*Estee** wa'aj uu'nk yä't'ujts xyėėw, tuu'paajt yė xyėėw. Yė'ėts ėėts ėxyäm tėė npääty, tuu'paajt, ėxyäm Kuxo'okwenp. [Ė]xyäm yė jate'n tėė pyėtsimytäm yė ääy yė ujts jėts ku yäm tyu'uy tyaxy jėts yė jate'n ėxyäm tėė xyėmumy jėts yė ėxyäm jate'n tėė pyėtsimy yä'ätpėj'ujts *para** Kuxo'okwiiny. Jats yė tsyėėnė yė'ėj ujtspatki'ijy, jaatėn yė n'ėxää'yėnt ku yė ntsėėy'ätwää'nėnt ku yė tsėėy nyėkwä'änwää'nėnt, jatsėtėn yė n'ats'ėxää'yėnt jats yė n'atspawėtejtėnt. Jats jatu'ukmė nay[ė]te'n mėti naxypykyonė, nyėjya'ayė yyėny *pėrėj** axeenyėp awäjėp ja'amė *pėrėj** nayė tuu'paajt. Majtskjėėjp yė ja'ayė yyėknėjäwė. Ja'akėjxp kutėn yė tsyėėyė. Jate'n 'yiitsyėjtsėėyė jate'n nyaxyėjtsėėyė. Jate'n yė tsyėėy'aty. Jate'n yė nyėkwėkėė'ėnt jate'n yė n'uujkėnt. *Pės** kawėnäk'oojk yė n'uujkėnt, ku n'ė'ėjtsėnt ku nnäjxa'ėnt. Jate'nts yė n'uujkėnt jate'nts yė ntsėėy'äjtėnt. Jate'nts yė yė'ėpė yyėk'ėxä'äy kutėn yė määj nkajpääjtėnt. Kuwänė yė npääjtėnt kuwänė yė n'ėxää'yėnt yė'ėpėj'ujts. *Pėrėj** yė'ėj, mėjtsėėy yė'ėj, yė'ėtėn mėj ... mėj yėknajxypy ja iitsyė yėknajxypy ja naxyė. Jate'nėtėn yė tsyėėy'aty, kupäjkpiky'ė, jate'n yė tysėėy'aty. Jate'n yė n'uujkėnt. *Pėrėj** jate'ntėn yė nyėkwėkėė'ėnt, yė'ėtsėtėn ejtp n'uujkėnp, jėpy ux jėpy ux. Jate'n yė n'uujkėnt. Jate'nts yė tyėknaxy ja tsėėy, jate'nts yė tyėknaxy ja iitsyė ja naxyė. Jate'nts yė'ėj. Tuu'paajtts yė xyėėw, tuu'paajt, tuu'paajt, tuu'paajt. Ėjts nxėėw [...] Faustina Gutiérrez López. *wėno** mee mėku'uktėjktė, *pės** jate'n ėxaaj n'ijxyėntė nnėjääwa'ėntė ku yä'ät ja ääy ku yä'ät ja ujts [ė]xyäm jate'n npawėtijtyėntė npääjtyėntė yääj Mää'nytyun'aki'ijy ujk yääj Kuxo'okwiiny määj yääj jate'n ja ja et ja näxwii'nyėt ojts tnėkajpyxy tnėmatyä'äky ku jaa'aj txėėw'ätt. *Pos** ja'ats ėėts [ė]xyäm nnėkäjpxwanypy nnėmatyä'äkwanypy ujk nnatyukatėė'yėntė ku yä'ät ja ääy ja ujts ėė tėė npääty mėti'ij xyėėw tuu'paajt. *Pues** tsėėy mėku'uktėjkėtėn yė'ėj, [...] jotpiky'ėjtsėėy. Ku njoojt pyėjkėnt kun ja joojt pyiky 'yany ku ja jyanytsywye'ey nnäjxėyä'ėnt, naxyėjtsėėyėtėn yė'ėj iitsyėjtsėėyėtėn yė'ėj. Ku jate'n njanytsy'ė'ėjtsėnt njanytsynyäjxa'ėnt, yė'ėts nyėkwėkėė'ėnp jats yė n'uujkėnt. Jėpyė, jėpywyėnwä'ätsė yė n'ukkojėnt jėtsėtėn ja ääw ja joojt yė jate'n tyajkaakėyė jėtsėtėn ja tyėknaxy jėts jatėkoojk tsuuj njaak'uujkėnt. *Pos** jate'n mėku'uktėjkėn yė tyėkwėnkėtä'äky yė'ėpėj'ääy yė'ėpėj'ujts. Jate'nėtėn yė