2 nĩ1ndo3ko3o4 ba3re2 kã4 tã3 ndi13kĩ'3ĩ3ra2 ndu13ndi3xi3ra2 tyo1to1 ta'4nda1 tã3 kwã'1ã1ra1
nĩ1xa1a1ra1 kã4 ya1ta4 ki3xi3 jỹũ'4ũ4 ndi4 jĩ'4ĩ4 ya1ta4 ja4chỹũ4ũ4ndu2 xa'1a4 tũ4 ka1a3
ja143 nĩ1ndu3ku4ra2 ya1ta4 tã3 nĩ1ka3nĩ3 so4ko1re1 tã3 kwã'1ã1ra1 nĩ1ta1nda3a2 *cinco** xa1a1ra1 kã4
ja143 ki13xa2a2ra1 ki13xa3a4 ba3nã2 ja4chỹũ4ũ4nã2 ja4chỹũ4ũ4nã2 ja4chỹũ4ũ4nã2 ja143 nĩ1xa1a1 *rey** kã'4ã2 ta1 kã4 jĩ'4ĩ4ra3
tã3 ko14o3 tu3 is1ta4 ba1xi3 jĩ'4ĩ4 tũ4 tã3 ta1 ka3ja3 chỹũ4ũ4 ndu3bi4 kwe4e4 a4chu3 ke4e2 ku4u4 tũ4 sa3kã4 tã3 nĩ1kẽ'1ẽ1 jỹũ'4ũ4 i3ku3 ndi4 is1ta4 ki3xi3 jỹũ'4ũ4
ndi4 yo4o4 ka3ja3 chỹũ4ũ4 ndu3bi4 kwe4e4 su14u3 ĩ3ka4nĩ24 ja3chwe4e4 ndi4 yo4o4 ka3ja3 chỹũ4ũ4 kwe4e4 nda1 ke1ta3 ñũ'1ũ3 sa3kã4 ndi4 ku1nũ'1ũ4 tã3 ke4e2 ku4u4 tũ4 sa3kã4 ndi4 ko14o3 is1ta4 ba1xi3 jỹũ'4ũ4
ndi'14i13 i3nĩ2 yo'4o1 *señor rey** nã4 ka3chi2 jỹũ'4ũ4 ndi4
si1si'4i2 *rey** kw̃ã4ã4 i4yo2 jĩ'4ĩ4 yu'1u1 tã3 ba14ja4 nĩ4ku3nẽ'1ẽ4 chi3ndwa'4ã4 is1ta4 ndi4 i4yo2nĩ42 chi3ñũ3 i4xẽ4 ya1 kã4 ndi4 ba143 nĩ4ku3nẽ'1ẽ4 chi3ndwa'4ã4 is1ta4 tã3
ya1kã3 ñã4 ki3xi3 bã4 ki3xi3 nda3kẽ4 is1ta4 ku3xi2 ndi4 *tren** ki3xi3 jỹã'4ã4 nã1 ja4chỹũ4ũ4 nũ14ũ3 yu3bẽ4 tã42 i4yo2 nã1 ja4chỹũ4ũ4 nũ14ũ3nã2 ndi4 nã1 ki3xa2a2 ku4u4 nã1 kã4 jỹã'4ã4
ĩ3ka4nĩ24 ndi4 nã1 ki3xi3 ku4u4 nã1 kã4 ndi4 nda1 ta1nda3a2 *las diez** sa3kã4 ki3xa2a2nã1
sa3kã4 ndi4 ki3xa2a2nã1 jĩ'4ĩ4 ya1 ku3xi3 yu'1u1 ndi'14i13 i3nỹũ24 ku4u4 yu'1u1 ndi4 ta1 ja3chỹũ4ũ4 ku4u4 ba3 yu'1u1 tã3 ta1nda3a2 o4ra2 kã4 sa3kã4 ku3xi3 yu'1u1
tã3 nã4tu2 nã4 nĩ14ki3xa2a2 si1si'4i2 *rey** ki3xi3 nda3kẽ4 is1ta4 ku3xỹũ4 ndi4 u1xa1 *balazu** kwe4ndõ24 a1chi1 ndi4 ja1 nĩ1nda14yu2 yo'4o1 ndi4 ya1 ki3xi3 ba42 ku3xỹũ4 tã3
nde4e2 ba42 si1si'4i2 *rey** ko3o3 jĩ'4ĩ4 yo'4o1 ba143 kõ4õ4 ku3ndu'4u4 si1si'4i2 *rey** jỹũ'4ũ4 nda'4bi2nĩ42 kõ4õ4 ka4chi2 ta1 bi4ka3 jĩ'4ĩ4ra3
nda4a2 tu3 si1si'4i2 *rey** ku3ndu'4u4 tu3 jĩ'4ĩ4 yo'4o1 nda'4bi2nĩ42 kõ4õ4 ba14ja4 kõ4õ4 ki3tã'4õ4 jĩ'4ĩ4 si1si'4i2 *rey**
tã3 ja4nĩ3nỹũ24 ndi4 si1si'4i2 *rey** ki3xi3 nda3ka3 is1ta4 ku3xỹũ4
nã4tu2 nĩ14ki3xẽ2ẽ4 tã3 nĩ1ta1nda3a2 *la diez** ko14o3 ñã4 nĩ4ki3xa2a2 ũ4 u1xa1 *balazu** kwe4ndõ24 ya1 kã4 ba42 nda3twe'4e4 tĩ3
tã3 nã4tu2 nã4 nĩ1ki3xa2a2 ñã4 si1si'4i2 *rey** ũ4 kwe4ndõ24 ku4u4 ndi'3i3 *hacienda** yo'4o4 tã42 i4ywa2 mĩ4ĩ4 ja4chi4nywe4 yo'4o4 tã3 *ranchu** ba43
u1xa1 *ranchu** ba42 i4yo2 i4xa3 yu'1u1 tã3 u1xa1 sa3kẽ42 ndi4 kwe4ndõ24 ba42 tã3 sa3kã4 be'3e3 ndi4 kwe4ndõ24 ba42 kã4
tã42 i4yo2 ya1 i4yo2 i4xa2 ndi4 kwe4ndõ24 ku4u4 ndya'3a3 nã4tu2 nĩ1ko3chũ4 ndi4 nĩ1ki3xa2a2 si1si'4i2 *rey** ki3xi3 nda3kẽ4 is1ta4 ku3xỹũ4
ndi4 kwe4ndõ24 ku4u4 ndi'3i3 ñã1 ku4u4 ya1 i4yo2 i4xa3 yu'1u1 ka4chi2 ba3 ta1 bi4ka3 jĩ'4ĩ4ra3
Ba'1a3 nã4tu2 sa3kã4 Tã3 nã4tu2 nĩ1ki3xẽ2ẽ4 ũ4 kwe4ndõ24 ba42 tã3 kw̃ã14ã4 nĩ4ki3xa2a2 tã3 nĩ1ya'1a3 lu3chi'4i2 ti4 *las die** ũ4 kwe4ndõ24 ku4u4 u1xa1 *balazu**
ya1 kã4 ku4u4 kwe4ndõ24 nã4tu2 nã4 nĩ14ki3xe2e2 a1chi1 ndi4 ko14o3 xũ'14ũ4 cha'3bỹũ4 yu'1u1 tã3 yu'1u1 ndi4 ya1 ko4ndo3 ñã'1ã3 yu'1u1 ya1 kã4 ba42 a3sa3 *apostar** yo4o4 bi3tĩ3 ka4chi2ra1
Ba'1a3 ba3
ja143 chi4tu4nã2 ja4chỹũ4ũ4nã2 ja4chỹũ4ũ4nã2 sa3kã4 ta1nda3a2 ba3 *las diez** tã3 nĩ1nĩ'1ĩ3 *a la die en punto** tã3 nĩ1xa1a1 ba3 ya1kã3
*tren** ndi4 lu14u3nã2 chi4tu4 ti1xĩ3 tũ4 ñã1ã4 nĩ1xa1a1rũ4 nda143 ka4xã4 ti4 ku4u4 nĩ1 sa4nũ3ũ3 nã1 ñã1ã4 ya1 ku3xi3 ta1 ñã1ã4 ta1 mĩ3tu4nda24 ñã1ã4 ndi4 lu14u3 ya1 nĩ1xa1a1 ku3xi3ra2 chi1
kwa1nũ3ũ3 *mesa** ba3 kwa1nũ3ũ3 ta3yu2 ba3 kwa1nũ3ũ3 ta1kwi42 bi1xi1 ba3 kwa1nũ3ũ3 ya1 ku3xi3nã2 ndi4 lu14u3 ñã'1ã3 sa14nw̃ã3ã4 ñã1ã4 tã3
xa14a3 ja13nde3ta3nã2 *mesa** tã3 ja143 nĩ1ndu3kwe3ta3 ndi'3i3 ñã'1ã3 nũ14ũ3rũ4 ku3xi3nã3
ke13e3ra2 jã'1ã1 kã'1ã1ra1 jĩ'4ĩ4 *rey señor rey** nã'3õ24 nã4 ko'1o4 ku3xyo4 ndi4 ta1 ku3xi3 ku4u2 ta1 ja1 ku3xi3 ku4u2 nã4 ko'1o4 tã3 sa3kã4 ndi4 ku3xyo4
i1xa14a3 i4yo2 ba3 *rey** ya1 ta1tĩ3 ndi4 su14u3 ta1 ka'3nĩ4 ku4u4ra2 ta1 kã4 ndi4 nĩ1ki3xa2a2 ja3 ba3 ñã'1ã3 ñã1ã4
nĩ1ki3xa2a2 ñã'1ã3 jĩ'4ĩ4nã2 jỹã'4ã4 ku3xi3nã2 ba143 nĩ4xĩ3ĩ3ra2 kũ'1ũ1ra1 ku3xi3ra2 ba143 nĩ4xĩ3ĩ3ra2 ndi4 i4yo2lu3re2 ta1tĩ3
bi3tĩ3 ndi4 ya1kã3 ba'1a3 ndi4 nĩ1ki3xẽ2ẽ4 ñã4 ke'4e24 xa'1a4 ki3xa2a2 tã3 kwe4ndõ24 ku4u4 ndya'3a2 yo'4o4 ñã1ã4 ki4xi3 ndo1õ4 jỹã'4ã2 ndi4
yo'4o4 i4ndu'3u4 xũ'14ũ4 ya1 cha'3bỹũ4 nã1 ta4tu2 ka1a3 kwe4ndõ24 ku4u4 ndi'3i3 xũ'14ũ4 yo'4o4
yo'4o4 i4ndwa'3a42 tã42 i4ywa2 ya1 ku3ya'4bi3 nã1 ta4tu2 ka1a3 ndi4 yo'4o4 i4ndwa'3a43 ñã1ã4 ko3tõ4 sa1a3 a3sõ4 jĩ'4ĩ4nã2 cha'3bỹũ4nã2 ndi4 ja1 kwe4ndõ24 ba43
tĩ13ĩ3ra2 xũ'14ũ4 nda13kwa'1a3ra2 nda'3a4 ta1 kã4 tĩ3 nã4 ko'1o4 tã3 sa3kã4 ndi4 ya1kã3 be'3e3 sa3kã4 ndi4 nda3kwa'1a32 be'3e3 nda'3õ4 ko'1o4 *ranchu** ko'1o4
i3kã4 nĩ1ke3e3ra2 nĩ1xã'1ã1ra1 be'3e3 jĩ'4ĩ4 ta1 bi4ka3 kã4 nda3kwa'1a3 ta1 kã4 be'3e3 nda'3a4ra3
nda143 ñã4 si'4i2yu1 bã4 a3sã42 ba'1a3 jĩ'4ĩ2 ka3nĩ3 mã1nỹã42 yu'1u1 ka3nĩ3 mã1nỹũ4ñã4 yu'1u1 nã4 kw̃ã'1ã4 jĩ'4ĩ2 ndi4 nda143 ñã4 ka1a3 bã4 xi4kẽ1 nũ14ũ4
ja1 kwe4ndõ24 ku4u4 ndi'3i3 be2 tã3 ndi4 ñã4 si'4i2 ndi4 kw̃ã'1ã4 jĩ'4ĩ2
Ba'1a3 nã4tu2 sa3kã4 nã4 kw̃ã'1ã4 jỹũ'4ũ4 ndi4 ñã4 sỹũ'4ũ24 bã4
i3nda14 kwa4yu2 ja1nã1yu1 xi4kẽ1 nũ14ũ4 nda143 i3nda14 kwa4yu2 jĩ'4ĩ4 ñã4 si'4i2 ti4ra2
ka3nĩ3 mã1nỹũ4lu3 yu'1u1 lu3u3 xũ'14ũ4 kũ'1ũ1 jĩ'4ĩ2 a1chi1 ndi4 ku3ta3ku2yu1 mĩ4ĩ4 kw̃ĩ'1ĩ1 a1chi1 ndi4 ta1 ja1 kwã'1ã1 ku4u2
ya1 ku4u4 kwe4nda2yu1 ya1 i4yo2 ndi4 ya1kã3 ka1a3 nĩ1ndo1o3 ndya'3a2 jỹũ'4ũ4 kwe4ndõ24 ku4u4 ndya'3a2 ka1a3 tĩ3
a1chi1 ndi4 ja1 nĩ1 nĩ1ke3te2 ba42 kã'4õ24 ndi4 si1si'4i2 *rey** bã4 ñã4
ki3xa2a2 ki3xi3 nda3ka3 is1ta4 ku3xỹũ4 tã3 nĩ1ki3xa2a2 ja3 bẽ4 kã4 bi3tĩ3 ndi4 kwe4ndõ24 ku4u4 ndya'3a2 tĩ3 tũ'1ũ3 nda13tũ'4ũ4 yu'1u1 ndi4 kwi14i3 nda1ta4 yu'1u1 ndi4 ja1 i4yo2 ba'1a3 jỹã'4ã3
ja1 kwe4nda2 yo'4o1 ku4u4 ndi'3i3 be2 tĩ3 nda143 ya1 yo'4o4 ba42 xi4kẽ1 nũ14ũ4 ndi4 ñã4 si'4i2yu1 ka3nĩ3 mã1nỹũ4ñã4 yu'1u1 tã3 kwa4yu2 ja1nẽ1 ka3nĩ3 mã1nỹũ4ri4 yu'1u1
tã3 ka3nĩ3 mã1nỹũ4 lu3u3 xũ'14ũ4 kũ'1ũ1 jĩ'4ĩ2 ba'1a3 ba3 i3kã4 nĩ1kĩ'3ĩ3 ta1 kã4 lu3u3 xũ'14ũ4 ta13xi3 ta1 kã4 nda'3a4ra3 kĩ'13ĩ3 ta1 bi4ka3 kwã'1ã1 ba3ra2 nda3 nda13a3ra2 kwa4yu2 nda13ka3ka3ra2 ñã4 si'4i2ra1 tã3 kwã'1ã1 ba3ra3
i3kã4 nĩ1ke3e3nã2 jã'1ã1 nda3kwa'1a3ra2 *ranchu** nda13kwa'1a3ra2 tã42 i4ywa2 nda'3a4 ta1 kã4 tĩ3 tã3 ndi13kĩ'3ĩ3ra2 kwã'1ã1 ba3ra2 chi1 kwã'1ã1 ba3 ta1 kã4
kwã'1ã1 ba3 ta1 bi4ka3 tĩ3 ja143 nĩ1ndo1o3ra2 jỹã'4ã2 kã4 tã3 tã3 i3kã4 i1xa43 nĩ1
nda13xa2a2ra1 be'3e3 tã3 nĩ1ke3e3ra2 jã'1ã1 nda3tũ'4ũ4ra2 jĩ'4ĩ4 si1so3ra2 ndi4
ya1 nĩ1ke3ba'1a3nĩ42yu1 ndi4 ya1kã3 *ranchu** kwe4nda2 ta1 kã4 ndi4 kwe4nda2yu1 nĩ1ndo1o3 ndya'3a2 ka4chi2ra1 jĩ'4ĩ4 si1so3ra3
nde4e2 ba42 nda4ndu3kũ4 kwã'1õ4 ka3ja3 chi4ñũ4 *hijo** a1swa32 kã4 ndi4 ndo13ko3o4 ba'1a32 yo'4o1 i4yo2 *tienda** xi14ko3ndo4 i4yo2 ñã1ã4 nã3nỹã2 ñã1ã4 ku3ta3ku2ndo4 kwã'1ã1 tũ4 ka3ja3 chỹũ4ũ4 tũ4
ndi4 ta1 nĩ1ke3ba'1a3 ku4u2 ndi4 ya1 i4yo2 ndi4 ya1 ja1 i4yo2 ba42 kã4 ya1 ko14o3 ya1 kã4 jã'1ã1 ndu3ku42 ka4chi2ra1 jĩ'4ĩ4 si1so3ra2 ã4 ba'1a3 nã4tu2 sa3kã4
nã4 ko'1o4 tã3 sa3kã4 ndi4 ku3nỹũ24 ndi4 la3tũ4nĩ42 ka4a4 mĩ4ĩ4 nĩ1ki3ji3 ndo1o3 yu'1u1
nda3 ke13e3nã2 jã'1ã1nã1 *hacienda** ka'4nũ3lu3 *hacienda** chi4tu4 nã1 yu4bi24 ndi4 lu14u3 nã1 chi4tu4 kwe4nda2ra1 ku4u4 ndi'3i3 nã1 kã4
ke13e3ra2 jã'1ã1 ko1to1ra1 *ranchu** ka'4nũ3lu3 *ranchu** kwe4nda2ra1 ku4u4 ndya'3a2 kã4 ke13e3ra2 jã'1ã1 ko1to1ra1 *tienda** ka'4nũ3lu3 *tienda**
ndo3o3lwa2 nĩ1nĩ'1ĩ4ra2 ndi4 lu14u3 ñã'1ã3 nĩ1nĩ'1ĩ4ra3 kwe4nda2ra1 ku4u4 ndya'3a3 kwe4nda2ra1 ku4u4 ndya'3a2 kã4
i3kã4 ja143 ka4chi2 *rey** kã4 jĩ'4ĩ4ra2 ndi4 ba'1a3nĩ42 nĩ1kẽ3õ4 *hijo** ba'1a3nĩ42 *suerte**õ4 ndi4 ya1 nĩ1nda3nỹũ'1ũ4 ku4u4 ndya'3a3
bi3tĩ3 ndi4 ka1a3 ki4ji3 ndo1o3 bõ4 jỹã'4ã2 a1chi1 ndi4 ya1 nĩ1nỹũ'1ũ4 ba43 tã3 ya1 ku4u4 ya1 nĩ1xa'1a3 tu3 yu'1u1 nda'3õ4 ndi4 ka1a3 ndo4o13 be2 jỹũ'4ũ4 ya1 kwe4ndõ24 ku4u4 ndi'3i3 be2 a1chi1 ndi4 ya1 ja1 i4yo2 jỹũ'4ũ4 ba43 ka1a3 ki4ji3 ndo1o3 be2 jỹũ'4ũ4
*Yo me llamo** Maximino Meza Teodoro *Sesenta y cinco** Yoloxóchitl
nĩ1..., nã1 u1nĩ1, u1nĩ1 ku4u4 nã1 kã4 i4yo2 nã1 nũ14ũ3 yu3ba4nã2, ya1kã3,
ba143 ke4e4 i4chi3nã2 xi4ka3nã2 ndi4 a1su3 yu3ba4nã2 ku4u4 ta1 nĩ4nĩ2 ya1 ku4u4 ba3nã2 tã3 ku3xi3nã2 tã3 ka3xi4nã2 nde4e4nã2, i3kã4 ka4chi2 i3nda14 ta1 ja1nde1e4 so'3o3 ndi4
bi3tĩ3 ndi4, kũ'1ũ4 tã3 sa3kã4 ndi4 kũ'1ũ1 ta3tũ2ũ4 *tarraya**
ta3tũ2ũ4 *costa** tã3 sa3kã4 ndi4 kũ'1ũ1yu1 la3mã42 kũ'1ũ1 ndu3ku4 tã'3ã2ywa1 ku3xyo4 a1chi1 ndi4 ja1 sa14kwa'3nũ3ndo4 yu'1u1
ta1 ja1 xu13xa3 ku4u2 tã3 bi3tĩ3 ndi4 kũ'1ũ1 tã'3ã2yu1 kũ'1ũ1 ndu3ku42 ya1 ku3xi3ndo4
i13xa3ndwa42 mã1nĩ4 jĩ'4ĩ2 sa14kwa'3nũ3ndo4 yu'1u1 tã3 bi3tĩ3 ndi4 kũ'1ũ1yu1, kũ'1ũ1 ndu3ku42 ya1 ku3xi3ndo4 tã3 sa3kã4 ndi4 ki3xa2a2yu1
ka4chi2ra1 so'3o3 jĩ'4ĩ4 si'3i4ra2, ya1 kã4 nĩ1kỹã3ã4 ta4u3nĩ2 jã'1ã1 ta3tw̃ã2ã4 *costa** ta13tw̃ã2ã4 *tarraya** ta13tw̃ã2ã4 tya'3a2 kũ'3ũ3 ta1kwi42 ko'3o3ra3,
tã3 i3kã4 ka4chi2ra1 jỹã'4ã4 ndi4 chi3ndu'4ũ4 is1ta4 kũ'1ũ1 jĩ'4ĩ2
kwa'1a4 is1ta4 chi3ndu'4ũ4 kũ'1ũ1 jĩ'4ĩ2 ndi4 ta1 ja1 kũ'1ũ1 ku4u2
ya1kã3, la3mã42 kũ'1ũ1yu1 kũ'1ũ1 ko1twe1 ku3ndyo24 nã4 ke3ba'1a32 jĩ'4ĩ4 tya1ka4 ku3xyo4 ndi4
nda'4bi2ndo4 i13xa3ndwa42 mã1nĩ4 jĩ'4ĩ2 sa14kwa'3nũ3ndo4 yu'1u1 tã3 bi3tĩ3 ndi4 ta1 kũ'1ũ1 ku4u2 sa3kã4 ndi4 ndu3ku42 ya1 ku3xi3 tã'3ã2ndo4 jĩ'4ĩ4 i13xa3ndwa42 mã1nĩ4 jĩ'4ĩ2 sa14kwa'3nũ3ndo4 yu'1u1
i3kã4 tã3, nã4 ja1 i4yo2, ya1kã3, *costa** ya1 kũ'1ũ1 jĩ'4ĩ2 i4yo2 *tarraya** tya'3a2 tĩ3 ã4 ja1 i4yo2 nã3nỹã2. Ja1 i4yo2 be3.
