*Bueno** meets mėku'uktėjktė, ėxaaj ėjts jatu'uk yė ujts ėė tėė npääty ujk ėė tėė nyėktuk'ijxy mėti xyėėw nėė'akuxo'ox. Wa'aj yė ujtsu'nk t'ijxy, nukė pajyu'utsjaty jė 'yääy jė t'ijxy. Jaaj yė *mäsė** yyėny määj nėė'aki'ijy. Jėts poop jė pyijyu'nk tpėktä'äky. Ku jė *marzo, abril** tpääty ja *tiempo**, jats yėkxon 'yajpėjpaky jėts yėkxon ja wa'aj ja *serjėyujk** tjėė'kxtė tmuuktė. Yėkxon yė ttajmuktė. Kuumyu'utė, yė'ėj yė nyėmentėp nyėjä'ttėp, ja'aj ku yä'ät'ujts janytsy pä'äky yė 'yapėjy. Jėts wa'aj, määj yė yyėny *mäsė**? *Pės** jam määj yė nėė'aki'ijy. Ejtp yė xem määj yė apä'äjttum, ja'aj ku mėjnėė'aki'ijy yė'ėj yyėny. Jėts may yė 'yajyonpaky ka'aj yė tu'ukyė ntejėn tsyajpyėny. Kawėnäkkipy yė nyapyėktä'äkyėyė. Jėts kėtyimy'oo'kp yė'ėj ku yė njakujpo'ojtėnt. Ka'aj yė ntejėn 'yėėky.*Mäsė** xyėmumy xyėmumy, *mäsė** myėjwenė kyajaa'ė. Jate'n yä'ätpėj'ujts 'yity, *pės** ka'atėn yė jyii'kyxyė ka'aj ntejėn *para** jää', ka'aj yė jyii'kyxyė. Tiij yė ntejėn wyä'äny ujk tiij ėė... tiij ėėtsėn yė nyėkwä'äny? *Pės** wa'ats yė'ėj; yė'ėj, jä'äxy'äjtp yė'ėj ku yė yyėkpo'otji'iky jėts yė yyėktajpootė. Jä'äxyu'nkėn yyėktanėpootė jėts yė myä'ts'aty. Janytsy tsujėtėn yė tyėy ku yė jėnjėtypy tėjkjėtypy nyėkjä'äjtėnt, yėkxon yė tsujkonė tyėpyiky yä'ätpėjkipy. Tsuj yė yėkxon tyi'itsy, nėėtė'ėts yė'ėj. Jėts *pės** yėk'ejtp yė yääj nayėtė'n ayukwa'aj xuxy'etjėėjty, määj ntejn xyuxy, ejtp yė jaaj nayėtė'n, ka'ap yė ntejn 'yamääyė. *Pėrėj** jam *mäsė** 'yity nėė'aki'ijy, jaaj *mäsė** may nyapyėktä'äkyė, mėjwenėp kajaa'ėp yė'ėj ku yė ntejėn wye'ey nkajtunk'äjtėnt ku yė nkakujpo'ojtėnt. Yėkxon yė yyėny kajaaj. yė'ėyėts ėx[y]äm nnėkajpyxypy yė ujts mėti xyėėw nėė'akuxo'ox, nėė'akuxo'ox, nėė'akuxo'ox. Ėjts nxėėw'ajtypy Victorina Garcķa Gonzįlez. Wa'aj ėxaaj nnėkäjpxwanypy, yä't'ujts, yė'ėj ėxaaj tėė yyėkpääty. Jaaj yė tsyėėnė nėė'aki'ijy. Wa'aj yė xyėėw nėė'akuxo'ox. *Pėrėj** mėj yė yyeeky, mėjween yė nyapyėktä'äkyė mėjween jė 'yääts yė'ėj. Ka'ap yė ..., ka'ap yė 'yėėky ėy yė jyayėkkujpėėty. Ka'ap yė 'yėėky. *Mäsė** may yė xyėmuumy ku xyėmumy. Nijjuunė