Teety, wan t'ukmatyääjkyėn. Eej, meti'ij ėxaaj yė ääw ayuujk mujkp ujk yyėk..., yyėk..., yyėkjaamyukwänp ujk yyėkkäjpxmukwä'äny. Mėti'its ja jaaj tėė nkajpyxy nnėmatyä'äky Ku ja .... Oy ja n'uktapatsoo'ntääjkėm[t] ja jėėn ja tėjk. Sutsooj ja jėėn ja tėjk ijty kyėjy? Yämpė tėkäjtsnėp, kaxė'kp tėkäjtsnėp. Nay[ė]te'ntsėtėn ja ääy ja ujts ja tyunk ja pyėjkk tyėkäjtsnė. Jate'nts ėėtsėn ėxaaj ujk jate'nts ėxaaj n'ukyėktsoo'ntääjkėm[t] ja kajpyxy ja matyä'äky. Mejts ja m'ääw m'ayuujk m'ukkėyäkp jėts ja nay[ė]te'n nkäjpxjėmpejtėm[t] nkäjpx'atsoo'ėm[t]. Jate'nx[ė] yė ėxaaj yė matyä'äky tyuu'yė'ėwyä'äny ujk jate'ntsėtėn yė jyayėktsėky jėts yė nkäjpxėm[t] nmatyääjkėm[t]. Jate'n uu'nk. *Pės** wan yė'ėj t'ukyėkmatyä'äky ja ja tety'amėjta ja majjää'tyėjkta ja tsyėnää'yėn. Säätėn ja ojts jyujky'ättė sän ja ojts tyėknäxtė ja tsyėnää'yėn? Ja jyėėn ja tyėjk, Sutsooj ojts tyėk'ėyė tyėkpäätė? Määj ojts tsyėėnė määj ojts jyujky'ättė? *Porque** jėėn tėjk yė'ėj mėj, ku tiij wėnmää'ny njajpääjtėnt *pės** jėėn tėjk. Määj njä'äjtėnt määj ntsoo'nėnt? Sutsooj ja nyėk'ėė'ya'ėnt? Tin.... Tiij tsojkėp? Myėtu'uk, *pės** ja tėjk yėk'atäjtėp ja tėjk yyėk'ejxkuk'ėp. Män ja ntėjk nkojėnt? [T]'atäjtėtė. Tyäjtė wyo'omtė. Kuts ja tyėk'ėyėjyėxtė jėts ja kipy t'ejxtė. Tikipy tyajxėnyėtėp? Tikipy pyoottėp? Tėė ja t'ejxtė tėė ja tkowtė ja et ja näxwii'nyėt määj ja ääy määj ja kipy. Jėts ja tpoottė ja xeny. Ja'aj ntejn myėtu'uk ja xeny mėti yėktajpo'kxp. Myėmajtsk, kujkäp. Kujkäp tėė ja t'ejxtė wėnääk ja tsyėky'ė. Jats jė .... Kuts tėė ja kujkäp t'ejxtė jats ja jatu'uk tpoottė, tenypyė. Tenypyė tpoottė jats ja päx. Tiij tyajpäxtėp? Tum tėė ja tnė'ejxtė tku'ejxtė, ...ja ttanėjpäättė. Ku ja päx tyėk'ėė'[yė]nyėtė, ten[y]p[yė] tpėktäknėtė jėts ja pyäxtė. *Kum[ė]** jats ja ujts jats ja kipy mėti'ij tyejtėp tsen'ääy, ja'ats[ė]nė tyėjtėp ja'ats[ė]nė tyanėjkuuptėp. Ja'anė pyėktä'äktėp jėts ja tėjk tyėk'ėyėtėt, tsėn'ätyėjk. Jate'n[y]ė, pė nukė xenyė. Ka'aj nnėė'mėnt kun ja pėtsy ku ja muutsy, nijtiij, nukė xeny. Nayė kipy pyoo'tėp ku ja tyėk'ėė'yėkyėxtė, tėė ja tnėjkuuptė tėė tyėknėjtuktė jėts nayė kipy tpoottė ja'ats tyanajwää'ptėp. Kipynyawääpy, jate'ntėn ja ttejtė ja tyėjku'nk. Jėts ja .... Kuts ja 'yėė'yėkyixy *pės** [ė]xaatsėtėn ja t'ejxtėt ja käm ja tuu' jėts yyu'utėt tyu'ntėt, tyäjtėt wyo'omtėt jėts ja myoojk jėts ja jyii'kyxy nėjkx tpėktä'äktėt, ...tne'eptėt tpėktä'äktėt. Tija[t]y'ujtsėtėn yyėkjėė'kxp? [Ja] moojk ja xėjk, [ja] moojk ja tse'ej. Jate'ntėn ja majjää'tyėjk. Kuts ja jate'n tne'epkėxtė ttunkėxtė .... Tits pyawėnmaatyėp? Ku ja *tyėmppė** 'yawėtity ku ja *tyėmppė** tpääty, ja moojk myujxnė ja moojk pyėtsėmnė, *pės** ja nėėj ja tuuj myiny jėts ja moku'nk myuxy ja moku'nk yyėny *pės** [ė]xats ja wėnmää'ny ..., [ė]xaaj wye'ey xyontä'äktė. Jam pyėtsimy ja ääy ja ujts, jam pyėtsimy ja jii'kyxy, tijaty'ėtėn yėkjėė'kxp. Jamėnet ja nėmatsytyėjkyxy jamėnet ja tsajptsi'ipy pėnė tijaty'ėtėn jii'kyxy'äjtp, tyajxontäktėp ja'aj. Ujk miny tėė tne'eptė *pės** [ė]xam ja miny'ääyėnet, tumjii'kyxy. Kuts ja jate'n ja *tyėmppė** tpääty, ja mok..., ja mokkėyuu'ėn, tėė ja moojk yyonnė tėė ja moojk 'yää'mnė *pėr** [ė]xam ja jyii'kyxytyė. Tyėk'ėtė mokkėyuupė, tyėkwä'ätstė ja myoojk, [ė]xam ja tsyajptsi'ipy, [ė]xam ja nėmatsytyėjkyxy. Jate'n ja txėmo'otė ja ääy ja ujts. Ja'ats ja yyėkkėėtėp. Ja'ats ja kyaatyėp tyojkxtėp. Tyuntė pyėktė, tyėkwä'ätstė ja nyėėj ja myoojk. *Wenė**. Jamts jatu'ukmė. Sääj ja tuu'nėn sääj ja pėjkėn, jate'n ja majjää'tyėjk yyėk'ayowėmtė. Jaaj 'yijty ja ja pujxja'ajp tyėėkyė. Ku ja pyujxja'ajp kya'ettė ėy jėts ja pujxja'ajp kuwänė t'atsjuytyė. *Kumė** ka'ajtsėtėn ja meeny ėy, tin ja meeny ..., määj ja meeny tsyoont. O[y]kėn ja poyjyi'iky, tum ja jemypyė ntajtuu'nėnt. *Ajpenė** ja t'atsjuytyė ujk t'anuu'kxtė, sääj 'yijty ja majjää'tyėjk nyatyunyėtė. Ja tyunpajt t'anuu'kxtė ku kya'ity ja meeny. Jate'nts ja myoku'nk tyėkwä'ätstė, tkėjyu'utė tkėjtuntė, t'ejxtė *tkwenttė'ättė** . Ja myoojk ja xyėjk ja janytsy tsuj tyėėmėtė pyėjtė *pės** jate'nėn ja t'ejxy'ettė *tkwenttė'ättė**. *Pės** [ė]xam ja jyėėn jamts ja tyėjk. Jamts ja kya'ėyė jamts ja tyėtswä'kxnė ja tsen'ääy, *pės** kuwän[ė]ts ja tyėk'ėyė, nayjya'ay[ė]pė tta'akuuptė. Jate'nts ja n'ijxy txėmo'otė. Määj tsyuny jėts ja nayė tsen'ääy tta'akuupėtė. *Wenė**, *pės** tėts ja 'yėyė tėts ja pyäätė ja nėėj ja moojk. Ja *tyėmppė** 'yawėtejtnė. Tėė jotkujk tyėkwä'ätstė, [ė]xam ja miny tėė myajay [ė]xam ja miny tėė jyootė, ja miny ja ttäjtė.Tse'ej tėė tyėėmė, tse'ej tyėkkė'ėtė. Xėjk tėė tyėėmė. Ja tse'ej tyėkkė'ėtė jėts ja xėjk ja ttakujtsektė. Jate'ntėn ja majjää'tyėjk 'yijty nyänykyjyii'kyxyėtė ujk xė'ėxy t'atstėjtė, xė'ėxy tyėkkė'ėtė. Nayjyajp tse'ejėtypy tpėktä'äktė. *Byenėn** ja 'yijty nyänykyjyii'xyėtė ja majjää'y. Jate'n ja jyujky'äjtėn ja t'atsyėknäxtė. Kun ja jate'n tėė tyėtskėjxnė [jė] moojk jėts ja tpėjkmujknėtė. Mäts ja tpėktä'äktėt? Nayjyajp ja t'akonė t'anukėtė mätėn ja ja tyėjku'nk tėė tyėk'ėyėtė. Jate'ntėn ja tėjk tyuny jate'n ja tėjk tsyopääty kun ja japyeen 'yėyė. Akujk jotkujk ja myoojk ja jajp ja tnu'ukjė'knė ku tėė ja *tyėmppė** tpääty: ja tsek'ääts. Jate'nts yė'ėpė jyėpkixy, yė'ėpė tu'k..., *tukkosetsy'ėpė*, ja majjää'tyėjk ja tsyoo'ntääjkėntė. Säts ja myiny säts ja yyė'ėyy ja xėėw ja jumėjt? *Pės** jate'n, säyėmtėn ja [ė]xyäm yyė'ėyy, *pės** ku ja amajtsk'äjtėn *kasäät'äjtėn** *pės** jam ja uu'nk jam ja unä'äjk ja yėkjujky'äjtpė xmėė'yėnt. *Pės* mäts ja jyä'ätt tsyoont? Jam ja jyėėn jam ja tyėjk, [ė]xam ja myoojk. Tėė tyėk'ėyėtė ja jyėn ja tyėjk. Mėjėp kajaa'ėp ja tunk, mėjėp kajaa'ėp ja nääjx ja käm mää ja tyu'uy tyuntė. Tiij jyėė'kxtėp. *Pėr** jam ja jyėėn jam ja tyėjktė, tjääkyėk'ėy[ė]tė ja'atė. Jajp jatu'uk, nayė tėjk. Ku jaanė ja 'yuu'nk 'yunä'äjk tpätnėtė, jya..., kyaxė'knėtė unä'äjk, *pės** kuwänėts ja jėėn ja tėjk tsyojknėyė. Kuwänė ja jėėn ja tėjk mėjjäwė ujk apiky jatu'uk: jam jė matääjk, jam jė jėntėpyajt, jam määj jė kaaky määj jė tojkx 'yėyėt. Kuts jatu'uk jate'n ja ääy ja ujts jaamė, tnė'ejxtė tku'ejxtė. May ja wėnmää'ny may ja nay[ė]te'n pyėtsimy ja tuu'nėn. Jaaj jatu'uk ja kipy. Nayė tėjk jate'n tyėk'ėyėtė nayė tėjk jate'n tpawėnmaytyė, t'atäjtėtė. Jajpts jatu'ukėnė kyaxė'ėkt ja tėjknėjpėk. Kaxė'kp jatu'uk pė nayė kipy. Wa'ats ja'amė ku nay[ė]te'n ..., nay[ė]te'n txenyėtė, nay[ė]te'n tnawääptė. Ka'an ja .... Ka'ap ja tyėkatsy nay[ė]te'n, nayjya'apė tėjknawääpykyipy. Tija'ayė tėkäjtsp? Ja nėjpėk. Päjpkkipy ja txėmo'otė ja majjää'tyėjk 'yijty, päjpk. Nay[ė] ėxaaj ja ääy ujts ėxyäm. Ja'ats 