Tsė'ėj, eej, mėti'ij ėxaaj n'ukkäjpxėm n'ukmatyääjkėm, ja nääjx ja mo'Nts, ja muutsy . Sutsė ja 'yėyė sutsėj ja kyėjy? Ja'ats ėjts yäm nyėktėėjėmpetwanypy nyėk'am[ė]toojėmpetwanypy. Jamts mee x'uknėkäjpxt x'uknėmatyä'äkt. Eej, utsy, yė'ėj ..., kunt yė'ėj nmatyäajkėnt yė jėėn yė tėjk mėtitėn kiipyė mu'xpė tyejtėp. Sutsė ja 'yėyė sutsė ja kyėjy? Sutsė ja yyėk'a'ejxė yyėk'apäätė? Myėtu'uk ja nääjx yyėktäjy ujk ja jėėn ja tėjk yyėk'atäjtėm[y]ė määtėn 'yėyėwyä'äny. Jajpts pyėtsimy ja ja muutsy, jajpts ja yyėk'a'ejxė. Tits ja yėkpėktäkp? Yėkpėktäp jė tsen'ääy yėkpėktäpts jė kipy'axaa'k . Jėts ja ..., jate'n ja majjää'tyėjk tyėk'ėyėtė ku ja pyu'utsy mėėt, mėėt ja tsen'ääy. Kuts ja tyėkxooktė, ntejn ėxyäm tyėkxooktė jėts ja kyėjapom tjaa'pyė'ėtyė jėts tyekyjyė'm ne'ekė twa'atė ttaa'nyė'ėtyė. Jajp ja ja tsääj ja kipy , yėktsaatsyėpts ja'aj. Pė ..., jate'ntsėn ja kyėjy jate'ntsėn ja 'yėyė ujk jate'ntsėn ėy pyėtsimy ja muutsy. Kuts ja jate'n twa'atė tėė tyėk'ooktė, ttäjjėmpettė ttäj'atėjtė . Jats ja mu'ujts'ii'ny? Wa'ats ja'aj, tėė ja wėnäjty myujnė jeky. Jate'ntäm yė 'yėyė ku yė ntejėn nyėkmujjėnt jėts yė wa'aj pyėtsimy nojkts, yuu'nkėm pyėtsimy. Kuts ja jate'n ntejn jajp tėė xyėkmujnė jėts ja ja mo'nts jam x'akoo'nėn[y]ėt mu'ujts'ii'nyjyėtypy . Jėts ja xtej'ėyėt xtejpäätėt , yėkxon xyėktso'otst tsujkonė jėts ja xtajjantu'utt. Kuts jate'n kawėnääk, pėnė wėne'n ntejn mmajatä'äky ujkm mėėt jė mputėjkėpė, pėnė jajp ja putėjkėpė pėnė sutsė ja ntejėnt yyėkmėtapyääty. Kyėjapomts ja xwa'at xtenykyuk'ėt jėts ja yyėkwėxeey. Jėts ja tyi'itsy jėts ja xėėw ja ntejėnt twe'ey tyikti'itsy yėkxon ku ja tėė tyanakyuk'ė. Juunėts yä'ät jyaty'ėyė? Ka'ap yė nukė 'yėė'yėm[y]ė. Jaaj yė 'yėyė ku 'yääjnji'iky ku ka'ap ja nėėj ja tuuj . Jaa'et ja 'yėyė, ejxėm *febrero, marzo, abril**; mayo, nijka'ap ėy 'yuk'ėė'yėn[y]ė ja'aj ku anatuuj myennė. Jate'nts ja 'yėyė ja'aj. Kuts ja yyėkwe'ey kuts ja tėė ntejn tyėtsnė ja muutsy, tėė ja wya'anė kyaxė'knė ku ja jyuu'nnė, [yyėk]pėjkmujknė, yyėk'ejxy'ejtnė yyėknėjtujknė . *Kumė** tėts ja yyėk'atäjtė, tėė yyėktajtäjtu'uty ujk pėnė män ja ntejėnt 'yėyėwyä'äny ja jėėn ja tėjk . Jajptsėn ja yyėkpajtajpėtsy , ja[j]pėn ja 'yėyė ja jėėn ja tėjk, ja[j]p ja tė[j]k'äkäj ja[j]p ja *ventana*. Yė'ėtėn kayėkpätpnėm pė sutsė yyėktijy ayuujk. Jate'nts yė yyėktijy määj ntejn m'ejxpėtsė'mt. Jate'ntsėn ja 'yėyė ja jėėn ja tėjk . Jėts ja ja kipy, ja tenypyė, ja päx , jate'nėn ja pyattė jate'nėn ja yyėkpėktä'äktė , kipy'käjtė. Jats tyėkatsy, jaaj ja yyėkpėktä'äky ja 'yijty