tsyėėytyuny kun yė jate'n jėpy tsuuj n'uujkėnt. Yėk'amėjkėp yė'ėj. Jate'nėtėn ja ..., jate'nėtėn yė tsyėėtyuny. Jats yė pyijy? *Pės** nayėte'nėtėn ja jėyujk yė ttajjujky'äjtmė ja kuumyu'uj, nayėte'n yė tmuu'kmė, nayėte'n yė tpijymyuuky. Jate'nts mėku'uktėjk yė ėxaaj ėė nnėkajpyxy ėė nnėmatyä'äky. *Pės** mäts yė 'yity? Yäätėn yė 'yity, ujtspatki'ijy pejyjyėėjty, jatėn yė ujktsu'nk pyėtsimy. Jate'nts mėku'uktėjk yė nnėjäwė, yė'ėpėj'ääy yė'ėpėj'ujts. Jate'nėtėn yė tsyėėy'aty. Tits yė xyėėw? Tuu'paajt, tuu'paajt, tuu'paajt. Jats jė nxėėw'aty Regina Vįsquez Vįsquez. *Bueno** *pus** mėku'uktėjktė, eej, säm ėėts ja ėxaaj ntuu'yė'yėntė säm ėxaaj nnäjxyėntė nyė'yėntė, nwėtijtyėntė [ė]xyäm äyjyotp [ė]xyäm ujtsjotp, [ė]xyäm ja tunjotp kojpkjotp määj ja et määj ja näxwii'nyėt yääj txėėw'aty Kuxo'okwiiny, määj yääj ja ääy ja ujts yontė 'yäätstė ujk mäts yäm nay[ė]tė'n yyėk'ėxä'äy yyėkpawėtity ujk nay[ė]tė'n yė *pues** yyėk'ejxkapy ja ääy ja ujtstė, yė ... mėti'itėn yääj kupujx'äjtėp kukäjp'äjtėp. Mėti'ij ėėts yäm tėė ntajyė'ėpyėty mėti'its ėėts yäm n'ejxkapypy, mits ėėts yäm n'ejxpatypy *pus** yä'ät ja ujts mėti'ij xyėėw'ajtypy tuu'paajt. Yė'ėtėn yäm ėėts tėė npääty yė'ėj ėėts yäm mėėt n'ijxy yäm mėėt ja nmėku'uktėjktė, mėėt ja uu'nk mėėt ja unä'äjktė. Yė'ėts ėėts yäm npatypy ja tuu'paajt. Eej sääj yė ujts yyėny wėne'n yė ujts yyėny? *Pės** jaaj yė yyėny *como 40 centķmetro o 50**, jatė'nėn yyėny. Jatė'n yė yyėny, tsyajpyėny. Jatė'nts yė tuu'paajt tėė yäm ėėts jė tėė n'ejxkapy ku ėė tėė ntajyė'ėpyety ujk ėėts [ė]xyäm npääty, [ė]xyäm ėėts n'ijxy nkėy. Eej, yė ääy yė ujts *pės** yäätėn yė 'yity jėts määj xuxy'et, määj xuxynyääjx, määj yė yääj yė et yė näxwii'nyėt, määj yääj kupujx'äjtėn kukäjp'äjtėn. Yää... yäätsėn yė 'yity, ka'ap yė nukė ė määj ka'ap yė jam än'etjotp ujk ka'ats yė jam nukė ė määj npääjtėnt, ė mää kamääj. Määj yė jo'kx'et, ka'ap yė jam 'yity jam *porke** yääj nay[ė]tė'n määj yė määj yė wa'aj määj yė xixynyääjx määj yė ėnyääjx, nyėyjyaatėn yė 'yity. Nayė ka'aj nukė tsäwiiny tsäjėėjty 'yejtmė, ka'aj, nayjyaatėn yė'ėj määj yė ėynyääjx määj yė xixynyääjx, yė'ėtėn yė wyėnjää'wėp yė'ėtėn yė eej tyajjujky'ajtypy ujk yė'ėts yė ... ujk jate'nts yė jyujky'aty yė yė yė'ėpėjtuu'paajt. *Entonces** jate'nts mėku'uktėjktė ėėts yäm nwe'ey *estee** pė [ė]xyäm eej nnėmatyä'äky ujk [ė]xyäm ėėts jatė'n njää'myetsy ja xyėėw yė ujtstuu'paajt. Majtskpiky