yė kya'ėėky ėy *kyuresmė**, ėy juunė ka'aj yė 'yėėky. Tsėnaapy yė'ėj, pėnė wėne'njumėjt yė tsyėėnė ujk kė'mts yė npo'ojtjė'ėjkna'ėnt, nyėk'o'ojkna'ėnt. Jate'nts yė kyutėkėy. *Pėrėj** ku yė ka'aj sääj ntuu'nėnt, tsėnaapy yė'ėj 'ejtp yė'ėj. Ka'ap jė tsaj[p]kääj ka'ap jė jėyujk, ka'aj yė tiij t'ėky. Nijtiij yė kyajii'kyxyėyė. Ku yė pyijyu'nk yė pyėtsimy, kyaxi'iky, yė'ėyėts yė wa'aj jyii'kyxypy jė kuumyu'utė, xėwinykytyė, wėktė, *serjėyujktė**. Yė'ėj yė myuu'ktėp. yė'ėj yė jate'n wya'atėp, tyajjujky'äjtėp, ja'apėjjėyujk ujk totktė. Jate'n, jate'n yė yyėkmuuky jė pyijyu'nk. Ka'ap jė ..., ka'ap yė tsyėėyė ka'ap yė nijtiij. Ja'ayė ėėts yė nyėkwä'äny jä'äxy, mä'ts. Jate'nyė yė'ėj ku yyėkkujpėėty. Yė'ėts ėxaaj nnėkajpyxypy yė'ėts ėxaaj nnėmatyakypy, wa'aj xyėėw nėė'akuxo'ox, nėė'akuxo'ox, nėė'akuxo'ox. Wa'aj nxėėw Virginia Vįsquez Vargas. Wa'aj mėku'uktėjktė, wa'ats yäm ..., jatu'uk ėėts jė ujts yäm nnėkäjpx[w]ä'äny, yė n... tsujxknėėkuxo'ox. Xy... yė'ėts ėėts ėxaaj njaakpääty. Jats jatu'uk mėti poopnėė'akuxo'ox t'ejxp , mėti pu'ts pėjp. A... muumts ja ntejn tsyėėnė ja'aj, ka'ap ja nėėjėėjty tsyėėnė. Jamts ..., pu'tsts ja pyijy. Yė'ėts ėėts yä'ät ėxyäm ..., tsujxknėkuxo'ox ėė tėė npääty. Yė'ėts ėėts ėxyäm nnėmatyakypy ku yė ka'aj tsyojk'ėėky, ėy yė yyėkkujpėėty ėy yė sääj yyėktuny *pėrėj** nėė'aki'ijyxė yė tsyėėnė nėė'aki'ijyxė yė 'yity. Mayėpts yė'ėj, tumpejykyonė yė yyėny. Jats o[y]ts yė nwa'ajėnt, o[y]ts yė n'ujts'äjtėnt o[y]ts yė nku'ujpėnt, ntajkaa'mėnt jats jė nkemy nyėk'ėė'ya'ėnt. Yonpts yė jajp, xėmump. ka'aj yė 'yėėky. *Pėrėj** jate'n yė 'yity, ejtp yė'ėj, ka'ap yė 'yėėky, nijjuunė yė kya'ėėky, ejtp yė'ėj. Ė[y]ts yė nmä'ts'äjtėnt, jate'n yė nyėktuu'nėnt. Kuts yė poop pyijy, jėts jė jėyujku'nk yė nyėminyėtė, ja'ats yė jėė'kxėtėp. Yė'ėts ėėts ėxaaj tėė njaakpääty yė'ėts ėėts ėxaaj nnėmatyakypy. Yė ujtsu'nk, tsujxk'nėė'akuxo'ox, tsujxk'nėė'akuxo'ox, tsujxk'nėė'akuxo'ox. Jats jė nxėėwė Alicia Jiménez Orozco. Ejemplar 39152, familia Asteraceae, génro Baccharis, arbusto de 1 metro y medio aproximadamente con flores blancas.