*Bueno** mėku'uktėjktė, eej, [ė]xyäm ėjts jatu'uk nnėkäjpx[w]ä'äny yä'ät ja pėktä'äky ujk yä'ät ja jėyujk. Määj yä'tkäjp määj yä'ät ėxyäm nnėmatyä'äky ėėts? Yääj Mää'nytyun'akė'mėtkäjp. Jatė'n ja käjp yääj txėėwė. Mäts yė wya'aj yääj yė yė et yė näxwii'nyėt. Jaaj yė majts tėkėkpiky tnėjtanė yė Mää'nytyun'akė'mėtkäjp. Mää' ėėts ėxyäm nmatyä'äky? Akäp'ääjy. Jats ėė nmätyä'äky. Mäts ėėts [ė]xyäm? Mäts yė tun yė kojpk yääj? Pooptsäkupäjky. Jaaj jatu'uk txėėwė *tsäkrus**, [ė]xėėts ja apatki'ijy jyäwė. *Pėrėj** yė'ėj yääj ntejėnt yė jatė'n nyamyatsy'ėtė, Pooptsäkupäjky, Akäp'ääjy, *Tsäkyus**, Yukmaxän. Jatė'n, jatė'n yääj yė et yė näxwii'nyėt yääj *pėrėj** Mää'nytyun'akė'mėtkäjpjėėjty. *Ahora**, titsėn, titsėn nnėkäjp[w]xanypy meets uu'nk unä'äjktė? Ku ėė tėė nmutsk'aty, ku ėė tėė nyeeky tėė ntsė'ėky, ku ėėts ja njumėjt tėė wyėxujkė, tyuktujkė; nyėyjyaa'et'ėnxė yyėkjää'myetsy yė jujky'äjtėn. Wyėxujkė, tyuktujkė, myäjkė, myajkmojkxė, 'yee'pxė yė jumėjt, jatė'nts ntejėn nmutsk'äjtėn[t]. *Pėrėj** kuts ėėts *tyimymyäsėjmutsk** ja njumėjt, wėxujk, tuktujk? Mėti'ij ėėts 'yijty nmatėėpy? Yä'ät ja jėyujk, yä'ät ja joon. Wa'aj txėėwė ja joon, xaap. Jäämkonė ja t'ijxy. Jatė'n ja wyėnä'äny, xaap, xaap, xaap. Jatė'n ja wyėnä'äny. Jatė'n ja 'yijty ėė nmatėy. *Pėrėj** kuts ėėts ėxyäm nmajää'yėn[y]ė? Ka'ats ja joon ukmäänė. Tėė tyėkėėnyė. Jatu'uk ja joon? Mėti ėė nmatėėpy, tsėnijky. Tsėnijky ja xyėėw. Jam ja kyakwėtity, nyėyyää'et ja ejxėm jė ...kakwėtity yä'ttsäween yä'ttsäjoojt, määj yääj Akäp'ääjy jė tsäweeny yääj. Nėkaxi'iky ja wye'ey kyakwėtity, jaan ja tsyajp'ay tsėliijky, tsėlijky. Nyėyjyatė'n ja wyėnä'äny. *Pero** jawaanė jyäwė tyėkatsy, ka'ats yė n'ajpäjk jatė'n ttyimymyė... ...mėnapyäätyė. *Pero** jawaanė tyėkatsy. *Pėrėj** ja'ats ..., nayė tėts mėku'uk ja tyėkėėnyė. Nayė tėts uu'nk unä'äjk ja tyėkėėnyė, ja'apėjjoonu'nk, tsėnijky. Tsujkonė ja 'yij wyėnä'äny. Oy jė me'ejty ja 'yij pawėtejt'ėp. Pė tėė ..., yė'ėnėmtsėn ja tėė myėmajatä'äkyė. Pė ka'an ja tyimytyu'uttė? Ka'an ja tyimykya'axtė? Pė sutsėn ja'atė? *Pėrėj** tėė kyutėkėėnyė. Ku ėėts [ė]xyäm nmajjää'y[ė]n[y]ė, ka'ap ja'apėjjoon ukmäänė, ja tsėnijkynyė. [Ė]xaaj nayėtė'n ja nmėku'uktėjk tjamatowtė, ėė njajkapyxy ėė njamatyä'äky, ėė njajyėktiy njajyėk'amėtėy. *Pėr** nėjpėn tka'ukmatoonė, *porque** ka'axė