'yijty 'yakmėtėp. Oypyėtėn ja'apė, ėypyėjtėjkėn ja 'yėyė ja'apėjpäjpk'äk, t'aaktė. Ja'ats ja tėjk tyanėjpėjktėp, ja'ats ja tėjkėtėn tyuktaj'ėė'yėtėp. *Mäs'ėy mästsuj, mästė'ėts** jėts *mäsėjėnts**. Ka'ap ja 'yatupaky ka'ap ja myujy, ka'ap ja tiij. *Byenėn** ja ttajxontä'äktė ku ja'apėjkipy tpėktä'äktė. *Byenėtėn** ja wenkpė ja t'ėyjyäwė, ttsuj'ijxy ku ja tsuj ja jää'y ja päjpk'äk tėė ttajnėjkėny ja tėjk. Jate'ntėn ja majjää'tyėjk ja jyėėn ja tyėjk tyėk'ėyėtė. Jatu'uk, nayė tėjk. Jaaktyimytyėkäjtsp, jajp jatu'uk ja mää'yėn ja täjėn tpätmėtė. Jėts ja wenkpė tnė'ejxtė tku'ejxtė. _Tiij kumts ėjts yė ntėjk nay[ė]te'n n'ukyėk'ėyėt? _Tiij säätėn yė jää'y jė tyėjk tėė tyėk'ėyė? _Wa'ats jyäwė n'ukyėk'ėė'yėmyėp, nayė kipy. [Ė]xaxė mėjkipy, [ė]xaaj mėjtseen, yė'ėj n'uk'ejxmätsp, yė'ėj n'ukyojkėm yė'ėj n'ukpo'ojtėm. _Tiy ėjts jyäwė n'ijxy, tiy. Yė'ėj n'ukwa'ėm ..., n'ukmėtapyääjtėm jėts yė'ėj yė tėjk ntajnėjpėkt, yė mėjtseen ėxeej tyanė, tiy jė n'ijxy. _Ku n'ukyojkėnt jėts yė'ėj nkė'ėjtsėnt. Jats ja jatu'ukmė ..., tnėwä'äkėtė ja'aj. Tėė t'ijxy tėė tkėy, tėė jyäwė t'ejx[t]iy ku ja kipy tiy. Tsuj ja tseen tyanė tsuj ja kipy kyaxi'iky. Kuts ja tyoktė jėts ja tyėkwojtė, wėne'nėn ja t'a'ejxė, tukjä'äxywyojėn. Pė jam[ė]n ja *tukmėttrėn** yyėnyė pė nyėyjyate'nėntėn ėjts nnatsjäwė 'yijty. Kipy'äktėjk ja ttejtė. Jėts ja tyėkwojtė, mėjtseen yikxon tyėwojtė. Jėts ja .... Ja'ats 'yaktėp, ja'aj tsa'kxtėp, yikxon ja tkėėtstė. Ja'ats ja tyėjk tyanėjwojptėp ja'ats ja tyėjk tyanėjpėjktėp jėts ja tyėkxėpattė kipy kipy'äktėjk, kipytyėjk, jate'n ja tyyimyxyėmo'otė. *Pėr** kė'm ja tkėėtstė, kė'm ja kipy jate'n tyėk'ėyė tyėkpäätė, ttėjk'ättė. Tėn ja ttėjk'ättė ja majjää'tyėjk jate'n kun ja jate'n tmėtapyäättė kė'm, *kumė** ka'ap ja tėjknėjpėk määj. Tiij ja ėypyėjtėjk ntuktaj'ėė'y[a']ėm? Tumkipy jate'n yyėktunkpättėp jėts nay[ė]te'n tėė tnawääptė *pėrėj** ja kipy'äktėjk. Nay[ė]te'n tnawääptė ja tyėjk, tumkipynyawääpy. Mäts jatu'uk jate'n jėnėjkx ja wėnmää'ny mayayė, jėnėjkx ja wėnmää'ny yyė'ėyy. _Tiij kumts ėjts yėte'n n'uktapyäätt. Ka'ats jyäwė yėte'n ntusj'ijxy yė tėjknawääp. Jajp jatu'uk jėnėt. _Pė [ė]xats jė kipy ėxeej, jate'n jė ntėjk nyėk'ėė'yėntėt. Tiij wan yė kipy jate'n ttunkpääty. Jatu'uk wyėnmaakyakmė ku ja tėjk jate'n tyėk'ėė'ynyė, xee yäänė nyapya'ijxyėtė. Jėts ja jatu'uk ja wėnmää'ny tpääty: _Wa'aj n'ukyėk'ėė'y[a'ė]m, wa'aj jė ntsėjkypy. Yė kipy yėte'n npo'ojtėm, kipy yėte'n npo'ojtėm [...] jėts yė n'ajanmujkėnt. Jėts yė .... Jate'nts ja wėnmää'ny tyėkatsy jėts ja tsa'xpootė tyėkxėpajtmėtė, tsa'xpootėjkipy. Oypyėjtėjkėn ja nay[ė]te'n tkäjpxkaknė kun ja jate'n tumkipy ttėjk'ättė, tumkipy t'ėtyuntė. Määj pė yyėk'ėė'yėxė ja ..., tsujkonė tėė tyėk'ėyėtė. Jats ja kėjxp tpėktäkmėtė ja kipy, jats ja txė..., txėmėėmyėtė tanėjtėjk, mėktėjk. Jate'n. Tits ja pyėktäktėp? *Pės** nayė tsen'ääy. Ujk jats jatu'uk ja jii'kyxymyė mėti 'yijty tyejtėp *ariin**, *ariin'ujts**. Ja'ats muum wyėjmėtėp. Ja'ats may'amypy ja tyeky pyėjkjė'ktėp, ja'ats ja tyėjk tyanėjpėjkmėtėp. Nayė paxy ja'amė, nayė paxy jėts ja wa'aj tpėktäkmėtė *ariinteky**. Jėts ja wa'aj ..., nayė kipy ja ttanäxtsumtė, jėts ja txėmėėmyėtė ja näx..., tanäxtsuu'm: *pasetsy'ė**. Jate'n ja txėmo'otė mėti tyam..., tyanäxkäjptėp jėts tmėtsumėtė jėts ja ka'aj kyatsyetsy. Jate'n. Kuts ja tnäxtusmkixy tuknaxy jėts ja wenkpė tjaaktapatsoo'nkojmė, nayėte'n ttapanijkyxy. *Pės** nay[ė]te'n [t]näxtsumy. Jėnėjkx jate'n tyėkkupattė. Jėts jate'n txėmo'otė ja'aj, näxwėėn näxtsum: *pasetsy'ė**. _Tėė y[ė] myetsy, wants ja *pasetsy'ė** ttėjk'ė: Jate'ntėn ja nyakyajpxyėtė ja majjää'tyėjk. Jate'ntsėn ja tyėjk ja 'yijty tyėk'ėyėtė ja majjää'tyėjktė. Jate'n ja ..., kėja'ats ja wyėnmää'ny tyėkpėtsėmnėtė. Jate'nts[ė]n ja t'atstajjujky'ättė. Jatu'uk, nayė ujts, ku ja wyantijpyė kyaj'ity ja tėjknėjpėk, määj kipy amääy. Amääy ja kipy, *ajpenė** ja xyeny tyėk'ėyėtė, *ajpenė** ja kyujkäp tpäättė ja tyenypyė tpäättė. Jėts jė .... *Kumė** jats ja wa'amė ..., ėxam yė jaak'ėxmä'ätsytsyääjts mėti ėxaaj yėk..., yė keetsytsyääjts. *Pėr** määtėn yė jää'y yė twėkaatstė, määj yė jää'y yė tėė tmatstutnėtė jėts ja twėtsuktė ja tsäts'ääy. Ja'ats pyėjkmujktėp jėts ja ttanėjpėjkmėtė ja tyėjk: tsäts'ätyėjk txėmėėkyojmėtė. Tėė ja xyėėw tyėktėkäjtskojmėtė: tsäts'ätyėjk. Jate'ntėn ja tėjk kawėnääk. Jate'ntėn ja majjää'tyėjk nėtu'uj janėtu'uk ja jyėėn ja tyėjk tyėk'ėyėtė. *Pėrėj ja'atsėtėn japyeen , ja jėėn ja tėjk jėtsėn ja käm tnėwä'äkėtė jėts xeej yääj ja kyäm ttuntė tpėktė. Jyėyujk ja tsyaj[p]kääj muum tmėtsėėnėtė, sääjaty ja majjää'tyėjktė *pėrėj** jam ja tėjk, jam ja jyä'ättė jam ja tsyoontė, kyaaky ja tyojkx .... Japom japom ja jyėyujk ja tsyaj[p]kääj ja tpatsoontė. *Pėrėj** jate'ntėn ja jėėn ja tėjk japyeen 'yėyė pėnė määj awä'äts määj ja *lugar**, jamts ja t'ejxkuk'ėtė määj ja kyäm määj ja nyääjx ujk mäts ja ääy ja ujts, jamts ja tsaj[p]kääj 'yoktė jamts ja tsaj[p]kääj wyetettė. Jate'ntsėn ja majjää'tyėjk 'yatsjujky'ättė. Jate'n ja pyėktä'äky mėėt t'ats..., t'atsyėknäxtė sääjaty[ė]n ja tu'uk jatu'uk 'yatsjujky'ätt[ė] ja jää'y. Jate'nts yė'ėpėj ėxaaj yė jėėn yė tėjk jyėpkixy, jate'n yė'ėpėj jėėn tėjkėtėn ja majjää'tyėjk t'atsyėk'ėyėtė. Sääj ėxaaj tėė nnėkajpyxy: tumkipy, tum'ääy tum'ujts. Näxwii'nyėt ttsėmy'ity, tum'ääy tum'ujts tėė yyėny jėts jate'nėn t'atstajjujky'ättė. Jėts yė moojk jėts yė xėjk, sääjaty ntejėn ja namay'äjtk tėė jyaa'äjtmė. Wa'axė ja majjää'tyėjk 'yijtyė, nėwaanėtė; tum'apäk ja et, tum'äyjyoojt tum'ujtsjoojt. Wėne'nėn ėxaaj ..., exėm Jojk'äm yyėtijy; Joknėjotp, jate'ntėn ja majjää'tyėjk txėmo'otė, Joknėjotp jėts yė kė'm yė unä'ktėjk tyėknėpajtnėtė, Jojk'äm. Jate'n. [Ja wa'aj 'yijty ....] Kuk ojts ja majjää'y t'apoo'tu'uttė ja majjää'y, nukėk ja 'yijty yootsėn ja jok jam pyėtsimy yė nėėj mää yė nėėj [ė]xyäm pyėtsimy, ėxyäm. Nukė jok, jate'nėm ja jam t'ejxy'ettė yootsėn kyaxi'iky *pėrėj** yė nėėj jate'n pujxykyėp jam pyėtsimy. Patyėk[ė]n ja 'yijty ttejtė Joknėjotp. Kuts jate'n tėė tyėkäjtsnė, nyamay'äjtnėtė jėts[ė]n yė Jojk'äm tėė yyėkxėmėėnyė: Jojk'äm. Nėė' tuu' tėė 'yėyėnyė. Tėė, tėė ntejn ja käjp xeej yääj nyamay[ė]nyė jėts jė mėjtuu' jate'n tėė 'yejtnė sääj 'yijty jė mėjtuu' [ė]xem, Päätwenp yyėktijy. Tuknėė'm jyä'äty jėts jė akäts myėnnėtė akäts jyä'tnėtė. Tėė ja Xaam nyamay[ė]nyėtė. Jėts jė akäts nyäjxnėtė yääj jėts [ė]xam pyajtėk'ėtė, [ė]xem määj atėm ntijyėntė ..., wa'aj jam 'yijty yyėktijy *rancho Tejas**. Jate'n. Jam 'yijty jė *teejėstėjk**, tėts ja nwėn'ijxy. Jamts jė 'yijty ja wa'aj yyėkwėntsė'ėkėtė ja ..., ku ojts wėntsėn