Meets mėku'uktėjk, [ė]xyäm ėė nnėkajpyxy [ė]xyäm ėė nnėmatyä'äky yäm Akäp'äm. Yė'ėpėj'ujts ja ja tenpuk. Ja'aj ėėtėn yäm ėė tėė npääty. Ja'atsėtėn tijy tsėėy, tsėėy ja'aj. Kujėtėn jė njoojt pyėjkėnt ku njėptäjxėnt, ku nkupäjkpėjka'ėnt. Jate'ntsėtėn yė tyuny. Jate'nts yė n'uujkėnt, jate'nts yė nyėkwėkėė'ėnt. N'uujkėnp yė kawėnäkxėėw, majtskxėėw tėkėkxėėw. Wėne'nėn ntejėn ja joojt nyijkyėm ujk wėne'nts ja ni'ijpy 'yatuky ku nkupäjkpėjka'ėnt ku njėptäjxėnt. Jate'nts yė ėxaaj tėė tsyėėy'aty yė'ėpėj'ujts. Jate'nts yė n'uujkėnt jate'nts yė nyėkwėkėė'ėnt. Jėtsėtėn yė n'uujkėnt, jėts ja ni'ijpy 'yatuky jėts ja kupäjk xyeem jėts ja kupäjk ntejėn ka'aj 'yukpėjknė ka'aj 'yuk'ännė. Ka'apėtėn ja sääj 'yukjäjtnė jėts ja ni'ijpy 'yatuky. Jate'nts yė'ėpėjtsėėy, jate'nts yė tenpuk tsyėėy'aty. Jate'n yė nyėkwėkėė'ėnt ja tyėėm ja 'yääy. Jate'ntėn yė nyėkwėkėė'ėnt. Jate'nts ėėts yė ėxyäm n'ėxä'äy jate'nts ėėts yė [ė]xyäm npawėtity yė'ėpėjtėnpuk. Jate'n yė'ėpė tsyėy'aty. [Ė]xats ėėts yė jate'n ntejn ėxyäm npėjkmuky n'ejxmuky yė'ėpėjtsėėy. Jate'nts yė ėxaaj yė yė uu'nk unä'äjk ntejn ėė ntukmatėy. Jate'nts yė ėxaaj yyėkpėjkmuky yyėk'ejxmuky *pėrėj** yėktsėėy'äjtp yė jate'n, tsėėy yė tenpuk. *Pės** tiij yė xyėėw yė'ėj? tenpuk, tenpuk, tenpuk. Jėts ėjts yė nnėkajpyxy nnėmatyä'äky ėxyäm Faustina Gutiérrez López. Ėxyäm ja tenpuk ėė tėė npääty, *pėrėj** [ė]xääj yė Akäp'ä“äjy. Ėxats ėėts yė tėė n'ėxä'äy, npawėtity, ėxaaj Yuk'aki'ijy, ujtspatki'ijy. *Pėrėj** tits yė tyunypy yė'ėj? Wa'aj yė tyuny ..., wa'aj yė yėk... yėkjä'äxy'äjtp, yėktėjkxeny'äjtp, yėkpäx'äjtp, ku ntėjk ..., ku nyėk'ėyėnt jė ntėjk. Jate'nts yė tyuny yė'ėj, ntajkaa'mėnt, oy yė *nsepuyė**, oy yė n'axux, oy tiij ntuk... ntuktaj'ejtėnt, *pėrėj** jate'n yė ntajkaa'mėnt. Jate'nėn yė ujts tyuny. Jajkp yė'ėj, ka'ap yė jaty'ė pyu'uty ka'ap yė jaty'ė wyėntėkėy. Jajkp yė'ėj. Jeky yė tyuny. Ots yė jate'n nyėktuu'nėnt. Tunp yė'ėpėj'ujts. Jeky yė tyuny. *Pėrėj** jate'n ėjtsėtėn yė ėxaaj ėė nnėjäwė ku yė jyä'äxy'aty ku yė kyemy'aty ku yė tyėjkxeny'aty, tyėjkpäx'aty. Jate'n yė tyuny. Jate'n yė'ėpėjtenpuk tyuny. *Pėrė** yė'ėtėn ėxaa jate'n