Wa'aj ėėts yä'ät ntijy pajkwäj. Ku yė yyėny, yonp yė'ėj jėts kuts yė yyonnė jėts jė 'yajpyky pyėtsėmnė. 'yajkpkyėnė jėts 'yääy tukki'iyė pyėtsėmkėjxnė jėts pyijy. Poop pyijy. Ku pyijy wyėnaky jėts jė tyėėm pyajtnė. Jėts myajäänė myajäänė .... Jats ja tyėėm, wa'aj tunp ja'aj. Tsėėy ja'aj. Ėjx yė 'yääy, nayė tsėėy. Yė pajkwäjyo'kt, nayė tsėėy. Ėė'yėpts yė *teej** ku yė m'ojpėk'ėyėt ku mnäxyėt , xeej yė xuu'kxpijy mėėt tyuny mėėt yė tuu'paajt. Jate'n yė mėėt tyuny. Jats yė pajkwäj, ė[y]ts yė x'uukt xyėkkė'ėt jėts yė x'uukt. Jate'nts yė'ėj jėts .... Jėts yė tyeky, ku yė tyėtsnė nayėte'n ..., wa'aj ku x..., yėkjä'äxy'äjtp yė nayėte'n *pėrėj** xėmump yė jatėkoojk. Ka'aj tuktėnyė tyimy'ėėky. Oo'kpts muum. Isabel Orozco Vįsquez Wa'ats ėėts yä'ät ntijy pajkwäj. Jatits, pė jatitskėjxp ja majjää'tyėjk yė ojts jate'n txėpėktä'äktė? Ja'akėjxp ku jyäwė ..., yėktsä'äm'äjtp, yėkjėė'kxp. Wa'aj yė'ėj tsėėy'äjtp. Wa'aj yė tyėėm yė'ėj, ojtsėėy. Jats yė yo'kt, wa'aj yė tsyėėy ..., naxyėjtsėėy, iitsyėjtsėėy. Ja'ayė tėkėkjėėjp 'yakėėmuky, mėėt jė tuu'paajt, mėėt ja xuu'kxpijy. Jats yyėktajpä'äkė *serėjpä'äk**, jooxpä'äk ujk *azścar** *pėrėj** joox tyimyyėkpėktä'äky. Jate'nts yė tsyėėy'aty. Tunp yė'ėj. Jate'n ėėts yė nyėktuny. Jėts mäts yė *mäsė** 'yity jėn'aki'ijy tėk'aki'ijy, tėjkwėnkon. Jate'n yė *mäsė** 'yity. Ka'aj nukė apiky 'yity. Tėtsnėp yė'ėj ku muum ujtsjėtypy jyayėkni'ipy jyayėkkėjy. Tėtsnėp yė'ėj, ka'aj yė 'yity. Patje'etsy patpiky, patwėpy, patyu'uy pattuny yė ttsėky. Ka'aj yė nukė 'yity ujtsjėtypy. Jate'nts ėėts yė ntukxėėw'aty, ja'ats ėėts yė ntuktunypy. Jate'n yé tyuny yė ujts. Ėjts nxėėw'ajtypy Emerenciana Vįsquez Martķnez. Ėjts uu'nk, wa'aj ėėts yä'ät ntijy ..., pajkwäj ėėts yä'ät ntijy yė ujtsu'nk, yä'ät [ė]x[y]ääj mėti yaaj yääj ntejėn tsėnaapy tanaapy yääj xuxy'etjėėjty; määj yääj tsyėėnė määj tyanė yä'ät ja ääy ja ujts, pajkwäj ėė ntijy. *Pės** ja'ayė ėėts yääj ntejėn .... Njakyejpypy ėėts yė yääj, yėkkėjyuup yyėkkėjtunp yė yääj. Ka'ap yė nukė ujtsjėėjty 'yity ka'ap yė nukooj .... Ejxy'ity yė nayėte'n 'yity, ka'aj yė nukė muum 'yity jati'inyė muum. Ėy [...] ujtsjėėty muum tyanė, ka'aj. Tėtsp yė'ėj tėkėėpy yė'ėj. Ėj jaaj [...] ujtsjėėjty jyajyeeky jyajtsė'ėky *pės** tėtspts yė'ėj. Määj yė ttsėky? Määj yyėkkėjyu'uy yyėkkėjtuny yä'ät, yė äyu'nk yė ujtsu'nk, yė pajkwäj. *Pės** jayėktsėėy'äjtp yėkjii'kyxy'äjtp yė'ėj. Tun jė may'äjt tun meets jė putėjkėn, xpatmato'otėt yė kajpyxy yė ayuujk. *Pės** jate'n yä'ät ja ..., wa'aj yė ujtsu'nk xputėjka'ėntė: naxyėjtsėėy, iitsyėjtsėėy, ojtsėėy. Tiijaty wyä'äny. Ujk jate'npäät yyėktsä'ämjii'kyxy ku yė tsyä'äm yė ujtsu'nk. Ku yė tyėėmpety, tyėėmu'nk myajpyxy'aty jėts yė tsyä'äm jėts yė myajay; jėts yä'ät ja tyėėmy ja tsyä'äm wyėnaky jėts ja yyėkjii'kyxy tsujxykyė. Ujk kėti nyėkkii'yėmts yä'ät, [...] *teej'ėė'yėp** yė'ėj. Yėktoo'kp yėkyäjkp yė na[yė]te'n yä'ät. Yėkmeeny'äjtp *yėksėntääp'äjtp** yä'ät ja ääyu'nk ja ujtsu'nk ja tyėėm. *Pės** yė'ėj ėė ntijpy pajkwäj. *Pės** yė'ėj ėėtsėn ntijy. Jate'n tsyėėy'aty jate'n yyėkjii'kyxy'aty yä'ät yė yė ujtsu'nk. [Ė]xyämts ėėts nänyky'ijxyė nänykypyäätyė jate'n. Yė'ėj ėėts yääj nnėkajpyxypy ja'ayė. Bonifacio Orozco Vįsquez. Ejemplar 39079, familia Rosaceae, especie Crataegus pubescen, įrbol de tres metros y medio con fruto verde.