jyä'äty ..., nyäxkėtä'äky Mikyėjxp. Ku ojts *Distrittė** nyäxkėtä'äky Mikyėjxp. [Ė]xem ..., pė tiij *mil** ja'aj? Ka'ats ja njää'myetsy ja'apėj. Jeky'ėp ja'anė. Jamts ja tpättsowtė ja mikyėjxpėt ja wėntsėn. Kum ja Mikyėjxp tsyėėny jėts ja kutunk ja twa'atė ..., t'awejxtė jam Pat'ėx'äm. Jėts ja tyėkmuktė jė tutk, tyėkmuktė kaaky, tyėkmuktė moojk, tyėkmuktė xėjk, niiy kään. *Wenė** pėnė tijaty tu'uk jatu'uk .... Pėnė ka'ats pyėktä'äky ja tyäktė jats ja myeeny .... Pė wėne'n ja myeenyu'nk ja tyäktė? Pėnė ka'ats je meeny, pėn kaa'tsp, keetsy ja yyäktėp. Jate'n ja kutunk ja tyėkmuktė. Ja'ats ja wėntsėn yyėkta'awejxp jam. Jamts ja 'yukpėė'kyxy jamts ja t'ukwėntsė'ėkėtė jėts ja nyax jėts ja Wäjkwenp nyijkyxy. Nayė kajpyxy juunė wyėnpet[t] juunė jyä'ät[t]. Nayė [ė]xaaj yyėk'awejxkojmė, nayjyam. Jate'ntėn [...] ja majjää'tyėjk tyėktsoo'ntä'äktė. [Ė]xats tėė nnamayėntė nnamayėntė, tėė Xaamkėjxpėt nyamay[ė]nyė, t[ėė] yawätskėjxnė tukki'iyė, tumkämnė tumtuu'nė, tumjaanė. Tėė ja jėėn tėė ja tėjk tyė..., tyėkäjtsnė. *Pėrėj** ja'apėtėn jate'n tėė myėjtėk'ė ja'aj kipy'äktėjk. Tėts tyėkäjtskėjxnė tėė tyėkėėkyėjxnė, ka'anėp ja'anė. Wyėnmaakyaknė jėts jė mo'nts tėė tyėk'oo'nėpėjkėnyė unä'ktėjk pėntė[n] kujk wėn'ėjxwä'kxnėtėp. Nyėjää'wėnyėp, tyėktėkätswännėtė, jo'kx'äjtėnnė. Kuts ja muutsy tėė tyėkkojkaknėtė jėts ja muutsytyėjk tėė 'yėė'yėnyė. Yė'ėts tėė myėjtėk'ė ėxaaj. Jėts ja ojts kyaxi'iky ja tėjknėjpėkmė, *Karton, kartonk'äk kartonktėjk**. Ja'aj ojtsėn janytsytyimytsyuj yyėkjawė. Ja'aj ojts tjuy'ukwä'antė. Ja'aj oj .... May may [...] ojts ntejn ja'apėj 'yuktsopääty. Kuts ja kya'ėyė, ku tyu'uy jėts ja xyoo'knaxy jėts ja ..., mujp ja'aj. Ku tėtst 'yijty myiny jėts ja tyajkä'tstu'utyė ja *karton**. Ėxats jatėkoojkkėjym[y]ė, tyėkäjtskojnė jate'n, tumjate'n ja wijy'äjtėn kyaxė'knė. Ojts kyaxi'iky ja *lįmina** mėti jyäwė tsy..., *atbesė** xyėmėėtyėp. Ja'aj ojts pyėtsėmkojmė jatėkoojk, ėx'oojk. Ja'atsėtėn 'ėypyė tėė 'yukyėkkäjpxkojmė, ja *asbesėlaminė** Ka'ap ja myujy ka'ap ja sääj jyaty, ėypyė ja'aj. Tėė, tėė tyėkatsy, tėė myayėnyė. Jaanė ėjtsnė, ku yė tėė t'ejxpätmė, *asbesėlaminė** ojts jyä'äty. Jaanė ėjtsėte'nnė. [...] Ojts Tėk'ämjää'y tkoj'ukwä'äntė. Pė kumeenytsėn ja jää'y pėn ja ojts tjuk'ukwä'äny. Wenkėn ja yyėkjäwė kun ja ojts ja['aj] tyėjk ttajkoj'ukwä'äntė, Tėk'äm. Tėn ja jyääk'ity jate'n, *ajpenė** tėė tsyoo'ntä'äky *ajpenė** tsyoo'ntä'äky. Pėntėn ja myeenyu'nk jajp jėts[ė]n ja jate'n tjuytyė, tyėjku'nk tyėk'ėyėtė. [Ė]xats jatu'ukmė, pėntėn 'yijty jyäjtmėp, ja *yėkteejėskojpė**. Ja'atėn ojts jya'ukwe'ey ..., tja'ukyėk'ė[ė']yė kė'mkėjmyė. Nayė xaamkėjxpėttė, kė'm ja *tyeejės** tyėk'ėyėtė, *teejėstėjk**. Jėts ja .... Ja'atsėn ja tyėjk'äjtėp Tėk'äm, ja'ėn jė jää'y tyajtėjkkojtėp Tėk'äm. Jamyė ja tyėk'ėy[ė]tė jamyė ja tyėkkojtė: ja *tejas**. Jėts ja jam .... Jate'n ja 'yijty kyanėpäätė, pėn ja tsyėky'ajtypy, ...tpawä'äntė. [Kyata....] Tseptäkp ja nay[ė]te'nmė, wentėm ja *yyėkteejėskojpė** namay. Nėjäwė ja'aj pėntėn ja jyäjtėp. Pėntėn ja'aj .... Sutsooj ja ojts tnė'ėxpėjkėmyėtė, pė määj ja tpėktė ja wyėnmää'ny. Jėts ja .... Jate'nts ja tėė nyaxy ja *teejėstėjk**. Tėn ja tyuny tėn ja jeky ja majjää'tyėjk ttajtsėėnėtė. Jate'nėn ja tėė tkäjp'ättė Tėk'äm, *tumteejėstejk**. Ėypyėtėn ja yyėkkajpyxy, ja'apėj. Tėts[ė]n yė *laminė** jate'n, ka'ap ja tėė jyeky ėy ja *asbesė**. Tėn ja nyäjxkojmė. Jėts ėxats yė pujx'äk tėė kyaxi'iky ėxyäm, nayė ka'aj tėė tsyopätmė, jekyk[y]ėjmyė. [Ė]xaaj jėnäjxp, tėė unä'..., uu'nk unä'äjk wyejnė ėxyäm, ėxaaj nay'ejxnėy[ė]tė. Jėts jė *koläätė** 'yėė'yėkyaknė. Tėė, tėts tyėkatsy, yė'ėts ėxyäm mėjtėjkėnyėp. Tumyė'ėpėnyė, ė[y] määnė: *tumkoläätėnė**. Ėxayėmts ja käm ėxayėmts ja tuu', jate'nyėm yė 'yity, sän ja majjää'tyėjk ojts tyuntė pyėktė: ja jujky'äjtėn. Tits ėxyäm jaaktėkäjtsp? Ku ja namay'äjtėnė, ka'anėp ja käm, ka'anėp ja ääy ka'anėp ja ujts ukjate'nnė. Sämtėn ja majjää'tyėjk 'yijtyė. Tėė 'yamäätyäkkėjxnė. Ääy ujts ääy kipy, tukki'iyė ėxaaj tėė 'yamutskėkyėjxnė. Jatėn'amypyts tyėkäjtsnė. Jaymė ja tuu'nėn jaymė ja yuu'ėn,ja täjėn ja wo'mėn,[ė]xaymė jate'n, ka'aj kyutėkėy. Tiij ja'ayė ėxnijkyxy'äjtnėp ku ka'ap ja ääy ja ujts ukjate'nnė. Ėxyääyė näxwiinyėt, ėxyä..., ėxyätėn nmatyääjkyėntė: äyjyoojts ujtsjoojt ėxyääyė. Tėtsėn n'ijxy [ku]n nmutsk'aty, wėne'n jyėptä'äky [ė]xyaaj apatkė'm'et. Jaaj 'yijty ja ..., [ė]xaaj yė ääy yė ujts n'ukkäjpxm[a']ėnt: ja tsenjoojt ja xojjoojt, ja ..., Jaaj 'yijty ja paktsek jatu'ukmė, paktsek yyėktijy. Janytsy tėėmėp ja'aj, jaay majaty janytsy tii'ėn tyėėmė. Tsajpna'äkupäjkėn ja muum yikxon ja kyujtsarey, ėy ėėts ja 'yijty ntakuyaty: nmutsk'aty. Jate'n ėėts ja .... Janytsy pä'äk ja'aj ku ja yikxon tsyä'äm. *Pėr** tėėmėp ja tsäjptsko'onė, tuktsėnpä'tk. Pė jaatėn ja 'yijty ..., ėė ntajxontakypy *pėrėj** ėxyäm mämts ja x'ukpėjknė ja'aj. Jėts ja ääy jėts ja jėyujk jėts ja wyėtėttė ja joon. Ja'ats ja jyėė'kxtėp. Jaaj ja tsyä'ämy: *abrilė mäyė**. Ja'apėj, paktsek, paktsekkipy. Kuts ja jate'n ja ėė ntsėk'ijxy jėts ja joon ja paktsektsä'äm yikxon tjanytsyjyėė'kxtė. Ėėts jate'n tuktsenpä'tk ja ntsaj[p]kääj n'ijxy, ja ntety'amėj ja ja tsyaj[p]kääj n'ijxy. Jėts jė ..., ja jeyujk jate'n ėėts jate'n mėėt nnakyä'ätsė, ėėts ja mėėt nta..., ntakuyaty. Kuts ėėts ja ja paktsektsä'äm nkupėky jėts ėėts[ė]n ja nwėtuky kumė tsėk'ejxp ėėts. Jaaj ėėts ja ntsaj[p]kääj tuktsenpä'tk wyėtity. Tits ja tsaj[p]kääj, tsen'ääy tin ja 'yėjkypy? Pė jajpxė ja yiin waan; ujts'äätsu'nk pė ja'axė ja 'yojkmujktėp. Jate'n ėė nwėtity mėėt jė ntsėkumjakyoopė, jate'nts[ė]n ja ėė ntsėk'ijxy. *Kumė** ja'atsėn ja yyėktapawėtejtp mäjatyėtėn amääy ja et mäjaty ja 'yatstsėkė'ijxy. Jate'n ėėts ja ntsaj[p]kääj ja jyii'kyxy ntapawėtity. Ja'akėjxpts[ė]n ja ääy ja ujts jate'n n'ijxy ku jate'n tsyä'ämy. Jaaj jatu'uk, jaak [ė]xääj muum jyäwė ja ujtsmė, wa'aj ja tejmėtė: o'ojts. Ää ..., sutsooj txėmo'otė? Tėė njää'tyėkėėnyė: o'ojts, o'ojts'ääts. Jate'n, O'ojts'ääts. Tėėmėp ja'amė, nayė jyii'kyxypy jė joon ja'aj. *Byen** jė joon ja ttajko'omuktė mätėn ja tsyä'ämy. Wa'ats ja wyä'äny ku ja tijy twa'amėtė ja ujtsteem ..., wyėtujktėp ja majjää'tyėjk ja'amė. Jėts ja .... Jats jė wa'amė ..., nayė päjpkėn ja ujts t'ijxy: waaky ja ttejtė, waakykyipy. Nayėte'n sääj yė päjpk, tyimynyayėdte'n t'ijxy. Waaky ja txėmėėmyėtė. Mäts ja 'yejtmė? Apä'äjt, määj jo'kx'et. Jam ja 'yity. Jamts ja jate'n tyėktsoo'nmė pėnė sun ja tmėtapyätmėtė. Jėts[ė]k ja tyėkwėkė'ėtė, jėts[ė]k ja ..., uu'pykyėk ja yikxon wyėki'iy, uu'pykyėn. Jėts ja tyėkkomėtė awėnyjyėtypy pėnė sutsė ja 