ja määnmė. Jatė'nts ja joon tėė tsėkėėnyė myėmajtsk, tsėnijky. Jatu'uk, ja joon tėė tyėkėy. *Este**, jaaj 'yijty ja joon nay[ė]tė'n, yėk'ijxy'äjtp ja namay. N'ijxy'äjtyėntėpts atėm ja namaytyė, ja konto'ot. Jaaj yääj 'yij kyakwėtity yääj tsäwiiny. Yääj ja 'yij tsyapay, top, top, top, top. Jatė'n ja wyėnä'äny. Patyxėn ja yyėktijy konto'ot. Ja'ats, nayė tėts ja kyutėkėėnyė. Pu'tskonė ja t'ijxy ja'aj, tsäjpts jyėxki'py jats pu'ts jyot'ääjy. Jatė'nts ja tėė tyėkėėnyė, ka'aj määnė. Jatė'nts ėėts [ė]xyäm ja jėyujku'nk njajjää'myatstė. *Pės** sääj ntuu'nėnt pė tėėxė ja tyėkėėnyė. Jatu'uk ėė njää'myetsy ja joon. Jam [ė]xem 'yijty nėėjotp tsyėėnė määj yė mėjnėėj. [Ė]xem apatkė'm, jam ja 'yijty tsyėėnė. Sääj ja wyėnä'äny? Naatsii naapėyu'ujk, naatsii naapėyu'ujk. Jatė'n ja wyėnä'äny. Juun ja wyėnä'äny? Jaaj ja wyėnä'äny *abrilėj, mayo**, määj yė nėėj tyi'itsy, määj nėėj wyanėnė. Jats ja 'yij wyėnä'äny. Jam jatė'n tuknėjutjoojt wyėnä'äny. Pėn ja mėėt nyėnyamyatsy'ė? Yė jėėkyjyoon. Yė'ėj yė'ėj mėėt nyėjyatė'n ntejn wyėnä'äntė jam, [ė]xam ja jėėkyjyoon ..., tėkatsyts ja jėėkyjyoon wyėnä[n]mė. Jėė, *pėrėj** tim ja natsij napėyu'ujk, tėts ja tyimytyėkėėnyė. Ka'aj määnė, ka'aj. Nėjuunė kya'ukwėnännė, [ė]xam jatė'n ėė njapatmatėy, [ė]xääj ėėts yėtė'n njajtsėėnė njajtanė. Ka'aj määnė ja'apėjjoon. Jatė'nts ėxaaj yė joon ėėts nnėkajpyxy nnėmatyä'äky. Jatu'uk ja joon, ja joon ėėts ėė n'ukmatoomė ku ėėtsėn jatė'n nmutsk'aty ku ėėts ja nėė' tuu' nkuyė'ėy. Jats ja joon tu'uk mėti janytyimywyėnpujtp. Wa'ats ja xyėėw'äjtmėp nuux, nuux. Jatė'n wyėnä'äny nuux, nuux, nuux. Jatė'n ja wyėnä'äny. Jatu'uk ja majjää'tyėjk ja tyėk'awejtė, *luunės, martės, miercolės, juevės, viernės**. Jatė'nėk[ė]n ja wyä'äny. *Pėrėj** pė sääj?, pė, tim jatė'n ėėts ja ja'ayė nmatėy, nuux nuux. Jatė'n ja jeky, yikxon ja tyimywyėnti'pyxy wyėnputy, Ku ja 'yatskaajkji'iky nayė tuu'äm ja tyejke'ek. Jatė'n ja 'yijty jyoon'aty ja nuux. Ėxpaajtkonė ja t'ijxy, nukė yėny... yėnyjyu'pxnė, yėnywyejtsnė, jäämwejtsnė, jatėn ja t'ijxy ja'apėjnuux, yėny ja tyu'utst. Jatė'nts ja ..., jatė'nts ja'apėjjoon. *Pero** nayė tėė tyėkėėnyė. Ka'axė ja määnė, nėkaxi'ikyxė ėėts ja 'yijty xwėnputy. Ėėts yėtė'n kämwiiny kämjėėjty njaakjawėtity, ka'aj määj. Muup ja nay[ė]tė'n, muuuj, muuuj, muuuj. Jatė'n ja