kũ'1ũ4 nã4tu2 nã4 kã4 ndi4 ja1 i4ywa2, ja1 i4yo2 ndi'3i3 be3, ja1 i4yo2 *costa** ja1 i4yo2 *tarraya** ja1 i4yo2 tya'3a2
kũ'1ũ1 jỹũ'4ũ4 kũ'3ũ3 ta1kwi42 kõ'3õ4, i4yo2 tu3 is1ta4 ba3 kũ'1ũ1 jỹũ'4ũ4 ka4chi2 si'3i4ra2 jĩ'4ĩ4ra2, i3kã4 tã3 nĩ1nda3kwi3so3re2 kã4 tã3 kwã'1ã1 ba3ra3,
kwã'1ã1ra1 sa3kã4 kwã'1ã1ra1 sa3kã4, nĩ1xa1a1ra1 mĩ4ĩ4 nda4ta'1bi4 i3chi4 i3kã4 ndi4chi2 ta1,
i3kã4 ndi4chi2 ta1 nã'14ã1, ja143 ka4chi2 ta1 kã4 jĩ'4ĩ4ra2 ndi4
nda4a2 kwã'1õ4 yo'4o1 ndi4 ja1 kwa'1a4 tyem4pu2 xi4ka2 yo'4o4 tã3 ko14o3 yo'4o1 ji4nĩ2yu1, ko14o3 yo'4o1 ji4nĩ2yu1 ndi4
ya1kã3, yo'4o4 ndi4chi2yu1 [...], tã3 yo'4o1 ndi4 ko14o3 yo'4o1 ji4nĩ2yu1
nã4 ko'1o4 jĩ'4ĩ2 be'3e2 sa3kã4 ndi4 ka3nĩ3 mã1nĩ42 yo'4o1 ñã'1ã3
ba143 ba1xi3 yu'1u1 nĩ'1ĩ42 ñã'1ã3 ndi4 ta1 kwã'1ã1 la3mã42 ku4u2 ndi4 yu3ba42 ndi4 sa14kwa'3nũ3nã2 yu'1u1 i13xa3nẽ2 mã1nĩ4 jĩ'4ĩ2 sa14kwa'3nũ3nã2 yu'1u1 tã3
tã3, ya1kã3, kwã'1ã1yu1 ndu3ku42 ñã'1ã3 ku3xi3nã2 tã3 ku3ta3ku2nã1 a1chi1 ndi4
sa14kwa'3nũ3nã2 yu'1u1 i13xa3nẽ2 mã1nĩ4 jĩ'4ĩ2 sa14kwa'3nũ3nã2 yu'1u1 tã3 bi3tĩ3 ndi4 la3mã42 kwã'1ã1yu1, kwã'1ã1 ndu3ku42 ya1 ka3xi4nã3,
ba'1a3 nã4tu2 sa3kã4, nã4 ko'1o4 jĩ'4ĩ2
kũ'14ũ1yu1 jỹũ'4ũ4, ta3xi2 xũ'14ũ4 nda'3õ4 ta3xi2 tyo1to1 nda'3õ4 ku3ndi3xi3 yu3bõ4 xũ'14ũ4 ka3nĩ3 mã1nĩ42 yo'4o1
ku3ta3kũ24 jĩ'4ĩ4 yu3bõ4 sỹũ'3ũ4 tĩ3 nã4tu2 i4yo2 nã1 jỹũ'4ũ4
ã'4ã3 ndi4 kũ'14ũ1yu1 ndi4 ta1 kwã'1ã1 ku4u4 yu'1u1. Tã3 kwã'4ã2 nỹũ34 nã4 ta1 kwã'1ã1 kũ4ũ4 ndi4, ya1kã3, yu'1u1 ndi4, ya1kã3,
yo'4o4 ndi4chi2yu1, nã1 ku4nĩ2 a3sa3 *amigu**nã1 yu'1u1 tã3 a3sa3 *amigu**nã1 yu'1u1 nã1 ku14nĩ2 tu3 tã3,
tã3 kũ'1ũ1 ba2 ndi4 ta1 ja1 kwã'1ã1 ku4u2 ka4chi2ra1, nĩ1ya'1a3ra2 kwã'1ã1 ba3ra2,
kwã'1ã1ra1 sa3kã4 kwã'1ã1ra1 sa3kã4 nĩ1xa1a1ra1 mĩ4ĩ4, mĩ4ĩ4 ndi4chi2 ta1 ya3kwa4, ja143 ka4chi2 ta1 kã4 jĩ'4ĩ4ra2 ndi4
ja143 ka4chi2 ta1 ya3kwa4 kã4 jĩ'4ĩ4ra2 ndi4 su14u3 ta1 ya3kwa4 ti4 ku4u4 ta1 kã4 ndi4 ta1 kwi'4nã4 ku4u4 ta1 kã4, ja143 ka4chi2 ta1 kã4 jĩ'4ĩ4ra2 ndi4
¿Nda4a2 kwã'1õ4?, yu'1u1 ndi4 ta1 kwã'1ã1 ku4u2 la3mã42 kwã'1ã1yu1 ndu3ku42 tya1ka4 ku3xi3 yu3ba42 ndi4 i13xa3nẽ2 mã1nĩ4 jĩ'4ĩ2 sa14kwa'3nũ3nã2 yu'1u1 ya1 kã4 ndi4 kwã'1ã1yu1 ndu3ku42 ya1 ku3xi3nã3.
Ni1ku3ta4u3nĩ2nã1 nde4e4nã2 tã3 ba143 kwi4i4 ndu3ku4nẽ2 ku3xi3nã2 ya1 kã4 ndi4 kwã'1ã1yu1 ndu3ku42 ya1 ku3xi3nã3,
Na4tu2 sa3kã4 ndi4 yo'4o4 ki3xỹũ4, yo'4o4 ki3xỹũ4 nã4 ko'1o4 jĩ'4ĩ4 yu'1u1 ndi4, yu'1u1 ndi4, ya1kã3,
i4yo2 xũ'14ũ2, i4yo2, ya1kã3, tyo1to1 i4yo2 nda1 ndya'4a2 ku4nỹũ24 ndi4 i4yo2 ndya'3a2 jĩ'4ĩ4 yu'1u1, nã4 ko'1o4 sa3kã4 ndi4 ka3nĩ3 mã1nỹã42 yo'4o1 tã3
ku1nũ'1ũ4 jỹũ'4ũ4 ku3ndi3xi3 yu3bõ4 kũ'1ũ1 tyo1to1 jỹũ'4ũ4 kũ'1ũ1 xũ'14ũ4 jỹũ'4ũ4 ku3ta3ku2nã1, nã4 ko'1o4 sa3kã4 ndi4 ka3nĩ3 mã1nỹã42 yo'4o1
Ndi4 kũ'14ũ1yu1, ta1 kwã'1ã1 la3mã42 ku4u2
nĩ1nda14yu3 ba'1a32 yu3ba42 ndi4 ta1 ba1xi3 ku4u2 ndi4 ta1 kwã'1ã1 la3mã42 ku4u2 tã3 ndo'4o1tu3 i4xa3 ki'4bỹũ4 yu'1u1 ndi4 ba'14a4 sa3kã4
kwã'4ã2 nỹũ34 nã4 ta1 kwã'1ã1 kũ4ũ4 ka4chi2ra1 ki13ta3ra2 tã3 chi13nda'3a4 ba3ra2 ta1 kã4 tã3 ndi13kĩ'3ĩ3 ta1 kã4 kwã'1ã1 ba3ra2, kũ'1ũ1 ba3 yu'1u1 ndi4 ta1 kwã'1ã1 ku4u2, ndi13kĩ'3ĩ3ra2 kwã'1ã1 ba3ra3,
kwã'1ã1ra1 sa3kã4 kwã'1ã1ra1 sa3kã4 nĩ1xa1a1ra1 la3mã42 nĩ1kĩ'3ĩ3ra2, ya1kã3, *tarraya** chi13ndu'4u4ra2 kã4
kĩ'13ĩ3ra2, ya1kã3, *costa** chi13ndu'4u4ra2 kã4, ĩ3ĩ3 ti1nda1a4 is1ta4ra2 nĩ1kĩ'3ĩ3ra2 chi13ndu'4u4ra2 kã4
ja143 i1xa43, ya1kã3, chi13nde3e3 ndi'3i3re3, i3kã4 ndi13kĩ'3ĩ3ra2 *tarraya** ka13nĩ3 so4ko1ra1 ja143 ndi13kĩ'3ĩ3ra2 kwã'1ã1ra1 nĩ1nũ1 i1xa14a3ra2,
xi4ta1 *tarraya** xi4ta1 *tarraya** xi4ka3ra2 ndi4 ba14sa3
i3kã4 ja143, nda143 lu3lu3 ti4 ñũ'1ũ3 ko14o3 ki3ti4 chi2,
ko14o3 mĩ3ĩ4 bi4ri4 xa4kũ'1ũ3 ndi4 xi4ta1lwa2 xi4ka3ra2 tã3 ko14o3ri4
i3kã4 ka4chi2 kã'4ã4 i3nĩ2ra1 so'3o3 ndi4, nda143 lu3lu3 ti4 ko'1o4 yo'4o4 tã3, tã3 ku1nũ'1ũ4 be4 nã4tu2 nã4 ko14o3ri4 xa4kũ'1ũ3 ndi4
nda1 xi4ko1 nda'4byo24 xi4ke4 ndi4 ja1 nĩ1xa14byo24 nĩ1kwa3a4 ba42 tã3 ko14o3ri4 kã'4ã4ra2 so'3o3
ndi13kĩ'3ĩ3ra2 jã'1ã1ra1 mĩ4ĩ4, mĩ4ĩ4 ñũ'4ũ4 ta1kwi42 kã4
ku4nũ1lu3 ta1kwi42 ndi4ka2, nda143 a1su3 yo'4o4 ti4 ko'1o4 sa3ka4nde42 tã3
tã3 ku1nũ'1ũ4 be4 a1chi1 ndi4 nĩ1xa14byo24 xi4ka3ndyo424 jỹã'4ã2 tã3 kwa14a2 kwi4i4, ko14o3 ki3ti4 ka3kũ'1ũ3 ka4chi2ra1
ka4chi2 mĩ3ĩ4ra2, nda143 kã'4ã2 mĩ3ĩ4 kã'4ã2 ĩ3ĩ3ra2 xi4ka3ra2 ndi4 ko14o3 ndi4ki3tã'4ã4 jĩ'4ĩ4ra2 mĩ3tu4nda24 mĩ3ĩ4ra2 chi1
i3kã4 nĩ1xa1a1ra1 tã3 ku13ya3tĩ3ra2 nũ14ũ3 ta1kwi42 kã4
i3kã4 nda13ka3nĩ3 so4ko1ra1 *tarraya** nda143 sa3kã4 ti4 tã3 sa3ka4nã3re2 tã3
ndo13ko3to3 ba3ra2 ndi4 ỹã3ã2 tya1ka4 lu3lu3 so'3o3 ti4 nĩ1ki3xa2a2 mã'14ñũ3ra4 mĩ4ĩ4 ku4nũ1ra4 kã4 ndi4 nde3e4lu3 ba1xya32, la3tũ4lwa2 chi1
ũ'1ũ1 nũ14ũ3 ta13kwa2 ndi4swa2 ndi4 la3tũ4lwa2 ta13ku2 se4ke2 tya1ka4 kã4 pa4chi'4i2 tya42 ndi4 la3tũ4 se4ke2,
nĩ1ki3xe2e2 tã3 su13ko'4nĩ3 be2 ka'3a4 ko'1yo1 i4ndu'3u4 sa3kã4
e1ta4 i3ndõ14 sa3kã4 tã3 ku1nũ'1ũ4 bõ4 jĩ'4ĩ2 ya3tã3 ka3xi4 yu3ba42 ndi4 ta1 kã4 ku4u4 ta1 ku4i3nĩ2 ji4nĩ2 ya1 kã4 ndi4 ba1xi32 ja1ta4 ya1 ka3xi4ra2 tã3
kwa14a2 kwi4i4 ka3kũ'1ũ3 ndi4 e1ta4 i3ndõ14 sa3kã4 tã3 kũ'1ũ4 jĩ'4ĩ4 ba2, sa13ka4nã3 ba3ra2 *tarraya** xa13kw̃ã'1ã32 kã4 ndi1ku1nda42
bi3tĩ3 ndi4 e1ta4 pa4chỹũ'4ũ24 sa3kã4 tã3 kũ'1ũ4 jĩ'4ĩ2 ja143 ka4chya2 kã4 so'3o3 jĩ'4ĩ4ra2 ndi4
ka'14nỹũ4 yu'1u1 ya3nĩ2 ndi4 yo4o4 xa'13nũ3 ĩ3ka4chi1 kwe4e4 yo4o4 kwa4chi3 kwe4e4 ba1xi3 kwa'3ndwe4 tã3 ku4nỹũ24 ka'3nỹũ4 yu'1u1
kã'1õ4 nde4e2 ba42 ku4nỹũ24 ndi4 i4yo2yu1 chi3ndya3a42 yo'4o1 ka4chya2 kã4 so'3o3
ya1 ku4nĩ2yu1 kũ'1ũ1 jĩ'4ĩ2 ndi4 tya1ka4 ku4u4 ti4 ba1xi32 ja1ta4, tya1ka4 ba1xi32 ja1ta4, ya1kã3, xũ'14ũ4 ku4nĩ2yu1 kwa4yu2 ja1nẽ1 ku4nĩ2yu1
kwa14a2 ya1 ku3ta1mã4 jĩ'4ĩ2 ndi4 ko3o3 kwa'1a4 xũ'14ũ4 yu'1u1 ku4nĩ2yu1 ka4chi2ra1, ã3 ba'1a3 nã4tu2 sa3kã4
sa3ñã4 nỹũ34 yu'1u1 nã4 kw̃ĩ'1ĩ1 ja1ta42 ndi4, nã4 kũ'1ũ1yu1 a1chi1 ndi4 nda4i3chi2nĩ42 ja1ta42 tã3 ko3to3 ku3u2yu1 ka4chya2 so'3o3
kwe4e2 kwe4e2 chi13ndu'4u4re2 nũ14ũ3 ta1kwi42 kã4 ndi13kỹã'3ã2 kwã'1ã1 be2 mĩ4ĩ4 nĩ1ki3xya2 nda13ndi3ko4 tu3kwa2 kwẽ'1ẽ1
nde3e4lu3 kwẽ'1ẽ1 tya1ka4 kã4, i3kã4 ja143 nĩ1..., ndo1o3ra2 tã3
ã4 sa3ka4nã3 be4 *tarraya** mĩ4ĩ4 ba42 ñũ'4ũ4 ku4nũ1 ta1kwi42 tã3 ku3ndyo24 ndi4 ja1 nĩ1kã'1ã1 ti4 ka1a3 jyo'4o4 ndi4, ti4 kũ'1ũ1 ku4u4 ba3 tya1ka4 jyo'4o4
sa13ka4nã3ra2 *tarraya** xa13kũ'1ũ3 ba3 tya1ka4 chi2, xi13ta3ra2 *tarraya** ba1xya32 ndi4 be1e3lwa3,
nũ4chi'4i2 ti4 nĩ1ta3ba4 ndi'3i3ra2 ti4 kã4
nĩ1kĩ'3ĩ3ra2ri4 chi13nde3e3ra2 kã4 tã3 tu3ku3 tu3ku3ri4 su13ku4ra2 mã1ti1lo32 ji1nĩ4
xa'13nĩ4ra2 ti4 kã4, xa'13nĩ4ra2 ti4 kã4 tã3, tã3 nda13tã3ã4ra2ri4 ti1xĩ3 *costa**
ja143 tu3ku3 ba3 sa13ka4nã3ra2 *tarraya** tu3ku3 sa3kã4 ba3 chi2, be1e3lu3 ba1xya3,
ñã1 u1nĩ1 sa13ka4nã3re2 tã3 chi13tu4 ba3 *costa**ra1 ndi4 lu14u3ri4 nĩ1ndo1o3 ka1ri4 ndo1o3 ka1 tya1ka4 kã4 ndi4 lu14u3ri4 xa13kũ'1ũ3
tã3 ya1 kã4 ku4u4ra2 tã3 nĩ1ke1ta3 ba3 ñũ'1ũ3, i3kã4 ka4chi2ra1 so'3o3 ndi4 nda143 yo'4o4 tã3 ku1sũ1 be4 tã3 i3tã2ã2 ku1ndo'1o4 kã'4ã4ra2 so'3o3
i3kã4 tã3 su14ku3tu4 ba3ra2 *costa** kã4 tã3
i3kã4 nda13ka'3mĩ3ra2 ñũ'3ũ2 tã3 ti4 nĩ1ndo1o3 ka1 kã4 tã3 ya13tã3ri4 ja13xi4ra2 tĩ3 tã3
ya13tã3ri4 tã3 ndu13ku3ndu'4u4ra2 i4ndu'3u4ra2, i3kã4 nĩ1ki1xĩ1 ba3ra3,
i3kã4 nĩ1ki1xĩ1ra1 nĩ1ki4tu3 tã3 ndi13kwi3so3ra2, ya1kã3, *costa** tya1ka4 tã3 kwa1nũ'1ũ4 ba3ra3,
kwã'1ã1ra1 sa3kã4 kwã'1ã1ra1 sa3kã4 nda13xa2a2ra1 be'3e3 i3kã4 ka4chi2, ya1kã3, yu3ba4ra2 jĩ'4ĩ4ra2 ndi4
jĩ'4ĩ4 nã1 ya3nĩ2ra1 nã1 nde4e4 ka1 ndi4 u1bi1 ka1nã1 nde4e4
