Wa'aj [ė]xaaj nnėkäjpx[w]anypy nnėmatyä'äk[w]anypy yė ääy yė ujts, yė wa'aj mėti yyėkxėtejp ujk yyėk'ejxkapy eej patsni'py . Ja'akėjxp yė nay[ė]te'n yyėknėkajpyxy yyėknėmatyä'äky jėts yä'ät yyėknėjäwėt yä'ät ja xyėėw. Jatits ja majjää'tyėjk jate'n ttėjtėė? Ujk jatsėn ja majjää'tyėjktė pėn yä'ät jyaaknėjää'wėtėp ka'pyxyjyäwė. Sääj ėė tėė n'anėjwejė? Jate'n ėė tėė n'anėjwejė määj yė 'yity *mäsė** kajaaj, yyėk'ejxpääty, jääj wėntäkjėėjty. Ujk nay[ė]te'n määj yė ääy määj yė ujts, määj yė kipy tyanėtė. Jaaj ..., nay[ė]te'n jaaj kipy'akujky, eej pėtsėmt tu'uk majtsk, tukkojpk majtskkojp; *pėrėj** määj ja jate'n ja ja wa'aj ja jėyujk t'ajot'ättė, yä'ät ja kuuytyė tnėmentė ujk yä'ät ja xuu'kx. Yė'ėj yė *mäsė** eej wya'atėp eej wya'aj ntejn tpawėtettė ja'akėjxp ku yė pä'äk yä'ät ja pyijy, määj ja pyijy pyėtsimy. Ėyėp pä'äkėp yė'ėj ujk jate'nts ėėts yė 'yijty ntakuyaty, jė jajp jė nėėju'nk yė twe'ey ..., tjakyepy mėmėj . Ja'atsėtėn ėėts 'yijty ntakuyajtypy jėts yė jate'n yyėkmuuky ujk jate'n yė jajp, yėkxon 'yapä'äkė yyukpä'äkė. Jate'n, paty[ė]n yė jėyujk yė nay[ė]te'n tnėmentė ttunk'ättė ujk yė xuu'kx yė tmuuktė ja'akėjxp ku pyä'äkė, pėnė .... Ujk jatitskėjxp? Pė mäts tsyėėny? Pė sutsė yė'ėj? Pė jatitskėjxp yė jate'n? Jate'n yė majjää'tyėjk yė tjaaknėkäjpxtė tjaaknėmatyä'äktė yä'ät, pėn nyėjää'wėtėp. Jate'nts meets mėku'uktėjk ujk jate'nts [ė]xaaj nėkäjpyxy, jate'nts yä'ät yė patsni'py [ė]xaaj nnėkäjpyxy. Sääj yė 'yääy yė'ėj? Nyėmyėween nyėmyajaty, njėė tsujxk jė 'yääy jėts wa'aj yė'ėj, yėny. Nyėwa'aj yė yyėnyė, jamnėnė ėėj wėxujk tuktujktsä'ätėn, jate'n yė yyėnyė jats muum määj twėnjäwė kajaaj, jawėne'nėn jyaakyėny. Wėntäkjėėjty, wa'ats yė jaaj yyėnyė, jatėn maktäxktsä'ätėn makoxktsä'ätėn, jaayėpäät. Ka'ap yė ėy yyontė wėntäkjėėjty. Jate'nts ėxaaj nnėkajpyxy nnėmatyä'äky yė ääy yė ujts, yė patsni'py. Ja'aj yė xyėėw, jate'n yė yyėkxėtijy ujk jate'nts ėė tėė n'anėjwejė. Jėts jė nxėėw José Pérez Vįsquez. Yä'ät jė nėkäj..., nnėkäjpx[w]anypy nnėmatyä'äk[w]anypy, yė päjtsni'ijpy. Mėti ėėts ja nteety mėti ėėts ja ntääk tėė x[t]ukmatėy ku yä'ät päjtsni'ijpy yyėktijy. *Pėrėj** wa'ats yė jėyujk, pääjts jė nyi'ijpy yė'ėj. Pääjts jė wyėnmää'ny yė'ėj. Pääjts yė ntejėn *syankrej** yė'ėj. *Weno**, jats jatu'uk nkäjpxpėtsėmwä'äny ja uu'nk ja unä'äjktė mätėn ntijy yääj tmėwejtė tmėkajtė, määj 'yėxpėktė, wyajy..., tmėwejtė tmėkajtė . Ti'ääy ti'ujts yä'ät xyėėw? Jats wyejtėt kyajtėt ja uu'nk ja unä'äjk nay[ė]te'ntė. Jats tmėwejtėt tmėkajtėt, [ė]xyäm ėė ntejn npėktä'äky n'ėjxä'äky [ja] ääw ayuujk jats ja uu'nk jats ja unä'äjk tpattėk'ėt tpatwä'äkėt *pėrėj** [...] yä'ät ja ääy yä'ät ja ujts nay[ė]te'n määj 'yėxpėktė, wyejtė kyajtė, *'yėskwelėtė** Tyės nay[ė]te'n, ėėts ..., [ė]xyäm ėė ntejn ja ääy ja ujts nkėyaky, ja ääw ayuujk ku ja wa'aj ..., ja ääy ja ujts [...], ja'aj yė yyėktijy, päjtsni'ijpy. *Pėrėj** wa'aj ..., pääjts jė nyi'ijpy yė'ėj, pääjts jė *syankrej** yė'ėj, yä'ät jė ujts. [Ė]xyämts ėė ėė nkėyaky nay[ė]te'n, mėėt ja uu'nktė ja unä'äjktė, nay[ė]te'n wyejtėt tmėkajtėt ja ääy ja ujts nay[ė]te'n; ėy 'yėxpėktėt, wyejtėt kyajtėt. Alberto Torres López. Ejemplar 39048, familia Lamiaceae, género Salvia, yerba de setenta centķmetros a un metro con flores rojo brillantes.