yėknėkäjpxp yėknėmatyäkp. Jate'nts ėxaaj yė ääy yė ujts yyėkpėjkmuky yyėk'ejxmuky. Jate'nts yė ėxaaj Jėts tits yė xyėėw yė'ėj? Tenpuk, tenpuk, tenpuk. Jėts ėjts ntejėnt ėxyäm nnėkajpyxy nnėmatyä'äky Fautina Gutiérrez López. *Wenė**, meets mėku'uktėjktė, *pės** [ė]xaan jate'n n'ijxyėntė nnėjää'ėntė ku yä'ät ėxaaj jate'n nwėtijtyėntė äyjyėėjty ujtsjėėjty jėts atėn npääjtyėntė yä'ät ja ja ujts mėti'ij xyėėw ..., patėnpuk yė xyėėw. Määj yė 'yity? *Puės** yäätėn yė yuk'aki'ijy, äyjyėėjty ujtsjėėjty yė 'yity. Jaaj, majtskpiy yė 'yujts'aty. Jatu'uk mėti tenpunk. *Puės** tsėėy mėku'uk ja wyänmė ja tenpuk. Wa'aj jė 'yääy ja t'ijxy tsujxk jė 'yääy ja t'ijxy, tsujxk, tsäjpts. Jats jė tyėėm? *Kajfee** Mėti'its mėku'uk tsėėy? *Pės** ja tyėėmėtėn tsėėy. Ku yä'ät njėptäjxėn, *pos** tsėėy ja'aj, ku ja n'uujkėnt ujk nayėte'n ku ja ja ntejėnt ntäjxma'ėnt. *Wenė** ku ntäjxėnt. Ja yė'ėj ja tsyėėy, yėkwėkėė'ėmp ja'aj, ja tenpuktėėm jats ja n'uujkėnt. Jaty'ė mėku'uk ja tyėknaxy ku ja wyėki'ijy jėts[ė]n ja n'uujkėnt ja tenpuk tėėm. Jate'nts ja tsyėėy'aty. *Kajfee** ja tyėėm ja'aj. Kuts ja myajäänė? *Pos** Nay[ė]te'nėn ja jėyujk ja tjėė'kxtė. Joon ja tjėė'kxtė ja tyėėm ku ja myajäänė. Jats yė yuk'atenpuk, wa'aj yė tyunmėp ka'aj yė tsyėėyėm[y]ė. *Pėrėj** tunpėn yė'ėmė *para** yėkjä'äxy'äty jats yėkmo'm'aty, jats yėknėėjp'aty. Jate'n yė tyunmė. Jėts yė tyėėm? *Pės** nayėte'n yė joon yė tjėė'kxmėtė, joon yė tjėė'kxtė. *Pės** jate'nėtėn yė jėyujk yė t'ajot'äjmėtė. Jate'nts ėė mėku'uk yė'ėj nnėkajpyxy yė'ėj nnėmatyä'äky, yė ääy yė ujts mėti'ij xyėėw tenpuk, tenpuk, tenpuk. Ėjts nxėėw'aty Regina Vįsquez Vįsquez. Meets mėku'uktėjktė, meets mėku'uktė nėtujki'iyė pėn [ė]xyäm'äjtėntėp, ee, yä'ät etkijxy näxwii'nyėtkijxy, määj yä'ät ja et määj yä'ät ja xė... ja nääjx txėėw'aty Akäp'ääjy. *Entonces, ėxyäts atėm tėė nnamyujky'aėm [ė]xyäts atėm tėė nnapyääjtya'ėm, [ė]xyäts atėmėtėn n'ijxyėntė nkėė'yėntė, n'ijxyėntė njää'wantė yä'ät ja ääy yä'ät ja ujts mėti'ij yä'ät [ė]xyäm *pės** wa'ap yėk'ejxp yėkkoop. Méti'ij yääj kupujx'äjtp kukäjp'äjtp, mėti'itėn yääj tsėnaapy tanaapy. Yė'ėtsėtėn yäm yėkwa'ap