Yė'ėj ėėts uu'nk yäm nnėmatyakypy, ja pakee' mėti pakee' yėktejp. Wa'aj yė'ėj ..., tėts ėėts ja yäm npääty tėts ėėts ja yäm n'ijxy ja pakee'. Ja'ats ėėts yäm nnėmatyä'äk[w]anypy nnėkäjpx[w]anypy ku yė 'yojtsėėyėtäm 'ojtsėėyė. Ojtsėėy yė'ėj. Kuts ėėts yė ojts ja oj ntejn mėjk xpiky ojts ja oj mėjk myiny jėts ėėtsėtėn yė oj nyėkwėki'iy. *Pėrėj** tits yė mėėt tyuny mėėt kyi'iy? Kup'ääy jėts jė jėts jė axux, jėts jė yėt... jėtsėtėn yė *tsaj[p]kääseepė**. Yė'ėj mėėt nyėk'akėmuky, tėkėkjėėjp. [Ė]xats jate'n ntejėn ojts ojts wye'ey ojtsėtėn yė tyėknaxy ja oj. Ojts ja nyaxy. Ojts ..., ku nyukjäja'ėnt ku nkatsyjyäja'ėnt. Jate'nts yė n'uujkėnt, tėkėkjėėjp ja nyėnėėj, tėkėjėejp. Tėkė'oojk ja n'uujkėnt jėts ja na[yė]tė'n kyėmjapom nayė tėkėk'oojk. Na[yė]tė'n jatėkoojk kyėmjapom, nayė tėkėk'oojk. [Ė}xats tėkėkxėėw kya'pyxy. Jate'ntsėtėn yė yyėk'uuky jate'ntsėtėn ja oj yė tyėknaxy, yė pakee'. Pakee', jate'n yė yyėk'uuky yė'ėj. [tosiendo] Kuts yė ojts ėėts jate'n oj n'uuky, ojts ja nyaxy, ojtsėtėn ja yuu'nkė ja oj. *Pėrėj** pakee'ėtėn tsėėy, yė'ėj tsėėy mėėt ja kujp'ääy mėėt ja axux jėts mėėt jė *tsaj[p]kääseepė**, jate'n. Jate'n yyėk'uuky. Tits yė xyėėw yė'ėj yė pakee'? Yė'ėtėn pakee', pakee', pakee'. Tits ėjts nxėėw? Mėti'its yäm nnėkajpyxypy nnėmatyakypy ėėts, Faustina Gutiérrez López. *wenė** mee mėku'uktėjktė, *pės** [ė]xyäm ėėts jatu'uk ja ääy ja ujts nnėmatyä'äkt mėti'ij xyėw'ajtypy ja ujts pakee'. Jatitskėjxp ja jate'n yyėktijy? *Pos** ja'akėjxp ku ja nukė tiyė tsyajpyėny ka'ap ja ..., nyėyjyamnėm ja ..., nyėkyupäjkp'et 'yawäjė 'yaxeenyė. Patyts ja pakee' yyėktijy ujk patyn ja oj jate'n ja majjää'tyėjk tyėkxėpattė. Tits mėku'uk ja wyä'äny? *Pės** tsėėy'äjtpėtėn yė'ėj. Jėntsėėy yė'ėj ojtsėėy yė'ėj ku njanytsyjyėėna'ėnt, *pės** yėkxätsp jė 'yääy yė'ėj. Jats yė ..., jats yė ntsee'ėnt. Jats yė yėkxon nnay'apejta'ėnt ku tėė ntseekijxyėm. Yėkxonts yė xyėkpujxykya'ėnt. Jate'ntsėtėn ja jėėn wyėnaky. Jėpyts yė ntsee'ėnt tsuujts yė ntsee'ėnt. *Pės** yėknajxypy mėku'ukėn ja jėėn yė'ėj. Ja ..., ja jėėn ja oj *pės** yėknajxypyėtėn yė jate'n. Jate'nts mėku'uktėjk yė tyuny. Jats yė pyijy, *pės** pu'ts yė pyijy. Jats yė pyijy, *pės** nyay'ajot'äjtmėtėpėn ja jėyujk yė'ėj. Xam jė xuu'kx, xam jė **seerėjėyujk**. Jate'n yė tpä'äkmuuktė, [ė]xaaj jė wėktė, wa'aj jėmyjyėyujktė. Jate'ntėn yė t'ajot'ättė jate'ntėn yė tyėktuntė. [Ė]xats jė *tsyiip** yė t'ojkmėtė tsaj[p]kääj yė t'ojkmėtė. Jate'n mėku'uktėjkėtėn yė'ėpėj'ääy yė'ėpėj'ujts tyuny, yė'ėts ėė nnėkajpyxypy nnėmatyakypy. Ku yė ujts jate'n tyuny ku yė ujts jate'n yyėk'ajot'aty. Jate'n jė jėyujk jate'nts jė jää'y ttsėėy'aty. *Pės** jate'ntėn yė ujtsu'nk tyuntė. Yė ujtspakee', pakee', pakee'. Jėts jė nxėėw'aty Regina Vįsquez Vįsquez. Meets