Wa'aj ėėts yä'ät ntijy tumytsye'ej. Wa'aj yė'ėj n..., wa'aj yė tyunypy, nėėj yyėktakunyeejpėp. Jėts jė nėėj tyėk'ity ka'aj yė nėėj yė tyėkti'itsy. Jats nėėpėtsėmp yė nayėte'n. Jėts tsė'ėtsy yė'ėj. Jėts wa'aj yė'ėj nėjmuumėm, nėjjėjk. Jats tunp yė nayėtė'n, tsėėy yė nayėte'n. *Teej** yė wyä'äny yė pyijy ku yė yyėny jat..., ku yė myutsk'aty jėts yė yyėny jėts tunp jė 'yääy yė'ėj. Natyajtsää'yėtėp jė jää'y yė'ėj ku yė jėntajjaapė tyėk'ėyėtė jats yė ttajpa'antė ja jyėėn. Jats yė tyėktuntė, nyatyajtsä'äyėtė ku yė ..., ku pyiky'ėtė. Jats wye'ey jė pyijy nayėte'n, tyėėmė nayėte'n. Jats yė pyijy yė wyä'äny *teej**. Iitsyėjtsėėy, naxyėjtsėėy yė nayėte'n. Jats yė 'yääts yė nayėte'n tsėėy. Jats wa'aj yė'ėj, yėk'ejxy..., ...'ejxy'ejtp nayėte'n, ka'aj yė ..., ka'aj yė ntejėn 'yėėky, ejtp yė'ėj xėmump yė'ėj, yonp yė'ėj. Jajp jė 'yääts yė nayėte'n. Tsėėyts ja 'yääts yė nayėte'n. Jats a..., awäjėp yė nayėte'n *pėrėj** mutskjaty. Tėt..., ku tyėtsnė jėts 'yoo'knė, nayėte'n majänyäa'm..., myajänäjxnė, ka'aj ntejn 'yuk'awäjėnyė. Jėts ja'ayė tyėtsnė 'yoo'knė. Jate'n. Ka'aj yė ntejn ėy 'yity ujtsjėėjty ka'aj yė ..., jaaj yė ėy 'yity määj yė nėėj. Jaaj yė wa'aj ne'ekėj *mäsė** 'yity yė tumytsye'ej. Isabel Orozco Vįsquez. [Ė]xyäm ėjts yė ujts n'uknėmatyä'äkt yė tumyste'ej, tumytsye'ej ėėts yėn ntijy. Wa'aj yė kyipy yė t'ijxy, tsujxk. Jats tsomė tsomė 'yawäj, 'yääy tuknäx pyėtsimy jats muum nėjjėjk jats wa'aj yė 'yääy yė'ėj tsujxk, tsė'ėtsy. [Ė]xam yė maktäxk makoxk, nyėy'axeeny jė 'yääy. Jats yė pyijy, poop yė pyijy. Tits yė wyä'äny? Nayė yyėktajnėkunepp yė'ėj määj jė nėėmu'ut määj jė nėėkojpk. Ka'ap yė yyėknėė'ėėk, yė'ėj nėė'ejxy'ejtp. Jate'n yė tyuny. Jats yė ..., nayė tunpts yė 'yääy yė'ėj ku yė yuuj ku jė pä'äm, ku npėjka'ėnt ku n'ää'na'ėnt. Jats yė yyėknatyajtsää'ya'ėnt yė 'yääy. Yė'ėj ėė ntijpy, wa'aj ėėts yė ntijy mėti nyė tyunypy kuyjyämtajjaapė jėts ja jėnpäjk jajp yyėk'ako'ojė jats yė nnatyajtsää'ya'ėnt. Ku npėjka'ėnt ku n'ää'na'ėnt, ku njoojt pyėjkėnt ku njoojt kyeejxėnt. Jate'nts yė ntajtsää'yėnt ujk nteky ku määj nteky pyėjkėnt 'yää'nėnt, nkė'ėj, njėxk ė määj. Jats yė jate'n nwa'jėnt nnatyajtsää'ya'ėnt. Jate'n yė tyuny. Jats yė pyijy, nayė *teej'ėė'yėp** yė'ėj. Ojtsėėy yė'ėj, ku n'oja'ėnt ku npėjka'ėnt ujk mutsk pyiky'ėtė jė oj jats jė *teej** nyėk'ėė'ya'ėnt mėėt jė yė tsen'uky, mėėt yė ..., säm jė *ewkkalipt** tyuny nayėte'n yė yyėkpėktä'äky mėėt jė *vaporup**. Jate'nts yė yyėk'uuky. Ja'ats yė oj yė tyėknaxy. Kuts yė pä'äk yyėktsėky jėts jė *serėjpä'äk** yyėktajpä'äkė. Jate'nts yė tyuny *pero** ..., tunpts yė'ėj. Yėk'ejxy'ejtpts yė'ėj ka'aj yė pėn nukė tyėk'ėėky. Ėjts nxėėw'ajtypy Emerenciana Vįsquez Martķnez. *Pės** meets uu'nk unä'äjtė yä'ät, [ė]xyäm n'ukkäjpxt n'ukmatyäkkojmėt jėnet. Yė ääy yė ujts jė nnėmatyä'äk[w]anypy. Määj yä'ät ja ėėts yä'ät ja nnėjäwė yä'ät ja ja tsėėy ja piky, yä'ät ja ääy ja ujts. Wa'aj ėėts ja ujts ntijy tumytsye'ej. Ja'aj ku majtskjėėjp jė ..., jaaj