yėknėmatyä'äk... ...nėmatyäkp ujk yė'ėts yäm yėk'ejxkäjpp ujk yė'ėts yäm yėktukmatootėp ja uu'nk unä'äjktė. Titėn yė xyėėw ujk sun yė tyuny? Jatė'ntsėn yė'ėj ėxaaj yyėknė... yyėknėmatyä'äky ujk yyėk'ijxy ujk yyėkkėy. Jatsėn yyėkjää'myatst jėtsėn yyėkjää'tyä'nt jėts ka'aj yyėk'ejxėkė'ėty ka'aj yyėkjää'tyėkė'ėty yė ääy yė ujts. Tijaty xyė... xyėėw'äjttėp? Mėti ėėts[ė]xyäm tėė npääty *pues** yė'ėj yė tenpuk. Tenpuk, ja'ayė ku ėėtsėn yė'ėj majtskjėėjp jyujky'äjtmė 'yujts'äjtmė. Jate'n yė ääy ujts [...] tsyėėnėtė jaaj tenpuk, mėti'ij tsėėy, jats ja tenpuk mėti kajtsėy. Ejxėm ėėts yä'ät yäm tėė npääty mėti yääj tsėnaapy ujtsjėėjty. Ėėėėj, wa'ats yė t'ijxy, ėėėėj tsujxk, tsujxk jė tyeky tsujxk jė 'yääy, tsujxk jė tyėėm. Jatė'nts yė yė'ėpėjtenpuk. Pė ka'ėmtsėn yė tsyėėyė, ka'ap yikxon ėė ntyimynyėjäwė. Pė sääj yė'ėj mėti yääj Yuk'aki'ijy tsėnaapy? Eeeej, jats ja tenpuk jatu'uk mėti'ij nyėyjyo'kx'etjėėjty tsėnaapy. Tsėėy'äjtmėpts ja'amė. *Pėrėj** yä'ät mėti ėėts ėxyäm nnėkajpyxypy nnėmatyakypy mėti ėėts ėxyäm n'ijxypy nkėėpy, mėtits ėėts yäm tėė npääty, mėėt ja nmėku'uktėjktė mėėt ja unä'äjktė. Eeeej, *entonces**, ka'ats yė tsyėeyė. Sutsė yė tyuny? Ja'ayė tyuny ku yė ..., yė 'yääy, ku yė määj yė majpyxy tsyėėnė, pu'uty'äjtpts yė'ėj. Oyėp yė ..., ku yė ntajtsėya'ėnt ja nmoojk ja nxėjk, ja *nsepoya** ja *nsiläntrė**, ja npujteety ja nnėxu'uk. Ku yė yė'ėjn npėktääjk[ė]ya'ėnt, *pės** yyėkyoojnji'ikypy yyėk'ä'äjtsji'ikypyts yė'ėj. Jatė'n yė 'yääy yė tyuny. *Ahora**, jėts yė tyekymyė? Yė 'yääy yė tyeky? Tunpts yė'ėj ku njpujxja'ajpteky'äjtėnt ku nwo'm'äjtėnt. Jee, ku yikxon muum kujneeykyonė pyėtsimy. *Pės** jate'n yė ääy ujts yyontė, kawėnäkjėėjp, jam jė kujneeypyė jam jė axeenypyė. Jatė'ntsėn yė yyėk'ajot'aty. Jė pujxja'ajpteky, nayė tunp yė nayėtė'n. Ejxėm ėėtsėn yė nyu'uy ntuny, jaaj ja mo'ojts mėti ja mo'ojts yėktejmėp, yėktaj'ėxėp yė nayėtė'n yė'ėpė tenpukteky. Tenpukteky'ėtėn yė yyėktijy, tenpukkipy. Ja'ats yė tunp, nyėktunypyts ėėts yė jatė'n. Jatė'n ėėts yė n'ajot'aty yė ääy yė ujts. Jatu'ukmė ku nxeny'äjtėnt, jam jė ntutk jam jė n'uk, jam jė *ntsyiip** jam