'yijty tmėtapyätmėtė *pėrėj** nyėyjyate'n jė nnėjäwė awėnyjyėtypy. Ku ja tjėnpėk'ėtė jėts ja yikxon wyė'uupy ukyėn jėts ja jajp ja 'yaxa'kxė awėnyjyėtypy. Ja'atsėk ja tya'oo'tsmėtėp. Kun jė majjäätyėjk yyėkkajpyxy, oo'tstėpėk 'yijty ėjts jė ntety'amėj. Ku ayuujk ja yyėkmatėy, oo'tstėp, janytsy jate'nts ja'aj. Janytsy oo'tstėp, *pėrėj** ja'apėk yyėktsopättėp ja'ajp ja kipyt[y]ė. Tnėjtėytyė jėts ja uu'pyky tijy yikxon tėė 'yakomė. Ja'ats myėtsoo'ntėp jėts ja kojpkwenp tmėnėjkxtė määj jė joon määj jė nėėj, nėkojpk, *tyemppė de kwaresmė**. Jėts ja ja joon jam ttajmuky ja nėėj. Kutėn ja et 'yany jėts ja joon 'yuuktė. Pė [ė]xamts jė nėėjėtėn tėė yyėknėj'ėėtsy jėts ja o'ojts jajp tuknėpää'. Kun ja joon jyä'ätt, tumjamyėts ja joon tyänkėxtė. [Ė]xamėn ja t'a'ejx[t]uky kuuyė tėė jam tyä'tspiky ja joon jėts ja jamyė tyėk'ooktė tyėk'ooktė. Jate'ntėn ja majjää'tyėjk ttunk'ättė *pėrėj** ja o'ojts ..., o'ojtsėtėn jate'n tsopätp, ja ääy ja ujts ujtstėėm. Jate'nts[ė]n yė ääy yė ujtsėtėn tėė 'yity. Kuts ėxyämnė, ka'ap määj n'uk'ejxnė ja ujts, ka'ap määj n'uk'ejxnė ja'apėj'ujtstėėm. Ėjxėm ėxaaj ja paktsek, nėmääj nka'uk'ejxnė ja'aj. Nėmäänė, tėė kyutėkėėkyėjxnė ja ujts. Paty yė joon ėxyäm myėnnė, jėnnėmennėp tėjknėmennėp. Tiij njyėė'kxp jaaj ujtsjėėjty, [...] tumkämnė tum..., tėė ja kipy 'yoo'kkėjxnėtė. Paty jaaj jėn'aki'ijy tėjk'aki'ijy, mäjaty ja pėktä'äky jaaj, tumyė'ėj tyamäjtsnėtėp kum[ė] ka'aj nėjtiinė ja jii'kyxy. [Ė]xats tumjate'n ja jäjtknė, *tanttės** ja jää'y tėė 'yakėjxėnyė ja kyäm ja tyuu', ja 'yääy ja 'yujts, *tanttės** ja jėyujk nay[ė]te'n ka'anėp ja jyii'kyxy. Jate'ntsėn ėxaaj yė jujky'äjtk ėxyäm ntejėn tyėkäjtsnė, myennė pyajtnė; tu'uk tu'uk [ė]xaaj ntejn mäjaty ėxaaj nyėwyėnkon käjp nja'ijxy. *Mäsė** jakam tėė n'ijxy määj ntejn tyimyjyakam, jääk'ämääy. Wa'an ja jää'y jajp, kanamayėp ėytyė kajkämtuntėp ėytyė. Ėjx[ė]m atėmėn, ka'ap ja ääy ujts 'yukyėkmaa'kxnė, tumkipy tumjä'äxynyė. Jääkjėnäjxp, ja tsenjoojt yyėknėwä'äjkėnyė, kutėkėy'atėtsp ja kipy. Jyääkjayėkni'ipy kė'm, [ė]xaaj tun'aki'ijy, tsuj nja'ijxy ku tėė yyėkni'ipy *pėrėj** nayė ka'apėtėn jate'n yyėny säm ja kė'm ja näxwii'nyėt tjakyėpy, yėk'ejxp. Ka'aj 'yukyonė ka'ap ukjate'nnė säm[ė]n ja ääy ujts kė'm ja näxwii'nyėt jyakyėpy'ėyė, sääj kė'm yyėny sääj kė'm myajaty'ė tseen. Majatyėts ja n'ejxpääty majatyts ja tsėėn tyanė *pėrėj** [ė]xyäm ka'aj määnė. [Ė]xamts jyayėkni'ipy tun'akė'm, tėm ja jate'n nukė wyä'k'ėė'yėnyė nijka'aj jyäwė 'yukyaa'knė. Jate'ntsėn ja *tyėmppė** tyėkatsy jate'ntsėn ja *tyėmppė** 'yijty, jaaj ääy jaaj ujts. Jate'ntėn jė majjää'tyėjk 'yatsjujky'ättė, jate'ntėn ja myooj jate'n ja xyėjk 'yity, tsuj tyėėmėtė, tsuj. Tėė jyääktyimyyėk'ijxy ku tėė nmutsk'aty.Ja ääy ja ujts, ja miny: ojts kyaxi'iky ja poopminy. Minyėn ja xyėėw'ajtypy, tukmääyjyoojt ttooktė *pėrėj** ėxyäm yyėkjää'myetsy, män n'ukpėjkna'ėnt. Tėė kyutėkėy. Tumjuy ėxyäm yyėkpätnė ja jii'kyxynyė. Tėėtėn ja jya'atsyėkyu'uy jya'atsyėktuny, tėts[ė]n ja nnėyuwė nnėtunė, tėts[ė]n ja n'ijxy paty yyėkjää'myetsy. Jootėp ja ääy ja ujts ku nnėyuu'ėnt ku nnėtuu'nėnt. Tėts 'yamäätyäkkėjxnė, ėxyämnė, ėxaatėn yėte'n ja *tyėmppė** yyė'ėyy *tyėmppė** nyäjxnė. Ka'ap ukjate'nnė sän ja majjää'tyėjk 'yats'ettė: jaaj ääy jaaj ujts, jaaj ja jii'kyxy. Jate'ntsėn jė *tyėmppė** tyėkatsy jate'nts ja yėkjujky'äjtpė ..., nėtu'uk nėtu'uk ja yėkjujky'äjtpė x[t]uu'nyėntė. Ėxyämtsėn yyėk'ijxy yyėkpääty ku yėte'n ja jotmay [ku] yėte'n ja wėnmää'ny. Ėxaanė ja wijy'äjtėn. Tiij yä'ät ėxaaj jate'n yyėkmatyäkp? *Pės** ja'ate'n jayėktsojkp ja wijy'äjtėn sutsooj tsyopäätt sutsooj tyė'ėt ja tut..., ja wėnmää'ny mėti'ij ja majjää'tyėjk ojts jate'n tjayėktäntė. Paty jate'n [ė]xyäm ja yėkjujky'äjtpė ntejėn nay[ė]te'n ..., *pės** mėjwėnmää'ny yė'ėj ujk mėjts ja yėjkjuky'äjtpė nmėjpėktääjkėnt ku nnamyėėjyėnt ja ääw ayuujk yä'ät. Ku jate'n nyėktsoo'ntääjkėnt sän ja majjää'tyėjk ja tsyėnää'yėntė ujk säts ja xaamkėjxpėt ja tsyėnää'yėntė. Jate'nts yä'ät ja matyä'äky ujk jate'nts yä'ät ja natyukmatowė. Ėxyäm tsyoo'ntä'äky ja ayuujk, [ė]xyäm yä'ät nmatyääjkyėntė: ee'px'änp ja keej *octubre**. Jate'nts mėku'uk yė ayuujk ėxaaj tsyoo'ntä'äky *pės** wantėn ttuu'yė'ėyy jate'n, *pės** wa'aj yė tänp ja jää'myajtspat jėts awä'äts, jėts myėjėt jėts kyajaa'ėt. Yėte'nts teety njaakyėktėėjėnpetwä'äny? Ujk [...] njaak'ukmatyääjkėnt, ujk njaakwa'ėm ..., njaak'uk[yėk']awėtejtėm yė ääw ayuujk . Eej .... Tijatyėntėn ja '[y]ijty? Ti'ujtsėntėn ja'aj mėtitėn xeny..., xeny'äjtp kun ja ja jėėn tėjk yyėkxenyė? njėjėj, jėė', yė'ėj yė'ėj, njėė, njėė'. Tiij .... Tikipy ti'ujtsėn jaaj tunp? Jėts ku yė ja kujkäp, ja tėjkkujkäp, nayė tikipy? Njėjėj, Njėjėj Jaxėn ja n'a'ejxė kawėnäjėėjp jatsėn ja n'a'ejxė nay[ė]te'n wė'ijxy wėtėkatsy. Pė ka'axė ja nukooj ėy mėti kipy, nuko oy mėti ujts tyuny, jėė. *Wenė** .... Ka'ap uu'nk, ka'aj. Yė'ėtėn iiy ..., yė'ėxėn..., naayjyaxėn nyėktsoo'n[ėnt] nkäjpxėnt, säm ėxaaj ntejėn .... Patyxėn jate'n ja ayuujk 'yawėtity. Ku yė jėėn yė tėjk, *pės** ja'atėn 'yijty ja majjää'tyėjk nyėyėktuntėp: tsenkipy. Tumtsenkipy mėti tiy. Jėts yė xeny: xoj. Xojkipy, yė'ėtėn ..., jėnts yė jawaanė. Jate'ntėn ja t'ayuujk'ättė. Xojėn yyėkpootp, yė'ėtėn nxeny'äjtėm jėts yė tseen exaaj tiy, yė'ėj nkujkäp'äjtėm. Nayė'ėts nwa'ėm ntemypyė'äjtėm, nayė tseen. Ujk pėnė japts ja xoj ti[y]pyė, oyts ja ntenypyė'äjtėnt. Jate'n. Tits npäx'äjtėm? Kapy, kapy'ėtėn pyäx'äjtėp, kapy. Ja'atėn päx nėjkxp. [...[ Kuts ja pyäjxkėxtė jatsėtėn ja tsen'ääy ttanėjkuuptė. *Ora**, jėts ja ..., kuts[ė]n ja wa'aj ja tėjk tnawääptė, *pės** pėn[ė] jajp ja tsenkipy may jėts ja tsaj..., [t]tsa'kxtė, ėy ja ė sääj tyėkwä'kxtė, ja'atsėn tyanawää'ptėp ja tėjk, nayė tseen. Pėnė japts ja xoj nayėte'n mėjtiypyė, ja'astėn ja iiy jyanysty'uktanamää'kx'oo“ktėp, jate'ntėn ja iiy ė säjaty pėn tyapyääty Tum..., tumyė'ėpė *Pėr** tumyė'ėpė, yė xoj jėts yė tseen. Jėė' yė'ėpė. Paktsek muum nay[ė]te'n pėnė ėy jyäwė t'ejxėwtė ja xeny, nayjya'aj xyėny'äjtėp: paktsek, *pėr** tyimyjya'ayėxeny ja'amė ntejn. Ka'ap jė päx ka'ap jė kujkkäp, ka'ap ja tyiyė ėy. Njėė', kipy'äjtp ja jate'n. Yė xoj [ė]xaaj muum tėėp, tiy kyaxi'iky ujk yė tseen nay[ė]te'n, yė'ėtsėtėn tenypyė yė'ėtsėn kujkäp. Jate'ntėn yė tseen tyunkpääty, tumyė'ėpė, tumyė'ėpė. Jėts yė ..., ku yė yė ..., yė tseentė yė ..., yė xojtė. Oy mėti tseen oy mėti xoj? Pė jaaxė yė nay[ė]te'n kawėnäkjėėjp. Jamts uu'nk. Jaaj, myė'ėx..., wa'atėn nyėyjaaaktiy muum yyėktijy yė xo'mkipy, xo'mx, yė xojxo'mx. Ėxaaj näxxoj [ė]xaaj jė jėnko'on, ka'apm yė ėy wye'ey ..., ka'ap yė ėy