yė'ėj, jaaj jatu'uk mėti'ij mėti'ij nėy... nyėy'ää'tsp ja ntejėn ku nukė ... sutsėn ja jää'y ja ttijy ku jyäwė nėjtsėktsėm kyaxi'iky, nukė oox oox kyaxi'iky. Jatė'n ja kyaxi'iky, ka'apėn ja ėy 'yatsyėknėmatėy, ja yė nayė kė'm'ayuujk, ka'aj 'yatsyėk'ėyjyää'kyuk'ė. *Pėrėj** jatė'n ja ..., ejxėm yä'ät [ė]xyäm tu'm... tu'mts, jatė'ntsėn yė ..., majtskjėėjpxėn yė tyuu'... 'yujts'aty tyuu'paajt'aty. Jatė'ntsėn yė ėėts yäm n'ejxkapy, tu'uk yė'ėj mi' yonp jatė'n, tu'uk. Jėts jatu'uk mėti'ij tu'ääjy, jan ėy may yyėkpäättė tu'ääjy. Jatė'ntėn ja 'yujts'äjtmė jatė'ntėn ja *dios** ja tyanė... tyanėjpėktääkėyė ku ja tu'ääjy yyo'nt. Patyts[ė]n yė nay[ė]tė'n yyėktijy tuu'paajt ku tu'ääjy yyėny ku tu'ääjy yyėkpääty ku tu'ääjy *sekuurė** yė jaaj. Ku ntejn määj nnäjxėnt ku määj ntėjka'ėnt *pėrėj** yämyė yuk'akė'm yäm kojpkwenp. Yäm jė yääj wėne'n yė tnėjtanė yė Kuxo'okwenpėtnääjx ujk yė Kuxo'okwenpėt'et. Wėnė'nėn ttnėjtanė, *sekuurėts** yė jam npääjtėnt yė tuu'paajt, ka'ap yė 'yamääyė. Jatė'ntsėn yė majtskjėėjp ėy yääj kyukäjp'aty. Ėėj, jamts ja'aj muum apiky yyonmė *pėrėj** ka'ats yė jatė'n nukooj, ka'aj yė ė nukė ė määj npääjtėnt määj ntejn jo'kx'et, ka'aj. Yämėn yė yyėkpääty *mäsė** määj xuxy'et. Jate'nts meets mėku'uktė. Tits yė tsyėėy'ajtypy sutsė yė tsyėėy'äjtmė? *Pos** wa'aj ėėts yė nnėjäwė ujk wa'ats ėėts yė tėė nyėktuny, tėė ėėts[ė]n yė nyėktuny nyėktuny ku ėė tėė nmutsk'aty, ku ėėts jatė'n 'yijty jė tėė nyeeky tėė ntsė'ėky, jotpiky'ė, jotpiky'ė ku njotwe'ejta'ėnt ku n'ėėtswää'nėnt ujk ku n'ė'ėjtsėnt ujk ku nnäjxa'ėnt pė jatė'nxė ja pä'ämėtėn yyėkpääty ku nmutsk'äjtėnt, ku nya'ajkėnt ku ntsoojkėnt, pätp ja iitsyė pätp ja naxyė. *Pės** tits yė majjää'y tyuntėp? Yė tuu'paajt yė jaty'ė 'yats'ėxaatyėp. *Kumė** jajpts yė tu'ajpy tsyėėnė mėti'ij ja myėku'uk jatu'uk, jajp tsyėėnė. Jajpts ja jaty'ė t'atskonkojtė tuk... tuk'ėėxyu'nk, jaatsėn ja tjėnku'ujxėkyojtė. Tiij ja 'yijty tyajjėnku'uxėp, tin ja 'yijty yėktuntėp ja majjää'y ja majjää'tyėjktė? *Pės** ja'aj ja ttejtė ja *tu'ts'ėxkasittė**. Ja'aj ja ttejtė *ėxkasittė**. Mutsykyten'ėėyu'nkėtėn ja'aj, ja'atsėn ja tyajjėnku'uxėkyojtėp. Jatė'n ja majjää'tyėjk ja ttejtė *ėxkasittė**. Jėnwejtskojtė yė mtuu'paajt *tuk'ėxkasit**. Jatė'n ja tkäjpxtė, pė 'yayuujk'äjtėpts ja jatė'n ja tu'tsu'nk ja jatė'n ja yėkkojpė ja tyėk'ėyė ja na'apė ja tyėk'ėyė, ja mutsykyten'ėėyu'nk. Japtsėn yė wyėki'iy janp[ė]n yė wyėki'iy *como 