kwã'4ã2ndo4kũ'1ũ1 ndi1kĩ'1ĩ3ndo4 ñã'1ã3 ja1ta4 ya3nĩ2ndo4 nĩ1ke3ba'1a3nĩ42ra1 ba1xi3ra2 i3kã4, xi4nũ3nã2 nĩ1ke3e3nã2 jã'1ã1 ndi1kĩ'1ĩ3nã2 *costa** ja1ta4ra3,
nĩ1kĩ'3ĩ3nã2 *tarraya** ndi13kĩ'3ĩ3nã2 tya'3a2 ta1kwi42 ndi13kĩ'3ĩ3nã3, nda143 so'3o3 ka4a4 ti4ra2 kwa1nũ'1ũ4ra2 nda13xa2a2ra1 nũ14ũ3 yu3ba4ra3,
ja143 ka4chi2ra1 jĩ'4ĩ4 yu3ba4ra2 ndi4, nĩ1ke3ba'1a3nĩ42yu1 jỹã'4ã2 ku3ta3kwe24 yu3ba42 ka4chi2ra1
chi4tu4 *bolsa** i3tĩ2 sĩ'1ĩ3ra2 tã3 i3tĩ2 ja1ta4 *pantalón**ra1 ndi4 chi4twa42 jĩ'4ĩ4 xũ'14ũ4 ndi4 nĩ1ke'3e4ra2 ta13ba4ra2 xũ'14ũ4 nda13kwa'1a3ra2 nda'3a4 yu3ba4ra3,
yo'4o4 i4ywa2 ya1 yo'4o4 ba42 ku3ta3kwe24 ndi4 nĩ1ke3ba'1a3nĩ42 jỹã'4ã2,
ya1 yo'4o4 ba42 nĩ1nĩ'1ĩ42 mĩ4ĩ4 jẽ'1ẽ1 kã4 ka4chi2ra1, po3ndo42 chi13nde3e3ra2 nĩ3nã3 *oro** nĩ1nĩ'1ĩ4ra2 nũ14ũ3 tya1ka4
ndi4 su14u3 ki1bi4 ndi4 ya1 nĩ1ke3e3ra2 la3mã42 ti4 tã3 nda13xa2a2ra1 be'3e3 ndi4 lwa14a2 ki13xa2a2 jĩ'4ĩ4ra2 nda13kwa'1a3ra2 nda'3a4 yu3ba4ra2 tĩ3
i3kã4 nda13ji1nũ3 u1nĩ1 ku1mĩ4 ki1bi4 tã3 ndi'13i3 ti4 kã4 xi13xi3nã2 i3kã4 ka4chi2 i3nga2ra1 so'3o3 ndi4 tu3ku3 yu'1u1 ku4u4 ta1 kũ'1ũ1
mĩ4ĩ4 jã'1ã1 ya3nĩ2yu1 kũ'1ũ1 tu3 yu'1u1 ba3 ka4chi2 tu3 i3nga2ra1 so'3o3, nã4tu2 kũ'1ũ4 tã3 kũ'1ũ1 bõ4 ndi4
a3sã42 ba'1a3 si'3i42 ta3tũ2ũ4 *tarraya** tã3 sa3kã4 ndi4 kũ'1ũ1yu1 ta1 kũ'1ũ1 ku4u4 tu3 yu'1u1 ba3 ka4chi2ra1 so'3o3
i3kã4 tu3ku3ra2 kã4 ta13tw̃ã2ã4 *tarraya** ta13tw̃ã2ã4 *costa** ta13tw̃ã2ã4
tya'3a2 kũ'3ũ3 ta1kwi42 ko'3o3ra2 tã3 chi13ndwa'4ã4 is1ta4 kwã'1ã1 tu3ku3 ta1 kã4 ba3
ja143 ka4chi2ra1 jĩ'4ĩ4 ya3nĩ2ra1 ndi4 nã4tu2 nĩ1xõ1õ4 mĩ4ĩ4 nĩ1..., mĩ4ĩ4 ja'13nĩ42ri4 ndi4 i3kã4 i4ndu'3u4 mã1ti1lo32su14ku42 ji1nĩ4ri4
tã3 tũ4 kã4 ku4u4 tũ4, ya1kã3, i4ndu'3u4 mĩ4ĩ4 ba42 ja'13nĩ42ri4 tã3 tũ4 kã4, i3kã4 ba42 ka3ka3 bõ4 tã3 ka3kũ'1ũ3ri4 ka4chi2ra1 so'3o3 jĩ'4ĩ4 ta1 kã4
i3kã4 ndi13kĩ'3ĩ3 ta1 kã4 kwã'1ã1ra1, nĩ1xa1a1ra1 su3,
su3 nde4e2 ba42 kã4 ndi4, xa1a1ra1 la3mã42 kã4 tã3 ki13xa3a4 ba3ra2 nĩ1kĩ'3ĩ3ra2 ñã'1ã3 ndo13ko3o4 nã'3ã2ra1 kã4 tã3
i3kã4 nĩ1ndo3ko3o4ra2, ya1kã3, *costa** ndo13ko3o4ra2 tya'3a2 ta1kwi42 tã3 nĩ1sa4ka3chi'3i3 nda'3a4ra2 *tarraya** ja143 xi4te1 xi4te1 ndu3bi4 nda1a1 nĩ1kwa3a4 nĩ3 ko14o3ri4 chi2
nda1 i3nda14ri4, nã4chu3 ba42 kã'4ã2 tu3 ya3ndyo24 ndi4 yo'4o4 i4ndu'3u4 mã1ti1lo32 su13ku4ra2 ji1nĩ4ri4 tã3 ko14o3 tu3ri4 xa4kũ'1ũ3 ka4chi2ra1
kã'4ã2 mĩ3ĩ4 kã'4ã2 ĩ3ĩ3ra2 ndi4ka2ra1 ndi4ka2ra1, ndo13ko3to3 ba3ra2 ndi4 i3kã4 i4ndu'3u4 mã1ti1lo32 ko14o3 ki3ti4 kwi4i4 ka3kũ'1ũ3 nĩ1kwa3a4 nĩ3 ko14o3ri4
nda143 yo'4o4 ti4 ko'1o4 sa3ka4nde42 tã3 kwã'1ã1 be4 a1chi1 ndi4 i4xa3 ki'4bi3 ya3ndyo24 yo4o4 ba1xyo4 tã3 ya1 ko14o3 bi4 ba42 ji14ndyo24 nda4a2 jã'1ã1 bi4 ta1 kã4 kã'4ã4ra2 so'3o3
tã3 ndi4 ka1a3 i4ndu'3u4 mã1ti1lo32 su13ku4ra2 ji1nĩ4ri4 kã'4ã4ra2 so'3o3, ja143 ndi13kĩ'3ĩ3ra2 kwã'1ã1ra1 tã3
ndo13ko3to3 ba3ra2 mã'14ñũ3 ta1kwi42 kwa'1a4 ndi4 pa4chi'4i2 tya42 tya1ka4 ta13ku2 ndi4 nde3e4lu3 ba1xya32 chi1
nĩ1ke1ta3 be2 ka'3a4 ko'1yo1 ndi4chi2 sa3kã4 tã3 nĩ1sa3ka4nã3ra2 *tarraya**
e1ta4 pa4chỹũ'4ũ24 sa3kã4 tã3 ku1nũ'1ũ4 jĩ'4ĩ2 ya3tã3 ka3xi4 yu3ba42 a1chi1 ndi4 ta1 kã4 ku4u4 ta1 ndi'4i13 i3nĩ2 xa'1a4 ba143 kwi4i4, kwa14a2 i4yo2 ka3xi4ra2,
tã3 i13xa3re2 mã1nĩ4 jĩ'4ĩ2 sa14kwa'3nũ3ra2 yu'1u1 tã3 bi3tĩ3 ndi4 pa4chỹũ'4ũ24 sa3kã4 tã3 ku1nũ'1ũ4 jĩ'4ĩ4 ba2 ka3xi4 yu3ba42 yo'4o1 ka4chi2ra1 so'3o3 jỹã'4ã2 chi1
sa13ka4nã3ra1 *tarraya** xa13kũ'1ũ3 be2 tya1ka4 pa4chi'4i2 kã4, xa13kw̃ã'1ã32 kã4 tã3, i3kã4 ja143,
ka4chya2 so'3o3 jĩ'4ĩ4ra2 ndi4 ka'14nỹũ4 yu'1u1 ndi4, ya1kã3,
yo4o4 xa'13nũ3 ĩ3ka4chi1 kwe4e4 yo4o4 kwa4chi3 kwe4e4 ba1xi3 kwa'3ndwe4 tã3 ku4nỹũ24 ka'3nỹũ4 yu'1u1, ta1 xa3ku4 ku4u4 yo'4o1 tã3 sa3kã4 tu3 yu'1u1 ndi4 ta1 lu3u3 tu3 ku4u4 yu'1u1 ba3
kã'1õ4 jĩ'4ĩ2 nde4e2 ba42 ku4mã1nỹã42 jỹũ'4ũ4, i4yo2yu1 chi3nde3e42 yo'4o1
ã4 tyo1tõ4 ku4nỹũ24 ã4 xũ'14ũ4 ku4nỹũ24, nde4e2 ba42 ku4mã1nỹã42 jỹũ'4ũ4 kã'1õ4 jĩ'4ĩ2
ya1 ku4nĩ2yu1 ndi4, ya1kã3, xũ'14ũ4 ku4nĩ2yu1, ya1kã3, tyo1to1 yu3ba42 ku4nĩ2yu1 ñã1,
kwa4yu2 ja1nã1ndu1 ku4nĩ2yu1 la3tũ4 ko3o3 kwa4yu2 ko3so4ndu2 ku4nĩ2ndu1 ko3o3 se'1e3ri4 ĩ3ĩ3 *yegua** ja3ta4ndu2 tã3 ti4 ko3o3 se'1e3 ko3ndo3ri4 ku4nĩ2yu1, An3 ba'1a3 ba3.
sa3ñõ4 yu'1u1 nã4 kw̃ĩ'1ĩ1 ndi4 nda4i3chi2nĩ42 ja1ta42 tã3 ko3to3 ku3u2yu1 ka4chya2 so'3o3, kwe4e2, kwe4e2 chi13ndu'4u4re2 nũ14ũ3 ta1kwi42 kã4 nda13ndi3kwa42 kã4 kwã'1ã1 be3,
ku4nĩ2yu1 tya1ka4 ku4nĩ2yu1 ka4chi2ra1 so'3o3 ja143 sa13ka4nã3ra2 *tarraya**, ja1 ĩ3ka4nĩ24 kwẽ'1ẽ1 kã4 tã3 sa13ka4nã3ra2 *tarraya** tĩ3
lu14u3 tya1ka4 chi2, ĩ3ka4nĩ24 su14ku3tu4 ba3ra2 *costa** jĩ'4ĩ4 tya1ka4, xa'13nĩ4ra2ri4 tã3 ja14nda3ku3tu4ra2 *costa**
i3kã4 tã3 chi13twa42 kã4 tã3 ja143 nĩ1..., nĩ1kwa3a4 nda143 nda'4bi2 ti4 ka4a4 i3kã4 nĩ1ndo1o3 tu3ku3 ba3 ta1 kã4 nĩ1ki1xĩ1ra1
ja143 nda13ka3ndu'4u4ra2 nũ14ũ3 yu14ti3 kã4 nĩ1ki1xĩ1ra1 tĩ3, nda13ka'3mĩ3ra2 ñũ'3ũ2 nda13ka'3mĩ3ra2 nda13sa1a4 is1ta4 xi13xi3ra2 tĩ3 nĩ1ki1xĩ1ra1 i3kã4
nĩ1ki4tu3 tu3ku3 ki1bi4 sa3kã4 ndi13kĩ'3ĩ3ra2 kwa1nũ'1ũ4ra3, nda13xa2a2ra1 ndi4, ya1kã3,
nda13xa2a2ra1 be'3e3 tã3 i3kã4 kã'4ã2 yu3ba4ra2 so'3o3 ndi4 kwã'4ã2ndo4 kũ'1ũ1 ndo1nĩ'1ĩ3ndo4ñã'1ã3 ja1ta4 ya3nĩ2ndo4 ndi4 ke13ba'1a3nĩ42ra1
nĩ1ki3xa2a2ra1 jĩ'4ĩ4 tya1ka4 lu14u3ri4, ndi13kĩ'3ĩ3nã2 *costa** nda'3a4ra2 kwa1nw̃ã'1ã42 ti1xĩ3 be'3e3
i3kã4 ja143 ka4chi2nã1 so'3o3 ndi4, ya1kã3, bi3tĩ3 ndi4, ya1kã3, bi3tĩ3 ndi4
ndi3kĩ'3ĩ3ndo4 *costa** nda'3a4 ya3nĩ2ndo4 ñã1ã4 nã4 ndu3ku3ndwa'4a2 ñã1ã4, ndi13kĩ'3ĩ3nã2 *costa** nda'3a4ra2 tã3
ta13ba4ra2 xũ'14ũ4 ndi4 lu14u3 xũ'14ũ4 nĩ1ki3xa2a2 jĩ'4ĩ4ra2 tã42 ke4e2 nĩ1i3xa3 ta1 jã'1ã1 nũ14ũ3 sa3kã4 i13xa3 tu3 ta1 kã4 ba3 ndi4 lu14u3 xũ'14ũ4
lu14u3 xũ'14ũ4 nĩ1ke3ba'1a3ra2 jĩ'4ĩ4, nã3nỹã2 yo'4o4 ba3 ku3ta3kwe24 ndi4 nĩ1ke3ba'1a3nĩ42 jỹã'4ã2 yu3ba42. Ba'1a3 ba3.
lu14u3 xũ'14ũ4 nda13kwa'1a3ra2 nda'3a4 yu3ba4ra3,
nĩ1ndi'3i3 lu3chi'4i2 ti4 kã4 tã3 tu3ku3 ba3 ta1 la4tũ3 kũ'1ũ1, ta1 kã4 ndi4 ta1 la4tũ3 lu3chi'4i2 ku4u4 ta1 kã4
bi3tĩ3 ndi4 tu3ku3 yu'1u1 ku4u4 ta1 kũ'1ũ1 ka4chi2ra1 so'3o3, ba'1a3 ba3 ka4chi2nã1
ta3tũ2ũ4 *tarraya** tã3 ta3tũ2ũ4 *costa** tã3 ta3tũ2ũ4 tya'3a2 kũ'3ũ3 ta1kwi42 ko'3o2 tã3 kũ'1ũ1yu1 ndi4 ta1 kũ'1ũ1 ku4u4 tu3 yu'1u1 ba3 ka4chi2,
ka4chi2 ta1 la4tũ3 so'3o3 jĩ'4ĩ4 si'3i4ra3, ba'1a3 ba3 ka4chỹã24 so'3o3 ja143 ta13tu2u2nẽ1 kã4 tã3
mĩ4ĩ4 nĩ1xã'1ã1ndu1 ndi4 i4ndu'3u4 mã1ti1lo32 mĩ4ĩ4 ja'13nĩ4ndu2ri4 i3kã4 kũ'1ũ1 nda14kũ24 ka4chi2nã1 so'3o3 jĩ'4ĩ4ra2, Ba'1a3 ba3 ka4chi2ra1.
i3kã4 ndi13kĩ'3ĩ3ra2 *tarraya** tã3 ndi13kĩ'3ĩ3ra2, ya1kã3, tya'3a2 ta1kwi42 tã3 is1ta4 tã3 kwã'1ã1 ba3ra3,
xa1a1ra1 mĩ4ĩ4 nda4ta'1bi4 i3chi4 kã4 su3 i3kã4 ndi4chi2 ta1 nã'14ã1
ka4chi2 ta1 kã4 jĩ'4ĩ4ra2 ndi4 nde4e2 ba42 nda4ndu3kũ4 xi4kõ4 yo'4o4 yo'4o1 ndi4 ja1 kwa'1a4 tyem4pu2 ndi4chi2yu1 yo'4o4 ndi4 ko14o3 yo'4o1 ji4nĩ2yu1 yo'4o4
kwa'1a4nã2 ju4tã'3ã2yu1 yo'4o4 ndi4 yo'4o1 ndi4 ko14o3 yo'4o1 ji4nĩ2yu1
yu'1u1 ndi4 ta1 ja143 nũ14ũ3 ba1xi3 ba3 ku4u4 yu'1u1 kwã'1ã1 ndu3ku42 ya1 ka3xi4 yu3ba42 ndi4 sa14kwa'3nũ3nã2 yu'1u1 tã3
bi3tĩ3 ndi4 ta1 ja1 xu13xa3 ku4u4 tu3 yu'1u1 ba3 ya1 kã4 ndi4 kwã'1ã1 ndu3ku42 ya1 ka3xi4nã2 ndi4 nĩ1ta1ku1 i3nĩ2nã1 nde4e4nã2 tã3
kwa14a2 i4yo2 ka3xi4nã2 ya1 kã4 ndi4 kwã'1ã1yu1 ndu3ku42 tya1ka4 ku3xi3 yu3ba42, ka4chi2ra1 so'3o3 jĩ'4ĩ4 ta1 kã4
"Na4 ko'1o4 jĩ'4ĩ2 be'3e3. Ka3nĩ3 mã1nĩ42 yo'4o1 ndi4lu14u3 xũ'14ũ4. An4 xũ'14ũ4 ku4nỹũ24 ã4 tyo1to1 ku4nỹũ24 nde4e2 ba42 ku4nỹũ24 ndi4 i4yo2 ndya'3a2 jĩ'4ĩ2", ka4chi2 ta1 nã'14ã1 so'3o3.
