Yä'ät nėkäpxwampy, nėmatyä'äkwampy yė ääy yė ujts, miti atukyė tsėėy atukyė ku nka ėjnėn ka n'uk xäjnė'an, yė'ėts n'ujkėm, yė'ėts nyik wėkė'ėm, jats yė nyokt y'awääjtsėn, yä'ät jė nėkäpxwampy nėmatyä'äkwampy yė ääy yė ujts, miti atukyė ujts, jats jė yokt ku nka uk ėjnėan, nka uk xajna'an, ku nyokt y'atuknė'am, yė'ėts n'ujkėm, yė'ėts nyik wėkėėwėmp, jats yė wėnkukayėt wėnkutsayėt yokt jap nayėte'n jėts ja jate'n atėkonk ja yokt y'awä'ätsy nayėte'n, pės** myaapyėte'n yė ääy yė tsėėy nayėte'n, yė ääy, yė ujts, yė'ėtsėn yikwėkėėwėm, yė'ėts n'ujkėntėp, matsk täsė** n'ujkėntėt jėpy jats kujk xyėėw, jats tsuuj, kim japom utsä'äkyė y'awä'ätsy ja yokt nayėte'nė, yė'ėtsėn atuky yė ujts yė'ėts ėxäm nėkapxy, nėmatyakypy nayėte'n, pės** jate'n meets najäwė, nayėte'n miti atuky ujts xyėėw pats meets nayėte'n ntukmatėėy, Alberto Torres López. Ėts xa njääk nėkäpxwä'äny, njääk nėmatyä'äkwä'äny, yė ääy yė ujts, xa ja nmėėt'äjtyėntė, atėm n'et jėėty, ääy jėėty, ujts jėėty, uk tsawiiny, tsajėėty mäjaty jaa xojoot ja yė ujtsunk pyėtyimm ja' yik tijy, ja' yėė majääytyėjk xėmo'otė atukyė ujts yukatukyė ujts tumpėte'n yė', tsėy'ätpėte'n yė'ėpė ujts, kuu n'ayoonpäjtėn, ku nyuk'atujkėn kuu nka ukxajnėt jėts yė'ėpė ujts nyikwėėjėnt, jate'nts yė'ėpė ujts tsyėėy'aty, oyėė nwa'jėnt jeky n'ujkėnt, uk ots yė kom n'ujkėnt, wėne'nėnt ja jyäwė ja ääw, ja joot, y'awä'ätsy, uk wėne'nėn ja jyäwė yuunkė, ja ääw ja yokt, jate'nts yä'ät ujts tyuny, nyik wėkėėjėmp yė', a'exėj nyik wėkė'ėnt, jam yėny jäwė muum y'ääy yėėny, oy ja tumts, matsk nyikwėėjėnt wėnets ja niyja'ayė n'ujkėn, kuts ja ėxkujkonė yontė mutskits ėy ja tėkėėk, ėy ja maktäxk nkukoonėnt, jate'n ja nyik wėkėėjėnt, kuts ja jate'n n'ukėtäjkėn, uk kuts ja jate'n ja'.... ja'apė n'ujkėn ja yokt y'awääjtsėnt, tits jatu'uk yik pėktäkp kute'n jate'n ja nyokt pyėjkėnt, y'äänėnt pė ayoonxėn yik pätp, ja jatu'uk ja ujts miti atėm najäwėntėp ka'ap ja xaanė ja' ujts yik jėėkxp ja'amė, tsapko'on ja majääy ja tejtė, ku jate'n ja nyuk'atujkėn, ku jate'n ja nyokt' pyėjkėnt ku yä'ät n'ujkėnt, ku yä'ät ja yokt, yuunkė jyokxė jėts jaa tsapko'on yik me'ey, pėnė** säj ja tuntė ja majooy, tatsakxė, tamo'otsėtė', ja'ats yik pėktäkp yuktukypy, jėts jaa yukju'uky xuuky y'ääy yä'ät ujts yik tejmė, ja'ats yik tayuktump ja', yik tamėkoonėp, yik tanėkomp jaa, jaa ujtsme'ey, ja ko'on me'ey, ja jėtsėte'n ja tamėtsumėt, jate'nts jaa nmuumäwėnt, jate'nts ja nmė'ejtėnt, jėtsėte'n ja yokt y'awä'ätsy, yokt yuunkė jate'nts yä'ätpė ujts, tyunk pääty, uk jate'nts yik wėuuky, nyik wėkėėjėnt exa tė nėkapxy atuky yė ujts, jate'nts mėku'uktėjktė natyukmatėjyėntė uk jate'nts jaa na yik tėėjėntėt säj ja ujts t'ijxy, uk xats ja ujts ja miti'tėn ėė nėkapxypy, nėmatyakypy, jate'ntsėte'n yė y'ääy'aty, jate'ntsėte'n yė tsyėėy'aty mėėt ja tsapko'on, jate'nts mėku'uktėjktė jate'n ėts yä'ät nyak ja ääw, ayuujk, yė tė nėmatyä'äky yä'ät Gildardo Jiménez. Ejemplar treinta y nueve mil setenta, ehh familia Dryopteridaceae, género Elaphoglossum hierba dee diez quince centķmetros fértil.