wyėnä'äny. Jajp ja majtsk tėkėkjėėjp ja 'ayuujk tmėėt'aty. Jatė'nts mėku'ukėn ja joon tėė tyėkėėnyė, Ka'aj määnė. Jatu'uk ja joon tėė tyėkėy mėti'ij xyėėw'äjtypy pajkjääm. Päjkjääm, jatė'n. May ėėts ja nnėjäwė ku ja jatė'n txėėwė ja .... Janytyimy'oojp ja'aj kutėn ja nėė'yė'yėnt ntuu'yė'yėnt. Wa'aj yėkmatyäktėp, kukėn jė jää'y x'oojwää'nyėn. Jats ja wyėnä'äny mtseny, mtseny, mtseny. Jatė'n ja wyėnä'äny, jatė'n. Tiij joon yė mtseny? Jate'n ja nukooj yyėknėxi'iky yyėktajxi'iky. Tiij mtseny? Tiij tiitėn jatė'n mtijpy? Nėmp ja nukooj yėktajxi'iky nė'ääjy tu'ääjy. Tiij, ku ja nyėk'o'ojkėnt ja'apėjjoon, kutėn ja muum 'yėėky, ku anatuuj ja yyėk'ėėkyė. Tėts ja kyä'tspa'ėėkyė jėts ja muum jajp tsyeetsnė nėė'ajpy tuu'ajpy, äyjyėėjty ujtsjėėjty. Tiij ja jajp myėėt? Tsujxktsatsy. Jajp jė tsujxktsatsy ja tpajtsėmwėtity. Ja'atämėn ja natyajmėjkajxėp, ja'atämėn ja natyajteetyėp. Patytäm[ė]n ja nyimy mtseny mtseny. Jėė', jajp ja kyankpatki'py. Jajp ja nėkaxi'iky pyėtsimy ja tsujxktsatsy. Jatė'n ėėts[ė]n ja njėtėjtji'iky. Ku ėėts ja njėtėjtji'iky jėts ėėts ja nwėn'ijxy njėp'ijxy ja'apėjjoon, ja päjkjääm. Pajkjäämėn ja 'yijty xyėėw. *Pėrėj** nayė tėė kyutėkėėnyė, may ja 'yijty kyakwėtettė. Wa'aj ja t'ejxmė, o sun ja n'uktejėnt, n'amėxänkäjpxėnt *azul**. *Azul** ja t'ijxy, säm jė tsäjpėn säm jė mejyėn. Jatė'n ja t'ijxy. Jats jatė'n ja t'ijxy ja joon. *Pėrėj** nay[ė] tėė kyutėkėėnyė, ka'aj määj 'yukwėnännė. Ka'ap ja tsyėny ja määj t'ukkäjpxnė. *Byenxa** 'yijty yyėktsujmatėy kun ja jatė'n wyä'äny kun ja jatė'n kyajpyxy. Pė joon'äjtpxė ja jatė'n sän ja nyatyunėt. *Pėrėj** nay[ė] tėts mėku'uk ja kyutėkėėnyė, ka'aj määnė, ka'aj tiinė. [Ė]xyääj ėėts ja njaakjawėtity yäm tun'akė'm kojpk'akė'm. Jamėtėn jatė'n muum tsyėėnė. Ka'ats ja määnė ja'apėjjoon. Tėė tyėkėėnyė. Pė patyxėtėn ttsėky yė 'ejxy'ity yė joon ujk jaakwėntsė'ėkė ttsėky. Patyėn ja nnimy ja jaaj ku yė et ku yė näxwii'nyėt wėntsė'ėkė ttsėky jėts[ė]n ja pyėktä'äky ka'aj tsyoont. Jotmėnyxėpė jii'kyxy tėė kyixy ujk jotmėnyxė jii'kyxy kya'uk'ejtnė. Paty[ė]n ja jatė'n tsyoo'nnė. Jatė'nts meets mėku'uk ntukmatowtė yė'ėj. Jaaj jatu'uk ja joon mėti'ij xyėėw tujnpäjk. Ja'aj ja xyėėw. Nay tsi'kx tsi'kx tsi'kx, tsi'kx. Jatė'n ja wyėnä'äny. Ka'ats ja määj 'yukwėnännė ku ėėts [ė]xaaj jatė'n njaakkämtuny ku ėėts [ė]xaaj