Meets mėku'uktėjktė, mėtits ėxyäm nnėmatyä'äk[w]anypy jatu'uk ja ujts, mėti xyėėw niiy'ääy. Yė ujts, yė'ėpėj; kė'm yė yėkni'ipy, ka'aj yė kė'm pyėtsimy. Kė'm yė yėkni'ipy, kė'm yė yyėkkėny yė tėmt jėts yė yyėkni'ipy. Pėnė määj yė kė'm yyėktamėtsėky ja näxwii'nyė[t]. Pėnė määj jyäwė nyėjnyek nyėjxyixy ja nääjx, jajp yė yyėkni'ipy. Jėts nėėwėnkon, määj jė nėėj pyätėyėt. Wa'aj yė'ėj, nė'... nėė'ujts yė'ėj, nėėj yė tyajyee'kypy nėėj yė ..., nėėmėėt yė yėkxon. Jėts wa'aj yė ujts, pės jaaj yė *mäsė** 'yity määj jė xuxy'et jė näxwii'nyėt määj yääj yuk'aki'ijy, määj [ė]xyäm ..., säm ėxyääj Nėė'ääjy säm ėjxėm Tėk'äm. *Estee**, xem *Santa Cruz**. Ejtp yė jam nayėtė'n. Jėts ka'ap yė ėy jam 'yity jo'kx'etjotp. Wa'aj yė jam, amääy yė jam. Jėts wa'aj yė ujts, yėny yė yyėny jėts yė 'yääy, majaty yė 'yääy yė tpėktä'äky. Wa'ats yė 'yääy yė'ėj, tiij yė wyä'äny yė 'yääy? *Pės** jate'n atėm yääj nxaamkėjxpėt'äjtyėm, nyėktuu'nyėm atėm yė'ėj. Ujk jate'n ėėts yė yääj ntejėn wa'aj nyėktunkpääty. Ku ėėts yė ..., ku ėėts jė tojkx nyėk'ėyė, tsäj[p]käätsu'utsytyojkx jėts ėėts jė niiy'ääymyi'iky nyėk'ėyė, ėėts wa'aj nyėk'ėyė, nä'kmi'ikyu'nk ėėts ja ntapatėjkxypy, ja'aj ėėts ja ntapakaapy. Yė niiy'ääyts ėė n'atstu'kyxypy jė 'yääy jėts ėėts yė ntajmi'iky, nta'apity ja mi'iky. Ujk puujmi'iky, pėnė tiij ėė'yėp, nä'kmi'iky ujk puujmi'iky, pėnė tiij ėė'yėp. Ja'ats ntejėn jate'n yėktajnėjpejtp. Tsuj yė'ėpėj'ujts tyuny, ka'aj yė ntejn kyiitsy ka'aj yė ntejėn sääj jyaty. Amuum yė mi'iky yė yėkxon tyėkpėtsimy, nayėtė'n yyėktapėnuuky. Ku yyėktapėnuuky, japyeents yė n'atsyėkwa'ajėnt, anynyėėjėtypy n'atsyėkyuu'nka'ėnt jajp yė n'atskujteja'ėnt, anynyėėjėtypy jėts yė yuu'nkė jėts yė jate'n yyėkjuuty jėts yė yyėkta'ami'iky ja pėnuuky jėts ja pėnuuky ka'aj pyijy. Amuumtsėn tjanytsyyėkpėtsimy, tsujėtėn ja mi'iky pyėtsimy. Jate'nts yė'ėpėj'ujts ėė nyėktunkpääty ujk jate'n ėėts yė nnatyaputėk'ėyė ku jaaj jėn'äki'ijy tėk'aki'ijy. Jaaj yė *mäsė** yyėny, wėnkon, tėjkwėnkon. Ka'ap yė ėy kämwenp kämjotp 'yity *porque** ja'aj ku yė nėėj yė ttsėky. Pėnė määj jė nėėj jamts yė yyėny. Jate'nts yė'ėpėj'ujts ujk nayėtė'nts yė ntejn tyunkpääty ku ntejėn ja jaaj jyii'ky'aty, ja jėyujktė ja tsaj[p]kääjtė, ja'aj