kũ'14ũ1yu1 jỹũ'4ũ4 ba143 ba1xi3 yu'1u1 tã3 kw̃ĩ'1ĩ1 jĩ'4ĩ4 yo'4o1 ndi4 ta1 kwã'1ã1 la3mã42 ku4u2
ba'1a3 ba3 kwã'4õ24 nã4 ta1 kwã'1ã1 kũ4ũ4, chi13nda'3a4re2 ndi13kỹã'3ã2 kwã'1ã1 be3,
kwẽ'1ẽ1 sa3kã4 kwẽ'1ẽ1 sa3kã4 nĩ1xa1a1 nĩ3 tu3kwa2 mĩ4ĩ4 nda13ta'1bi4 i3chi4 i3kã4 ndi4chi2 tu3ku3 ta1 kwi'4nã4, ta1 ya3kwa4
ndi4 ta1 ku4nĩ2 ka'3nĩ4 ndi1ku1nda42 ku4u4 ta1 kã4 ndi4chi2ra1, ja143 ka4chi2ra1 so'3o3 ndi4, nã4chu3 ka'3nĩ4 tũ4 yu'1u1 tã3 ta1 i4yo2 mĩ4ĩ4 kwã'1ã1 ku4u4 yu'1u1
nã4tu2 nã4 ki3tã'4õ4 jĩ'4ĩ2 ko3ndwe4 nã1 kwi'4nã4 ku3nde3te4 i3chi4 yo'4o4 tã3 sa3kã4 ba42 ndi4 kã'4õ4 ndi4 kõ3õ4 yu14bi4 tã3 nĩ14ki3tã'4õ4 jĩ'4ĩ2 ndi4 ka'3nĩ42 yo'4o1 ka4chi2 ta1 kã4 jĩ'4ĩ4ra3,
kwi14i3, ya1kã3, ki3tã'4ã2 jỹũ'4ũ4 ndi4 ta1 kwã'1ã1 ndu3ku4 tya1ka4 ku4u2 ndi4 yu3ba42 ku4nda'4bi2 i3nĩ2 ji4nĩ2 ndi4 sa14kwa'3nũ3nã2 yu'1u1 tã3
tã3 bi3tĩ3 ndi4, ya1kã3, ja1 xu13xa3 tu3 mĩ3ĩ4 ba2 tã3 kwã'1ã1 ndu3ku42 ya1 ku3xi3nã3,
ku4u4nã2 nã1 ta4u3nĩ2 nde4e4nã2 tã3 ba14sa4 ji4nĩ2nã1 mĩ4ĩ4 kĩ'3ĩ3nẽ2 ya1 kã4 ndi4 kwã'1ã1yu1
ã4 kwã'4õ24 nã4tu2 ta1 kwã'1ã1 kũ4ũ4 a1chi1 ndi4 yu'1u1 ndi4 ko14o3 nã1 yu4bi24 ku4nĩ2yu1 kwe3e2 yo'4o4 ndi4
nã1 kwe3e2 yo'4o4 ndi4 ka'3nĩ42nã1 tã3 ba'1a3 ka1 kwã'4õ24, chi13nda'3a4re2 tã3 kwã'1ã1 ba3 ta1 kã4, xa1a1ra1 la3mã42
nĩ1ki3xa3a4ra2 jĩ'4ĩ4 *tarraya** ji4te1, nĩ1xa1a1ra1 kã4 nĩ1kĩ'3ĩ3ra2 tya'3a2 ja3 chi13ndu'4u4ra2 chi1, kĩ'13ĩ3ra2 tya'3a2 chi13ndu'4u4ra2 kã4
nĩ1chi3ndu'4u4ra2, ya1kã3, *costa** kũ'3ũ3 tya1ka4 i3kã4 ja143 nda13kĩ'3ĩ3ra2 *tarraya** ja143 ja4ta2re1 ja4ta2re1 xi4ka3ra3,
ndu3bi4 nĩ4ĩ4 nda1 nĩ1kwa3a4 ke13e3ra2 jã'1ã1 ko1to1ra1 i3kã4
nda143 yo'4o4 ti4 ko'1o4 tã3 ku1nũ'1ũ4 be4 a1chi1 ndi4 ja1 kwa4a24 ku4u4 tu3 mĩ3ĩ4 be2 kã'4ã4ra2 so'3o3, i3kã4 nĩ1ke3e3ra2 jã'1ã1 ko1to1ra1 i3kã4
tã3 nde3e4 nĩ1ki3xya2 tya1ka4 pa4chi'4i2 ndi4 ta13ku2lwa2 kã4 nĩ1ki3xya2 mã'14ñũ3 ta4 kwa'1a4 kã4 nĩ1ki3xe2e2 nde1te32 ti1xĩ3 ko'1yo1 tã3 sa13ka4nã3ra2 *tarraya** ndi1ku1nda42 xa13kw̃ã'1ã3,
xa13kw̃ã'1ã32 kã4 nda'3a4ra2 tã3, e1ta4 pa4chỹũ'4ũ24 sa3kã4 tã3 ku1nũ'1ũ4 jĩ'4ĩ4 ba2 ndi4
ta1 ba1xi3 ku4u2 ndu3ku42 ya1 ka3xi4 yu3ba42 tã3 kwa14a2 nĩ'4ĩ142 tã3
tã3 yo'4o1 tã3 pa4chỹũ'4ũ24 sa3kã4 kõ3õ4 tã3 kũ'1ũ4 jĩ'4ĩ4 ba2 ka4chi2ra1 so'3o3 jỹã'4ã2, kã'4ã2lu3ra2 jỹã'4ã2,
a3sã42 ba'1a3 ndi4 ka'14nỹũ4 yu'1u1 ndi4, ka'14nỹũ4 yu'1u1 ndi4 yo4o4 xa'13nũ3 ĩ3ka4chi1 kwa4chi3 kwe4e4 tã3
yo4o4 ba1xi3 kwa'3nũ3 kwe4e4 kwa4chyo4 tã3 ku4nĩ2 ka'3nỹũ4 yu'1u1
kã'1õ4 nde4e2 ba42 ku4mã1nỹã42 jỹũ'4ũ4 tã3 i4yo2yu1 ta3xya2 nda'3õ4 ka4chi2, ka4chi2 tya1ka4 so'3o3 jĩ'4ĩ4ra2 chi1
ba'1a3 nã4tu2 sa3kã4, ya1 ku4mã1nỹã42 jĩ'4ĩ2 ndi4
ya1kã3, i3kã4 ba42 nĩ1nĩ'1ĩ4ra2 ka'3a4ra2 i1nda43, pa4chi'4i2nĩ42 ka'3a42 ndi4 ku4nĩ2yu1 ndi4
ka'3a42 ndu3ka'4nũ3 lu3chi'4i2 ku4nĩ2yu1, ba'1a3 ba3 ka4chya2 kã4, tã3 ku4nĩ2yu1 ndi4
nã1 si'4i2 ka3nĩ2 yu1u4 ja1ta4nã2 ndi4 kwa14a2 i4yo2 ka3chi2nã1 ku14nĩ2nã1 yu'1u1 ndi4
ta1 kã'1ã1 ku4u4 ba3nã2 jĩ'4ĩ2, nã4tu2 nã4 nĩ1ka3nĩ2 yu1u4 ja1ta4nã2 ndi4 ta1 ku3si1i4 i3nĩ2 ku4u4 ba2 jĩ'4ĩ4nã2 ku4nĩ2yu1 ka4chi2ra1 so'3o3 jỹã'4ã3,
tya1ka4 tĩ3 ku4nĩ2yu1 kũ'1ũ1 jĩ'4ĩ2, tya1ka4 ku4nĩ2yu1 kũ'1ũ1 jĩ'4ĩ2 ndi4 tya1ka4 ku4u4 ti4 ba1xi32 ja1ta4
tya1ka4 ku4nĩ2yu1 kũ'1ũ1 jĩ'4ĩ2, ya1 kã4 ba42 ndi4 ba1xi32 ja1ta4ri4 tã3, tã3 ti4 kã4 ku4u4 ti4 kũ'1ũ1 jĩ'4ĩ2 ku4nĩ2yu1. Ba'1a3 nã4tu2 sa3kã4.
Na4tu2 nã4 ti4 kã4 kũ'1ũ1 jỹũ'4ũ4 tã3 i4yo2 ba3ri4, tya1ka4 ndi4 i4yo2 ba3 ti4 kã4
sa3ñõ4 yu'1u1 nã4 kw̃ĩ'1ĩ1 ndi4 ko3to3 ku3u2yu1 nda4i3chi2nĩ42 ja1ta42, i3kã4 sa13ñã4 ba3ra2 ti4 kã4 kwã'1ã1 tya1ka4 pa4chi'4i2 kã4 kwã'1ã1ri4
ja143 nĩ1ki3xa3a4ra2 xa4ta2ra1 *tarraya** nũ4ũ4 ti4 tã3 nĩ1chi3tu4 ba3 *costa**, ja143 nĩ1ndi'3i3 tã3 nda13ka'3mĩ3ra2 ñũ'3ũ2 nda13ka'3mĩ3ra3,
nda13sa1a4 is1ta4 ku3xi3ra2 nũ14ũ3 yu14ti3 kã4 tã3 i3kã4 nĩ1ja3ndu'4u4ra2 nĩ1ki1xĩ1 ba3ra2 nĩ1ki4tu3 tĩ3 tã3
ku1nũ'1ũ4 ba2 a1chi1 ndi4 ja1 i4yo2 ba'1a3 ndi4 ja1 xa13kũ'1ũ3 tya1ka4, i3kã4 ndi13kĩ'3ĩ3ra2 kwa1nũ'1ũ4 ba3ra2 nĩ1ki4tu3 ndi13kwi3so3ra2 *costa** kwã'1ã1 ba3ra3,
kwã'1ã1ra1 sa3kã4 kwã'1ã1ra1 sa3kã4 nda13xa2a2ra1 be'3e3, i3kã4 ja143 ka4chi2 yu3ba4ra2 jĩ'4ĩ4 ya3nĩ2ra1 ndi4
kwã'4ã2ndo4 kũ'1ũ1 ndi1kĩ'1ĩ3ndo4 ñã'1ã3 ja1ta4 ya3nĩ2ndo4 ndi4 be1e3nĩ42 ba1xi3ra2, ke13e3 ba3nã2 jã'1ã1 ndi1kĩ'1ĩ3nã2 *costa** ja1ta4ra2 nda13ndi'1bya32 be'3e3
i3kã4 be'3e3 nda13ndi'1bi3nã2 jĩ'4ĩ4 *costa** kã4 tã3 ja143 ka4chi2nã1 so'3o3 ndi4
jã'1ã1ndu1 ndi4 ba143 nĩ4xi1kã1ndu1 ka'3a4ndu2 ndi4, ya1kã3, ñã1 ba'1a3 nĩ1xi1kã1ndu1 xũ'14ũ4 nĩ1xi1kã1ndu1, ya1kã3, ku3ta3ku2 yu3be4 jĩ'4ĩ4ndu3, tã3 yo'4o1 ndi4 ka'3a4 ba3 yo'4o1 xi1kõ4
um..., kwã'4ã2 ke3tõ4 ke'3e2 e1ta4 nã4 ja1ta4 be'3e3 ñã1ã4 ku3ndu'4u4 ndo3õ24 a1chi1 ndi4 kwa14a2 ka4a4 tu4nỹũ14 ndi4 kã'3õ4 i4yo2nĩ42 ka4chi2nã1 jĩ'4ĩ4ra3,
ja143 nĩ1ndo1o3ra2 ke'3e2 kã4 ba3 *costa** tya1ka4 nda13ndi'1bya32 kã4 be'3e3 tã3 kĩ'13ĩ3nã2ra1 ndo13ko3o4nã2 ke'3e2 kã4 ba3
ndi4 ka4nĩ24lu3 ka'3a4ra2 nda1 su1kũ4 xa'1a4ra2 ka1a3 [...]
i3kã4 nda13ji1nũ3, ya1kã3, nda13ji1nũ3 u1nã1 ki1bi4 ya1 nĩ1nĩ'1ĩ4ra2 ka'3a4ra2 kã4 tã3 nĩ1ki3xa2a2 ba3 chi3ñũ3 ndi4
nda'3a4 nã1 ya3nĩ2ra1 ndi4, ya1kã3, i4yo2, ya1kã3, si1si'4i2 *rey**
ndi4 ku4nĩ2nã1 ndi4, ku4nĩ2 *rey** kã4 ndi4 ta1a3 ta1 nĩ1...,
xi13nũ3ra2 jĩ'4ĩ4 kwa4yu2 ja1nã1ra1 tã3 nĩ1xa1a1ra1 nda1 mĩ4ĩ4 i4ndwa'3ã4 *palacio** tã3 nda13kĩ'3ĩ3ra2ñã4
chi13ndu'4u4ra2ñã4 nũ14ũ3 ta3yu2 kwa4yu2 tã3 nũ13ũ3ra2 jỹã'4ã4 ñũ'3ũ4 ta1 kã4 ku4u4 ta1 ko3ndo3 i3i4 bẽ4
tã3 nã4tu2 nã4 nĩ14ko3chũ3nã2 ndi4 ta1 *rey** kã4 ndi4 tĩ13ĩ3ra2 be'3e3 ka3a2 ka'4nũ3lu3 be'3e3 ka3a2 nĩ1tĩ3ĩ3ra2 tã42 ĩ3ĩ3 nã1 ba143 ko4chũ3 tã3 kwã'1ã1nã1 be'3e3 ka3a2 kã4 ba3
ñũ'4ũ4nã2 be'3e3 ka3a2 xa'1a4 si1si'4i2ra1 ndi4 ba143 ko4chũ3nã2 ndi3kĩ'3ĩ3nã2ñã4
tã3 *palacio** mĩ4ĩ4 i4ndwa'3ã4 ndi4 su4kũ1 se4ke2, kwa4yu2 ñũ'3ũ4 ke4e4ri4 tã3 kwã'1ã1ri4 tã3
nã1 nĩ1ko3chũ3 xa1a1nã1 tã3 nĩ1chi3ndu'4u4nã2ñã4 nũ14ũ3 ta3yu2 kwa4yu2 ja1nã1nã1 tã3 nũ13ũ3nã2 jỹã'4ã4 ñũ'3ũ4, nã1 kã4 ku4u4 nã1 ku3ndu'4u4 jĩ'4ĩ4 bẽ4 ko3ndo3 ỹã3ã4 ka4chi2 yu3bẽ4, *rey**
ya1 kã4 ndi4 nĩ1..., nĩ1xa1a1 chi3ñũ3 ndi4 kũ'1ũ1 nã1 kã4 tã3 i3kã4 ke13e3 nã1 kã4 kwã'1ã1nã1
kũ'1ũ1 ba3 yo4o4 ya3nĩ2 ndi4 ba'1a3nĩ42 kwa4yu2 ja1nã1 yo4o4 ndi4 yo4o4 ku3chũ3 ku4u4 ba3 yo4o4 ka4chi2nã1, u1bi1 tã'4ã2ra1 i4yo2 kwa4yu2 ja1nã1nã1 ndi4 ba'1a3 sa4ka2ri4
ti4 nĩ'1ĩ4nã2 nũ14ũ3 tya1ka4 ku4u4 ti4 kwa4yu2 kã4, i3kã4 nda13a3nã2 kwã'1ã1nã1 ja1ta4 ñã4 si1si'4i2 *rey**
kwã'1ã1nã1 sa3kã4 kwã'1ã1nã1 sa3kã4 nĩ1kĩ'3ĩ3nã2 ĩ3ĩ3 ñũ3ũ2 kwã'1ã1, nĩ1kĩ'3ĩ3nã2 i3chi4 kwã'1ã1nã1 ndi4 nã1 kwã'1ã1 sa3kã4 ku4u4 ba3nã2,
i3chi4 ka'4nũ3 kĩ'13ĩ3nã2 kwã'1ã1..., kwã'1ã1nã1 sa3kã4 kwã'1ã1nã1 sa3kã4, i3kã4 ka4chi2 ta1 ka4nĩ24 ti1sa'4a4 so'3o3 ndi4, ya3nĩ2,
kũ'1ũ1 tã'3ã2 yu'1u1 ba3 jĩ'4ĩ4ndo4 e1ta4 nã4 ku3nũ14ũ2 ku3u2ndo4 a1chi1 ndi4
yu'1u1 ndi4 ko14nde3e4 i3nĩ2 xa'1a4ndo4 kũ'1ũ1 mĩ3ĩ4ndo4 ndi4 nã1 ku3u2 ku4u4 ba3ndo4 mĩ4ĩ4 kwã'1ã1ndo4
nã1 ku3u2 ku4u4ndo4 mĩ4ĩ4 kwã'1ã1ndo4 tã3 yu'1u1 ndi4 kũ'1ũ1 tã'3ã2yu1 jĩ'4ĩ4ndo4 ka4chi2ra1 so'3o3
nã4tu2 kũ'1ũ4 jĩ'4ĩ4ndu2 tã3 kũ'1ũ1 bõ4 jĩ'4ĩ4ndu2 i3nde142 ndi4 xi4ka3 lu3chi'4i2 ku3ndi3kũ24 kũ'1ũ4 ndi4 ku4nda3si4nĩ42ndu1 ka4nĩ24 nã3kwi42 kã'3õ4 ka4chi2nã1 jĩ'4ĩ4ra3,
ba'1a3 ba3 nã4tu2 sa3kã4, i3kã4 tã3 kwã'1ã1 ba3 nã1 kã4 kwã'1ã1nã1 sa3kã4 kwã'1ã1nã1 sa3kã4
i3kã4 tã3 ka4chi2ra1 so'3o3 ndi4
nda3ndi3kõ4 tã3 sa4ka3xã'4õ24 ĩ3ĩ4 ya3ndyo24 nã4 nda3ndi3ko4ra2 ku1nũ'1ũ4ra2 ndi4, ka4chi2 i3nda14ra2 so'3o3 ndi4
nda3ndi3kõ4 sa4ka3xã'4õ24 ĩ3ĩ4 ya3ndyo24 nã4 nda3ndi3ko4ra2 ku1nũ'1ũ4ra2 ndi4 ba14ja4 ka4a4 tu4nĩ1ra1 kũ'1ũ1ra1 jyo'4o4 ndi4 ka4nĩ24 nã3kwi42 ka'3a4ra3,
tã3 ya1 kã'3ã3 nũ14ũ3 ba42 kã4 ndi4 ba143 ka4a4 yo4o4 sa3kã4 ndi4 nã1 ba'1a3 ku4u4 yo4o4
xã'4ã2 bi1xi1 yo4o4 i4yo2 kwa4yu2 ja1nde4 ba'1a3, ba'1a3 nã1 ku4u4 yo4o4 ndi4 nã1,
nã1 ba'1a3 ku4u4 yo4o4 tã3 ta1 ñã1ã4 ndi4 ka4nĩ24 nã3kwi42 ka'3a4ra2 nã4..., si4kỹũ'3ũ4ra2 ya'1bi3ra2 nã4 nda3ndi3ko4ra2 ku1nũ'1ũ4ra3,
ku1nũ'1ũ4ra2 be'3e3 ku3ndu'4u4ra2 a1chi1 ndi4 ku4kã'3ã3 ndwe14e4 ku3nda3ke4 ta1 ñã1ã4 ko'1o4 xe1e4 be'3e3 *rey** xe1e4 tã3
ki3nĩ3nĩ42 ka4a4ra2 ka4nĩ24nĩ42 ka'3a4ra2 ka4chi2 nã1 ya3nĩ2ra1 so'3o3, ya1 kã4 nĩ1ke3ta3 i3nda14 ya3nĩ2ra1 tã3 sa14ka3xã'4ã2ra1 ỹã3ã42 ba1ba'1a3
ja143 ka4chya2 so'3o3 ndi4 ka14nĩ3nỹũ424 yu'1u1 ya3nĩ2 kũ'14ũ1 ya3tĩ3nĩ42 bi42 ja1ta4ndo4 ndi4 xi4ka3 ku3ndi3kũ2yu1 kw̃ĩ'1ĩ1 mĩ4ĩ4,
ya1kã3, sa'4bi13ndo4 kwã'1ã1ndo4 tã3 sa3kã4 ku3nũ2 kũ'1ũ1yu1, tã3 mĩ4ĩ4 nda4tu1u3ndo4 tã3 ku3se'14e2 lu3chi'4i2yu1 tã3 sa3kã4 nã4 ja1 kwã'1ã1ndo4 ja1 sa'4bi13ndo4 kwã'1ã1ndo4 sa3kã4 ku3ndi3kũ2 tu3ku2 kw̃ĩ'1ĩ1
sa3kã4 sa3kã4 ko'1o4 tã3 xa1a1 be4 mĩ4ĩ4 kwe'1e4 ka4chi2ra1 so'3o3 chi2, jĩ'4ĩ4 nã1 ya3nĩ2ra1
ya1 kã4 ndi4 kwã'1ã1 ba3ra2 ja1ta4nã3, xi4ka3, xi4ka3, xi4ka3 ndi4kũ2ra1 kwã'1ã1ra1 ja1ta4nã2 xi4ka3, xi4ka3 ndi4kũ2ra1 ja1ta4nã3,
ndu3bi4 nĩ4ĩ4 nĩ1xi1ka3nã2 nĩ1xa1a1 ba3nã2 be'3e3 ỹã3ã2 *rey**
