Jää'y tëkëëpy. [Ë]xäts yä'ät nnëmatyä'äkt mëti ja ja nämnëm jäjtp kupajtp, mëti ja jää'y tëkëëpy, Kujtsääyjyi'ijy, [ë]xeej tuu'xeny'ääjy jyëxki'ijy. Tu'uk ja të'ëxyëjk ojts tyëkëy, tu'uk mëët ja 'yunä'äjk, ja tsyukmäjk. Ku ja kämtumpë 'yukkëtä'äktë jëts nëëkonpë nyijkyxy, Jamts ojts ja xyuty t'ukju'knë, nëë'akëm. Jëts tsyoo'nnë jëts ojts tyëkëy. Jats ja 'yuu'nk 'yunä'äjk ojts ëxä'äyë pyawëtityë. Ojts ja ayuujk jyä'äty *këmuuny**, jats ja kutunk ojts tjatajkäjpxë ku yyëk'ëxä'ät ja jää'y, ku tëë tyëkëy të'ëxyëjk. Ojts päät nyijkyxy ja ayuujk [ë]xejp Nëëpää'ämët kyäjpjëtypy. Nay ojts ja kutunk tukmatëy, ku ja jää'y tëë tyëkëy, tu'uk ja Xaamkëjxpëttë'ëxy. [Ë]xats ojts ty... tyää'në 'yamëjkënyë, ëxää'yën pyawityëyë ja 'yunä'äjk. [Ë]xats ojts ja kutunk tu'uk nyijkyxy jam kojpkëjxp. Jam ii'pyxyukp, kojpkpätpë, ja mayut, xyëëw jyumëjt ttuny. Jats jam ojts yyëktayë'ëpyety. Jëts jam ja jää'y wënaty wyëtity tsyëënë, tsawän'äm, ii'pyxyukp kyojpkëjxp. [Ë]xats ja tyëktëwtë, tim ja tyunypy tim ja 'yëxaapy. Jats ja nyimy: _Ku ja nëëj ja ka'aj t'uktajnäjxnë. [Ë]xats ja ojts tmo'otë ja kyaaky ja tyojkx jam jëts ojts tyëkaytyë. Jëts oj tpäwäwtë jëts ojts tmëëtnëjkxtë jam ..., jam Xaamkëjxp jam käjpkëjxp, [jam] ja kutunk yyëktakëtëjkëjy'ii'ny ku tëë yyëkpääty ja jää'y. [Ë]xats ojts ty.... tyëktëwtë tyëk'am[ë]towtë, ja tim jaaj 'yëxaapy? Jëts ka'ats ja tjäwë, jää'y ja wääjëp jää'y ja wëjtsëyëp. Kuts ojts ja naj... jää... ja ti... tuu'yäjkpë tuu'yäjkpë t'ëxä'ätë ja unä'äjk, *Pes** jajp ja wyantunpë jajp ja nëë'tanaapyë tuu'tanaapyë. Ja et ja näxwii'nyët ja wääkaajkëp wejtskaajkëp. Ja et ja näxwii'nyët, ka'aj twëntsë'ëkë, ja käm ja tuu', ku yyu'uy ku tyuny; ja käm ja tuu' tyu'uy ttuny yääj, yääj Kujtsääyjyi'iy. Ëjts nxëëw'ajtypy Simón Martínez Martínez.