jatė'n njaakjawėtity. Ka'aj määj 'yukwėnännė ka'aj määj tiinė tujnpäjk, pė tėn ja kyaknė. Jot'atsäjpts ja 'yijty. Tsäjptskonė ja myaatsu'nk, mutsykonė jėts jėyėjk. Wä'äts yėjk ja ..., ju'uy ja jyėxk ja'aj. Jėts ja myaatsu'nk? Tsäjptskonė ja t'ijxy. Jatė'n ja jyoon'aty. Ja'ats jatė'n wėnänp tu'... tu'.... Jatu'uk ja joon mėti'ij xyėėw wäx'oojpė. Wäx'oojpė, jatė'n ja wyėnä'äny. Tyimynyėkaxi'iky ja wyėnä'äny. Ėė ja jatė'n wyėnä'äny wäx'oojp, wäx'oojp, wäx'oojp. Jatė'n ja wyėnä'äny. Jatė'n ja kyajpyxy myatyä'äky. Nay[ė] tėts mėku'uk ja kyutėkėėnyė ja'apėjjoon, ja wäx'oojpė. Nėkaxi'kyxė ja'aj ku nėė'yė'yėnt ntuu'yė'yėnt jėts ja wyėnä'äny jėts ja tsajp'ay jatė'n. Näy[ė]tė'nts ja t'ijxy ja wa'aj nayė nayė yėjk ja wya'aj ja wya'aj ja pyėjk ja'aj. Jėts nyėmyėj ja jawaanė, mutsk yė tujnpäjk. Jatė'nts meets mėku'uktė, [ė]xaaj ntukmatowtė meets uu'nk unä'äjktė. Jatė'ntėn ėėts ja joon tėė n'ejxėkėėnyė ujk jatė'nts ėėtsėn tėė awejėm[y]ė n'akajėm[y]ė ku ėė tėė nmutsk'äjtmė. [Ė]xats mee nayėtė'n mmutsk'äjtmė. *Pus** nayėtė'nts ja joon ka'aj määj 'yukyėkmatoonė. *Porque** tėė ja tyėkėėnyė. Jaaj jatu'uk ja jėyujk mėti'ij kakwėtėjtp n'ijty. Tėė ėėts ja njaakwėn'ijxy ku ėė tėė nmutsk'aty. Määj ja tyimytysėėnė? Ėxyääj mėjtsäwiiny. Määtėn txėėw'aty Pooptsäkupäjkypyatki'ijy. Jaaj ja tsyėėnė 'yijty. Tiij ja xyėėw'ajtypy? Jėėky. Jėėky ja xyėėw. Ka'ats ja ukmäänė. Jatė'n ja myėjė säm jė ėxpu'tsėn. Ja'aj ku yėjkwä'äts yėjkju'uy. Jatė'n ja joon, joon ujk tin ja ntejėnt, joonėn ja ntejėnt, tin ja ntejėnt. *Pėrėj** jatė'n ..., tyimykyäx'oo'kp ja 'yijty. Wa'aj ja tsyėmkekypy tuttu'uty. Määj yė tutk tyu'uttė määj yė wa'aj .... Jatė'nts mėku'uk ja joon. Janytyimykyäx'oo'kp ja 'yijty ja ja jėėky. Tėė ėėtsėn ja njaakwėn'ijxy, yikxon ja tuttu'uty ja t'atseenyė, määj yė wa'aj jė tyu'uty tuttääktė. Yė'ėj ja ėy tyimypyawėtijtypy määj yė tuttääk. Ka'axė yė tsajptuttääk ėymyė. Ja'aj kuxė yė tuttääk tyutmė äyjyotp ujtsjotp, jam ja muum tyu'uty, jam ja äy'akujkp ujts'akujkp. Määj jėnpä'ääjy tėjkpä'ääjy. Jam yė tyutmė yė tuttääktė. Kuuyėts[ė]tėn ne'ekė nyėjää'wėp ja jėyujk ja'aj määj ja tyuty... tyu'uty jajp ja tutk. Jajpts ja t'atskonpėtsimy ja tuttu'uty, ja tėjktuttu'uty. Ja'ats ja pyajtsėmkekypy jėts ja [ė]xam tmėnijkyxy määj [ė]xam yė ..., jamxė [ė]xem jė mėjtsäjut, määj yė