i3kã4 ka4chi2nã1 so'3o3 jĩ'4ĩ4 *rey** kã4 ndi4 *señor rey** nã4 kwi14i3 sa4kwã'1õ4 nda14yu3 ku1sũ1ndu1 bẽ'3õ4 ndi4 nã1 ya'4a13 kwã'1ã1 ku4u4ndu2 tã3
sa4kwã'1õ4lu3 nda14yu3 ku1sũ1ndu1 bẽ'3õ4 i3tã2ã2 kwã'1ã1 ba3ndu2,
Ba'1a3 ba3 nã4chu3 kwi14i3 ndi4 ba'1a3 ba3, sa4kwa'1a32 nda14yu3 ku1sũ4
ke13ta3 ba3 ta1, ta1 *rey** kã4 tã3 jã'1ã1 sa14nũ3ũ3ra2nã1, nã1 kã4 ja1ta4 kwa4yu2 ndi4so3ra2nã1 tã3 nũ14ũ3nã2 ñũ'3ũ4
tu3ku3ra2 kã4 jã'1ã1 nda1kwi1so3ra2 sa14nũ3ũ3ra2 ta1 kã4 ñũ'3ũ4 ji1nũ3 u1bi1nã1 ja14nũ3ũ3ra2 ñũ'3ũ4
i3kã4 ndi13kwi3so3ra2 ndi3sa4bi1nã1 tã3 ja'13nda2ra1 chi3ñũ3 nũ14ũ3 *musu**
ndi3kỹũ'3ũ4, ndi3kwi3sõ4 kwa4yu2 ka1a3 nã4 kũ'1ũ1ri4 jỹũ'4ũ4 ndi3sa4bi1ri4 sa3kã4 nã4 kũ'1ũ1 jỹũ'4ũ4 *zaguán** kã4 ku3chi3tu4ri4
tã3, ya1kã3, ta3xỹũ4 pa3ra42 ka3xi4ri4, ya1kã3, ku1sũ1ri4 ñã1ã4 yo'4o1 ku4u4 ta1 ko3to3 kwe4ndõ24lu3ri4 i3tã2ã2 sa3kã4 ndi4
ndi3kwi3so3 nã1 yo'4o4ri4 ku1..., kũ'1ũ1ri4 jĩ'4ĩ4nã3, ka4chi2ra1 jĩ'4ĩ4 *musu**
ja143 ndi13kwi3so3 ba3 *musu** kwa4yu2 kwã'1ã1ri4 jĩ'4ĩ4ra2 *zaguán** kã4, ndi13kĩ'3ĩ3 ba3ra2 nã1 u1bi1 ñã1ã4 kwã'1ã1ra1 jĩ'4ĩ4nã2 ti1xĩ3 be'3e3
i3kã4 nĩ1xa1a1 nã1 kã4 ti1xĩ3 be'3e3 tã3 ja143 ta13ba4ra2 ta3yu2 nde4e4 nã1 kã4 nda4tũ'4ũ4nã2 kwẽ4tu2
tã3 ta1 ka4nĩ24 ka'3a4 ya3nĩ2nã1 ndi4 ndi1ku1nda42 tã3 *cocina** mĩ4ĩ4 chi4tu4 nã1 si'4i2 ju13ndu3ndu2 ta1 kã4 jã'1ã1ra1 nĩ1xa1a1ra1 tã3
nĩ1xa1a1ra1 mĩ4ĩ4, mĩ4ĩ4 ñũ'4ũ4 nã1 si'4i2 ndi4ko3 i3kã4 i4ndu'3u4 si1si'4i2 *rey**
kĩ'13ĩ3 ba3ra2 yu1u4 tã3 ka13nĩ3 ba3ra2 ja1ta4 si1si'4i2 *rey**, i3kã4 xo14kw̃ã1ã4 kã4 ji4tw̃ã4 yo3o3 ku4u4 ka13nĩ3 yu1u4 ja1tẽ4
i3kã4 ja143 ka4chỹã24 jĩ'4ĩ4ra2 ndi4 nde4e2 ku4nỹũ24 ka13nỹũ4 yu1u4 ja1ta42
yo'4o4 ki3xỹũ4 i4yo2 lu3chi'4i2 chi3ñũ3 ku4nĩ2 yo'4o1, ja143 ku13ya3tỹã4 nũ14ũ3ra3,
nã4 nĩ1ndi'3i3 xi13xi3 nã1, nã1 ki13xa2a2 be'3e3 yu3bõ4 ka1a3 tã3
tã3 nĩ1ndwa1a32 nĩ1xi3xi3nã2 tã3 ka3nĩ3 mã1nĩ4lw̃ã42 yu'1u1 ku3xi2 ndi4 ko14o3 xũ'14ũ2 nda'4bi2nĩ42 i4yo2yu1 ko14o3 xũ'14ũ2
ka3nĩ3 mã1nỹũ4lu3 yu'1u1 ya1 nĩ1ndo1o3 xi13xi3 nã1 kã4 ku3xi2 ndi4 ko14o3 xũ'14ũ2 sa3ta42 ya1 ndi4 xi4kã1 ba2ya1 nũ14ũ4 ka4chi2ra1 so'3o3 jĩ'4ĩ4 si1si'4i2 *rey**
A4chu3 ba42 ku3xi3 tw̃ã42 nĩ1ndo1o3 ku3xi3 nã1 kã4 tu3 su14u3 i3nã2 kũ4ũ4 ku3xỹã42 nĩ1ndo1o3 xi13xi3 nã1 kã4 ndi4 ta1a3 kũ4ũ4
ji'3nã3 ka1 yo'4o1 ku3xi3 bi3tĩ3 ba3 ka4chỹã24 so'3o3 jĩ'4ĩ4ra2 chi1, i3kã4 sa14nũ1mỹã4 nã1 ja4chỹũ4ũ4 nw̃ã14ã4, nũ14ũ3 yu3bẽ4
ja4nũ1mĩ4ndo4 tã3 sa3kã4 ndi4 ku3ndwa'4a42 ku3xi3 ta1 yo'4o4 ndi4 ta1 i4so3ko2 ku4u4ra3,
ja143 ja14nũ1mĩ4 nã1 kã4 ja143 nĩ1sa4ka3sũ2nã1 ku3ñũ2 sa14ka3sũ2nã1,
tã3 ka4chỹã24 jĩ'4ĩ4nã2 ndi4, ta3ka'4nĩ3ndo4 *mesa** lu3lu3 ñã1ã4 nã4 ke3ta3rũ4 ke'3e2 yo'4o4 ku3ndu'4u2 ku3xi2 jĩ'4ĩ4ra2 ndi4 jĩ'4ĩ4 ta1 yo'4o4 ku3xi2 tĩ3 ka4chỹã24 so'3o3
ka13ta'4nĩ3nã2 *mesa** ke'3e2 i3kã4 ja13nde3tẽ4 ya1 ku3xi3nã3, ja143 xi13xi3ra2 jĩ'4ĩ4nã3,
xi13xi3ra2 jỹã'4ã4 ñã4 si1si'4i2 *rey** kã4, xi13xi3ra2 jỹã'4ã4 si1si'4i2 *rey** kã4,
i3kã4 ja143 ka4chỹã24 so'3o3 jĩ'4ĩ4ra2 ndi4
ã4 ta1 kwã'1ã1 kũ4ũ4 ya'4a13 kwã'1ã1 kũ4ũ4 ka4chỹã24 jĩ'4ĩ4ra2, ta1 kũ'1ũ1 ku4u4 ba2 ndi4 nda1 i3tã2ã2 bi4 ba42 kũ'1ũ1yu1
ba1 tã4nã4 ja1ta4 be'3e3ndo4 yo'4o4 sa4kwã'1õ4 nda14yu3 ku1sũ1yu1 a1chi1 ndi4, ya1kã3,
ji14nĩ2 mĩ4ĩ4 ba42 kũ'1ũ1yu1 ku1sũ1yu1 ndi4 nã1 ya3nĩ2 ndi4 ti1xĩ3 be'3e3 ku1sũ1 nã1 kã4 nda13kwi3so3 yu3bõ4nã2 ku1sũ1nã1 ti1xĩ3 be'3e3 tã3
nã1 ku1sũ1 ba'1a3 ku4u4 ba3 nã1 kã4 tã3 yu'1u1, e1ta4 nã4 ja'1a4 be'3e3ndo4 yo'4o4 sa4kwã'1õ4 nda14yu3 ku1sũ1yu1 ka4chi2ra1 so'3o3 jỹã'4ã4 ñã4 si1si'4i2 *rey** kã4
ñã4 si1si'4i2 *rey** kã4 ka4chỹã24 jĩ'4ĩ4ra2 ndi4, A4chu3 ba42 ku1sũ4 xa'1a4 be'3e3 tu3 su14u3 i3nã2 kũ4ũ4 ku1sũ4 xa'1a4 be'3e3 ndi4 ta1a3 kũ4ũ4
ĩ3ka4nĩ24 ndi4, sa3kã4 ndi4 kẽ'1ẽ1 jĩ'4ĩ4 nã1 ja4chỹũ4ũ4 nũ14ũ3 yu3ba42 yo'4o4 ta3ba4nã2 is1to3 tã3 *corredor** yo'4o4 ku1so4 ka4chỹã24 jĩ'4ĩ4ra3,
ya1 kã4 ndi4 nĩ1..., nĩ1ku3ñũ3ũ42 tã3 i1xa43 nĩ1ja'3ndẽ24 chi3ñũ3 nũ14ũ3 nã1 ja4chỹũ4ũ4 nw̃ã14ã4 ja143 nĩ1...,
ta13ka'4nĩ3nã2 is1to3, ya1kã3, *corredor** kã4 nĩ1ja3ndi3chi2nã1 is1to3 mĩ4ĩ4 ku1sũ1ra1 jỹã'4ã4
i3kã4 tã3 nĩ1ndi'3i3 tã3 ja143 ka4chi2 nã1 kã4 jỹã'4ã4 ndi4
tã3 sa1a3 ko3o3 tã3 ku1sũ4 jĩ'4ĩ4 tu3ra2 tã3 i4yo2 yu3bõ4 i4yo2 sỹũ'3ũ4, ũ'4ũ3 ndi4 o4ra2 nda13ku1sũ1 nã1 kã4 tã3
be'3e3 i4ndu'3u4 ba2 ku3nĩ3 so'1o32 nda4a2 kwẽ4tu2 ba42 nda4tũ'4ũ4 nã1 kã4 o4ra2 ja1 nĩ1ki1xĩ1 nã1 kã4 sa3kã4 ndi4 ki3xa2a2yu1 ku1sw̃ĩ1 jĩ'4ĩ4ra2 ka4chỹã24 so'3o3
ba'1a3 nã4tu2 sa3kã4, ndi4 ñã1ã4 ko3tõ4 sa1a3 a3sõ4 ndi4 nã1 ja1 kũ'1ũ1 ku4u4 ndu'1u1, nĩ1ke1ta3 ñũ'1ũ3 tã3 nĩ1ke3e3 ba3 nã1 ja4chỹũ4ũ4 nũ14ũ3nã2 kwa1nũ'1ũ4 ba3 nã1 kã4 be'3e3nã3,
i3kã4 nĩ1ndo1o3 mĩ3ĩ4 bẽ4, ndi13kỹã'3ã4 kwẽ'1ẽ4 i4ndwa'3ã4 ji4nĩ3 sw̃ã'1ã4 kwẽ4tu2 nda4tũ'4ũ4 ya3nĩ2 ta1 nĩ1xa1a1 kã4 ba3
i3kã4 ka4chỹã24 jĩ'4ĩ4ra2 ndi4 ja14xi1be'4e4 yo'4o4 ku3ndu'4u4 nã'3õ24 ĩ3ka4nĩ24 sa3kã4 ndi4 nda3ndi'1bỹũ4 *corredor** yo'4o4 ku1so4 jĩ'4ĩ4 yu'1u1 ku1sũ4 bi3tĩ3 ka4chỹã24 jĩ'4ĩ4ra3,
i3kã4 nĩ1ndu3ku3ndu'4u4ra2 i4ndu'3u4ra2 kã4, i3kã4 nĩ1...,
ndi13kỹã'3ã4 kwẽ'1ẽ4 nũ14ũ3 yu3bẽ4 i4ndwa'3ã4 ji4nĩ3 sw̃ã'1ã4 kwẽ4tu2 nda4tũ'4ũ4nã2 kã4
ĩ3ka4nĩ24 tã3 ja143 kwã'1ã1 nĩ1ku3ñũ3ũ42 tã3 ka4chi2 yu3bẽ4 so'3o3 ndi4, kwã'4õ24 ku1sũ4 *hija** yu'1u1 ndi4 ta1 ja1 ku1sũ1 ku4u4 yu'1u1
sa3kã4 tu3 nã1 yo'4o4 ba3 ndi4 yo'4o4 ku1sũ1nã1 yo'4o4. Ba'1a3 ba3. Ja143 ndi13kĩ'3ĩ3nã2 kwã'1ã1nã1 ku1sũ1nã1
xa'1a1 ka1 ka4a4 tã3 nĩ1nde3ẽ4 nũ14ũ3 is1to3 jĩ'4ĩ4 ta1, ta1 ka4nĩ24 ka'3a4
nĩ1ki1xĩ1nã1, xa'1a1 ka4a4 tã3, xa'1a1nĩ42 tã3 nĩ1ki3xa2a2 ba3 nã1 ja4chỹũ4ũ4 nũ14ũ3nã2 tã3 i3kã4 ka4chỹã24 jĩ'4ĩ4 nã1 kã4 ndi4
sa4nũ1mĩ4ndo4 tã3 sa3kã4 ndi4, ya1kã3, ka'3nĩ4ndo4 ndu3xi4 tã3 ja4chyo'1o4ndo4ri4
tã3 sa4ka3sũ2 ya3a3 ti4ndo4ri4 tã3 sa3kã4 ndi4 nde1ta3 ya'3a4 ka'3a4ri4 tã3 sa3kã4 ndi4 kũ'1ũ1ri4 jĩ'4ĩ4 ta1 yo'4o4, ka4chỹã24 jĩ'4ĩ4 nã1 ja4chỹũ4ũ4 nw̃ã14ã4
i3kã4 tã3 ja'13nĩ4nã2 ndu3xi4 tã3 i13xa3 ba'1a3nã2ri4 tã3 chi'1..., nda13ta4 ti4nã2ri4
sa1a3 ĩ3ĩ3 ya3bi2 kwi4ta1 ti4 kã13ã2nã1 ka'3a4ri4 tã3 i3kã4 chi13ka2nã1 i3nda14 ya'3a4 ka'3a4ri4 nda13ka3si2nã1 mĩ4ĩ4 nĩ1kã3ã2nã1 ka'3a4ri4 kã4
ta13ba4 ndi'3i3nã2 si3ti2ri4 tã3 chi13ka2nã1 ya'3a4 kã4 ka'3a4ri4 tã3 i3kã4 tã3 nda13ndu3ku4 ba3nã2 i3tĩ2 nda1a4 xa14a3
chi13ka2nã1 ndu3xi4 kã4 tã3 kũ'1ũ1ri4 jĩ'4ĩ4 ta1, kũ'1ũ1ri4 jĩ'4ĩ4 ta1 kã4 ku3xi3ra2, ta1 ka4nĩ24 ka'3a4 kã4 ku3xi3ra3,
i3chi4, ndi4 ta1 nĩ1ke3e3 kwã'1ã1 ku4u4ra3,
xa'1a1 ka4a4 tã3 ndo13ko2o2 nã1 ya3nĩ2ra1 tã3 ndi13kwi3so3nã2 kwa4yu2 ja1nã1nã1 tã3 kwã'1ã1 ba3nã3, ndi13kĩ'3ĩ3 nĩ3 tu3ku3nã2 i3chi4 kwã'1ã1nã1, kwã'1ã1nã1 sa3kã4 kwã'1ã1nã1 sa3kã4
ndi4 nda1 ja1 ya3tĩ3, ya3tĩ3 ku3tỹũ'4ũ4 tã3 ba143 kwi4i4 ku3xi3nã2 ndi4 nĩ3 ba143 kwi4i4 xa1a1nã1 ñũ3ũ2 mĩ4ĩ4 kwã'1ã1nã1 ndi4 i4so3ko2 sa4ka2nã1
kwã'1ã1nã1 tã3, i3kã4 ja143 ka4chi2ra1 so'3o3 ndi4
xo4kõ1õ4 ko3tõ4 ja1tõ4 tã3 ku3nỹũ24 ya3nĩ2, tỹã42 ka4a4 ta1 nĩ'4ĩ4 ti1nda1a4 ka4a4 ya3ndyo24 ta1, ta1 ka4nĩ24 ka'3a4 ba1xi3ra2 ka4chi2 i3nda14ra2 so'3o3
ja143 xo14ko1o3 ta1 kã4 ji4to3ra2 ja1ta4ra2, ti1nda1a4 nĩ'4ĩ4ra2 rã4 ya3nĩ2 nã4 ku3nda3twe4ra2 ku3ndyo24 yo3o3 ba42 nĩ'4ĩ4 tã'3ã2ra1 nĩ1ka3chi2nã1 so'3o3
i3kã4 ju13nda3tu3nã2 ya3nĩ2nã1, nĩ1xa1a1 ta1 kã4 i3kã4 ja143 ka4chi2nã1 jĩ'4ĩ4ra2 ndi4
ja143 ka4chi2nã1 jĩ'4ĩ4ra2 ndi4, ya1kã3, yo'4o4, ya1kã3, ku3nda3tũ4 ya3ndyo24 nã4 ki3xa2a2ra1 tã3 ku3ndyo24 yo3o3 ba42 nĩ'4ĩ4ra2, ja143 ju13nda3tu3nã3,
ndi3sa4bi1nã1 sa3kã4 ju13nda3tu3nã3, nĩ1xa1a1 ba3 ta1 kã4 su3 nĩ'4ĩ4ra2 i3tĩ2 nda1a4, yo3o3 ba42 nĩ1ke3bã'1õ4 jĩ'4ĩ4 ya3nĩ2, is1ta4 ba1xi3 jĩ'4ĩ2
nda3kwã'1ã42 nda'3a4ndu2 nã4 ku3xi3ndu2 ndi4 i4so3ko2 nã3kwi42ndu1 tã3 sa3kã4 ndi4 ya1 ndo3ko3o4ndu2 ya1 kã4 ku3xỹũ4 ka4chi2nã1 so'3o3 jĩ'4ĩ4ra3, Ba'1a3 ba3. Ja143 ndi13kĩ'3ĩ3nã2 ti1nda1a4 kwã'1ã1 jĩ'4ĩ4nã3,
xi13xi3nã2 xi13xi3nã2 ba'1a3, ndi'13i3 xi13xi3nã2 ja143 nĩ1...,
ndi'13i3 ndo3o3 is1ta4 xi13xi3nã2 nda143 i3nda14 ji1nĩ4 ku3lwa2 ndo13ko3o4nã2,
kwa14a2 kwa'1a4 ka1 ndi4 ja13xi4 ndi'3i3 ba3nã2 ku3ñũ2 ndu3xi4 kã4 nda143 i3ki4 la1ngi1 ndi1ka3ri4 ndo13ko3o4nã3,
ti1xĩ3 ti1nda1a4 kã4 nda143 i3nda14 is1ta4 kĩ'13ĩ3nã2 sa13ka4nã3nã2 ja1ta4 i3ki4 kã4
ja143 ndi13kĩ'3ĩ3nã2 kwã'1ã1nã1, ku3xi3 ba3 yo'4o1 ya3nĩ2 nã4 kũ'1ũ1 ba3 ndu'1u1 ndi4, nã1 kũ'1ũ1 ku4u4ndu2. ba'1a3 ba3.
tã3 ñã4 nĩ1ta3xi3 ti1nda1a4 kã4 nda'3a4ra2 ndi4 ka4chỹã24 jĩ'4ĩ4ra2 ndi4 nã4tu2 nã4 nĩ1ndi'3i3 ñã'1ã3 kwã'1ã1 jỹũ'4ũ4 yo'4o4 xi13xỹũ4 tã3
ndi3ki3sỹũ4 ku1mĩ4 chi4chi3 ndi3ki3sỹũ4 ti1nda1a4 tã3 ja1 i4yo2 be2 ku3xỹũ4 ka4chỹã24 so'3o3 jĩ'4ĩ4ra3, ya1 kã4 ndi4
ndi13ki3sĩ3ra2 ti1nda1a4 kã4 ku1mĩ4 chi4chi3 tã3 i3kã4 nda13kwe3ta3 ba3 *mesa** ndi4
i4yo2 ta1kwi42 bi1xi1 i4yo2 nda3yu4 i4yo2, ya1 nde4ta3 ku4u4 ndya'3a2 ku3xi3ra2 nũ14ũ3 *mesa** kã4
ja143 ndu13ku3ndu'4u4 tu3ku3 ba3 ta1 ñã1ã4 xi13xi3ra2 tĩ3, tã3 sa1a3 a3sa2 jỹã'4ã2 o4ra2 ndi'13i3 xi13xi2
xa'1a4 *mesa** tỹũ3ũ4 su3kũ4rũ4 ñũ'3ũ4 tã3 kwa3chi3 ndi'3i3 be2 ñã1ã4 tã3 kwã'1ã1 bõ4 nã4tu2 nã4 kã4 tã3
tã3 sa'3mã4 ndi4 ndi3kỹã'3ã42 kã4 chi3kã242 ti1xĩ3 ti1nda1a4. An3 ba'1a3 ba3 ka4chi2ra1.
