Meets mėku'uktėjk, [ė]xyäm ėėts yä'ät n'ijxy npääty ja ääy ja ujts mėti yuk'aki'ijy tsėnaatyėp. Ja'ats ėėts ėxyäm n'ijxypy nkėėpy. Pė ka'ap ėėts yė ėy nnėjäwė, pė tiij yė tsyėėy? Ka'ap yė yyėknėjää'wėkyixy yė'ėpėj'ujts, pė tiij tsyėėy? Ja'ayė ku yyėktijy nukė pätsni'ijpy, yukmutskpätsni'ijpy, mutskpätsni'ijpy yyėktijy. *Pėrėj** ja'ayė ..., jate'n ėėts yė nnėjäwė ja'ayė, ka'ap yė yyėknėjäwė pė tiij yė tsyėėy'ajtypy, ka'ap yė .... *Pėr** ka'ap yė t'ėky jė tsaj[p]kääj *tsyiip**, ka'aj yė t'ėky, nukė ujts yė 'yity nukė ujts yė jyäwė yyėny, ka'ap yė .... Nukė kämjėėjty yė 'yity, pėtsėmp yė jaaj kämjėėjty, *pėr** ka'apėtėn yė tsaj[p]kääj yė t'ė... t'ėky tjii'kyxy, *nijtsyiip** yė tka'ėky. Jėts ätėm? Nayė ka'aj atėm yė ntsėėy'äjtyėntė. *Pėrėj** mutskpätsni'ijpyėn yė xyėėw, mutskpätsni'ijpy. Ja'aj yė xyėėw. Ja'aj majjää'tyėjk ttejtė. Ja majjää'tyėjkėn yė ojts tyėkxėpattė. Jate'nts ėėts yė ja'ayė nnėjäwė, ka'ap yė ntejėn ėy ėė nnėjäwė pė tiij tsyėėy'ajtypy yė'ėpėj'ujts? Tim ja'ayė ku yė joon yė tjėė'kxtė yė xuu'kx yė tpijymyuuktė, xuu'kx yė tjėė'kxtė. Ja pyä'äku'nk yė tyėkpėtsėėjmėtė. [Ė]xaaj yėtėn yė kuumyu'uj [ė]xaatėn yė ... [ėxaatėn yė wa'atė [ė]xaatėn yė kuuytyė. Tijaty yė jate'n tjėė'kxtė, jate'n yė tjėė'kxtė. Jate'n yė tpijymyuuktė. *Pės** jate'nts yė ėxaaj Kuxo'okwiny yė ujts, jate'n ėėts yė ėxaaj npawėtity Kuxo'okwiiny. Kuxo'okwiiny yė ėxyääj. Jats ėėts yė ėxaaj n'ejxkapy yė ujts ku yė pätsni'ijpy, mutsk ntejėn, pätsni'ijpy yyėktijy, *pėrėj** mutskpė yė'ėj ka'ap ėy tysajpyėny. Ka'ap yė jate'n 'yäätsy, sämėn ja pätsni'ipy mėtin pätsni'ijpy yėktejp. Ka'ap ja 'yäätsy. Jate'nyėts yė ja'ayė ntejėn mutsykyė yyėny. *Pės** jate'nts yė ėxaaj mutskpätsni'ijpy, mutskpätsni'ijpy yė xyėėw, ja Kuxo'okwiiny. Wa'ats yė'ėj mutskpätsni'ijpy, mutskpätsni'ijpy, mutskpätsni'ijpy. Ja'aj yė xyėėw. Jėts ėėts ėxyäm nnėkajpyxy nnėmatyä'äky. Wa'aj ėėts ėxyäm, ėjts nnėkajpyxy nnėmatyä'äky Faustina Gutiérrez López. *Weno** mee mėku'uktėjktė, *pues** [ė]xyamėn jate'n nnäjxyėntė ntėka'ėntė, nwėtijtyėntė. *Pues** yä'ät ja ääy yä'ät ja ujts, *pus** ja'aj yä'ät tėė npääjtyėntė mėti'ij yėktejp päjtsni'ijpy. Jatitskėjxp ja ääy ja ujts jate'n yyėktijy? *Pus** ja'akėjxp kutėn ja tsäjpts pyijy jėts kutėn ja jate'n ni'ijpya'ėn kyaxi'iky. Patykyėjxp ja majjää'tyėjk ojts tyėkxėpattė päjtsni'ijpy. *Pus** ja'ats ėėts nnėmatyä'äkwanypy, *pus** titėn ja jyii'kyxypy ujk titėn ja jėė'kxėp? *Pus** ka'aj ntejėn tsyėėy'aty. Ja tsaj[p]kääjėtėn yė jyėė'kxtėp, tsyiipėn