Wa'aj mėku'uktėjk ėxyäm ėė npa... npatypy, ja ujts'oo'tspė. Pė ka'ap yė jyäwė ėy tiij ttsėėy'äty. Liin waan yėknėwjäwė ku yė tsyėėyė. Wa'aj yė trsyėėy, jotwiityė, njotpėjka'ėnt. Ja'ats Yė tsyėėy jėts yė nyėkwėkėė'ėnt jėts yė mėėt jė axux nyėk'akėmujkėnt jėts mėėt ja **yerbėdulsė**. Kėti ja'axėk ja ttejtė? Yel... *yerbėma'estrė**. Ja'aj xyėėw, ja'aj yyėktijy ja ujts, ja'ats yė mėėt nyėkkėė'ėnt jėts mėėt jė axux. Jate'nts yė ntsėėy'äjtėnt jėts yė tėkėk'oojk n'uujkėnt. Jėpy *tuktäsė**, jėts kujkyxyėėw *tuktäsė** jėts jatuk... jėts tsuuj jatėkoojk. Jate'nts yė yyėk'uuky. Jate'nts yė nmėmää'ėnt nmėpoo'kxėnt jėts[ė]n jate'n ntejn nyiky ja ääw joojt, pėnė ka'ats ja tyimynyiky tyimyxyeem jėts ja kyėmjapon nayėte'n n'ukkojma'ėnt. Jate'nts yė tsyėėy'aty yė'ėpėjtsėėy, *para yerbėdulsė** jėts yė mėėt yė ujts'oo'tspė. Jate'n yė nyėk'akėmujkėnt. Jate'nts yė tysėėy'aty. Tits yė xyėėw yė'ėj? Ujts'oo'tspė, ujts'oo'tspė, ujts'oo'tspė. Jėts ėjts nxėėw'aty Faustina Gutiérrez López. *Wenė** [ė]xyäm ėė mėku'uk jate'n nnaxy ntėk'ė ujk [ė]xyäm jate'n ėė nwėtity mėėt ja nmėku'uktėjk jėts ėėts yä'ät npääty mėti'ij yėktejp ujts'oo'tspė. Majtskpiky mėku'uktėjk yė ujts'oo'tspė. Méti'ij ėėts ėxyäm tėė npatypy nukė ..., wa'aj yė'ėj, nyėjtsyė'ėtsy yė'ėj jė tyeky. Jėts jė 'yääyu'nk nmayėte'n liin waan 'yėėtsy. Jėts jatu'uk jam *pės mäsėmay** ja 'yėėtsy ja 'yääy jėts ja tyeky. Jate'n ja 'yėėtsy ja ujtsu'nk, *pės** ka'aj yė wa'aj yė wyä'äny, ejxėm yė pyijy, *pės** ja kuumyu'utėn yė wye'epy pyä'äkpijkypy, ja kumyu'uj jėts ja .... Jėts jė tyėėm? *Pės** tsää'ny yė jyii'kyxypy, tsää'nytyė, tėnėku'nktė. Jate'nėn yė ntejėn ttajjuky'ättė ja jėyujk. Jate'nts mėku'uk ėėts yė'ėj nnėkajpyxy nnėmatyä'äky yė ..., ku yė ujts'oo'tspė jate'n majtskpiky 'yujts'aty. *Pės** mäts yė 'yity yė ujts'oo'tspė? *Pės** yääj yė äyjyėėjty ujtsjėėjty 'yity yė ujts'oo'tspė. Jate'n ėėts yė'ėj ėxyäm npääty [ė]xyäm n'ijxy mėku'uktėjktė. *Pės** yä'ät ja ujts'oo'tspė txėėw'aty, ujts'oo'tspė, ujts'oo'tspė, ujts'oo'tspė. Ja nnėkajpyxy nnėmatyä'äky Regina Vįsquez Vįsquez. *Pies** Yäät meets unä'äjktė, meets