Ja143 nĩ1ndi3kĩ'3ĩ3ra2 sa'3mã4 chi13ka2ra1 ti1xĩ3 ti1nda1a4 xi13xi3ra2 ba1ba'1a3 tĩ3 ndi13kĩ'3ĩ3ra2 kwã'1ã1 tu3ku3 ba3ra3,
i3ki4 ya1 ndo13ko3o4 nã1 ya3nĩ2ra1 kã4 sa13ka4nã3 ba3re2 kã4 tã3 is1ta4 i3nda14 ndo13ko3o4nã2 kã4 sa13ka4nã3re2 kã4 tã3 ya1 nĩ1ki3xa2a2 xa14a3 ya1 kã4 xi13xi3 ta1 kã4
su3 sa'3mã4 kã4 ndi13ki3sĩ3ra2 ndi13ki3sĩ3ra2 ti1nda1a4 u1bya1 sa3kã4 ndi13ki3sĩ3ra2 tã3 ndu13ndi3chi2 xa14a3 *mesa** tã3 ñã1ã4 ndu13kwe1te32 xi13xi3ra3,
ndi'13i3 xi13xi3 ta1 kã4 ndi13kĩ'3ĩ3ra2 kwã'1ã1 ba3ra3,
kwã'1ã1 ba3 ta1 kã4 ja1ta4 ya3nĩ2ra1 ndi4 nĩ1ku3xi4ka3lu3nã2 kwã'1ã1nã1 ndi4 xi4nũ3ra2 sa3kã4 xi4nũ3ra2 sa3kã4, sa3kã4 nĩ1ku3ya3tĩ3ra2 mĩ4ĩ4 kwã'1ã1nã1
tu4u4 ka1 kwã'1ã1nã1 tã3, tã3 ju4ndi3chi2 ba3ra2, nda1 ja1 sa'4bi13nã2 kwã'1ã1nã1 sa3kã4 xi4nũ3 tu3ku3ra2 kwã'1ã1ra1 sa3kã4 ndi'3i3 sa3kã4 ndi'3i3
sa3kã4 ku4u4 nĩ1xa1a1nã1 i3nga2 ñũ3ũ2 ki1bi4 nĩ1xa1a1nã1 ñũ3ũ2 kã4
be'3e3 *rey** nĩ1xa1a1nã1 tã3 i3kã4 ka4chi2 ta1 ya3nĩ2ra1 so'3o3 ndi4 be'3e3 *rey** yo'4o4 ta3tu2u2 nde'3e24 ku1so4 tã3 i3tã2ã2 ko'1o4
ndi4 mĩ4ĩ4 kwe'1e4 ndi4 ba14ja4 kwi4i4 xe1e4 ka4chi2nã1 so'3o3, ba'1a3 nã4tu2 sa3kã4, i3kã4 ja143 nĩ1xa1a1nã1 kã4 tã3 ja143 nĩ1kã'1ã1nã1 jĩ'4ĩ4 *rey** kã4
*señor rey**, a3sã42 ba'1a3 sa4kwã'1õ4 nda14yu3 ku1sũ1ndu1 bẽ'3õ4 ndi4 nã1 kwã'1ã1 ku4u4ndu2 tã3 yo'4o4 ba1xi3ndu2 tã3 nĩ1ku3ñũ3ũ42 tã3 bi3tĩ3 ndi4 yo'4o4 ku1sũ1ndu1
ba'1a3 ba3 ka4chi2 ta1 kã4 so'3o3, ja143 ndi13kwi3so3 ta1 kã4nã2 tã3 ka4chi2 ta1 kã4 so'3o3 jĩ'4ĩ4 *musu** ja4chỹũ4ũ4 nũ14ũ3ra2 ndi4 ndi3kwi3so3ndo4 kwa4yu2 ka1a3, ndi3kỹũ'3ũ4 kwa4yu2 ka1a3 nã4 kũ'1ũ1ri4 jỹũ'4ũ4
ndi3sa4bi1ri4 sa3kã4 kũ'1ũ1 jỹũ'4ũ4 tã3 chi3ndyo3õ4 i3ta2 ka3xi4ri4 ko3to3 kwe4ndõ24ri4 i3tã2ã2 ndi4 ti4 kũ'1ũ1 ku4u4ri4 jĩ'4ĩ4 nã1 yo'4o4, ba'1a3 ba3 ka4chi2 ta1 kã4 so'3o3
ja143 jwi13so3nã2 kwa4yu2 kã4 tã3 kwã'1ã1ri4, kwã'1ã1 kwa4yu2 kã4 jĩ'4ĩ4 ta1 *musu** kã4
i3kã4 ndi13kwi3so3 ta1 bi4ka3 *rey** kã4nã2 tã3 kwã'1ã1 ba3nã2 ti1xĩ3 be'3e3, tã3 ta1 ka4nĩ24 ka'3a4 kã4 ndi4 ju13ndu3ndu2ra1 ja1ta4 be'3e3 tã3 nĩ1xa1a1ra1 *cocina**
i3kã4 ndi4ka2 si1si'4i2 *rey** ja143 nĩ1kĩ'3ĩ3ra2 yu1u4 tã3 ka13nĩ3ra2 ja1tẽ4, *suerte** kã4 ndi4 ya1 nĩ1xi1kã1ra1 ba42, tĩ13ĩ3ra2 yu1u4 tã3 ka13nĩ3ra2 ja1tẽ4
ja143 nĩ1xo14kw̃ã1ã4 ji4tw̃ã4 tã3 nde4e2 ba42 ku4nỹũ24 ya1 kã4 ka13nỹũ4 yu1u4 ja1ta42, yo'4o4 ki3xỹũ4 i4yo2 lu3chya'4a2 kẽ'1ẽ1 jỹũ'4ũ4, ja143 ku13ya3tỹã4 nũ14ũ3ra3,
nã1 nĩ1ki3xa2a2 be'3e3 yu3bõ4 ka1a3 ndi4 ya3nĩ2yu1 ku4u4 nã1 ka1a3
nã4tu2 nã4 nĩ1ndo1o3lwa2 xi13xi3nã2 tã3 ka3nĩ3 mã1nỹã42 yu'1u1 ku3xi2 a1chi1 ndi4 ko14o3 xũ'14ũ2 ba1xi3 jĩ'4ĩ2 sa3ta42 ku3xi2 ta1 nda'4bi2 ku4u2
tã3 ya1 nĩ1ndo1o3 xi13xi3nã2 ya1 kã4 ku3xi3 yu'1u1 ku4nĩ2yu1 ka4chi2ra1
¿A4chu3 ku3xỹã42 ya1 nĩ1ndo1o3 xi13xi3 nã1 kã4 tu3 su14u3 i3nã2 kũ4ũ4 ndi4 ta1a3 kũ4ũ4?
ya1 ku3ndu'4u4 ba42 ku3xỹũ4 bi3tĩ3 ba3 ka4chỹã24 so'3o3 jĩ'4ĩ4ra3, i3kã4 ja143 chi13ndwe'4ẽ42 xi13xi3ra3,
nũ4mĩ24 nĩ1kẽ'1ẽ4 jĩ'4ĩ4 nã1 ja4chỹũ4ũ4 nw̃ã14ã4 tã3 ja143 chi13nde3e3nã2 is1ta4 ta13ka'4nĩ3nã2 *mesa**
ju13nde3ta3 ta1kwi42 bi1xi1 ju13nde3ta3 tã42 i4yo2 ñã'1ã3 xi13xi3nã3, ndi'13i3 xi13xi3nã2 ja143 ka4chi2ra1 so'3o3 jỹã'4ã4 ndi4
sa4kwã'1õ4 nda14yu3 ku1sũ1 lu2 e1ta4 nã4 xa'1a4 be'3e3ndo4 ke'3e2 ka1a3 ku1sũ1yu1 a1chi1 ndi4 ba14sa4 ji4nĩ2 mĩ4ĩ4 ku1sũ1yu1
ku4u2 ta1 nda'4bi2, tã3 bi3tĩ3 ndi4 mĩ4ĩ4 ku1sũ1yu1 a3sã42 ba'1a3 jĩ'4ĩ2 sa4ta3tũ2ũ4lu3 yu'1u1 e1ta4 nã4 xa'1a4 be'3e3 ka1a3 ku1sw̃ĩ1
a4chu3 ba42 ku1sũ4 xa'1a4 be'3e3, xĩ'4ĩ4 ba3 yu'1u1 ku1sũ4 ĩ3ka4nĩ24 nã4tu2 nã4 ta1 ku1sũ1 kũ4ũ4 ka4chỹã24 jĩ'4ĩ4ra3,
i3kã4 ja'13ndẽ24 chi3ñũ3 nũ14ũ3 nã1 ja4chỹũ4ũ4 nw̃ã14ã4 ta13ka'4nĩ3nã2 is1to3, nĩ1kwa3a4 ta13ka'4nĩ3nã2 is1to3, ya1kã3, *corredor**
i3kã4 yo'4o4 ku1so4 tĩ3, yo'4o4 ku1so4 jĩ'4ĩ2 ndi4 nã4 ku1sũ1 ji'3nã3 yu3ba42 sa3kã4 ndi4 ku1so4 yo'4o4 ñã4 ku1sũ1, ka1a3 ku1sũ1yu1 jỹũ'4ũ4
ba'1a3 ba3 ñã1ã4 ku3ndu'4ũ4 tã3 ĩ3ka4nĩ24 nã4 ku1sũ1 ji'3nã3 yu3ba42 sa3kã4 ndi4 ku1so4
ja143 nda3..., nĩ1kỹã3ã4 jã'1ã1 ndi1kw̃ã4 yu3bẽ4 tĩ3 ja143 nda4tũ'4ũ4nã2 kwẽ4tu2 nda4tũ'4ũ4nã2 kwẽ4tu2 xa1 ñũ3ũ42,
kũ'1ũ4 ku1sũ4 *hija** ndi4 yu'1u1 ndi4 ta1 ja1 ku1sũ1 ku4u4 yu'1u1 ka4chi2ra1 jỹã'4ã4. Ba'1a3 ba3.
ja143 nĩ1kỹã3ã4 jã'1ã1 ndi1kw̃ã4 ta1 ka4nĩ24 ka'3a4 kã4, i3kã4 jã'1ã1 ndi1kw̃ã4 ta1 kã4 ka4chỹã24 jĩ'4ĩ4ra2 ndi4, yo'4o4 ki3xỹũ4 ku1so4 nũ14ũ3 is1to3 yo'4o4 ku1so4 jĩ'4ĩ2
ja143 nĩ1nda3a3 ba3ra2 nũ14ũ3 is1to3 nĩ1ki1xĩ1ra1 jỹã'4ã4, nĩ1ki4tu3 tã3
nĩ14ku3nũ1mỹã4 ka'3ndẽ24 chi3ñũ3 nũ14ũ3 nã1 ja4chỹũ4ũ4 nũ14ũ3 yu3bẽ4 chi3ndu'4u4nã2 is1ta4 kũ'1ũ1 jỹã'4ã4, jĩ'4ĩ4ra2 ku3xi3ra2 ndi4
ja143 ka4chỹã24 jĩ'4ĩ4ra2 ndi4, kwa14a2 i4yo2 kũ'1ũ1 jỹũ'4ũ4 ku3xỹũ4 ndi4 e1ta4 *guitarra** yo'4o4 kũ'1ũ1 jỹũ'4ũ4
ji14nĩ2yu1 xa3nda42 ka4chi2ra1 jỹã'4ã4, ũ'4ũ3 ndi4 ja1 ñã1ã4 ji4nĩ2 mĩ3ĩ4 ba3 nda'3õ4 tã3 ỹũ'3ũ4 ndi4 ja1 ji4nĩ2 mĩ3ĩ4 be2 kã4 ka3te2 ka4chi2, ka4chỹã24 so'3o3 jĩ'4ĩ4ra3,
ja143 ta13xỹã4 *guitarra** nda'3a4ra3, tũ4 yo'4o4 tũ4 xa14a3 yo'4o4 kũ'1ũ1 jỹũ'4ũ4 su14u3 tũ4 ya3ta4 ku4u4rũ4 tũ4 xa14a3 ku4u4rũ4 tũ4 ka1a3 kũ'1ũ1 jỹũ'4ũ4
mĩ4ĩ4 nĩ1xõ1õ4 ya1 i4ỹõ24 ya1 ta1tĩ3 tã3 tũ4 ka1a3 xa3ndõ4 jĩ'4ĩ4 tã3 ta1 ya'1a3 ba'1a3 i4chi3 kũ4ũ4 ka4chỹã24 so'3o3 jĩ'4ĩ4ra2,
ja143 ndi13kĩ'3ĩ3ra2 *guitarra** tã3 kwã'1ã1 ba3rũ4 jĩ'4ĩ4ra3, kwã'1ã1ra1 sa3kã4 kwã'1ã1ra1 sa3kã4, ka4nĩ3 so4ko1ra1 *guitarra** kwã'1ã1ra1, i3chi4 kwã'1ã1ra1 tã3
nĩ1..., ndi4kũ2ra1 ja1ta4 nã1 ya3nĩ2ra1 ndi4 xi4ka3, xi4ka3, xi4ka3 ndi4kũ2ra1 ja1ta4 nã1 ñã1ã4 kwã'1ã1nã1 nĩ1xa1a1 ba3nã2 mĩ4ĩ4 kwã'1ã1nã1 chi1, xa1a1nã1 ñũ3ũ2 mĩ4ĩ4 kwã'1ã1nã1
tã3 *palacio** mĩ4ĩ4 i4ndwa'3ã4 si1si'4i2 *rey** mĩ4ĩ4 kwã'1ã1nã1 kã4 ndi4 su4kũ1 nã'14ã2 *palacio**
nde3e4 nĩ1ke3e3 nã1 u1bi1 ñã1ã4 jĩ'4ĩ4 kwa4yu2 ta1 nũ14ũ3 kwã'1ã1 nda13a3ra2 jĩ'4ĩ4 kwa4yu2 ndi4
nda143 sa3kã4 ti4 tã3 xa4a1ra1 mĩ4ĩ4 i4ndu'3u4 ñã4 si1si'4i2 *rey** nda143 xi4ka3 si4ti24 ti4 kwa4yu2 nĩ1ku3ya3tĩ3 i4chi3ra2 nw̃ã14ã4 tã3 nda13xo4ko1o3ri4 tã3 kwã'1ã1ri4 ñũ'3ũ4
i3kã4 nde4ta3 nã1 nda4chi4ñũ3 ka4chi2nã1 jĩ'4ĩ4ra2 ndi4, ka4chi2 ta1, ta1 bi4ka3 so'3o3 ndi4 nda3kĩ'3ĩ3ndo4 ta1 ñã1ã4 nã4 kũ'1ũ1ra1 be'3e3 ka3a2 a1chi1 ndi4 nĩ14ko3chũ3ra2,
ñã1ã4 i4ndu'3u4 ta1 bi4ka3 *rey** si1si'4i2, ta1 jĩ'4ĩ4 si1si'4i2 ñã4, ñã4 i4ndu'3u4 kã4
i3kã4 ndi13kĩ'3ĩ3nã2ra1 ta1 nĩ14ko3chũ3 ñã1ã4 tã3 kwã'1ã1ra1 be'3e3 ka3a2 ba3 ndi13kĩ'3ĩ3 nã1 nda4chi4ñũ3ra2 tã3 kwã'1ã1ra1 be'3e3 ka3a2
ka'4nũ3lu3 be'3e3 ka3a2 nĩ1tĩ3ĩ3 ta1, ta1 *rey** kã4 nda4kũ'1ũ3 nã1 ba143 ko4chũ3 nda3kĩ'3ĩ3 si1si'4i2ra1
kwã'1ã1ra1 be'3e3 ka3a2 kã4 ba3, i3kã4 nda143 i3nda14ra2 nĩ1ndo1o3, tu3ku3 ba3 ta1 kã4 sa13ka4nã3ra2 kwa4yu2 kwã'1ã1ri4 ndi4 nde3e4lu3 kwã'1ã1ri4
xa1a1 nda1a1 i4chi3 ta1 kã4 mĩ4ĩ4 i4ndwa'3ã4 tĩ13ĩ3ra2 nde'3ẽ4 tã3 ya1 tã3 chi3ndu'4u4ra2ñã4 nũ14ũ3 ta3yu2 kwa4yu2 nĩ14ko3chũ3 ndi4 sa13ñã4ra2 nde'3ẽ4 nda13ndi3ko4 tu3ku3 ba3 kwa4yu2 nda1 ñũ'3ũ4, nda143 xi4ka3 si4ti24ri4 nda13xi1nũ1ri4 ñũ'3ũ4
tu3ku3 ba3 ta1 kã4 ndi13kĩ'3ĩ3 nã1 nda4chi4ñũ3 kwã'1ã1 ba3ra2 be'3e3 ka3a2, ji1nũ3 u1bi1 ba3nã2 kwã'1ã1 jĩ'4ĩ4,
jĩ'4ĩ4 ta1 ka4nĩ24 ka'3a4 kwã'1ã1nã1 be'3e3 ka3a2, ya3nĩ2ra1 ku4u4 nã1 kã4 ndi3sa4bi1nã1 sa3kã4 kwã'1ã1nã1 be'3e3 ka3a2, nĩ1ku3ñũ3ũ42 ji14nĩ2ra1 mĩ4ĩ4 ku1sũ1ra1
ndi4 nda13kĩ'3ĩ3ra2 *guitarra** tã3 kwã'1ã1ra1 mã14ñũ2 ba3, mã14ñũ2 ndi13kĩ'3ĩ3ra2 kwã'1ã1ra1
nĩ1ki3xa3a4 ba3ra2 ndi4 a4su3 kẽ'4ẽ24 yo'4o4 ndi4 ki1bi4 ta13xỹã4rũ4 nde'3e4 ndi4, ya1kã3, ja1 ji4nĩ2 mĩ3ĩ4 ba3 ywe'3e4 ka3te2 tã3 ja1 ji4nĩ2 mĩ3ĩ4 be4 xa3nde4 ka4chỹã24 so'3o3 tã3 bi3tĩ3 sa3kã4 ku3ndyo24 kã'4ã4ra3,
nĩ1kĩ'3ĩ3ra2 *guitarra** tã3 ki13xa3a4ra2 xa4nda4ra2 i4ndu'3u4ra2 mã14ñũ2 ndi4 la3tũ4lu3 xa4nda4ra2 i4ndu'3u4ra2 kã4
i4ndu'3u4ra2 ka4i2 xa4nda4ra2 xa4nda4ra2, i3kã4, ji13nĩ3 so'1o3 bẽ4 si1si'4i2 *rey** ndi4 ta1 xa4nda4nĩ42 ku4u4ra3,
la3tũ4nĩ42 xa4nda4ra2 i3kã4 ka4chỹã24 jĩ'4ĩ4 nã1 nde4e4 jỹã'4ã4 ndi4
kwã'4ã2ndo4 kũ'1ũ1 ndi1kĩ'1ĩ3ndo4 ta1 i4ndu'3u4 kã4 ndi4 ta1 kã4 ku4u4 ta1 nĩ1ku3si1i4 i3nĩ2yu1 ku3ndu'4u4 jĩ'4ĩ2 tĩ3 ndi4 la3tũ4 nã3kwi42 xa4nda4ra2 ka4chỹã24, ke13e3 nã1 nda4chi4ñũ3 jã'1ã1 ndi1kĩ'1ĩ3nã2 ta1 kã4
ndi4 ko'4o1 ji1nĩ4ra2 ndi4 ko'4o1lu3 ji1nĩ4ra2 ta'4nda1 tyo1to1ra1