yė jyėė'kxtėp. Jats yė pyijy? *Pus** ja xuu'kxts yė myuu'ktėp mėėt ja *serėjėyujk** mėėt jė kuumyu'uj mėėt jė jėmyjyėyujktė. Yė'ėtėn yė jyėė'kxtėp. Jate'nts yė tyuny. Jėts mäts yė 'yity? *Pus** yääj tun'aki'ijy kojpkaki'ijy jatėn yė'ėpėj'ujts yyėkpääty. Ujk ku jaaj ja tun'aki'ijy kojpk'aki'ijy jää'y yyu'utė tyuntė, *pos** jaatsėtėn yė pyėtsimy. Jate'nts ėė mėku'uktėjk yė'ėpėj'ääy yė'ėpėj'ujts nnėkajpxy nnėmatyä'äky. *Pus** yäm ėėts yė jate'n n'ėxä'äy npawėtity yääj tun'aki'ijy kojpk'aki'ijy määj yääj yyėktijy Kuxo'okwiiny, mėku'uktėjktė. Jate'nts mėku'uktėjkėtėn yė'ėpėj'ujtsėtėn) majtskpityė. Jatukpiky, *pus** wa'ats ja pyėjmė, nyėjtsyuu'nk ja pyėjmė. Nayėte'nts ja ... jėts yėny ja tsajpyonmė. Yėny ja tsajpyonmė, *pus** nayėte'ntsėn ja yyėktijy nayė ..., päjtsni'ijpyėn ja yyėktijy. Nayėte'nts ja tjėė'kxmė ja jėyujk ja ..., nayėte'n ja tpä'äkpėjkmė ja *serėjėyujk** jėts ja) jėts ja xuu'kx, jėts ja kuumyu'uj jėts ja jėmyjyėyujktė. Jate'n mėku'ukėn yė jėyujku'nk yė ttajjujky'äjtmėtė yė'ėpėj'ääy yė'ėpėj'ujts. Jats mäts yė 'yity? *Pus** yäätėn yė ujtsjėėjty 'yity ujk yäätsėtėn yė 'yity män jė jää'y jyaakyu'utė, jyaakwo'omtė jyaaktäjtė, ja minykyäm tjaaknėkämėtė. Jatėn yė jate'n pyėtsimy, yė'ėpėj'ääy yė'ėpėj'ujts. Yė'ėts xyėėw'äjtėp päjtsni'ijpy, päjtsni'ijpy, päjtsni'ijpy. Ja nėkajpyxy nėmatyä'äky Regina Vįsquez Vįsquez. Eej mėku'uktė, *pus** [ė]xyäm yėtė'n ja ja näjxėn ja tėjkėn, ja tuu'nėn ja pėjkėn, ja ejxėn ja koo'ėn; määj ja et määj ja nääjx yääj eej) pujxkijxy käjpkijxy, yä'ät ja tun yä'ät ja kojpk mėti'ij yyėkyėnypy mėti'ij yyėk'ää'tsypy yä'ät ja ääy yä'ät ja ujts, yääj Kuxo'okwiiny. *Pus** ja'aj yä'ät ja et ja näxwii'nyėt yääj xyėėw'ajtypy Kuxo'okwiiny määj ėėts [ė]xyäm nnaxy määj 'ėėts [ė]xyäm ntėk'ė, määj ėėts [ė]xyäm ntuny määj ėėts [ė]xyäm npiky, mėėt ja nmėku'uktėjktė, mėėt ja unä'äjktė, mėėt ja tunpėtė mėėt ja pėjkpėtė. *Pės** jatė'ntėn ja) ja yäm ja näjxėn yäm ja tėjkėn. [Ė]xyämts ėėts ja ujts nayėtė'n ja jatu'uk njaakpääty njaak'ijxy mėti yä'ät ja ... *pės** yääj ja et ja näxwii'nyėt tsyėm'ijtypy kyiy'ijtypy, yyėkyėnypy yyėk'ää'tsypy, yä'ät ja päjsni'ijpy. Ja['aj] yė ujts xyėėw'ajtypy ja'ats yė ėėts[ė]n ja jatė'n n'awejė n'akajė nay[ė]tė'n. *Pus** ja ..., yė'ėtėn yääj tsėnaapy tunwiiny, kojpkjėėjty määj yė et yė nääjx xuxy'et yääj, yė ...; xyuxy ku ..., mėjk xyuxy yääj. Yė'ėts[ė]n yääj wyėnjää'wėp yė'ėsėn yääj ejttėp, ye päjsni'ijpy. Jatits yė jatė'n txėėw'aty? Ja'akėjxp kutėn yė *pės** yääj kojpkjėėjty