tmėwä'äntė. Nayė'ėj 'yijty jyä'äxy'äjtėp ėy: yė xo'mx jėts jė näxxoj. Jate'n. Jėts jė .... Jėts ja wa'amė jatu'uk: apyuum, ka'ap ja määj tyiy'aty. Tumnukė ..., jaj'awäj [jaj']axeeny ja yyėny'yėėky . Ja'ayė tjä'äxy'ättė ja'aj. Jate'n ja'amė. Tits ja apyuum wyänmė? Jaaktyimyjyajp yė'ėj jė jya'aj, ja jatu'uk jė xojmė: pääky ja ttejtė, ja pääkyxyoj. Ja'ats 'yijty 'yaktėp. Ja'atsėn 'yijty jė mėjknėėj tyuktapėtsėmėtėp. Jate'n jė jya'aj ja'amė mėti pääky tyejtėp. Jate'n t'ėx[ä'ätė] määj majpyxy muum tyanė ja kipy, 'yėxaatyėp ja'aj muum tseptujpy pėnė määj tpäättė jėts ja twė'aaktė ja kipy'äk. Ja'ats[ė] ja ja jo'kxpė tyuktajkėjputstėp . Ja'aj tyuktajputstėp. Ja'aj ntejėn jajp kyujpėjkėtėp awėnyjyėtypy jėts[ė]n ja tsätskė'ėj twoptė jėts ja jajp mėėt t'apėk'ėtė. Jėts ja .... Tėė tnėjäwėtė wėnäkxėėw tyėk'ettė jėts ja yikxon nyė'ėė'tspiky keetsyėn. Tėts[ė]n ja wėnaty tsyeky. Mämts ja tėė tyėkpattėpyėktė jėts ja jajp tjėnpatpėk'ė, nayė tu'ujts jėts ja nyė'ėė'tspiky. Ja'atsėn wä'ätspė pėtsėmp. Jate'ntėn ja tyėktunkpäättė ja xoj'äk. Jėė', *pėr** ja'apė ja'aj: pääky, pääkyxyoj. Pääkyxyoj. Jate'ntėn ja yyėkxėmė'ėy. Ka'atsėtėn n'ijxy määj yė ..., wyė'aktėpėk yė äpyuum nay[ė]te'n *pėr** pė sääj, ka'aj ntejėn yikxon ntyimynėjäwė. *Pėrėj** ja pääky, ja'aj, ja'aj jate'n ntejėn yyėktunkpättėp. Ja'atėn pėtsėmp, ja'apė. Kun ja tpattsunäxtė, wėne'n ja wyätskixy ja tsätskė'ėj, *pėr** ja'atsėtėn tunkpätp, yėkwėputstėp ja xoj'äk. Ja'apėj, pääkykyipy pääkyxyoj. Jate'n ja txėmo'otė. Jate'ntsėn yė xoj tyėkatsy, yė'ėpėjxoj. [Ė]xaaj yė jėnko'n, ka'ap yė ėy tyiyė jėts ja nxė'n..., wa'aj ..., näjx..., näjxxoj. Jate'ntėn yė iiy tyun'ooktė ku muum wye'ey *este** ..., [...] jääktyimyjajp yė'ėmė: tyajyuutėp yė'ėj. _Wa'atėn n'atspo'ojtėm näxxojyuu'n, yė'ėtėn jėnts. Jate'n. _Yė'ėj ntajyuu'ėm, yė'ėj jyäwė ėxaaj jyäwė yä'ät tsuj, yė'ėtėn ntyimypyo'ojtėm, ėyts yė t[y]i'itsy jėts yikxon yyėkpääjt: jate'n ja majjää'tyėjk t'ayuujk'ättė. Jate'nėn ja .... Patki'ijy ja tpoottė. Tyėktė'ėtstė. Jėtsėn ja .... Pėnė juunė ja tpääjtė. Jėts[ė]n ja ttajyu'utė. Jate'n. Jėts tii'.... Jėts yė xo'mx mėti tiy Ujk jajpts muum ja naxxoj tiy. Wėne'nėn ja tteem'ättė mėti'ij ntejn teem ku yyu'utė. Ja .... Jate'ntėn ja iiy ..., tumwė'ijxy ij[ty] tpoottė, jate'n. Ja'atėn ja yyu'n'äjtėp. Jate'ntėn ja tyėktuntė. Ka'aj yė .... Nayė ka'aj ėy yė xo'mx. Wa'akėntėn yė'ėj jė yyuu'nmė: yuu'nk, ku *klääpės** ttamėjwop'ėtė ja *märkėsut**: kėė'tsp. Jate'n'amypy yė ka'ap ėy ntejėn, näxxojėtėn juun. Jajp jatu'ukmė, nay[ė] ka'ap ja yääj ėy yääj apä'ättuujy 'yity, yuk'apijyts ja ttejmėtė, [ė]xem ja tun'akė'm. Jam iiy muum nay[ė]te'n t'ėxä'atė, ja'atsėn yyuu'n'äjtėp. Jate'ntėn ja majjää'tyėjk t'ėxä'ätė ja tyunpajt, ja'apė. Ka'ats ja tyėjk..., ėėj..., tyėjkxeny'aty tyėjknėjpėk'aty. Ka'ap ja tyėjkpäx'aty. Ka'ats ja tyėjkė. N'ėj'ėėj . Njėė' . Ka'aj. Wa'atėn 'yijty [ė]xejp Kojpkwinypy, [ė]xam tunjėxki'py [ė]xyämnė. ka'apėtėn ėy t[ėė] yyėkwėn'ijxy ja yukkipy. Yukkipy, tumja'atėn ja majjää'tyėjk 'yijty jyaakwėn'ejxtėp kun ojts yė Nėėpaa'ajpy yė ..., xeej 1940. Kun ojts tsyeptuntė Nėė..., Nėėpää'ämėt mėėt. Jatsėn ja 'yijty ja yukkipy jajp, *pėr** tumnėpää'ämėt ja yyoktėp. Tumyukkipy jajp 'yijty puknaapy kun ojts yė käm jajp yyėkpiky tijy. Jate'n ėėts ja nteetyu'nk tnėkajpyxy. Ja'atsėtėn kyėė'tstėp ja'atėn xyeny'äjtėp jajp'amypy. *Kumė** tum'uu'nkpėjyėtėn yė jajp 'yijty, tumyukkipytyė'ėts jajp 'yijty kun ojts yė nääjx tpėktė. Ja'atsėn xyeny'äjtėp, jaa'amypy, ja'apė. Jėts jatu'ukmė, kėjpyky tejtė, kėjpykykyipy, *pėrėj** jaak'ėxan ja muum jyääk..., *pėrėj** jaa'mypy, Tunjėxki'ijytso'amypy. Kojpkkėjxp, jam ja iiy jyäwė ja kėjpk muum. Ja'atsėtėn ja xyeny'äjtėp. Jate'n ja t'ėxä'ätė. Jatė'n tyėjkxeny'äjtėp. Jėts jate'n o sääj ääy ujts ttanatseetstė, määj ja kipy kya'ity. Ja'ats ntejn ja tėjk tyanatsee'tswėtejttėp. Jate'nts ja tmėtsum[ė] tmėwėėnėtė oy o sääj, kämwiiny kämjėėjty tyėk'äyėtė, jaats[o]'amypy. Jate'ntėn ja mäjjää'tyėjk tyėjkkojtė. Ėxaaj muum tsep..., tseptujpy, tyimyjyääk..., *mäsėjtsepwiiny** .... Ja yuk'any ttejtė: ja'ats ja 'tyatstsujktėp, ja'ats ja tyėjk tyanėjkiityėp. Ėmts ja tsujkonė 'yėyė *pėr** ka'ėmts ja tyimyjyėky. Tyimyjya'ayė yii'nėm ntėjk'äjtėnt. Kuyėx[ė] nkayėktuu'nėnt jėts ja kė'm ja'ayė xyakajtkėjxnė. Tėė nyėwätskixy ja tėjk. Ka'ap ja tyimyjyėk ja'apajtsääjts. Jate'n ja o sääj kämjėėjty ja tėjk 'yijty 'yėyė. ja'apė. Jaaxėn ja wa'apėj ėy tyik'ėyėtė mätėn myėjtsėėnė ejxėm yämėn n'ukkäjpxėnt. Jats[ė]n ja kipy'äktėjk, jats[ė]n ja *tejėmanilė**, ja wa'aj ja kipykyiitsytyėjk. Ja päjpk ..., ja päjpk'äk. Jaaj ja tyėkėytyė, ja ja päjpk ..., njėė', mjėė', jaaj. Jate'nėn ja'aj, Tėjk'äm ja myėjtsėėnėtė. Mäts ntejnė kämwiiny kämjėėjty. Jate'n ja oy o sääj ja yuk'anyu'nk t'atstajėjkė'ėtė ja tyėjk. Ujk pi'nytsy, pi'nytsy ttanėjtseetstė. Ja'aj ku pi'nytsytyėjk: kutsė'ėkė, wėjtėėpy. Tėė ėėtsėn ntyimyjyaty kė'm paty yyėkjää'myetsy. Tėjtsėn Tunjėxki'py jė ntėjk wėjtsä'äy. Yämts ja jėėn nyėkmėjė, tėė ja pi'nytsy myatsy'ė, [tėė] tyėpyiky. Moojk päät jajp ..., mo[oj]k ojts nyėjtate'nė.... Ja nteety ja myoojk may ttsejkmuktė, amuk'ė; ja'aj ku 'yijty ja majjää'tyėjk amuk'ė yyu'utė jėts ja wye'ey ..., ku ja ttsekmuktė ja myoojk jėts ja tyėkwä'kxtė. Wėnetts ja tėjk oj tyėpyiky, ka'anėm ja moojk wya'kyxy. Ojts ja moojk yikxon wyėjtėy. Jate'ntsėn yė 'yayoo'nė [yė] pi'nytsytyėjk, patytsėtėn ja wa'aj ėy yyėkkajpyxy ja ėypyėjtėjk, ja päjpk'äk. Ka'ap ja nukė jyėnmatsy'ė. Jėts ja kipykyiitsy mėti kipykyiitsy. Kė'm tėė tkėėtstė jate'n. Ka'ap nukė ..., ka'ap ja tyimyjyate'n. Kėjxp ja [...], ka'ap ja ääyėn tyimytyėpiky, kėjxpxė ja'aj. Ja'aj kuxė ja pi'nytsy..., pi'nytsytyėjk, tsananp ja ääpyu'xk äätyė'ėts jats pojėn jyėnmatsy'ė ku jėėn nyėkmėja'ėnt. Pė tėxėn kė'm ja tėjk ntyimywyėjtsä'äy, mutykyė, Tunjėxki'py. Patyx[ė]n ja njää'myetsy jate'n. Jate'n'amypytsėtėn ja ntejn amääy ja tėjknėjpėk. Oy ja ė sääj ntejėn t'atsyėk'ėė'yėy'ooktė, jate'nyė. Jate'nts yė'ėj. Jėtsėmts yė tseen? Tėts yė xoj. Jaxė yė kawėnäkpiky. [...] Jate'n ėxaaj jyayėk'ijxy jyayėkkėy kė'm. Ujk nayėte'nts tėė ..., [ė]xaaj ėė nayėte'n npawėtity, npanaxy npatėk'ė, ujk nayėte'n tėė yyėktuny yyėkpiky, ujk tėė yyėkjä'äxy tėė tėė yyėkpatsimy. Njėė'. Jate'n uu'nk. Njėė'. Jate'n uu'nk jate'n uu'nk. [...] Kuts yė tseenmė, pė jats yė jyäwė nay[ė]te'nmė kawėnäkpiky. Pė mėti'ij jatytsėn yė jaaj? Jaaxėn .... Yė poop ..., yė poop ..., yė pooptseen. Jėts apä'äjttsėėn yė yääj ttejmėtė, yää'amypy apatki'ijy mėti'ij yė tėjk..., tyėjk'äjtėp ja majjää'y. Yė'ėtėn ėy ku tyėjknėjpėk'aty ujk ėy