yė 'yojktėp. Tsaj[p]kääj ja'ayė ka'ap yė *burrek** yė t'ojkkojmė, nijtsyiip yė tka'ojkkojmė. Ja tsaj[p]kääj yė ja'ayė ntejėn jyii'kyxy'ajtypy ku jė tė'ėts'et ku ..., määj kyajtu'uy määj kyaj... kyajwe'ey kya'ity jė jiii'kyxy. Jats yė 'yatsyėkpėėty yė'ėpėj'ujts yė'ėpė... yė niiy'ääy. Jėts yė 'yatsyėkwe'ey jėts yė tsaj[p]kääj yė t'ėky, yė'ėts yė tyajjujky'ajtypy jate'n yė jėyujk. Nay[ė]tė'n wa'aj yė pyijy, yė wya'aj yė tyėėm *porque** tėėmėp yė'ėj. Jate'n yė tyėėm yė t'ijxy amėjtuttu'uty'unä'ku'nkėn, mutsykonėjaty, jajp jė poop jajp jė yėjk. Jate'n yė pyėstimy jė tyėėm. Sutsėts ja tyėėm ėėts yė ntejn 'yijty ku ėjts 'yijty nmutsk'aty, wa'aj ėėts yė 'yijty nyėktuny, yėkxon ėėts yė nnėjtsiky jėts ėėts ja yėkxon nwa'aty *nkanik'aty**, ėėts ja yėkxon .... Tuttu'utyėkėtėn ja'aj, jate'n ėėts ja 'yijty ntejėn ntajkuyaty, ntuttu'uty'ajtypy ėėts yė 'yijty. Yėkxon yė may ėė npeemuky. Kuts [ė]xyämnė, tunkpätp yė nayėtė'n yė niiy'ääytyėėm, ku [ė]xyäm ntejėn ja unä'äjk tėė wyejnėtė tėė kyajnėtė. *Estee**, wa'ats yė'ėj ėė'yėnyėpts yė'ėj, tyaj... tyajkuu'pnäjxtėp tyajwee'tjujttėpts yė'ėj jėts tyėk'ėyėtė tätsktiy jats tyėk'ėyėtė nantsėn *porque** yė'ėpėj'ujts, jėnts jė tyėėm yė'ėj, juun yė tėėm 'yity. Jate'nts yė ntejėn [ė]xyäm tyėktunkpätnėtė, yėk'ėė'yėtėp jė tätsktiy, jate'n ntejėn ttooktė tyäktė, ja'aj ntejėn .... Jate'n tyėkwa'atė pėnė pėn ntejėn tsuj ja wėnmää'ny pyėktakypy, pėn myėtapyatypy ja tunk ja pėjkk, *pės** jate'n yė ntejėn tyėktunkpäättė. Jate'nts yė'ėpėj'ujts, *pės** jate'nyė ėjts yė nnėjäwė. Tits yė xyėėw yė ujts mėtits ėxaaj nnėmatyakypy niiy'ääy, niiy'ääy, niiy'ääy. Ėjts nxėėw'ajtypy Victorina Garcķa Gonzįlez. Wa'ats yäm nnėkäjpxwanypy wa'aj nnėmatyä'äkwanypy, tiij jaaj jate'n, yė wa'aj mėti yėkmėėt jaaj, jėn'aki'ijy tėk'aki'ijy. Ja ujts, niiy'ääy ja xyėėw. Ja'ats ėė nyėkwä'äny, ntajmikypy ėėts. Wanėm jė pėnuuky ujk wanėmts jė nä'kmi'iky. Jate'n ėėts ja nyėktuny ja 'yääy. Ka'ap ja jyäwė ka'ap ja tyä'ämė, ka'ap ja tiij. Ėy ja mi'iky ja tyėkpėtsimy, ka'aj tyėkpijy jėts ka'aj sääj jyäwė ja kaaky. Jan'amypyts ėėtsėn ja n'ajot'aty ku ääy kya'ity; mok'ääy, kya'ats'ity ja mok'ääy, jats ėėts ja nyėktuny. Jate'n ėėts ja n'ajot'aty. Jėts jė tsaj[p]kääj, ja'aj