wa'aj [ė]xam yė tsäween, jam jė mėjtsäween. Jajpts ja tsyėėnė ja jėėky. Jajpėn ja 'yijty tsyėėnė. Jaaj tu'uk ja *seńor Raymundo, Raymundo Hernįndez**, ja'aj ja 'yijty xyėėw. Ojts jam tnėkujtiinyäxtė kun ja jatė'n jyanytyimykyäx'ėėky. Ojts ja tnėkujtiinyäxtė, jam jatu'uk ja myėku'uk *Lucio Pacheco**. Ja'ats jam mėėt jam oj pyety jėts ja .... Ojts jam jyäwė namajts nėtėkėėk ..., ja'ayė ėjts nka'ukjää'myajtsnė tijaty ja myėku'uk jyaakxėėwtė. *Pero** ja *Raymundo**, ja'aj mėėt jam ja myėku'uk, oj jam pyattė ėxam tsäkupäjkp. Jamts oj nyatyėjpyxywyentė[yė]tė jėts jajp oj tnėjėptä'äktė. Jats jam ojts jajp tnėjėp... män jajp ja tsyėėnė ja jėėky. Jajpts ja ojts ja t'atsnėtėk'ėtė. Jajpts ja pya'an ojts t'atswėjpėtsėmkėjxėtė. Jėė', jajpxė ja pya'an, tėė nyapya'nėyėtė. Jats ja ..., jats ja .... Jate'nts, nyėyjyatė'nėn ja ntejn oj kyutėkė... tsyoo'n'ukwänė. Jatė'n ja ojts tsoo'n'ukwänė *pėrėj** tėts ja jyaak'ukwėtettė, tėn ja jyaak'uktsajp'äwtė. Jatė'nxė ja tsajp'ay, jėė' waaj, waaj, waaj, waaj. Jatė'n ja tsajp'ay. Jatė'nts ja 'yijty *pėrėj** ka'ats ja ėxyäm t'ukyėkwaajėnyė. Pė tėx tėx tyėkėėnyė, tin jaakwėnä'änp jatėkoojknė. Jatė'n ėėtsėn n'ijxy jatė'n ėėtsėn nkėy. Jatė'nts ėėtsėn ėxaaj ntsėėnė ntanė. Jatė'nėn ja yėyujk tėė tyėkėėnyėtė. Ja joon tėė tyėkėėnyėtė. Ka'aj määj 'yukwėnännė ka'aj määj 'yuktsajp'äänė. Ka'aj määj 'yukkäx'oo'knė. Tėtsėn ja tyėkėėnyė. Pė säts ntuu'nėnt. [Ė]xaaj jatu'uk nay[ė]tė'n ja wa'aj ja ..., nayė nnėjää'wėntėp atėm ja'aj, ja wa'aj ja tso'x, ja tso'x. *Kumė** najytyimy'ajkxäjjėė'kxp ja 'yijty. Ku yė majjää'tyėjk yė te... nteety ntääk ja 'yajkxäj jam eej tyėkyontė tyėk'äätstė. Yikxon ja tpatxo'omėtė ja ajkxäj. *Pėrėj** [ė]xajpėtėn ja tsyo'x wyėnänkėjy jėpy'ė jėpy'ė, *a las seis de la mańana o a las cinco de la mańana**, jatė'n ja [ė]xajp tsyajp'ääkėjy, tsyo'x, tsyo'x, tsyo'x, tsyo'x, tsyo'x, tsyo'x, tsyo'x, tsyo'x. Jatė'n ja wyėnänkėjy ja tsyo'x, yikxon ja jajp nyajtsyiikyėtė. *Pėrėj** jatė'n ja ..., ayäxp ja'aj, ja'atėn ja majjää'tyėjk 'yijty *'yoor'äjttėp**, ja'n ja majjää'tyėjk 'yijty, ee, wya'atėp myatootėp ku tėė xyiijnyėn[y]ė. Jats tėtäm xyiijnyėna jėts[ė]n ja nyanyimyėtė nyawyä'änyėtė. [Ė]xats ja pyėtė'ėktė [ė]xats ja nyėjwejtė, [ė]xats ja kyaaky [ė]xats ja tyojkx ja t'a'ejxėtė. Jatė'nts ja joontso'x 'yijty tyuny. *Pėrėj** nayė