tyėėnė ujk ja'akėjxpts[ė]n kuts[ė]n yė eej)yyėny, nyėjyatė'ntėn yė'ėj säm ja jää'y tijyėn jė tu'ukmijxy. Nyėyjyatė'n ntejn yė ujts, tu'mytsyė yė yyėny. Ka'ap yė 'yäätsy ka'ap yė tiij, *pėrėj** ja'aj xyėėw päjsni'ijpy. *Entonces**, mėti'its ..., majtskjėėjpts ėėts yė nnėjäwė majtskjėėjpėn yė yääj tsyėėnėtė, yääj kojpkjėėjty tunjėėjty ujk yääj kojpkwiiny, määj yė et määj yė nääjx yääj Kuxo'okwiiny. *Entonces** jaaj jatu'uk ja päjsni'ijpy, tsuu'nkts ja t'ijxy. Ėė', ejxėm yä'ät ėxaaj mėti ėxaaj tu'umts, tsäjpts yė pyijy. Tsäjpts yė pyijy yė'ėj, tsuu'nk jė tyeky yė'ėj, tsujxk jė 'yääy .... Tsuu'nk jė 'yääy yė nay[ė]tė'n, *meetyė...) meetyėjtuu'nk**, ka'aj tyimywyä'ätstsujxkė, *meetyėjtuu'nk**. Jatė'n jė 'yääy yė'ėj jėts jė tyeky, nay[ė]tė'n tsuu'nk. Jėts jė pyijy, yė'ėj tsäjpts. Jatė'n yė'ėj jatė'n yė'ėj yė'ėj) mėti'ij yė tu'uk...) yė tu'ukpajsni'ijpy. Mėti'its ja pajsni'ijpy ja... jatu'uk, ää'tspts ja'amė. Majtskjėėjp ja yė'ėj ... tyuny majtskjėėjp ja 'yujts'aty, janayjya'ayė. Äätsp ja'aj nayė tsajpyonpts ja'aj. Tėkėjėėjpėn yė nkäjpxėnt yė pajsni'ijpy. Tu'uk mėti tu'mytsyė tyimyyonp, yė'ėts tu'uk pajsni'ijpy jėts jatu'uk nayjya'ayė kė'myė, tsajpyonp ja'aj jėts näxwėn'ää'tsp ja'aj. *Pėrėj** nayjya'ayė ja 'yäwäj nayjya'ayė ja 'yaxeeny. Jatė'nts ja 'yujts'aty. Säts ja pyėjmė? Tsuu'nk ja pyėjmė. Tsuu'nk jė pyijy ja'aj. Ooy ja tymy'ajot'aty jė xuu'kx ooy ja tyimy'ajot'aty jė jėyujktė mėtijaty muu'ktėp mėtijaty pijymyuu'ktėp. Ooy ja tmuuktė. Jėts nay[ė]tė'n yėnykyonė ja pyijy jė ..., oy ..., nyė... nyėmyėnapyääjtėp yė xuu'kx jė 'yajpäjk ja'aj, yė'ėxė nmyėy'ayėny nay[ė]tė'n. Jatė'nts ja nyėyyėny jajp tkukuupė. Jatė'nts, ejxėmts yė) yė *serėjpä'äktė**, ka'ats yė'ėj, nukėts yė pejktėmnėtė. Jatė'nts yė ..., kontsėn ja tyajmu'ujk yė'ėmėtė, *pėrėj** jatė'n 'yajot'äjtėp nay[ė]tė'n yė) yė wa'atė yė yė) yė jėyujktė. Jėts yė ejx... jėts yė tu'uk... tu'ukpajsni'ijpy, määj yė *mäsėjmajpyxy** pyėtsimy, jaaj määj yė minykyäm, määj yė minykyäm. Ku yėknėkämė ja miny ku yėknėyuwė ja miny, jats yė *mäsė** yėkxon pyėtsimy *mäsėjmajpyxy**. Yė'ėtėn ja ntejn 'yää'mypy ja miny kutėn ja miny jė 'yatsyukkujyu'uy, kun ja miny yyėkwėyu'uy yyėkwėtuny. Yė yė yė) pajsni'ijpyėn jajp majpyxy *pėrėj yė tsuu'[nk], yė tu'ukpajsni'ijpy. Yė'ėtėn jajp majpyxy pėtsėmp, jatė'ntėn yė jajp 'yääy'aty 'yujts'aty jaaj *pėrėj** jaaj yė *mäsė** 'yity, ejxėm yääj äyjyėėjty ujtsjėėjty määj ėėts ėxyäm npääty, ka'ats yė myajpyxyė tu'uk majtsk yė muum pyėtsimy. Jatė'ntėn yė [...] twėnjäwė ka'ap yė ėy jam majpyxy pyėtsimy. Jajpėn yė *mäsė** pyėtsimy määj yė) yė moojk yyėkni'ipy määj yė ..., *pėrėj** yääj yuk'aki'ijy'amypy, jaaj yė *mäsė** pyėtsimy jaaj yė *mäsėjmajpyxy** yyontė 'yäätstė, myuxtė pyėtsėmtė. Jatė'ntsėn yė ääy jatė'nts yė ujts, yė pajsni'ijpy. Jatė'nts mėku'uktėjktė, jėts ejxėm ja tsuu'nk, pėn nay nay nayääj ja 'yity *pėrėj** ää'tspts ja'aj, yėny ja 'yäätsy. Jatė'ntsėn ja 'yujts'aty [...], ėy ja yyuu'nkkonė ėy ja ėy ja wėnää'.... Jatė'n 'yijty jė majää'tyėjk tyėktuntė ku majjää'tyėjk jyėpnėke'eky, ja'ats ja tyajxejtėp ja jyėėjp *pėrėj** ja ja ja ja'aj mėti ää'tsp, *kumė** yuu'nk jė 'yääy ja'aj. Jatė'nts ja majää'tyėjk ja tyėktuntė. 'Yajot'äjtėp ja nay[ė]tė'n liin waan ka'atėn ja ntejn ėy tyimykyajjaa'ė ujk ja unä'ktėjk ..., nay[ė]tė'n ja 'yijty ja mutsk'unä'äjk ttajkuyättė, tyejpyxy'äjtėp ja'atė, natyėkwėė'nėtėp ja'atė. Jatė'n ja mutsk'unä'äjk kyuyättė kun ja 'yijty t'enk'ättė kun ja 'yijty *tsyiipėj'ejxtė byurreekėj'ejxtė** ja majjää'tyėjktė. Tumjatė'n 'yijty jė majjää'tyėjktė, ja 'yuu'nk 'yunä'äjktė, [ė]xam ja *tsyiipėj'ejxtė [ė]xam ja tyėkėj'ejxtė. [Ė]xamėn ja ... ujk ja tyeety ja tyääktė yyu'utė tyuntė, tyuntė pyėktė. Jatė'nts ja tyeety ja tyääk ja'atė. Jėts ja mutsk'unä'äjk, jatė'nts ja ttajkuyättė ja ja tsuu'... ja pajsni'ijpy mėti'ij ää'tsp. Jatė'nts ja t'enk'ättė. Yėktajkuyäjtpėtėn ja'aj nayė tunpėtėn ja'aj. Jatė'nts ja tyuny jatė'nts yė ääy yė ujts yäm ėėtsėn n'ijxy nkėy. Ėėts yäm nnäxy ėėts yäm ntėk'ė, ėėts yäm n'ijxy ..., ėėj mäaj ja äyjyotp ujtsjotp, määjatyėtėn tėė yyėk'ejxėkėėnyė tėė yyėkjää'tyėkėėnyė. Ka'aj 'yukyėkjää'myajtsnė ja ujts ku ja uu'nk unä'äjk tjayėktėwtė jamyė tėjkjotp, ka'ats ja 'yukyėknėjää'wėnyė. *Pėr kuts yėtė'n säm ėėts yäm nwėtityėn *pės** jaty'ė ėėts ja 'ääy ja ujts n'ejxkapy jaty'ė ėėts ja ääy ja ujts nnėmatėy. Tiij ja xyėėw jėts sutsė ja tyuny? Jatė'n, jaty'ėts ėėts ja nnėmatėy. *Pės jatė'n meets mėku'uk ėxaaj ntukmatowtė liin waan. Jajp may jyaakka'ity jap may jyaakkayėknėmtyä'äky ujk jyaakkayėknėjäwė. *Pės** jatė'n yė yyėkjää'tyėkėkyaknė, *pėrėj** kuwänė ėėts yäm njajjää'myetsy kuwänts ėėts yäm njaj'ejxkapy, kuwänts ėėts yäm yė uu'nk unä'äjk ntukamtowtė. *Pės** jatė'nts ėėts yäm nnėkajpyxy nnėmatyä'äky yė ääy yė ujts. Mėti'ij xyėėw'ajtypy ee'tu'ukpajsni'ijpy, tu'ukpajsni'ijpy, tu'ukpajsni'ijpy. Ėj nnėmatyä'äky Felix Jiménez Pacheco. Ejemplar 39180, familia Lamiaceae, género Salvia, yerba de 40 centķmetros con flores de color anaranjado.