mėtijtsen'ääytėn ėy? [...] Apä'äjttseen ttejtė. Njėė', yė'ėj, yė'ėj uu'nk. Ka'ap uu'nk. Ėjxėm yė'ėj [ė]xem anėjkėjxp yė pooptseen, ka'ap yė 'yėyė. Ka'ap yė 'yėyė? Ka'ap yė 'yėyė. Pojėn tyimytyėnė'ėkė. Jėė', pojėn tyyimytyėnė'ėkė, ka'ap yė jyeky. Kėtyimyjyajkp yė'ėj. Tyimyjyayė nukė tsujkonė pėnė tėėj nyėjtukkixy, tyimyjyaayė. Ja'ayė xnėwä'ktu'utt, mwėnpett, tėėj [...] pyu'tkėjxnė. Tumtėnė'ėknė jajp, yėte'n wyėko'ojnėpėjk[ėnyė]. Jate'nts yė ka'aj 'yėyė. Tiij yė ja'ayė wyä'äny?. *Mtablajėėtp**, jate'n yė tyunkpääty yė'ėmė. Jajtunp ka'aj kyajtuny *pėr** tumpu'uyn pyėtysė'mt, päxnė jė pyėtsė'mt pėnė tiijaty, *polinės** pėnė tiij, may'amypy. Jate'n'amypy yė'ėmė. Ka'aj ntej ntyimy..., ntyimykyäjpxėnt ku ka'aj tyuny. Janay[ė]te'nxėn yė apä'äjttseen määj muum tiy, kuwänė *biikės* tjėėttė. Jate'n. yė'ėj. Yė'ėj ėy. *Pėrėj** yė ääy, yė'ėj ..., tunp yė'ėj: ntajtėjknėjpėjkėnt. Njėė'. Yė'ėj ėy. Yė'ėtėn yääj ėė ntėjk'aty. Yää'amypy, yäjp jė ntsėėny *Guadalupe**. Jam ėj tėė nyeeky *pėrėj** ja'aj jam majjää'tyėjk'äjtp. Jėts jampäät[ė]n ja xja'atspatsėmtė, wa'aj apä'äjt? Mää'amypyėn ja x'atspatsėmtė? Jaaj ja yääyė? Kä'äp , pė ėxaaj ja yääj, ėxaaj ja yääj. Ėxaaj ja tseen, nayė ka'axė ja ėxam apatkė'm määj ėynyė. Tyimy'amääy jam yė tseen jyäwė, määj 'ijty ja tsenu'nk jam. *Pėr** ka'aj yäm pėn t'uktėjk'äjt[nė], tėtėn nyaxy. Pu wantsėn y'ijty ja majjää'tyėjk tėjk'ättė mätėn ja jam 'yijty tpät'ooktė. Jate'n. Nayė [ė]xyääyėtėn yė tseen mėti'ėn ėxaaj nmatyakypy, [ė]xyääyė apatki'ijy. Jaayė, nayė ka'aj yė määpäät jyakamė, mm..., määpäät kajaaj ntejn 'yawėtity. Jaayė [ė]xyääj apatki'ijy, yė'ėj nyijkyxy jaayė: yė'ėpėjtsen'ääy. Poopwa'aj ..., apä'äjttseen. Tukjėėjpy'ė yė'ėj ujk jaatėn yė majtsk tėkėkjėėjp, nay[ė]te'n? [...] Apä'äjttseen; jėė', apä'äjttseen. Njėė'. Tuk.... *Buenė** jajjaaj, *pu buenė**, ka'apts yikxon jatu'uk nnėjäwė, nukė ttejtė, nukė te'nytsy, te'nytsytsyeen ja jyäwė ttejtė *pėr** ka'ap ja 'yėyė ja 'yääy ku ja tėjk ja ntanėjpėjkėnt. Nay'apä'ättseen? Nay'apä'ättseen Ka'ap ja 'yėyė Timė mėti'ij jatu'uk, nay'apä'äjttseen ja ntyimytyejėnt, *pėrėj** ja'aj jė 'yääy jėnts. Kun ja ntyimytyajtsėnää'yėnt, yikxon ja jok ja myäjtsnėyė, yikxonts ja 'yėė'tsnė ja jok mėėt. Oy ja tėė jyajjėptujktutnė nėjkijxypy, ka'ap ja tsyuny. Jėė', jėnts, tė'ėts ja yikxon 'yity. Jate'ntėn ja kipyu'nk ja 'yääy. Jate'ntsėn tyėkatsy. Ejxėm ėxėm jėkojkpkėjxp yė pooptseen, yuu'nk jė 'yääy. Pojėn tyyimytsyėnė'ėkė. ka'aj 'yėyė. Jate'ntsėn nyėktuu'nėnt: pu'uy, päx. Jate'n. Jate'n tyun'ėėky yė'ėj. Jate'nts yė kipy tyėkatsy, kawėnäkjėėjp ntejnmė. Ka'aj tu'ukyė tumjate'n ja 'yääy. Jate'n'amypy. Yė'ėj, [...] kojpktseen: yė'ėj ėy tyimypyu'uy pėtsėmp. Mėti apä'äjttseen, yė'ėj tum[...], japėtsėmp ja pu'uy *pėr** tumwėnmutsyky, tumwėnmutsyky. Ka'ap yyeeky mėj. Ka'aj ntyimynyėė'mėnt ku nukė ntejnė ja muum kyatyimy'ėyė, ka'aj, kipy'äjtpėn jate'n. Kipy'äjt'oo'kp jate'n. Jate'nts yė tseentė. Yė'ėtsėn tukpiky'ė, [ė]xam yė pooptseen, apä'äjttseen, te'nytsyee...tsyeen. Jėts apä'äjttseen, jėė', njėė' . Pė jėts jatu'kmė, tum'ujktėp. Pė .... Määj yė apä'äjttseen, nayė ujkp, uky, tyimy'ukytsyeen, tyimy'ukytsyeen. Jėts jė .... Nayė pooptseen kėjxmė, nayė ujkp nay[ė]te'n. Ja'ayėn ja majjää'tyėjk 'yijty muum tsyenpoottė kojpkkėjxp, muum tpää.... Nukė jä'äxėn t'atsyėkwojtė, ja'ayė ttsa'kxtė jä'äxyėn *pėrė** jukytsyeen. Tumjate'nėn ja majjää'tyėjk 'yijty tsyenpoottė, tumtseen. Ka'ap yėte'n sääj ėxyäm. *Pejtrol** ojts jyä't'ukwä'äny, ėypyėn ja'aj. Ja'aj ku jyanytyimywyiixy. Tėts ja jyaaktyimykyutėkėy, [ė]xats yä'ät tėė kyaxė'knė. Tėtsėnet tyėkatsy. [Ė]xats ja ääy kipy tėė kyutėkėy, yä'äts ėxaaj jäj'äjtnėp. Jate'ntsėn yė et tyėkatsy *tyėmppė** tyėkatsy. Jate'ntėn yė ääy ujts tyuny ujk jate'nts[ė]n yė tseen tyėkatsy, ujk jate'nts yė tseen, tumjajp ja tyunktė. Ka'aj ntejnė meti'ipė kyatyimytyuny. Majtskpikytsėtėn yė jyatytyuntėjė ku yė jėėn tėjk 'yėyė, yė xee' yė xoj jėts yė tseen. Yė'ėj. Jate'n yė'ėj, jėė', jate'n. Jate'n, jėė', yė'ėj tuntėp. Jėė', yė'ėj, yė tseen, päx, wa'aj ..., kujkäp, tenypyė. Jėts tijaty'ėtėn yė tėjk wya'aj y..., tyeky'ajtypy, yė kyipy'ajtypy. Määj .... Tijaty yė xyėėw? Tėxė ėxaaj yyėkkäjpxpėtsimy ku xeny, kujkäp, tenypyė, päx. Njėė'. Eej, mėti'its jė ...,? Ja ..., jajjaaxė nnatsjäwė xyėėw. Tijaty yė xyėėw mėti'ėn yė kyuwets'äjtėp? ujk eej, määj yė nyatsyak'ėtė määj yė nya..., nya..., nyay'axojtsmuky'ėtė yė kipy?. N'ėėj, N'ėė. Wa'ėmts uu'nk yė'ėj, kun jate'n ntejėn määj yė..., Ja'aj ku jate'n t'axojtsmuktė, tu'uk *suleerė** txėmo'otė, *suleerė** jėts jatu'uk tajwets'ė mėti kujk'ääjy yėte'n yyėknäjxtėp jėts ntejn yäjp tjėyo'otstė jėts ja t'awoo'nmuky, tajwets'ė. Njėė', jate'n ja txėmo'otė jėts yėte'n muum pää'äm, nay[ė]te'nėm ja ttakujkapy jėts nay[ė]te'n tjėyė'ėtsy, ja'ats *suleerė** tyejtėp. Kuts ayuujk?, ayuuujk[ė]n ja...? Pė tim, pė sėm? Pė ayuujkxė ja majjää'tyėjk ja t..., *suleere** txėmė'ėy. Pė sutsė ja ntejn tyėk'ayukpėtsėm[tė] *pėrėj** jate'n. Jėė', *suleere** txėmo'otė. Tumja'axėtsėn nukė ntyimyyėk'ayu..., pė nuk[ė] kujwets, kujwets. Ja'axė nukė njää'myejtsypy ku kuk'ääjy tpėktä'äky, tajwets'ėts ja xyėėw. Jate'ntsėn ja txėmo'otė tajwets'ė. *Pėrėj** jyėyo'tstėp ja yäjp jėts ja t'awoo'nmuky. Jate'ntsėn yė ..., yė'ėpė ..., jyė..., wa'ats jė .... Jääkjajpxėnėt yė'ėj, [ė]xaaj yė'ėj .... [Ė]xaxė yė pu'uy[ė]n ja jya'aj pyäätyė ku yė pu'uy ja ntijy. Ku tėėj ja jėėn ja tėjk 'yėė'yėnyė tyėkäjtsnė, [ė]xaaj muutsytyėjknė [ė]xaaj tiinė jėts jate'n ntejn ja ja pėtsyu'nk 'yėė'yėnyė. Muutsypyėtsynyė, tėė tyėkäjtsnė ja *tyėmppė**. Jėts ja .... Jats[ė]n ja wėnmää'nymyė, *kumė** ka'ap ja jė'ėjt jate'n sätėn ėxyäm yė jė'ėjt jaanė, *mottėsyeerėnė**. Kėjė'm[ė]n ja jyėėtt[ė] ujk ja'ayė twėntsatstė o sääj tmėtapyäättė jėts[ė]n jate'n ntejn tpatkäp'ėtė. Jėts ja pu'uyėte'n ..., nay[ė]te'n ja tsetsy ė sääj ja pu'uy, kė'm tėė twėntsatstė. Ja'atsėn yė tyakujkiy'oo'ktėp jajp tėjkjėtypy, jajpts ja myoojk tkėxko'omėtė, ja majjää'tyėjk. Kėx'ääwmoojk, jėts nyėmkojmė; kėx'ääwmoojk jajp tėė yyėkkėxko'otė. Tėė ja tpu'uypyatkiyėtė. Jajpts ja myook jate'n tjakyaptė, ja myoojk tyėk'ettė jate'n, tpatjoktė ja'aj, [ė]xajp ja jėėn, [ė]xajp [ė]xajp yėte'n ja moojk t..., tėjkkijxypy, patkiyė. Äjtskmėėt ujk tsiky? Njėė. Ka'aj, tyimytsyikyxėtėn ja'aj, wä'ätstsiky. Ja'atėn jajp jate'n tėė tpėjkjė'ktė, t'ajko'ojėtė jajp. Jėė', jate'n. Jate'ntsėn ja pu'uy tyuny, ttsajtstėwtė; ė sääj kasätėn ja tmėtapyäättė. Na..., namyėtuujnėpxėn ja'atė kun jate'n ja pyu'uy ttsatstė jėts[ė]n jate'n tpakiyėtė ja myoojk, tyėktė'ėts'ettė. Jate'ntsėn