ja tsen'ääy, ja *arrin'ääy** . Jate'n ja tėjknėjpėk 'yijty tpėktä'äktė. Jėts[ė]n ja ..., jėtsėn tijy nay[ė]te'n tpėktä'äktė yė wa'aj yė tsäts'äk, tsäts'ääy. Jate'n ja 'yij[ty] ttanėjpėktė. [Ė]xyäm, *lįmina** tunėp, puty'ė ja nyėjtujknė, ja jėėn ja tėjk . Jate'nts yė muutsy 'yėyė jate'nts yė muutsy yyėkwe'ey yyėktunk'aty . Jėts jo'kx yė'ėj ku yė ntėjk'äjtėnt ku yė npėtsy'äjtėnt , jo'kx yė 'yity. Jėts oy sutsė xtu'nt, oy yė muutsy o[y] su[tsė] xtakuyätt, oy sutsė xyėktsujėt, jam jė jentapyäjt jam jė apėjk'ii'ny, jam xtaj'akojtukt . Ėy jėts o[y] xwa'at xyėkkėtä'ät, o[y] xyėkmä'ätt. Myėk'ėė'yėkyojmėp. Nayė tänkojmėp. Ka'ap yė yė'ėj 'yapaxė ka'ap yė yė'ėj ntejn tka'ėyjyäwė ėym yė sääj ntuu'nėnt. Yė'ėpėtėn ėy yė'ėpėtėn tsuj kun yė ntuu'nėnt, ku ntoo'nėnt ku nmäjtsėnt, ku nyėk'ėė'ya'ent . Tsuj tyany. Jate'nts yė muutsy ėjts nwe'ey nnėkajpyxy. Jate'n tsė'ėj. Mejts tėė ..., tėė mė muutsy? Tėė xyėk'ėyė jė muutsy? Tėts nmuutsy. Tėts jė muutsy nyėk'ėyė jėts jė njamyėėt ja ttajpėtsy. Ja'tsėtėn ėxyäm *nkosinė'äjtypy** [risa]. Jėts sutsėts yė tunk pėjkk yė'ėj x'ijxy? Wa'aj ..., wa'ax[ė] yė jyatytyuntėp ėw..., yää'tyėjk yė ntejn jyatyyėkwa'atėp jyaty... jyaty... jyatytyunkjėėjp'äjttėp. Pė säts ...? Kuts jė tė'ėxyėjktė, säts ja wye'ey ...? Ja'atėn jėntėtyääjk'äjtp. Jyatytyunk'äjttėp. Jėė'. Jotmėny ja ka'ap ėy jate'n ėy yyėk'ijxyė ujk yyėk'ejxkapy. Kuts jė pėn tnėjjäwė ku ja tė'ėxyėjk myuutsy. Pė tėkatsyėn ja nyėy'atsyėkpawėnmay tėkatsyėn ja nyėy'atsyėkjäwė. Pė säts mejts ja ja äm... muum t'ėyjyäwėtė tka'ėyjyäwėtė muum kyäjpxtė kyajkäjpxtė ku jate'n ja muutsy xkėjy? Pėtsėmp ja ääw ayuujk. Ku tėkatsy ku ja tė'ėxyėjk myuutsy, *pėrėj** ka'ats ėjts ja nmėjpėktä'äky. Ja'aj ku ėjts nnatyamėtsėky'ė kuts ja njėėn ja ntėjk 'yėyėt ujk ja njamyėėt nay[ė]te'n ntejėnt ka'aj 'yawäts'ė. Ėėj, jate'nts ėėtsėn nnapyutėk'ėyė jėts ja ..., kuts ja jyä'äty jėts ja ttajpėtsy. Nyėxäjėpts ja'aj. Kuts yė'ėj nmatyääjkėnt, ku ntej[ė]nt ja muutsy ja tė'ėxyėjk tyėkkėjy. Ku ėjts mėėt? Tsuj, *pėr** nėmajääw, ka'aj myay ku ntej[ė]nt ja nääjx xtäjt ku ja nääjx xjayėk'ookt, je'mytsy. Pė wan ku ja'ayė xyėk'ėyėt ja muutsy ..., ja mo'nts ntejn jajp xyėktėk'ėt mu'ujts'ii'nyjyėtypy. Ja'ayėts mejts ja xtajjantu'utt. *Pėr** yė'ėj *mäsė** nėmajjääw ku ntejėnt xyėknėjkxt määj ja ntejėnt xmuuts[w]ä'äny. Ja mo'nts ja nääjx xtäjyė'ėty xkää'pyė'ėty , nėmajjääw; ka'aj yė tė'ėxyėjk yė ntejėnt .... Kė..., pėn ntejn jot'amutsk, ujk ejxėm ėjts ntejn jot'amutsk, *pės** ka'ats ėjts ja jatėne'n xmay. Tyimyjya'ayė ėjts ja 'iiy