uu'nktė, meets utsytė, meets mėku'uktė, pėnjaty [ė]xyäm'äjtėntėp. Eeee, [ė]xyäm atėm n'ijxyėntė ėxyäm atėm nnėjää'wa'ėntė, ėxyäm atėm n'ėx... n'ijxyėntė yä'ät ja ääy yä'ät ja ujts mėti'ij yäaj ėxyäaj nwe'yėntėp nkėė'yėntėp yäaj kämwiiny yäaj kämjėėjty, yääj määj txėėw'aty ja näxwii'nyėt Akäp'ääjy. Ja'aj yääj yyėktijy Akäp'ääjy, ja'ats yääj xyėėw yė et yė näxwii'nyėt. *Entonces** yääyė mėti'ij ėxyäm mee... yėkpätp, yėk'ejxp ja ääy ja ujts, ee' mėti xyėėw'ajtypy ujts'oo'tspė. Ja'aj kutėn yė ujts'oo'tspė majtskpiky. Ee, jaaj ja'aj mėti'ij nyėjya'ayė oo'tsp. Ee, nyėjtsyė'ėtsy jė 'yääy. Ka'ap ėy 'yaxyė. Jate'ntėn yė ujts'oo'tspė mėti'ij [ė]xyäm ee yėkpätpmėti'ij [ė]xyäm yėknėmatyäkp. Jats jatu'uk ja ujts'oo'tspė mėti'ij mėjk oo'tsp. Mėjk ja matsy jė wet, mėjk ja mėti'ij pijxywyet, nukė mėjk ja tmatsy ujk yuu'nkts ja tyä'tspiky jam. Ka'ap ja 'yukwėnäjknė, jatė'n ja tuktėnyė tyä'tspiky, tuktėnyė tmatsy ja ja wet ja nääm. Jatė'nts yė ujts'oo'tspė majtskjėėjp mėti'ij ėėts [ė]xaaj nnėkajpyxypy [ė]xyääj nnėmatyakypy ujk mėtits ėėts ėxyäm n'ijxypy npatypy mėėt ja mėku'uktėjktė mėėt ja uu'nktė mėėt unä'äjktė. Jatė'nts yė yė ujts yė ääy yė ujtstė. Määj yė 'yity? *Pės** nyėyjyaaj, määj nyėyjya'ayė pejy, ka'ap yė tyimyjyaaj määj wėntäkmė, jėts nayė ka'aj tyimyjyaaj määj tyimymyajpyxy'ujtsjoojtmė. Ka'ap yė jaaj 'yity, jaaj. Jaaj yė 'yity määj nyėyjya'ayė pejy. Jatė'nts yė ääy jatė'nts yė ujtstė. Sääj yė t'ijxy, sääj yė t'ijxy? Sääj yė 'yujts'aty? Wa'aj yė 'ujts'aty tsujxk jėts nyėjtsyė'ėtsy jė 'yääy. Jėts jė tyeky nyėpyatė'ėts, patė'ėtskonė jaty. Jatė'n yė tyeky yė'ėj jėts yė pyijy poop, poop pyijy. Jatė'n yė ujts'oo'tspė pyėjtė. Mmm. Nay[ė]tė'nėn yė tyėėmė, mutsykonėjaty, jatė'nėn yė 'ujts'aty. Eeee, tits yė wya'apė, tits hyė tyuntėp? Tiitėn yė wya'atėp tiitėn yė jyėė'kxtėp, tin yė 'yajot'äjttėp? *Pues** yė'ėj yė jėyujktė, yė'ėj yė tektė ku yė myajay yė tyėėm. Ka'ap yė pyijy yė tjėė'kxėtė, yė tek yė'ėj yė jyii'kyxypy jėts jė tėnė'ėktė. Jėts yė tsää'nytyė jėts yė .... Tijaty jėyujk yääj tsėnaatyėp äyjyėėjty ujtsjėėjtytyė. Jatė'nts yė wye'ey jatė'nts yė yääj