yė yė tiypyėjtseen tyuny ujk pooptseen tyuny. Jate'n tts..., ttsajtswėntėwtė, tkėėtstė ė sääj 'yijty ttuntė. Jate'ntsėn yė kipyu'nk jam'amypy anėjkėjxp tyėktunkpäättė. Jėė'. Jate'n teety. Ots jė 'yuk'atspoo'kxt. O n'uk'atspoo'kxėm jėts yė 'yukkäjpxmėtėt 'yukmatyäkmėtėt yė ..., [ė]xaaj yė ntääktė. Jėė'. Jėts jė .... [Ė]xajp yė may yė ääw yė ayuujk, ėyts yė jate'n säm ėxaaj yė ääw yė ayuujk yyė'ėyy ujk säm tėė xnėmatyä'äky, eej ..., ka'pyxyts hyė yyėknėmatėy ujk ää'tsptsėtėn ja ayuujk ää'tsptsėtėn ja wėnmää'ny nay[ė]te'n Jey? Oyėp pė tiij yė'ėj. Jate'n uu'nk. Eej, japtsėnet jaak..., njaakyėktėėjėmpetwä'äny ujk nay[ė]te'n njaakė'amėto'ot njaakpėjktso'ot mėti ėxaaj tėė yyėkkäjpxpėtsimy. Eej. Pėnė säts mejts? Ėtsėn njaakyėktuu'yė'yėm. Jėė', jėė', ots yė ..., ots yė njaakyėktuu'yė'yėm Tyimykyė'm, pė tėxė yyėknėwä'äkė Yė wa'aj yė ..., yė päjpk nay[ė]te'n jėts yė'ėj tėė xkäjpxpääty ku yė tyėjknėjpėk'aty, ku yė yyėk..., yyėk.... Ja kipyxėtėn yyėkpoo'tp, ja päjpk, sutsėtėn ja 'yėyė, suts[ė]n ja ...,? Pė tanaapyxėn ja'aj, Ja'ayėxėte'n kutėn ja jam tyanė pėnė tėė ja yyėk'ejxiy ku ja wa'aj..., kun ja..., ja'apė npootwää'nėm . Tumja'apėxė pyawėtejtėp mėti yikxon tiy, ka'aj 'yawäjmėėtė jėts ja t'apoo'ttuktė *kumė* tanaapy ja kipy. Tėė yikxon t'apoo'ttuktė ėx'ajpy jėts kupäjkp, wėne'n ja yyėny'ätt ja kipy'äk. Kuts jate'n tėė tyikwojkėxtė yėte'n, tnapoo't'awėtettė atsow atuuk ėx'ajpy, tpapajtėjk'ėtė. Jėtsėn yėn'amypy yääj t'ajtsa'kxpäktė, yääj yääj, jėts yėtėn'amypy ja'ayė tnėjantu'uttė, jėts[ė]n ja ja'ayė tyėktėwtė yėte'n. Jate'nts ja ttėjk'ättė. Ja 'yäk ja'ayė ujk nay ja .... Ka'ap ja tyėkkėtäwtė. Ja 'yäk ja'ayė, ka'ap ja ka'ap ja tyėkkėtäwtė. Ka'ap ja tyėkkėtäwtė, tyimyjya'ayė ja tanė t'aaktė. Jėė', ejxts ja nwä'äny, yäjp ėx'ajpy tėė tnapoo't'awėtettė, tėė ja yäjp wyojkixy jėts wėne'nėn yyėny'ätt jėts yääj nay[ė]te'n tyėkwėjy jėts ja'ayė yėte'n tėė t'ajpoo'tpäktė ja 'yäk yääj tanė. Jėts ja ja'ayė tnėjkityu'uttė, tanaapy ja kipy, tanaapy ja'aj. Jate'n ja tpawėtettė, määjaty ja tsuj ja kipy, tiy. Jate'n, jate'n ja t'aaktė. Jajkptsėtėn ja n..., n'a'ejx[ė] jeky ja wa'aj ..., ja ja'apėjtėjnėjpėk, njėė'. Jajkpėmts uu'nk ja'aj. Jajkp ja'aj. Njėė, jajkpxėn ja'aj. Tumja'aj jė yukpėt 'yijty tyėjk'äjtėp. Tėxė ėėts ja nwėn'ijxy. tumja'apė tyėjk'äjtėp. *Byenė** 'yijty tnė'oojtė ku muum yė Xaam Kujtsää'yjyė'm 'yats..., 'atskipy'aktsoontė Yukpėt kyämjėtypy 'yetjėtypy. Ku ka.... Janytsy tiy ja kipy, ejxk'atyėm ja n'ajkoo'n[a'ė]nt poyjyi'iky. Jate'n. Jėts yė Yukpėt ja tku'änpėktė ku ja Xaam jajp 'yatswėtėttė. Jate'ntsėn ja kipyu'nk tėė tyuny, jate'ntė ja ..., *pėr** tumtiypyė mėti tiykyonė tsdujkonė. Jėts tuktėnyė ja tkuy'akkėxtė ja 'yujts ukj waajnjaty? Määpäät tiy, janytsy jate'nxėn ja'aj. Jėė', ka'ap ja'aj. Määpäät ..., määpäät tiy, määpäät .... Mėti awäjmėėt, ka'ap ja'aj. Pė tumjutxė ja tyänkėjxnė ja awäj. Ku awäj nwėpo'ojtėnt, kuts ja x'aaktėnet, pė tumtajut ja tyänė. Tsunp ja'anė. Tumja'apė mėti tiy, tum'amuum yikxon tyany, yikxon tnėjjupy. Tyimytyum ja 'yäk ja'ayė, ka'aj, ja ka'ax[ė] ja kyipy. Jate'nėn ja ..., [...]. Tyimytyum'äk. Kä'äp jė kipy, juu', ka'ap jė kipy, n'ė'ėėj . Tanėxė ja ja'ayė tyimy'atsyėknė'eeky ja kipy, tanė. Jate'n ja tpawėtettė. Ja'ayėtėn ja ..., ku ja kyanėėnaxyė; ja'ayėtėn ja nyėjkujk tyėk'ėyėtė, sutsėntėn ja ttanėjkojtė, nyėyjkya'ayė? Njėė' . Nyėyjya'ayė, nyėyjya'ayė; wėne'n ja nėėj jate'n kye'eky yėte'n, tumyėte'n. Jate'n yikxon ttajėkė'ėtė atsow atuuk. *Byeen** tsujkonė, jajkpxėn ya yikxon ja kipyu'nk. Patyxė ja tpawėtettė mėti mäj..., majpyxy ja 'yäk muum. Jate'nts ja tpajtsėmtė. Jate'n ja tyėktunkpäättė *pėrėj** tum ja tiypyė. Jėts jaaj yė nyėxėėw nyė'et yė'ėj, juunėtėn yė yyėkpėėty yyėktsetsy, yyėkki'..., yyėkjiity yė kipy yė ujts? Pėnė juun ja kipyu'nk, patyxėn ja twė'ejxtė mėti mėj. Mėti mėween yikxon yėte'n aya'ppäjkp, tu'uk ja kipy'äk yėnne'n, jatu'uk nay[ėte'n]; pojėnts ja tuktėjk kya'pyxy. Jėė', patyxė ja twė'ėjxtė, mėti mutsykyunä'äjk muum, mutsykykyonėts ja iiy yėte'nėn wėnkuj..., wėnmutsykyėt ja 'yäk ja wyėnaky Pė tum ja'axė ja pyawėtejtėp mėti yikxon yėnnė'nėn aya'ppäjkp, mėj ja kipy. Ja'ats ja 'yaktėp.. Mutsy tsawäk, Sutsėn ja ttanėjkė'ėtė ja tyėjk? Tummutsy Ka'aj, mutsy, tummutsy. Jėė'. *Byėnė** janytsy tsujėm, tsė'ėtsykyonė tėjkjoojt npat'ejxėnt. Jate'n ja tyėk'ėyėtė Ja'apėxėn jatėkoojk ukyėktanė'ejxp. Jamts kya'ėyė ku ja kipy jaaj? Pė jatsėn jam nnėjkxėmė Yukp kyämjotp Jėtsxėtėn ja ..., njėė. Pė nay[ė]te'nėmts uu'nk jam tėė kyutėkėėnyė. [...] Ka'axė määnė ja kipy nay[ė]te'n. Tėxė ėxaaj tyyimytyėjäjtskėjxnė, kux[ė]n jate'n muum ja kipy [...] Kujtsääyjyė'm. Jate'n muum yyėk'eeky ja kipy, ja tyėtsnė janytsy tiy ja kipy muum. Jėts ja Yukpėt ja tpo'ojtjė'ėktė jėts ja yikxon tu'mts .... *Kumė** tumkė'äm ttsatstė jėts ja *biikės** ja ttsatstė. Tyėk'ėyėtė ja kipyu'nk tsujkonė, tnėwetstė ja'aj, pėnė sutsė ja tmėtapyäättė ja Yukpėt. Jėts ja Mikyėjxp tmėnėnjxtė jamts ja ttoo'kmėtė. Mikxėjxpėt ja yyėktamėtoo'kp. Ja tėtėn ja tyyimyyėkpääty tyyimyyėk'ijxy jate'n kun jate'ntėn Mikyėjxp tėė nyė'ėmyė. Jate'n ja tmėnėjkxtė jam mää'..., määy'ejxpė, kipy 't'atstooktė. Jate'n jam ja ttunk'ättė, yyėk'ėxänėp nay[ė]te'n, yyėkpawä'äny. "Jaaj mejts jė nja'aj tsajtsėt jaaj mėjts jė nja'aj xyėkkėtä'akt," nėmp ja Mikyėjxpėt jamė. Jate'ntėn ė sääjaty ja jujky'äjtk nyaxy. Jate'ntsėn ja tyėktunkpäättė ja kipy ku ja muum tyėtsnė mėti tiy. Jate'n. Jėts tukjėėjpyė yė tseen ujk jan yė nay[ė]te'n majtsk tėkėkjėėjp? Yė ..., yė tseen, yė wa'aj yė päjpk? Yė..., wėnääjkjėejpėn yė 'tujts'aty? Yė tseen? Yė päjpk? Majtykyėx[ė]n yė ja'ayė, ja'aj kun ja ..., mėtits ja ntijpy ja jaaj, ja wa'aj..., ja o'ojtskipy, ja pääky, pääkykyipy, majtskjėėjp *pėr** tyimynyayėjpäjpkėnx[ė] ja kyaxi'iky, tyimynyayėjpäjpk Pė tunpts ja nay[ė]te'n pėnė sääj ja'amė, kum..., pėnė määj ja majpyxy pyėtsimy. Ja'aj ku ka'ap ėy yyonmė ja'aj,tėxts ja ntyimyjyawėn'ejxmė ja'aj. ka'ap ja kėjxp ėy mäpäät tyimyyėny. Ja'ay[ė] kun ja jate'n muum tėė tyėtsnėmė, mutsk *pėrėj** mutsk tyanė, mutsk. Ja'atsėtėn o'ojtskapy, o'ojtskipyėn ja txėmo'otė kutėn ja tyėkwėkė'ėtė tyėkwė.... Nayė jajpäjpk ja'aj, ja'aj kutėn tėkatsy. Ka'axė yė päjpk 'yuupy, ka'uu'ppxėn yė päjpk. Nayė päjpkxėn jaja'aj? Uu'ppxėtėn ja'aj kutėn ja njėnpėjk[a'ė]nt, yikxoon uu'pykyėn nyėwėxa'kxnėpėk'ė. Jate'nts[ė]n ja tyėkäjtsmė, jan'amypy ja tyėkatsy. Jėts yė päjpk, ka'ap yė ėy tyėjkxeny'äjtmė tyėjkpäx'äjtmė? *wenė**, pė sääj uu'nk yė tiij? Ja'aj kuxėn yė yääj ka'ap yääj, ka'aj määj yė päjpk yääj. Yukpėt 'yetjotpxėtėn yė'ėmė. Pė