oj nyėk'ėyė tutujkmakė'pyxy ja muutsy. Jate'nyėts ėjts ne'ekė tėė n'ukpä'ämpajtnė. *Pero** wa'ats yė'ėj ntejėnt nek'ėm ku nyėk'ėė'ya'ėnt. Kuts yė ntajmujkėnt namay, nė'uu'nk nė'unä'äjk , nek'ėmts yė'ėj. Jėė', jajp ntejn pėn, ejxėm ntejn ėjts jė njamyėėt ujk ja mijxy'unä'äjktė, n'uu'nk n'unä'äjktė ttunk'ättėt , kajats ėė nnapyutėk'ėyė. Maapy jate'n, *pėr** kuts tu'mytsyė ja ntejėnt ja tė'ėxyėjk ja'ayė ttunk'aty, mėjk nyėmajääwė, mėjk. Ka'aj yė myay jate'n. Ja'ėė'yėptsėte'n waajnjaty. Jate'nxėn n'ukwää'nėnt 'ėė'yėp waajnjaty . Kė'mxėn ja ntejėn ja natyunė ku ja janytsy may may tukxėėw nyėk'ėyėwyä'äny nyėk'ėyėwyä'äny, *kumė** poyjyė'kp ėjts. Tuktėnyėxė ja tyimyjyaj'ėė'yėkyėx[w]ä'äny. Tuktėnyė, *pero** ka'atsėn yė jate'n myay. Wa'aj jotwejtsp, yėkwa'ap yėk'ėxnėjkxp ku jate'n, jėė'. Nkė'ėj ėjts oj njää'wėn[y]ė kuts ja nkė'ėj oj pyėjkjė'knė. [Risa de ambos].Jėė', ja'ats ntejnė ka'aj myay *pero** tsuj ku ntejn xyėk'ėyėt. Tsuj, ku nnapyutėjkėya'ėnt jėts tsujk ku yė'ėpė xtėjk'ätt. Ka'ap yė'ėj twe'ey ka'aj yė ttsėky ku yė x'ajaaxėt ka'aj yė ttsėky ku yė x'ana'ajėt , ka'aj yė ttsėky ku yė x'ujkjėmpett x'ujk'atėjt . Tänp pėnė sääj tėė x[y]ėktany. Jate'n 'yity. Jate'nts yė muutsy. Jėts mėti'ipė nääjx ne'ekė tsokp mėti'ipė ėy tänp ku muutsy 'yėyė ? Tumsokp yė muutsy tumtsokp yė ėy ė mėti nääjx ujk muutsy'ėė'yėp ėy ė mėti'ipėjnääjx? Ka'ats yė ..., ka'ats yė nukė tysė'ėky, ejxėm yė mėti tsänääx, määj ja wa'aj 'yity ja tsääj, jitsytsyääj. Määj ja'apėjnääjx xpäätt ka'aj 'yity. Jėts mėtits tyimymye'etsynyääjx nayė ka'aj. Wa'aj tsojkėp mėtėk'ė, tsänääx. Jate'n jyäwė ttejtė, ka'aj nijka'aj tyimymye'etsyė kawėne'n nijka'ats tyimynyukė... nukėjtsay. Jėts mpėktääjkėtėp ja tsyen'ääy? Ja tsen'ääy . Ja tsen'ääy ujk ja kipy'axaa'k. Sämts ja jaaj nwä'äny. Jate'n yyėkpėktä'äky. Ja'ats mėėt nyapyutėk'ėyė. Jėė', jats mėėt nyapyutėk'ė[yė] . Jats muum, ejxėm ėjts, määj ntejn yääj nstėėnė, tsokp jė nääjx. Tsokp ja muutsy, sämtsėn ja ntejėnt tėė nyėk'ėyė. Ėyėpts ja'aj. Jats muum, män ja nääjx ntejėnt kyajtsė'ėky, yėkputėjkėpts ja jate'n. Paty yyėkpėktä'äky ja ja tsen'ääy ujk ja kipy'axaa'k. Jėts janytsyėn ja ntejėn ku ayuujk nyimy, kuk[ė]n ja ka'aj x'amääy'ätt ja ja mtsėnää'yėn ka'ats ja muutsy nay[ė]te'n tsyė'ėky. Sääj mejts ja xnėjjäwė? Pi sääj, ejxėm ėėts, ka'ap ėė tėė nwe'ey ..., ejtp ntejėnt jyanytsyyėktamtä'äky ja nėėj ku ja yyėknėxäjė ja nėėj ja nääjx. Ejtp ėė ntemy ja nėėj, jutmėny jate'n ėė ntejn nyėkputėk'ė. *Pero** ku ėėts ntejn ja ntseen ja pijy ..., janytsyjyate'n, ojts ja