20 minuta'ėn**, jatė'n yė wyėki'iy. Jatė'n yė ..., wėnettsėn ja xtsėėytyuu'nėnt wėnettsėtėn ja jotkujk nnatyajtsėya'ėnt. Wė..., yėk'ukp jėpy ujk yėk'ukpts ux. Jatė'n ux yyėk'uuky jėts[ė]n yė nmoo'... jatė'nėn ntejn wye'ey *estee** eej nmėmää'ėnt ujk jatė'ntsėn yė tsyėėy'aty nay[ė]tė'n. Pė nayė nėjäwėxė tsyėėy'aty ku nukooj ė tii ėy juunė n'uujkėnt, ka'ats yė jatė'n, nėjäwėxė yyėk'uuky, jaaj jėpy jėts ux. Jatė'nts yė n'uujkėnt yė tuu'paajt, tuu'paajtnėėj tuu'paajtwėkėėjėk, ja **tee**. Tyimyjyatė'nyė yyėk'uuky ka'ap yė tiij yyėkpėktääjkė, ka'ap jė kään ka'ap jė *asukkar** nėjtiij yė tkayėktuny. *Puro** nėėj ja'ayė ku wyėki'iy, jatė'nyė ja'ayė. Jėts jė yuu'nkjo'k... jo'kx pi'nykyjyo'kx, jatė'n yė yyėk'uuky. Wėnė'n yė yyėk'uuky? *Pus** jatė'n ja majjää'tyėjk 'yijty tkäjpxtė tukts... wa'aj kukwa'kyxytsyem ujk kukwa'ky... kukwa'kyxytsyem ėxyämpė yyėkkäjpxnė ja *taza**. *Pus** jatė'nts yė yyėk'uknė, *tuktäsė** yyėk'uknė. Jatė'n [ė]xyäm yyėkkäjpxnė *pės** kuts 'yijty ja majjää'tyėjktė kipytsyėm ja yyėktuntėp, kukwa'kyxytsyemts ja t'uuktė. Jatė'nts ja t'uujkjė'ėktė, eej, mo... mo'... tmėnakyė'ėkyė ujk jatė'n tmė... tmėtsėėnė tmėpėė'kyxy jėts[ė]n ja jyoojt ja jatė'n pyėjknaxy 'yännaxy ujk ja 'yiitsyė jatė'n wyėnkėtä'äky. Jatė'ts mėku'uk yė tyuny yė ääy yė ujts, yė tuu'paajt. Jatė'nts mee ntukmatowtė, meets uu'nk unä'äjktė meets mėku'uktėjktė pėnjaty ėxyäm pyatmatootėp pėnjaty ėxyäm'äjtėntėp. Pėnjaty atėn ėxyäm näjxėntėp tėjka'ėntėp. Jatė'ntsėn yė ääy jatė'ntsėn yė ujts ii[y] tyuny, jatė'nts yė .... Yäätsėn yė tsyėėnė yäätsėn yė yyėkpääty Kuxo'okwiiny. Yäätsėn yė yyėkpääty yäätsėn yė ... ku sääyė tsyėky'ė sääyė pä'äm nyäkxėtä'äky. Yän yė jaty'ė n'ats'ėxää'yėnt ujk yän yė jaty'ė n'atskoo'nėnt, jatė'n. Mäts yė nyėy'ejtmė? *Pės** jaayėmtėn yė 'yity tu'ääjy, ka'ap yė ėy 'yity määj xojjoojt määj tsäjoojt määj ... jėts [...] ujk kämjėėjty mokjėėjty, pėtsėmp yė jaaj nay[ė]tė'n. Pėstėmp yė jaaj määj yė yuu'ėn mäaj jė tuu'nėn, pėtsėmp ja jaaj nay[ė]tė'n. Jatė'nts mėku'uk, *pėrėj** jatė'n yė 'yujts'aty, majtskjėėjp yė 'yujts'aty, majtskjėėjp. Jatė'n meen yė xjää'tyä'nt, mee xjaapyatt mee xkee'tspatt jėts wėnaty ja äp,ja ok jatė'n t'ajot'ättė. Tiij xyėėw'ajtypy? Tuu'paajt, tuu'paajt, tuu'paajt. Ėjts nnėmatyakypy Félix Jiménez Pacheco. Ejemplar 39181, familia Asteraceae género Erigeron y yerba de 40 o 50 centķmetros con flores de lķgulas blancas y [...] verde.