mėku'uktė, eej ujx... utsytė äjtsytė, teetytė tääktė, uu'nktė unä'äjktė, ėxyäm ėėts ja nnėmatyä'äk[w]ä'äny ja ääy ja ujts, ja ja pėktä'äky mėti yääj ejtp etkijxy näxwii'nyėtkijxy, määj yääj txėėw'aty Kuxo'okwiiny. *Pės** yäätsėn yė ujts 'yity, yän yė ujts ja kyupujkxė kyukäjpė, tsyėėnė tyanė. *Entonces**, yė yė ujtspakee', *pės** ja'aj yė xyėėw'ajtypy, ja'aj yė ėė... ja teety ja tääk, ja tety'amėj ja tėk'ämėj ėė tėė xuk'awejė xuk'akajė ku yė ja'aj txėėw'aty pakee'. Eej, *Pės** jatitsn yė jate'n txėėw'aty? Jatitsn yė jate'n [...] ojts tyany ja xyėėw pakee'? Pė ja'akėjxp kutėn yė jatė'n yė 'yääy kun jatė'n yė pyijy, kun jatė'n yė yė tsyom ujk yė yyėny ujk 'yäätsy, [ė]xam jė tiypyė, [ė]xamts jė ..., jėts yė 'yääy ku nyėy'uu'nkkonė, tsė'ėtsykyonė ujk yė yė pyijy na[yė]tė'n tsujkonė. *Pės** ja'akėjxptsėn yė jatė'n txėėw'aty pakee'. *Entonces**, jate'ntsėn yė ėėts n'awejė n'akajė yäm, määj ėėts yääj na[yė]tė'n ntsėėnė määj ėėts yääj na[yė]tė'n ntanė, yääj Mää'ntytun'aki'ijyėtkäjp ujk Mää'nytytun'aki'ijyėtjää'ytyė ujk na[yė]tė'n ja et ja nääjx mėėt ntsėnää'yėntė, ääy ujts mėėt ntsėnää'yėntė, mėėt nkajpyxyėntė mėėt nxiijkyėntė. Tėė ja yėkjujky'äjtpė jatė'n ttanėjpääty ku ja ääy ku ja ujts jatė'n mėėt ntsėnää'yėnt nntanää'yėnt, nkäjpxėnt nxeejkėnt. Jatė'nts ėėts yė yė pakee' .... *Entonces** [...] Titėn yė tsyėėy'äjtypy? Nayė tsėėyėtėn yė'ėj, ka'apėn yė tyimynukė 'yujtsė, nukė nukė ja yėkjujky'äjtpė ttajnėjpääty. Nayė ojts ja majjää'tyėjk yyėktukmatowtė ojts ja majjää'tyėjk yyėktuknėjäwėtė ja ja tety'ämėj ja tėk'amėjtė. [...] wa'aj yė tsyėėy'ajtypy jėn'oj, yė jėnpä'äm. Ku njėėna'ėnt ku mėjkjėėn. Ku jyäwė ookjėp'am ntyimynyayjyääwnya'ėnt jats yė ... wy... wye'ey ..., yė uu'nkpė mėti uu'nkkonė mėti ... ku yė yyėny nukė uu'nkkonė xyėmumy uu'nkkonė yyėny. Yė'ėts ja 'yääy yė'ėts ja yyo'kt, yė'ėtėn yėktėjp yė'ėtėn yėkkonp jėts yė'ėtsėn yyėkxäjtsp. Jajp yyėk'axäts'ė, ejxėmn jė majjää'tyėjk 'yijty, jam ja ja kipypyojk. Jajp 'yijty t'xätsėtė. [Ė]xyäm ja unä'ktėjktė *ulėjkupet** yėktunėtep. Jatė'nts ėėtsėn yė ..., jatė'nts yė ty... ntejn [ė]xyäm tyuny *pėrėj** jatė'n yė tsyėėy'aty yė jėn'oj, yė jėėn, mėjkjėėn, mėjkjėėn. Yė'ėtėn tu'uk mėjk tsyėėy'ajtypy ja mėjkjėėn ku njėėna'ėnt. Yė'ėtsėn yėktajtsėyėp. Ntsee'ėmp yė'ėj nkupäjtsėmp yė'ėj. Jatė'n yė nnatajtsėya'ėnt, *pės** jatė'n sääj ja pä'äm yėkjäwė, jaaj mėjkpė ujk jam yuu'nk. Jatė'nts yė nnatajtsėya'ėnt, jėpy, ux. Uxėtėn *mäsė**, jaaj yė mäsė yyėkwe'ey yyėkmėmä'äy. Jaatėn *mäsė**, jatė'n ja majjää'tyėjk yė tnėkäjpxtė. Ux mėjtsn yė xtse'et jėts meen yė xmėmä'ät jėts mejtsėn yėkxon mwėxa'akxt ku jatė'n ja nnay'apejta'ėnt nay'amojtsa'ėnt, ejxėm ėxyäm ja tsapijxy. Majts tėkėėk yyėknatynyėjxojxnėyė. *Pėr** ttij ku ja majjää'tyėjk 'yijty, tu'mytsyė