Xäm ja poop'eemykipy naytė'n n'uknėmatyä'äkwä'äny sää yė 'yėny,sä yė' myuxy pyäjk yė' naytė'n mu'xp,pyäjk yė natė'n kä'äp,ėxäm ja tyėėm naytė'n tmėėtė liin'jaty sä myė tsij'ėėmy jė tyėėm niy jatė'nėn yė' tyėėm 'tijxy pėjk, ja yė ka jannėn tyimyėėky,niyja'ayė yė tyėėmė,xunmyėėtsyi'tyėėmėn jatė'n mäsė nėmatoojėnt jatė'ntsyi 'tixjy yė tyėėm jėtsy y'ääy tsujxk,jėtsyi nyikipy yė' pop jäämėm yė t'ijxy,paty yiktiijy poop'eemykipy, titsyi wyä'äny,pės ėy naytė'n nwom'kė'äjtėnt,pujxjajp nkė'ajtė'nt nkė'ajtė'nt njojk'äjtėnt eemy'jėtėn yė' oyėtėn yė ntatsenanėnt kawenėn,pės kapėtėn yė nuukė nyiyu'kxy jatė'nts ėxäm nėkapxy nėmatyä'äky,yä'ätpė ujts miti ėxaaj yiktėjp, poop'eemykipy. ėjts nxėėw Magdalena Orozco Vįsquez Wa'ts ėxäm nėkäpx'wampy nėmatyä'äkwämpy yė poop poopkipy'eemy wa yä yė ity yukjėjty mä yė yujkjojt japts jaayė ity ja yė npäjtėnt pooji'iky,ti tsyė wyääny pės wo'm kipy,ėėtsy yė nyikwääny jojktė tuki'iyė mä sääj yė pyitymy yė kipy 'yėyė nyi nyėėy nyi tyėtstė jatėntsetėn yė wyä'äny ku yė 'yėėmy patsėtėn yė tyuny jakpėtėn yė' otėn yė' wa'ant nyiktuunėnt yikpėjkėn jeky'ampy jatė'ntsyė' jatsyii yomp yė' tėėmėp yė xyunmyėėtsyėn yėė tyėėmė,jatė'ntsyėė yik'ėjxkapy ja yė jatu'uk jyäwė kipy pėrė** ka ja tyėėmė pė tii ja wyä'ämė na yė ka ja tyuny jatė'nts yė kipy aty yė poopkipy'eemy jatė'n ėėtsyi n'ėjxkapy pė tii yė yiktatėjp poopkipy'eemy pė... sää yė ja yė' ėėts yė jatė'n te n'ėxkapy jatė'n ėėts ja majääytėjk tė xtykmatėy ku yė ja t'xėėwė,ka'ap ėėtsyi yė nyiktėwė,nyiknėamėtowe ti jatitsėtė'n yė jatė'n yikxėtiijy,jatits tikėxpėn yė jatėn tė xyėpėty jatė'nyėts ėėtsyi najäwė pookipy... eemy,poopkipy'eemy ėėts yė ntiijy. ėjts nxėėw Valentina Vįsquez Martinez pėts yämpts unk wa' yė kipy n'uknėmatyä'äktė, mä yä'ät yė kipy yė yääj tsyėėnė mä yė yääj jyujkyajty yääj yukpatki'ijy ampy yė ujts yä'ät y'ėttė, jayėė kipy eemy mėku'uk yė,ja kun wa yė tė'ėtsmė ka'ap yė jatėn y'eemy tėjmėp yė' ja nayja' jyayiktijy pėrė** ka'ap yėėpė kipy wya'atė,jyėntsėmė yuunk yė'pė kipy nayėė, nayėė eemy kipy myuku'uk yė,ja yė myuku'uk may naytė'ntė ja jė tsäptspė,jatsė pooppė jatė'n yė kipy'äjtė wėntėkatsyi kipy'äjttė,pėrė** jatėn yė'ėpė kipy tyuntė xa yė yik wom'äjttė yik tiijaty yė wyä'äny ukm jojk tijaty yik wė'ėy kitėė tyunkpääty,pėrė** jatė'n yintėj yiktakätump yė'ėpė kipy wan jė wo'm wan jojk jatė'n yė tyuume jatė'n perė** ka yė ėy ya'aktė,ka yė' ėy tsyapyontė ka'a yė ėy wya'attė kėjxp pyėtė'ėktė jaayi naxpy yaaktė naxypy yė kipy'äjttė,ka yė mėj wyä'ätė pyėtsemtė,mėj kipy pyėtsemtė,tum pėjits nyi tyum jaäyits pyėtsėėmtė yaakttė yė'ėpė kipy Pe jaku yė 'yääyunk nayė'n tsu'ukxyjits jėts poop yė tyeky nay yė poop jė 'yääy y'ujts yintėj patki'ijy jėts ja ku tsujxk nikijxy yė y'ääy naytė'n jėts tėėm pajtp pyijy pyajtp yė naytė'n poop yė pyijy,jėts tsujxk tyėėmė ku pyiixy,kuts tysämnė nayė tumyėkitykyo'nė tsyämnė nityum putsnu'uknė jaty tsyä'ämy ku yė' tsyämnė,pėrė jatė'n yė'ėpė ujts yyėny pėrė wa'atsy yė' ka yė pėn tji'ikxy ka yė pėn wa tyėėm tjė'ėkxė tum yė jėyuujk yė jyė'ėkxtėp,tum yė joon tsujktė,ku'uytyėj,yėtėn yė' wyupeetėp wyikontėp yė'yi tyėėmu'nk.yė jėyujk tyajujk'äjttėp ujts jėyujk yė'yi jyė'ėkxtėp tyaya'aktėp tyatsoktėp yė jėyuk yė'ėpė jyėkxtėp yėė ujtsjėyujktė jatė'ntsy yė tyunkpääty,pėrė** jatė'nts ėėtsy nyiktunkpääty wan jojk wan jė wo'm,jatė'n yityunkpäjtmė yė' yė poopkipy yiktiijy poop'eemykipy,pėrė** jatėn yė myiku'uk,ėxaaj mėėt yyaaktė tsyo'oktė yääj yukjėjty yääj tsyi tsyo'oktė yääj yi yaaktė yukpatki'ijy'ampy,ka yė määj wenwääts tuujy ity mä yėė wėntäk mä yė.. mä ntėj tsėėnjojt,tsėėn pä'tk ka yė ja ity yė'ėpė kiptyė,tėkatsy tsyina'tyääjk yė'ėtė yääj yė yukpatki'ijy y'ėjtė xėėpatkijy y'ėttė jatysi jyujkyäjtė jatėntėn yė tsyėėnėtė txujk'ėjtė ka'ap yė wėnwä'äts tuujy y'ėjtė,ka yė wėnwä'äts tuujy tsyėėnėtė,yė'ėpė kipytyė. Bonifacio Orozco Vįsquez Ejemplar Treinta y Nueve Mil Noventa y cinco,famila pentafilacace,Género cleyera,arbol de siete metros con fruto verde.