ttajjujky'äjtmėtė, äyjyėėjty ujtsjėėjty. Jatė'n yė'ėj tjėė'kxtė, yė'ėj tmujkxtė yė tyėėm. Jatė'nts yė 'yujts'aty jatė'nts yė yyėk'ajot'aty. Jėts yė pyijy? *Pės** nay[ė]tė'n yė jėyujktė mėtijaty ujtsmuu'ktėp, yė'ėts yė 'yajot'äjttėp yė pyijy yė'ėmė. Ja'aj ku yė mutsykonėjaty pyėjtė. *Pues** waajnjatyėtėn yė nay[ė]tė'n ja pyijy jajp tmėėtė ja pyä'äk jajp tmėėtė, jam ja *serjėyujk, jam ja jėmyjyėyujk, jam ja xuu'kx, jam ja .... Tijaty pijymyuu'ktėp. Jatė'ntėn yė yė yė ėė'tsyky'ujts yyėk... yyėk'ajot'aty. Jatė'ntėn yė tyuny. Jatė'ntėn yääj äyjyėėjty ujtsjėėjty tyuntė pyėktė, yyėk'ajot'ättė. Jatė'ntsėn yė wye'ey jatė'ntsėn yė tyuny. Ejx[ė]n jatė'n ja'aj mėti'ij mėjk oo'tsp, *pues** jatė'nts ja'aj, ėy ja ntajkuyäjtėnt. Muum nmė'oo'tspajtėnt pėtsywyenp tsäwėnp. Jatė'n 'yijty ja mutsk'äjtėn unä'k'äjtėn ku nmutsk'äjtėnt n'unä'k'äjtėnt, ėėts 'yijty *ntsyiipė'ijxy npurrėkė'ijxy**, ntsaj[p]kä'ijxy. Jatė'n ėėts yė ntajkuyaty. Jam ėėts yė n'enk'aty jam ėėts yė n'o'ojts'aty, jam ėėts yė *nnatya'atornėyė**. Jatė'n ku ja nmėku'uk mėėt nnapyääjta'ėnt, nėmaktäxk nėmakoxk. Ja *tsyiipė'ejxpė nyapyäätyėtė. Jats yė jatė'n nyatyana'oo'tswėtityėtė. Jam ja ... ee..., sääjaty tyėk'ėyėtė, jam jė jää'y, jam jė jėyujk, jatė'n yė tyėk'ėyėtė jam ntejn wetkėjxp. Jatė'nts yė ujts'oo'tspėn tyuny mėti'ij mėjk oo'tsp. Jatė'nts meets mėku'ukėtėn yė ntukmatowtė jėts xjää'tyä'ntėt jėts x'ejxä'ntėt. Sääj yė t'ijxy ujk sääj ėėts [ė]xaaj nnėkajpyxy sääj ėėts [ė]xaaj nnėmatyä'äky. Jatė'nts meen yė xjää'tyä'ntėt. Ka'aj xjää'tyėkė'ėtyėt ka'aj x'ejxėkė'ėtyėt ujk ka'aj xajtsė'ėtyu'ntėt ku yė jatė'n yyėktijy ujts'oo'tspė. Jatė'ntsėn yė txėėw'aty ja sääj yė ntuu'nėnt. Jatė'nxė ja yėkjujky'äjtpė yė oj tyėktany. Jatė'nts meets ėxaaj ntukmatowtė, meets uu'nk unä'äjktė meets jė mėku'uktėjktė, pėnjaty ėxyäm'äjtėntėp, nnäjxyėntė ntėjka'ėntė yä't'et yä'txėėw. Ee, tiij xyėėw'ajtypy? *Mero** ja xyėėw? Ujts'oo'tspė, ujts'oo'tspė, ujts'oo'tspė. Jėts yäm ėj nnėkajpyxy nnėmatyä'äky ja xyėėw Félix Jiménez Pacheco. Ejemplar 39187, familia Caryophyllaceae, yerba rastrera de un metro con flores blancas.