tiij yė xyėny'äjtėp? Yė päjpk? Ujk tunkpätp yė jam'amypyėj? *Wenė**, ka'ats yė Yukpėt nnėjäwė. Pė tiij yė xyeny'äjttėp? Jate'n'amypy ka'aj yyėknėjää'wėmyė. Jėts kun ja kipy'äktėjkmė, tseenxė ja xijy yėktunypy? Ja'ayėn ja jate'n ttsa'kxtė, jä'äxėn? Ja'ayė nyėmyėweenjaty? Tseenėmts ja'aj, tseenxė ja'aj. Ja'ayėxė ja yikxon ttsa'kxtė ja jä'äxy. Ja'ayė ja tummėweenjaty pyėtsimy, patyx[ė]n ja yikxon tėė tnė'ejxtė ku'ejxtė mėti tiy, mėween ja wyėye'epy. Mėti'its *ajpenė** kyėė'tstėp, wėnmutsyky[ė]n ja ..., yikxon ja tnėw..., tnėjkäjppattė, [...] nėjpat, yėte'n ja tyėkkojtė. Ja'atsėte'n..., *eso si**, ja'atėn tiij janytsy jėkujk jėts ja nėėj ja kyukye'ekyė Jate'n yė yyėkkajpyxy jėkujk kun yė ...,? Jate'n, jėė. Jėkujk yėte'n, jėkujk, jėkujk yėte'n. Yė wa'aj ntejn ..., nyėjkyėjxpxėn ja tyanė? Mėti'itsėn nukė ..., nukė yėte'n, yė'ėtsėn nukė nä'k, nä'ktėjk. Jate'n. Wėne'n ja nėė'u'nk iiy kye'eky. Meti'itsėn jėkujky, jėkujkyts[ė]n ja yėte'n, jėė'. Tėts[ė]n ja yyėk'a'ejxė, wėne'nėn ja tyėjk'ätt jajp. Jate'nėn ja tyėk'ėyėtė. Oy mėti tseents ja'aj ujk nayė wė'ijxėn ja'aj, yė pooptseen? Pooptseenxėte'n Ka'ap yė apä'äjttseen Yė'ėxėn jate'n tyuntėp, ka'ap yė apä'äjttseen. Ja'aj kux[ė] yė ka'aj yyeeky jatė'ne'n Jan'amypyx[ė] yė mėjpė yė jam ..., ku mėj muum [...] jėts ja jate'n tkėėtstė, jan'amypy. Jate'ntsėn yė jamėt tsen'u'nk tyun'ėėky. Ė[y]ts yė .... Ė[y]ts yė apä'äjttseen njaaktyimy'ukwa'aj..., yė tseen, njaaktyimy'ukpayė'yėn[t]. Wėnäkjėėjpėtėn yė yääj yyėk'ejxkapy? Tėx[ė] ja'aj ja tu'uk yyėkkäjpxpėtsimy ku kojpktseen, pooptseen, eej apä'äjtyseen, jėts jė ..., yė'ėyėtėn tseen'äjtp? Jaxė jyäwė nay[ė]te'n ja yuktseen ujk tsäjptstseen. Tiij ttejtė? Yuktseen, yuktseenėmts uu'nk. Ėxamts yė'ėmė, *puruu** ..., pė nayė jaj'ėė'yė'oo'kptsėn yė'ėj, ja'aj kun yė jyäwė ka'aj määj ė nnėjäwė. Ja'aj kun yė ka'aj muum y'ukmė yääj, pė sääj yė'ėmė? Yėte'nxė yė'ėj jė jya'amė, uu'p yė muumė kė'm, tyimy'uu'p yikxon, nėjtuky ntejn 'yuu'[p]mė. [...] Mujkp yėte'n muum ja uu'pyky jam kipykyėjxp. Ja'ats wyėkonmėtėp, tsenpoom ja ttejtė, tsenpoom. Tits ja tsenpoom wyä'äny? Wa'axė ja tyėkwä'änntė: ku jė tsiiy pyu'uy, tu'ujts pyu'uy, muum tėė jyujtnė jėts ja tta'atsayėtė. Ja'aj, ja wa'aj ..., ja mėtitėn wyėkontėp, ja tsenpoom. Ja'aj tya'a'o'ojtsėptėp määj tėė jyutnė ja tu'ujts. Yyėk'atujkypytsėtėn ja'aj. Tyimyjyate'n ja'ayė t'ats..., 'yatsyėkpakėny jėts nayjya'aj yyėkta'a..., yyėkta'ajiiny. Tuu'.... Jėė', ja'ayėxėn ja t'atspakontė. Jajpts wėnääkėn, pėntėn jawaanė nyėjäwėp, pėnė sun ja jyäwė kyaj'atuky kyajtä'tspiky jėts tyėk'ėėtstė. Tu'tspu'jotp ja tkukonėtė jėts ja 'yänpiky jėts ja yikxon nyė'ėė'tspiky. Jėts ja waanė xyeemy jėts ja tta'a'ootsėtė määtėn jyut'ė ja tu'ujts. Jate'n. Jate'nts[ė]n ja tyėktunkpäättė. Tunpxėn ja'aj. Jajpxėn ja tyunk nay[ė]te'n. Tunpxėn ja'aj. Jėts[ė]n ja 'yatuky ja tu'utsjut ja tu'tspu'uj jėts ja jate'n ttanėkonėtė. *Pėr** jatėn'amypy ja iiy tyuny, ntanėkoo'n[a'ėm]; *para** jėnjotp tsojk ja tyėnyäjxnėt ja'aj, pė jaty'ėxė jėėn ja myatsy'ė ku ja jyo'kxė. Nay[ė] tsen, tsen , tsenkipy'a'ėnxė Jėts jati'inyė wyė..., wyėjė'ėkyėjxnė. Jate'n ja jyaty. Ku nyėjkyom 'yuupy? Nyėjkyomxėn yė jyäwė nyėj'uu'ppajtmė, jėė'. Patyx[ė]n ja jate'n tyuny Komxėn yė 'yuupy, jėė'. Komxėtėn yė 'yuupy, jėė', jėė'. Patyx[ė]n ja jate'n ja twėkontė. Jate'nts[ė]n ja 'yijty tyėktuntė Tu'ujts ja tya'apojtsėtėp tu'ujts ja tya'a'o'ojtsėtėp. Awėėny pyu'uy, tsiiy nėkoo'n'ii'ny pyu'uy. Ja'ats[ė]n ja tya'apojtsėtėp. Jate'ntsėn ja tyėktuntė ja'apė. Jėtsėmts yė wa'aj .... Jats jyäwė may[ė]te'n ttejmėtė wätsyeen. Pu m'ejxkajpypy mejts ja'aj? Jate'nts jė tėė nmatėy muum txėmo'otė tseen. Pė mėti'ipėtsėn ja'aj? Nukėts jė njanėj'ijxy njaku'ijxy ja kipy tu'uk tu'uk. Ka'ats ėjts[ė]n ja n'ejxkapy pė mėti'itėn ja'aj? Ka'ats ja ėxaaj, jėė'. Yė wa'ats ja x..., yuktseenėnts uu'nk ja kyaxi'iky, yuktseenėn; *pėr** ka'ap ja yääj määj. [Ė]xem ėjts ja'apė nwėn'ijxy [ėx]xemtso'amypy Jėkykyupäjkpėt 'yetjotp, jam'amypy ja'apėjtseen. Janytsy jate'n ja txėmo'otė: wätsyeen; tyimy..., pė tyimytsyuu'kyxy jė 'yääy, yuu'nkkonė. Paty[ė]n ja jate'n ttejtėė? Wääyx[ė]n ja ntejn ja 'yääy, jate'nxėn ja'aj. Jate'n ja'a[pė]tsee[n]. Njėė', wätsyeen, jėė'. Tyimyjyate'n, tyimyjyayuu'nkkonė ja 'yääyu'nk, *pėr** jam'amypy ja'aj. Ka'ap ja yää'et 'yity. Mäts ėjts ja npätnėt? [...] Yääyėts ėj n'ejxwėtity. Ka'ap ja yääj määj, xa..., ka'ap ja yääj määj. *Ni** apä'äjt, nėmääj. Mäts ja npääjtėnt, jėė', jėė' Jėė'. Jate'n teety. Jate'nts uu'nk. Jate'nts yė ėxaaj. Ka'aj, tėts yė jyäwė [ė]xaaj nyėyjyaakjayėknėmatėy yė jėėn yė tėjk. Sutsėtėn yė tyuny? Tijaty ääy ujts jijaty kipy eej tunp? Ka'ap ja'apė määj yääj. Yė'ėtėn ėxaaj .... O[y]ts yė n'uk'atspoo'kxėm[t]. Mets ja mxėėw mnėkäjpxp ku ėxaaj tėė nmatyääjkyėm, tėė nkajpyxyėm tėė nmatyääjkyėm. Jate'nėnet yė tu'uk tu'ukėnet 'yatukt yė kajpyxy yė nmatyä'äky. Ku .... Tėxė yä'ät nyėyjyėpkixy. [Ė]xaaj yė jėėn tėjk tėė nnėmatyääjkyėm. [...] Jate'n uu'nk, njėjėj. Nyėjtyėtsėn yė 'yapėtsimy. Patyts yė myėtukpiky myėtukpat 'yuk..., 'yuk'atukt. Jate'n uu'nk. Mejtsts jė mxėėw mnėkäjpxp jėts ėjts nay[ė]te'n. Kutsėnet jatėkoojk eej nmatyääjkėm. Jatėkoojkėnet ja ääw ayuujk 'yawėtett. Na[y]ėte'ntsėnet ja nxėėw nnėkäjpxkojma'ėm. Jėtsėn yė tu'uk tu'uk yyėknėmatėy uk tu'uk tu'uk yyėknėjäwė pėnjaty jajp tėė kyajpyxy tėė myatyä'äky Nay[ė]te'n uu'nk, nay[ė]te'n kėjmyė. Ja'aj kux[ė] yė tu'ukjaty tu'ukjaty yyėkpėjkjė'ėkwä'äny jajp yė wa'aj ..., yė ääw ayuujk, jėė'. Mejts jė mxėėw m'uknėkäjpxp. *Dyoskujuyėp**, tėė nkajpyxyėm tėė nmatyääjkyėm. Tėė yäm ja m'ääw m'ayuujk xkėyaky. Tėts nay[ė]te'n ėėts yäm eej npatmatėy. Jate'n uu'nk. Jate'n uu'nk, jate'n uu'nk. Ka'ap uu'nk. Ka'ap ja .... Jate'n uu'nk. *Pės**, meets mėku'uktėjktė, jate'n ntejn [ė]xaaj yė ääw ayuujk nkėyaky, ėxaaj tėė nnėmatyä'äky ujk [ė]xats yėte'n *estee** yė matyä'äky tėė xmatowtė. *Pės** jate'ntėn yė ääy kipy tsyopääty. Jate'nts yė jėėn tėjkėtėn 'yėyė pyäätė. Ja majjää'tyėjk tėė 'yatsjujky'ättė. *Pė** mee nmėėpy *dyėskujuyėp**, pėnjaty määjaty tėė xmatowtė. Pėn ėxyääj käjpxp pėn ėxyääj matyäkp ujk tėė tnėmatyä'äky, *pės** ja'aj yė xyėėw yė *seńor** Gildardo Jiménez. *Dyėskujuyėp** teety. *Dyėskujuyėp** meets, tėė xmatowtė, säts ..., tėėj. *Dyėskujuyėp** mėku'uktėjktė, tėė nnėkajpyxy ja nxėėw. Gildardo Jiménez, ja'aj jė nxėėw. Paty yääj jate'n mee ntukmatėy *estee** jėts jate'n xjää'tyäntė ujk jate'nts xnėmato'otėt. *Dyėskujuyėp**. *Dyėskujuyėp* teety. Ėjts jė nxėėw, meets mėku'uktėjktė pėn yäm tėė kyäjpxtė tėė myatyä'äktė eem Victorino Vįsquez Martķnez.