nda'4bi2lu3 ka4a4ra2 i4ndu'3u4ra2 ji4ta3ra2 ka4i2 kã4 ta1 kã4 nĩ1ku3si1i4 i3nỹã24
ke13e3nã2 jã'1ã1 nda1kĩ'1ĩ3nã2 ta1 kã4 nĩ1ki3xa2a2ra1 tĩ3, i3kã4 ja143 ka4chi2 ba3 *rey** jĩ'4ĩ4
xĩ'4ĩ4 nã1 nda4chi4ñũ3 kã4 ndi4 kwã'4ã2ndo4 jĩ'4ĩ4ra2 nã4 ku3chi3ra2 tã3 sa3kã4 ndi4 xa14ta2ndo4 ji1nĩ4ra3, nã4 ke3e3 ji1nĩ4ra2 ndu3ba'1a3ra2 sa3kã4 ndi4 ku3ndu'4u4ra2 jĩ'4ĩ4 si1si'4i2yu1 ndi4
ta1 ka1a3 ku4u4 ta1 nĩ1ku3si1i4 i3nỹã24, tã42 i4yo2 nã1, nã1 ba'1a3 ĩ4ĩ4 ba1xi3 ku3ndu'4u4 jỹã'4ã4 ndi4 ba14ja4 nĩ4ku3chũ3 nã1 kã4 ndi3kĩ'3ĩ3nã2ñã4 ndi4 ta1,
nda'4bi2 ka4a4 ku4u4 ta1 nĩ1ku3si1i4 i3nỹã24 la3tũ4 xa4nda4ra2 ku13si1i4 i3nỹã24ra2 tã3 bi3tĩ3 ndi4
kwã'4ã2ndo4 sa3kã4 ndi4, jĩ'4ĩ4ra2 nã4 ke3e3 ji1nĩ4ra2, sa3kã4 ndu3ba'1a3ra2 sa3kã4 ndi4 ñã1ã4 ko3to3ndo4 nda4a2 *pantalón** ba42 ndu3ndi3xi3ra2 tã3
nã4 ke3e3 tyo1to1 ta'4nda1 ñã1ã4 ko3kwa2 ka4chi2 ta1 *rey** so'3o3 ja'13nda2ra1 chi3ñũ3
i3kã4 tĩ3 nĩ1..., ndi13kĩ'3ĩ3nã2 ta1 kã4 nĩ1xa14ta2nã1 ji1nĩ4ra2 ndi'13i3 ke13e3 ji1nĩ4ra2 tĩ3 tã3
kwã'4ã2ndo4 jĩ'4ĩ4ra2 nã4 ku3chi3ra3, tu3ku3 xỹã4ã4 nda13ya'1a3ra2 kwã'1ã1ra1 chi13chi3ra2 ba1ba'1a3 i13xa3nã3,
bi3tĩ3 ndi4 ñã1ã4 kũ'1ũ1ndo4 jĩ'4ĩ4ra2 mĩ4ĩ4 nde4e4 tyo1to1 xa14a3 ñã1ã4 nã4 nda3nã3mã3ra2 tyo1to1ra1 nã4 ke3e3 tyo1to1 ta'4nda1 ñã1ã4 tã3 ko3kwa3,
ja143 ka4chi2nã1 jĩ'4ĩ4ra2, i3kã4 ndi13kĩ'3ĩ3nã2ra1 kwã'1ã1ra1 mĩ4ĩ4 i4yo2 tyo1to1 kã4, ta13ba4nã2, ya1kã3, *pantalón** xa14a3 nda1 *camisa** xa14a3 ndu13ndi3xi3ra3,
i3kã4 kã'4ã2nã1 jĩ'4ĩ4ra2 ndi4, chi3ndu'4u4ndo4 ñũ'3ũ2 ka'3a4 tyo1to1ra1 tĩ3 nã4 ko3kwa2 ndi4 nda3si4 nã3kwi42 ỹã4ã2 nda143 nda4a4, nda4a4 ti4 ỹã4ã3,
kwi14i3 ku3ndu'4u4 ñũ'3ũ2 ke'3e42 ka1a3 ko3kwa2 ndi4 ya1 ndi4xi2 ja4chi4ñũ2 ba42 ka1a3 tã3 yo'4o4 nĩ1ki3xa2a2yu1 ndi4
chi3ñũ3 i4xa2 mĩ4ĩ4 nĩ1ke3e2 kã4 ndi4 kwi14i3 ndo3ko3o4 nda'3a42ya1 ndi4 ta1 ka3ja3 chỹũ4ũ4 ku4u4 ba2 nĩ1ki3xa2a2yu1 yo'4o4
tã3 tyo1to1 ta'4nda1 ka1a3 ndi4 ya1 ku4nỹã2 ba42 jĩ'4ĩ2 ku3ndi3xi2 o4ra2 kw̃ĩ'1ĩ1 ka3ja3 chỹũ4ũ2 tã3
tã3 ko3ko3 twa2 ndi4 kwi14i3 ko3kwa3, nã4 ndo1o3 nẽ'3ẽ2 ko3ndya3a2 ñã1ã4 ndi4 ya1 ja4chỹũ4ũ4 jĩ'4ĩ4 mĩ3ĩ4 ba3 yu'1u1 ba42 ka4chi2ra1 so'3o3
ya1 kã4 ndu13xa14a3 ba3ra2 tã3 ndi13kwi3so3nã2 tyo1to1 ta'4nda1 kã4 jã'1ã1 ta3nde3e3nã2 ja14xi1be'4e4 kã4
i3kã4 tã3 ka4chi2 ba3 *rey** so'3o3 ndi4, be'3e3 ndi4chi2 ñã1ã4 ba42 ki4ji3 ndo1o3 jỹũ'4ũ4 jĩ'4ĩ4 si1si'4i2yu1
be'3e3 ñã1ã4 nda4kwa'1a32 nda'3õ4 ku3ndwa'4ã4, ku3ndu'4ũ4 jỹã'4ã4, tã3 *tienda** ndi4chi2 kã4 ndi4 kwe4nda2ndo4 ba42 kã4
ya1kã3, *ranchu** kã4 i3tã2ã2 sa3kã4 ndi4, ya1kã3, ko'1o4 *ranchu** sa3kã4 ndi4 ndi3kỹũ'3ũ4 *ranchu** ya1 ko3ndo3 kwe4ndõ24 jĩ'4ĩ4 si1si'4i2yu1
ja143 nĩ1..., nĩ1ki4tu3 tã3 ja143 nĩ1..., ka4chi2 ta1, ta1 *rey** kã4 so'3o3 ndi4, bi3tĩ3 ndi4
nã1 chi4tu4 be'3e3 ka3a2 ndi4 yo'4o1 ku4u4 ta1 kã'1ã1, ã4 nã1 ku3u2 ku4u4nã2 ã4 nã1 ku1nũ'1ũ4 ku4u4nã2 ndi4 yo'4o1 ku4u4 ta1 kã'1ã1
ja1 nda'3a4 yo'4o1 kwa4a2 i4yo2nã1 tĩ3, i3kã4 ja143 nĩ1ndi3kwi3so3 ba3ra2 nã1 ñũ'4ũ4 be'3e3 ka3a2
sa1ñã4 ba3nã2 kũ'1ũ1nã1 a1chi1 ndi4 ka1a3 ba1xi3 u1bi1nã1 ya3nĩ2yu1. Ba'1a3 nã4tu2 sa3kã4. Ja'13nda2ra1 chi3ñũ3 nũ14ũ3 nã1 nda4chi4ñũ3. Bi3tĩ3ndi4 yo'4o1 ku4u4 ta1 nĩ'4ĩ4 *cuenta** jĩ'4ĩ4nã3,
ja'13nda2ra1 chi3ñũ3 nũ14ũ3 nã1 nda4chi4ñũ3 jã'1ã1 nda1kwi1so3nã2 nã1 ñũ'4ũ4 be'3e3 ka3a2
ta13ba4nã2 nã1 kã4 tu3ku3nã2, tu3ku3nã2 nda13a3nã2 kwa4yu2 ja1nã1nã1 ndi4 nda143 ndu'4u14 nda3a2 kwa4yu2 kwã'1ã1ri4 ka4nĩ'1ĩ3ri4 ja1 nĩ1xi'1i1 ba3 nde4e4 ba143 i4yo2 ba'1a3 i3nĩ2ri4
nda13nde3e3 ndi'3i3 nã1 ñũ'4ũ4 be'3e3 ka3a2 kwã'1ã1nã1, i3kã4 nĩ1ndo1o3 ba3ra2 jĩ'4ĩ4 si1si'4i2 *rey** tã3 nĩ1ki4tu3 tã3 ja143 ka4chi2 ta1 kã4 jĩ'4ĩ4ra2 ndi4, ko'1o4 tã3 sa3kã4 ndi4 kũ'1ũ1 ko1twe4 *ranchu**
ya1 ki3xi3 ndo1õ4, yo'4o1 ku4u4 ta1 ki4xi3 ndo1o3 jĩ'4ĩ4 *ranchu**yu1
Ba'1a3 ba3. Ndi13kĩ'3ĩ3nã2 kwã'1ã1nã1 xa1a1nã1 kã4, nda13kwa'1a3ra2 *ranchu** nda13kwa'1a3ra2 *tienda** nda13kwa'1a3ra2 be'3e3 ku3ndu'4u4 ta1 kã4 nda13kwa'1a3ra3,
bi3tĩ3 ndi4 ja1 i4yo2 ba'1a3 ya1 ka1a3 ba42 ki4ji3 ndo1o3 jỹũ'4ũ4, tã3 ku3ndu'4ũ4 jĩ'4ĩ4 se'1e32 ndi4 yo'4o1 ku4u4 ta1 ndu13tã'3ã2 i3nỹã24 ku3ndu'4u4 jỹã'4ã4 tã3 yo'4o1 ku4u4 ta1 ku3ndu'4u4 jĩ'4ĩ4 bẽ4 ka4chi2ra1 jĩ'4ĩ4 ta1 kã4. Ba'1a3 ba3.
i3kã4 ja143 nĩ1ndo1o3 ba3ra2 jỹã'4ã4 kã4 ja143 ka4chỹã24 jĩ'4ĩ4ra2 ndi4
yo'4o4 ko3o3 ba3 yo4o4 tã3 kũ'1ũ4 ndi4 *tienda** kã4 ti4 kõ3õ4 ka'3ndõ24 chi3ñũ3 nũ14ũ3 nã1 ja4chỹũ4ũ4 kã4 nã4 xi14ko3nã2,
ku3ndu'4u4 tỹũ4 ka'3ndõ24 chi3ñũ3 ka4chỹã24 jĩ'4ĩ4ra2 chi1, ndi4 ba14ja4 kã4ã13 i4chi2 ku3ndu'4u2 ndi4 ba14ja4 i4ndu'3u42 mĩ4ĩ4 nĩ1ki3xi2 ndi4 yu'1u1 ndi4 ta1 ja4chỹũ4ũ4nĩ42 ku4u2 mĩ4ĩ4 nĩ1ki3xi2
tã3 yo'4o4 ndi4 ba14ja4 kã4ã13 yu'1u1 ku3ndu'4u2 ndi4 ta1 ka3ja3 chỹũ4ũ4 ku4u2 ku4nĩ2yu1, ka4chi2ra1 so'3o3 chi2
tã3 ya3tĩ3 i4yo2 ta1, ta1 i4yo2 *hacienda** i4xa3 tu3ku3, i4yo2 tũ4, tũ4 *manzana** i4yo2 tũ4 la4xa2 i4yo2 tũ4, ndi3sa4ku4u4 nũ14ũ3 tũ4 ta3ta2 i4yo2 i4xa3ra3,
tã3 i3kã4 kũ'1ũ1ra1 ndu3ku4ra2 chi3ñũ3 ja3chỹũ4ũ4ra2 ku4nĩ2ra1
nĩ1xa1a1ra1 kã'4ã2ra1 jĩ'4ĩ4 ta1 bi4ka3 kã4 ndi4, ¿An4 kwi14i3 nã4 ka3ja3 chỹũ4ũ2 jỹũ'4ũ4 *señor**? Ndi4 ta1 ku4nĩ2 ja3chỹũ4ũ4 ku4u4 tã'3ã2yu1
yo'4o4 nĩ1ki3xa2a2yu1 ndi4 nĩ1nĩ'1ĩ4 be2 nĩ1nĩ'1ĩ42 ndi4 ya1 ja1 nĩ1nĩ'1ĩ42 ndi4 ya1 ja1 nĩ1nĩ'1ĩ42 ba42 kã4
tã3 bi3tĩ3 ndi4 ta1 ka3ja3 chỹũ4ũ4 ku4u2 ku4nĩ2yu1, An3 ba'1a3 nã4tu2 kã4, kwã'4õ24 tã3 ki3xỹũ4 i3tã2ã2
ndi4 *cinco** tã3 ja1 ndi4chỹũ24 yo'4o4, ya1kã3, ka3ja3 chỹũ4ũ4 jĩ'4ĩ2
tã3 ja1 nĩ1ki3xa2a2 is1ta4 jỹũ'4ũ4 ku3xỹũ4 a1chi1 ndi4 nã1 ki4xa2a2 yo'4o4, nã1 ja4chỹũ4ũ4 jĩ'4ĩ2 yo'4o4 ndi4 lu14u3 nã1 chi4tu4 ja4chỹũ4ũ4 yo'4o4 ndi4 *cinco** ki4xa2a2nã1 tã3
is1ta4 ja1 i4yo2 ba'1a3 ku3xi3nã3, ndi4 ya1 ja1 ba1xi3 ba42 jĩ'4ĩ4nã2, ta1nda3a2 o4ra2 ku3xi3nã2 jo4nde1e3nã2 xi4xi3nã2 tã3 ndi'4i4 tã3 kwã'1ã1 ki'1bi3nã2 ja4chỹũ4ũ4 tu3ku3 ba3nã3,
ja4chỹũ4ũ4nã2 is1tã1ã1 tã3 ta1nda1 ke4ta13 ñũ'1ũ3, ndu3bi4 nĩ4ĩ4 nda1 kwa3a4 ja4chỹũ4ũ4nã2 jĩ'4ĩ2 ndi4 sa3kã4 ja4chỹũ4ũ4 ba3ndu3,
tã3 nã4 ko3nde3e4 i3nỹũ24 ja3chỹũ4ũ4 jĩ'4ĩ4ndu2 ndi4 ndu3bi4 nĩ4ĩ4 ta1nda1 kwa4a24 ke4ta13 ñũ'1ũ3 ja4chỹũ4ũ4ndu3, *seis** tã3 nda1 *seis** tu3ku3 sa3kã4 ke4ta13, ke4e4nã3,
nã4tu2 nã4 ku4nỹũ24 sa3kã4 tã3 sa3kã4 ka3ja3 chwe4e4 nã4tu2 ku14nĩ2 tũ4 tã3 ndi4 ko14o3 kwa1chi3 jỹã'4ã2 ndi4 yu'1u1 ndi4
nã1 ta4tu2 ja4chỹũ4ũ4 jĩ'4ĩ2 ndi4 nã1 ko4nde3e4 i3nĩ2 ku4u4 nã1 ka1a3 ja4chỹũ4ũ4nã2 jĩ'4ĩ2 ya1 kã4 ndi4 ja4chỹũ4ũ4nã3,
ndi4 kwa4a24nĩ42 ja4chỹũ4ũ4 yu'1u1 ka4chi2ra1, ka4chi2 ta1 bi4ka3. Ba'1a3 ba3 nã4tu2 sa3kã4 ka3ja3 chỹũ4ũ4 ba3 yu'1u1 jỹũ'4ũ4
ka3ja3 chỹũ4ũ4 ba3 yu'1u1 jỹũ'4ũ4 nã4tu2 nã4 sa3kã4 ndi4 ka3ja3 chỹũ4ũ2 jỹũ'4ũ4
kwã'4õ24 tã3 sa3kã4 ki3xỹũ4 i3tã2ã2 *cinco** ki3xõ2õ4 tã3 sa3kã4 ndi4 ki3xe3e4 ka3ja3 chwe4e4 Ba'1a3 ba3, ka4chi2ra1
*cinco** tã3 ndo13ko1o3ra2 tã3 sa3kã4 ndi4 ndu13ndi3xi3ra2 tyo1to1 ta'4nda1ra1 tã3 ndi13kĩ'3ĩ3ra2 kwã'1ã1 ba3ra3,
ta'4nda1lu3 tyo1to1ra1 ndi4 si1ki4 ko1ndo1ra1 ka1a3 ti4 ka4ndu'3u4 *chor** ndi4 ta'4nda1lwa2, *camisa** ta'4nda1 ndu13ndi3xi3ra3,
tã3 ya1 nĩ1ta3xi3 *rey** ta1 ko4ndo3 si1so3ra2 nda'3a4ra2 ndi4 *pantalón** ba'1a3 ba42 kã4
ya1kã3, *camisa** ba'1a3 *zapatu** xa14a3 i4chi3 ta13xi3 ta1 kã4 nda'3a4ra2 nĩ1ndo3ko3o4 ba3re2 kã4 tã3 ndi13kĩ'3ĩ3ra2 ndu13ndi3xi3ra2 tyo1to1 ta'4nda1 tã3 kwã'1ã1ra1
nĩ1xa1a1ra1 kã4, ya1ta4 ki3xi3 jỹũ'4ũ4 ndi4 jĩ'4ĩ4 ya1ta4 ja4chỹũ4ũ4ndu2 xa'1a4 tũ4 ka1a3
ja143 nĩ1ndu3ku4ra2 ya1ta4 tã3 nĩ1ka3nĩ3 so4ko1re1 tã3 kwã'1ã1ra1, nĩ1ta1nda3a2 *cinco** xa1a1ra1 kã4
ja143 ki13xa2a2ra1 ki13xa3a4 ba3nã2 ja4chỹũ4ũ4nã2 ja4chỹũ4ũ4nã2 ja4chỹũ4ũ4nã2 ja143 nĩ1xa1a1 *rey** kã'4ã2 ta1 kã4 jĩ'4ĩ4ra3,
tã3 ko14o3 tu3 is1ta4 ba1xi3 jĩ'4ĩ4 tũ4 tã3 ta1 ka3ja3 chỹũ4ũ4 ndu3bi4 kwe4e4 a4chu3 ke4e2 ku4u4 tũ4 sa3kã4 tã3 nĩ1kẽ'1ẽ1 jỹũ'4ũ4 i3ku3 ndi4 is1ta4 ki3xi3 jỹũ'4ũ4
ndi4 yo4o4 ka3ja3 chỹũ4ũ4 ndu3bi4 kwe4e4 su14u3 ĩ3ka4nĩ24 ja3chwe4e4 ndi4 yo4o4 ka3ja3 chỹũ4ũ4 kwe4e4 nda1 ke1ta3 ñũ'1ũ3 sa3kã4 ndi4 ku1nũ'1ũ4 tã3 ke4e2 ku4u4 tũ4 sa3kã4 ndi4 ko14o3 is1ta4 ba1xi3 jỹũ'4ũ4
ndi'14i13 i3nĩ2 yo'4o1 *señor rey** nã4 ka3chi2 jỹũ'4ũ4 ndi4
