Kuts uu'nk ja *npajpaaj** yääj 'yijty tyuu' yyėkkuyė'ėtyė yääj 'yijty ttejtė Kujtsääyjyi'ijy, jaatėn ejtp myääktäntė. Mätsėtėn ja tsyoontė mäten ja wyėtettė, mäte'n ja tsimy ja t'atspajtsėmtė? Jam Tuknėė'm, Tuknėėm. Tiij ja 'yatspatsimypy? Jam jė moojk, jam jė ..., jam jė wa'aj tiij jė kään, *asukrė** jėts jam tmėnijkyxy Mėkyėjxp, jam ja t'atsjuky. Jėts ja *npajpaaju'nk 'yuuky jėts ja myu'ukyėyė, may'oojk jate'n jyaty. Jate'n muum wyėnpity jati'inyė. Ka'ap ja tyėėky teenė ka'ap ja pyėktä'äk teenė ku ja tkumuktėkėy. Jėts ja jää'y ja pyijkyxyėyė jėts ja jää'y ja tyawėntsėmtu'utyėyė jėts jati'inyė tyany. Jėts ja *kafee** tnėjjėptä'äky jėts jam t'atspajtsimy ja *kafee**. Nayjyam tjamėnėjkxkojmė Tuknėė'm. Jėts jate'ntėn ja tyėknaxy, ja'ayuuj ja'axėėwėtėn wyėtity, kutėn jate'n kyanay'ejx'ityė, kun ja nėėj ja mu'uk jate'n wyan.... Jėtsėkėtėn ojts ja jėyujk tpääty, ja kääj tpääty. Jajp ttejtė, wa'aj jajp ttejtė Tsimyjyėtypy. Jajpėk ja kääj ojts ttajyė'ėpyety. *Perė** jate'n ja akukoots yė'ėy. Tijy jajp yikxon 'yatsė'ėkėyė, mėtikėtėn nyėjkxp. Jajptsėk jė Tuknėė'mėt ja jyėyujktė tėė tkuwėėntė, ja *buur** tėė tkuwėėntė. Jėtsėk ja jėyujk oj jajp ..., *kumė** muujkėp ja Tuknėė'mėtmėtė, jajpėk ja myä'ätė. Jėtsėk ja ojts ja *npajpaaj** jajp ttayė'ėpyety jėts ja ojts ja ja *buur** jajp yyėkwėjtsu'utsy. Ja *buur** jajp ojts yyėkwėjtsu'utsy. Ojts ja kääj ja twėjtsu'utsy jėts ja *npajpaaj** jajp ojts jyä'äty jėts ja ojts ja n... jati'inyė nyamyukyėyė. Pė yikxonxė ja 'yatsė'ėkėyė ku ja jėyujk jajp jate'n wyėtettė. Tiij tiij tyu'np, namajtsk ja kääj tijy oj tpäättė. Tiij wyoptėpė tsyu'utstėpė, säk yikxon ..., jėts ja jėyujk jyääkminy jėtsėk ja jyo'kxpiky. Jėtsėk ja wyėntsėėnėyėtė jajp jėn'ajpy. Jate'n *npajpaaju'nk** 'yijy wyä'äny. Nayėte'n ja tsyimy tjamėnäxtė tjamėtėk'ėtė. Muum nyawėjtsiikyėtė nyawėjkėxyėtė. Tiij tijy, nėmp ... wyet tyėktėkėytyė tsyapijxy tyėktėkėytyė. Jate'n 'yijty tyuu'kuyė'ėtyė ja majjää'tyėjk. Jate'n. *Npajpaaj** tijy ..., ja'atėn jam jyaak'ijxy ku jate'n 'yijty wyė'ėy nyėjkxtė mėtunpė. Jate'n .... Jate'n, nyėė'kuyė'ėtyė ..., yėte'n yikxon ja nėėj ja tuuj. Jate'nėn ja muum nyank... wyėjtu'utė. Jate'n ja *'yulė** ja nyatya'apityėtė, nyatya'axäätsyėtė. Jate'nėn ja 'yijty jyujky'ättė, jate'nėn ja tėė tyėknäxtė. Ku ja *karretteerė** 'yijy kya'ity. Paty yė nėė, tuu' yėte'n tėė 'yää'mnė ku pėn kya'ukyė'ėnyė. Jate'nts ėjts uu'nk yė nnėkajpyxy nnėmatyä'äky ja et ja nääjxwiinyėt yääj. Ku [ėxaaj jate'n apäk ape'ets 'yejtnė, ku ka'ap ja tuu' yääj 'yukyėkkuyė'ėnyė. [Ė]xyämts jate'n nnėkajpyxy nnėmatyä'äky. Ėjts nxėėw Amelia Vįsquez Gómez.