ja 'yijty nyatynyėjkėnyėtė tsapijxy... tsapijxyu'nk ujk tiij kajtiij natynyėjpe'enyėtė. Jatė'nts ja 'yijty ja majjää'tyėjktė *pėr** ku [ė]xyäm ja unä'ktėjktė *Pės arruup'amypy** ja ėxyäm nyanyė... nyanyėjxojxnėytė. Tum ja je'mytsytsyapijxy tum ja majpyxytsyapijxy, tyum ja yuu'nktsapijxy. Tunja'apė ėxyäm ja unä'ktėjk natynyėjxojxnėytėp. Jatė'nts yė pyujxykyė jatė'ntėn yė tsyėėytyuny. Jatė'nts yė yė ujts tyuny yė pakee'. Jatukpiky na[yė]tė'n jė tyuny, *pės** 'yajot'äjttėp ja pėktä'äky yė na[yė]tė'n, yä'ät ja *tsyiiptė** yä'ät ja tsaj[p]kääjtė, yä'ät *burreektė**. Jatė'n yė tyėk..., 'yojktėp yė na[yė]tė'n jyėė'kxtėp yė na[yė]tė'n. Tyajjuujky'äjttėp ja jėyujk yė na[yė]tė'n ja pėktä'äky yė na[yė]tė'n. *Pės** wa'atėn yė'ėj tunpėtėn yė mėjk kajaaj yė pakee'. Jate'nts yė yė jėyujk yė t'ajot'ättė. Na[yė]tė'n ja jatukpikjy, jam yė ku'ujy jam yė tiij, nyatyajpe'enyėtė. Jatė'n yė jėyujktė, ejxm jė tektė ejxm jė ku'ujytyė, ejxm yė'ėpėjjėyujktė mėti na[yė]tė'n pojjėyujktė. Na[yė]tė'nts yė tyėktuntė na[yė]tė'nts yė t'ajot'ättė, na[yė]tė'nts yė tpa'an'äjtmėtė. Jatė'nts yė pakee'ėn tyuny Jėts yė pyijy na[yė]tė'n, *pės** ejxėm 'yijty ja mutsk'unä'äjktė ejxėm 'yijty ja mutsk'äjtėn, yėktajkuyäjpt yė na[yė]tė'n, [...,] [yėk]tajxuxp yė na[yė]tė'n ujk wa'ats yė na[yė]tė'n [...] yėk'enk'äjtp yė na[yė]tė'n yė pyijy. Jatė'nėn yė tyuny yė yė ääy yė ujts, jatė'n yė 'yijty yyėk'ajot'aty. [Ė]xyäm ka'ap ėy 'yukyėk'enk'ejxnė, *pero pėr** jatė'n ja 'yijty ja majjää'tyėjk t'ajot'ättė, jatė'n tyėktuntė ja xuu'kxtė ja jėyujktė mėtijaty pijymyuu'ktėp, yėktuntėp yė'ėj 'yajot'äjttėp yė'ėj. Ujk nayė n'ajot'äjtyėntėpts atėm jatėkoojk ku ja *seerėjpä'äk pyėtsimy ku ja jėyujkpä'äk pyėtsimy. Nayė yyėk'ajot'äjtpts yė jatėkoojk. Jatė'nts meets mnėku'uktėjkėtėn yė yäm ėėts ja jė npääty n'ijxy yė ääy yė ujts ujk jatė'nts ėėtsn yė najäwė, na[yė]tė'n ja ntety'amėj ja ntėk'amėj tnėkäjpxtė tnėmatyä'äktė. Uk jatė'nts ėėts yė kė'm tėė nyėktuny ku ėėtsėn jatė'n tėė nmutsk'aty ku ėėts jatė'n tėė nyeeky. Jėts ėėts jatė'n njėnpety, ka'ap ja tsėėy tenėm, ka'ap ja akätstsėėy tenėm. Tum yė ääy tum yė ujts, yė'ėn 'yijty yėk'ajot'äjtp, yė'ėn 'yijty tuntėp yė'ėn 'yijty yėktsėėy'äjtp. Jatė'nts mėku'uk, *pės** pyatypy yė'ėj ku [ė]xyäm n'ajot'äjtėnt pyatypy yė'ėj ku [ė]xyäm atėm na[yė]tė'n nyėktuu'nėnt jėts ka'aj ntyimy'ejxėkėė'yėnt ka'aj ntyinyjyää'tyėkėė'yėntėt ujk ka'aj nkatyimy'ukmėj'ejxna'ėnt yė ääy yė ujts mėti'ij na[yė]tė'n putėjkėtėp. Jatė'nts ėėts nnėkajpyxy nnėmatyä'äky. Tits yė *merėj** xyėkojpk'ajtypy? *Pės** ja'aj pakee', pakee' pakee'. Ėėts yäm nnėkajpyxy nnėmatyä'äky Félix Jiménez Pacheco. Ejemplar 39178, familia Asteraceae, género Electranthera, arbusto escandente de hgasta 3 metros con flores de lķgulas amarillas.