nmuutsy nnääjkyyėk'ėyėyė, janytsytyimykyäjpxäkp ja muu'tspė, pėn ja ntejnė oj ntakuwänė. Kyäjpxakypyts ja'aj. Kuk[ė]n ja ntejn jate'n ttsėky ujk jate'n ja tėė t'ejxpäättė ujk jate'n ja yyėk'amääy'aty. Jate'n ėjts ja n'ijxy. Kuts ėėts ntejėnt, ėjts ja nja'aj ntyimynyėmatyä'äky, Jate'n ėėts ja'ayė ntuny, tamtäkp wä'xäkp . Ja yėkjujky'äjtppė yyėktukmatėy ku ntejėnt yyėknėkė'ėjė yyėknėxäjjė ja nääjx *porke** ja'axė mė mwa'ätwanypy mnėjkiipyė mnėjmu'xėp ntejėnt ja jėėn ja tėjk . Jate'nts ėėts ja nja'aj ntuny. Tsokpts ja'aj, ka'ats ja sääj jyaty jėts kė'm ja jyäwė nay[ė]te'n ntajä[j]tma'ėnt sutsėn ja ntu[n]ma'ėnt. Ja'aj ku yė nay[ė]te'n ka'aj ttsėky ku yė xyėpapo'ojėt, ku [ė]xam yėkxon tėė 'yänkuk'ė jėts mejts ja muutsy xyėk'ėyėt, jaty'ė nyawya'kyxyė. Ajtuupyäjkp. Kuts ja nyėxy... nyėwyėnxėkėtä'äky x... xmuu'tsmėt, utya'akėts ja xye'kyxy, xye'kyxy ja tsunaxy jėts ja jėpy tėė jyuu'nnė, tėė, ėmts ja xtenyjyė'knėt. Xėėw jyä'tnė, ja'ayėts ja tyėtsnė. Jate'n ntejn tajjaty ttsėky. Tėė ėė ntejn ntyimy'ijxy kun ntejn jate'n ėė ntejn njajmuutsy. Kujkyxyė'et yėkxon njamyėėt twejtstä'äky; jawaantėk'ė, tėė 'yajtuupyäjkkixy, tymyjya'ayė nyawya'kyxyėyė. Jate'n. Tajjatyxėn ja'ayė ttsėky . Tajjaty ja'ayė ttsėky. Juunė ntejėnt yyėkmuutsy. Jate'nts yė ttsėky. Jėts yė'ėtsėn ka'ukyėkwänėp ujk yė'ėtsėn ka'ukyėktajjäjtnėp kun ja muutsytyėjk kya'uk'ėė'yėnyė. Tyimy'anėėj atsu'uky yyėktsėky, pyėtė'kt ja jėėn tėjk . Jajjaj, Ka'aj yyėknėjjäwė juunė mmuutst, ku *junyo julyo** nij suu kya'uk'ėė'yėn[y]ė Ja nėėj kyayajkypy. Ja nėėj, ja'aj ku myėnnė ja tuuj. Tėė njaak'uknėjtujknė, [ė]xajp pyatyė'ėyėyė. Ka'aj 'yuk'ėė'yėn[y]ė. Kuts ne'ekė mmuu'tstėk'ėt ..., nay ėy ku *enero, febrero**. *Enero**, nyėyjyääk[y]nyėjtyuup. *Pero febrero, marzo**, jatėn xtyimyyėkjėėnėt. *Abril**, tyėtsnė yėkxon ja muutsy. *Mayo**, anatuuj menėp. Säyė 'yatsminy, tėė tyajxatot'ė yėkxon ku pyäätyė ja nėėj ja tuuj . Jate'n. Jate'nts yė mėėt. Kuts[ė]n ja mjėėn ja mtėjk xyėk'ėė'yėn[y]ėt, ja wa'ats ja mėėt ja kipy, ja tseen ja päjpk. Pėnė tikipyėn ja ntejn mėėt wye'ey, *pėr** nay[ė]te'n ttsėky. Nay[ė] mo'nts, nay[ė] mo'nts. Nayjya'aj, jėė', nayjya'aj. Nayė mo'ntsyėxė ja yyėktajpojtsp. Ooj, ėy ja nääjx mėti muutsy'ėė'ėyėp nay[ė] ja'ats yėktajpojtsp. Jate'nts yė 'yėyė, ja jėėn ja tėjk. Jate'n tsė'ėj. Ka'aj, tėts yäm ja m'ääw m'ayuujk xkėyaky, tėts yäm yiin waan nmatyääjkyėm. Sutsė ja muutsy kyėjy? *Dyėskujuyėp**. Ėjts nxėėw Zaula Torres. Jate'nts ja ääw ayuujk tėė nkėyaky. *Dyoskujuyėp**. Ėjts nxėėw Victorino Vįsquez Martķnez