tyė tyėkėėnyė, ka'aj ukmäänė, ka'aj määj 'yukwėnännė, ėxaaj ėėts jaté'n njajtsėėnė njajtanė. Ėė njajmääpėti'iky jajmää'ėxä'äky, ka'aj määj tiinė ujk ja'aj .... Ja'akėjxp ku ja ajkxäj nay[ė]tė'n tėė kyutėkėėnyė. *Pės** nayė ka'aj ė määj 'yukyonnė yė ajkxäjnė tėė 'yoo'knė, jėyujk tkamee'xyė. Ja tipytsy tkamee'kxyė. Yė'ėj yė jyanytyimy'äätstäjmėp. Jatė'nts mėku'ukėtėn yė'ėj. Joon ėxajp jyäwė wėx... tutujk wėxujkjėėjpėn tėė nnėkaj... tėė nnėkajpyxy mėti ėėts n'ijxypy nkėėpy, mėti'itėn tėė tyėkėėnyėtė. Jatė'nts meets mėku'uk ėxaaj ntukmatowtė yääj Pooptsäkupäjky ujk yääj Akäp'ääjy ujk yääj *Tsäkrus** ujk yääj Yukmaxänkijxy. Jatė'n yä'ätpė [ė]xyääyė wėnkon wėnkon nyamyatsy'ėtė. [Ė]xyäts ėė nkajpyxy[ė]xyäts ėė nmatyä'äky, [ė]xyäts ėėts jatė'n ja uu'nk ja unä'äjk ntukmatėy ntuknėjäwė jėts nayėtė'n ja eej eej tjää'tyä'ntėt. Mėti joonėn tėė kyutėkėėnyė mėti joonėn ka'uk'ejtnėp?. Mėti joonėn oo'knėtėp tėkėėnyėtėp, tsoo'nnėtėp yė'ėnyėtėp. *Pėr** sun ja jyättė kyupattė? Jaaj jatu'uk mėku'uk, ėxajp njaakjää'myetsy, ja wa'aj xyėėw tsäpext, tsäpext, nukė ja .... Yäätėn ja tyimytsyėėnė tsäwiiny tsäjėėjty, jan ja tyimywyėnä'äny. Nėkaxi'iky ja 'yayä'äxy nėkaxi'iky ja tsajp'ay, nėkaxi'iky ja ..., ku xyiijnyė, ku ku xyiijnyė, [ė]xajp ja wyėnä'äny. Nay[ė]tė'nxėn ja'aj, *oorėjpayė'ėpyėn** ja nay[ė]tė'n ja tsäpext. Tėts[ė]n ja nay[ė]tė'n kyutėkėėnyė, ka'ap ukmäänė, tėė .... Nijmääj ėė nka'ukmatoonė, nėkaxi'ikyxė ja wyėnä'äny 'yijty, määj tsäwiiny tsäjėėjty, [ė]xamėn ja tsyajp'äwtė [ė]xamėn ja 'yayä'äxtė. Jatė'n ja y'jty wyėnä'äny. Namay ja nyapyawėtity'ėtė, ja tsäpexttė, nėmak... nėtėk... nėmėktääjts, nėmėkoojts. Jatė'n ja tsyajp'äwtė jatė'n ja wyėnä'äntė. Xee yääj ja nyay'atsėyėtė kutėn jyäjtä'äky kutėn xyiijnytyä'äky. *Pėrėj** nayė tėts ja tyėkėėnyė, nayė tėts ..., ka'ap ja 'yuktsäpextėnyė ujk määj t'ukyėktsäpextėn[y]ė. Jatė'nts mėku'uk ėėts ėxaaj nnėkajpyxy nnėmatyä'äky, jatė'n ėėtsėn iiy njää'myetsy ujk jatė'nts ėėtsėn iiy ėxaaj n'ijxy nkėy. Jaapäätėn jyäwė ėjts n'ijxy ėjts nkėy kė'm. Määpäät [ė]xyäm ntsėėnė [ė]xyäm ntanė. Eej, [ė]xyäm ėjts ja njumėjt tyuki'pyxyėyänė. *Pės** jatė'nts ėxaaj ėėts n'ijxy nkėy ku ja joon joon ku ja pėktä'äky jatė'n tyėkėėnyėtė. Jatė'nts mėku'uk. Jatė'nyė ėjts nnėkajpyxy jatė'nts ėjts nnėmatyä'äky. Fėlix Jiménez Pacheco.