ja yėkmėėpy ku makyojpk nmėėt'äjtėnt. Ja'ats yėkpoo'tp, jats ja tsaj[p]kääj ja yyėkmė'ėy. Ja'ats ja 'yojktėp ku ja ääy ku ja pi'nytsy kyukėjxėnyė, kyėjxkėjxnė. Jate'n ja tsajk[p]kääj ja 'toktė jate'n ja tsajk[p]kääj ja tjėė'kxtė. Yė'ėts ėjts yäm nnėkajpyxypy ku jate'n tyuny yė niiy'ääy. Jate'n ėėts yė n'ajot'aty jate'n ėėts yė nyėktuny. Yė'ėts ėxaaj jate'n nnėmatyakypy, ku ėė ntajmi'iky ku ėėts ntajkayė. Jate'n ėėts yė yäm nyėktuny. Tits yė xyėėw, yė'ėj ėxaaj jate'n yė ujts nnėmatyä'äky? Niiy'ääy, niiy'ääy, niiy'ääy. Virgina Vįsquez Vargas. Wa'ats ėėts yäm njaaknėkäjpxwanypy njaaknėmatyä'äkwanypy, niiy'ääy, mėti yääj ejtp. Ja ..., ja ujts mėti yėktamėkp, niiy'ääy ja xyėėw. Ja'ats ku jė pėnuuky, ku nä'kmi'iky; ejxėm jė pėnuuky ja ttaj'ėyė ja niiy'ääy, yėkwa'apts ja'aj yėkpää'tsp ujk anynyėėjėtypy npėktääjkėnt jėts ja yuu'nkė jėts ja jate'n yyėkta'ami'iky. Jats kuts m... myėjė myėjweenė, yėkkėė'tspts ja'aj. Jėts kuts ja amuum yyėktami'iky, mutsktsėn ja niiy'ääy muum, ka'ap ja ėy myė[j]yeeky. Ja'ats ėėtsėn jate'n nyė... tyuny. Jėts kuts ja tyėėmė, yėjk ja jyäjtnė ja tyėėm jėts ja wyėkä'änė jėts ja kė'm jate'n myuxy. Määj ja twėnjäwė jėts ja jate'n myayė. Jate'ntsėn yė'ėpėjniiy'ääy tyuny. *Kumė** jats yė kawėn... majtskjėėjp; mėti pijymyė, nayė niiy'ääyėnts ja 'yääy ja t'ijxy nayė niiy'ääyėnts ja t'ijxy. Ja pijy, ka'ats ja yyėktajmi'iky, ka'ap ja'aj yyėk... tyuny. Ja'ayėn ja pyijy'aty. *Pėrėj** ėjtpts ja nayėte'n ėy määj, yääj ntejėn määj nek jė nääjx määj jė pu'uty. Jate'n ja 'yity. Ejxėm yė niiy'ääy, nijka'ap ja'aj mėti pijymyė, ka'ats ..., nijtiij ja tkajtunmė. Ja'ayėn ja ntejn pyijy'aty. Ka'ap ja tsaj[p]kääj ka'ap ja tiij tjii'kyxy. Ejxėm yė niiy'ääy, tsaj[p]kääj yė 'yėjkypy. Yėktaj'ajpootė, määj *kwaresmė**, määj kya'uk'ejtnė ja jyii'kyxytyė. Jats ja yyėkmė'ėy ja tsaj[p]kääj, ja'ats ja 'yėjkypy ku ntejn jam may yyėkmėėtė. Nayėte'n yė ntejn ėy 'yatsyėk'ėxä'äy ku yė kya'ity may, pė ja'aj kux[ė] yė'ėj tsaj[p]kääj jyaakyėkmė'ėy ku ja pi'nytsy kyėjxnė. Yė'ėts ėė nnėkajpyxypy nnėmatyakypy, niiy'ääy, niiy'ääy, niiy'ääy, niiy'ääy. Wa'ats jė nxėėw Alicia Jiménez Orozco. Ejemplar 39154, familia Cannaceae, género Canna, yerba de 2 metros con flores rojas.