si1si'4i2 *rey** kw̃ã4ã4 i4yo2 jĩ'4ĩ4 yu'1u1 tã3 ba14ja4 nĩ4ku3nẽ'1ẽ4 chi3ndwa'4ã4 is1ta4 ndi4 i4yo2nĩ42 chi3ñũ3 i4xẽ4 ya1 kã4 ndi4 ba143 nĩ4ku3nẽ'1ẽ4 chi3ndwa'4ã4 is1ta4 tã3
ya1kã3, ñã4 ki3xi3 bã4 ki3xi3 nda3kẽ4 is1ta4 ku3xi2 ndi4 *tren** ki3xi3 jỹã'4ã4 nã1 ja4chỹũ4ũ4 nũ14ũ3 yu3bẽ4 tã42 i4yo2 nã1 ja4chỹũ4ũ4 nũ14ũ3nã2 ndi4 nã1 ki3xa2a2 ku4u4 nã1 kã4 jỹã'4ã4
ĩ3ka4nĩ24 ndi4 nã1 ki3xi3 ku4u4 nã1 kã4 ndi4 nda1 ta1nda3a2 *las diez** sa3kã4 ki3xa2a2nã1
sa3kã4 ndi4 ki3xa2a2nã1 jĩ'4ĩ4 ya1 ku3xi3 yu'1u1, ndi'14i13 i3nỹũ24 ku4u4 yu'1u1 ndi4 ta1 ja3chỹũ4ũ4 ku4u4 ba3 yu'1u1 tã3 ta1nda3a2 o4ra2 kã4 sa3kã4 ku3xi3 yu'1u1
tã3 nã4tu2 nã4 nĩ14ki3xa2a2 si1si'4i2 *rey** ki3xi3 nda3kẽ4 is1ta4 ku3xỹũ4 ndi4 u1xa1 *balazu** kwe4ndõ24 a1chi1 ndi4 ja1 nĩ1nda14yu2 yo'4o1 ndi4 ya1 ki3xi3 ba42 ku3xỹũ4 tã3
nde4e2 ba42 si1si'4i2 *rey** ko3o3 jĩ'4ĩ4 yo'4o1 ba143 kõ4õ4 ku3ndu'4u4 si1si'4i2 *rey** jỹũ'4ũ4 nda'4bi2nĩ42 kõ4õ4, ka4chi2 ta1 bi4ka3 jĩ'4ĩ4ra3,
nda4a2 tu3 si1si'4i2 *rey** ku3ndu'4u4 tu3 jĩ'4ĩ4 yo'4o1 nda'4bi2nĩ42 kõ4õ4, ba14ja4 kõ4õ4 ki3tã'4õ4 jĩ'4ĩ4 si1si'4i2 *rey**
tã3 ja4nĩ3nỹũ24 ndi4 si1si'4i2 *rey** ki3xi3 nda3ka3 is1ta4 ku3xỹũ4
nã4tu2 nĩ14ki3xẽ2ẽ4 tã3 nĩ1ta1nda3a2 *la diez** ko14o3 ñã4 nĩ4ki3xa2a2 ũ4, u1xa1 *balazu** kwe4ndõ24, ya1 kã4 ba42 nda3twe'4e4 tĩ3
tã3 nã4tu2 nã4 nĩ1ki3xa2a2 ñã4 si1si'4i2 *rey** ũ4, kwe4ndõ24 ku4u4 ndi'3i3 *hacienda** yo'4o4 tã42 i4ywa2 mĩ4ĩ4 ja4chi4nywe4 yo'4o4 tã3 *ranchu** ba43,
u1xa1 *ranchu** ba42 i4yo2 i4xa3 yu'1u1 tã3 u1xa1 sa3kẽ42 ndi4 kwe4ndõ24 ba42 tã3 sa3kã4 be'3e3 ndi4 kwe4ndõ24 ba42 kã4
tã42 i4yo2 ya1 i4yo2 i4xa2 ndi4 kwe4ndõ24 ku4u4 ndya'3a3 nã4tu2 nĩ1ko3chũ4 ndi4 nĩ1ki3xa2a2 si1si'4i2 *rey** ki3xi3 nda3kẽ4 is1ta4 ku3xỹũ4
ndi4 kwe4ndõ24 ku4u4 ndi'3i3 ñã1 ku4u4 ya1 i4yo2 i4xa3 yu'1u1 ka4chi2 ba3 ta1 bi4ka3 jĩ'4ĩ4ra3,
Ba'1a3 nã4tu2 sa3kã4. Tã3 nã4tu2 nĩ1ki3xẽ2ẽ4 ũ4, kwe4ndõ24 ba42 tã3 kw̃ã14ã4 nĩ4ki3xa2a2 tã3 nĩ1ya'1a3 lu3chi'4i2 ti4 *las die** ũ4, kwe4ndõ24 ku4u4 u1xa1 *balazu**
ya1 kã4 ku4u4 kwe4ndõ24 nã4tu2 nã4 nĩ14ki3xe2e2 a1chi1 ndi4 ko14o3 xũ'14ũ4 cha'3bỹũ4 yu'1u1 tã3 yu'1u1 ndi4 ya1 ko4ndo3 ñã'1ã3 yu'1u1 ya1 kã4 ba42 a3sa3 *apostar** yo4o4 bi3tĩ3 ka4chi2ra1
Ba'1a3 ba3.
ja143 chi4tu4nã2 ja4chỹũ4ũ4nã2 ja4chỹũ4ũ4nã2 sa3kã4 ta1nda3a2 ba3 *las diez** tã3 nĩ1nĩ'1ĩ3, *a la die en punto** tã3 nĩ1xa1a1 ba3, ya1kã3,
*tren** ndi4 lu14u3nã2 chi4tu4 ti1xĩ3 tũ4 ñã1ã4 nĩ1xa1a1rũ4 nda143 ka4xã4 ti4 ku4u4 nĩ1..., sa4nũ3ũ3 nã1 ñã1ã4 ya1 ku3xi3 ta1 ñã1ã4 ta1 mĩ3tu4nda24 ñã1ã4 ndi4 lu14u3 ya1 nĩ1xa1a1 ku3xi3ra2 chi1
kwa1nũ3ũ3 *mesa** ba3 kwa1nũ3ũ3 ta3yu2 ba3 kwa1nũ3ũ3 ta1kwi42 bi1xi1 ba3 kwa1nũ3ũ3 ya1 ku3xi3nã2 ndi4 lu14u3 ñã'1ã3 sa14nw̃ã3ã4 ñã1ã4 tã3
xa14a3 ja13nde3ta3nã2 *mesa** tã3 ja143 nĩ1ndu3kwe3ta3 ndi'3i3 ñã'1ã3 nũ14ũ3rũ4 ku3xi3nã3,
ke13e3ra2 jã'1ã1 kã'1ã1ra1 jĩ'4ĩ4 *rey**, *señor rey** nã'3õ24 nã4 ko'1o4 ku3xyo4 ndi4 ta1 ku3xi3 ku4u2 ta1 ja1 ku3xi3 ku4u2 nã4 ko'1o4 tã3 sa3kã4 ndi4 ku3xyo4
i1xa14a3 i4yo2 ba3 *rey** ya1 ta1tĩ3 ndi4 su14u3 ta1 ka'3nĩ4 ku4u4ra2 ta1 kã4 ndi4 nĩ1ki3xa2a2 ja3 ba3 ñã'1ã3 ñã1ã4
nĩ1ki3xa2a2 ñã'1ã3 jĩ'4ĩ4nã2, jỹã'4ã4 ku3xi3nã2, ba143 nĩ4xĩ3ĩ3ra2 kũ'1ũ1ra1 ku3xi3ra2 ba143 nĩ4xĩ3ĩ3ra2 ndi4 i4yo2lu3re2 ta1tĩ3
bi3tĩ3 ndi4, ya1kã3, ba'1a3 ndi4 nĩ1ki3xẽ2ẽ4 ñã4 ke'4e24 xa'1a4 ki3xa2a2 tã3 kwe4ndõ24 ku4u4 ndya'3a2 yo'4o4, ñã1ã4 ki4xi3 ndo1õ4 jỹã'4ã2 ndi4
yo'4o4 i4ndu'3u4 xũ'14ũ4 ya1 cha'3bỹũ4 nã1 ta4tu2 ka1a3, kwe4ndõ24 ku4u4 ndi'3i3 xũ'14ũ4 yo'4o4
yo'4o4 i4ndwa'3a42 tã42 i4ywa2 ya1 ku3ya'4bi3 nã1 ta4tu2 ka1a3 ndi4 yo'4o4 i4ndwa'3a43, ñã1ã4 ko3tõ4 sa1a3 a3sõ4 jĩ'4ĩ4nã2 cha'3bỹũ4nã2 ndi4 ja1 kwe4ndõ24 ba43,
tĩ13ĩ3ra2 xũ'14ũ4 nda13kwa'1a3ra2 nda'3a4 ta1 kã4 tĩ3, nã4 ko'1o4 tã3 sa3kã4 ndi4, ya1kã3, be'3e3 sa3kã4 ndi4 nda3kwa'1a32 be'3e3 nda'3õ4, ko'1o4 *ranchu** ko'1o4
i3kã4 nĩ1ke3e3ra2 nĩ1xã'1ã1ra1 be'3e3 jĩ'4ĩ4 ta1 bi4ka3 kã4 nda3kwa'1a3 ta1 kã4 be'3e3 nda'3a4ra3,
nda143 ñã4 si'4i2yu1 bã4 a3sã42 ba'1a3 jĩ'4ĩ2 ka3nĩ3 mã1nỹã42 yu'1u1, ka3nĩ3 mã1nỹũ4ñã4 yu'1u1 nã4 kw̃ã'1ã4 jĩ'4ĩ2 ndi4 nda143 ñã4 ka1a3 bã4 xi4kẽ1 nũ14ũ4
ja1 kwe4ndõ24 ku4u4 ndi'3i3 be2 tã3 ndi4 ñã4 si'4i2 ndi4 kw̃ã'1ã4 jĩ'4ĩ2
Ba'1a3 nã4tu2 sa3kã4 nã4 kw̃ã'1ã4 jỹũ'4ũ4 ndi4 ñã4 sỹũ'4ũ24 bã4
i3nda14 kwa4yu2 ja1nã1yu1 xi4kẽ1 nũ14ũ4, nda143 i3nda14 kwa4yu2 jĩ'4ĩ4 ñã4 si'4i2 ti4ra2,
ka3nĩ3 mã1nỹũ4lu3 yu'1u1 lu3u3 xũ'14ũ4 kũ'1ũ1 jĩ'4ĩ2 a1chi1 ndi4 ku3ta3ku2yu1 mĩ4ĩ4 kw̃ĩ'1ĩ1 a1chi1 ndi4 ta1 ja1 kwã'1ã1 ku4u2
ya1 ku4u4 kwe4nda2yu1 ya1 i4yo2 ndi4, ya1kã3, ka1a3 nĩ1ndo1o3 ndya'3a2 jỹũ'4ũ4, kwe4ndõ24 ku4u4 ndya'3a2 ka1a3 tĩ3
a1chi1 ndi4 ja1 nĩ1..., nĩ1ke3te2 ba42 kã'4õ24 ndi4 si1si'4i2 *rey** bã4 ñã4,
ki3xa2a2 ki3xi3 nda3ka3 is1ta4 ku3xỹũ4 tã3 nĩ1ki3xa2a2 ja3 bẽ4 kã4 bi3tĩ3 ndi4 kwe4ndõ24 ku4u4 ndya'3a2 tĩ3, tũ'1ũ3 nda13tũ'4ũ4 yu'1u1 ndi4 kwi14i3 nda1ta4 yu'1u1 ndi4 ja1 i4yo2 ba'1a3 jỹã'4ã3,
ja1 kwe4nda2 yo'4o1 ku4u4 ndi'3i3 be2 tĩ3, nda143 ya1 yo'4o4 ba42 xi4kẽ1 nũ14ũ4 ndi4 ñã4 si'4i2yu1 ka3nĩ3 mã1nỹũ4ñã4 yu'1u1 tã3 kwa4yu2 ja1nẽ1 ka3nĩ3 mã1nỹũ4ri4 yu'1u1
tã3 ka3nĩ3 mã1nỹũ4 lu3u3 xũ'14ũ4 kũ'1ũ1 jĩ'4ĩ2, ba'1a3 ba3, i3kã4 nĩ1kĩ'3ĩ3 ta1 kã4 lu3u3 xũ'14ũ4 ta13xi3 ta1 kã4 nda'3a4ra3, kĩ'13ĩ3 ta1 bi4ka3 kwã'1ã1 ba3ra2 nda3..., nda13a3ra2 kwa4yu2 nda13ka3ka3ra2 ñã4 si'4i2ra1 tã3 kwã'1ã1 ba3ra3,
i3kã4 nĩ1ke3e3nã2 jã'1ã1 nda3kwa'1a3ra2 *ranchu** nda13kwa'1a3ra2 tã42 i4ywa2 nda'3a4 ta1 kã4 tĩ3 tã3 ndi13kĩ'3ĩ3ra2 kwã'1ã1 ba3ra2 chi1, kwã'1ã1 ba3 ta1 kã4
kwã'1ã1 ba3 ta1 bi4ka3 tĩ3, ja143 nĩ1ndo1o3ra2 jỹã'4ã2 kã4 tã3, tã3 i3kã4 i1xa43 nĩ1...,
nda13xa2a2ra1 be'3e3 tã3 nĩ1ke3e3ra2 jã'1ã1 nda3tũ'4ũ4ra2 jĩ'4ĩ4 si1so3ra2 ndi4
ya1, nĩ1ke3ba'1a3nĩ42yu1 ndi4, ya1kã3, *ranchu** kwe4nda2 ta1 kã4 ndi4 kwe4nda2yu1 nĩ1ndo1o3 ndya'3a2 ka4chi2ra1 jĩ'4ĩ4 si1so3ra3,
nde4e2 ba42 nda4ndu3kũ4 kwã'1õ4 ka3ja3 chi4ñũ4 *hijo** a1swa32 kã4 ndi4 ndo13ko3o4 ba'1a32 yo'4o1 i4yo2 *tienda** xi14ko3ndo4 i4yo2 ñã1ã4 nã3nỹã2 ñã1ã4 ku3ta3ku2ndo4 kwã'1ã1 tũ4 ka3ja3 chỹũ4ũ4 tũ4
ndi4 ta1 nĩ1ke3ba'1a3 ku4u2 ndi4 ya1 i4yo2 ndi4 ya1 ja1 i4yo2 ba42 kã4, ya1 ko14o3 ya1 kã4 jã'1ã1 ndu3ku42, ka4chi2ra1 jĩ'4ĩ4 si1so3ra2, ã4 ba'1a3 nã4tu2 sa3kã4
nã4 ko'1o4 tã3 sa3kã4 ndi4 ku3nỹũ24 ndi4 la3tũ4nĩ42 ka4a4 mĩ4ĩ4 nĩ1ki3ji3 ndo1o3 yu'1u1
nda3..., ke13e3nã2 jã'1ã1nã1 *hacienda** ka'4nũ3lu3 *hacienda** chi4tu4 nã1 yu4bi24 ndi4 lu14u3 nã1 chi4tu4 kwe4nda2ra1 ku4u4 ndi'3i3 nã1 kã4
ke13e3ra2 jã'1ã1 ko1to1ra1 *ranchu** ka'4nũ3lu3 *ranchu** kwe4nda2ra1 ku4u4 ndya'3a2 kã4, ke13e3ra2 jã'1ã1 ko1to1ra1 *tienda** ka'4nũ3lu3 *tienda**
ndo3o3lwa2 nĩ1nĩ'1ĩ4ra2 ndi4 lu14u3 ñã'1ã3 nĩ1nĩ'1ĩ4ra3, kwe4nda2ra1 ku4u4 ndya'3a3, kwe4nda2ra1 ku4u4 ndya'3a2 kã4
i3kã4 ja143 ka4chi2, *rey** kã4 jĩ'4ĩ4ra2 ndi4, ba'1a3nĩ42 nĩ1kẽ3õ4 *hijo**, ba'1a3nĩ42 *suerte**õ4 ndi4 ya1 nĩ1nda3nỹũ'1ũ4 ku4u4 ndya'3a3,
bi3tĩ3 ndi4 ka1a3 ki4ji3 ndo1o3 bõ4 jỹã'4ã2 a1chi1 ndi4 ya1 nĩ1nỹũ'1ũ4 ba43, tã3 ya1 ku4u4 ya1 nĩ1xa'1a3 tu3 yu'1u1 nda'3õ4 ndi4 ka1a3 ndo4o13 be2 jỹũ'4ũ4 ya1 kwe4ndõ24 ku4u4 ndi'3i3 be2 a1chi1 ndi4 ya1 ja1 i4yo2 jỹũ'4ũ4 ba43, ka1a3 ki4ji3 ndo1o3 be2 jỹũ'4ũ4.
*Yo me llamo** Maximino Meza Teodoro. *Sesenta y cinco**. Yoloxóchitl.
{Dijo ndo'4o1 'ustedes', cuando debió decir en singular yo'4o1, 'tú'.}
{De la raíz 'ndo3ni'3i3'.}
{Esta palabra ndi4 está de más, debió decir sólo: 'Ka3ni3 ma1ni4=2 yo'4o1 xu'14un4'.}
{Es más usual decir ko3to3 kwe4nda2=lu(3)=un4=ri4. Lo dicho aquí suena raro.}
{Es la primera vez que escucho esta secuencia en vez de 'e1ta4' (aunque sea).}
{Hubo un error al tratar el paciente como cosa, por eso rectifica después usando el enclítico para mujer 'ña4'.}
report
high
Maximino Meza Teodoro
All values that are allowed for Transcriber Turn.mode attribute
spontaneous
planned
All values that are allowed for Transcriber Turn.fidelity attribute
high
medium
low
All values that are allowed for Transcriber Section.type attribute
report
nontrans
filler
All values that are allowed for Transcriber Turn.channel attribute
telephone
studio