tiij, *burrek** ntakuwėėnä'än[y]ėm, yėkkujpėp yė nayėtė'n. Jėts yė jėts yė wye'ey jėts yė yyėktakuwėė'npety yė *Øtsyiipė, burrekė**, tsaj[p]kääjtė ė[y] mėti'ipė. Jate'n ėėts yė nyėktuny, jatė'n ėėts yė n'ajot'aty yė tenpukkipy, jė nyėkipy. Jatė'n ėėts yė nyėktuny, jėts jė xenym[y]ė jėts jė wo'mmė. Jatė'ntėn yė yėk'ajot'aty yė ääy yė ujtstė. Tunp yė kawėnäkjėėjp, ka'aj yė eej tyimytyukpiky'ė ja'ayė tyuny. Tunp yė kawėnäkjėėjp. Eej, jatė'nts ėėts[ė]n yė ėxyäm yė uu'nk unä'äjk ntukmatowtė ujk jatė'nts meen yė ntukmatowtė, mėku'uktėjktė, nėtujki'iyė pėn [ė]xyäm'äjtėpėp. Jate'n yė tenpuk tyuny. Jatėn yä't... yä'tyuk'ate... yukt'atenpuk mėti yääj, ėxyäm tėė yyėkpääty äyjyotp ujtsjotp, mėti'ij ėxyääj tyėnaapy Akäp'ääjy. Jatė'ntsėn yė tyuny. Mėti'its ja tenpuk jatu'ukmė? Eej, *entonces**, jajpts ja'amė, nyėyjyo'kx'etjėtypy ja 'yity ja'amė. Ja'ats, tsėėy'äjtpmėpts ja'amė. Säts ja t'ejxmė? Wa'aj mėku'uk ja t'ijxy meets uu'nk unä'äjktė, tsäjpts ja t'ijxy, tsäjpts. Tsäjpts jė tyeky, tsäjpts jė 'yääy, tsäjpts jė tyėėm, tsäjpts jė pyijy. Tum tsäjpts ja t'ijxy, poop, poop jė nkwa'n pyijy, poop, poop pyijy . *Entonces**, wa'ats ja'aj ..., jatė'nts ja ja tenpukmė mėti'ij tsėėy'äjtmėp. Titėn ja tsyėy'äjtypy? Wa'aj, nyėjtsyėėy ja kawėnäkjėėjp. Tsėėy jė kupäjkpiky'ė ja'aj, ee, ku ja nyėkwėkėė'ėnt. Jatė'nts ja tenpuktėėm tyuny, ja tyėėm. Pyijy, nayė tunp nayėtė'n. Jatė'n tukpiky. Jatukpiky, wa'aj tyuny nayė'tė'nmė mėti, *pės** mėti'ij ja najää'tyėjk ujk nmėti'its ja yėkjujky'äjtpė nayėtė'n tyanėjpatypy *para** yė tė'ėxyėjktė ku moo'... ku ja ka'xnäjxėn ku ja pu'unäjxėn. *Pės** jatė'n ja ne'... majää'tyėjk txėtejtė ja ka'xnäjxėn. Ku tyäjxnäxtė., Jatė'n ttejtė tkäjpxtė. Tsyėyts mėku'uk ja nayėtė'n. Yėk'amėjkėp ja ni'ijpy ja'aj ku ja nyėkwėkėė'ėnt, *pėrėj** ka'ap ja may nyėkwėkėė'ėnt, Nyėyjkyaaj ja tu'uk nyėyjkyaaj ja majtsk ujk tėkėėkėn, majktäxkėn ja tyėėm. Jatė'n ja wyėki'iy jėts ja twė'uuktė. Jatė'nts ja Apä'äjttenpuk, jo'kx'ettenpuk. Jatė'nts ja tyuny jatė'nts ja yyėktsėėy'aty ujk ė[y]ts ja nmu'ujkma'ėnt nay[ė]tė'n *komo dulsa'ent**. Yėkwėmuu'kp ja tyėėmu'nk ja'aj ku ja trsyämnė ku ja