yė xyėėw. Jaaj tumytsye'ej jėts tu'uk patuntsyė'ėj . Jate'n yyėktijy patumytsye'ej [jėts] jatu'uk tumytsye'ej. Yä'ätts xyėėw ja ujts tumytsye'ej jėts jatu'uk patun..., patunytsye'ej Pa'ujts ja'aj, wenpėj ja'aj, jėė'. Ja'ats ėjts yä'ät nnėkajpyxypy. Yä't'ujtsu'nk, yä'ät ėxyääj. [Ė]xats yä'ät nnėmatyä'äky yė ääy yė ujts. Majtskjėėjpts yė nnėmatyä'äk[w]ä'äny. Tu'uk ja ėtumtsye'ej jėts jatu'k patumytsye'ej. Ka'ap ja'aj tsyėėyė. Ka'ap ja'aj ujts tuknäx yyaaktė ka'ap ja tuknäx 'ujts'ättė. Jate'n tuknäx ja ujts tja'ejxtė ja 'yääy ja tyeky. *Pėr** ka'ap ja jyate'nė ja'apė. Mėti ėė ntijpy yä'ät ja tumytsye'ej, yė'ėj tsėėy mėti tunp. Patumytsye'ej ėė ntijy ka'ap ja'aj tsyėėyė. Ka'ap ja tsyėėtyuny, mėjk pyä'ämtuny. Mėjk ja'apė xyuuky yė'ėpaj'ujts . *Porque** yä'ät, yä'ät ėė ntejn n'ajot'ajtypy, [ė]xyääj ..., ku yuuj ku pä'äm yääj myiny, ku po'om yääj myiny yääj jyä'äty. [Ė]xaaj jė ojpä'äm [ė]xaaj tukki'iyė myiny jyä'äty yä'ät ujk yä'ät ja ja ke'ejxpä'äm, tijaty. Ujk yä'ät ja tėk'ėjpä'äm. Tijaty ttejtė. Yä'ät ja kė'ėj ja teky määj wyi'itsy määj pyä'ämy. Yė'ėts ėė ntsėėy'ajtypy yė 'yääy, jėts jė pyijy ojtsėėy. Jėts yė 'yäyu'nk, yė'ėj ėėts nnatyajpa'nėp natyajpu'kxėp yä'ät ja ..., kuyjyämtajjaapė mėėt ėė nyėktuny. Yė'ėts tsopätp. Yė'ėj ėėts jė ntejn xputėjkėp. Ka'ap ėėts ja ääy ka'ap ėėts ja tsėėy määj n'amėtėy npėjktsėy. Jate'n ėėts ja npä'äm ntsėyėkyėjy. Jėts ėėts kuwänė ntsokkojmė. Kuwänėts ėė xputėk'ė ja äyu'nk ja ujtsu'nk. Yė'ėj ėė n'ajot'ajtypy na[yė]te'n. Ka'ap ėėts ja tsėėy nyėkmėjtėk'ė ka'ap ėės ja määj pėn tėė xtyimypyutėk'ė, yė'ėj n'amėtey npėjktsėy yä'ät. Jėts yė'ėj ja ääy ja ujts ėė n'amėtėy npėjktsėy ja kyė'ėj ja tyeky, ne'ekė yė'ėj, kajaaj. Yė'ėj ėė xputėjkėp yė'ėj ėė xpuxäjėp nay[ė]te'n yä'ät. Jėts yä'ät ja pijyu'nk, ojtsėėy mėėt jė *serėjpä'äk** jėts mėėt jė tsen'uky jėts mėėt jė *papporuppė**. Jate'n ėėts yė [...]. Jėts ja tyėėm nay[ė]te'nmė, nay[ė]te'n ėėts ja tyėėmu'nk ja ntejn .... Yėkjėė'kxp ja tyėėmu'nk liin waan *pėrėj* nayė ojtsėėy. Ja'aj ku pu'tskonė, tsäjptswa'aj ..., tsuu'nkkonė tysä'ämy. Jate'n jė tyėėmu'nk yä'ät tsyä'ämy. *Pėrėj* yėkjėė'kxp ja'aj, *pėrėj** ja'atėn ojtsėėy, ja'aj wyä'äny. Majtsk tėkėėk ėėts ja njii'kyxy jėts ja oju'nk ja tyėknäjxkojmė. Ja'ayė ėė [...] ujtsu'nk ėė nkajxä'äky nay[ė]te'n. Kuts yä'ät, määj yė tsyėėnė? Nėėkojpkkijxy yė tsyėėnė määj jė nėėmu'ut. Jats ėėts yė *mäsė** nni'ipy jats yė *mäsė** yė nėėj yė tyėkkomė. Nėėj'ejxy'ejtp yä'ät. Ku yä'ät kunėėj, yė'ėj ėėtsėn ntijpy kunėėj, yä'ät. Yė'ėtėn jė 'yejxy'ijtypy yė'ėtėn jė nėėj myäjtsy'ijtypy. Ka'aj yė määj ėė nyėk'ėėy nyėktėkėy yė'ėj. Jate'n yė'ėj ėjxėm jė kaa'm'äjk. Jate'n yė nyapyäätyė namajtsk, kaa'm'äjk mėėt yė tumytsye'ej. Jate'n ėėts yė tėė n'awejtsmujknė ėxaaj. *Pėr** jate'n yė nėėj tnėjtanėtė. Jate'n ėėts yė xputėk'ė yė'ėj. Yė'ėyė uu'nk. Bonifacio Orozco Vįsquez. Ejemplar 39076, familia Adoxaceae, género Sambucus, sambucus nigra, arbusto de cinco metros con flores blancas.