myajäänė. Jatė'n ėėtsėn yė n'ajot'aty. Jatė'nėn yė ėėts yė nyėktuny. Jatė'nts yė majtskjėėjp, majtskjėėjp yė tenppuk. Jatė'n, mėtits jawyeen tė nnėkajpyxy, jatė'nts yė'ėj. Mėti ėxaaj myėmajtsk nnėkajpyxypy, jatė'nts yė'ėj. Jėts nayėte'nmė, tunp yė nyėkipy yė'ėj. Wa'aj ėėts yė'ėj, *este** tunp yė *pa karrut... karruttėjteky kar... karruttė**, **karruttė** ja xyėėw ja xyėėw ja jää... kujtujk. Jatė'nts yė yikxon tsäjptswejtsnė nyėxaa'tu'uty. Jatė'nts ėėts yė n'ajot'aty jatė'nts ėėts yė nyėktuny. Jėts nayėtė'nmė, nayė oy yė nayėtė'n jė nkujkäp'äjtėnt, ku tėjk nyėk'ėy[ė]yää'nėnt ku tėjk nkojwää'nėnt. Nayė ėy jė kujkäp, tenypyė nayėtė'n, ja tėjktenypyė mėti ėėts jate'n ntijpy, tejktenypyė, tėjkkujkäp. Jatė'n ėėts yė nyėktuny, *komo** tiykyonė yė yyėny, Tiykyonė tsė'ėtsykyonė. Jatė'n yė yyėny. Jatė'nts ėėts yė n'ajot'aty jate'nts ėėts yė nyėktuny. Jatė'nts ėėts ja nteety ja ntääk nayėtė'n tėė xuk'awejė xuk'akajė. Ku ėėts yääj kämwiiny ku ėėts yääj kämjėėjty ntsėėnė ku ėėts yääj Akäp'ääjy ntsėėnė. Jaaj yääj ėė nnaxy yääj ėė ntėk'ė, yääj ėė npety yääj ėė nwėnaky. Jatė'nts ėėts[ė]n yė jatė'n nyė... nyėktuny yė tenpuk, majtskpiky majtskjėėjp. Tukpiky mėti tsėėy jėts tukpiky mėti kajtsėėy. Jatė'nts yė'ėj. *Pėrėj** tumtuntėp yė'ėtė. Jatė'nts meets mėku'uktė, [ė]xaaj ntukmatowtė ntuknėjäwėtė, meets uu'nktė meets unä'äjktė, meets mėku'uktėjktė, pėnjaty atėm yäm n'ijxyėntėp nkėė'yėntėp, [ė]xyäm yėtė'n nnäjxėntė [ė]xyäm yétė'n ntėk'ėntė, yä'ätpėj'et yä'ätpėjxėėw. *Pės** jatė'ntsėn ja tunk jatė'ntsėn ja pėjkk, jatė'ntsėn ja ja näjxėn ja tėjkėn ėxyäm n'ijxyėntė, npėktääjkyėntė n'ejxääjkyėntė ujk nayėtė'n jajp yyėkjaapyety yyėkkee'tspety. Jats nyėjka'pyxy tyä'nt jėts nyėy'ėy tyä'nt jėts wėnäjty ja ja äp ja ok t'ajot'ättė, tjää'myatstė, tjää'tyäntė, t'ejxpajt'ättė. Jatė'ntėn yä'ätwėnmää'ny ėė npiky, ėėts jė njää'kyuk'ė, nayėtė'n nnėmatėy. Paty ėė nnėkajpyxy paty ėė nnėmatyä'äky. Ėxyämts ėjts nnėkäjpxt ja xyėkojpk jėts jatė'n yyėkjää'tyä'nt tenpuk, tenpuk, tenpuk. Ėjts nnėkajpyxy Félix Jiménez Pacheco. Ejemplar 39188, įrbol de dos metros y medio con frutos, una baya blanco rojiza.